Downloaded from hlayiso.com
NATIONAL
SENIOR CERTIFICATE
KEREITE YA 12
SESOTHO PUO YA TLATSETSO YA PELE (FAL)
PAMPIRI YA PELE (P1)
PUDUNGWANA 2019
MATSHWAO: 80
NAKO: Dihora tse 2
Pampiri ena e na le maqephe a 11.
Difuperweng tsa pampiri ena di se sebediswe ntle ho tumello Phetla
Skip to contentAll 2019 papers 





View all





Sesotho FAL Grade 12 P1 NSC November 2019 Question Paper
Grade 12 Sesotho FAL Paper 1 question paper from the NSC November Exam 2019, 11 pages. Read online or get the free PDF download, memo linked when available.
Sesotho Fal · Grade 12 · NSC November Exam · 2019 · sesotho. Question paper, 11 pages. Read online or download the PDF.
- Subject
- Sesotho FAL
- Grade
- Grade 12
- Language
- Sesotho
- Document type
- Question paper
- Year
- 2019
- Exam period
- NSC November Exam
- Paper
- 1
- Curriculum
- CAPS
- Pages
- 11
- File size
- 525.2 KB
Free to read online, no sign-up needed
Loading document…
Loading document…
1 of 11
This exam
NSC November Exam 2019
Questions in this paper
- Question 1Ho bala le ho shebella (Reading and Viewing — non-literary)30 marks
- Question 3Ho bala le ho shebella (Reading and Viewing — non-literary)10 marks
- Question 4Ho mamela le ho bua (Listening and Speaking)10 marks
- Question 5.1Ho bala le ho shebella (Reading and Viewing — non-literary)6 marks
- Question 5.2Sebopeho-puo le melawana ya puo (Language Structures and Conventions)6 marks
- Question 6.1Dingolwa tsa Bongoli (Literature — Set Works)20 marks
Show all 7 questions
Document textSearch extracted text and jump to a page.
Downloaded from hlayiso.com
Sesotho Puo ya Tlatsetso ya Pele (FAL)/P1 2 DBE/Pudungwana 2019
NSC
DITAELO HO MOHLAHLOBUWA
1. Pampiri ena e arotswe DIKAROLO TSE THARO, e leng:
KAROLO YA A: Tekokutlwisiso (30)
KAROLO YA B: Kgutsufatso (10)
KAROLO YA C: Dibopeho le melao ya tshebediso ya puo (40)
2. Araba dipotso TSOHLE.
3. Qala KAROLO E NNGWE le E NNGWE leqepheng LE LETJHA.
4. Seha mola qetellong ya KAROLO E NNGWE le E NNGWE.
5. Nomora dikarabo tsa hao feela jwalo ka ha dipotso di nomorilwe pampiring ya
dipotso.
6. Tlola mola dipakeng tsa dikarabo tsa hao.
7. Tsepamisa maikutlo haholo mopeletong le popong ya dipolelo tse
nepahetseng.
8. O eletswa ho sebedisa nako ya hao tjena:
KAROLO YA A: Metsotso e 50
KAROLO YA B: Metsotso e 20
KAROLO YA C: Metsotso e 50
9. Ngola ka mongolo o makgethe, mme o balehang.
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 3 DBE/Pudungwana 2019
NSC
KAROLO YA A: TEKOKUTLWISISO
Karolong ena o fuwe mefuta E MMEDi ya ditema. Bala le ho boha tema E NNGWE le
E NNGWE, araba ka lentswe LE LE LENG feela moo ho hlokehang, ntle le haeba
potso e hloka tlhaloso kapa karabo e teletsana.
POTSO YA 1
Bala tema ena e latelang ka hloko, e be o araba dipotso tse hlahang tlasa yona.
TEMA YA A
MMOLAI YA KGUTSITSENG
1 Ho ya ka tlaleho ya Mokgatlo wa Bophelo wa Lefatshe, ke batho ba babedi ho ba
bararo, ba tshwerweng ke lefu la kgatello e phahameng ya madi. Ntho e tshosang
ke hore palong eo, halofo ya bona ke e sa tsebeng hore e na le lona lefu lena.
Athe ka lehlohonolo halofo e nngwe e a tseba. Ho kotsi ka ho fetisisa ha o sa
tsebe hore o na le lona hobane lefu lena ke mmolai ya kgutsitseng. Bongata ba 5
diphofu bo qetella bo tshwerwe ke setorouku, diphiyo kapa lefu la pelo.
2 Dipatlisiso di bontsha hore ho na le mabaka a fapaneng a bakang lefu lena. Batho
bohle bao batswadi ba bona ba nang le lona, ba kotsing ya ho fetoha diphofu.
Batho ba batenya, ba kabelang letswai le mafura le bona ba ntse ba le hona
kotsing ena. Ntle le moo, batho ba nwang jwala le ba tsubang kwae le bona ba 10
tjametswe ke kotsi ena. Karolo e nngwe ya batho ba tsietsing, ke e kenyelletsang
bomokotla o mahlo mehlohlwa e rapame, e leng ba sa ikwetliseng le ka mohla.
Tlaleho eo, e boetse e bolela hore batho ba batsho ba bontate ba dilemong tsa
bomashome a mane, ba kotsing ho feta bomme.
3 Tsela e nngwe feela eo re ka tsebang hore na methapo ya rona ya madi e na le 15
kgatello e phahameng kapa tjhe. Tsela eo ke ya hore re ye ngakeng kapa
tliliniking ho ya itlhahloba. Tlhahlobo e supang hore kgatello ya madi ke
120/80 mmHg, e bolela hore o phetse hantle. Empa ha e ka ba 130/90 mmHg
kapa ho feta moo, o tsebe hore o mathateng. Athe teng ha e ka ba 160/98 mmHg
wa se ke wa fumana thuso, beno ba tla lla sa mmokotsane hobane mmolai enwa, 20
ha a na qenehelo. Le teng ha palo tseo di le tlase ho 120/80 mmHg, k.h.r
100/75 mmHg le teng o kotsing hobane kgatello eo ha e a tshwanela ho ba tlase
haholo.
4 Pelo e amohela le hona ho pompa madi motjhaotjhele. E pompa madi ho ya
dikarolong tse fapaneng tsa mmele. Sekgahla seo madi ana a phallang ka sona 25
methapong ke sona se tlisang kgatello methapong. Sekgahla sena se ka ba
hodimo kapa tlase, ho kotsi ha sekgahla sena se le hodimo hobane se thefula
kapa se sarolla methapo e tsamaisang madi ka tsela e sa amoheleheng. Ka baka
leo, methapo eo e ka nna ya phatloha. Phallo e sa sitiseheng ya madi e bohlokwa
hobane e nnetefatsa hore ditho tsohle tsa mmele di fumana diahammele le 30
okosijene. E boetse e bohlokwa hobane ke ka madi ao dikhemikhale le ditshila
tse sa hlokeheng di tswang mmeleng.
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 4 DBE/Pudungwana 2019
NSC
5 Kgatello e phahameng e sa laoleheng ya madi e senya ditho tsa mmele tse kang;
boko, pelo le diphiyo. Methapo ya madi e lemetseng e ka taboha kapa ya
kwaleha. Sena se ka lematsa boko, wa tshwarwa ke setorouku. Setorouku se 35
holofatsa ditho tsa mmele tse kang, matsoho, maoto le sona sefahleho, mme o ka
nna wa holofalla ruri.
6 Pelo e ka ema, ya se ke ya hlola e kgona ho pompa madi. Ntle le moo, motho a
ka ba le lehlaba sefubeng ka lebaka la ho se fumane okosijene e lekaneng kapa
karolo e nngwe ya pelo e ka emisa ho sebetsa ha methapo e tlisang madi pelong 40
e kwalehile. Ho hloleha ho sebetsa ha pelo ho bolela hore tjhoba le ka lala phoka
neng kapa neng. Setho se seng se ka angwang ke kgatello e phahameng ya
madi ke diphiyo. Ha diphiyo di ka sohlokeha, mmele wa hao o ke ke wa hlweka
lekgale hobane diphiyo ke tsona tse hlwekisang madi a rona.
7 Haekare o ile ngakeng kapa tliliniking, ho be ho fumaneha hore kgatello ya hao ya 45
madi e hodimo, o tla qala ho fuwa ditlhare tse laolang kgatello eo. Bomadimabe
ke hore lefu lena ha le fole, empa le laolwa feela hore le se ke la tswa taolong.
Ntle ho moo, phofu ya lefu lena e tshwanela ho itlhokomela ka ho ikwetlisa le ho
ja ditholwana tse lekaneng. E kgaotse ho ja mafura a diphoofolo. Lenane la tseo
phofu e lokelang ho di ela hloko le lokela ho kenyelletsa ho kgaotsa ho tsuba le 50
ho nwa jwala.
8 Ruri, Mosotho o ne a nepile ha a re: ho ipaballa ho molemo ho feta setlhare.
[E qotsitswe le ho lokiswa ho tswa makasineng wa Soul City Website]
1.1 Ho ya ka mokgatlo wa bophelo wa lefatshe, ke batho ba bakae ba
tshwerweng ke lefu la kgatello e phahameng ya madi? Sheba mela ya 1–2. (1)
1.2 Ho ya ka tlaleho e qotsong ee ke ntho efe e tshosang? Sheba mela ya 2–5. (1)
1.3 Pakeng tsa banna le basadi ke bafe ba kotsing ya ho tshwarwa ke lefu leo ho
buuwang ka lona qotsong ee? Sheba mela ya 11–14. (2)
1.4 Nehelana ka dihlopha TSE PEDI tsa batho tse ka bang le kgatello e
phahameng ya madi. Sheba seratswana sa 2. (2)
1.5 Hobaneng ha lefu lena le tsejwa ka hore ke mmolai ya kgutsitseng? Ke polelo
efe seratswaneng sa pele e tiisang karabo ya hao? Sheba mela ya 4–5. (2)
1.6 Ke palo dife tse bontshang hore motho o phela hantle, ha a na kgatello ya
madi? Sheba mela ya 15–17. (1)
1.7 Ditlamorao tsa kgatello e phahameng ya madi, di ama diphiyo ka tsela efe? (2)
1.8 Nehelana ka lebaka le hananang le polelo e latelang:
Ke batho bohle ba ka kgonang ho laola hore ba se tshwarwe ke lefu la
kgatello e phahameng ya madi. (2)
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 5 DBE/Pudungwana 2019
NSC
1.9 Bolela hore polelo e latelang ke Nnete kapa Mafosi, o be o nehelane ka
lebaka la karabo hao.
Lefu la kgatello e phahameng ya madi le tshwere palo e tlase ya batho
lefatsheng. (2)
1.10 Kgetha karabo e nepahetseng ho (A–D). Palo ya batho ba sa tsebeng hore
ba tshwerwe ke lefu la kgatello e phahameng ya madi ke ...
A motho a le mong.
B halofo ya palo ya batho kaofela.
C batho ba babedi palong ya batho ba bararo.
D halofo ya batho bohle ba tshwerweng ke lefu lena. (1)
1.11 Mothofatso o sebedisitsweng polelong e latelang, o o thusa jwang ho
utlwisisa seo ho buuwang ka sona moo?
Mmolai enwa, ha a na qenehelo. (2)
1.12 Molaetsa wa mongodi ke ofe ka tema ee? (2)
1.13 Taba ya hore motho a ka ba le kgatello e hodimo ya madi ka baka la lefutso
ke ntlha kapa ke mohopolo? Nehelana ka lebaka la karabo ya hao. (2)
1.14 Na o ka re ditaba tsa mela ya 11–14 di na le kgethollo/leeme? Nehelana ka
lebaka la karabo ya hao. (2)
TEMA YA B
Boha tema e latelang, ebe o araba dipotso tse tla e latela.
[E qotsitswe le ho lokiswa ho tswa ho: www.google.com/budgets]
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 6 DBE/Pudungwana 2019
NSC
1.15 Ke mofuta ofe wa diphoofolo o tsietsing ya ho fela serapeng see ka morao ho
komello? Tshehetsa karabo ya hao ka lebaka. (2)
1.16 O nahana hore ke lebaka lefe le etsang hore palo ya matsa e be hodimo ho
feta ya diphoofolo tsohle serapeng see ka morao ho komello? (2)
1.17 Ntle le komello, ke eng e ka bang e fokoditse ditshukudu dilemong tsee tse
pedi serapeng see ho latela maemo a naha ya Aforika-Borwa? Nehelana ka
lebaka la karabo ya hao. (2)
MATSHWAO OHLE A KAROLO YA A: 30
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 7 DBE/Pudungwana 2019
NSC
KAROLO YA B: KGUTSUFATSO
POTSO YA 2
Bala ditaba tsa tema e latelang, e be o di kgutsufatsa ka ho ngola dintlha TSE
SUPILENG, tse fanang ka dikeletso tsa bohlokwa tse ka rutwang bana kgahlanong le
ho kwetelwa.
DITAELO
1. Ngola dipolelo TSE SUPILENG, tse phethahetseng.
2. Mantswe e be A SA FETENG a 70.
3. Nomora dipolelo tsa hao ho tloha ho 1 ho ya ho 7.
4. Ngola ntlha E LE NNGWE feela polelong ka nngwe.
5. Qetellong ya kgutsufatso ya hao, bontsha palo ya mantswe ao o a sebedisitseng
ka masakaneng.
TEMA YA C
DIKELETSO TSA BOHLOKWA TSE KA RUTWANG BANA KGAHLANONG LE HO
KWETELWA
Bertha Bresler wa mokgatlo o bitswang Thibela ho Kwetelwa le ho Utsuwa ha Bana o
re ho bohlokwa hore bana ba tsebe ka hlooho dinomoro tsa ka dinako tsohle tsa
sepolesa, e leng tse ka pholosang bophelo ba bona nakong ya tsietsi.
Ho na le mehato ya motheo eo batswadi ba lokelang ho e sebedisa tshireletsong ya
bana. Ngwana o tlameha ho tseba mabitso a hae le a batswadi ka botlalo. Athe ho se
tsebe aterese ya habo le dinomoro tsa mehala, e ka ba phoso eo batswadi ba ke keng
ba itshwarela ha koduwa ena e ka ba hlahela. Mehla eo ho phelwang ho yona kajeno e
qobella batswadi ho se be dikgokgo baneng ba bona. Bana ba kgone ho bua le
batswadi ka eng kapa eng e sa ba thabiseng kapa e ba tshosang. Ha ho qeaqeo hore
batswadi ba tjamelane le boikarabelo ba ho ruta bana ho se thehe setswalle le
bo-mofeta-ka-tsela.
Ba rutwe hore ha ba iphumana ba le maemong a sa amoheleheng, a tshosang, ba
hoeletse haholo kamoo ba ka kgonang kateng, ba be ba balehe hanghang sebakeng
seo. Ho hoeletsa le ho baleha ho molemo ho feta ho leka ho ipata. Bertha Bresler o re
ba hole ba tseba lepetjo le reng: 'di fula mmoho'. E leng ho bolela hore le ka mohla
ngwana a se ke a iphumana a bapala kapa a tsamaya a le mong diterateng.
[E qotsitswe le ho lokiswa ho tswa makasineng wa Jet Club, Tlhakubele, 2019]
MATSHWAO OHLE A KAROLO YA B: 10
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 8 DBE/Pudungwana 2019
NSC
KAROLO YA C: DIBOPEHO LE MELAO YA TSHEBEDISO YA PUO
POTSO YA 3: PAPATSO
Bala papatso e latelang, e be o araba dipotso tsa manollo ya setshwantsho le
tshebediso ya puo.
TEMA YA D
[E qotsitswe le ho lokiswa ho tswa koranteng ya Sunday World, Phupu 2016]
3.1 Nehelana ka melemo E MMEDI e ka unwang ke bareki ha ba ka iphumanela
sehlahiswa se bapatswang. (2)
3.2 Bolela hore sehlahiswa se bapatswang se reretswe bomang. (1)
3.3 Hobaneng mantswe ana, 'iphumanele tse latelang 'sesolo FEELA', a ka
susumetsa bareki hore ba reke sehlahiswa see? (2)
3.4 Bohlokwa ba ho qatsohisa lentswe 'NAKO' papatsong ee ke bofe? (2)
3.5 Sepheo sa Banka ya Standard sa ho sebedisa letshwao la yona le ikgethang
ke …
A ho susumetsa bareki ho kgetha ho reka sehlahiswa sa bona.
B ho tiisetsa bareki hore sehlahiswa efela e le sa bona, mme ke sa
boleng bo hodimo.
C ho itshireletsa kgahlanong le bahlahisi ba bang ba sehlahiswa se
tshwanang le sa bona.
D Dikarabo tsohle di nepahetse. (1)
3.6 Na o nahana hore ho ba le akhaonto e bapatswang bankeng ya Standard ke
kgatelopele? Tshehetsa karabo ya hao ka lebaka. (2)
[10]
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 9 DBE/Pudungwana 2019
NSC
POTSO YA 4: KHATHUNU
Bala ditaba tsa khathunu ena e latelang, o ntano araba dipotso tse tla e latela.
TEMA YA E
[E qotsitswe le ho lokiswa ho tswa ho: www.google.com/pictures]
4.1 Nehelana ka dintho TSE PEDI khathunung ntle le lentswe, 'Baithuti', tse
bontshang hore diketsahalo tsa yona di etsahalla phaposing ya borutelo. (2)
4.2 Hobaneng baithuti ba khathunung ba kwalletswe ka sefe ya tshireletso? (2)
4.3 Manolla phoqo e hlahiswang khathunung ena. (2)
4.4 Sekaseka tlhokomediso e temeng mabapi le moaparo wa titjhere. (2)
4.5 Na mantswe aa, 'Eo yena', a totobatsa lenyatso? Tshehetsa karabo ya hao ka
lebaka. (2)
[10]
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 10 DBE/Pudungwana 2019
NSC
POTSO YA 5
5.1 Bala ditaba tsa tema ena, o ntano araba dipotso tse tla e latela.
Tlatsa dikgeo ka mantswe a nepahetseng ho a latelang. Ngola nomoro le
lentswe le nepahetseng feela. (5.1.1–5.1.6)
ebe, tsekela, matjeke, kajeno, sithabetsang, itlhophere, ja,
TEMA YA F
BOPHELO BA METSENG E MEHOLO
Bophelo ba metseng e meholo (5.1.1) … ke bo thata; bophelo ba ditlokotsi le
ditsietsi tse (5.1.2) … maikutlo a motho. Mona metseng e meholo motho o
(5.1.3) … ka mofufutso wa phatla ya hae, mme ha ho tse fumanwang di
tonositse. Diterene di lla e sa le ka (5.1.4) … di bitsetsa batho ho theohela
mosebetsing. Monna le mosadi ba tsohella mosebetsing jwalo (5.1.5) … ba
ile, ba ile.
Bana ba sala jwalo letsheare lohle ba (5.1.6) …. le motse eka dikgutsana tse
se nang beng. Ba bang ba sala ba itlhophere ba se na le ha e le
sengwathana sa bohobe. Ba sale jwalo ka tshepo le tebello hore batswadi ba
tla ba tlela le dimonamona kapa ona masalla a tse neng di jowa mosebetsing.
[E qotsitswe le ho lokiswa ho tswa bukeng ya Sediba sa meqoqo, JJ Moiloa, 1983] (6)
Bala tema e latelang, o nto araba dipotso tse thehilweng hodima yona.
TEMA YA G
Ra tlangwa matsoho le mahlo hore re tle re se ke ra bona moo re yang. Ra
kgarametswa hara mafifi jwalo, re ntse re kgotlwa ka dithunya
mafetshwaneng, re bile re bolellwa hore re phahamise maoto. Re ne re
kgothometseha, re kgoptjwa re ba re polana fatshe, re tsoswa ka dieta
dikgopong. Re sa fuwe nako ya ho inahana, ho botsa kapa ho buisana. 5
Moetapele wa batlatlapi bao a ntse a kgaruma feela a re: 'Ka nqena! Ntho
tsee ke difofu na?'
Tsa e baka ditaba kgalala tsa metseng! Koloi ya kgarametsa ho leba
leboya, mme he, yaba ha ho potang, o qadile, o qadile moferefere. Ra
thulana ka dihlooho ka hara koloi. Lerata la yona la re thiba ditsebe. Ra 10
ipotsa dipotso hore ebe jwale re jele eng, mme re e jella mang le hona.
Monyaka wa fetoha maswabi re sa lebella.
[E qotsitswe le ho lokiswa ho tswa bukeng ya Kabelwamanong, KPD Maphalla, 1992]
5.1.7 Letshwao lena (!) polelong ena le sebedisitswe ka sepheo sefe?
'Tsa e baka ditaba kgalala tsa metseng!' (2)
5.1.8 Kganyetsano e sebedisitsweng polelong ee, 'Monyaka wa fetoha
maswabi', e o thusa jwang ho utlwisisa maemo a ditaba ao ho
buuwang ka ona temeng? (2)
Difuperweng tsa pampiri ena di se sebediswe ntle ho tumello Phetla
Downloaded from hlayiso.com
Sesotho Puo ya Tlatsetso ya Pele (FAL)/P1 11 DBE/Pudungwana 2019
NSC
5.1.9 Bohlokwa ba phetapheto e sebedisitsweng mantsweng aa ke
bofe?
'O qadile, o qadile moferefere.' (2)
5.1.10 Na tshebediso ya lentswe 'ntho' polelong e latelang e senola
maikutlo a sebui? Nehelana ka lebaka la karabo ya hao.
'Ntho tsee ke difofu na?' (2)
5.2 Boha setshwantsho se latelang, o nto araba dipotso tse thehilweng hodima
sona.
TEMA YA H
[Se qotsitswe le ho lokiswa ho tswa bukeng ya Sediba, NE Malete, 1999]
5.2.1 Qolla lentswe puong ya mosadi ya setshwantshong, le tiisang hore
ke kgale a bone hore seo a se bolellwang se tla etsahala. (1)
5.2.2 Ngola polelo e latelang hape, e se e bontsha hore mmuiswa o
iketsa ketso.
Butle, se tate o tsebe ho utlwa ha di tswela pele. (1)
5.2.3 Ipopele polelo ka lentswe le latelang ho hlakisa moelelo o
fapaneng le oo le sebedisitsweng ka ona setshwantshong.
bona (2)
5.2.4 Mantswe aa a Disebo, 'Aha! Haesale ke bona', a totobatsa
tshekamelo jwang? (2)
[20]
MATSHWAO OHLE A KAROLO YA C: 40
MATSHWAO OHLE A PAMPIRI ENA: 80
Difuperweng tsa pampiri ena di se sebediswe ntle ho tumello
Study this subject
Recommended for this subject

Question paper
Sesotho FAL Grade 12 P1 NSC November 2019 Question Paper

Question paper
Sesotho FAL Grade 12 P1 NSC November 2019 Question Paper

Question paper
Sesotho FAL Grade 12 P2 NSC November 2019 Question Paper

Question paper
Sesotho FAL Grade 12 P3 NSC November 2019 Question Paper

Question paper
Sesotho FAL Grade 12 P1 NSC November 2023 Question Paper

Question paper
Sesotho FAL Grade 12 P1 NSC November 2022 Question Paper
More from Grade 12 Sesotho FAL

Annual teaching plan
Gr 12 Sesotho FAL ATP 2023 24

Memorandum
Sesotho FAL Grade 12 Paper 1 NSC November 2025 Memo

Memorandum
Sesotho FAL Grade 12 Paper 2 NSC November 2025 Memo

Memorandum
Sesotho FAL Grade 12 Paper 3 NSC November 2025 Memo

Memorandum
Sesotho FAL Grade 12 Paper 1 November 2024 NSC Memo

Memorandum