Sepedi HL Grade 12 Paper 3 November 2024 NSC Question Paper

Confidential NATIONAL SENIOR CERTIFICATE KREITI YA 12 SEPEDI LELEME LA GAE (HL) LEPHEPHE LA BORARO (P3) DIBATSELA 2024 MEPUTSO: 100 NAKO : Diiri tše 3 Palomoka ya matlakala a dipotšišo ke 5. Tokelo ya ngwalollo e ileditšwe Phetla

Sepedi Leleme la Gae (HL)/P3 2 DBE/Dibatsela 2024 NSC Confidential DITAELO LE TSHEDIMOŠO 1. Lephephepotšišo le, le arotšwe ka DIKAROLO TŠE PEDI. KAROLO YA A: Ditaodišo (50) KAROLO YA B: Ditšweletšwa tša tirišano (2 x 25) (50) 2. Araba potšišo E TEE KAROLONG YA A le dipotšišo TŠE PEDI KAROLONG YA B. 3. Šomiša polelo yeo o lekwago ka yona. 4. Thoma KAROLO YE NNGWE le YE NNGWE letlakaleng LE LEFSA. 5. Beakanya taodišo le mehuta ye mengwe ya ditšweletšwa (ka tsela ya mmepe wa monagano, seswantšho, mantšu a bohlokwa le tše dingwe) o be o fe padišišo/palobohlatse. Peakanyo e tšwelele PELE ga taodišo le ditšweletšwa tšeo. 6. Peakanyo e swanetše go bonagala gabotsebotse gore ke peakanyo. Ka gona o eletšwa go thala mothalo go putlaganya peakanyo ye nngwe le ye nngwe. 7. O eletšwa kudukudu go diriša nako yeo o e filwego ka tsela ye: KAROLO YA A: Metsotso ye e ka bago ye 100 KAROLO YA B: Metsotso ye e ka bago ye (2 x 40) 80 8. Nomora dikarabo go ya le ka fao dipotšišo di nomorilwego ka gona. 9. Hlogo ga se ya swanela go akaretšwa ge go balwa mantšu. 10. Ngwala ka bothakga le ka mongwalo wa go balega. Tokelo ya ngwalollo e ileditšwe Phetla

Sepedi Leleme la Gae (HL)/P3 3 DBE/Dibatsela 2024 NSC Confidential KAROLO YA A: DITAODIŠO POTŠIŠO YA 1 Kgetha E TEE ya dihlogo tše di latelago gomme o ngwale taodišo ya botelele bja mantšu a 400–450 (diteng fela). Nov Taodišo e rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, palobohlatse gammogo le sebopego. 1.1 Go kganya go mo lobišitše [50] 1.2 Basadi ba na le bokgoni bja boetapele [50] 1.3 Dikgetho tša Mei 2024 [50] 1.4 Ke bone ka yena gore go a kgonega [50] 1.5 Dikgokagano tša leago ke kgenkgerepe [50] 1.6 Setšo sa motho, bohwa bja motho. Dumela goba o ganetše. [50] Lekodišiša diswantšho tše tša ka tlase (1.7 le 1.8) ka kelohloko gomme o kgethe SE TEE sa tšona o ngwale taodišo ka sona. Efa taodišo ya gago hlogo ya maleba. ELA HLOKO: Dikgopolo tša gago di nyalelane le tše di tšwelelago seswantšhong. 1.7 [Mothopo: www.@successpictures] [50] Tokelo ya ngwalollo e ileditšwe Phetla

Sepedi Leleme la Gae (HL)/P3 4 DBE/Dibatsela 2024 NSC Confidential 1.8 [Mothopo: www.@successpictures] [50] PALOMOKA YA KAROLO YA A: 50 Tokelo ya ngwalollo e ileditšwe Phetla

Sepedi Leleme la Gae (HL)/P3 5 DBE/Dibatsela 2024 NSC Confidential KAROLO YA B: DITŠWELETŠWA TŠA TIRIŠANO POTŠIŠO YA 2 Araba dipotšišo TŠE PEDI go tše tshela tše di latelago. Botelele bja karabo ya gago e be mantšu a 180–200 (diteng fela). Setšweletšwa se rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, palobohlatse gammogo le sebopego. 2.1 LENGWALO LA SEGWERA Motswalago o sa tšo amogela sefoka sa bommasebotsana wa selete sa gabo. Mo ngwalele lengwalo o mo lebogiše. [25] 2.2 EMEILE E sa le o dira dikgopelo tša karata ya boitsebišo dikgwedi tše tshela tša go feta gomme le lehono ga se wa e hwetša. Ngwalela ba Kgoro ya Selegae emeile o botšiše ka kgopelo ye o e dirilego. [25] 2.3 TŠA BOPHELO BJA MOHU Tatago mogwera wa gago yo e bego e le mogale mererong ya dipolotiki o hlokofetše a na le mengwaga ye masomehlanotharo. Ngwala tša bophelo bja mohu yo. 25] 2.4 ATHIKELE YA KURANTA O yo mongwe wa bangwadi ba kuranta ya 'DITLALEMESO'. O lemogile gore go na le batho ba ba rekišetšago bana ba sekolo dikuku tše di nago le diokobatši. Ngwala athikele ya kuranta mo o tšweletšago ngongorego ya gago mabapi le taba ye. [25] 2.5 POLEDIŠANO Mmago yo a šomago kgole le gae o nyaka go tlogela mošomo gore a kgone go tlo dula le lapa la gagwe. Wena o bona go tlogela mošomo e le phošo ye kgolo. Ngwala poledišano gare ga gago le yena mabapi le taba ye. [25] 2.6 DITSHWAYATSHWAYO O be o ile go bogela filimi ya puku ye e balwago mphatong wa marematlou. Ngwala ditshwayatshwayo ka filimi ye. [25] PALOMOKA YA KAROLO YA B: 50 PALOMOKA YA TLHAHLOBO: 100 Tokelo ya ngwalollo e ileditšwe