Skip to content

Setswana HL Grade 12 Paper 3 NSC June 2015 Question Paper

Question paperSetswana HLGrade 1220156 pages

Grade 12 Setswana HL Paper 3 question paper from the NSC June Exam 2015, 6 pages. Read online or get the free PDF download, memo linked when available.

Free to read online, no sign-up needed

Loading document…

Loading document…

NSC June Exam 2015

Document textSearch extracted text and jump to a page.
Downloaded from hlayiso.com SENIOR CERTIFICATE EXAMINATION SETSWANA PUO YA GAE (HL) PAMPIRI YA BORARO (P3) 2015 MADUO: 100 NAKO: Diura di le 2½ Pampiri e, e na le ditsebe di le 6. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 2 DBE/2015 SCE DITAELO LE TSHEDIMOSETSO 1. Pampiri e, e arogantswe ka DIKAROLO di le PEDI. KAROLO A: Tlhamo (50) KAROLO B: Ditlhangwa tsa tirisano 2 x 25 = (50) ELA TLHOKO: O tshwanetse go araba dipotso di le PEDI go tswa mo KAROLONG ya B. 2. Araba potso e le NNGWE go tswa mo go KAROLO A, le di le PEDI go tswa mo go KAROLO B. 3. Kwala ka puo e o tlhatlhobiwang ka yona. 4. Simolola karolo NNGWE le NNGWE mo tsebeng e NTŠHWA. 5. O tshwanetse go rulaganya (sk. letlhomeso la dikakanyo/lenaneopaakanyo/ mmapa wa dikakanyo/dintlhakgolo, jj), runa (tseleganya) o bo o tlhotlhe tiro ya gago diphoso. Thulanganyo e tshwanetse go tlhagelela fa PELE ga tlhamo. 6. Ipaakanyo kana setlhangwa sa ntlha se supiwe jalo ka botlalo. O gakololwa go thala mola go kgabaganya ipaakanyo kana setlhangwa sa ntlha. 7. O gakololwa go dirisa nako ya gago ka mokgwa o o latelang: KAROLO A: Metsotso e le 80 KAROLO B: Metsotso e le (2 x 35) 70 8. Nomora dikarabo ka nepagalo go latela thulaganyo ya dinomoro e e dirisitsweng mo pampiring ya dipotso. 9. O se ka wa tsenyeletsa setlhogo fa o bala mafoko. 10. Kwala ka mokwalo o o buisegang. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 3 DBE/2015 SCE KAROLO YA A: TLHAMO POTSO 1 Kwala tlhamo ya boleele jwa mafoko a a ka nnang 400–450 ka NNGWE FELA ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo se se maleba. O se ka wa lebala go thala letlhomeso kana lenaneopaakanyo, go tlhagisa setlhangwa sa ntlha le go se runa pele o kwala sa bofelo. 1.1 Lemphorwana la bojalwa ga le fofele kgakala. [50] 1.2 Moletlo wa Letsatsi la Ngwao Boswa. [50] 1.3 Makgotla a bomasepala a direla baagi ka botswapelo. Dumela kgotsa o ganetse tlhagiso e. [50] 1.4 Re ne re le mo phaposiborutelong, fa go utlwala thoromo ya lefatshe … [50] 1.5 Boleng jwa Letsatsi la Mandela mo Aforikaborwa. [50] 1.6 Fa nka nna mmalapa kgotsa rralapa … [50] 1.7 Ditshwantsho tse di mo tsebeng ya 3 le 4 di ka tsosa maikutlo kgotsa tsibogo e e rileng. Tlhopha setshwantsho se le SENGWE mme o kwale tlhamo ka ga sona. Neela tlhamo ya gago setlhogo se se maleba. Nomora potso ya gago go nna (1.7.1 kgotsa 1.7.2). ELA TLHOKO: Setshwantsho se o se tlhophileng se tshwanetse go nyalana le diteng tsa tlhamo ya gago. 1.7.1 [The New Age, 12 Phatwe 2014] [50] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 4 DBE/2015 SCE 1.7.2 [The New Age, Phukwi 2014] [50] PALOGOTLHE YA KAROLO YA A: 50 Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 5 DBE/2015 SCE KAROLO YA B: DITLHANGWA TSA TIRISANO POTSO 2 Araba dipotso di le PEDI fela mo karolong e. Karabo e nne boleele jwa mafoko a a ka nnang 180–200 (diteng fela). O gakololwa go runa le go tlhotlha setlhangwa sa gago diphoso. 2.1 LEKWALO LA BOTSALANO Lekala la Bašwa la lekoko la lona la sepolotiki le ne le rulagantse moletlo wa go keteka Letsatsi la Bašwa, mme ntsalao o ne a sa tla ka ntlha ya bolwetse. Mo kwalele lekwalo o mo lotlegele ka ga moletlo oo. [25] 2.2 LEKWALO LA SEMMUSO Batsadi ba gago ba ne ba go rulaganyeditse go ya go ja dijo tsa maitseboa le ditsala tsa gago kwa nngweng ya dihotele tse di mo tikologong ya gaeno go itumelela dipholo tsa gago tsa marematlou. Maitsholo a ditsala dingwe tsa gago a ne a sa jese diwelang. Kwalela molaodimogolo wa hotele lekwalo o mo kope maitshwarelo le go mo itsise gore lo ikaelela go siamisa dilo jang. [25] 2.3 PUO Motse wa lona o aga o tletse matlakala mo mebileng mme o bonala o le leswe. Mokhanselara o epile pitso mme o go kopile go tla go buisana le baagi ka seemo se. Kwala puo e o tlaa lemosang baagi ka kotsi ya matlakala a a tletsetletseng mo mebileng le se se ka diriwang. [25] 2.4 MMUISANO O mogwebi mo Aforikaborwa mme kgwebo ya gago e go pateletsa go kgweetsa beke le beke ka jalo o duela lekgetho la tsela nako le nako. Kwala mmuisano o o nnileng teng magareng ga gago le rrapharakano yo o neng a batla go go tshwarela go sa duele lekgetho la tsela. [25] 2.5 PEGELO O ne o emetse sekolo sa lona kwa khonferenseng ya boditšhabatšhaba e e neng e tshwerwe fa gautshwane ka ga tiriso ya diritibatsi mo dikolong. Go lebeletswe gore o tlhagise pegelo ka ga khonferense eo. Kwala pegelo e o yang go e tlhagisa. [25] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 6 DBE/2015 SCE 2.6 ATHIKELE YA LEKWALODIKGANG Go nnile le lenyalo la morwa kgosi mo motseng wa lona. Dirisa setshwantsho se se latelang go kwala athikele ya lekwalodikgang e ka yona o batlang gore maAforikaborwa ba buise ka ga bontle jo bo neng bo le gona. [Daily News, 26 Motsheganong 2014] [25] PALOGOTLHE YA KAROLO YA B: 50 PALOGOTLHE: 100 Kwalololo e ileditswe

Study this subject

More from Grade 12 Setswana HL

View all