Isixhosa FAL Grade 12 IEB Paper 1 2019 Question Paper

Downloaded from hlayiso.com NATIONAL SENIOR CERTIFICATE EXAMINATION NOVEMBER 2019 ISIXHOSA ULWIMI LOKUQALA OLONGEZELELWEYO: IPHEPHA I ISIXHOSA FIRST ADDITIONAL LANGUAGE: PAPER I Ixesha: 2½ Iiyure Amanqaku: 100 QAPHELA 1. Eli phepha linamaphepha ali-19. 2. Phendula yonke imibuzo esephepheni. 3. Funda ngenyameko, uphendule imibuzo ngokwemiyalelo yayo. 4. Imibuzo yonke mayiphendulwe ngesiXhosa. 5. Umthamo wempendulo mawukhokelwe ngamanqaku. 6. Pela amagama kakuhle, wenze imihlathi ngokufanelekileyo. 7. KwiCandelo C unyanzelekile ukuba uwuphendule umbuzo 3.1, umbongo ongamiselwanga. 8. Bhala cacileyo nacocekileyo. IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 2 emaphepheni ali-19 IPHEPHA I ICANDELO A ISICATSHULWA UMBUZO 1 1.1 Funda esi sicatshulwa silandelayo ngenyameko uze uphendule imibuzo engezantsi kwaso. UKHENKETHO NENKCUBEKO EMZANTSI AFRIKA 1. Unawo amaphupha okuhamba undwendwela iindawo ngeendawo kwihlabathi? Phambi kokuba wenze njalo, khawundwendwele iindawo ezahlukeneyo zoMzantsi Afrika. Uya kumangaliswa bubuhle bezixeko namaphandle eli lizwekazi loMzantsi Afrika. 2. EKapa kukho intaba yeTafile nolwandle, into ethetha ukuba ininzi into onokuyenza. Usenokunyuka intaba uhamba-hambe okanye uqubhe elwandle nangona amanzi olwandle asenokubanda kakhulu. 3. KuseWaterfront apho uziva ngathi usedolophini eselunxwemeni eMelika okanye e-Australia. Apho kukho iivenkile, iindawo zokutyela nalapho abafundi bahlala khona bancokole neemvumi ezicula esitalatweni. IKapa linayo nento ekwenza uzive ngathi useMpuma yehlabathi. Isizathu soku zizakhiwo akhonza kuzo amaSilamsi kunye nenkolo yawo. Ukuba useKapa, xa kuqala unyaka omtsha ungabona amanye amaSilamsi esenza umngcelele kwaye ehamba ngokwamaqela ahlukeneyo kwizitalato zaseKapa ecula kwaye edanisa. IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 3 emaphepheni ali-19 IPHEPHA I 4. Intlambo iFranschoek ayikho kude eKapa. Khanindwendwele kweli phandle lihle ekulinywa kulo umdiliya nalapho kukho izindlu ezindala zamafama ezinamagama esiFrentshi. AmaFrentshi amaninzi akha amakhaya awo kule ndawo kwiminyaka elikhulu eyadlulayo. IFranschoek ikhangeleka ngathi yiFransi. 5. Masihambe ngeGarden Route siye eMpuma-Koloni. Apha singena emaphandleni oMzantsi Afrika. Ecaleni kwendlela uza kubona izindlu zamaXhosa, oorontawuli abakhiwe ezindulini. Le meko ikwenza uzive ngathi ukwenye indawo e-Afrika. [Incindi yolwimi lwesiXhosa, ibanga-10: N. Mdekazi no-T. Kabanyane] Iglosari amaphupha iminqweno/umdla uthabatheka umangaliswa uqubhe udade ezivuma ezicula umngcelele imigca/ukuhamba ngemigca nityelele nihambele/nindwendwele emaphandleni ezilalini 1.1.1 Kumhlathi woku-1: (a) Umbhali ucebisa ukuba umntu enze ntoni phambi kokundwendwela iindawo ngeendawo kwihlabathi? (2) (b) Nika izinto zibe mbini eziya kwenza umntu amangaliswe. (2) 1.1.2 Kumhlathi wesi-2: (a) Umntu angenza ntoni xa eseKapa? Nika izinto zibe mbini. (2) (b) Umbhali uthi amanzi olwandle lwaseKapa anjani? (1) IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 4 emaphepheni ali-19 IPHEPHA I 1.1.3 Kumhlathi wesi-3: (a) Umbhali uthi umntu xa eseWaterfront uziva ngathi uphi? (1) (b) Nika isizathu sokuba umntu azive ngathi useMpuma yehlabathi. (1) (c) Umngcelele wamaSilamsi uba ngeliphi ixesha lonyaka? (1) 1.1.4 Kumhlathi wesi-4: (a) Nika igama lale ntlambo kuthethwa ngayo apha. (1) (b) Kulinywa ntoni kule ntlambo? (1) 1.1.5 Kumhlathi wesi-5: (a) Nika igama lezindlu zamaXhosa ezifumaneka eMpuma- Koloni. (1) (b) Ezi zindlu zakhiwe kwindawo enjani? (1) (c) Umbhali uthi le meko yaseMpuma-Koloni yenza umntu azive ngathi uphi? (1) [15] IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 5 emaphepheni ali-19 IPHEPHA I 1.2 Funda esi sicatshulwa, ukugqiba kwakho uphendule imibuzo. UKUHLALA USEMPILWENI 1. Xa umzimba wakho utshintsha kakhulu ngexesha elithile kubalulekile ukuba uwunonophele kakuhle. Ukutya ukutya okunezakha-mzimba nokwenza imithambo kuya kukunceda ukuba uhlale usempilweni ube namandla kwaye wonwabe. Impilo ekhuselekileyo iya kukunceda ubonakale umhle ngalo lonke ixesha. 2. Umzimba wakho ufuna ukutya ukuze ukhule. Iindidi zokutya zinezakha-mzimba ezahlukeneyo. Kufuneka ufumane ezi zakha-mzimba zahlukeneyo ngokulinganayo ukuze ugcine umzimba wakho usempilweni. Zidibanisa iiproteni ezenzelwe ukukhula komzimba, amafutha kunye nekhabhohadreyithi zona zenzelwe amandla, iivithamini kunye nefayibha ezinceda amathumbu ukuba asebenze kakuhle. Kufuneka utye ukutya okuziindidi ezininzi kwezi ntlobo ukuze ufumane zonke izakha-mzimba ezifunwa ngumzimba wakho. 3. Ukuba umntu ufuna ukuhlala esempilweni kufuneka enze izinto ezimbini. Kufuneka umntu enze imithambo ukuze intliziyo yakhe isebenze ngaphezu kokuba iqhele ukusebenza. Imithambo inceda intliziyo ikwazi ukusebenza ngamandla ngawo onke amaxesha. Kwakhona ukwenza imithambo kunceda izihlunu zomzimba zomelele. [Incindi yolwimi lwesiXhosa, ibanga-10: N. Mdekazi no-T. Kabanyane] Iglosari uwunonophele uwuphathe kakuhle iimithambo ukuzilolonga IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 6 emaphepheni ali-19 IPHEPHA I 1.2.1 Kumhlathi woku-1: (a) Nika izinto zibe mbini ekufuneka umntu azenze ukuze ahlale esempilweni. (2) (b) Impilo ekhuselekileyo imnceda njani umntu? (2) 1.2.2 Kumhlathi wesi-2: (a) Yintoni umsebenzi weproteni emzimbeni? (1) (b) Amafutha kunye neekhabhohadreyithi zenza umzimba… Khetha impendulo kwezi zingezantsi: (i) utyebe kakhulu (ii) ube namandla (1) (c) Iivithamini kunye nefayibha zinceda ntoni? (1) 1.2.3 Kumhlathi wesi-3: Chaza ukuba imithambo iyinceda njani intliziyo nezihlunu. (2) [9] IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 7 emaphepheni ali-19 IPHEPHA I 1.3 Funda le ncoko uze uphendule imibuzo. UBUHLOBO Azile: Bekumnandi eklasini namhlanje. Wonke umntu uye wanento yokuthetha kwisifundo esithi, 'ukukhetha umhlobo'. Nwabisa: Umvile utitshala xa ebesithi kubalulekile ukukhetha abahlobo abafanelekileyo. Ndicinge ngawe tshomi yam. Kaloku wena ndakukhetha kuba ndikuthanda kwaye ndikuthembile. Enye into wena tshomi yam izinto ezintle uyazazi. Azile: Ndiyabulela mhlobo wam. Mna ke tana ndikuthanda kuba ukhuthele, unenyani kwaye uyandixelela xa ndingenzi kakuhle. Nwabisa: Yhu-u ntombi! Ndithanda nale nto yokuba xa ndihleli nawe ndiyonwaba. Xa sincokola sithetha iindaba zethu asihlebi. Andimthandi umntu ohlebayo. Azile: Bonanje Nwash abantu abaninzi bacinga ukuba ubuhlobo obulungileyo kukwenza izinto ezimbi ezifana nokusebenzisa iziyobisi. Nwabisa: Bayalibala ukuba umhlobo wenene ngumtu ongayithandiyo into embi nemdaka. Azile: Umvile Nwash utitshala ngoku ebesithi umhlobo olungileyo ngothanda imfundo noThixo. Kufuneka silumke xa sikhetha abahlobo, singakhethi izidenge ezingakwazi ukucinga. Nwabisa: Hayi ke sobonana ngomso tshomam. 1.3.1 Nika isihloko sesifundo ebekuthethwa ngaso eklasini. (1) 1.3.2 Kutheni uNwabisa ekhetha u-Azile njengomhlobo? (2) 1.3.3 U-Azile yena uthi kutheni ekhetha uNwabisa njengomhlobo? (1) 1.3.4 Utitshala uthi umhlobo olungileyo ngumntu othanda ntoni? (2) [6] 30 amanqaku IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 8 emaphepheni ali-19 IPHEPHA I ICANDELO B UMBUZO 2 USHWANKATHELO/ISISHWANKATHELO Funda esi sicatshulwa singezantsi usishwankathele ngawakho amazwi. Bhala amagama angama-60 ukuya kumagama angama-70. QAPHELA: • Ungabhala izivakalisi ezintlanu ezinomthamo; OKANYE • Umhlathana; OKANYE • Incoko Xa ushwankathela yenza oku: 1. Fundisisa isicatshulwa ude usiqonde ukuba sithetha ngantoni. 2. Sebenzisa amazwi akho kangangoko unakho. 3. Musa ukujikeleza/ukushwaqa, hlala emxholweni ungalibali luphinda-phindo olungenamsebenzi. 4. Ubuchule kukuba uqale usibhale ecaleni phambi kokuba ubhale owona msebenzi uqonda ukuba ufezekile. 5. Nceda ulibhale phantsi inani lamagama owasebenzisileyo wakuba ugqibile ukubhala ushwankathelo. IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 9 emaphepheni ali-19 IPHEPHA I UKUPHA Ukupha yindlela umntu ophayo abonakalisa ngayo uthando lwakhe kulowo uphiwayo. Udidi lokuqala lokupha kukunika umntu isipho angasilindelanga ebulelwa ngenxa yento entle ayenzileyo. Isipho esiza ngolu hlobo sisipho sokukhuthaza lo mntu uphiwayo ukuba aqhubeke esenza kakuhle. Omnye umfo wakhe waziphosa emlilweni indlu isitsha. Lo mfo wayezama ukusindisa abantu ababelele kule ndlu ngaphakathi. Emva kweminyaka emibini lo mfo waphiwa isipho semali eninzi ngaba bantu waye wabasindisa ekufeni. Kubalulekile ukuba umntu xa ekwenzele into entle uthi enkosi kuye. Kukho abantu abaye bamphe isipho umntu kuba bejonge ukuba lo mntu bamphayo naye abaphe xa benetheko. Aba bantu ke badla ngokungalisusi ixabiso lento abayithengileyo. Injongo kukuba aze athi lo wamkele isipho athenge isipho esixabiso lifanayo nesipho abethengelwe sona. AmaXhosa wona aye aqinisekise ukuba ayawabhala amagama abantu abangenise izipho. Kolu didi lokupha umntu ophayo ufana nobolekisayo. Enye indlela yokupha kukunika umntu into ngothando ungajonganga kuphiwa nto nawe. Isipho sothando siyayichukumisa intliziyo yomntu azidele azibone emncinci engafanelwanga kuphiwa nto. Isipho sothando siyamkhupha umntu ebumnyameni simbeke ekukhanyeni. Isipho sothando siyamvuselela umntu obesele encamile engenathemba ebomini. Umzekelo, enye indoda yafika kwikhaya eligcina abantwana abaziinkedama kungekho kutya, aba bantwana babengahambi sikolo kuba yayingekho imali yokubabhatalela esikolweni. Le ndoda yanikezela ngegrosari eza kuphiwa eli khaya qho ngenyanga. Iphinde le ndoda yanika eli khaya isibonelelo semali esiza kusetyenziswa ekufundiseni ezi nkedama. Esi sipho senza ukuba eli khaya leenkedama liphume kwintlupheko elingazange lacinga ukuba lingaphuma kuyo. Abantu abaphiwayo kufuneka balumke bangaziboni bexhomekeke kubantu ababanika izipho. Ilizwe linabo abantu abaphayo kodwa befuna nje ukwaziwa lilizwe lonke ukuba bayapha. Abantu abanje abaqhutywa luthando koko bafuna ukubonakala. [Kungaqhuma kubasiwe: L.L. Ngewu] Iglosari inkedama umntwana ongenamzali 10 amanqaku IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 10 emaphepheni ali-19 IPHEPHA I ICANDELO C UMBUZO 3 IMIBONGO Phendula yonke imibuzo ekweli candela. 3.1 UMBONGO ONGAFUNDISWANGA/ONGAMISELWANGA Unyanzelekile ukuba uwuphendule lo mbuzo: Funda lo mbongo ungezantsi uze uphendule imibuzo elandelayo. IKRISMESI 1. Ngumhla omkhulu kwihlabathi, Umhla wokuzalwa koMsindisi. Ezalelwa kwisitali samahashe, Izazi zakhokelelwa Kuye yinkwenkwezi. 2. Eli lithuba lokubhiyoza, Wonke umntu ufuna ukuzonwabisa. Kutyiwa izimuncumuncu kube mnandi, Kube mnandi konwatywe ekhaya. 3. Yiqokelele imali ngethuba, Imali eninzi iyafuneka. Qalisa ukuthenga uqokelele kuselithuba, Umana ubeka ukuze ungadani. 4. Amakhaya ambejembeje ahonjisiwe, Bahle abantwana banxibe ezimibalabala. Iintsapho zipheke izimuncumuncu kumnandi, Wonke umntu ulangazelela uxolo. [Isingqi senkulungwane: M.G. Mdliva] 3.1.1 Kwisitanza soku-1: (a) Kwakuzalwa bani ngalo mhla? (1) (b) Lo mntu wazalelwa phi? (1) (c) Nika igama lento eyakhokela izazi ukuba ziye kufika kulo mntu. (1) IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 11 emaphepheni ali-19 IPHEPHA I 3.1.2 Kwisitanza sesi-2: (a) Imbongi ithi lithuba elinjani eli? (1) (b) Caphula umgca/umqolo othetha into enye noku: "kutyiwa kamnandi". (1) 3.1.3 Shwankathela ngawakho amazwi umyalezo wembongi kwisitanza sesithathu. (2) 3.1.4 Kwisitanza sesi-4: (a) Nika intsingiselo yeli gama, 'ambejembeje ...' Khetha impendulo kwezi zingezantsi: (i) aphatshile (ii) abubukhazikhazi. (1) (b) Yintoni enqwenelwa/elangazelelwa ngabantu ngeKresimesi? (1) (c) Nika igama elithetha into enye neli, 'izimuncumuncu'. Khetha impendulo kwezi zingezantsi: (i) kukutya okumuncu (ii) kukutya okuneswekile kakhulu (iii) kukutya okumnandi (1) [10] IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 12 emaphepheni ali-19 IPHEPHA I IMIBONGO EFUNDISIWEYO 3.2 Funda lo mbongo ungezantsi uze uphendule imibuzo elandelayo: AMEHLO 1. Ngqakumbana zikuthandeka zikhazimla Ngamaqhumzan' acwengil' anomtsalane Nzwakaz' ezikucoceka koyikwa ziimpukane Ntliziyo inovuyo ndinazo nje. 2. Zinonotshelwa ngononophel' olukhulu Ziyacocwa zinyamekelwe ngenyamek' enkulu Zincediswa nakuloo mitshayelo ithe bhuu Nguphanya nje zizikhusela kwezo zibi Nguphanya nje zibalekana notshaba olubi 'Vuyo lwam aluthetheki ndinazo nje. 3. Kodwa zinanto inye ebhidayo Ndisemi zihle zindishiye ziyekufika Phezulu esibhakabhakeni ndingefiki Kambe zinanto inye ididayo Ndisemi zihle zibaleke zimke Phesheya nazo ziwelile. 4. Ngoogqadambekweni abamenywa Kwisisusa emgidini balapho Ngoosebekho abalindi kubizwa Kufiwe kulilwa; konwatyiwe kuhlekwa Ngesiquphe ndingalindele sebelapho 'Mincili novuyo lwam ndibona nje. 5. Awu! Mehlondini lukhanyiso lomzimba Azi xa ubungekho ngewukho lo mfanekiso? Liso lam mabonakude ndingazi Mhlawumbi ngeze ndifikelele ngokwam Liso lam lindibeka kude naphezu kweentaba 'Ntliziyo yam inochulumanco ndinazo nje. [F.P. Magqashela] 3.2.1 Kwisitanza soku-1: (a) Nika isafobe esisetyenziswe yimbongi. (1) (b) Nika isizathu sokuba imbongi ithi amehlo 'yinzwakazi'. (1) IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 13 emaphepheni ali-19 IPHEPHA I 3.2.2 Kwisitanza sesi-2: (a) Caphula imiqolo/imigca ibe mibini ethetha ukuba amehlo aphethwe kakuhle. (2) (b) Nika isixhobo sokubonga esisetyenziswe yimbongi kwimigca/ kwimiqolo 4 no-5. (1) 3.2.3 Kwisitanza sesi-3: Chaza ukuba amehlo ayibhida njani imbongi? (1) 3.2.4 Kwisitanza sesi-4: (a) Caphula apha kumbongo igama elithetha into enye neli "Ngoogqadambekweni". (1) (b) Amehlo asetyenziswa kwiindawo ezinjani? Nika indawo ibe nye. (1) 3.2.5 Kwisitanza sesi-5: (a) Imbongi ithi amehlo abaluleke njani? (1) (b) Nika isixhobo sokubonga esisetyenziswe yimbongi kumgca/ kumqolo wesibini. (1) [10] IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 14 emaphepheni ali-19 IPHEPHA I 3.3 Funda lo mbongo ungezantsi uze uphendule imibuzo elandelayo: INDLAL 'INAMANYALA 1. Makube ke umthetho welizwe Uxabana nocwangco kuluntu Uswantsulisa mbombo zone Uhluthe nebhongo lobunguwe. 2. Naye ke umfo wakwaNtu UMbini into kaMetyiso Wawel' imilambo etsiba neentaba Esiya kuxelenga kwamLungu. 3. Wafik' eGol' izinto zinzima Wakhumbul' emva ecinga nokulima Uguqul' ibhatyi wanguBilly Matthews Uguqul' ulwimi walibala tu ngolwemveli. 4. Uyolelwe elibele kwaphela ngekhaya Unoqhakancu wabumini otyibilikayo Kolwasemzin' eqaphula kolwakhe Etshebeleza ngeenqwelo zomLungu. 5. Ugalelekil' unin' uqhiya-nkulu Eqhumis' umbheka-phesheya Efunx' uzalipholile Ebuzisa ngonyan' akhe owemka mfamlibe. 6. Yavel' indun' ephetheyo yasabela Ubuzise ngonyan' uMbini kaMetyiso NguBilly kaMatthews okhoyo apho. Ulandulelwe wathandabuza noko. 7. Yavel' inkosana kaMatthews Ixakekile iseBhabheli ngenene Ingxubakaxaka ingeva sintu Iphephezelis' intanjana ngokwengqeqe. 8. Lafa namthanyan' ixhegokazi lagoduka Libuyel' ekhaya limatshekile lidanile Likhanyelwa liphikwa ngowalo unyana Indlal' inamanyala ndincamile. Uzelwe ngokutsha yintomb' asemzini. [F.P. Magqashela] IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 15 emaphepheni ali-19 IPHEPHA I 3.3.1 Kwisitanza soku-1: Shwankathela ngawakho amazwi okuthethwa yimbongi kwesi sitanza. (2) 3.3.2 Kwisitanza sesi-2: Nika intsingiselo yale miqolo/migca: (a) 'Naye ke umfo wakwaNtu'. (1) (b) 'Wawel' imilambo etsiba neentaba'. (1) 3.3.3 Kwisitanza sesi-3: (a) Lo mfo kuthethwa ngaye kulo mbongo wazithiya igama elingubani? (1) (b) Ucinga ukuba ulwimi lwemveli lwalo mfo loluphi? Khetha impendulo efanelekileyo. Musa ukubhala inombolo yempendulo nje kuphela, bhala impendulo yakho ngokupheleleyo. (i) Yi-Afrikansi. (ii) SisiXhosa. (iii) SisiNgesi. (1) 3.3.4 Kwisitanza sesi-4: Shwankathela ngesivakalisi esinye okuthethwa yimbongi kwesi sitanza. (2) 3.3.5 Kwisitanza sesi-5: Caphula umqolo/umgca ube mnye obonisa ukuba umama walo mfo wayengumntu obomvu ongafundanga. (1) 3.3.6 Kwisitanza sesi-7: Nika igama elilapha kumbongo elithetha into enye neli, 'ingxaki'. (1) [10] 30 amanqaku IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 16 emaphepheni ali-19 IPHEPHA I ICANDELO D UMBUZO 4 Bhala kwakhona ezi zivakalisi uze ufakele izimamva ezifanelekileyo kumagama akwizibiyeli. Nceda ukrwele umgca kwigama elo ulilungisileyo. Isimamva masisetyenziswe kube kanye kuphela. Khetha kwezi: -wa, -ela, -eka 4.1 Ndi(funda) ukupasa. 4.2 Isonka (bhaka) ngumama. [2] UMBUZO 5 Bhala kwakhona esi sivakalisi sibe kula maxesha alandelayo. Izityebi zithenga izindlu eziduru. 5.1 Ixesha eliya kuza. 5.2 Ixesha elidlulileyo. [2] UMBUZO 6 Funda ezi zivakalisi uze unike isinye sesibizo esikrwelelwe umgca ngaphantsi. Musa ukusibhala sonke isivakalisi. 6.1 Vala iminyango kungena umoya. 6.2 Amazinyo am abuhlungu. 6.3 Bakhonkothwa zizinja. [3] UMBUZO 7 Dibanisa izivakalisi kwibhokisi A nezo zikwibhokisi B ngesihlanganisi esifanelekileyo. Khetha kwezi: hleze, ukuze, kodwa A B 7.1 Ndifunda imini nobusuku. Ndifuna ukupasa. 7.2 Iititshala ziyawenza umsebenzi Abafundi abasebenzisani nazo. wazo. [2] IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 17 emaphepheni ali-19 IPHEPHA I UMBUZO 8 Bhala ezi zivakalisi kwimo elandulayo/kwisilanduli. 8.1 Naba abafundi abamamelayo. 8.2 Umgca mde. [2] UMBUZO 9 Bhala ezi zivakalisi uze unike isalathandawo usebenzisa igama elibiyelweyo. UMZEKELO: Into ibonakele (ukulila) kwakhe. Into ibonakele ekulileni kwakhe. 9.1 Le nto ivakele (ukuhamba) kwakhe. 9.2 Esi sifo sivele (ukutya) kwakhe inyama kakhulu. [2] UMBUZO 10 Bhala ezi zibizo kwisinciphiso: 10.1 Uzipho. 10.2 Indlu. [2] UMBUZO 11 Lungisa la magama akwizibiyeli ngokusebenzisa izivumelanisi ezifanelekileyo. 11.1 Ingca (luhlaza) ityiwa ziinkomo. 11.2 Umntu (dala) uyahlonitshwa. 11.3 La manzi (mdaka) achithwe ngubani? [3] IEB Copyright © 2019 TYHILA

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 18 emaphepheni ali-19 IPHEPHA I UMBUZO 12 Bhala kwakhona ezi zivakalisi uze usebenzise izifanekisozwi ezifanelekileyo. Khetha kwezi: Qhwa, thsu, krwe, yaka 12.1 Unxibe ihempe ebomvu .............. 12.2 Obu busuku bumnyama ............... [2] UMBUZO 13 Fakela igama elibuzayo kwezi zivakalisi ukuze zinike intsingiselo. Khetha kula magama: Nini, ntoni, kutheni 13.1 …… ubuye kade? 13.2 Uqale ….. ukuwenza umsebenzi wakho wesikolo? [2] UMBUZO 14 Bhala kwakhona ezi zivakalisi uze usebenzise isimelabizo esifanelekileyo. Khetha kwezi: Sonke; zona, lonke, nina 14.1 Yizani apha ….. ndifuna ukunithuma. 14.2 ……… ilizwe lifa yimbalela. [2] UMBUZO 15 Bhala ezi zivakalisi uze unike isichasi sala magama akrwelwe umgca ngaphantsi: 15.1 Utata unxibe ibhulukhwe emfutshane. 15.2 Usisi uza kutshata ngelokhwe emnyama. [2] IEB Copyright © 2019

Downloaded from hlayiso.com NATIONAL SENIOR CERTIFICATE: ISIXHOSA ULWIMI LOKUQALA OLONGEZELELWEYO Iphepha 19 emaphepheni ali-19 IPHEPHA I UMBUZO 16 Jonga esi sibhengezo/saziso singezantsi uze uphendule imibuzo. [KwaXhosa zibenza zibutya, ibanga 10] 16.1 Xela ukuba esi sibhengezo/saziso singantoni? 16.2 Nika igama leholo oza kubanjelwa kuyo lo mjuxuzo/lo mdaniso. 16.3 Amatikiti afumaneka phi? 16.4 Uza kuqala ngabani ixesha lo mjuxuzo/lo mdaniso? [4] 30 amanqaku Ewonke amanqaku: 100 IEB Copyright © 2019