Setswana FAL P3 May June 2024

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS SETSWANA PUOTLALELETSO YA NTLHA (FAL) PAMPIRI YA BORARO (P3) MOTSHEGANONG/SEETEBOSIGO 2024 MADUO: 100 NAKO: Diura tse 2½ Pampiri e, e na le ditsebe di le 6. Kwalololo e ileditswe Phetla

Setswana Puotlaleletso ya Ntlha (FAL)/P3 2 DBE/Motsheganong/Seetebosigo 2024 SC/NSC Confidential DITAELO LE TSHEDIMOSETSO 1. Pampiri e, e arogantswe ka DIKAROLO di le THARO: KAROLO YA A: Tlhamo (50) KAROLO YA B: Ditlhangwa tse dileele tsa tirisano. (30) KAROLO YA C: Ditlhangwa tse dikhutshwane tsa tirisano. (20) 2. Araba potso e le NNGWE go tswa mo KAROLONG NNGWE le NNGWE. 3. Kwala ka puo e o tlhatlhobiwang ka yona. 4. Simolola KAROLO NNGWE le NNGWE mo tsebeng e NTŠHWA. 5. Kwala letlhomeso (sekao, mmapa wa dikakanyo/sethalo/tšhate/mafoko a a kaelang, jalo le jalo), siamisa diphoso le go buisa tiro ya gago gape. Letlhomeso le kwalwe PELE o simolola go kwala tlhamo. 6. Tirokwalo ya ipaakanyo yotlhe e tshwanetse go tlhagelela sentle. Thala mola o o sekaganyang go supa fa tirokwalo e le ya ipaakanyetso. 7. Tiriso ya nako e e tshitshinngwang ke: KAROLO YA A: Metsotso e le 80 KAROLO YA B: Metsotso e le 40 KAROLO YA C: Metsotso e le 30 8. Dinomoro tsa dikarabo di tlhagelele jaaka di ntse mo pampiring ya dipotso. 9. Naya karabo nngwe le nngwe setlhogo se se maleba. 10. Setlhogo GA SE a tshwanela go akarediwa mo palong ya mafoko a a tlhokegang. 11. Kwala sentle ka mokwalo o o buisegang. Kwalololo e ileditswe Phetla

Setswana Puotlaleletso ya Ntlha (FAL)/P3 3 DBE/Motsheganong/Seetebosigo 2024 SC/NSC Confidential KAROLO YA A: TLHAMO POTSO 1 Kwala tlhamo ya boleele jwa mafoko a a ka nnang 250–300 ka NNGWE fela ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo. O se ke wa lebala go thala letlhomeso/lenaneopaakanyo PELE o kwala. 1.1 Maaka ga a na lebelo. [50] 1.2 Bothata jo bo ka tlholwang ke tlhotlhwa e e kwa godimo ya peterole. [50] 1.3 Fa nka busetsa letsatsi leo kwa morago ... [50] 1.4 Go kgaolwa ga motlakase nako le nako go ama matshelo a rona. [50] 1.5 Lenaane la go fepiwa ga barutwana kwa dikolong ga le na molemo ope. [50] 1.6 Dikgakololo tse a nneetseng tsona, di nkagile e le ruri. [50] Tlhopha setshwantsho SE LE SENGWE go tswa mo go tse di latelang mme o kwale tlhamo ka ga sona. Nomora potso ya gago go nna (1.7 KGOTSA 1.8). Neela tlhamo ya gago setlhogo se se maleba. ELA TLHOKO: Diteng tsa tlhamo ya gago di tshwanetse go nyalana le setshwantsho se o se tlhophileng. 1.7 [Se nopotswe go tswa mo www.google.school kids.] [50] Kwalololo e ileditswe Phetla

Setswana Puotlaleletso ya Ntlha (FAL)/P3 4 DBE/Motsheganong/Seetebosigo 2024 SC/NSC Confidential 1.8 [Se nopotswe go tswa mo www.google.essay pictures] [50] 2024 PALOGOTLHE YA KAROLO YA A: 50 Kwalololo e ileditswe Phetla

Setswana Puotlaleletso ya Ntlha (FAL)/P3 5 DBE/Motsheganong/Seetebosigo 2024 SC/NSC Confidential KAROLO YA B: DITLHANGWA TSE DILEELE TSA TIRISANO POTSO 2 Araba potso e le NNGWE fela mo karolong e. Karabo e nne boleele jwa mafoko a a ka nnang 120–150. 2.1 LEKWALO LA BOTSALANO Kgaitsadio o dirile bokoa mo tlhatlhobong ya Setswana ngwaga o o fetileng. Mo kwalele lekwalo o mo neele maele a go tokafatsa maduo a gagwe gore a bone dipholo tse di itumedisang. [30] 2.2 LEKWALO LA SEMMUSO Kwalela Tona ya Lefapha la Dipalangwa lekwalo o ngongorege ka mathata a badirisi ba itemogelang ona ka nako ya dintwa magareng ga bakgweetsi. [30] 2.3 PUO O moemedi wa bašwa kwa kerekeng. Botsamaisi bo go kopile go lemosa phuthego ka botlhokwa jwa go oketsa matlole a kereke. Kwala puo e o tlaa neelanang ka yona mabapi le ntlha e. [30] 2.4 MMUISANO Mo motseng wa gaeno go na le bothata ba go sa tsewe ga matlakala ka tshwanelo. Kwala mmuisano o mo go ona o tlhagisetsang Ratoropo mathata a a bakwang ke ntlha e. [30] PALOGOTLHE YA KAROLO YA B: 30 Kwalololo e ileditswe Phetla

Setswana Puotlaleletso ya Ntlha (FAL)/P3 6 DBE/Motsheganong/Seetebosigo 2024 SC/NSC Confidential KAROLO YA C: DITLHANGWA TSE DIKHUTSHWANE TSA TIRISANO POTSO 3 Araba potso e le NNGWE fela mo karolong e. Karabo e nne boleele jwa mafoko a a ka nnang 80–100. 3.1 PAMPITSHANA YA TSHEDIMOSETSO Kwala pampitshana ya tshedimosetso ka dijo tse di tlileng go fiwa batsofe mo motseng wa gaeno. [20] 3.2 MOLAETSAKHUTSHWE (SMS) Leba setshwantsho se se latelang mme morago o kwalele tsala ya gago molaetsakhutshwe o o tsamaelanang le sona. [20] [Se nopotswe go tswa mo www.google shopping] 3.3 DIKAELO Baoki ba kwa tleleniking ya mo motseng ba tshwanetse go tlisetsa rraago melemo kwa gae gonne a sa kgone go tsamaya. Kwalela baoki dikaelo tsa go tloga kwa tleleniking go fitlha kwa gaeno. [20] PALOGOTLHE YA KAROLO YA C: 20 PALOGOTLHE YA TLHATLHOBO: 100 Kwalololo e ileditswe