Isindebele Sal Grade 12 P2 November 2024 NSC QP (isiNdebele)

Confidential NATIONAL SENIOR CERTIFICATE IGREYIDI 12 ISINDEBELE ILIMI LESIBILI LOKWENGEZA (SAL) IPHEPHA LESIBILI (P2) NOVEMBA 2024 IMITLOMELO: 40 ISIKHATHI: I-iri li-1½ Iphepha lemibuzweli linamakhasi asi-6. Ilungelo lokukhuphela lifunjethwe Phendla

IsiNdebele ILimi LesiBili LokweNgeza (SAL)/P2 2 DBE/Novemba 2024 NSC Confidential YELELA 1. Phendula YOKE imibuzo 2. Iphepheli LINESIGABA ESISODWA: ISIGABA A: Iindaba ezifitjhana. (40) 3. Landela imiyalo onikelwe yona ekuthomeni kwaleso naleso sigaba ngokuyelela okukhulu. 4. Nombora iimpendulo zakho ngendlela ezinonjorwe ngayo ephepheni lemibuzo. 5. Thalela emva kokuqeda umbuzo. 6. Isikhathi esiphakanyisweko sokuphendula umbuzo munye: Imibuzo EMIBILI enemitlomelo ema-20 umbuzo ngamunye. UMBUZO 1: Imizuzu ema-45 UMBUZO 2: Imizuzu ema-45 8. Tlola ngesandla esihle nesibonakalako. Ilungelo lokukhuphela lifunjethwe Phendla

IsiNdebele ILimi LesiBili LokweNgeza (SAL)/P2 3 DBE/Novemba 2024 NSC Confidential ISIGABA A: IINDABA EZIFITJHANI TJHEJA:  Isigabesi sinemibuzo EMIBILI, UMBUZO 1 noMBUZO 2.  Phendula IMIBUZO YOMIBILI. UZANGENZANI – DM Jiyana nabanye UMBUZO 1: 'UZANGENZANI' Fundisisa itheksthi engenzasi uyizwisise bese uphendula imibuzo elandelako. Nov ITHEKSTHI A 'Thula uthi du wena koke kuzokuba mnanana. Namhlanjesi ngigadange ngelinye inyawo, ngiphethe ovela eMalawi engiwuthethe egweregwereni langakhona. Uyawazi- ke amaBhulantana ababa athi tjho nasiza ngapho. Mlisele mina loyo uzokuthamba abe mtuputupu njengebhanana. Alo, uyiphethe iphasela leya?' 'Utjho yiphi mma?' 5 'Kanti wena wazi yiphi? …' 'Wo! Ngisiphethe. Ngingayitjhiya vele ngizele yona khulukhulu. Ilethe lapha ngiyibeke …' 'Asihlukane uyihlo angaze asole, uyambona nawe.' 'Kulungile mma nami angiyokuvasa amaleyiri. Ngiwathwele anjalo, Isibha sikhona mma …?' 10 Nangambala aphumele ngaphandle emgwengweni uNomoya athome ukuvasa. Uhlanza nje isalukazi esingunina silungisa okuya ngendeni. UNomoya uhlanza nje nangu uBathabile umntazanyana wangakwamakhelana udlala nomntwanakhe. Ngehliziyo athi umntwanakhe ufumene imbelesi namhlanjesi. [Ikhasi 6–7] 1.1 Tlola igama lomntwana wangakwamakhelana owadlala nomntwana kaNomoya. (1) 1.2 Rhunyeza izinto EZIMBILI ezenziwa nguNomoya nakafika kwabo ngemva kokulotjhisana nababelethi bakhe. (2) 1.3 Rhunyeza abonobangela abenza bona uyise kaNomoya asole ivakatjho lakaNomoya. Ipendulwakho ayibe maphuzu AMABILI. (2) 1.4 Hlathulula iqhinga elasetjenziswa yindoda kaNomoya uTjhejeni ukubalekela ukulwa noNomoya ngesikhathi abawa ukuya kwabo. (1) 1.5 Tlola iindlela ezingafaniko uNomoya aziphatha ngazo nakakwakhe nalokha nakasebantwini bangaphandle. (2) Ilungelo lokukhuphela lifunjethwe Phendla

IsiNdebele ILimi LesiBili LokweNgeza (SAL)/P2 4 DBE/Novemba 2024 NSC Confidential 1.6 Ingabe isenzo sakanina kaNomoya sokubawa uNomoya bona alethe isincwada sendodakwakhe sisitjelani ngesimilo sakhe? Ipendulwakho ayibe liphuzu ELILODWA. (2) 1.7 Hlathulula umhlobo werarano elitholakala hlangana noNomoya nendodakwakhe lokha nakabawa ukuya ekhabo. Ipendulwakho ayibe liphuzu ELILODWA. (2) 1.8 Khetha ipendulo enembako kilezi ezilandelako. Unina kaNomoya uvezwe njengomlingisi oyi … A mbangi. B kutani. C hlanganisa. D osipara. (1) 1.9 Hlathulula umqondo omunyethwe yikulumo kanina kaNomoya ethi, 'Mlisele mina loyo uzokuthamba abe mtuputupu njengebhanana.' (2) 1.10 Ucabanga bona umtloli wendatjana le bekanqophe ukuyifikisa kiliphi izinga lesakhiwana ngokwenza bona umntwana kaNomoya awele ngemanzini? (1) 1.11 Tshwaya ngokuphumelela komtloli ukunikela indatjana le isihloko esinembako. Ipendulwakho ayibe liphuzu ELILODWA. (2) 1.12 Coca ngesiphetho sendatjana le. Ipendulwakho ayibe liphuzu ELILODWA. (2) [20] Ilungelo lokukhuphela lifunjethwe Phendla

IsiNdebele ILimi LesiBili LokweNgeza (SAL)/P2 5 DBE/Novemba 2024 NSC Confidential UMBUZO 2: 'ISIKHUNDLA MADODA' Fundisisa itheksthi engenzasi uyizwisise bese uphendula imibuzo elandelako. ITHEKSTHI B Nawehla iimbundu yeentaba zeSitlhagwana, uza ngeStobere, uvama ukuphoseka kwaSkhosana nawumumuntu otjhejako. Umuzi kaSkhosana ubonakala msinya ngesimanga sokobana uhlala umhlophe twa ngomgwalo. Phela uSkhosana wabathethe ikutani yomfazi, uNaNtuli. Ihlabathi, ipembe nomthanyelo kwakukukudla kwakhe umntwakwaNtuli. Emgwalweni ubasithi: 'Yetjhe!' ubusika nehlobo. 5 Emthanyelweni athi 'Akwande!' Ubakhuthele loyomfazi … Kwathi kusesemalangana uSkhosana athomile ukuba sikhulu kwa-Old Mutual, kwafika incwadi evela ehlokokantoro eGoli, ihlathulula ngeenghonghoyilo zeensebenzi ezaziwa nguMotha noBotha, uSkhosana angakathomi. Incwadi leyo yayitjho bona kulungile iinsebenzi zizokungezelelelwa imali ngamaphesende amatjhumi amabili. Kwesibili ithi 10 kulungile esinye nesinye isisebenzi senarha (field officer) sizokuthengelwa ikoloyi yokobana sikghone ukusebenza. [Ikhasi 46–49] 2.1 Tlola bona umuzi wakwaSkhosana ukuyiphi indawo. (1) 2.2 Tlola izinto EZIMBILI ezisitjela bona uNaNtuli ukhuthele. (2) 2.3 Tlola ibizo lekhamphani evezwe etheksthini engehla lapha uSkhosana ebekasebenza khona. (1) 2.4 Rhunyeza iinghonghoyilo zeensebenzi zakwa-Old Mutual esele ziphenduliwe encwadini ebuya eGoli. Ipendulwakho ayibe maphuzu AMABILI. (2) 2.5 Hlathulula umehluko okhona phakathi komlingisi onguSkhosana noNaNtuli ehlangothini lomsebenzi owenziwa emakhaya. (2) 2.6 Hlathulula isizinda sesikhathi sendatjana le. Sekela ipendulwakho ngephuzu ELILODWA. (2) 2.7 Siyini isisusa serarano endatjaneni le? Sekela ipendulwakho ngephuzu ELILODWA. (2) 2.8 Khetha ipendulo enembako kilezi ezilandelako. Isehlakalo esisakhela isitlhori endatjaneni le kulokha … A kuhlongakala uMotha. B kuthengelwa kwakaSkhosana ikoloyi. C mithetho eyabekwa nguSkhosana egandelela iinsebenzi. D kulisa kwezinye zeensebenzi e-Old mutual. (2) Ilungelo lokukhuphela lifunjethwe Phendla

IsiNdebele ILimi LesiBili LokweNgeza (SAL)/P2 6 DBE/Novemba 2024 SC/NSC Confidential 2.9 Hlathulula umqondo omunyethwe yikulumo kaSibiya nakathi kuSkhosana, 'Namhlanje ungene ngeenredlweni zekhamphani.' (2) 2.10 Ngokubona kwakho, ucabanga bona isenzo sakaSkhosana sokwala bona iinsebenzi zikhutjhulelwe imali bezinikelwe neenkoyi siyakholweka nofana asikholweki? Sekela ipendulwakho ngephuzu ELILODWA. (2) 2.11 Tshwaya ngommongo wendatjana le. Ipendulwakho ayibe liphuzu ELILODWA. (2) [20] IMITLOMELO YESIGABA A: 40 INANI LOKE: 40 Ilungelo lokukhuphela lifunjethwe