Downloaded from hlayiso.com
SENIOR CERTIFICATE EXAMINATIONS/
NATIONAL SENIOR CERTIFICATE EXAMINATIONS
SEPEDI LELEMETLALELETŠO LA PELE (FAL)
LEPHEPHE LA BOBEDI (P2)
2021
MEPUTSO: 70
NAKO: Diiri tše 2
Palomoka ya matlakala a dipotšišo ke 23.
Tokelo ya ngwalollo e ileditšwe Phetla
Skip to contentAll 2021 papers 





View all




--bcece954-738e-42ad-928b-b5411db789f3/v1-336656ea308bb0a6a695/card.webp)
Sepedi FAL Grade 12 Paper 2 NSC June 2021 Question Paper
Grade 12 Sepedi FAL Paper 2 question paper from the NSC June Exam 2021, 23 pages. Read online or get the free PDF download, memo linked when available.
Sepedi Fal · Grade 12 · NSC June Exam · 2021 · sepedi. Question paper, 23 pages. Read online or download the PDF.
- Subject
- Sepedi FAL
- Grade
- Grade 12
- Language
- Sepedi
- Document type
- Question paper
- Year
- 2021
- Exam period
- NSC June Exam
- Paper
- 2
- Curriculum
- CAPS
- Pages
- 23
- File size
- 479.8 KB
Free to read online, no sign-up needed
Loading document…
Loading document…
1 of 23
This exam
NSC June Exam 2021
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Go bala le go lebelela (Reading and Viewing), gammogo le Dingwalo (incl. Literature)18 marks
- Question 1.2Go bala le go lebelela (Reading and Viewing), gammogo le Dingwalo (incl. Literature)18 marks
- Question 2.1Go bala le go lebelela (Reading and Viewing), gammogo le Dingwalo (incl. Literature)18 marks
- Question 2.2Go bala le go lebelela (Reading and Viewing), gammogo le Dingwalo (incl. Literature)17 marks
- Question 3.1Go bala le go lebelela (Reading and Viewing), gammogo le Dingwalo (incl. Literature)18 marks
- Question 3.2Go bala le go lebelela (Reading and Viewing), gammogo le Dingwalo (incl. Literature)17 marks
Show all 12 questions
- Question 4.1Go bala le go lebelela (Reading and Viewing), gammogo le Dingwalo (incl. Literature)18 marks
- Question 4.2Go bala le go lebelela (Reading and Viewing), gammogo le Dingwalo (incl. Literature)17 marks
- Question 5.1Go bala le go lebelela (Reading and Viewing), gammogo le Dingwalo (incl. Literature)18 marks
- Question 5.2Go bala le go lebelela (Reading and Viewing), gammogo le Dingwalo (incl. Literature)17 marks
- Question 6.1Popopolelo le melawana ya tšhomišo ya polelo (Language Structures and Conventions)18 marks
- Question 6.2Popopolelo le melawana ya tšhomišo ya polelo (Language Structures and Conventions)18 marks
Document textSearch extracted text and jump to a page.
Downloaded from hlayiso.com
Sepedi Lelemetlaleletšo la Pele (FAL)/P2 2 DBE/2021
SC/NSC
DITAELO LE TSHEDIMOŠO
1. Badišiša ditaelo ka šedi pele o thoma go araba dipotšišo.
2. O se ke wa leka go bala lephephe ka moka. Lebelela diteng letlakaleng le le
latelago gomme o laetše dinomoro tša dipotšišo tša dingwalo tšeo o di
badilego. Ka morago ga moo, bala dipotšišo gomme o kgethe tšeo o nyakago
go di araba.
3. Lephephe le arotšwe ka DIKAROLO TŠE NNE:
KAROLO YA A: Padi (35)
KAROLO YA B: Papadi/Terama (35)
KAROLO YA C: Kanegelokopana (35)
KAROLO YA D: Theto (35)
4. Araba dipotšišo TŠE PEDI fela go tšwa dikarolong TŠE PEDI.
KAROLO YA A: PADI
Araba potšišo ya 1 GOBA ya 2.
KAROLO YA B: PAPADI/TERAMA
Araba potšišo ya 3 GOBA ya 4.
KAROLO YA C: KANEGELOKOPANA
Araba dipotšišo KA MOKA.
KAROLO YA D: THETO
Araba dipotšišo KA MOKA.
5. Diriša lenaneotekolo.
6. Latela ditaelo ka šedi go KAROLO YE NNGWE le YE NNGWE.
7. Nomora dikarabo tša gago go swana thwii le ka fao dipotšišo di nomorilwego
ka gona ka gare ga lephephe la dipotšišo.
8. Thoma KAROLO YE NNGWE le YE NNGWE letlakaleng LE LEFSA.
9. Kakanyo mabapi le taolo ya nako: Šomiša tekano ya metsotso ye e ka bago
ye 60 KAROLONG YE NNGWE le YE NNGWE.
10. Ngwala ka bothakga, ka mongwalo wa go balega.
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 3 DBE/2021
SC/NSC
LENANEOTEKOLO
KAROLO YA A: PADI
Araba potšišo E TEE.
NOMORO YA POTŠIŠO MEPUTSO NOMORO YA
LETLAKALA
1. Kgati ya moditi 35 5
2. Dilo tšela ke batho 35 8
KAROLO YA B: PAPADI/TERAMA
Araba potšišo E TEE.
3. Di šitile Phaahla 35 11
4. Ga le batswadi ba selo 35 14
KAROLO YA C: KANEGELOKOPANA
Araba dipotšišo KA MOKA
5.1 'Legokolodi la marega' 18 17
5.2 'Mohlomongwe ke tlhabologo' 17 18
KAROLO YA D: THETO
Araba dipotšišo KA MOKA.
6.1 'Moemedi' 18 20
6.2 'La pitšana' 17 22
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 4 DBE/2021
SC/NSC
LENANEOTEKOLO/LENANEOTSHWAYOTSHWAYO
Dira leswao () go lenaneotekolo le le latelago go kgonthišiša ge e ba o lateletše
ditaelo gabotse.
KAROLO NOMORO PALO YA LESWAO
YA DIPOTŠIŠO TŠEO (√)
POTŠIŠO DI ARABJAGO
A: Padi 1.1–1.2 1
GOBA
2.1–2.2
B: Papadi/Terama 3.1–3.2 1
GOBA
4.1–4.2
C: Kanegelokopana 5.1 LE 5.2 1
D: Theto 6.1 LE 6.2 1
HLOKOMELA: Kgonthišiša gore o arabile dipotšišo go tšwa dikarolong TŠE
PEDI fela.
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 5 DBE/2021
SC/NSC
KAROLO YA A: PADI
POTŠIŠO YA 1: KGATI YA MODITI – OK Matsepe
Bala ditsopolwa tše ka šedi gore o tle o kgone go araba dipotšišo.
1.1 SETSOPOLWA SA A
Kgoši Tetedi o be a se a thabišwa ke lefeela mola kgoši Dianthona le
Sefatamollo ba se ba nyamišwa ke lefeela, ka gore magadi ale a go ntšhwa
ke Sefatamollo, sebakeng sa go ya ga kgoši Dianthona a ile a mo rona a ya
ga kgoši Tetedi yoo feela a bego a a letetše ka kgopolo ye e sego ya nwa a
mokgako. O ile a sa dutše kgorong ya gagwe gammogo le diletammele tša 5
gagwe, gwa tla yo mongwe wa ditlhometši tša motse wa gagwe go tla go
mmegela gore lekoko la banna le etla.
'La banna?'
'Taurabatho.'
'Bjale?' 10
'Ba gapa dikgomo.'
'Tša mohuta mang?'
'E tloga e le morentha sebatakgomo, gomme semaka ke gore ba letša
diphalafala le dipabadi ba bile ba swere le difoka.'
'E ka re tšeo e le diletšo tša ge morwa wa kgoši a nyala morwedi wa kgoši – 15
ba hloma bjang?'
'Ke sona seo se ntsentšego maseme, taurabatho.'
'Ga se ba ba yago ga kgoši Dianthona mogongwe?'
'Ntshe ya re e le boputlatšatši, mono bohlabela ba ka tla bjang?'
'Aowa, ba tla tle ba re hlathollela.' 20
Ka yeo nako ke ge ba Sefatamollo ba feditše naga ba batameditše ba bile ba
thomile mogobo wa 'thake o bone.' Ga go thwe ge a bone lešaetšana le
mabothata hle gomme? Basadi ba ile ba tšwa ba itlhamile wa mphufutšo
mpolae, go garangwa …
[Letl. 150]
1.1.1 (a) Moanegwathwadi wa padi ye ke (Mmatshepho/Sefatamollo). (1)
(b) Tiragalo ya gore dikgomo tša go ya ga kgoši Dianthona di
išwe ga kgoši Tetedi e ka hlola (thulanogare/thulanontle). (1)
1.1.2 Tsopola lentšu leo le laetšago gore baromiwa ba be ba gapa
dikgomo tše dintši. (1)
1.1.3 Setsopolwa se se tšweletša tikologo ya segologolo. Efa dilo TŠE
PEDI. (2)
1.1.4 Dipolelo tša kgoši Tetedi di mo tšweletša e le motho wa mahlajana.
Laetša se ka dintlha TŠE PEDI. (2)
1.1.5 Ka dintlha TŠE PEDI hlaloša seo se hlohleleditšego gore baromiwa
ba Sefatamollo ba iše dikgomo lapeng le šele. (2)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 6 DBE/2021
SC/NSC
1.1.6 Ntlhatebelelo ke maemo a mongwadi ka gare ga sengwalo. Na
ntlhatebelelo ya mongwadi ke efe setsopolweng se? Fahlela. (2)
1.1.7 Moanegi ke yena a hlagišago mošomo wa gagwe pele ga mmadi.
Ka dintlha TŠE PEDI hlaloša tema yeo e kgathwago ke moanegi
setsopolweng se. (2)
1.1.8 Re alele morero wa padi ye. (1)
1.1.9 Maikutlo a gago ke afe mabapi le maitshwaro a kgoši Tetedi?
Fahlela ka lebaka. (2)
1.1.10 Na ge o be o le kgoši Dianthona o tšeetšwe dikgomo o be o ka dira
eng? Efa dintlha TŠE PEDI. (2)
LE
1.2 SETSOPOLWA SA B
Aowa ruri, tlhokofalo ya mosadi mogolo yoo e ile ya emiša ditaba ka lešimelo,
batho ba šala ba nyanyaragetšwe ba lla ba kgotsa mo nkego mola lefase le
bago ntshe gammogo le badudi ba lona e lego bona batho, ke mathomo ka
yoo Mmatshepho ge motho a hlokofala ruri. Ge nka be leina la motho le sa
lefše ka kgomo, nka be ke go botša yoo a bego a re bokaone nkabe go hwile 5
Nkgotlelele yoo yenaena e lego mathomothomo ka yena go bona lehwepe le
tle le buše, feela go go botša gona nka seke ka gore ka ge taba e nngwe le e
nngwe e keka bjalo ka mollo wa sešu, kudu yeo e sego botse, ke tla re ke be
ke re ke a go sebela ya be ya yo fihla go beng, ka re mola ke bileditšwe ntshe
ka re go bolela gore ke kwele wena wa tla wa itatola, gona fao gwa jewa yešo 10
ya mafelelofelelo yeo ke bego ke e sekeleditše go tla go ba mogoga wa ka.
Diswiswi tša Mmatshepho di ile go rolwa, Tetedi le Dianthona ba ikgaša ga
kgoši Nkgotlelele gapegape. Maduma a ile go sepetšwa ka tshwanelo ya
wona, ba re go yena:
'Re palelane.' 15
'Ka eng?'
'Sefatamollo o sa ganetšwa go ya ka ga Kgabagare.'
'Le a mo aketša.'
[Letl.168]
1.2.1 Laetša tswalano ya baanegwa ba ba latelago:
(a) Mmatshepho le Nkgotlelele (1)
(b) Nkgotlelele le Thibathibetša (1)
(c) Ntweleng le Sefatamollo (1)
(d) Mahlatsemang le Thibathibetša (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 7 DBE/2021
SC/NSC
1.2.2 Mohlohleletši wa sengwalo ke moanegwa yo a hlolago diphapano
gare ga molwantšhwa le molwantšhi. Mohlohleletši wa padi ye ke
(Sefatamollo/Magadi/Bogoši/Kgoši Tetedi). (1)
1.2.3 Akaretša setsopolwa se ka dintlha TŠE PEDI. (2)
1.2.4 Hlaloša gore mongwadi o šupa eng ka mebolelwana ye e latelago:
(a) '… e ile ya emiša ditaba ka lešimelo.' (1)
(b) '… taba e nngwe le e nngwe e keka bjalo ka mollo wa sešu' (1)
(c) 'Diswiswi tša Mmatshepho di ile go rolwa' (1)
1.2.5 Tlemollo ya lehuto ke legato la thulaganyo leo go lona bothata bo
rarollogago. Ka dintlha TŠE PEDI hlaloša ka fao setsopolwa se se
tlišago tlemollo ya lehuto ka gona. (2)
1.2.6 Ponelopele ya gago ke efe mabapi le go se amogelege ga kgoši
Nkgotlelele bjalo ka kgoši? Fahlela ka dintlha TŠE PEDI. (2)
1.2.7 Na o dumelelana le mongwadi ge a re nkabe Nkgotlelele a hwile ka
ge e le lehwepe? Efa lebaka. (1)
1.2.8 Kgegeophetogo ke mafelelo a puku ao re sego ra a letela. Go ya
ka fao o ithutilego padi ye, o bona mafelelo a yona a tšweletša
kgegeophetogo? Fahlela ka dintlha TŠE PEDI. (2)
[35]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 8 DBE/2021
SC/NSC
POTŠIŠO YA 2: DILO TŠELA KE BATHO – MC Mphahlele
Bala ditsopolwa tše ka šedi gore o tle o kgone go araba dipotšišo.
2.1 SETSOPOLWA SA C
Mošemane Mukhabudi le yena o be a kgona go rutha le go nwelela. Gape o
be a tsena sekolo sa Makgowa kua Louis Trichardt. Dikolo tša makgowa di be
di tsebja di na le madiba a go rutha. Letlapa e be e le thwadi mo go rutheng le
go nweleleng. Yena le bašemane ba go kgona go nwelela ba ile ba kwana go
gobatša mošemane. E rile mo kgabagareng mola ba bangwe ba bontšha go 5
lapa, ba fana dika gore bjalo ke nako. Ba ile ba nwelela e le ba bahlano ka
ntle le Mukhabudi. Ge ba le ka kua fase, ba ile ba mo swara maoto le
matsogo gomme wa bohlano e lego Letlapa, a mo lomiša tang ka kua
mošate. Mukhabudi o ile a rutla, a hlaba mokgoši a re: 'mme anga!' Ge a
realo, a butše molomo, meetse a tsena ka ganong, a nyaka go mo kgama. Ge 10
ba mo ntšhetša ntle mahlo a be a ferogile.
Bašemane ba go golela magaeng le bona go na le seo ba se tsebago. Ba
kgona go iphološa ge ba tsene mathateng. Le ge motho a lomilwe ke noga
goba dinose, ba be ba tseba gore ba mo fe eng, ba mo dire eng. Lehono ba
ile ba kanamiša Mukhabudi, ba mo pinyeletša mo dimpeng go fihlela a hlatša 15
meetse ao.
[Letl.35–36]
2.1.1 (a) Moanegwathwadi wa padi ye ke (Mashudu/Mukhabudi). (1)
(b) Tiragalo ya Letlapa ya go lomiša Mukhabudi tang ka kua
mošate e ka hlola (thulanogare/thulanontle). (1)
2.1.2 Tsopola polelo yeo e laetšago gore Letlapa o be a kgona go rutha. (1)
2.1.3 Setsopolwa se se tšweletša tikologo ya sebjalebjale. Laetša ka
dintlha TŠE PEDI. (2)
2.1.4 Ditiro tša bašemane ba di ba tšweletša e le batho ba go ba le
dipelo tše dimpe. Laetša se ka dintlha TŠE PEDI. (2)
2.1.5 Go ya ka kwešišo ya gago ya padi ye ke eng seo se
hlohleleditšego bašemane ba go ya go rutha? Efa dintlha TŠE
PEDI. (2)
2.1.6 Ntlhatebelelo ke maemo a mongwadi ka gare ga sengwalo. Na
ntlhatebelelo ya mongwadi ke efe setsopolweng se? Fahlela. (2)
2.1.7 Moanegi ke yena a hlagišago mošomo wa gagwe pele ga mmadi.
Ka dintlha TŠE PEDI hlaloša tema yeo e kgathwago ke moanegi. (2)
2.1.8 Re ale le morero wa padi ye. (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 9 DBE/2021
SC/NSC
2.1.9 Maikutlo a gago ke afe mabapi le maitshwaro a bašemane ba?
Fahlela ka lebaka. (2)
2.1.10 Ge o be o le Mokhabudi o be o ka dira eng ka ditiro tša bašemane
ba? Efa dintlha TŠE PEDI. (2)
LE
2.2 SETSOPOLWA SA D
Ge batho ba bona ditiragalo tša tšatši leo ka bophara, ba be ba no re: 'Ruri
bophelo ke semphekgo.' Borakgadi wa Mukhabudi bona ba be ba no kgotsa.
Maphefo o be a sa re: 'ruri dilo tšela tša samme ke bathobatho' mola Mapelo
yena a re: 'batho bale lehono ke dilo,' a e ra Meisie le bana ba gagwe. Meisie
lehono o swele sefahlego, botsana bjola le bošwaanyana bjola di fetogile ka 5
motsotso. Ngwako le wona o fetogile molora ka ponyo ya leihlo. Selo sela a
bego a se hlohleletša, a se bitša 'my seun,' 'my skat,' lehono se
ntlwanatshwana se lebanwe ke thapo. Ge e le Mashudu yena o Kanana;
magoši, marena, dirutegi, ga ba pšhe moo ga gagwe; go fetogile mošate. O
ka re o a lora, o rapela gore bana ba se ke ba gopola gore o be a ba swere 10
bjang le mmagobona mathomong. O ikhomotša ka la gore o be a ba
hlalefiša; a re ke yena motswadi wa mmakgonthe, wa lerato, wa go ntšha
thupa morabeng gore bana ba gagwe ba hlalefe, ba se ke ba senyega go
swana le dilo tšela tša Meisie, mong a rego ke bana. Mashudu Makhado o ile
a fetša ka gore: 'Ke ka lebaka la ka ge lehono bana ba ka e le batho …' 15
[Letl. 80–81]
2.2.1 Laetša tswalano ya baanegwa ba ba latelago:
(a) Maphefo le Mapelo (1)
(b) Meisie le Mami (1)
(c) Van Niekerk le Mashudu (1)
(d) Lufuno le Mapelo (1)
2.2.2 Mohlohleletši wa sengwalo ke moanegwa yo a hlolago diphapano
gare ga molwantšhwa le molwantšhi. Mohlohleletši wa padi ye ke
(Meisie/Lerato/Mashudu/Lehloyo). (1)
2.2.3 Akaretša setsopolwa se ka dintlha TŠE PEDI. (2)
2.2.4 Hlaloša gore mongwadi o šupa eng ka mebolelwana ye e latelago:
(a) '… bophelo ke semphekgo.' (1)
(b) '… ka ponyo ya leihlo.' (1)
(c) 'Ge e le Mashudu yena o Kanana' (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 10 DBE/2021
SC/NSC
2.2.5 Tlemollo ya lehuto ke legato la thulaganyo leo go lona bothata bo
rarollogago. Ka dintlha TŠE PEDI hlaloša ka fao setsopolwa se se
tlišago tlemollo ya lehuto ka gona. (2)
2.2.6 Ponelopele ya gago ke efe mabapi le seemo seo Meisie a lego go
sona? Fahlela ka dintlha TŠE PEDI. (2)
2.2.7 Na o dumelelana le Mashudu ge a re o be a hlalefiša bana ba
gagwe ka go ntšha thupa morabeng? Fahlela. (1)
2.2.8 Kgegeophetogo ke mafelelo a puku ao re sego ra a letela. Go ya
ka fao o ithutilego padi ye, o bona mafelelo a yona a tšweletša
kgegeophetogo? Fahlela ka dintlha TŠE PEDI. (2)
[35]
PALOMOKA YA KAROLO YA A: 35
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 11 DBE/2021
SC/NSC
KAROLO YA B: PAPADI/TERAMA
POTŠIŠO YA 3: DI ŠITILE PHAAHLA – SN Tseke
Bala ditsopolwa tše ka šedi gore o tle o kgone go araba dipotšišo.
3.1 SETSOPOLWA SA E
MOHWITI: Bjale ge ba ka re re ba balele mangwalo a barutiši, re tla
reng ka Theepe le Namele ka gore ga se ba ngwala selo
bona?
MOKGOPU: Ka ge o le motlatši wa Morwadihlare mo khuduthamageng,
o tla dira maano a go ba begela gore barutiši ba babedi ga 5
ba gona le gore mangwalo a bona ga se a fihle, fela o
holofela a tla tlišwa.
KALELANE: Aowa, nna ga ke kwane le tšhišinyo ya seboledi. Le se ke
la utamela bana. Nna ke re ge ba ka re ba balelwe
mangwalo ka moka, karabo e no ba gore ga se a felela ka 10
moka, re tla le balela ona ge a feleletše.
Tabakgolo ke go boledišana le bao ba ngwadilego gore ba
tsenye dinala fase, ba rute ba holofetše, ba tlogele tšeo
bana ba di ganago gore re se ke ra tla ra šala nyanyeng ka
moso. 15
MOHWITI: Hlogo ya sekolo, ka ge o le moeletši wa rena, wena o reng
mo tabeng ye?
MAŠUTŠA: Beng ba ka taba ke go re bana ba bona go re feta, ba
tseba go re feta, ebile ba kgona go lemoga moo yo mogolo
a tšhabago ka dihlogo tša bona. Ka gona re tlamegile go ba 20
fa ditaba ka moo di lego ka maleba.
MOKGOPU: Nna ga ke bone phošo felo ge re ka no botša bana …
[Letl.28–29]
3.1.1 Ditiragalo tša setsopolwa se di diragala tikologong ya
(sebjalebjale/segologolo). Ntšha mehlala YE MEBEDI. (3)
3.1.2 Akaretša setsopolwa se ka dintlha TŠE PEDI. (2)
3.1.3 Ngwala tswalano ya baanegwa ba ba latelago:
(a) Kalelane le Mokgopu (1)
(b) Mašutša le Namele (1)
3.1.4 Hlaloša dika tša go latela go ya ka fao di dirišitšwego ka gona
setsopolweng se:
(a) Go tsenya dinala fase. (1)
(b) Go šala nyanyeng. (1)
(c) Go tšhaba ka dihlogo tša rena. (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 12 DBE/2021
SC/NSC
3.1.5 Na maitshwaro a Namele le Theepe a go se sekegele dinyakwa
tša barutwana tsebe a ba tšweletša e le batho ba mohuta mang?
Fahlela. (2)
3.1.6 Na thulano yeo e tšwelelago magareng ga Mokgopu le Kalelane ke
ya mohuta mang? Fahlela. (2)
3.1.7 Ka dintlha TŠE PEDI hlatholla molaetša wo o tšweletšwago ke
dipolelo tša Mašutša. (2)
3.1.8 Ka dintlha TŠE PEDI tšweletša ponelopele ya gago mabapi le
polelo ya Mokgopu ya gore: '… barutiši ba babedi ga ba gona le
gore mangwalo a bona ga se a fihle'. (2)
LE
3.2 SETSOPOLWA SA F
NKINOLE: A ke go fe taba. Monna wa gešo, ke kgale barutwana,
barutiši le setšhaba se lla ka wena, eupša Mohlahlobi a sa
lape go kgafa. Le lehono o dirile gabotse ka go se go direle
molato. Rena ba Khuduthamaga re biditšwe, ra laodišetšwa
ditaba tša gago ka moka, go akaretšwa le ya go lwa le 5
morutwana ka lebaka la go se amogelege. Ka gona rena re
ka se kgone go e tsena, mola o sa ka wa re botša selo
mabapi le nyalano ya gago le barutwana.
NAMELE: Gona ke tla ya go boramolao gore ba nkemele mo tabeng
ye. 10
NKINOLE: O ka no ya, eupša o ka se boelwe ke selo ka ge molato wa
gago o le kgakala. Seo o tla se bunago ke tshenyegelo ya
tšhelete ya gago go bona le go lahlegelwa ke ditshwanelo
ka moka tšeo di fiwago barutiši, go swana le tšhelete ya
botšofadi le tše dingwe ditšhelete. Nna ke go eletša gore o 15
ye fao ba rego o ye ntle le go nganga. O tla re o le moo wa
nyaka sekolo seo o se ratago, gomme wa kgopela gore o
lokollwe o ye fao semolao.
NAMELE: (O nyamile, o fedile maatla.) Ke a go leboga ka moo o
mpoditšego, o nkeleditšego. Ke tla ya sekolong sa Kelahlile 20
mong wa ka.
NKINOLE: Monna o dira bjalo, a inama sa mo tshela, …
[Letl.108]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 13 DBE/2021
SC/NSC
3.2.1 Nyalantšha baanegwa go tšwa KHOLOMONG YA A le ditiro tša
bona KHOLOMONG YA B. Ngwala fela tlhaka (A–E).
KHOLOMO YA A KHOLOMO YA B
1. Nkinole A Mohlahlobimogolo.
2. Namele B Moemedi wa barutwana.
3. Lefagwana C Leloko la sekolokomiti.
4. Mohwiti D Morutiši wa go hlohleletša
bana.
E Modulasetulo wa lekgotla la
barutiši.
(4 x 1) (4)
3.2.2 Tsopola mebolelwana ye e laetšago tše di latelago:
(a) Ditaba tša tšwela nyanyeng. (1)
(b) O swanetše go ineela. (1)
3.2.3 Namele ke (molwantšhi/molwantšhwa) wa papadi ye. (1)
3.2.4 Hlaloša mehola YE MEBEDI ya ditšhupasefala papading. (2)
3.2.5 Morero ke kgopolokgolo/tabakgolo yeo e šušumeditšego
mongwadi go ngwala sengwalo:
(a) Re alele morero wa papadi ye. (1)
(b) Hlaloša ka mo diteng tša setsopolwa se di nyalelanago le
morero wa papadi ye ka gona. (1)
3.2.6 Hlaloša ka dintlha TŠE PEDI seo se ka šitišago papalego ya
setsopolwa se. (2)
3.2.7 Ka ntlha E TEE hlaloša ka moo setsopolwa se se huetšago tharollo
ya bothata ka gona. (1)
3.2.8 Na o kwela Namele bohloko? Fahlela. (1)
3.2.9 Na go ya ka wena o bona mongwadi a atlegile go ruma papadi ye?
Fahlela ka dintlha TŠE PEDI. (2)
[35]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 14 DBE/2021
SC/NSC
POTŠIŠO YA 4: GA LE BATSWADI BA SELO – F Mothupi
Bala ditsopolwa tše ka šedi gore o tle o kgone go araba dipotšišo.
4.1 SETSOPOLWA SA G
PULANE: (O bolela a nnoši) Ke ipotšiša gore na tate ge a sa reke
sešebo, o ra gore re tlo šeba ka ditamati tše fela? (Ka go
tshwenyega) O a tseba bophelwana bja ka mo gae ga ke
sa bo kwešiša bjale gona. Ka mo o amogile le mma karata
ya go nkgolela kua SASSA. Mma le yena o ka re o 5
ješitšwe, o a tseba. A o reng a sa no tlo … (Lebati le a
bulega go tsena Setongwane)
SETONGWANE: A o apeile eng ka gore nna ke swerwe ke ya
maditšhelane, Pulane?
PULANE: (Ka boleta) Ke apeile bogobe le ditamati Tate. 10
SETONGWANE: A o tsenwe ke bogafa ngwanenyana tena? O nagana gore
nna nka ja bogobe ka ditamati ge o ntebeletše?
PULANE: Ga go na sešebo se sengwe, tate. Setšidifatši sese ga se
na selo ka gare.
SETONGWANE: E le gore yola mmago yena o šomelang ka gore nkabe re 15
sa hloke sešebo ka mo gae?
PULANE: A ke re sona se se fedilego se rekilwe ke yena tate. Le
gona ge nkabe o se wa mo amoga karata ya ka ya mogolo
nkabe a tlo kgona go reka sešebo.
SETONGWANE: (O šikinya hlogo) O bolela ditšiebadimo bjale. O nagana 20
gore le ka no dula ka mo ga ka mahala?
PULANE: Kgane re swanetše go lefela go dula ka mo?
SETONGWANE: Tlogela go gadika ditamatiana tše tša gago o ye o
hlokomele batho bale …
[Letl.19–20]
4.1.1 Ditiragalo tša setsopolwa se di diragala tikologong ya
(sebjalebjale/segologolo). Ngwala mehlala YE MEBEDI. (3)
4.1.2 Ka dintlha TŠE PEDI akaretša setsopolwa se. (2)
4.1.3 Ngwala tswalano ya baanegwa ba ba latelago:
(a) Setongwane le Pulane (1)
(b) Phafana le Setongwane (1)
4.1.4 Hlaloša dika tša go latela go ya ka fao di dirišitšwego ka gona
setsopolweng se:
(a) Go ješwa. (1)
(b) Go swarwa ke ya maditšhelane. (1)
(c) Go bolela ditšiebadimo. (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 15 DBE/2021
SC/NSC
4.1.5 Na maitshwaro a Setongwane a go tšea karata ya SASSA a mo
tšweletša e le motho wa mohuta mang? Fahlela. (2)
4.1.6 Na thulano yeo e tšwelelago magareng ga Pulane le Setongwane
ke ya mohuta mang? Fahlela. (2)
4.1.7 Ka dintlha TŠE PEDI hlatholla molaetša wo o tšweletšwago ke
dipolelo tša Pulane. (2)
4.1.8 Ka dintlha TŠE PEDI tšweletša ponelopele ya gago mabapi le
poledišano ya Setongwane le Pulane. (2)
LE
4.2 SETSOPOLWA SA H
SETONGWANE: (O hlakahlakane). Aowa bjale gona, Nkareng, kgane
Pulane le Phakuphaku yola wa lena ba reng ba sa fetše ka
kua moraleng? Kgane ba tloga ba bolela ditaba tša mohuta
mang tša go se fele?
NKARENG: (O tšhogile) Le nna ga ke tsebe Setongwane. Gape ke 5
kgale ba itswaleletše ka kua.
MAHLODI: Ke mokgwa wa maphodisa ge le sa ba tsebe, batho bešo.
Ge ba bula molato ba botšiša se le sela gore ba kgone go
ngwala setatamente sa go kwešišega.
SETONGWANE: Le wena Nkareng o dirile phošo ka go ya kua 10
maphodiseng.
NKARENG: Ke dirile phošo ya eng mola ke nyaka go phološa
ngwanake? Ke gore ke nnete lefotwana e sego la gago o
hloba le gaela, eye?
SETONGWANE: Bona bjale gore re letile thojana bjang? Ge nkabe o nkwele 15
ge ke be ke re o se ye maphodiseng tše ka moka nkabe di
se gona.
NKARENG: Re be re tlo dula le taba ye go fihlela neng? Afa o a
lemoga gore taba ye ya gago le Phafana e gobaditše nna
le Pulane moyeng? 20
SETONGWANE: Ga ke gane, Nkareng, eupša ke tshwenywa le ke taba ya
gore re ilo tšea tšhelete ya go bušetša Phafana kae?
NKARENG: Aowa Setongwane, sa re: 're ilo' e re wena o ilo e tšea kae.
SETONGWANE: A o lebetše gore re e jele ka moka, ke ra le yena yola
Pulane? 25
[Letl.73–74]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 16 DBE/2021
SC/NSC
4.2.1 Nyalantšha baanegwa go tšwa KHOLOMONG YA A le ditiro tša
bona KHOLOMONG YA B. Ngwala fela tlhaka (A–E).
KHOLOMO YA A KHOLOMO YA B
1. Phakuphaku A Mogwera wa Setongwane.
2. Nkareng B Morutiši wa Pulane.
3. Mahlodi C Monna wa lephodisa.
4. Phafana D Mmago Pulane.
E Mogwera wa Nkareng.
(4 x 1) (4)
4.2.2 Tsopola mebolelwana ye e laetšago tše di latelago:
(a) Ngwana ge e se wa gago ga o mo sware gabotse. (1)
(b) Ba dutše moletelong. (1)
4.2.3 Setongwane ke (molwantšhi/molwantšhwa) wa papadi. (1)
4.2.4 Hlaloša mehola YE MEBEDI ya ditšhupasefala papading. (2)
4.2.5 Morero ke kgopolokgolo/tabakgolo yeo e šušumeditšego
mongwadi go ngwala sengwalo:
(a) Re alele morero wa papadi ye. (1)
(b) Hlaloša ka mo diteng tša setsopolwa se di nyalelanago le
morero wa papadi ye ka gona. (1)
4.2.6 Hlaloša ka dintlha TŠE PEDI seo se ka kgontšhago papalego ya
setsopolwa se. (2)
4.2.7 Ka ntlha E TEE hlaloša ka moo setsopolwa se se huetšago tharollo
ya bothata ka gona. (1)
4.2.8 Na o kwela Setongwane bohloko? Fahlela. (1)
4.2.9 Go ya ka wena o bona mongwadi a atlegile go ruma papadi ye?
Fahlela ka dintlha TŠE PEDI. (2)
[35]
PALOMOKA YA KAROLO YA B: 35
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 17 DBE/2021
SC/NSC
KAROLO YA C: KANEGELOKOPANA
POTŠIŠO YA 5: KHUPAMARAMA – Mamphoku Mamabolo
Bala ditsopolwa tše ka šedi gore o tle o kgone go araba dipotšišo.
5.1 'LEGOKOLODI LA MAREGA' – MS Madiba
SETSOPOLWA SA I
… Aowa, ruri go be go laeditše gore Pano sekolo e be e se madi a gagwe, ka
gore melao ya go otlela o be a badile ka pela a ba a tšwelela bjalo ka
morutiši yoo a nago le maitemogelo a go bala. Tšeo o be a di dirile ka katlego
ka lebaka la ge e be e se tša go tsoga ka masa, a hlape a rwale diporogwana
a lebe sekolong, a be a ye go dula diiri tše tshela go ya go tše šupa a 5
theeleditše. Seo Pano o be a se hloile bjalo ka mpša yeo e hloilego
khabetšhe.
Kgotlelelo ya Pano e be e dirile gore a humane lengwalo la gagwe la go
otlela, leo batswadi ba gagwe ba rilego go mmotša ka go le tšea, a gopola
gore yena ke yo mogolo. A napa a ipona ge bjale a ka ikgweranya le 10
metswakotswako ya lefase bjalo ka bjala le go fola. Morago ga go atlega ga
gagwe tatagwe o ile a thaba kudu, a ba a thoma le go mo fa sefatanaga gore
a tlwaele go otlela morago a tle a mo thuše. O thomile ka go išetša batho
maupi le malahla nageng ya gabo. Moo gona o ile a bea pelo ya tatagwe
fase ka ge a ile a dira tša go ratwa ke tatagwe, … 15
[Letl.72]
5.1.1 Nyalantšha baanegwa go tšwa KHOLOMONG YA A le tlahlošo ka
go KHOLOMONG YA B. Ngwala fela tlhaka (A–D).
KHOLOMO YA A KHOLOMO YA B
1. Molwantwa A Kgarebe ya go robala
bookelong.
2. Itlhobogeng
B Monna wa mohumi.
3. Pano
C Mosadi wa tšhobolo.
D Mošemane wa go se
theeletše.
(3 x 1) (3)
5.1.2 Efa leina la moanegwathwadi wa kanegelokopana ye. (1)
5.1.3 Ditiragalo tša setsopolwa se di diragala tikologong ya sebjalebjale.
Tsopola mehlala YE MERARO go netefatša se. (3)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 18 DBE/2021
SC/NSC
5.1.4 Moanegi ke yena a hlagišago mošomo wa gagwe pele ga mmadi.
Ka dintlha TŠE PEDI laetša tema yeo e kgathwago ke moanegi mo
kanegelokopaneng ye. (2)
5.1.5 Sehloa ke magomo a thulano ka gare ga sengwalo. Ka ntlha E
TEE tšweletša sehloa sa kanegelokopana ye. (1)
5.1.6 Hlogo ya kanegelokopana e swanetše go nyalelana le diteng tša
yona. Netefatša se ka dintlha TŠE PEDI. (2)
5.1.7 Ntlhatebelelo ke maemo a mongwadi ka gare ga sengwalo. Na
ntlhatebelelo ya mongwadi ke efe mabapi le kanegelokopana ye?
Fahlela. (2)
5.1.8 Molaetša ke thuto yeo re ithutago go tšwa sengwalweng. Ka ntlha
E TEE re alele molaetša wa kanegelokopana ye. (1)
5.1.9 Na ditiragalo tša kanegelokopana ye di a kgodiša? Fahlela. (1)
5.1.10 Ka dintlha TŠE PEDI ahlaahla sephetho seo o bego o ka se tšea
malebana le maitshwaro a Pano. (2)
LE
5.2 'MOHLOMONGWE KE TLHABOLOGO' – JRL Rafapa
SETSOPOLWA SA J
Ge barwedi ba robega maoto empa ge a ba botšiša thopeng ka sesadi ba
gana go bolela bašemane ba go ba šaetša, mogatšagwe a buša gape a re go
dirwe bohlola bja go emela matswalo a bana pele. Mola ba belegago ka
mehla ge Ekwang a re ba moago ba bitšwe bana ba botšišwe gore ba be ba
tšwe le taba go rata le go se rate monna a mo tshepiša gore seo se tlo direga 5
ge marega a ikepela, go thoma seruthwane. Ka seruthwane a re ema pula e
seole pele re leme mašemo ke gona re tlogo di dulela gabotse. Ge selemo se
fihla a re emela lehlabula. Ge lehlabula le fihla a re ditaba tša mohuta wo di
bose ge di ka dulelwa marega. Ebile lehono ke lehono šefa.
Mošemane o dio re go phula sekaku boladu, Tibang a be a šetše a fofetše 10
Moswananoši bjalo ka kgogo ya ditswiyane. A mo swinetša matsogo ka
dihakaboi tša mošomong a bile a re: 'Mogadibo a re ye bohle seteišeneng sa
maphodisa go bea mogolwake molato wa go goboša tlemaganyo ya lenyalo
le tšhomišompe ya bana ka go imiša barwedi ba gagwe.'
A retologela go mošemane yola wa go phula khudu ka mpeng a re: 'Ngwana 15
wa mogolwake, le wena ntšhale morago go yo bea rrago molato wa go imiša
ngwetši ya gagwe.'
[Letl.48–49]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 19 DBE/2021
SC/NSC
5.2.1 Efa tswalano ya baanegwa ba go ya le ka moo o kwešišago
kanegelokopana ye ka gona:
(a) Moswananoši le Tibang (1)
(b) Moswananoši le Ekwang (1)
(c) Melita le Aleta (1)
5.2.2 Go tšwa temaneng ya pele tsopola mantšu ao a laetšago tše di
latelago:
(a) Go ima (1)
(b) Sephiring (1)
(c) Ge marega a fela (1)
5.2.3 Ka ntlha E TEE akaretša temana ya bobedi setsopolweng se. (1)
5.2.4 Na mongwadi o tšweletša Tibang le Moswananoši e le batho ba
mohuta mang? Fahlela. (4)
5.2.5 Na thulano ye e lego setsopolweng se ke ya mohuta mang?
Fahlela. (2)
5.2.6 Morero ke kgopolokgolo yeo mongwadi a ratago go e tšweletša ka
sengwalo sa gagwe. Re alele morero wa kanegelokopana ye. (1)
5.2.7 Maikutlo a gago ke afe mabapi le seo Moswananoši a se dirilego?
Fahlela ka dintlha TŠE PEDI. (3)
PALOMOKA YA KAROLO YA C: 35
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 20 DBE/2021
SC/NSC
KAROLO YA D: THETO
DIRETO TŠA SESOTHO SA LEBOA – Prof. DM Kgobe
POTŠIŠO YA 6
Araba dipotšišo KA MOKA.
6.1 Bala sereto se sa ka tlase gomme o arabe dipotšišo tša go se latela.
MOEMEDI – RM Madiga
1 Mehleng yela ya kgale o be o le kae?
2 O be o le kae wena Moemedi?
3 O be o le kae ke be ke tshwenyega
4 Ke tshwenywa ke baloi le dingaka?
5 Ge e le Sathane yena ga ke sa bolela,
6 Ke be ke sehlefetše bjalo ka mobu,
7 Ke foforega boyana ke sa kgahle motho
8 E le ge Sathane a ntseneletše.
9 Tsela ya gago go e tseba nkhokho!
10 Ke be ke fahlilwe ke sa tsebe botse le bobe,
11 Ke gakilwe wa meetsemagakwa tlhokaboelelo,
12 Ke se na bodulo ke le fela tshwaamare
13 Ke sengwa lešilwana la lešilapuleng.
14 Moemedi moemela šabana la bommamotho
15 O gorogile go nna wa senakangwedi swiswing
16 Ka lebana le wena bošego le mosegare serokaphatla
17 O tumotše wa pelolebje, o gohlomeditše pelomoya.
18 Ke kgale ke hubaka le bomatšhekge,
19 Ke kgale ke phuphura dirokolo le makokoro,
20 Ke kgale ke galampela merelewa le mereselewe
21 Ke sa tsebe ge o le gona moemedi
22 Ke sa tsebe ge o phediša tšohle diphedi.
23 Maribiši le maribišane a bošego
24 Hleng moloi o be a raloka ka nna?
25 Tlhakeng ya ntlo ya ka o ralokile:
26 Dilotsoko di fofa godimo ga ntlo,
27 Dikokotitsoko di kokotile go la ka lebatingwako,
28 Dilotsoko di nkokotela lebating,
29 Anthe ke dirongwarongwana tša bona baloi,
30 Ke rile go fihla tseleng ya gago Moemedi,
31 Moloi wa mokgalabje nankhono ke mošemanyana,
32 Moloi wa mokgekolo mamohla ke ngwanenyana,
33 Moemedi, kae kapa kae o nketela pele.
[Letl.63]
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 21 DBE/2021
SC/NSC
6.1.1 Efa mohuta wa sereto se. (1)
6.1.2 Tsopola tlemanyithalo yeo e tsweletšwago temathetong ya 1. (1)
6.1.3 Tirišo ya leswao la makalo mothalothetong wa 9 e laetša (go
makala/go gatelela kgopolo). (1)
6.1.4 Potšišoretoriki ke potšišo yeo e sa nyakego karabo. Efa mehlala
YE MEBEDI go tšwa temathetong ya 1. (2)
6.1.5 Ngwala dibokantšu TŠE PEDI go tšwa mothalothetong wa 11. (2)
6.1.6 Mothalotheto wa 17 o tšweletša sešura:
(a) Hlaloša gore sešura ke eng. (1)
(b) Na mohola wa sona ke ofe? (1)
6.1.7 Hlatholla kgopolokgolo yeo e tšweletšwago ke tirišo ya mantšu a a
latelago:
(a) Hubaka (1)
(b) Phuphura (1)
.
(c) Galampela (1)
6.1.8 Hlaloša ka mabaka A MABEDI molao wa tirišo ya poeletšo
temathetong ya 3. (2)
6.1.9 Hlogo ya sereto se ke sekai. Ka dintlha TŠE PEDI ahlaahla
kwešišo ya gago mabapi le hlogo ya sereto se. (2)
6.1.10 Maikutlo a moreti ke a mohuta mang mabapi le Moemedi? Fahlela. (2)
LE
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 22 DBE/2021
SC/NSC
6.2 Bala sereto sa ka tlase gomme o arabe dipotšišo tša go se latela.
LA PITŠANA – LP Thoka
1 Ge e le lehu re hwile la pitšana,
2 Gobane la sego lona le ka rokwa,
3 Afrika-Borwa ruri e tsenetšwe ke sera,
4 Boramaledu ba iphetošitše dipoo tša marurušo,
5 Ba iphetošitše mekoko ruri ba a kopa,
6 Ba iphetošitše dikgotho ruri ba a kgotha,
7 Ba itirela boithatelo ka bana le basadi,
8 Ba šomiša mmušo wa mokoko,
9 Ke bo sekopa le matswiana,
10 Matheka ba ithinyolla ka digotlane tša ditlolamelora,
11 Bangwe merogo ba ikgela diphoofolong,
12 Ba re ba fodiša tšhitadingaka ka madimahlweka.
13 Ba ithekgile ka diema tša batala,
14 Ba re nka ja mo nka nona,
15 Ba re mosadi ke kgano o gola ….
16 Ba re mosadi ke tloo o gola …
17 Ba re o bone molete wa tšhošwane mabala,
18 Beng ba tsena ka merwalo, ba rwaleletše.
19 Le reng le tlaiša baapei le barwedi ba lena?
20 Le reng le iphile diokobatši le madila?
21 E ka ba ke bogaswi goba madirakaboomo?
22 E ka ba ke dinotagi goba ke malwetši?
23 Dirang diteko tša monagano lena dingaka,
24 Dirang mošomo wa lena boradikepisana,
25 Bokata le bobolai ke bogole bja letšatši Afrika-Borwa,
26 Ba swarwa lehono ka moswana ba sepela mmileng,
27 Basadi ga ba sa ya mahung le melatong,
28 Di ka šala di itšhebetša ka ba ditlolamelora.
[Letl.78]
6.2.1 Tsopola sekapolelo sa tshwantšhišo temathetong ya 1. (1)
6.2.2 Ngwala diema TŠE PEDI go tšwa temathetong ya 2. (2)
6.2.3 Ka dintlha TŠE PEDI akaretša dikgopolo tša sereti methalothetong
ya 8–10. (2)
6.2.4 Efa sebopego sa sereto se sa ka ntle o lebeletše methalotheto le
ditematheto. (2)
6.2.5 Hlaloša mohola wa tlogelo methalothetong ya 15 le 16. (1)
Tokelo ya ngwalollo e ileditšwe Phetla
Downloaded from hlayiso.com
Sepedi Lelemetlaleletšo la Pele (FAL)/P2 23 DBE/2021
SC/NSC
6.2.6 Methalotheto ya 17 le 18 e tšweletša kelelothalo. Hlaloša gore
kelelothalo ke eng. (1)
6.2.7 Efa tlhalošothwii ya mebolelwana yeo e latelago:
(a) '… ba ikgela merogo diphoofolong' (1)
(b) 'Ba re ba fodiša tšhitadingaka …' (1)
6.2.8 Mothalotheto wa 26 le 27 o tšweletša morumokwanotshadi.
Hlaloša gore morumokwanotshadi ke eng. (1)
6.2.9 Na moya wo o fokago temathetong ya 3 ke wa mohuta mang?
Fahlela. (2)
6.2.10 Na o bona toka e phethagatšwa go bahlokofatšwa go ya ka diteng
tša sereto se? Fahlela o lebeletše temathetho ya 3. (1)
6.2.11 Ka dintlha TŠE PEDI re alele molaetša wa sereto se. (2)
PALOMOKA YA KAROLO YA D: 35
PALOMOKA YA TLHAHLOBO: 70
Tokelo ya ngwalollo e ileditšwe
Study this subject
Recommended for this subject

Question paper
Sepedi FAL Grade 12 Paper 1 NSC June 2021 Question Paper

Question paper
Sepedi FAL Grade 12 Paper 3 NSC June 2021 Question Paper

Question paper
Sepedi FAL Grade 12 Paper 2 NSC November 2021 Question Paper

Question paper
Sepedi FAL Grade 12 Paper 2 NSC June 2024 Question Paper

Question paper
Sepedi FAL Grade 12 Paper 2 NSC June 2023 Question Paper

Question paper
Sepedi FAL Grade 12 Paper 2 NSC June 2019 Question Paper
More from Grade 12 Sepedi FAL

Annual teaching plan
Gr 12 Sepedi FAL ATP 2023 24

Memorandum
Sepedi FAL Grade 12 Paper 1 NSC June 2025 Memo

Memorandum
Sepedi FAL Grade 12 Paper 2 NSC June 2025 Memo

Memorandum
Sepedi FAL Grade 12 Paper 3 NSC June 2025 Memo

Memorandum
Sepedi FAL Grade 12 Paper 1 NSC November 2025 Memo
--bcece954-738e-42ad-928b-b5411db789f3/v1-336656ea308bb0a6a695/card.webp)
Memorandum