Siswati Hl Grade 12 P1 NSC Supplementary 2015 QP (Siswati)

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LEKUCALA (P1) INDLOVANA/INDLOVULENKHULU 2015 EMAMAKI: 70 SIKHATSI: 2 ema-awa Leliphepha linemakhasi la-12. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 2 DBE/Indlovana–Indlovulenkhulu 2015 NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Luhlelo nekusetjentiswa kwelulwimi (30) 2. Phendvula YONKHE imibuto ngeSiswati. 3. Cala LESO NALESO sigaba ekhasini LELISHA. 4. Dvweba umugca emva kwaleso NALESO sigaba. 5. Tinombolo tetimphendvulo atihambisane naleto letisephepheni lemibuto njengobe tinjalo. 6. Shiya umugca emkhatsini wetimphendvulo takho. 7. Bhala ngebunono nangesandla lesifundzekako. 8. Caphelisisa sipelingi/lupelomagama nendlela lewakha ngayo imisho. 9. Siphakamiso sekulawulwa kwesikhatsi: SIGABA A: Lokungenani emaminitsi la-50. SIGABA B: Lokungenani emaminitsi la-30. SIGABA C: Lokungenani emaminitsi la-40. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 3 DBE/Indlovana–Indlovulenkhulu 2015 NSC SIGABA A: SIVISISO UMBUTO 1 1.1 Fundza letheksthi lelandzelako bese uphendvula imibuto letawulandzela. ITHEKSTHI A 'Nalonyaka sibonga Nkulunkulu losikhombise umusa wakhe, sibuya siphelele sonkhe, akekho losishiyile ngemaholide.' Lawo ngemavi lashiwo nguthishela Kubheka, thishela lomkhulu walapha eMankayane High School, mzukwana kuvulwa tikolo. 'Sesitawuvele singene bantfwana, asaphelile emaholide. Akukho kudlala kulesikolwa. Nonkhe niyati kutsi umuntfu longakaphumeleli etifundvweni takhe akanayo indzawo yekuphindza lapha, ngiko nje setama ngayo yonkhe indlela kutsi nabothishela benu bahlale baphelele. Nyakenye seva buhlungu ngekuhamba kwaNkhosatana Mdluli lowaya le kaHlatsi ngendzaba yekwendza, kodvwa-ke sesiyatfokota kakhulu ngobe bahloli babuye basinika nangu Nkhosatana Dludlu, naye utawufundzisa tona tibalo ebangeni lesiphohlongo nelemfica. Sukuma Mtima bakubone bantfwana.' Yasukuma intfombi ngiyakutjela, weva ashaywa luvadlwana loluncane. Kusukuma bani phela ngobe intfombi lena hhayi kutsi iwushiyile umhlaba, luklwibi nje. Yasukuma yacedze yatsi kumamatseka kancane, igijimisa emehlo ayo lapha ehholweni, ibukabuka nje lokungasho lutfo. Uma imamatseka ubona nje kutsi faca tigodzi lapha etihlatsini. Uma ikubuka ngalamabhamuta ayo lamhlophe, ayagicika nje ngatsi ayitsandzi. Lapha enhloko isho ngetinwele tayo letindze letimnyama. Itibambe ngensimbi lapha ngemuva. Yinhle icedzile intfombi yaDludlu. Likhadlana layo lime mpo. Lapha ematinyweni angaphasi kukhona longaze utsi lakhishwa ngabomu kantsi cha sikhala semvelo lesibakhona emkhatsini wematinyo asembili. Indzaba yekufika kwaNkhosatana Dludlu yandza yonkhe indzawo ngobe bantfwana bebangayivali imilomo ngaye. Bebambabata kuko konkhe kodvwa-ke kakhulu ngalobuhle bakhe. Labanye besebafisa kuyotengcisa ngasesikolweni kute bambone. Emajaha lamanyenti abefuna kumbona atewutetamela inhlanhla. Labanye, kakhulu labasikati, besebaficwa ngumona nje, benyanya lokutsi kube nemuntfu lobatjatwa kanje sengatsi yena wehle ezulwini. Akabanga mangaki emalanga, linyenti labe selimbonile. 'Wu! Sente njani na, yimihlolo yetfu, badvumisa lentfo batsi yinhle?' 'Ewu sisi, ungasasho, sivelelwe, lentfo itele kutewusibhidlitela imiti yetfu nje, itele kutewusemuka emadvodza etfu.' 'Wu! Mine ake ayitsintse yami, uyawube ufike lapho bekaya khona, futsi ngingete ngamshaya nje ngingambeka lutsi. Ngingambhuklutela khona le esikolweni embikwebantfwana besikolo.' Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 4 DBE/Indlovana–Indlovulenkhulu 2015 NSC Onkhe lamagama lagcwele lulaka nemona, nekutfukutsela kangaka abeshiwo bafati kanye netintfombi letatinetingani tato. Phela bebakhuluma kangaka nje bebacabanga kutsi vele umntfwana waDludlu abetawubatsatsela emagugu abo. Nkhosatana Dludlu lo abelikholwa. Abevele nje akutsandza kukholwa asafundza sikolo. Ekolishi nakhona wavele wachubeka nako. Manyenti kabi emajaha labese atehlulekele khona. Abehluleke ngisho asetama kwetsembisa lizulu nemhlaba. Indzaba yekukholwa kwaNkhosatana Dludlu nayo yagijima impela, ngobe umntfwana waMtima lo bekavele angundzabisematseni kulawo malanga. Kwaba sengatsi ubalolile bafati bendzawo. Bebasho nekusho kutsi: 'Kute kukholwa lapha, umane uyakhuluma nje, wentela kuvala lobubi langibo.' Wawubeva sebakhuluma baphefumulela etulu shengatsi nakungenteka achamuke bebangavele bamdzabudzabule nje. 'Animati yini nine umfalisi? Phela lentfo iyafalisa nje ihambe imemetela kutsi iyakholwa, lapho ibutwe ngubani vele …?' 'Phela wetama kona kuvimba lokutsi safa saphela sikhonyane, emadvodza etfu atasishiya phasi.' Letinkhulumo letimbi kanje tahamba taze tefika nasetindlebeni takhe LaDludlu. Uva nje utjelwa ngulomunye wemantfombatane lakhulile khona le esikolweni. Nayo lentfombatane beyingulomunye walabakholwako. Akakhombisanga kwephuka emoyeni LaDludlu, kodvwa bekaloku amamatseka asho kancane atsi: 'Nkhosi yami kodvwa bahluphekelani? Mine angihambisani nayo yonkhe lenyakanyaka labangicabangela yona. Impela iNkhosi ize ingisite, Sathane angajabuli ngami.' Yanele kuhamba lentfombatane, wavele wacondza ekamelweni lakhe, watikhiyela khona. Wasidzindza sililo. Wawungaze utsi kufe unina. Wakhala kabuhlungu kabi wase uyathandaza, solo akhala: 'Nkhosi, wena lowati kuphila kwami konkhe ngisite. Ngesizatfu saloku labakushoko, ngisite nobe sengiya eweni kodvwa ngingaboni, wena uvele ungephule, Sathane nabo bonkhe labangitondzako bangaze bajabule ngami.' Wacedza lapho hhawu, wawungafunga kutsi bekake wakhala. [Ingcamu: 68–70] Phendvula YONKHE imibuto ngekubhekisa tonkhe timphendvulo takho kuletheksthi lengenhla. 1.1.1 Lendzaba yenteka ngayiphi inyanga yemnyaka? Bhala lenyanga ngeSiswati mbamba. (1) 1.1.2 Bantfu bakaDludlu babongelelwa ngasiphi sinanatelo? Bhekisa imphendvulo yakho kuletheksthi lengenhla. (1) 1.1.3 Bhala umusho lokuletheksthi locuketse ligama lelisho umuntfu lodvumile lekukhulunywa ngaye yonkhe indzawo malangonkhe. (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 5 DBE/Indlovana–Indlovulenkhulu 2015 NSC 1.1.4 Tibitwa ngekutsini letigodzi lebetivela etihlatsini taLaDludlu nakahleka? (1) 1.1.5 Bekacondze kutsini lomake ngalamavi lalandzelako? Khetsa imphendvulo. 'Ngingete ngamshaya nje ngingambeka lutsi.' A Abengeke amshaye abetawumane amcolele. B Abengeke amshaye abetawumane ametfuse. C Abetamshaya amlimate abuye amhlazise. D Abetamshaya amhlome lutsi etinweleni. (1) 1.1.6 Kusho kutsini kutsi bebangayivali imilomo? (1) 1.1.7 Bhala tintfo LETIMBILI letikhomba kutsi LaDludlu abelikholwa mbamba. (2) 1.1.8 Mtselela muni lobakhona ngekuntjintjantjintjwa kwabothishela etikolweni njengobe kwentiwe lapha kulesikolo saseMankayane? Nika KUBILI. (2) 1.1.9 Ucabanga kutsi lommango waseMankayane utawugcina wetsembe njani kutsi LaDludlu akaketeli konkhe loku labakucabangako ngaye? (2) 1.1.10 Bhala umbono wakho ngalamavi athishelanhloko ekutsi; 'Umuntfu longakaphumeleli akanayo indzawo yekuphindza lapha.' (2) 1.1.11 Yini lebeyibangela kutsi bomake balendzawo bacabange kutsi LaDludlu utawubatsatsela emadvodza abo? Chaza. (2) 1.1.12 Akha saga lesisisusa salenkhulumo lelandzelako ubhekise kulamagama ladvwetjelwe: Wasidzindza sililo. Wawungaze utsi kufe unina. (2) 1.1.13 Emfundvweni yebantfwana, batali, bothishela nebantfwana kufanele babambisane. Phawula ngemtselela wetinkhulumo letimbi tebatali baseMankayane ngathishela Dludlu emfundvweni yebantwababo. (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 6 DBE/Indlovana–Indlovulenkhulu 2015 NSC 1.2 Fundza lesibonwa lesingentasi bese uphendvula imibuto letawulandzela. ITHEKSTHI B [http://www.kingfeatures.com] 1.2.1 Mehluko muni lokhona kulendlela labafundzi labaphakamise ngayo tandla tabo? Beka MUNYE umehluko. (1) 1.2.2 Nawubukisisa lesibonwa, yini lengabangela kutsi lesifundvo lesifundziswa lapha sibe nemiphumela lemihle? (1) 1.2.3 Ngekubona kwakho ucabanga kutsi yini kutsiwe leliklasi lihambisana kahle nendlela yekufundza lesemtsetfwenisisekelo walelive? (2) 1.2.4 Phawula ngekuphakelwa kwetinsita tekufundza kulesikolo. Bhala KUBILI. (2) 1.2.5 Bhala LOKUBILI lokufanako NALOKUBILI lokwehlukile emkhatsini wetheksthi A netheksthi B. (4) SAMBA SESIGABA A: 30 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 7 DBE/Indlovana–Indlovulenkhulu 2015 NSC SIGABA B: SIFINYETO UMBUTO 2 Fundza letheksthi lelandzelako bese uyayifinyeta ngewakho emagama langabi ngetulu kwala-70. Sifinyeto sakho sivete emaphuzu LASIKHOMBISA lakhomba kutsi kubaluleke ngani kukhokhwa kwentsela lapha eNingizimu Afrika. TICONDZISO 1. Finyeta ngewakho emagama. 2. Sifinyeto sakho sivete emaphuzu lamcoka LASIKHOMBISA. 3. Sifinyeto sakho asibe ngendlela yetindzima (emapharagrafu). 4. Akukadzingeki kutsi ubhale sihloko. 5. Khombisa linani lemagama lowasebentisile ekugcineni kwesifinyeto sakho. Live laseNingizimu Afrika linetifundza letiyimfica nebantfu labatigidzi letingema-48. INingizimu Afrika inotsile futsi inemagugu lagujwako lanjengemalahle, igolide, idayimane naletinye timbiwa. INingizimu Afrika njengalamanye emave, inetinselele netinkinga tayo. Umtsetfosisekelo welive laseNingizimu Afrika utsi bonkhe bantfu kufanele batfole tinsita letisisekelo njengemanti, tindlu tekuhlala, gezi, tikolwa imitfolamphilo, naletinye. Linyenti lebantfu alinayo imisebenti, bantfwana labanyenti abanabatali nebantfu labanyenti abanato tindlu. Kubalulekile kutsi nangabe usakhamuti selive lakini uyikhokhe intsela kute letidzingo tebantfu tenetiseke. Ematiko lamanyenti ahulumende ayayidzinga imali kute aholele tisebenti tawo. Litiko Letemfundvo liyayidzinga imali kute lakhe tikolo njengobe linani lebantfwana labafundzako lenyukile eveni nekutsenga tincwadzi naletinye tinsita tekufundza. Litiko Letenhlalakahle lidzinga imali yekuholela labagugile, tintsandzane, bantfwana labanebatali labangasebenti nalabakhubatekile labehluleka kuyewutisebentela. Litiko Letemphilo lidzinga imali yekwakha imitfolamphilo netibhedlela. Litiko Letekuphepha Nekuvikela ummango lidzinga imali lenyenti yekutsenga tikhali tekulwa nebugebengu lobukhungetse live nalobuchamuka emaveni angaphandle. Litiko Letemtsetfo Nemtsetfosisekelo lidzinga imali yekutsenga tinsita tekumelana netemtsetfo nebulungiswa. Litiko Letemigwaco lona lidzinga imali yekwakha imigwaco lemisha kanye nekulungisa imigwaco leyonakele. Imali yentsela idzingwa nguhulumende kwakha nekulungisa umonakalo lodalwe timvula letinkhulu, umlilo nemimoya lenemandla. Nangabe kunesomiso nobe umonakalo lodalwe yimvelo hulumende uyasita ngetimali letingeniswa yintsela yesive. Hulumende uyakhona kutfutfukisa live ngekutsi asebentise imali yentsela. INingizimu Afrika yatiwa njengelive lelitfutfukako ngenca yemali legcogcelwa ndzawonye bese isetjentiswa ngendlela lefanele. Emalunga ephalamende ahola yona lemali yentsela yesive. Kwakhiwa kwetakhiwo letinjengetinkhundla temidlalo kweyeme ekusetjentisweni kwemali yentsela. Imali yentsela kulabasebentako idvonswa emiholweni yabo ngekwetigaba temiholo yabo. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 8 DBE/Indlovana–Indlovulenkhulu 2015 NSC Lenye imali yentsela itfolakala kubosomabhizinisi nakulabo labanetinkampani. Labo labangakhiphi intsela banikwa sikhatsi sekutsi bayibhadale. Nangabe behluleka kuyikhokha badliwa imphahla yabo njengetindlu, timoto, emapulazi nalokunye, kumbe baboshwe bayewuvalelwa ejele. Labo bantfu labatfole imali ngaleminye imisebenti nabo kuyadzingeka kutsi babhadale intsela. Umuntfu lonelutsandvo nelive lakhe nalotsembekile kumele akhiphe imali yentsela ngekukhululeka njalo ekupheleni kwemnyakatimali. [Icanjiwe] SAMBA SESIGABA B: 10 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 9 DBE/Indlovana–Indlovulenkhulu 2015 NSC SIGABA C: LUHLELO NEKUSETJENTISWA KWELULWIMI UMBUTO 3 Fundza lesikhangisi lesilandzelako bese uphendvula imibuto letawulandzela. 1. BELIYINI LILAYISI KUNAWE!!! 2. Ungumashayacotfule. Indlala ayikufuni nalapho 3. Ungumondli wetintsandzane. uhambe khona. Ikwesabisa kwenyoka. Tingaze titfole wena tilala bekufa, kubindze netilo esiswini. 4. Emancobo laphuma kuwe lesingaboni asiwatfoli. Ugcwalisa sandla sinye, ushaye sentfwala. 6. Sikhwebu sakho 5. Imbasha legayingwe sinye sondla ngawe yenta bantfu babe iNingizimu Afrika tidlakela. Bahambe yonkhe. bashayela etulu babukele labanye phasi. 7. Labanawe umkhuhlane bawuva ngendzaba. Abanatinkinga tekunatsana netimbita. [http://www.free Stock Photography – Image] 3.1 Khokha umusho lokulesikhangisi locuketse ligama lelingumfutiselo wesifo. (1) 3.2 Ucabanga kutsi ngumuphi umkhicito longentiwa ngaloku lokukhangiswako longakabalwa lapha ngenhla? Nika MUNYE. (1) 3.3 Nguliphi libintana lelingema esikhundleni seligama lelidvwetjelwe kulomusho lolandzelako? Emancobo laphuma kuwe lesingaboni asiwatfoli. (1) 3.4 Sinongo sesihabiso lesisetjentiswe kulesikhangisi efreyimini 3, siletsa muphi umcondvo? (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 10 DBE/Indlovana–Indlovulenkhulu 2015 NSC 3.5 Lokwenta kutsi kusetjentiswe tinhlavu temagama letinkhulu efreyimini 1 kutsi: Khetsa imphendvulo lengahambisani nalokungiko kuletilandzelako: A Kudvonsa emehlo etetsamelilwati kute tisheshe tiwutsenge. B Kugcamisa lokukhangiswako kute kusheshe kutsengwe. C Lonenkinga yemehlo asheshe abone lokukhangiswako. D Kuhlobisa sikhangisi kute sibukeke sisihle kakhulu. (1) 3.6 Bhala ligama leliveta inchazelo lensha lelingemela lelidvwetjelwe efreyimini 5. (1) 3.7 Veta luvo lwakho ngalenkhulumo lesetjentiswe kulesikhangisi lesingenhla efreyimini 6. (2) 3.8 Lenkhulumo ledvwetjelwe lesefreyimini 4 ihambisana kangakanani naloku lokukhangiswako? (2) [10] UMBUTO 4 Fundza lekhathuni lelandzelako bese uphendvula imibuto letawulandzela. Nasimtfola kufanele simklinye aze akhokhe liciniso. Asho kutsi Vimbani bo! Maye! Nayo inswelaboya umntjontjelani lomfati. 4 ibaleka nemkami, tiga tami leti! 1 Asambe wena ngingaze ngikubhule! Akekho umuntfu lotakushada ngisekhona. Loyishayile akakayosi! 6 Hheyi madvodza, lomuntfu ungumsubatsi lucobo lwakhe. Vum! Vum! Vum! Angetame kumtfola. 2 Naku ngigenuka, ngephuka intsamo ngingakalindzeli. Ngelekeleleni bo! Ngafa! 3 Angisibambe lesidlwangudlwangu singaze sinyamalale. Hheyi! Yekela Ngelekeleleni bekunene! Ungidvonsa lomkamnaketfu, awuboni kutsi akafuni? Konje unjalo vele wena, ngetandla takhe letinensila, kusho kutsi awukhoni kwehlukana nalesimilo sakho lesibi sekuntjontja bafati ufuna kuyongisoconga! Maye mine bebantfu. Awati kutsi umfati uyasonywa? 5 ngesitsandvwa sami! 7 [http://www.americanprogress.org/cartoon/page] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 11 DBE/Indlovana–Indlovulenkhulu 2015 NSC 4.1 Khokha umusho kulekhathuni lengenhla locuketse sifutamsindvo uwubhale phasi. (1) 4.2 Phindza ubhale lomusho losefreyimini 3, esikhundleni seligama lelidvwetjelwe ufake mcondvophika walo. (1) 4.3 Leligama lelidvwetjelwe efreyimini 2 lichazani? Khetsa imphendvulo kuletilandzelako: A Ngumuntfu loshakutelako. B Ngumuntfu lononophako. C Ngumuntfu lobalekako. D Ngumuntfu lonematubane. (1) 4.4 Ngusiphi saga lesingasetjentiswa esikhundleni salenkhulumo ledvwetjelwe efreyimini 5. (1) 4.5 Ngekubona kwakho, yini lebangele kuwa kwalomuntfu lobhekise tinyawo etulu kulekhathuni lengenhla? (1) 4.6 Umusho wekugcina efreyimini 6 ushiwo nakwente njani? (1) 4.7 Tsatsa ligama lelidvwetjelwe efreyimini 7 wakhe ngalo umusho lotawuveta inshokutsi leyehlukile kulena lekulekhathuni lengenhla. (2) 4.8 Ngubuphi budlelwano lobukhona emkhatsini weligama lelitsi 'sidlwangudlwangu' efreyimini 5 nalokwenteka kulekhathuni lengenhla. Chaza. (2) [10] UMBUTO 5 Fundza letheksthi lelandzelako lenemaphutsa elulwimi bese uphendvula imibuto letawulandzela. Sandzanelive luhlobo lwetihlahla lolukhula ngekusheshisa futsi lukhicita inhlanyelo lenyenti ngesikhatsi lesifisha. Balimi bagcugcutela kutsi kusetjentiswe tilokatana kubulala bosandzanelive ngobe tibulalilukhula tifuna imali lenyenti. Letilokatana leti tiye tidle emacembe, ticu noma inhlanyelo yaletihlahla. Timphawu taletihlahla tinyenti kodvwa kukhona letetayelekile. Titihlahla letikhula tibe tindze kakhulu. Tikhula tibe tinyenti, ticine, tente kutsi tjani lobungaphasi kwato buphele ngaletimbali letinemibalabala lemihle naletikhipha titselo letingakatayeleki letineliphunga lelibi. Tilwane tasendle lekubalwa kuto tinyatsi, tindlulamitsi naletinye, tiye tikhinyabeteke ngenca yekwehla kwetjani. Bosandzanelive labakhulela emantini babulala tingwenya. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 12 DBE/Indlovana–Indlovulenkhulu 2015 NSC Kulesinye sikhatsi ababi tihlahla kepha bakhula balingane netjani lobudliwa yimfuyo. Bayingoti lenkhulu. Imfuyo iyafa nekufa uma idle luhlobo lwabo lolutsite. Nangabe inkhomo imitsi, kuyenteka kufe linkhonyane, nangabe kungakafi nenina. Tilwane letitsandza kudla tihlahla, atibadli. Ngaloko ke akusilula kutsi banciphe ngobe kusuke kungekho lokutawubaphazamisa kutsi bakhule. Ebantfwini labaphetfwe sifuba, letihlahla tenta kube matima kuphefumula. Kukhona labanetikhumba letitetemako lobatfola sebanenkinga yesikhumba. Kubalulekile kutsi bafuyi babe nadalada lobiyela emadlelo abo bawavale ngci. [Ihunyushwe isuselwa ku–ILanga Iphepha Lesizwe] 5.1 Phindza ubhale lomusho lolandzelako lotsetfwe kuletheksthi lengenhla bese ulungisa lapho kuneliphutsa leliphatselene netimphawu tekufundza khona. Ngaloko ke akusilula kutsi banciphe ngobe kusuke kungekho lokutawubaphazamisa kutsi bakhule. (1) 5.2 Nika bulili lobusikati egameni lelidvwetjelwe lelitsetfwe kuletheksthi lengenhla. Nangabe inkhomo imitsi, kuyenteka kufe linkhonyane nangabe kungakafi nenina. (1) 5.3 Hlanganisa lemisho lemibili ngekufaka sihlanganiso lesifanele. Bayingoti lenkhulu. Imfuyo iyafa nekufa nangabe idle luhlobo lwabo lolutsite. (1) 5.4 Tsatsa lelibitombici lelidvwetjelwe kulomusho lolandzelako ulisebentise emshweni lotakhele wona njengamentiwangco. Balimi bagcugcutela kutsi kusetjentiswe tilokatana kubulala bosandzanelive ngobe tibulalilukhula tifuna imali lenyenti. (1) 5.5 Sebentisa sento lesineselulo sekwentela lesikulomusho lolandzelako utakhele ngaso umusho loveta umcondvo wesizatfu. Bosandzanelive lababulala tingwenya bakhulela emantini. (2) 5.6 Tsatsa sento lesisendleni lesalibito kulomusho lolandzelako usisebentise emshweni lotakhele wona njengenhloko yemusho. Bosandzanelive benta kube matima kuphefumula. (2) 5.7 Sebentisa sentakutsi lesidvwetjelwe kulomusho lolandzelako emshweni lokhomba sikhatsi lesengcile lesiphelele. Kubalulekile kutsi bafuyi babe nadalada lobiyela emadlelo abo bawavale ngci. (2) [10] SAMBA SESIGABA C: 30 SAMBA SAKO KONKHE: 70 Emalungelo agodliwe