Sesotho FAL Grade 12 P3 NSC November 2025 Question Paper

Confidential NATIONAL SENIOR CERTIFICATE KEREITE YA 12 SESOTHO PUO YA TLATSETSO YA PELE (FAL) PAMPIRI YA BORARO (P3) PUDUNGWANA 2025 MATSHWAO: 100 NAKO: Dihora tse 2½ Pampiri ena e na le maqephe a 6. Difuperweng tsa pampiri ena di se sebediswe ntle ho tumello Phetla

Sesotho Puo ya Tlatsetso ya Pele (FAL)/P3 2 DBE/Pudungwana 2025 NSC Confidential DITAELO LE TLHAHISOLESEDING HO MOHLAHLOBUWA 1. Pampiri ena e arotswe DIKAROLO tse THARO, e leng: KAROLO YA A: Moqoqo (50) KAROLO YA B: Ditema tsa kgokahano tse telele (30) KAROLO YA C: Ditema tsa kgokahano tse kgutshwane (20) 2. Araba potso E LE NNGWE KAROLONG E NNGWE le E NNGWE. 3. Araba dipotso tsohle ka Sesotho. 4 Qala karolo E NNGWE le E NNGWE leqepheng le LETJHA. 5. Karolong e nngwe le e nngwe o tlameha ho etsa moralo wa ho ngola (ka ho iketsetsa mmapa wa monahano, daekramo, tjhate, lenane la dintlha tseo o tla ngola ka tsona). Boela o lekole botjha mosebetsi wa hao, ho o lokisa diphoso. Moralo wa hao o hlahe PELE ho tema e nngwe le e nngwe. 6. Mekgwaritso yohle e totobatswe hantle hore ke mekgwaritso ka ho habahanya/seha mola ho tloha hodimo ho ya tlase, NTLE LE nehelano e tlo tshwauwa. 7. O eletswa ho sebedisa nako ya hao tjena: KAROLO YA A: Metsotso e 80 KAROLO YA B: Metsotso e 40 KAROLO YA C: Metsotso e 30 8. Nomora dikarabo tsa hao feela jwalo kaha dipotso di nomorilwe pampiring ya dipotso. 9. Ngola sehlooho se loketseng potso eo o e kgethileng. 10. Sehlooho se se ke sa balellwa ha ho balwa palo ya mantswe. 11. Ngola ka mongolo o makgethe, o balehang. Difuperweng tsa pampiri ena di se sebediswe ntle ho tumello Phetla

Sesotho Puo ya Tlatsetso ya Pele (FAL)/P3 3 DBE/Pudungwana 2025 NSC Confidential KAROLO YA A: MOQOQO 2025 POTSO YA 1 Kgetha sehlooho SE LE SENG mme o ngole moqoqo wa bolelele ba mantswe a 250 ho isa ho a 300. Ha o kgethile ho ngola ka setshwantsho, o nehe moqoqo wa hao sehlooho. Hopola ho etsa moralo mme o be o boele o lekole moqoqo wa hao botjha ho lokisa diphoso. 1.1 Letsatsi le fetotseng tsohle bophelong ba ka. [50] 1.2 Tlhompho e bula mamati a kwetsweng bophelong. [50] 1.3 Ha nka fuwa monyetla, nka ... [50] 1.4 Na dibuka di ntse di le bohlokwa nakong ee ya disebediswa tsa dijithale? [50] 1.5 Botle le bobe ba ho kena sekolo ka marangrang/inthanete. [50] Ditshwantsho tse latelang di qholotsa mehopolo e itseng maikutlong a hao. Kgetha se le seng, o ntano ngola moqoqo ka mohopolo wa sehlooho o qholotswang ke setshwantsho. Ngola nomoro ya potso eo o e kgethang (1.6, 1.7 KAPA 1.8) mme o iqapele sehlooho sa hao. ELA TLHOKO: Ho tlamehile ho ba le kgokahano dipakeng tsa moqoqo wa hao le setshwantsho seo o se kgethileng. 1.6 [Se nkuwe le ho lokiswa ho tswa ho www.black and white pictures] [50] Difuperweng tsa pampiri ena di se sebediswe ntle ho tumello Phetla

Sesotho Puo ya Tlatsetso ya Pele (FAL)/P3 4 DBE/Pudungwana 2025 NSC Confidential 1.7 [Se nkuwe le ho lokiswa ho tswa ho www.pinterest.com] [50] 1.8 [Se nkuwe le ho lokiswa ho tswa ho www.pinterest.com] [50] MATSHWAO OHLE A KAROLO YA A: 50 Difuperweng tsa pampiri ena di se sebediswe ntle ho tumello Phetla

Sesotho Puo ya Tlatsetso ya Pele (FAL)/P3 5 DBE/Pudungwana 2025 NSC Confidential KAROLO YA B: DITEMA TSA KGOKAHANO TSE TELELE POTSO YA 2 Kgetha mme o ngole tema E LE NNGWE ya bolelele ba mantswe a 120 ho isa ho a 150. Hopola ho etsa moralo mme o be o boele o lekole tema ya hao botjha ho lokisa diphoso. 2.1 LENGOLO LA SEMMUSO Nako ya ditlhahlobo tsa makgaolakgang e se e le haufi, mme le hloka ho sebetsa mmoho le le baithuti ba Kereite ya 12. Ngola lengolo leo ka lona o kopang mosuwehlooho ho le dumella ho sebedisa holo ya sekolo bakeng sa boitokisetso boo. [30] 2.2 ATIKELE E YANG MAKASINENG O mokwetlisi wa papadi ya tenese sekolong sa heno. O utlwetse hore ho na le dibapadi tse ding tse sebedisang sethethefatsi se kotsi haholo nakong ya boikwetliso. Ngola atikele e yang makasineng eo ka yona o lemosang setjhaba ka sethethefatsi seo le kotsi ya sona. [30] 2.3 TSA BOPHELO BA MOFU Rangwane wa hao o hlokahetse mme o kopilwe ke ba leloko ho ngola tsa bophelo ba hae. Ngola tsa bophelo ba mofu. [30] 2.4 IMEILI Sehlopha sa sekolo sa heno sa tenese se lokela ho ya ditlhodisanong mme le hloka tshehetso ya ditjhelete ho lefella ditlhoko tsa leeto leo. Ngolla rakgwebo ya tummeng motseng wa heno imeili eo ka yona o kopang tshehetso ya ditjhelete. [30] MATSHWAO OHLE A KAROLO YA B: 30 Difuperweng tsa pampiri ena di se sebediswe ntle ho tumello Phetla

Sesotho Puo ya Tlatsetso ya Pele (FAL)/P3 6 DBE/Pudungwana 2025 NSC Confidential KAROLO YA C: DITEMA TSA KGOKAHANO TSE KGUTSHWANE POTSO YA 3 Kgetha mme o ngole tema E LE NNGWE ya bolelele ba mantswe a 80 ho isa ho a 100. Hopola ho etsa moralo mme o be o boele o lekole tema ya hao botjha ho hlaola diphoso. 3.1 PAPATSO Moahisane wa hao o sa tswa bula lebenkele le letjha le rekisang dijo tsa setso mme o o kopile ho le bapatsa. Ngola/etsa papatso eo ka yona o tsebahatsang lebenkele leo. [20] 3.2 MOLAETSA WA SMS Motswala wa hao o tlameha ho ya mose ho mawatle ho ya ntshetsa dithuto tsa hae pele empa o tletse letswalo le dipelaelo. Mo ngolle molaetsa wa SMS o mo kgothatse. [20] 3.3 DITAELO Motswalle wa hao wa hlooho ya kgomo o ngola ditlhahlobo tsa makgaolakgang haufinyane mme o o kopile dikeletso tsa kamoo a ka itokisang kateng hore a tle a ipabole. Mo fe ditaelo tsa tseo a lokelang ho di latela nakong eo ya boitokiso ba hae. [20] MATSHWAO OHLE A KAROLO YA C: 20 MATSHWAO OHLE A PAMPIRI ENA: 100 Difuperweng tsa pampiri ena di se sebediswe ntle ho tumello