Siswati FAL Grade 12 IEB Paper 2 2019 Memo

Downloaded from hlayiso.com NATIONAL SENIOR CERTIFICATE EXAMINATION NOVEMBER 2019 SISWATI LULWIMI LWEKUCALA LWEKWENGEA: LIPHEPHA II SISWATI FIRST ADDITIONAL LANGUAGE: PAPER II MARKING GUIDELINES Sikhatsi: 2½ Emahora Emamaki: 100 These marking guidelines are prepared for use by examiners and sub-examiners, all of whom are required to attend a standardisation meeting to ensure that the guidelines are consistently interpreted and applied in the marking of candidates' scripts. The IEB will not enter into any discussions or correspondence about any marking guidelines. It is acknowledged that there may be different views about some matters of emphasis or detail in the guidelines. It is also recognised that, without the benefit of attendance at a standardisation meeting, there may be different interpretations of the application of the marking guidelines. IEB Copyright © 2019 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-2 kula-6 LIPHEPHA II – MARKING GUIDELINES SIGABA A TEMIBHALO UMBHALO INOVELI Bungani Bebangani: S.M. Magagula UMBUTO 1 1.1 Tigadza tintfombi emhlangeni/tishayela batali betintfombi nangabe kukhona intfombi legulako/timikisa tintfombi esibhedlela nangabe kunesidzingo. (Kubili kwaloku.) 1.2 Bantfwana labasebancane abakhoni kuhamba sigaba lesidze uma nasekuyogecwa etindzaweni letikhashane? Umhlanga utfolakala etidzidzini letikhashane bese bayehluleka kuhamba sigaba lesidze. (Kunye kwaloku.) 1.3 Ephephandzabeni/kumabonakudze/kutekuchumana/ku-inthanethi. (Kubili kwaloku.) 1.4 Tintfombi tibaleka tiye eshowini. Tintfombi bangatigagadlela/tintfombi tingalimala. (Letinye timphendvulo letinembako temukelekile.) 1.5 Lelisotja laboshwa ngobe lagagadlela Thuli/lalahlekelwa nangumsebenti. Umbono wami utsi lesijeziso singulesikahle kute labanye batewutfola sifundvo bangakwenti. (Imibono leminye yebafundzi lenembako yemukelekile.) 1.6 Tifundza kutimela/tifundza kuphilisana nalabanye bantfu/tifundza inhlonipho/ tifundza kuphatsa imali ngendlela lefanele/tifundza kubeketelelana/ tifundziswa ngekutiphatsa kahle. (Naleminye imibono lenembako yemukelekile.) UMBUTO 2 INDZABAMBHALO LEMFISHA Emaphuzu labangawasebentisa afaka ekhatsi lawa: • Mantjwele wagagadlela Thuli. Thuli abemncane kakhulu namgagadlela. • BoMandla bayenga bo-Agnes ngemadlana kute babayise ecasini. • Baphika sisu sa-Agnes kantsi vele ngibo labamkhulelisile. • Emasotja kumele abagadze kodvwa ayabagagadlela bantfwana esikhundleni sekutsi abekhute nangabe baganga nobe bephula umtsetfo. Bafundzi bangakhetsa kusebentisa labanye balingisi, besekele emaphuzu abo. Sakhiwo nelulwimi Lokucuketfwe IEB Copyright © 2019 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-3 kula-6 LIPHEPHA II – MARKING GUIDELINES UMBUTO 3 INKHULUMISWANO Bafundzi bangasebentisa lamaphuzu lalandzelako. • Kuvuselana. • Kukhuluma ngekudla lokunukelela kamnandzi. • Kukhuluma ngendzaba yengculazi lebeyikhulunywa bakaFLAS. • Kukhuluma ngaloko lokushiwo nguThuli ngendzaba ye-HIV. • LaHlophe ukhuluma ngebungani lobucotfo. • LaHlophe uchaza ngendzaba ye-HIV nebubi betingani nisafundza sikolo. • Siphiwe uyabonga, bayavalelisana. Bafundzi bangengeta kuloluhla lolungenhla leminye imibono besekele ngalokusencwadzini. Sakhiwo nelulwimi Lokucuketfwe UMBUTO 4 INDZABAMBHALO LENDZE 4.1 Bafundzi bangasebentisa lamaphuzu lalandzelako: • Kukhetsa bangani. • Kuyengwa bantfu lobatsembako emphilweni. • Tidzingo letinyenti letenta utikhandze sewenta lokungakafaneli. • Lutsandvo lwemali nemphilo lesembili. • Imikhuba lefana nekubhema nekugana kute utofanana nebangani bakho. • Kweswela umuntfu lomdzala longakweluleka. • Kutsandza kuphikisa nobe bangayati kahle intfo. • Kuhawukela. • Kuhlekwa bontsanga yakho uma wenta loko lokufanele utsatseke njengesilima. Bafundzi bangengeta kuloluhla lolungenhla leminye imibono besekele ngalokusencwadzini. Sakhiwo nelulwimi Lokucuketfwe NOBE IEB Copyright © 2019 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-4 kula-6 LIPHEPHA II – MARKING GUIDELINES 4.2 Bafundzi bangakhuluma ngaloku: THULI • Akalaleli imiyalo yamake wakhe kutsi angatsengisi tjwala nakaya emfuleni – Mantjwele watsenga wase uyamfica kutsi angasho kumake wakhe, wamupha intjintji. • Ulalela Sdudla namyenga kutsi angabokuya esibhedlela nangabe agula – ufundzisiwe esikolweni ngako loku – ugcina unabogcunsula labangalapheki. • Uphikisana nebakaFLAS nabafundzisa nge-HIV-AIDS. Abeya ecasini angakativikeli. • Utsandza imali, akanetiswa nguleyo lamnika yona make wakhe – wagcina aya ecasini nebantfu labanyenti labadvuna kute atfole imali – wagcina agula kakhulu asesibhedlela. • Thuli watsatsa imali kuMantjwele wangamkhombisi unina. • Thuli wesaba kubikela unina kutsi Mantjwele umgagadlele. SIPHIWE • Ubaleka nebangani bakhe emhlangeni ngobe uhawukela imali yaboThuli – nababuya eHappy Valley wabanjwa lisotja lifuna kuya naye ecasini. • Uyalwa ngumkhula wakhe ngebangani labedukisanako – ugana Musa ngobe ufuna kufana nebangani bakhe. • Akasaphasi kahle esikolweni – thishela wamkhulumisa ngaloko. • Udliwa ngunembeza ngalokuya kwakhe naMusa ecasini, akasakhoni kudadisha – ugcina akaphasi kahle esikolweni. • Kungaphasi kahle kwakhe kwenta kutsi angatfoli timphahla letinsha lebekadze etsenjiswe tona ngumndeni wakhe. • Nakayolandza umphumela wakhe watfola kutsi unagcunsula. • Wase ukhetsa kulalela yonkhe imiyalo – wagcina aphumelela emphilweni. Bafundzi bavumelekile kwengeta lamanye emaphuzu. Sakhiwo nelulwimi Lokucuketfwe IEB Copyright © 2019 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-5 kula-6 LIPHEPHA II – MARKING GUIDELINES SIGABA B EMATHEKSTHI EMIBHALOMBIKO UMBUTO 5 INCWADZI YEBUNGANI (30) Lokucuketfwe (20) Incwadzi kufanele ikhombise kuticambela, ihambisane nesihloko, ibe nemibono lekhutsata kucabanga nalevutsiwe, ihehe. • Licophelo lekuticambela lingemalengiso, incwadzi inamatsele esihlokweni, nemibono ikhutsata kucabanga, ivutsiwe futsi iheha ngemalengiso. • Lizinga lekuticambela ngalokuncomekako, incwadzi ihambisana nesihloko nemibono inekujula kwemcondvo futsi iheha ngalokuncomekako. • Imibono iyajabulisa, inekuticambela lokulingene ihambisana nesihloko ngalokulingene. • Licophelo lekuticambela liphansi, incwadzi iyanhlanhlatsa, imibono ayinamdlandla. Lulwimi nesakhiwo (10) Kwakha imisho, kukhetsa emagama, umoya nerejista, lupelomagama, kusebentisa timphawu. • Imisho yakheke ngemalengiso, emagama akhetfwe ngalokufanele, umoya, nerejista kuhambisana nenhloso netetsamelilwati ngemalengiso, kukhetfwa kwemagama kungemalengiso futsi kuvutsiwe, incwadzi ayinamaphutsa elupelomagama netimphawu tisetjentiswe ngalokufanele. • Imisho yakheke ngalokuncomekako, kunebugagu ekukhetfweni kwemagama, umoya nerejista kuhambisana nenhloso netetsamelilwati ngalokuncomekako, incwadzi ayinamaphutsa lamanyenti elupelomagama netimphawu tisetjentiswe ngemphumelelo. • Imisho ingahle ibe nemaphutsa kuletinye tindzawo kepha incwadzi yona iyevakala, emagama akhetfwe ngalokulingene, kusetjentiswe lulwimi lolumalula, kunemaphutsa lambalwa elupelomagama. • Imisho ihlangahlangene, kukhetfwa kwemagama akwemukeleki, incwadzi inemaphutsa lamanyenti kakhulu kuto tonkhe tinhlangotsi. IEB Copyright © 2019 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-6 kula-6 LIPHEPHA II – MARKING GUIDELINES UMBUTO 6 SIMEMETELO (10) Lokucuketfwe (4) • Kuhambisana nesihloko ngemalengiso. Imininingwane ledzingekako iphelele, iyevakala futsi ichazwe kahle kakhulu. • Kuhambisana nesihloko ngalokuncomekako. Imininingwane leminyenti ledzingekako iphelele, iyevakala futsi ichazwe kahle. • Kuhambisana nesihloko ngalokulingene. Incenye yemininingwane ledzingekako ifakiwe, iyevakala futsi ichazwe ngalokulingene. • Iphumile esihlokweni nemininingwane ayivakali. Sakhiwo (2) • Sihleleke setfulwa ngalokuhehako ngemalengiso, umlayeto ugcamile, wetfulwe ngebunono nangendlela letsintsa imiva ngemalengiso. • Asihehi futsi asikahleleki kahle nemlayeto awukagcami, asitsandzeki. Lulwimi (4) • Lulwimi loluhehako, lolungenamaphutsa, lolunongiwe luhambelana nesimemetelo netetsamelilwati, umlayeto uvakala ngemalengiso. • Lulwimi loluhehako lolungenamaphutsa, luhambelana nesimemetelo netetsamelilwati, umlayeto uvakala ngalokuncomekako. • Lulwimi lolungahehi lolungenamaphutsa, luhambelana nesimemetelo netetsamelilwati ngalokulingene, umlayeto uvakala ngalokulingene. • Lulwimi lolungahehi lolunemaphutsa, aluhambelani nesimemetelo netetsamelilwati, umlayeto awuvakali. Samba: 100 emamaki IEB Copyright © 2019