Siswati Hl Grade 12 P2 NSC Supplementary 2015 QP (Siswati)

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LESIBILI (P2) INDLOVANA/INDLOVULENKHULU 2015 EMAMAKI: 80 SIKHATSI: 2½ ema-awa Leliphepha linemakhasi la-22. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 2 DBE/Indlovana–Indlovulenkhulu 2015 NSC TICONDZISO KULABAHLOLWAKO 1. Fundzisisa leticondziso ngembikwekutsi ucale kuphendvula imibuto. 2. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze lonyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 3. Liphepha lemibuto licuketse TIGABA LETINTSATFU: SIGABA A: Tinkondlo (30) SIGABA B: Inoveli (25) SIGABA C: Umdlalo (25) 4. ISIHLANU imibuto lekufanele uyiphendvule seyiyonkhe: ESIGABENI A imibuto mitsatfu (3), ESIGABENI B munye (1), ESIGABENI C munye (1) ngalendlela: SIGABA A: TINKONDLO TINKONDLO LETIFUNDVWE EKLASINI - Phendvula imibuto ibe MIBILI. ETINKONDLWENI LETINGAKAFUNDVWA EKLASINI – Uphocelelekile kuphendvula lombuto. SIGABA B: INOVELI Phendvula umbuto ube MUNYE. SIGABA C: UMDLALO Phendvula umbuto ube MUNYE. 5. KUKHETFWA KWETIMPHENDVULO TESIGABA B (INOVELI) NESIGABA C (UMDLALO) o Phendvula KUPHELA imibuto yenoveli loyifundzile kanye nemdlalo lowufundzile. o Phendvula UMBUTO MUNYE WENDZABAMBHALO kanye NAMUNYE UMBUTO EMIBUTWENI LEMIFISHA. Nangabe ukhetse kuphendvula umbuto wendzabambhalo ESIGABENI B, uphocelelekile kutsi uphendvule imibuto lemifisha ESIGABENI C. Uma uphendvule imibuto lemifisha ESIGABENI B, uphocelelekile kutsi uphendvule umbuto wendzabambhalo ESIGABENI C. Sebentisa luhlu lwekutikhumbuta kute usitakale. 6. BUDZE BETIMPHENDVULO o Imibuto yendzabambhalo etinkondlweni kufanele iphendvulwe ngemagama la-190–240. o Indzabambhalo yeNoveli neMdlalo kufanele iphendvulwe ngemagama la- 340–390. o Budze betimphendvulo temibuto lemifisha bufanele buhambisane nelinani lemamaki labekiwe. Labahlolwako kufanele banganhlanhlatsi. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 3 DBE/Indlovana–Indlovulenkhulu 2015 NSC 7. Fundzisisa kahle ticondziso letisekucaleni kwaleso naleso sigaba. 8. Tinombolo tetimphendvulo atihambisane naleto temibuto njengobe tinjalo ephepheni lemibuto. 9. Cala LESO NALESO sigaba ekhasini LELISHA. 10. Siphakamiso sekulawulwa kwesikhatsi: SIGABA A: Lokungenani emaminitsi la-40. SIGABA B: Lokungenani emaminitsi la-55. SIGABA C: Lokungenani emaminitsi la-55. 11. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 4 DBE/Indlovana–Indlovulenkhulu 2015 NSC LIKHASI LALOKUCUKETFWE Lelikhasi litawusita bahlolwa kutsi bakwati kukhetsa imibuto labafuna kuyiphendvula ngaphandle kwekufundza lonkhe liphepha lemibuto. SIGABA A: TINKONDLO Tinkondlo Letimisiwe: Phendvula nobe nguYIPHI imibuto LEMIBILI. INOMBOLO YEMBUTO UMBUTO EMAMAKI LIKHASI 1. Mahlahlandlela Umbuto loyindzabambhalo 10 6–7 NOBE 2. Iwil' Insika Imibuto lemifisha 10 7–8 NOBE 3. Ngihayel' Inkondlo Imibuto lemifisha 10 8–9 NOBE 4. Kants' Uphumula Nini? Imibuto lemifisha 10 10–11 NA Inkondlo lengakafundvwa eklasini: Uphocelekile kuphendvula lombuto. 5. Bhala Mabhalane Imibuto lemifisha 10 11–12 SIGABA B: INOVELI Phendvula umbuto MUNYE. 6. Liphume Nebovu Umbuto loyindzabambhalo 25 13 NOBE 7. Liphume Nebovu Imibuto lemifisha 25 13–15 NOBE 8. Kubamba Letingelako Umbuto loyindzabambhalo 25 15 NOBE 9. Kubamba Letingelako Imibuto lemifisha 25 15–17 SIGABA C: UMDLALO Phendvula umbuto MUNYE. 10. Kwahlwa Emini Umbuto loyindzabambhalo 25 18 NOBE 11. Kwahlwa Emini Imibuto lemifisha 25 18–20 NOBE 12. Umvuzo Umbuto loyindzabambhalo 25 20 NOBE 13. Umvuzo Imibuto lemifisha 25 21–22 CAPHELA: Esigabeni B na-C, munye umbuto lophendvuliwe ufanele ube YINDZABAMBHALO nobe IMIBUTO LEMIFISHA. Awukavumeleki kutsi uphendvule tindzabambhalo LETIMBILI nobe imibuto lemifisha LEMIBILI. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 5 DBE/Indlovana–Indlovulenkhulu 2015 NSC LUHLA LWEKUTIKHUMBUTA Lelikhasi litawusita bahlolwa kutsi ngabe baphendvule linani lemibuto lekungiyo lekumele bayiphendvule. SIGABA TINOMBOLO LINANI LEMIBUTO TICK TEMIBUTO LEPHENDVULWAKO  A: Tinkondlo (Tinkondlo letifundvwe eklasini) 1–4 2 A: Tinkondlo (Inkondlo lengakafundvwa 5 1 eklasini) B: Inoveli (Indzabambhalo nobe imibuto 6–9 1 lemifisha) C: Umdlalo (Indzabambhalo nobe imibuto 10–13 1 lemifisha) CAPHELA: Esigabeni B na-C, cinisekisa kutsi uphendvule YINYE INDZABAMBHALO NAMUNYE umbuto WEMIBUTO LEMIFISHA. Awukavumeleki kutsi uphendvule tindzabambhalo LETIMBILI nobe imibuto lemifisha LEMIBILI. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 6 DBE/Indlovana–Indlovulenkhulu 2015 NSC SIGABA A: TINKONDLO TINKONDLO LETIFUNDVWE EKLASINI Khetsa tinkondlo tibe TIMBILI kuleti letilandzelako uphendvule ngato imibuto letawulandzela. UMBUTO 1: UMBUTO LOYINDZABAMBHALO Fundza lenkondlo lelandzelako bese uphendvula umbuto lotawulandzela. MAHLAHLANDLELA – JJ Thwala 1 Labakwatiko batsi: 2 Ulisango lemphilo, 3 Usihlutfulelo semphilo, 4 Ulitibuko lemphilo, 5 Ungumhlahlandlela wemphilo. 6 Sango lemphilo yemuntfu, 7 Vulela lusapho lwakaNtfu 8 Lwendlule luphangelane kuwe, 9 Lugijime ngematubane lamakhulu 10 Luyofinyelel' esicongweni sakaMfundvo 11 Kulelibuswa nguNgcondvonkhulu. 12 Sihlutfulelo semphilo yemuntfu, 13 Vuleka singene ngekhatsi 14 Kuletindvongakati letinkhulu, 15 Siyotsekela lwati lolujulile 16 Sigogodze inhlakanipho yaseNshonalanga, 17 Sinots' emphefumulweni nasengcondvweni. 18 Tibuko lemphilo yemuntfu, 19 Welisa labafuna kuwela 20 Bafinyelele mshiyalowa, 21 Bayogidza batibetsele, 22 Bahlomele likusasa 23 Lelingatiwa ngumuntfu. 24 Mhlahlandlela wemphilo yemuntfu, 25 Yihlahle kumnyama kubovu, 26 Kubhukul 'emajaha embutfo, 27 Kubhukule tintfombi telibutfo, 28 Kuphumelele banumzane labatimisele, 29 Kuphumelele bomake labatimisele. 30 Labakwatiko batsi: 31 Uyinsimu lemakhabakhaba, 32 Usiyalu lesigobhot' umlibe, 33 Uyimbita lebil' umlibe, 34 Ulifa lelim' umlibe. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 7 DBE/Indlovana–Indlovulenkhulu 2015 NSC Bhala indzatjanambhalo ngekusetjentiswa kwesifanisongco kulenkondlo lengenhla. Budze bemphendvulo yakho abube ngemagama langabi ngaphasi kwala-190 kodvwa angabi ngetulu kwala-240. [10] NOBE UMBUTO 2: IMIBUTO LEMIFISHA Fundza lenkondlo lelandzelako bese uphendvula imibuto letawulandzela. IWIL' INSIKA – JJ Thwala 1 Yeka leto tikhatsi 2 Letendlula letingenawuphindze tibuye: 3 Tendlulise kwemanti lageletako 4 Tendlulise kwemphilo yesotsamlilo 5 Lenemabanga lamafisha njalo 6 Lendlul' ingab' isakhonjwa ndzawo. 7 O! Nkhosikati yelikhaya, 8 Bekukuhl' usime ngensika, 9 Bekukuhl' unemtfunti wekukhosela, 10 Kubuhlungu kuyashacisa namuhla, 11 Sililo setinyembeti sodvwana. 12 Yebo-ke, awehl' umoya … 13 Insika lebeyimise likhaya 14 Kusukela kwatsi nhlo, 15 Idliwe ngumuhlwa yawa, 16 Kayiphindz' ivuke nanini. 17 Kuyobuye kulunge, cola … 18 Nob' emanceb' opha, 19 Nobe tilondza tibhibha, 20 Nom' iminjunju ifutsa, 21 Kulukhuni kulitje kuwe, 22 Cola … cola … cola … 23 Bukhulu nebucotfo bakho, 24 Umusa nesimilo sakho, 25 Kuyawufakw' emehlo tedzeleli, 26 Tikuchukulute nom' usemantini 27 Ngob' ungasenansika lekumisile. 28 Emehlwen' akho kuyakwakheka 29 Emachaphoti lachucha tinyembeti, 30 Buso bakho lobubusheleleti 31 Buvele tisihla letingahhudluleki, 32 Boph' inhlitiyo ngamabopha. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 8 DBE/Indlovana–Indlovulenkhulu 2015 NSC 33 Bamb' inhlitiyo uyibambisise, 34 Landzel' umgudvu lofanele, 35 Tifanise nalabanye bantfu. 36 Kwemhlaba kuyendlula Mntfwanebantfu, 37 Lokwentekile kuyafana nalokwadalwa. 2.1 Shano kutsi bunkondlo buni lesibutfola emgceni 22 walenkondlo lengenhla. (1) 2.2 Caphuna umugca wenkondlo lomumetse sifaniso endzimeni yekucala yalenkondlo lengenhla. (1) 2.3 Yini lebangela sonkondlo asebentise luphawu (…) lapha emgceni 17? (1) 2.4 Lenkondlo lengenhla iluhlobo luni? (1) 2.5 Hluta kujula kwesihloko lesitsi 'Iwil' insika.' (2) 2.6 Wena ubona kutsi sonkondlo uyibhekise kubani lenkondlo lengenhla? Sekela imphendvulo yakho ubhekise kuyo lenkondlo. (2) 2.7 Chaza imiphumela lemibili lemibi levame kuba khona nangabe insika iwile. (2) [10] NOBE UMBUTO 3: IMIBUTO LEMIFISHA Fundza lenkondlo lelandzelako bese uphendvula imibuto letawulandzela. NGIHAYEL' INKONDLO – JJ Thwala 1 Ngihaye' inkondlo 2 Yemhlaba wonkhe jikelele, 3 Ivakale ngesigci lesihehako, 4 Itsints' imizwa nemitsambo, 5 Itsints' imicabango lejulile, 6 Ikhutsat' emandla nesineke 7 Sekulwa nenjabho nendzangalo. 8 Ngihayel' inkondlo, 9 Inkondlo yemanon' emicabango, 10 Lelets' intfokoto lemangalisako, 11 Iletse kukhanyiselwa kabusha 12 Emcondvweni nemphefumulweni, 13 Ngiphil' imphilo lensha, 14 Ngincob' imphi letfunatako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 9 DBE/Indlovana–Indlovulenkhulu 2015 NSC 15 Ngihayel' inkondlo, 16 Inkondlo yenkhululeko yemphefumulo, 17 Uyihaye busuku nemini, 18 Ingilolotele kwemlolotel' ebusuku, 19 Ingikhutsat' emsebentin' emini, 20 Ngijabule ngigidze ngedvwana 21 Ngobe ngingakagawuli yembangandlala. 22 Ngihayel' inkondlo, 23 Inkondlo yekudvumisa 24 Buhle bemvelo yemhlaba, 25 Lobugcamis' imphilo yemhlaba, 26 Ledzinga kukhutsala kwaSikhutsali, 27 Kwetsembeka kwaTsembeka, 28 Kulunga kwaLunga. 29 Ngihayel' inkondlo, 30 Inkondlo yetinzululwati 31 Levet' imikhakha yebunzululwati. 32 Funa ngibe ngumuntf' ebantfwini, 33 Ngitfol' inkhululeko yengcondvo, 34 Umhlaba ngiwubuke ngalamany' emehlo. 3.1 Shano luhlobo lwebunkondlo loluvetwa ngulamagama lamnyama emgceni 7 walenkondlo lengenhla. (1) 3.2 Yini lebangela sonkondlo lapha emgceni 9 atsi, 'Inkondlo yemanon' emicabango?' (1) 3.3 Shano bunkondlo lobumumetfwe ngulemisindvo ledvwetjelwe emgceni 20 walenkondlo. (1) 3.4 Yini kusetjentiswe emagama laphikisanako latsi, busuku nemini lapha emgceni 17 walenkondlo? (1) 3.5 Bunkondlo buni lobuvetwa ngulamagama ladvwetjelwe emigceni 15 na 16 yalenkondlo lengenhla? Usho ngani? (2) 3.6 Ase ucatsanise iphethini yemigca 30 ne-31 kulenkondlo. (2) 3.7 Chaza kube KUBILI lokufanele kutsi kwentiwe kuze kufezeke naku lakhuluma ngako sonkondlo kulenkondlo lengenhla. (2) [10] NOBE Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 10 DBE/Indlovana–Indlovulenkhulu 2015 NSC UMBUTO 4: IMIBUTO LEMIFISHA Fundza lenkondlo lelandzelako bese uphendvula imibuto letawulandzela. KANTS' UPHUMULA NINI? – JJ Ncongwane 1 Uma ngihamb' uyagcumagcuma 2 Utfutsel' utsats' ubeke, 3 Ufise lok' ufise lokwa, 4 Wale lok' ufune lokwa; 5 Ngikuyise ngasemitfonjeni lepholile, 6 Ngihlale kulepholile imitfunti 7 Ngiphumule … wen' ushaye njalo, 8 Ubelesele ngesivinini sakho semihla; 9 Kants' uphumula nini? 10 Ngiye ngijabule ngitsi 11 Shona langa ngitewuphumula … 12 Uma ngidvonsa siphuku 13 Ucala phasi ngemibalo yakho, 14 Ucale kancan' ungikhumbute 15 Lebekwentek' emini yalamuhla, 16 Wendlul' ungicabangise tayitolo, 17 Utsatseke ngematsemba netifiso takusasa; 18 Kants' uphumula nini? 19 Ngilala ngikushiy' unoma, 20 Ngitumeka solo wen' udidiyela, 21 Uhamb' ungishiy' ube ngumcubashi 22 Emaven' enjabulo netinsizi, 23 Lapho tifiso tikutfwala tikubeke khona, 24 Ungishiye ngisiphalat' emaphusheni; 25 Ungishiye ngilele ngentfokomalo; 26 Kants' uphumula nini? 27 Buka sebakubonile bodokotela 28 Kutsi laph' ukhuphuk' imicansa 29 Wetfwel' imicabango netifiso, 30 Udvons' elubikibikini lwendvumalo, 31 Ugabadvul' imimango yetinsizi, 32 Kuvakale nemoya sewushona phansi; 33 Uva sebatsi kufanel' uphumule, 34 Kants' uphumula nini? 35 Labakwati ncono bats' ulibhikawozi, 36 Kuwe kuhlum' ematsemba netifiso, 37 Kuphekwe nelutsandvo luphuphume; 38 Nalokubi batsi kuvela kuwe, 39 Nentondvo nemavundvo kukuwe, 40 Kungak' usigayo lesingaphumuli, Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 11 DBE/Indlovana–Indlovulenkhulu 2015 NSC 41 Nasidziniwe ngulokuhle sigcakaza lokubi; 42 Kantsi nasewuphemba kuthula nelucolo 43 Utsats' ubeke taba tekudvudvuta 44 Kungats' ulitiko lemhlatjelo wekuthula; 45 Nome kunjalo kants' uphumula nini? 4.1 Hluta imigca ye-19 ne-20 yalenkondlo ubhekise esakhiweni sangaphandle. (1) 4.2 Bekakusiphi simo sonkondlo nakabhala lenkondlo lengenhla? (1) 4.3 Usho kutsini sonkondlo lapha emgceni 19 nasibhekisa kulenkondlo lengenhla? (1) 4.4 Yini lebangela sonkondlo kwekutsi asebentise lomusho loyimphindvwa lotsi, 'Kants' uphumula nini' kulenkondlo lengenhla?' (1) 4.5 Nasibuka kujula kwalenkondlo, wena utsi ukhuluma ngani sonkondlo? Usho ngani? (2) 4.6 Wena ucabanga kwekutsi sonkondlo ufuna kwekutsi uphendvulwe ngubani lombuto wenkondlo losekugcineni kwaleyo naleyo ndzima? Usho ngani? (2) 4.7 Chaza kutsi yini lebangela kutsi loku lakhuluma ngako sonkondlo kungaphumuli nasibhekisa enkondlweni yonkhe. (2) [10] NA INKONDLO LENGAKAFUNDVWA EKLASINI: WONKHE umhlolwa uphocelekile kutsi awuphendvule lombuto. UMBUTO 5: Fundza lenkondlo lelandzelako bese uphendvula imibuto letawulandzela. BHALA MABHALANE – M Ngwenya 1 Bhala mabhalane, 2 Nkhosi yabomabhalane. 3 Khulum' ucecebule mcecebuli. 4 Wena locecebul' untfweshule 5 Leyo ngubo lembonye kukhanya. 6 Khanyisela timphumphutse Makhanya. 7 Ukhanyisele boNtfombi baphum' ebuntfombini, 8 Ukhanyisele boMajaheni bangen' ebubabeni. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 12 DBE/Indlovana–Indlovulenkhulu 2015 NSC 9 Mchubi wetinkhomo tiy' edibhini, 10 Tingene tiphumele ngeshey' utibukile. 11 Uncandzek' ulandze letinye 12 Utibhabhatise kulo lelo damu lowadadama kulo. 13 Utingcabishis' etigodzini netisele lowatingcabisha. 14 Emadlelo laluhlat' ekukhotsis' atiwa nguwe 15 Matinikela ngemphilo, tichube tiye kuwo. 16 Bahleti banikati ngobe batsembe wena 17 Tsemba lematsemb' esintfu. [Inyoni Yemasi likhasi 15–15] 5.1 Sonkondlo unemagama lagcizelela ngawo endzimeni yekucala, nyomula leligama nobe umugca locuketse lokugcizelela. (1) 5.2 Ngutiphi letinkhomo letichutjwa ngulona lobongelelwako? (1) 5.3 Nika sizatfu sekutsi kutsiwe lona lobongelelwako uyinkhosi yabomabhalane. (1) 5.4 Hluta imigca we-4 ne-5 yalenkondlo ubhekise esakhiweni sangaphandle senkondlo. (Nika liphuzu linye kuphela). (1) 5.5 Chaza kutsi sonkondlo ucondze kusitjelani ngemugca 9 walenkondlo lengenhla. (2) 5.6 Shano kutsi emagama latsi 'emadlelo laluhlata' lapha emgceni 14 ngabe akhetseke kahle yini. Usho ngani? (2) 5.7 Nasibhekisa ekujuleni kwenkondlo, wena utsi lenkondlo lengenhla ikhuluma ngani? Usho ngani? (2) [10] SAMBA SESIGABA A: 30 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 13 DBE/Indlovana–Indlovulenkhulu 2015 NSC SIGABA B: INOVELI Kulesigaba kunemanoveli lamabili. Wena-ke khetsa ibe YINYE loyifundze eklasini lonyaka uphendvule ngayo. CAPHELA: Khetsa emkhatsini WENDZABAMBHALO NEMIBUTO LEMIFISHA kuleyo naleyo noveli loyifundzile. Nangabe ukhetsa kuphendvula umbuto wendzabambhalo ESIGABENI B, uphocelelekile kutsi ESIGABENI C uphendvule imibuto lemifisha. UMBUTO 6: UMBUTO LOYINDZABAMBHALO LIPHUME NEBOVU – BB Malangwane Bhala indzabambhalo lapho uveta khona kuphumelela nobe kwehluleka kwembhali kuveta umbono wakhe kulenoveli. Indzabambhalo yakho ayibe nemagama langabi ngaphasi kwala-340 kodvwa angabi [25] ngetulu kwala-390. NOBE UMBUTO 7: IMIBUTO LEMIFISHA LIPHUME NEBOVU – BB Malangwane Fundza letheksthi leyincenye yendzaba bese uphendvula imibuto letawulandzela. Kusehlobo, lilanga libalele nasebukhweni betinja. Njengobe sekusemini lenkhulu nje lase likhipha inhlanti emantini. Lapha ekhaya kaLushawulo kunesalukati lesingunina kanye nebatukulu baso, bahleti phasi kwesihlahla semganu ngenca yalo lilanga. Lesihlahla besiseceleni kwendlu yaTintfombi. Kulo lelo langa lelalibila, bafati baLushawulo lalibabhadlisa esigangeni. Phela bebavuke ngeluvivi bayewufuna emakhatsakhatsa emntfwana waTintfombi labesabangwa netibi. Lomntfwana abesewesibili agula ngalendlela. Lona lowelanywa ngulona naye wagcina asashonile. Intfo leyayitsandza kuba yimphicabadzala ngulokutsi labantfwana baphatfwa sifo sinye futsi sibacala nasebakhasa bonkhe. Nalapho bebavukele khona kute litsemba lebabanika lona. Tavele talandvula tinhlolo. Babuyela ekhaya bajabhile impela. 'Nangu make nee, nee, nee,' kusho lomunye umntfwana lowababona bonina kucala. Kwatsi mpu umsindvo sebahlangabeta bonina. Gogo wabo lobekasatumekile naye wavuswa ngumsindvo. Wavuka wahlala ngetibunu asalindzele kuva kutsi bahambe njani bomalukatana bakhe. Asababuka beta ebaleni walubona lusizi lolwalubhalwe ebusweni babo. Umcumo wase umunye kumntfwana lowabesagonwe nguLaMagagula. Befika bahlala phasi ngekuphelelwa ngemandla bangasenandzaba netihlantsi. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 14 DBE/Indlovana–Indlovulenkhulu 2015 NSC 'Buyanini phela bomalukatana, ingabe nihambe njani nebakitsi?' 'Cha make sihambe kahle ngobe sibakhandzile lapho besiye khona. Lokubuhlungu kwekutsi kufa kuya embili. Solo akubenti nani buncono,' kuphendvula LaMagagula, aniketa Tintfombi lomntfwana. 'Asewetame kummunyisa ngobe lapho akhona nendlala seyikhona ngobe ugcine kadzeni kumunya.' Nobe bantfwana bebangati kutsi kwente njani lapha ekhaya kepha simo salabadzala savele sayichaza yonkhe indzaba kutsi kukhona intfo lembi lapha ekhaya. 'NaboKhetsile! boKhumalo, kodvwa soneni kutsi singaze semukwe lijaha lelihle kangaka!' Watsi asambukile wavala emehlo kwaba kuphela kwakhe. Lapho kwesuka lesikhulu sidvumo. Tintfombi abekhala ate atigicite. 'Muzi, hambani niyewubikela bakaMfundisi kutsi lomntfwana lebekagula sewendlulile,' kusho LaMagagula. Batsi bafulatsela bantfwana babe bacala kwekhweta boLaMagagula bentela kutsi batsi befika bantfu batfole indzawo seyikhona endlini. [Likhasi 63–64] 7.1 Chaza simonhlalo semoya kuletheksthi lengenhla. (2) 7.2 Shano inkholelo yaLaMagagula bese ucaphuna umusho lofakazela imphendvulo yakho kuletheksthi lengenhla lechaza inkholelo yaLaMagagula. (2) 7.3 Nawubuka simo selitulu lesivetwe ekucaleni kwaletheksthi, yini lebeyingahle ibe yinkinga lenkhulu kulesimo lesebakuso lapha kaLushawulo? Chaza ubhekise esimeninhlalo sendzawo. (2) 7.4 Phawula ngesento saTintfombi ngalendlela abekhala ngayo ngekufa kwemntfwanakhe ubhekise esiphetfweni salenoveli. (2) 7.5 Lukhamba lufute imbita. Chaza lesaga ubhekise emphilweni yaLushawulo neyise. (2) 7.6 Bhala sigameko lesakha sicakacaka kulenoveli, usho nekutsi usho ngani kutsi sakha sicakacaka. (2) 7.7 Nangabe inkinga leyabangela kutsi Lushawulo angeti emngcwabeni wemntfwanakhe lotalwa yintsandvokati yakhe kukufika kadze kwemmbiko, beyingasonjululwa ngayiphi indlela kulesikhatsi salomuhla? Bhala tindlela tibe TIMBILI. (2) 7.8 Nawufundzisisa letheksthi lengenhla ngabe umbhali walencwadzi uyakholelwa yini etinhlolweni nobe cha? Sekela imphendvulo yakho. (2) 7.9 Kubalulekile kutsi babe welikhaya atimele tindzaba temuti wakhe njengensika yelikhaya. Bhala umbono wakho ngendlela Lushawulo abesenetisa ngayo lesitatimende. (2) 7.10 Utsini umbono wakho ngalendzawo lebebayise lomntfwana logulako kuyo? (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 15 DBE/Indlovana–Indlovulenkhulu 2015 NSC 7.11 Catsanisa inkholelo yetento taLaMagagula nenkholelo yetento taLushawulo kulenoveli. Sekela imphendvulo yakho ngekubhekisa enovelini. (2) 7.12 Bhala tigameko LETINTSATFU letiveta ingcikitsi yalenoveli ibe sobala. (3) [25] NOBE UMBUTO 8: UMBUTO LOYINDZABAMBHALO KUBAMBA LETINGELAKO – DE Nkosi Bhala indzabambhalo lapho uveta khona kuphumelela nobe kwehluleka kwembali kuveta umbono wakhe kulenoveli. Indzabambhalo yakho ayibe nemagama langabi ngaphasi kwala-340 kodvwa angabi ngetulu kwala-390. [25] NOBE UMBUTO 9: IMIBUTO LEMIFISHA KUBAMBA LETINGELAKO – DE Nkosi Fundza letheksthi lelandzelako bese uphendvula imibuto letawulandzela. 'Bantfu labanyenti bayatitsandza futsi bayakholelwa etinkhanyetini ngako-ke kumele tibocanjwa emagama eSiswati. Leso siphakamiso lekumele sentiwe ebhodini yelulwimi. Uma utifundzisisa tonkhe letinkhanyeti kugcama loku lokulandzelako: Kukhutsata nekujivata tento letitsite, kufundzisa, kubonisana, kwelulekana, kumisa sibindzi, kuniketana emandla nekucondzisana,' kusho Mphikeleli. 'Mine ngitibona tifana nemidlalo nje kuphela,' kusho Msiti.' 'Nayo imidlalo ibalulekile ngobe itsi idlalwa ibe ifundzisa, yakha, ikhutsata, yeluleka futsi ifundzise,' kusho Mphikeleli. Wachubeka Mphikeleli watsi, 'Ngabe nisayati nje imidlalo nine? Uma ngingatsi nginikeni mibili, bese niyachaza kutsi kwentakalani ningaphumelela?' Lotifiso watsi, 'Mine nginika imidlalo lemibili, mefikafika nalotsi sicoco. Mefikafika- ngumdlalo wekugijima. Nitsi nasenitewufika endzaweni lebeniya kuyo bese nitsi ake nichudzelane ngekugijima nome nidlale mefikafika kucala. Latawufika muva ngumfati wesicoco. Ngulowo nalowo utawugijima kuze angahlekwa ngekutsi ungumfati wesicoco. Bafana nemantfombatana bangawudlala kanyekanye. Sicoco- ngumdlalo wekugcuma njengeticoco nishiyane. Bafana bangawudlala bodvwa nemantfombatana odvwa. Bebulili bonkhe, bangawudlala kanyekanye.' 'Ngabe kugcamani-ke kulemidlalo lemibili lewusinike yona?' Kubuta Mphikeleli. 'Kwekucala kugcama kukhutsata mayelana nekugijima nekuchudzelana. Kwesibili kushukumisa imitimba, bunye, nekukhutsatana ekwenteni intfo kanyekanye,' kusho Lotifiso. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 16 DBE/Indlovana–Indlovulenkhulu 2015 NSC 'Sinike imidlalo lemibili loyikhumbulako, Msiti,' kusho Mphikeleli. 'Mine ngikhumbula ingcatfu nengendvo. Ingcatfu-ngumdlalo lodlalwa ngentsambo ibanjwa ngalapha nangalapha ishaywe ijike kakhulu ngesivinini lesikhulu emoyeni kodvwa kulandzelwe umjikeleto lohlelekile bese kuba khona loyingenelako agcume ngephasi kwayo ingamshayi. Ingamshaya kufanele aphume kungene lomunye. Emantfombatana nebafana bangawudlala lomdlalo. Kuletinye tigodzi kutsiwa ngumdlalo wemantfombatana kuphela. Ingendvo- ngumdlalo wematje. Lamatje avamise kuba lishumi namabili. Afakwa emgodzini lomncane logujwe kahle. Ngulowo nalowo lodlalako uba nelitfuba aphose lakhe litje etulu bese uhwapuluta lawo lasemgodzini awakhiphe abuye aphose litje lakhe etulu. Ngalesikhatsi lisemoyeni awabuyisele lawa lawahwapulitile ashiye ngephandle lawo lawafunako. Kungaba linye nome mabili nome matsatfu nome mane njalonjalo. Unika lomunye nasahlulekile kushiya ngaphandle lawo lekufanele awashiye, ehluleke kukhipha lamanyenti ngalokwenele nobe naliwile lelitje lakhe laliphosa etulu. Ngalokuvamile lomdlalo udlalwa ngemantfombatana, kodvwa nebafana bangawudlala.' 'Yini lephawulekako kulemidlalo lemibili lewuyibalile?' Kubuta Mphikeleli. 'Umdlalo wekucala uveta kunyakatiswa kwemitimba njengelikhono lelenta imitimba ihlale iphilile. Umdlalo wesibili utsintsa kunyakatiswa kwetandla nekusebenta kwemicondvo ngendlela lesheshako,' kusho Msiti. [Likhasi 62-63] 9.1 Linyenti likholelwa ekutseni tinkhanyeti tenta umsebenti lobalulekile emphilweni yemmango. Sekela lesitatimende ngekucaphuna imisebenti LEMIBILI lebalwe kuletheksthi lengenhla. (2) 9.2 Lucwaningo lutsi bantfu labanyenti baseNingizimu Afrika sebahlaselwe sifo sekukhuluphala ngalokwecile. Umbhali walenoveli uvete indlela yekutivocavoca ngemidlalo lengasita bantfu kutsi banciphise imitimba yabo. Nika letinye tindlela LETIMBILI lotatiko letingasita bantfu kutsi banciphise imitimba yabo. (2) 9.3 Uyavumelana yini nekutsi letheksthi lengenhla yesekela kutfutfukiswa kwelulwimi. Sekela imphendvulo yakho ngekucaphuna etheksthini. (2) 9.4 Letheksthi lengenhla itsi imidlalo ingancedza kutsi bantfu banciphise imitimba. Ngutiphi tintfo letinye LETIMBILI lusha lolungazuza kuto ngetemidlalo ngaphandle kwekunciphisa imitimba? (2) 9.5 Letheksthi lengenhla ibaluleke kangakanani ekutfutfukiseni indzaba lekulenoveli? Chaza. (2) 9.6 Nawufundza lenoveli ngusiphi sigameko lesiluvutfondzaba/sicongo? Usho ngani? (2) 9.7 Phawula ngengwijikhwebu letfolalaka esiphetfweni salenoveli. (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 17 DBE/Indlovana–Indlovulenkhulu 2015 NSC 9.8 Catsanisa inchubo lesetjentiswa kuphatfwa kwesikolo iKhayaletfu ekutsatseni tincumo kulenoveli, nendlela lekuphatfwa ngayo tikolo talomuhla. (2) 9.9 Lotifiso ulilandzele kangakanani libito lakhe nawubuka tigameko letenteka kulenoveli ngaMphikeleli? Chaza. (2) 9.10 'Kuletinye tigodzi kutsiwa ngumdlalo wemantfombatana kuphela.' Phawula ngalesitatimende ubhekise emtsetfwenisisekelo waseNingizimu Afrika. (2) 9.11 Phawula ngekuhambisana kwenkhanyeti yaMphikeleli, i-Aries, nalokwenteka esiphetfweni salenoveli. (2) 9.12 Nawufundzisisa lenoveli nguwuphi umlayeto lowetfulwa ngumbhali ngalenoveli letsi Kubamba Letingelako. Usho ngani? (3) [25] SAMBA SESIGABA B: 25 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 18 DBE/Indlovana–Indlovulenkhulu 2015 NSC SIGABA C: UMDLALO Kulesigaba kunemidlalo lemibili. Wena-ke khetsa ube MUNYE lowufundze eklasini lonyaka uphendvule ngawo. CAPHELA: Khetsa emkhatsini WENDZABAMBHALO NEMIBUTO LEMIFISHA kulowo mdlalo lowufundzile. Nangabe ukhetse kuphendvula umbuto wendzabambhalo enovelini, uphocelelekile kutsi kulesigaba uphendvule imibuto lemifisha. Nangabe ukhetse kuphendvula imibuto lemifisha enovelini, uphocelelekile kutsi kulesigaba uphendvule umbuto wendzabambhalo. UMBUTO 10: UMBUTO LOYINDZABAMBHALO KWAHLWA EMINI – JJ Thwala Bhala indzabambhalo ngemasu lamatsatfu lasetjentiswe ngumbhali kuveta badlali balomdlalo bese unika sibonelo semdlali kulelo nalelo lisu lolikhetsile. Indzabambhalo yakho ayibe ngemagama langabi ngaphasi kwala-340 kodvwa angabi ngetulu kwala-390. [25] NOBE UMBUTO 11: IMIBUTO LEMIFISHA KWAHLWA EMINI – JJ Thwala Fundza letheksthi lelandzelako bese uphendvula imibuto Ietawulandzela. (Makhosi naLungile bakhibikile, bahleti ngaphasi kwesihlahla semtfolo). Lungile: Ingabe luhlelo lwalamuhla luyawuhamba njani Sigegedze? Makhosi: Kumele ngiyekwelashwa lamuhla, kutawube kusetjentiswa imitsi lecondzene nemakhosi. Kuyawubikelwa emadloti ngemsebenti wonkhe wakusasa. Kuyawuhlatjwa tinjilane netinkhuleko. Inyama kuyawube kutidvuli tebasali. Lelo nalelo livanya ligcwele tjwala nemahewu. Liyawutsi liphendvuka lijiko bantfu batawube sebangangetihlabatsi telwandle. Labadvuna batawuhlehla, labasikati bagidze umchuchumbela. Lungile: Ngitawube ngikhona nami Sigegedze, nome ngihlushwa luvalo lengingati kutsi lwani nje. Ngitawufuna kubona konkhe lokutawube kwenteka kusasa. Lapho emehlo ami angeke afinyelele khona, kutawufinyelela aBonakele. Ngalokunjalo nakuwe, njengemnikati wemsebenti angeke ukubone lokunyenti. Ngako-ke umuntfu lekumele abukane netintfo letinyenti nguSifiso. Makhosi: Kusukela lamuhla kuze kwendlule umsebenti ngitawube ngidla kudla lokuphekwe ngumake edladleni kitsi. Tinhlitiyo talabanye tibovu njengobe kulindzelwe kutsi ngitsatse sikhundla. Baphemba umlilo lebangeke bawotse. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 19 DBE/Indlovana–Indlovulenkhulu 2015 NSC Lungile: Ngiyajabula nawukubona loko Sigegedze. Kukhona labatimisele kupheka imbuti netimphondvo kulomsebenti. Kumele sishaye ngendvuku phasi babone kutsi asivumelani nabo, futsi siyabubona butulujane babo. Ase uchaze kutsi ngubani lotawube akwelapha? Makhosi: Ngitakwelashwa yinyanga yesive. Lungile: Nje kukhona yini kumetsemba babe Ndlondlo? Makhosi: Utakwelapha sitfunti sami, hhayi mine! Angeke ngivume nangeliphutsa kutsi angitsintse. Nangitawuvuma loko kutakusho kutsi ngiyimphumphutse. Umuntfu lasamnkantjubovu Ndlondlo kodvwa angeke ngimetsembe. Ngiyinkhomo ledla yodvwa nje kungenca yabo boNdlondlo laba. Lungile: Ngeke kutsiwe uphikisana nemavi enkhosi nawungavumi kwentiwa loko latawufuna kukwenta. Makhosi: Kutawushiwo njalo kodvwa ayikho intfo lengingayenta. Kuvuma kwami kutawube kukhombisa inhlonipho kubabe nekukhotsama kwami. Kwala kwami kutawube kukhombisa kuphephisa imphilo yami elulakeni lwekufa. Lungile: Akusuwe Makhosi lebewubabona bangemabutela boNdlondlo? Makhosi: Ngihleli phasi ngabukisisa. Kulabantfu, ungaya emakhateni. Lungile: Kuhle kuyibona ingoti isekhashane kunekutsi ikutume ungakateleli. Makhosi: Uyalibona leliwa kutsi liyingoti njani? Nawungashayisa ngenhloko kulawa ematje ngeke uphile. Lungile: Mahle lamatje sengatsi abebatwa ngumuntfu awahlalele. Nawungendlula kuwo ugijima utfolwe ngulinye enhloko ungalala umlalela wafutsi. Yinhle imvelo Makhosi. UMdali wayidala ngenhloso yekutsi ihlobise live lakhe. (Wavalelisa Lungile wahamba). [Likhasi 127–130] 11.1 Kuletheksthi lengenhla caphuna emagama aMakhosi lakhomba kutsi akasuye tsatsekile. (2) 11.2 Lomdlalo uveta timo letinyenti letingakholweki nayicatsaniswa nemihambo nemisimeto leyentiwa nakubekwa emakhosi njengobe naMakhosi atawubekwa ngelilanga lelilandzelako. Veta timo LETIMBILI letingakholweki letenteka kuletheksthi. (2) 11.3 Nawufundzisisa lomdlalo ubona kutsi ngusiphi sizatfu lesikhulu lesente libandla leMfelandzawonye lisebentise Ndleleni kufeza tinjongo talo? (2) 11.4 Catsanisa indlela Ndzabeni labitwa ngayo kuletheksthi (Ndlondlo) netento takhe kulomdlalo. (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 20 DBE/Indlovana–Indlovulenkhulu 2015 NSC 11.5 Phawula ngeligalelo lalamavi aLungile lekuchaza buhle bemvelo lebekeme kuyo naMakhosi. (2) 11.6 Nawufundza lomdlalo ucabanga kutsi nguyiphi indlela lesetjentiswako kulommango waseLusizini kusombulula tinkinga temmango? Sekela ngekuveta sigameko SINYE. (2) 11.7 Lomdlalo uyawavula emehlo etetsamelilwati. Uyavumelana noma uyaphikisana naloko? Sekela imphendvulo yakho. (2) 11.8 Nangabe lendzaba beyenteka esikhatsini salomuhla, nguliphi ligalelo lebelingadlalwa yithekhnoloji esiphetfweni salomdlalo. (2) 11.9 Ucabanga kutsi yini lebeyenta Lungile ashaywe luvalo nakacabanga lusuku lolulandzelako lwekubekwa kwaMakhosi? (2) 11.10 'Baphemba umlilo lebangeke bawotse.' Humusha lesisho usibhekise kulokwenteka kulomdlalo. (2) 11.11 Lulwimi lwembhali luvakala lunotsile. Sekela ngemaphuzu LAMABILI ubhekise kulenkhulumo yaMakhosi lelandzelako: 'Liyawutsi liphendvuka lijiko bantfu batawube sebangangetihlabatsi telwandle.' (2) 11.12 Ngekwakho kubona ngubani longabekwa licala ngekufa kwaNkhanise? Chaza. (3) [25] NOBE UMBUTO 12: UMBUTO LOYINDZABAMBHALO UMVUZO – NS Nzima Bhala indzabambhalo ngemasu lamatsatfu lasetjentiswe ngumbhali kuveta badlali balomdlalo bese unika sibonelo semdlali kulelo nalelo lisu lolikhetsile. Indzabambhalo ayibe nemagama langabi ngaphasi kwala-340 kodvwa angabi ngetulu kwala-390. [25] NOBE Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 21 DBE/Indlovana–Indlovulenkhulu 2015 NSC UMBUTO 13: IMIBUTO LEMIFISHA UMVUZO – NS Nzima Fundza letheksthi lelandzelako bese uphendvula imibuto Ietawulandzela. Sakhile: Ngabe dokotela utalwa ekhaya lelinjani? Mkhubu: Babe abehamba ngelibhayisikili alungisa tivandze edolobheni eBhadini. Abesebenta ngeMsombuluko, Lwesitsatfu nangaLwesihlanu. Abekwati kufundza libhayibheli nje kuphela. Make abehlala ekhaya enta imisebenti yelikhaya. Bobabili abamange babe nenhlanhla yekwati umnyango weliklasi lesikolo. Ngaso sonkhe sikhatsi bebahlala bakhuluma ngesikolo. Sakhile: Kuyevakala dokotela kutsi utalwa ekhaya leletayelekile njengemakhaya onkhe. Wadlondlobala kanjani kutsi ufundze ugcine ufinyelele lapho ukhona nyalo? Makhubu: Bengihle ngihamba ngiyewubamba ematoho nangabe tikolo tivaliwe emayini eMntsoli. Ngiphile ngematoho ngagcina ngiphumelele ebangeni lelishumi nakubili esikolweni Ekulindeni. Ngatfola umfundzate ngenca yemiphumela lemihle ngayewukwenta ticu teSayensi enyuvesi yaKazulu. Lapho-ke besekukhanya tibani kimi. Ngakwati kushashabula etifundvweni tami. Sakhile: Ngutiphi teluleko lotinika bafundzi baseMkhuphukantsaba? Makhubu: Sicubulo lengininika sona sitsi, Imfundvo kucala kuyo yonkhe intfo lewuyentako. Umfundzi lotawuphumelela emfundvweni ngulowo lotawushakutela nobe ashashabule kutemfundvo. Ngicela liklasi lisho lamavi ngemuva kwami: Imfundvo kucala! Imfundvo kucala! Liklasi: Imfundvo kucala! Imfundvo kucala! Makhubu: Shikitela kutemfundvo! Shikitela kutemfundvo! Likhasi: Shikitela kutemfundvo! Shikitela kutemfundvo! Makhubu: Ngiyetsemba-ke bafundzi kutsi abekho emkhatsini wenu labatawunwabuluka, labatawukokola, labatawubundletela. Likusasa lakho liyawulungiswa nguwe. Nguwe lophetse sikhiya salo. Caphela ingoti yekukhohliswa nekwelulekwa bantfu labangenalwati. Kuhle kuyibalekela ingoti kunekungena bese wetama kuphuma kuyo. Indlela yekubalekela ingoti kulalela nawutjelwa, kubukisisa ngembikwekwenta intfo nekubutisisa nawungeva. Kubalulekile kutsatsa teluleko talabadzala nemahlahlandlela ekwenteni tintfo. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P2 22 DBE/Indlovana–Indlovulenkhulu 2015 NSC Sakhile: Tibalulekile teluleko lesititfola lamuhla. Sengatsi tingahlala tikhumbuleka emicondvweni yetfu ngaso sonkhe sikhatsi. Umbuto wekugcina dokotela ngulona lolandzelako: Utsini ngembulalave? [Likhasi 87–89] 13.1 Mangaki emalanga evikini, uyise waDokotela Makhubu labengasebenti ngawo? Usho ngani? (2) 13.2 Bekuyini imbangela yekubamba ematoho kwaMakhubu ekubeni anebatali bakhe bobabili? Humusha. (2) 13.3 Kuletitatimende letimbili shano kutsi ngusiphi lesingemaciniso, ngusiphi lesingumbono: 13.3.1 Likusasa lakho liyawulungiswa nguwe. 13.3.2 Nguwe lophetse sikhiya selikusasa lakho. (2) 13.4 Ngutiphi tingoti tekukhohliswa letishiwo nguMakhubu kulemimango lesiphila kuyo njengebantfu labasha? Bhala tibe TIMBILI. (2) 13.5 Bhala tintfo LETIMBILI letenteka emmangweni lesiphila kuwo letitinkhomba tekutsi sicubulo saMakhubu asikacikelelwa elusheni lwalomuhla. (2) 13.6 Kuleliklasi lelicocisana naMakhubu bobani loneliciniso labo kutsi loku lebekukhulunywa nguMakhubu kwangena kulenye indlebe, kwaphuma kulenye? (2) 13.7 Tetsamelilwati talomdlalo tifundzani ngemphilo yaDokotela Makhubu? Bhala kube KUBILI. (2) 13.8 Kube wena unguDokotela Makhubu bewutawuphendvula utsini lombuto waSatile wekugcina? Bhala timphendvulo tibe TIMBILI. (2) 13.9 Ucabanga kutsi lemibuto lebeyibutwa nguSakhile abeyitsatsaphi? Sekela imphendvulo yakho. (2) 13.10 Nguliphi lisu lelisetjentiswe ngumbhali ekuveteni Dokotela Makhubu? Shano kutsi lelo lisu limvete angumlingisi lonjani emmangweni. (2) 13.11 Lendlela yekufundza lapha kulesikolo saseMkhuphukantsaba itabasita ngani bafundzi etimphilweni tabo nasebacedze sikolo kuleNingizimu Afrika lensha? Bhala kube KUBILI. (2) 13.12 Utsini umbono wakho ngekutsi bantfu labakhuluma naMakhubu kube boBatjele naSatile kuphela? Bhekisa imphendvulo yakho etimisweni temtsetfosisekelo waseNingizimu Afrika ngemalungelo ekukhuluma ngekukhululeka. (3) [25] SAMBA SESIGABA C: 25 SAMBA SAKO KONKHE: 80 Emalungelo agodliwe