Isixhosa FAL Grade 12 IEB Paper 1 2018 Question Paper

Downloaded from hlayiso.com NATIONAL SENIOR CERTIFICATE EXAMINATION NOVEMBER 2018 ISIXHOSA ULWIMI LOKUQALA OLONGEZELELWEYO: IPHEPHA I ISIXHOSA FIRST ADDITIONAL LANGUAGE: PAPER I Ixesha: 2½ Iiyure Amanqaku: 100 QAPHELA 1. Eli phepha linamaphepha ali-19. 2. Phendula yonke imibuzo esephepheni. 3. Funda ngenyameko, uphendule imibuzo ngokwemiyalelo yayo. 4. Imibuzo yonke mayiphendulwe ngesiXhosa. 5. Umthamo wempendulo mawukhokelwe ngamanqaku. 6. Pela amagama kakuhle, wenze imihlathi ngokufanelekileyo. 7. KwiCandelo C unyanzelekile ukuba uwuphendule umbuzo 3.1, umbongo ongamiselwanga. 8. Bhala cocekileyo. IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 2 emaphepheni ali-19 OLONGEZELELWEYO: IPHEPHA I ICANDELO A UMBUZO 1 1.1 Funda ezi zicatshulwa zilandelayo ngenyameko uze uphendule imibuzo engezantsi kwazo. PHILA UBOMI OBUNGENASO ISTRESI [Le mifanekiso ithathwe kwincwadi: Focus: Life Orientation – Grade 12] 1. I-angerstress.com ithi baninzi kakhulu abantu abaphila nestresi ehlabathini. Ukuba umntu akasilawuli istresi ubeka impilo yakhe engozini. Istresi senza umntu athande ukusoloko ehleli yedwa elilolo, angakwazi ukulala ebusuku (insomnia) futhi uye atyebe kakhulu. Uphando lubonisa ukuba istresi sibangela izifo ezinganyangekiyo. Ezi zizifo ezifana nesifo sentliziyo, kunye noxinzelelo lwegazi (high blood pressure). UBridget Edwards uthi istresi simenza umntu angakwazi ukucinga ngekamva lakhe, sibangela ukuba umntu angabi nabo abahlobo kwaye singambulala umntu. 2. Indlela yokuphelisa istresi kukudibana nabanye abantu. Umzekelo, umntu angaya ecaweni okanye achithe ixesha ngokuzonwabisa nabahlobo bakhe. Xa umntu ephakathi kwabanye abantu, uphazamisa ingqondo angacingi ngeengxaki zakhe. Abahlobo bancokola iindaba zolonwabo kuhlekwe intsini ngalo lonke ixesha. Kukho intetho ethi ukuhleka lelona yeza lingcono/libhetele ebomini bomntu. IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 3 emaphepheni ali-19 OLONGEZELELWEYO: IPHEPHA I 3. Ukufunda incwadi nako kungamnceda umntu onestresi. Ukufunda kuyamthatha umntu kumbeke kwelinye ilizwe. Umzekelo, xa umntu efunda incwadi emalunga nokudada, oko kwenza ingqondo yakhe icinge ngokudada. Xa umntu efunda incwadi ethetha ngeentaba, amahlathi nemilambo, ingqondo iye icinge ngezi zinto kuthethwa ngazo. Ezinye iincwadi zithetha ngabantu abaye bacebise ngeendlela zokulwa neengxaki zobomi. Umntu xa ediniwe okanye enesithukuthezi makafunde incwadi. 4. Kufuneka umntu andwendwele iindawo ezinomtsalane. Ukuya eholideyini kungayindlela elungileyo. Akukho mfuneko yokuba iholideyi ibe duru. Umntu angaya nje ezindaweni ezintle okanye akhempishe. Kuyafuneka ukuba umntu akhe aye ezivenkileni abuke iimpahla. Nokuba umntu akanayo imali yokuthenga, into efunekayo kukuba abethwe ngumoya. Ukuya kubukela iimuvi/imiboniso bhanya-bhanya nako kubalulekile. Akufuneki ukuba umntu azivalele endlwini acinge ngezinto ezimhluphayo ebomini. 5. Ukuzilolonga kwehlisa istresi. Akufuneki ukuzilolonga kube duru okanye kube sejimini. Ukubaleka, ukuhamba-hamba neyoga zezinye zezinto ezithobisa istresi. Ezi zinto umntu angazenza engakhange akhuphe mali ininzi. Bantu bakuthi masenze ukuzilolonga kube yinxalenye yobomi bethu. 6. Ezinye izinto umntu angazenza kukukhalarisha, ukuzoba nokubhala ijenali okanye ukwenza igadi. 7. Abantu bacaphuka msinya xa bengalali okanye bengatyi ngendlela. Iinkqubo zeTV ezilandelelanayo zimenza umntu angaphumli abe nestresi. Abantu abaninzi abalali ngokwaneleyo kuba babukela iTV kude kube sebusuku kakhulu. Bayazibuza ukuba kutheni bevuka benomsindo. Lala iiyure ezisixhenxe ukuze ube nengqondo ephilileyo kwaye ungabinaso istresi. [Eli nqaku lithathwe <www.bona.co.za>] Iglosari: -dada -qubha -ngcono -bhetele isithukuthezi ukuziva uwedwa umtsalane -nika umdla -thobisa -hlisa ukucaphuka ukuba nomsindo 1.1.1 Kumhlathi woku-1: (a) Xela into enokwenzeka ukuba umntu akakwazi ukusilawula istresi. (1) (b) Nika izinto zibe mbini ezithanda ukwenziwa ngumntu onestresi. (2) (c) UBridget uthi isitresi simenza ntoni umntu? Nika impendulo ibe nye. (1) 1.1.2 Kumhlathi wesi-2. Chaza ukuba umntu angenza ntoni ukuphelisa istresi. (1) IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 4 emaphepheni ali-19 OLONGEZELELWEYO: IPHEPHA I 1.1.3 Kumhlathi wesi-3. Ukufunda kungamnceda njani umntu onestresi? (1) 1.1.4 Kumhlathi wesi-4. (a) Umbhali uthi ukuya eholideyini akunyanzelekanga ukuba kube duru. Bhala phantsi into ibe NYE enokwenziwa ngumntu engekho duru/engabizi mali eninzi. (1) (b) Nika isichasi seli gama: Duru (1) 1.1.5 Kumhlathi wesi-7. Nika izizathu ezibini ezibangela ukuba abantu bacaphuke msinya. (2) [10] IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 5 emaphepheni ali-19 OLONGEZELELWEYO: IPHEPHA I 1.2 Funda le ncoko yaba bafundi, ukugqiba kwakho uphendule imibuzo. UKULUNGISELELA IKAMVA [Le mifanekiso ithathwe kwincwadi: Focus: Life Orientation – Grade 12] LONA: Abazali bam bathi ukuba ndifuna ukuba nekamva eliqaqambileyo kufuneka ndizimisele ezincwadini zam. SOSO: Ndiyazi ukuba kunzima ukufumana imali eninzi xa uyimvumi, kodwa umculo ndawuthanda ndisemncinci. SAM: Mna ndithanda indalo, ndifuna ukwenza izifundo ngendalo. LONA: Ndisebenza nzima ukuze ndipase kakuhle kwiMatriki kuba ndifuna ukufundela ukuba ligqwetha eyunivesithi. SOSO: Mna ndiza kwenza isound engineering. Ndiza kufunda e-UNISA ukuze ndifumane imisebenzi ndisebenze ndikwazi ukuncedisa ekhaya ngemali. IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 6 emaphepheni ali-19 OLONGEZELELWEYO: IPHEPHA I SAM: Mna ndiza kwenza iDiploma yeminyaka emithathu kwizifundo zokulondoloza indalo. Ndinqwenela ukufunda apho ndiza kufumana ithuba lomsebenzi ukuze ndibe namava kumsebenzi endiwufundelayo. LONA: Ndiza kufunda ndihlala ekhaya. Ndiyathemba ukuba ndakufumana ibhasari eza kundibhatalela eyunivesithi. SOSO: Mna kuza kufuneka ndithathe i-study loan ukuze ndihlawulele izifundo zam. SAM: Ndiza kwenza uphando ngenkxaso-mali (scholarship) endinokuyifumana ukuze nam ndikwazi ukuhlawulela izifundo zam. [Sithathwe kwincwadi yeLife Orientation, Grade 11 saze sahlelwa ngabakwa-IEB] 1.2.1 Abazali bakaLona bamnqwenelela ikamva elinjani uLona? (1) 1.2.2 USoso uthi wawuthanda esengakanani umculo? (1) 1.2.3 USam ufuna ukufundela ntoni? (1) 1.2.4 USoso uthi uza kuncedisa njani kwikhaya lakhe? (1) 1.2.5 Nika isizathu esibangela ukuba uSam arhalele/anqwenele ukufunda apho aza kufumana ithuba lomsebenzi. (2) 1.2.6 Chaza ukuba uSoso ufuna ukwenza ntoni, kwaye uza kufunda phi. (2) 1.2.7 USoso uthi uza kuzihlawulela njani izifundo zakhe? (1) 1.2.8 USam yena uza kwenza ntoni ukuze afumane imali yokuhlawulela/ yokubhatalela ezakhe izifundo? (1) [10] IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 7 emaphepheni ali-19 OLONGEZELELWEYO: IPHEPHA I 1.3 Funda esi sicatshulwa uze uphendule imibuzo. KUNZIMA EKAPA AMANZI ANQABILE!! [Umfanekiso ngabakwa Aniwa Essop/AP] Ingxaki yamanzi eKapa ibeka ubomi babahlali kwingozi yokuhlaselwa zizifo!! 1. Iya ibambi imeko yokuphila kubantu baseKapa ngenxa yokunqaba kwamanzi. Amadami ome nko, iitephu nazo aziphumi manzi. Oku kunqaba kwamanzi yinto engazange icingwe ukuba ingaze yenzeke kwisixeko saseKapa. Kucingwa ukuba umhla we-9 kuJulayi iya kuba yimini apho kungazi kubakho manzi kwiindawo zonke. Kukho amafama anikela ngamanzi kwiindawo zokukhenketha. Le dolophu yaseKapa inomtsalane kubakhenkethi abaqikelelwa kwi-2 million ezimbini ngonyaka. 2. UMeya wesixeko saseKapa, uPatricia de Lille, uxelele abahlali baseKapa noosomashishini ukuba amanzi aza kufumaneka ngamaxesha athile. Abahlali bayakhalaza kuba kulindeleke ukuba bawabhatalele amanzi kodwa bawafumana ngamaxesha athile kuphela. Enye into ekhalazelwa ngabahlali kukubhatala imali eninzi kodwa bafumana amanzi amancinci. Into ekhathaza abahlali kukuba ngoku kufuneka bangazinkcenkcesheli iigadi zabo. Umntu okhe wabonwa enkcenkceshela uza kumangalelwa nguMasipala aze ahlawuliswe/abhataliswe imali eninzi. 3. Into ekhokelele ekubeni avalwe amanzi yimbalela, imvula ayini/ayinethi. Imizi-mveliso nayo inegalelo ekungcolisweni kwemilambo kuba zininzi izinto ezimdaka ezilahlwa emilanjeni xa kusetyenzwayo. Apha sithetha nge-oli neetyuwa ezithile eziphumayo xa kusenziwa izinto ezithile. UPatricia de Lille uthe abantu baza kufumana amanzi aziilitha ezingama-50 ngosuku. Abantu baseKapa baye bakhalaza besithi, "Siza kuphila njani ngamanzi amancinci kangaka!" Abanye bathe, "Lityala likarhulumente eli kuba khange awalungiselele amaxesha embalela". Kukho nabanye abathe, "Ngabahlali basezilokishini abamosha amanzi kuba abawabhataleli". IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 8 emaphepheni ali-19 OLONGEZELELWEYO: IPHEPHA I 4. Umbuzo wam ngulo, "Njengokuba amanzi esetyenziswa ekuseleni, ekuphekeni nasekucoceni iindawo esihlala kuzo, abantu baseKapa baza kuphila ubomi obunjani? Andithi siyalima ukuze sitye, ngaphandle kwamanzi ezo zilimo soze ziphile. Kukho abantu abanamashishini okuhlamba iimoto, la mashishini aza kusebenza kanjani ngoku? Omnye usomashishini uthe kuye kwafuneka ukuba ayekise abanye abasebenzi, kuba ngoku ishishini lakhe alihambi kakuhle. [Sithathwe kwiDaily Maverick,18 January 2018, saze salungiselelwa isiXhosa FAL ngabakwa-IEB] Iglosari: -ome nko akanawo amanzi aphelile abaqikelelwa abanokuba kwi- 1.3.1 Funda umhlathi woku-1. (a) Nika isizathu esibangela ukuba imeko yokuphila yabantu baseKapa ibe mbi. (1) (b) Nika umhla nenyanga apho kuthiwe zonke iindawo azisayi kufumana manzi. (1) 1.3.2 Funda umhlathi wesi-2. (a) Nika igama leMeya yaseKapa. (1) (b) UMeya ubaxelele ntoni abahlali noosomashishini? (1) (c) Bhala izinto zibe mbini ezikhalazelwa ngabantu baseKapa. (2) 1.3.3 Funda umhlathi wesi-3. Kutheni amanzi evalwa kwesi sixeko/eKapa? (1) 1.3.4 Funda umhlathi wesi-4. (a) Aluncedo njani amanzi ebantwini? Nika izinto zibe mbini kuphela. (2) (b) Omnye usomashishini ubayekisile abanye abasebenzi bakhe kuba: Khetha impendulo kwezi: (i) ube nomsindo kakhulu. (ii) bayawamosha amanzi. (iii) ishishini lakhe aliqhubi kakuhle. (1) [10] 30 amanqaku IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 9 emaphepheni ali-19 OLONGEZELELWEYO: IPHEPHA I ICANDELO B UMBUZO 2 USHWANKATHELO/ISISHWANKATHELO Funda esi sicatshulwa singezantsi uze usishwankathele ngawakho amazwi. Bhala amagama angama-60 ukuya kumagama angama-70. QAPHELA: • Ungabhala izivakalisi ezintlanu ezinomthamo; OKANYE • Umhlathana; OKANYE • Incoko Xa ushwankathela yenza oku: • Fundisisa isicatshulwa ude usiqonde ukuba sithetha ngantoni. • Sebenzisa amazwi akho kangangoko unakho. • Musa ukujikeleza/ukushwaqa, hlala emxholweni ungalibali luphinda-phindo olungenamsebenzi. • Ubuchule kukuba uqale usibhale ecaleni phambi kokuba ubhale owona msebenzi uqonda ukuba ufezekile. • Nceda ulibhale phantsi inani lamagama owasebenzisileyo wakuba ugqibile ukubhala ushwankathelo. UBRENDA NGXOLI Zininzi izinto ezenzeka kubomi buka Brenda. UBrenda uhlaziyeke ngokutsha, unowona mzimba mhle kunye nenkqubo entsha kwiTV eza kwaziswa kule nyanga. ULinga Mali uncokola naye. Umfoti ngu- Andile Mthembu. Emva kokuba igama likaBrenda lithe laphakathi kwabantu abaza kufumana iMbasa ze-Emmy uye walishiya elaseRhawutini. UBrenda unesakhono esigqwesileyo sokulinganisa. Uye wagoduka waya kowabo eTsomo, wenza umsebenzi okhoyo ngelo xesha. Waba kwintengiso yeKFC. Ngoku ukumdlalo omtsha ku-e.tv obizwa iHustle. UBrenda ngumntu othobekileyo kodwa uyazazi ukuba ungubani. UBrenda akafane athathe okanye enze isigqibo engacinganga kakuhle. Mamela nali ibali lakhe ethetha noLinga Mali: Wagqibela ngo-2010 ukuba kule magazini, ukhule kangakanani ukusuka apho? Ngelo xesha ndandisasaza eReal Gobhoza (RGB) ku-SABC 1. Le nkqubo yandinika umngeni wokuba ndizazi ukuba ndingubani. Ubomi bam baye bajika kuba kwakufuneka ndibe ngumlinganisi ndiphinde ndibe nguBrenda Bongiwe Ngxoli. Ndichithe ixesha ndizama ukuphila ubomi obungebubo obam. Abantu ke bayandibuza ukuba ndizibona ndiphi kwiminyaka emihlanu. Ndiye ndithi, "ndizibona ndinoxolo ngaphakathi", kodwa ibingamagama nje lawo kuba akukho nto ebendiyenza ukufumana olo xolo. Kutshintshile kodwa ke ngoku oko. IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 10 emaphepheni ali-19 OLONGEZELELWEYO: IPHEPHA I Ubusasaza ngobomi babantu abangoosaziwayo/abadumileyo kodwa ungavumelananga nabo? Ukuqala kwam kule nkqubo yeRGB ndandicinga ukuba ndiza kuthetha ngezinto ezintle, ndithethe ngemisebenzi eyenziwa ngoosaziwayo. Ndandingazi kuthetha ngeempahla abazinxibayo, ngeenwele nezihlangu kwi-red carpet. Laphela ixesha lam kuba kusithiwa andiyilungelanga iRGB. Loo nto zange indikhathaze; le nkqubo ndayithanda kuba yaveza eyona nto ndiyiyo. Kwakunzima ekuqaleni ukuyamkela le nto kuba ndandifuna indlela yokusasaza kwi-TV. Amaphephandaba ayesithi ndisithetha kakubi isilungu ngathi ndithengisa iitapile esitratweni. Yayivakala njengesithuko le ntetho kum. Enyanisweni ndikhulele eMuizenberg ndithetha isilungu ngalo lonke ixesha, ndiye ndathetha isiXhosa kakhulu kuba lulwimi lwam lwasekhaya. Andikukhathalelanga ukuba ngusaziwayo/umntu odumileyo, kodwa oku kungumngeni kum. Yintoni oyaziyo ngoku nonqwenela ukuba ube wawuyazile kwiminyaka emihlanu edlulileyo? Intetho endiyithandayo ithi zingce, zithande kwaye ungoyiki. Ndifunde ukuba ukuzithanda, uThixo kunye nezinyanya kubalulekile kakhulu emhlabeni. Kuko izinto endingaphila ngaphandle kwazo, kodwa andinako ukuphila ngaphandle kwamazwi abantu abadala baselalini kuba ayandiphilisa. Ndibulela kakhulu ngothando nangamathuba endiwafumeneyo ebomini bam. Ungumntu ozimiseleyo ebomini, wenza ntoni ukuzonwabisa? Ndithanda ukukhwela ibhayisekile, ukubaleka nokufunda iincwadi. Ngoku ndilapha ekhaya eTsomo ndifunda lukhulu ngemfuyo, ngamasiko am nokuba ngumXhosa. [Sithathwe kwiMagazini iBona, Septemba 2015, saze salungiselelwa isiXhosa FAL ngabakwa-IEB] 10 amanqaku IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 11 emaphepheni ali-19 OLONGEZELELWEYO: IPHEPHA I ICANDELO C UMBUZO 3 Phendula yonke imibuzo ekweli candela. 3.1 UMBONGO ONGAMISELWANGA Unyanzelekile ukuba uwuphendule lo mbuzo: Funda lo mbongo ungezantsi uze uphendule imibuzo elandelayo. UKUBALULEKA KONXIBELELWANO 1. Ngubani na ongafuni ukubaluleka? Ngubani na ongafuni ukukhunjulwa? Ngubani na ongafuni ukusebenzisa unxibelelwano? Sisidenge sodwa eso. 2. Abanye bayandicaphukela bathi ndibabizela ootsotsi, Abanye bayandithanda bathi nditshintshe ubomi babo, Abanye bayandirhalela kodwa ingxaki yimali, Wena selula ufanelwe luzuko. 3. Namhlanje sithetha ngoo"Facebook", Namhlanje sithetha ngoo"Twitter", Namhlanje sithetha ngee"i-meyile", Ngenxa yempucuko eyeza netekhnoloji. [M. Mdliva] 3.1.1 Kwisitanza soku-1. (a) Nika izixhobo zokubonga ezisetyenziswe yimbongi zibe zibini. (2) (b) Imbongi ithi ngumntu onjani ongafuni ukusebenzisa unxibelelwano? (1) 3.1.2 Kwisitanza sesi-2. (a) Nika isizathu esibangela ukuba abanye abantu balucaphukele/ bangaluthandi unxibelelwano. (1) (b) Nika isizathu esibangela ukuba abanye abantu bayithande iselfown (cellphone). (1) (c) Imbongi ithi iselfown ifanelwe yintoni? (1) 3.1.3 Kwisitanza sesi-3. (a) Xela izinto zibe mbini ekuthethwa ngazo. (2) (b) Imbongi ithi le mpucuko yeza nantoni? (1) 3.1.4 Imbongi ithetha ngonxibelelwano ngokungathi ithetha ngomntu. Isebenzise esiphi isixhobo sokubonga? Sisifaniso okanye isimntwiso? Khetha! (1) [10] IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 12 emaphepheni ali-19 OLONGEZELELWEYO: IPHEPHA I IMIBONGO EMISELWEYO 3.2 Funda lo mbongo ungezantsi uze uphendule imibuzo elandelayo: PHANTSI KWENTAB' ETAFILE ngu-A. B. STUURMAN no-F. P. MAGQASHELA UMFUNDI 1. Nanzo iintsimbi zikhala Nanzo zikhenkceza zimema Nanzo zibiza zikhwaza Baleka mfundi washiywa. 2. Wehla wenyuka zindulana Wabil' umaphikana udiniwe Wawa wavuka waphathelela Baleka mfundi kuza kulunga. 3. Umgodlwan' emhlana ubheke phambili Ungabuyi ngamva ukuz' uqaqambe Yamkela nalo ukhanyiso lwengqondo Thabatha nalo ilifa ulinikwa. 4. Baleka mfundi washiywa lixesha Ngxama mfundi ungaphoswa lithuba Qiqa uqaphele okuvayo nokuxelelwayo Gqala izifundo uzinonophele. 5. Isizwe simile silindile Isizwe sijamile sifuna wena Isizwe silinde wena mrholi Sirhole uye naso ezinkwenkwezini. 6. Xa izandla zihlambana Zicoceka zozibini Xa kusetyenziswana Kukhula kokubini. 7. Ncekelela nokuba kunzima Nyamezela nokuba kulilitye Nyanzelisa nokuba kuyoyisa Thobela izifundo wovuya ngomso. [F. P. Magqashela] 3.2.1 Kwisitanza soku-1 imbongi ithi, "Nanzo iintsimbi zikhala". Ingaba ezi ntsimbi zezaphi? Khetha: (a) zezasecaweni (b) zezasesikolweni (1) IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 13 emaphepheni ali-19 OLONGEZELELWEYO: IPHEPHA I 3.2.2 Kwisitanza sesi-2. Nika isixhobo sokubonga esisetyenziswe yimbongi kumgca/kumqolo wesithathu. (1) 3.2.3 Kwisitanza sesi-3. (a) Ucinga ukuba olu khanyiselo lwengqondo ithetha ngalo imbongi yintoni? (1) (b) Caphula igama elithetha into enye neli, "uphumelele". (1) 3.2.4 Kwisitanza sesi-4. (a) Caphula igama elithetha into enye neli, "khawuleza" ngokwalapha kwisicatshulwa. (1) (b) Shwankathela ngesivakalisi esinye okuthethwa yimbongi kwesi sitanza. (2) 3.2.5 Kwisitanza sesi-6. Nika intsingiselo yale miqolo: "Xa izandla zihlambana Zicoceka zozibini." (1) 3.2.6 Kwisitanza sesi-7. Uthini umyalezo wembongi kwesi sitanza? (2) [10] 3.3 Funda lo mbongo ungezantsi uze uphendule imibuzo elandelayo: UNONZWAKAZI 1. 'Owu! Nzwaki ntombi yam, Wena uthandwa ndim' Yatsho le nkosana Ingasaphanyazi imthe ntsho. 2. 'Owu! Nonzwakazi wam, 5 Wena ulithemba lam' Watsho lo mfo Ngeengal' emthe khu. 3. Iliso lisela kanene Litsalwe yintyatyambo 10 Kanye phesheya phaya Kwanentliziyo yalandela 4. Wabibitheka bethu noNzwaki Sel' ekruneke nentliziyo Uwile nawo umoya 15 Eshiyw' enyanyen' ekhedamile IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 14 emaphepheni ali-19 OLONGEZELELWEYO: IPHEPHA I 5. Utsibe umtsi wamnye Watshona naye phakath' elizweni Limkhweba limbiza, lamthuthuzela Walibala ngezolo wahleka namhlanje 20 6. Wangcolelwa kalok' umfana Wakhumbul' emv' ekhaya 'Ndosuka ndiye kubawo Ndithi kuye ndonile' Imthimbile naye ingcinga. 25 7. Wabuya kaloku sel' ekhangela Ezingqaqeni nasezigangeni Sekuphele nezangotshe Kambe namabhong' ewile. 8. Uthando kambe lusibhanxa 30 Alukhathalele nakuphoxwa Nentliziy' ibisanyekile bethu Nomoy' iwexuwexu ungekancami. 9. Wabuya kaloku yena Sel' ezel' izicengo 35 Ukuz' aphululw' amanxeba Emke ngoms' emhle kwakhona. 10. 'Owu! Nzwaki ntombi yami, Wena unto zonke kum Nonzwakazi thando lwam 40 Ndamkele Nzwaki mcholi wam' 11. 'Owu! Nzwaki wam nceda, Ntyatyambo yam yelizwe Owu! Nzwaki wena uthandwa ndim Ndofika kunye nawe ekhaya'. 45 [F. P. Magqashela] 3.3.1 Kwisitanza soku-1. Caphula umgca/umqolo othetha ukuba le nkosana yayimjongile lo mntu ithetha naye. (1) 3.3.2 Kwisitanza sesi-2. (a) Lo mfo uthi uNzwaki uyintoni kuye? (1) (b) Ithetha ukuthini imbongi xa isithi, "Ngeengal' emthe khu"? (1) IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 15 emaphepheni ali-19 OLONGEZELELWEYO: IPHEPHA I 3.3.3 Kwisitanza sesi-3. Nika isixhobo sokubonga esisetyenziswe yimbongi kumgca/kumqolo wokuqala. (1) 3.3.4 Kwisitanza sesi-4. Shwankathela ngawakho amazwi okuthethwa yimbongi kwesi sitanza. (2) 3.3.5 Kwisitanza sesi-6. Nika intsingiselo yeli gama, "Wangcolelwa", kwakubi okanye wamdaka. Khetha! (1) 3.3.6 Kwisitanza sesi-7. Caphula imigca/imiqolo ibe mibini ebonisa ukuba lo mfo wayemfuna kuyo yonke indawo uNzwaki. (1) 3.3.7 Kwisitanza 8. Imbongi ithi, "uthando kambe lusibhanxa". Kutheni imbongi isithi uthando lusibhanxa? (1) 3.3.8 Kwisitanza 9. Chaza ukuba kutheni lo mfo emcenga uNonzwakazi. (1) [10] 30 amanqaku IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 16 emaphepheni ali-19 OLONGEZELELWEYO: IPHEPHA I ICANDELO D UMBUZO 4 Jonga lo mfanekiso uze ugqibezele izivakalisi ezilandelayo ngokufaka isezi okanye isibizo esifanelekileyo. [Le mifanekiso ithathwe kwincwadi: KwaXhosa zibenza zibutya, ibanga 8] 4.1 Indoda e … ikepusi yamkela iphepha. (1) 4.2 Le ndoda inedyasi emhlophe i … iziqhamo. (1) 4.3 Le nkwenkwe i … incwadi. (1) 4.4 Aba bafundi bakwigumbi loku … (1) [4] IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 17 emaphepheni ali-19 OLONGEZELELWEYO: IPHEPHA I UMBUZO 5 Bhala kwakhona ezi zivakalisi uze ufakele izimamva ezifanelekileyo. Khetha kwezi: -ela, -isa, -wa, -eka, -ana 5.1 Utata u(thenga) iimoto. (1) 5.2 UNancy u(bhala) umama wakhe ileta. (1) 5.3 Le ncwadi iya(funda). (1) 5.4 UThoko noMary baya(betha). (1) [4] UMBUZO 6 Bhala kwakhona ezi zivakalisi kwisilanduli. 6.1 Kuyabanda. (1) 6.2 Ngumntwana wam lo. (1) 6.3 Uyazifunda iincwadi zakhe. (1) [3] UMBUZO 7 Gqibezela le tafile njengakumzekelo: Umzekelo: inja Le yinja yam endiyithandayo Umntu 7.1 ngumntu 7.2 7.3 Ihashe 7.4 lihashe 7.5 7.6 [3] UMBUZO 8 Bhala kwakhona esi sivakalisi sibe kula maxesha alandelayo. Abahlali baseKapa bakha amanzi okusela elwandle. 8.1 Ixesha elizayo. (1) 8.2 Ixesha elidlulileyo. (1) 8.3 Ixesha ebelidlula. (1) [3] IEB Copyright © 2018 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 18 emaphepheni ali-19 OLONGEZELELWEYO: IPHEPHA I UMBUZO 9 Sebenzisa ezi zibizo ukwakha izalathandawo. Umzekelo: Idolophu: edolophini. 9.1 Umlambo (1) 9.2 Indlu (1) 9.3 Udonga (1) [3] UMBUZO 10 Bhala esi sivakalisi kwingxelo-ntetho: 10.1 UMary: "Ndithanda isikolo." (1) 10.2 USipho: "Ifika nini itreyini?" (1) 10.3 Ipolisa: "Dlamini, khupha lo mntu emotweni!" (1) [3] UMBUZO 11 Lungisa amagama akwizibiyeli ngokufakela izivumelanisi ezifanelekileyo ukuze le intetho ivakale intsingiselo yayo. 11.1 Ndidiniwe (funa) ukulala. (1) 11.2 UMirriam ngumntwana (thandekayo). (1) 11.3 Evenkileni bathengisa isonka (dala). (1) 11.4 NgoMgqibelo siya (Kapa) (1) [4] IEB Copyright © 2018

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA Iphepha 19 emaphepheni ali-19 OLONGEZELELWEYO: IPHEPHA I UMBUZO 12 Bhala kwakhona ezi zibizo uze unike isininzi sesibizo. 12.1 Uzipho (1) 12.2 Isono (1) 12.3 Ilizwe (1) [3] 30 amanqaku Ewonke amanqaku: 100 IEB Copyright © 2018