Siswati FAL Grade 12 IEB Paper 2 2017 Question Paper

Downloaded from hlayiso.com NATIONAL SENIOR CERTIFICATE EXAMINATION NOVEMBER 2017 SISWATI LULWIMI LWEKUCALA LWEKWENGETA: LIPHEPHA II SISWATI FIRST ADDITIONAL LANGUAGE: PAPER II Sikhatsi: 2½ Emahora Emamaki: 100 TICONDZISO 1. Leliphepha lemibuto linemakhasi la-6. 2. Leliphepha lemibuto lehlukaniswe tigaba letimbili, Sigaba A neSigaba B. 3. Sigaba A sinemamaki lange-60, Sigaba B sona sinemamaki lange-40. 4. Fundzisisa kutsi leso naleso sigaba siphendvulwa kanjani. 5. Cala leso naleso sigaba ekhasini lelisha. 6. Bhala linani lemagama lowasebentisile ekugcineni kwaleyo naleyo mphendvulo yakho. 7. Phendvula yonkhe imibuto ngeSiswati lesemukelekile. 8. Hlela kahle umsebenti wakho ubuye ubhale ngesandla lesifundzekako. IEB Copyright © 2017 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi lesi-2 kulali-6 LIPHEPHA II SIGABA A TEMIBHALO Khetsa incwadzi IBE YINYE kuleti letilandzelako uphendvule ngayo. UMBUTO 1 UMDLALO Tigigaba Talomhlaba: S.R. Nsibandze Phendvula yonkhe imibuto kulena lemine lebutiwe. Ungakhohlwa kwesekela lokushoko ngaloko lesikutfola emdlalweni. 1.1 Fundza letheksthi bese uphendvula imibuto lelandzelako. (Emzaceni. BakaKhumalo bashayisana ngetinhloko ngekunyamalala kwaLaMkhonta.) LaNgwenya: Babazile, LaMkhonta solo akabonwa? Babazile: Nani make, sengibetse phu, phu, angimboni. Nasendlini yakhe kumnyama. LaNgwenya: Utsi umgcine nini wena? Babazile: Mine ngimgcine abutsa timphahla takhe lapha eludaladini. Nato leto timphahla solo tisetikwembhedze, kepha yena angimboni. LaNgwenya: Ha, yenebakitsi? Kantsi lomuntfu udliwe yinja yinyama yini? Babazile: Mine make sengidziniwe lokwehla ngenyuka ngifunana nemuntfu lomdzala. Uyati lapho aye khona. LaNgwenya: Ngisatenta yini ngoba sengibekisa sikhatsi lanyamalele ngaso. Nawuhleti nemntfwanebantfu, uhlala uncenekile ngoba lendzawo yalapha idvume ngebubi. Ngingatsini nje kubakubo? Babazile: Mine angicondzi kutsi ngabe yena usuke wayaphi ngoba umsebenti welusuku wonkhe besesiwentile. LaNgwenya: Umoya wami awukhululeki mntfwanami, ngemntfwanebantfu. Kufanele kube khona lesikwentako, singahlali nje. Babazile: Nawe make sewenta kakhulu. Kute umuntfu lomdzala longamane alahleke emini libalele. LaNgwenya: Ase ukhulume-ke wena ngoba wati konkhe. Ucabanga kutsi ngabe ukuphi? Babazile: Usebanganini bakhe lomuntfu. Kute lapha umuntfu longamane alahleke. Wena make uchuchiswa kutsi uyacala lokunyamalala. (Babindze sikhashana) [Likhasi 51] IEB Copyright © 2017

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi lesi-3 kulali-6 LIPHEPHA II 1.1.1 Sikheshe wayekelisa LaMkhonta kusebenta. Yini sizatfu sakhe sekumyekelisa umsebenti? Bhala kubili. (2) 1.1.2 LaNgwenya usola kutsi kwentekeni kuLaMkhonta ate atsi; '… lendzawo yalapha idvume ngebubi'? Sekela imphendvulo yakho. (2) 1.1.3 Sento saLaMkhonta sekuvele anyamalale ekhaya usikhandza singulesinjani wena? Sekela sizatfu sakho. (2) 1.1.4 Labanye bantfu batsi Sikheshe Khumalo ungumhlukubeti. Vumela nobe uphikise lombono, wesekele ngesigameko sinye lesisemdlalweni. (2) 1.1.5 Ngemaphuzu lamabili ungamchaza kutsi ungumuntfu lonjani LaMkhonta. Sekela emaphuzu akho. (3) 1.1.6 Dlamini uyindvodza lekhohlakele. Vumela nobe uphikise lombono ngemaphuzu lamabili lowatfole emdlalweni. (4) 1.2 Lesaga lesitsi "salakutjelwa sibona ngemopho" sihambelana njani nemphilo yaLaMkhonta kusukela ekucaleni kute kube kusekugcineni kwalomdlalo? Beka umbono wakho wesekele ngalokufundzile kulomdlalo. Imphendvulo yakho ayibe ngemagama la-100–200. (15) 1.3 Kunenkhulumiswano/Inkhulumomphendvulwano emkhatsini waLaHlophe umfati waDlamini kanye naLaNdlela. LaHlophe utekela LaNdlela ngemphilo lelukhuni layiphiliswa nguDlamini. Yibhale lenkhulumiswano yalabomake. Imphendvulo yakho ayibe ngemagama la-80–100. (10) 1.4 Khetsa nobe ngumuphi umbuto UBE MUNYE kulena lelandzelako uphendvule ngawo. Leyo naleyo mphendvulo yakho ayibe ngemagama la-120–150. 1.4.1 Umbhali walomdlalo abehlose kwendlulisa imilayeto letsite kutetsamelilwati takhe. Bhala indzabambhalo uvete tifundvo lotitfole kulomdlalo letiwutsintsako ummango lesiphila kuwo. Sekela ngaloko lokutfole emdlalweni. (20) NOBE 1.4.2 Bhala ngetehlakalo letikulomdlalo letifakazela kutsi lendzaba imayelana nebantfu labadzala. (20) [60] IEB Copyright © 2017 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi lesi-4 kulali-6 LIPHEPHA II NOBE UMBUTO 2 INOVELI Bungani Bebangani: S. M. Magagula Phendvula yonkhe imibuto kulena lemine lebutiwe. Ungakhohlwa kwesekela lokushoko ngaloko lesikutfola emdlalweni. 2.1 Fundza letheksthi bese uphendvula imibuto lelandzelako. Ngemuva kwekucedza luhlolo lwakaForm III boSiphiwe na Agnes bebatihlalele emakhaya balangatelela kuphuma kwemiphumela. Noko, bekukunyenti kulangatelela kwabo. Ngalelinye lilanga kunguMgcibelo Siphiwe na-Agnes bahamba bayovusela Thuli esibhedlela. Hhawu yehhenini! Bese ungafunga utsi akusiye loya Thuli bekangumpontjolozana wentfombi lese hlwi, ishaya ngaleliluhlata libala. Wase ungala kutsi nguye loya welukhalo lwamanyovu nemilente lemidze legcwele nswi. ''Ngiyajabula kunibona bangani bami." Washo Thuli ngelivi lelihoshotako. Wetama kancane kumoyitela kepha kwakungatsi uyasinata, kusinata kwekuphatfwa tinhlungu. BoSiphiwe na-Agnes babemile eceleni kwembhedze wakhe bambuka akulobo buhlungu. Thuli welula umkhono lowomile, umudze umncane. Bekafuna kutenwaya ebusweni kepha kwabonakala kutsi emandla ekuphakamisa lowo mkhono akanawo. "Sikuphatsele nayi incwadzi yakho lesiyitfole eposini eMliba", washo Siphiwe aniketa Thuli incwadzi. Wayitsatsa Thuli wayibukisisa imvilophu. "Ingabe ibuyaphi? Ngubani losakhumbula mine lesengabanjena? Angisati lesandla kepha ngatsi ngiyasifanisa. Yivule Siphiwe ungifundzele." "Hawu kahle Thuli! Kungenteka lencwadzi inalokufanele kuviwe nguwe kuphela. Angiyivule utifundzele wena." "Cha! Khululeka. Mine sengite lokucondzene nami lokufihlakele. Ngehlukene nemoya wasemasitseleni. Ngicela ningifundzele yona bangani bami." Wayivula Siphiwe incwadzi wase uyayifundza kakhulu balalele boThuli na-Agnes. [Likhasi:137] 2.1.1 Thuli abengatifundzeli leni lencwadzi yakhe? Niketa tizatfu tibe timbili. (2) 2.1.2 Yayibuya kubani lencwadzi yaThuli ngekwati kwakho, futsi abeyibhalelani lombhali wayo? (2) 2.1.3 Thuli ulihlongandlebe, umntfwana longalaleli imiyalo. Niketa tigameko letimbili lapho simbona khona angalaleli. (2) IEB Copyright © 2017

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi lesi-5 kulali-6 LIPHEPHA II 2.1.4 Kulendzaba siyeva kutsi Thuli wagagadlelwa ngubabe Mantjwele. Thuli akabikanga ekhaya ngalesehlakalo. Utsini umbono wakho ngalesento saThuli sekungabiki ekhaya? (2) 2.1.5 Sikolwa saboThuli senta kahle kuletsa bakaFLAS batokhuluma nebafundzi ngelilanga lekuvalwa kwetikolwa. Uyavumelana yini nalombono? Sekela imphendvulo yakho. (3) 2.1.6 Ngemaphuzu lamabili chaza kutsi ungumuntfu lonjani Thuli. Sekela emaphuzu akho. (4) 2.2 Lesaga lesitsi "Emaphikankhani afela enkhanini" sihambelana njani nemphilo yaThuli, Siphiwe na-Agnes kusukela ekucaleni kute kube kusekugcineni kwalendzaba? Beka umbono wakho wesekele ngalokufundzile endzabeni. Imphendvulo yakho ayibe ngemagama la-100–200. (15) 2.3 Kunenkhulumiswano/Inkhulumomphendvulwano emkhatsini waMfokati Maziya naBhabha Malambe ngesikhatsi baya emphakatsi kuyokhulunywa ngendzaba yemhlanga. Yibhale lenkhulumomphendvulwano yalamadvodza lamabili. Imphendvulo yakho ayibe ngemagama la-80–100. (10) 2.4 Khetsa nobe nguwuphi umbuto UBE MUNYE kulena lelandzelako uphendvule ngawo. Leyo naleyo mphendvulo yakho ayibe nemagama la-120–150. 2.4.1 Umbhali walendzaba abehlose kwendlulisa imilayeto letsite kutetsamelilwati takhe. Bhala indzabambhalo uvete tifundvo lotitfole kulomdlalo letiwutsintsako ummango lesiphila kuwo. Sekela ngaloko lokutfole endzabeni. (20) NOBE 2.4.2 Bhala ngetehlakalo letikulendzaba letifakazela kwekutsi lendzaba imayelana nebantfu labasha. (20) [60] 60 emamaki IEB Copyright © 2017 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi lesi-6 kulali-6 LIPHEPHA II SIGABA B EMATHEKSTHI EMBHALOMBIKO Khetsa MUNYE umbuto Embutweni 3 NAMUNYE Embutweni 4. UMBUTO 3 INCWADZI YEBUNGANI Phendvula umbuto UBE MUNYE kulombuto. Loko lokucuketfwe yimphendvulo yakho akube ngemagama la-150–200 ngaphandle kwelikheli nesiphetfo nangabe kuyincwadzi. Ungakhohlwa kulandzela imitsetfo lemisiwe yekubhalwa kwencwadzi yebungani kanye nekupelwa kwemagama ngalokusemtsetfweni. 3.1 INCWADZI YEBUNGANI Utfole umbiko lotsi umngani wakho sewuke wabanjwa aphetse umukhwa kanye netjwala esikolweni. Lendzaba ikuphetse kabi emoyeni wakho. Ubone kuncono umbhalele incwadzi umecwayise ngalokutiphatsa kwakhe. Yibhale lencwadzi. NOBE 3.2 INCWADZI YEBUNGANI Dzadzewenu lohlala khashane nasekhaya wakucela kutsi ubohle umbhalela umatisa ngaloko lokwenteka ekhaya njengobe sekanesikhatsi lesidze agcine kubuya. Ubone kukuhle kutsi umbhalele incwadzi umatise ngaloko lokwenteka ekhaya kulamalanga. Yibhale lencwadzi lotayitfumelela dzadzewenu. [30] UMBUTO 4 Phendvula umbuto UBE MUNYE kulombuto. Loko lokucuketfwe yimphendvulo yakho akube ngemagama la-120–150. 4.1 SIKHANGISI Inkapani yaka Nozidumo ikucele kutsi wente sikhangisi sesinatfo sabo lesisha lebasitsengisako. Bhala sikhangisi, ukhangise lesinatfo lesisha. NOBE 4.2 LIKHADI LESIMEMO Umngani wakho lenakhula naye ulungiselela kushada. Ukucelile kutsi umakhele likhadi lesimemo semshado. Dvweba likhadi lesimemo semshado umeme umfundisi Maseko kutsi abe khona kulomshado. [10] 40 emamaki Samba: 100 emamaki IEB Copyright © 2017