Siswati FAL Grade 12 IEB Paper 2 2018 Question Paper

Downloaded from hlayiso.com NATIONAL SENIOR CERTIFICATE EXAMINATION NOVEMBER 2018 SISWATI LULWIMI LWEKUCALA LWEKWENGETA: LIPHEPHA II SISWATI FIRST ADDITIONAL LANGUAGE: PAPER II Sikhatsi: 2½ Emahora Emamaki: 100 TICONDZISO 1. Leliphepha lemibuto linemakhasi la-6. 2. Leliphepha lemibuto lehlukaniswe tigaba letimbili, Sigaba A neSigaba B. 3. Sigaba A sinemamaki la-60, Sigaba B sona sinemamaki la-40. 4. Fundzisisa kutsi leso naleso sigaba siphendvulwa kanjani. 5. Cala leso naleso sigaba ekhasini lelisha. 6. Bhala linani lemagama lowasebentisile ekugcineni kwaleyo naleyo mphendvulo yakho. 7. Phendvula yonkhe imibuto ngeSiswati lesemukelekile. 8. Hlela kahle umsebenti wakho ubuye ubhale ngesandla lesifundzekako. IEB Copyright © 2018 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-2 kula-6 LIPHEPHA II SIGABA A TEMIBHALO Khetsa incwadzi IBE YINYE kuleti letilandzelako uphendvule ngayo. UMBUTO 1 UMDLALO Tigigaba Talomhlaba: S.R. Nsibandze Phendvula yonkhe imibuto kulena lemine lebutiwe. Ungakhohlwa kwesekela lokushoko ngaloko lesikutfola emdlalweni. 1.1 Fundza letheksthi bese uphendvula imibuto lelandzelako. (Ekhaya eMzaceni. Kukusihlwa ngelilanga lefike ngalo Babazile, Sikheshe ukhuluma nebatali bakhe) Sikheshe: Ngiyabonga boKhumalo kutikhatsata kwenu ngaLaMkhonta. Ngiyeva nekutsi niphume nayohlwaya ebusuku. Mine ngatigwaza ngesami, ngatsatsa umfati ngayomfaka emsebentini. Wefika khona wahlakanipha wabona labancono kunami. Kunyamalala kwakhe angicabangi kutsi ngabe kwekusontfwa nobe kanjani, utsetfwe lishende lakhe. Khumalo: Kambe mntfwanami, sihlupheka kangaka nje umuntfu usebumnandzini bakhe? Sikheshe: Ngumzindlo wami loyo, babe. Nginato tizatfu letingenta ngizindle kanjalo. Kute lokungabamba lendvodza kutsi imlandze khona lapha ekhaya ngobe inemoti. Khumalo: Ha! LaNgwenya, uyawakhumbula emasondvo emoti? LaNgwenya: Kahle kakhulu Khumalo, ngiyawakhumbula. Sikheshe: Enteni emasondvo emoti babe? Khumalo: Kunemasondvo lesiwanake nasiya kumgijimi. Safuna etingcondvweni tetfu kutsi lemoti lebeyihamba lapha ngasekhaya yabani. Babazile: Mine-ke ngikuvile kudvuma kwemoti. Mane vele angikanaki lutfo, ngobe naku phela bese kuhwalala. LaNgwenya: Usho njalo Babazile? Sikheshe: Nonkhe boKhumalo nibofakazi kutsi imoti ifikile lapha ekhaya. Beningeke-ke niyibone ngobe vele beyingaketi kini. Uyibonile loyo lebekadze icondzene naye. [Likhasi 57] 1.1.1 Yabani lemoti lekukhulunywa ngayo kuletheksthi, beyiyaphi vele ngekwati kwakho? (2) 1.1.2 Sikheshe uyatisola ngekuletsa LaMkhonta edolobheni. Bhala kubili lakwentako LaMkhonta lokumenta atisole Sikheshe ngalesento sakhe. (2) IEB Copyright © 2018

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-3 kula-6 LIPHEPHA II 1.1.3 Ngekucabanga kwakho yini lebangela LaMkhonta angakhoni kwehlukana naDlamini? Bhala kubili. (2) 1.1.4 Kukahle yini vele kutsi bomake basebente kuletikhatsi lesiphila kuto? Sekela imphendvulo yakho ngeliphuzu linye. (2) 1.1.5 Nika tizatfu letintsatfu locabanga kutsi tabangela LaMkhonta abaleke ekhakhakhe eMzaceni. (3) 1.1.6 Sikheshe wagcina ashade naTemahlungwane. Chaza ngemaphuzu lamabili kutsi wena usikhandza singulesinjani lesento sakhe. Sihle nobe sibi? Sekela umbono wakho. (4) 1.2 Sikheshe wavumela LaMkhonta kutsi ayosebenta ngobe abecabanga kutsi loko kutawenta imphilo yabo njengemndeni ibe ncono. Ngekwati kwakho kwahamba njengeluhlelo lwakhe yini Sikheshe kulomdlalo? Kwentekeni? Sekela imphendvulo yakho ngalokutfole emdlalweni. Imphendvulo yakho ayibe ngemagama la-100–200. (15) 1.3 Kunenkhulumiswano/Inkhulumomphendvulwano emkhatsini waMgwazeni naSikheshe. Sikheshe utekela Mgwazeni ngetinkinga emkhatsini wakhe naLaMkhonta. Yibhale lenkhulumiswano. Imphendvulo yakho ayibe ngemagama la-80–100. (10) 1.4 Khetsa nobe nguwuphi umbuto UBE MUNYE kulena lelandzelako uphendvule ngawo. Leyo naleyo mphendvulo yakho ayibe ngemagama la-120–150. 1.4.1 Ngabe uyavumelana yini nalombono wekutsi Dlamini uyindvodza lengaketsembeki, lekhohlakele futsi lengasiso sibonelo lesihle emmangweni? Sekela umbono wakho ngalokutfole emdlalweni. NOBE 1.4.2 Bhala ngetigameko letilapha emdlalweni letifakazela kwekutsi lomdlalo wenteka esikhatsini lesiphila kuso lomuhla. (20) [60] NOBE IEB Copyright © 2018 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-4 kula-6 LIPHEPHA II UMBUTO 2 INOVELI Bungani Bebangani: S.M. Magagula Phendvula yonkhe imibuto lemine lebutiwe. Ungakhohlwa kwesekela lokushoko ngaloko lesikutfola emdlalweni. 2.1 Fundza letheksthi bese uphendvula imibuto lelandzelako. Chakaz' ihhola yakho, Hlant' ematsang' ucine Sakutsambel' iminwe Lefise kukuncutsa, Jabuliswa kwenaba, Mliba loy' embili. "Esifundvweni setfu lamuhla sitawubuka kabanti lenkondlo lecashunwe kuyo lendzima lebhalwe lapha embikwenu." Utibambe etulu thishela Bulunga. Sikhatsi sesifundvo seSiswati. Leliklasi ngulelo laboSiphiwe kanye na-Agnes. "Kodvwa sitsini sihloko salenkondlo? Phakamisani tandla. Wo! Kukhona labangati. Labangati phela babonakala ngekungaphakamisi. Khuluma wena Agnes." Watsi lebu lebu Agnes kungatsi uphaphama ebutfongweni. Wasukuma ngekunwabuluka advonsela situlo sakhe emuva. Bambonile labaseceleni kwakhe kutsi kusukela licalile leliklasi uyetela. Bahleka bantfwana kwate kwaphumisela lokunye kwemfana kwevakala sekutsi "Ucabanga Stanza 323." Babuye bahleka kakhulu bantfwana labayatiko lendzaba yeStanza 323. Wabekhuta Bulunga kutsi abamnike litfuba lona akhulume. Wabuye wachaza kutsi kutsiwa indzima yesitsatfu, yesibili, yesitsatfu. Bahleka kakhulu bantfwana babona kutsi thishela wabo akaboni kutsi bacondzephi. "Nihlekani manje?" [Likhasi 83] 2.1.1 Nguyiphi lendzaba lebekadze angayati thishela Bulunga lebeyihlekisa bafundzi eklasini lakhe? (2) 2.1.2 Ngaphandle kwetinkondlo, ngumiphi leminye imibhalo yeSiswati labayentako bafundzi eklasini? Nika imibhalo lemibili. (2) 2.1.3 Benta kahle yini bafundzi kumhleka Agnes nakehluleka kuphendvula eklasini? Utsini umbono wakho ngalesento salabafundzi? (2) IEB Copyright © 2018

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-5 kula-6 LIPHEPHA II 2.1.4 Agnes akazange ayitsatse imiyalo yathishela Bulunga. Bhala tinkinga tibe timbili latikhandza abhekene nato ngalokungalaleli kwakhe. (2) 2.1.5 Bafundzi kubalulekile kutsi bakhulunyiswe ngebungoti bekuya ecansini. Vumela lombono uchaze kutsi kubaluleke ngani. Sekela ngemaphuzu lamatsatfu. (3) 2.1.6 Ngemaphuzu lamabili lesekelwe, chaza kutsi ungumuntfu lonjani Thuli. (4) 2.2 Umbhali abehlose kwedlulisa imilayeto letsite ngemphilo yaSiphiwe kulendzaba. Sekela lombono uvete loko lokufundzile ngaye. Imphendvulo yakho ayibe ngemagama la-100–200. (15) 2.3 Kunenkhulumiswano/Inkhulumomphendvulwano emkhatsini waSiphiwe nemeluleki ngesikhatsi aye kuyohlola simo sakhe sengati. Yibhale lenkhulumomphendvulwano. Imphendvulo yakho ayibe ngemagama la-80–100. (10) 2.4 Khetsa nobe nguwuphi umbuto UBE MUNYE kulena lelandzelako uphendvule ngawo. Leyo naleyo mphendvulo yakho ayibe nemagama la-120–150. 2.4.1 Ngabe uyavumelana yini nalombono wekutsi Sdudla, Mantjwele naMalambe basifaka sandla ekonakaliseni imphilo nesimilo saThuli? Sekela umbono wakho ngalokutfole endzabeni. NOBE 2.4.2 Bhala ngetehlakalo letifakazela kwekutsi lendzaba yenteka ngetikhatsi takadzeni, kusacala intfutfuko. Sekela ngetigameko lotitfole endzabeni. (20) [60] 60 emamaki IEB Copyright © 2018 PHENYA

Downloaded from hlayiso.com NATIONAL SENIOR CERTIFICATE: SISWATI LULWIMI LWEKUCALA LWEKWENGETA: Likhasi le-6 kula-6 LIPHEPHA II SIGABA B EMATHEKSTHI EMBHALOMBIKO Khetsa MUNYE umbuto embutweni 3 NAMUNYE embutweni 4. UMBUTO 3 Phendvula umbuto UBE MUNYE kulombuto. Loko lokucuketfwe yimphendvulo yakho akube ngemagama la-150–200 ngaphandle kwelikheli nesiphetfo nangabe kuyincwadzi. Ungakhohlwa kulandzela imitsetfo lemisiwe yekubhalwa kwencwadzi yebungani kanye nekupelwa kwemagama ngalokusemtsetfweni. 3.1 INCWADZI YEBUNGANI Umngani wakho lenicedze naye ngemnyaka wa-2017 uyofundzela budokotela. Mbhalele incwadzi umbongele uphindze umecwayise ngekutiphatsa kahle njengobe utawube angekho ngephasi kwesandla sebatali. NOBE 3.2 INCWADZI YEBUNGANI Umngani wakho akaseti esikolweni ngendlela lefanele. Utsi sizatfu sakhe sekungeti, kutsi batali bakhe balile kumtsengela ticatfulo latitsandzako, futsi abamniki nemali yekutsenga esitolo lapha esikolweni. Batali bakhe abati kutsi akaseti esikolweni. Babhalele incwadzi ubatise njengobe umsebenti wakhe wesikolo awujabulisi. (30) [30] UMBUTO 4 Phendvula umbuto UBE MUNYE kulombuto. Loko lokucuketfwe yimphendvulo yakho akube ngemagama la-120–150. 4.1 IPHOSTA Esikolweni lofundza kuso kuhlelwe likhonsathi lekugcogca timali ngobe nifuna kutsengela sikolo sipho nakuphela umnyaka. Kutawube kunemacembu latawube anandzisa ngemculo, thishelanhloko utawube asikhulumi ngalolusuku. Bhala iphosta lenitawatisa ngayo ummango ngalekhonsathi. NOBE 4.2 IFLAYA Uvule sitolo lesitsengisa tincwadzi tesiSwati. Letincwadzi utawutitsengisela tikolo tangakini. Lesitolo sitawucala kusebenta ngenyanga yaMabasa. Bhala iflaya watise ummango ngalesitolo sakho. (10) [10] 40 emamaki Samba: 100 emamaki IEB Copyright © 2018