Sepedi HL Grade 12 P3 NSC Supplementary 2015 Question Paper

Downloaded from hlayiso.com GRADE 12 NATIONAL SENIOR CERTIFICATE KREITI YA 12 SEPEDI LELEME LA GAE (HL) LEPHEPHE LA BORARO (P3) DIBOKWANE/HLAKOLA 2015 MEPUTSO: 100 NAKO: 2½ diiri Palomoka ya matlakala a dipotšišo ke 5. Tokelo ya ngwalollo e ileditṧwe Phetla

Downloaded from hlayiso.com Sepedi Leleme la Gae (HL)/P3 2 DBE/Dibokwane–Hlakola 2015 NSC DITAELO LE TSHEDIMOŠO 1. Lephephe le, le arotšwe ka DIKAROLO tše PEDI, e lego ya A le ya B. KAROLO YA A: Ditaodišo (50) KAROLO YA B: Ditšweletšwa tša tirišano 2 x 25 = (50) 2. Araba potšišo e TEE KAROLONG ya A le dipotšitšo tše PEDI KAROLONG ya B. 3. Šomiša polelo yeo o lekwago ka yona. 4. Thoma karolo ye NNGWE le ye NNGWE letlakaleng le LEFSA. 5. • Potšišo ye NNGWE le ye NNGWE e be le peakanyo ya yona. • Peakanyo e be ka tsela ya mmepe wa monagano. • Go be le nyalelano gare ga diteng le peakanyo. • Ela hloko polelo, mongwalelo le go hlokola. • Sebopego se bohlokwa sengwalweng sa gago. • Peakanyo e tšwelele pele ga taodišo. 6. Peakanyo e swanetše go bonala gabotse gore ke peakanyo. Keletšo ke gore go thalwe mothaladi go putlaganya le peakanyo ya gago. 7. Šomiša metsotso ye e ka bago ye 80 go KAROLO YA A, ye 70 go KAROLO YA B. 8. Dikarabo di nomorwe go ya le ka fao dipotšišo di nomorilwego ka gona. 9. Thaetlele/Hlogo e se ke ya balwa ge go balwa palo ya mantšu. 10. Ngwala ka bothakga le ka mongwalo wa go balega. Tokelo ya ngwalollo e ileditṧwe Phetla

Downloaded from hlayiso.com Sepedi Leleme la Gae (HL)/P3 3 DBE/Dibokwane–Hlakola 2015 NSC KAROLO YA A: DITAODIŠO POTŠIŠO YA 1 Kgetha e TEE ya dihlogo tše di latelago gomme o ngwale taodišo ya botelele bja mantšu a go se fete a 450 (diteng fela). Taodišo e rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, go rulaganya gammogo le sebopego. 1.1 Batho ba, ba kgathile tema ye bohlokwa setšhabeng. Tia di lle. [50] 1.2 Le ge seemo se be se le bjalo ... [50] 1.3 Bohlokwa bja go tšea diphetho tše di nepagetšego. [50] 1.4 Ra tla ra ipshina ka mokete wa taelano ya barutwana ba mphato wa lesomepedi. Phurolla sa mafahleng a gago. [50] 1.5 Basadi le bana gantši ba tlaišwa ke batho bao ba ba tsebago. Tia di lle. [50] 1.6 Tokologo ka Afrika-Borwa e tlišitše dikenywa tše di botse. [50] 1.7 Kgetha se TEE sa diswantšho tše di latelago gomme o fe dikgopolo tša go amana le sona. 1.7.1 [Inthanete: www.google.com] [50] Tokelo ya ngwalollo e ileditṧwe Phetla

Downloaded from hlayiso.com Sepedi Leleme la Gae (HL)/P3 4 DBE/Dibokwane–Hlakola 2015 NSC 1.7.2 [Inthanete: www.google.com] [50] PALOMOKA YA KAROLO YA A: 50 Tokelo ya ngwalollo e ileditṧwe Phetla

Downloaded from hlayiso.com Sepedi Leleme la Gae (HL)/P3 5 DBE/Dibokwane–Hlakola 2015 NSC KAROLO YA B: DITŠWELETŠWA TŠA TIRIŠANO POTŠIŠO YA 2 Araba dipotšišo tše PEDI go tše tshela tše di latelago. Botelele bja karabo ya gago e be mantšu a go se fete a 200 (diteng fela). Setšweletšwa se rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, go rulaganya gammogo le sebopego. 2.1 Go na le barutwana ba bangwe ka phapošing ya gago ya borutelo bao ba sa bonego gabotse ge ba bala le go bogela. Ngwalela hlogo ya sekolo lengwalo leo o kgopelago thušo ya gagwe mabapi le bothata bjo. [25] 2.2 Phuti le Lerato ba boledišana ka moo mmušo o thušago barutwana ka dijo dikolong ka gona. Re alele poledišano ya bona. [25] 2.3 Rakgadi wa gago o ithobaletše boroko bjo bogolo. Ngwala tša bophelo bja mohu yo. [25] 2.4 Khampani ya Eskom e nyaka go go fa thušo ya mašeleng a go tšwetša pele dithuto yunibesithing. Ngwala potšišotherišano yeo o bego o e tsenetše le ba lekgotlataolo la khampani ye. [25] 2.5 Bafsa ba Afrika-Borwa ba lebane le bothata bja go šomiša diokobatši le dinotagi. Ngwalela kgatišobaka ya Tebogišo taodišwana (athikele) yeo o eletšago bafsa mabapi le ditlamorago tša tšhomišompe ya diokobatši le dinotagi. [25] 2.6 Lekgotla la go emela barutwana sekolong sa geno le be le swere kopano moo go bego go boledišanwa ka go se iponagatše sekolong ga barutwana ka bontši. Ngwala lenaneothero le metsotso ya kopano yeo. [25] PALOMOKA YA KAROLO YA B: 50 PALOMOKA YA TLHAHLOBO: 100 Tokelo ya ngwalollo e ileditṧwe