Downloaded from hlayiso.com
NASIONALE
SENIOR SERTIFIKAAT
GRAAD 12
INLIGTINGSTEGNOLOGIE V2
FEBRUARIE/MAART 2018
PUNTE: 150
TYD: 3 uur
Hierdie vraestel bestaan uit 16 bladsye.
Kopiereg voorbehou Blaai om asseblief
Skip to contentAll 2018 papers 





View all





Information Technology Grade 12 P2 NSC Supplementary 2018 QP
Grade 12 Information Technology Paper 2 question paper from the NSC Supplementary Exam 2018 (Afrikaans), 16 pages. Read online or download the free PDF.
Information Technology · Grade 12 · NSC Supplementary Exam · 2018. Question paper, 16 pages. Read online or download the PDF.
- Subject
- Information Technology
- Grade
- Grade 12
- Document type
- Question paper
- Year
- 2018
- Exam period
- NSC Supplementary Exam
- Paper
- 2
- Curriculum
- CAPS
- Pages
- 16
- File size
- 450.0 KB
Free to read online, no sign-up needed
Loading document…
Loading document…
1 of 16
This exam
NSC Supplementary Exam 2018
Questions in this paper
Document textSearch extracted text and jump to a page.
Downloaded from hlayiso.com
Inligtingstegnologie/V2 2 DBE/Feb.–Mrt. 2018
NSS
INSTRUKSIES EN INLIGTING
1. Hierdie vraestel bestaan uit SES afdelings:
AFDELING A: Kortvrae (15)
AFDELING B: Stelseltegnologieë (24)
AFDELING C: Kommunikasietegnologie en Netwerktegnologie (24)
AFDELING D: Data- en Inligtingsbestuur (25)
AFDELING E: Oplossingsontwikkeling (23)
AFDELING F: Geïntegreerde Scenario (39)
2. Lees AL die vrae noukeurig deur.
3. Beantwoord AL die vrae.
4. Die puntetoekenning gee oor die algemeen 'n aanduiding van die aantal
feite/redes wat vereis word.
5. Nommer die antwoorde korrek volgens die nommeringstelsel wat in hierdie
vraestel gebruik is.
6. Skryf netjies en leesbaar.
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 3 DBE/Feb.–Mrt. 2018
NSS
AFDELING A: KORTVRAE
VRAAG 1
1.1 Verskeie opsies word as moontlike antwoorde op die volgende vrae gegee.
Kies die antwoord en skryf slegs die letter (A–D) langs die vraagnommer
(1.1.1–1.1.5) in die ANTWOORDEBOEK neer, byvoorbeeld 1.1.6 D.
1.1.1 Worteltoegang ('Rooting') en perkbreking (ʹjail breakingʹ) het die
volgende uitwerking op toestelle:
A Voorkom dat kwaadwillige programme geïnstalleer word
B Vries die sagteware wat op die toestel geïnstalleer is
C Maak die vervaardiger se waarborg ongeldig
D Veroorsaak dat 'n virus op die toestel geïnstalleer word (1)
1.1.2 Wat sal die uitwerking op die netwerk in die diagram hieronder wees
indien een van die rekenaars foutief sou werk?
A Die hele netwerk sal foutief werk.
B Die netwerk sal normaal funksioneer, sal die foutiewe node
uitsluit.
C Al die nodusse sal vervang moet word.
D Die bediener sal vervang moet word. (1)
1.1.3 Watter EEN van die volgende sal aandui dat die moederbordbattery
onklaar geraak het?
A Bedryfstelselwagwoorde raak weg.
B Lêers op die hardeskyf is weg of gekorrupteer.
C Virtuele geheue op die hardeskyf is nie meer toeganklik nie.
D Hardeware-instellings, die huidige datum en tyd ingesluit, keer
tot verstekwaardes terug. (1)
1.1.4 Watter EEN van die volgende stellings sal NIE die resultaat van 10
gee nie?
A 64 div 6
B Floor (64/6)
C Trunc (64/6)
D 64 mod 6 (1)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 4 DBE/Feb.–Mrt. 2018
NSS
1.1.5 Watter stel aanvanklike waardes wat aan veranderlikes L en N
toegeken is, sal daartoe lei dat die while-lus nooit uitgevoer word
nie?
L ..
N ..
While (L < 2) OR (N < 5) do
…
eindig lus
A L = 1 en N = 5
B L = 2 en N = 4
C L = 2 en N = 5
D L = -2 en N = -5 (1)
1.2 Gee EEN woord/term vir elk van die volgende beskrywings. Skryf slegs
die woord/term langs die vraagnommer (1.2.1–1.2.10) in die
ANTWOORDEBOEK neer.
1.2.1 Programme wat deel is van stelselsagteware en instandhoudings-
en administratiewe take verrig (1)
1.2.2 Die algemeenste protokol wat vir die aflaai van e-pos via die Internet
gebruik word (1)
1.2.3 'n Tegnologiestrategie wat gebruik word om 'n hooggeplaaste
plasing ('high-ranking placement') op die soekresultatebladsy van 'n
soekenjin, soos Google, te verkry (1)
1.2.4 'n Eweknieprotokol wat gebruik word om groot lêers oor 'n netwerk,
soos die Internet, oor te dra en te deel (1)
1.2.5 'n Vaste fisiese adres wat minimale kantooropstelling bevat en wat
as gedeelde spasie gebruik word deur mense wat vanaf 'n mobiele
kantoor werk (1)
1.2.6 Gespesialiseerde sagteware en hardeware wat ontwerp is om by
'n kasregisterpunt te gebruik (1)
1.2.7 Die kombinasie van meer as een veld om 'n rekord in 'n
databasistabel uniek te identifiseer (1)
1.2.8 'n Permanente digitale verbinding aan die Internet deur 'n
telefoonlyn te gebruik (1)
1.2.9 Die saampers van data deur enkele onbenullige dele van die data
op te offer (1)
1.2.10 'n Sentrale register wat op hoogte bly van al die URL'e op die
Internet (1)
TOTAAL AFDELING A: 15
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 5 DBE/Feb.–Mrt. 2018
NSS
AFDELING B: STELSELTEGNOLOGIEË
VRAAG 2
In die eerste rondte van die Rekenaar-olimpiade word daar van die deelnemers
verwag om 'n sekere mate van kennis oor stelseltegnologie te hê.
2.1 Een van die funksies van die moederbord is om koppelings te verskaf wat
komponente in staat stel om aan die rekenaar gekoppel te word.
Noem TWEE ander funksies van 'n moederbord. (2)
2.2 Noem EEN toestel wat aan 'n uitbreidingsgleuf ('expansion slot') op die
moederbord gekoppel word. (1)
2.3 EEPROM is 'n spesiale tipe PROM wat elektronies uitgewis kan word.
2.3.1 Wat word die sagteware genoem wat op 'n EEPROM gestoor word? (1)
2.3.2 Wat word die proses genoem wat die oorskryf van bestaande data
wat in EEPROM voorkom, behels? (1)
2.4 Baie skootrekenaars het 'n geïntegreerde videoverbindingstuk ('video
adaptor') en 'n videokaart.
2.4.1 Waarna verwys die term geïntegreerde in hierdie konteks? (1)
2.4.2 Verduidelik hoekom 'n skootrekenaar beide 'n geïntegreerde
videoverbindingstuk en 'n videokaart kan hê deur na die verskillende
funksies en hulle gebruik van hulpbronne te verwys. (2)
2.5 'Kasberging' is 'n rekenaarterm waarna dikwels verwys word wanneer die
werkverrigting van 'n rekenaar bespreek word.
2.5.1 Verduidelik die doel van kasberging. (2)
2.5.2 Wanneer die Delphi-teksredigeerder toegemaak en weer
oopgemaak word, maak dit die tweede keer baie vinniger oop.
Gee 'n gedetailleerde verduideliking van hoekom die program die
tweede keer baie vinniger oopmaak. (2)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 6 DBE/Feb.–Mrt. 2018
NSS
2.6 Bedryfstelsels gebruik verskillende verwerkingstegnieke om baie take
terselfdertyd te hanteer.
2.6.1 Identifiseer elk van die verwerkingstegnieke wat hieronder
geϊllustreer word.
(a)
(1)
(b)
(1)
2.6.2 Verduidelik hoe 'n bedryfstelsel wat met 'n multikernverwerker werk,
die verwerkingstegnieke hierbo vir maksimum werkverrigting
inkorporeer. (2)
2.7 Kies 'n term/begrip uit KOLOM B wat by die beskrywing in KOLOM A pas.
Skryf slegs die letter (A–D) langs die vraagnommer (2.7.1–2.7.4) in die
ANTWOORDEBOEK neer, byvoorbeeld 2.7.5 E.
KOLOM A KOLOM B
2.7.1 Voorbeeld van 'n rekenaartaal wat A saamstellerkode
'n virtuele masjien gebruik om ('assembler code')
programmeringskode te kompileer
B Java
2.7.2 Hoëvlaktaal wat 'n uitvoerbare lêer
sal skep wanneer 'n program C masjienkode
gekompileer word
D Delphi
2.7.3 Programmeringstaal wat gebruik
kan word om 'n klein, vinnige
program as ingebedde kode te skryf
2.7.4 Program in binêre kode
(4 x 1) (4)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 7 DBE/Feb.–Mrt. 2018
NSS
2.8 123D Catch is 'n voorbeeld van 'n verbruikerswolktoepassing ('cloud
application').
Defineer die term wolktoepassing. (2)
2.9 Dropbox is 'n voorbeeld van 'n aanlyn stoordiens wat sinchronisering van
lêers moontlik maak.
Wat is die voordeel van lêersinchroniseringsdienste? (2)
TOTAAL AFDELING B: 24
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 8 DBE/Feb.–Mrt. 2018
NSS
AFDELING C: KOMMUNIKASIETEGNOLOGIE EN NETWERKTEGNOLOGIE
VRAAG 3
Die hoofkantoor wat gebruik word om die Olimpiade-data na streekskantore oor die
hele land te versprei, sal kabel-LAN-toegang tot die Internet hê.
Die diagram hieronder toon die uitleg van die netwerk en 'n paar van die toestelle wat
gebruik sal word.
Olimpiade-netwerk
Kabellose Kliënt
Hoofkantoor
Wolk
3.1 Sou jy die netwerk in die diagram hierbo as 'n LAN, WAN, MAN of PAN
klassifiseer? Motiveer jou antwoord. (2)
3.2 Baie verskillende gebruikers wat by die Olimpiade betrokke is, moet toegang
tot die netwerk kry. Dit het daartoe gelei dat die netwerk as 'n intranet en
ekstranet opgestel is.
3.2.1 Onderskei tussen intranet, ekstranet en die Internet. (3)
3.2.2 Gee 'n voorbeeld van 'n moontlike gebruiker van die ekstranet in die
Olimpiade-scenario. (1)
3.3 'n Kliënt-bediener-netwerk ('client-server network') word in die hoofkantoor
gebruik.
3.3.1 Motiveer die keuse om 'n kliënt-bediener-netwerk eerder as
'n eweknienetwerk ('peer-to-peer network') te gebruik. (1)
3.3.2 Die tafelrekenaars in die kantoor is vet kliënte.
Noem TWEE verskille tussen 'n dun kliënt en 'n vet kliënt. (2)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 9 DBE/Feb.–Mrt. 2018
NSS
3.4 UTP-kabels word vir die LAN in die hoofkantoor gebruik.
3.4.1 Seinverswakking is een van die swakhede van UTP-kabels.
Noem TWEE ander swakhede van UTP-kabels. (2)
3.4.2 Indien UTP-kabels oor 'n baie lang afstand gebruik moet word, stel
voor hoe die seinverswakkingsprobleem opgelos kan word sonder
om dit met veseloptiese kabels te vervang. (1)
3.5 Die kantoornetwerkspoed is baie stadig. Daar is voorgestel dat die kabels
vervang moet word. Wat anders kan ten opsigte van hardeware gedoen word
om die netwerkspoed te verbeter? (1)
3.6 Is dit moontlik dat netwerkkaarte vir beide gekabelde en kabellose
netwerkverbindings in 'n rekenaar geïnstalleer word? Motiveer jou antwoord. (1)
3.7 Die administrateur moet besluit of wolkdienste of 'n VPN gebruik sal word om
toegang tot inligting oor die Olimpiade te verkry.
3.7.1 Noem TWEE nadele van die gebruik van wolkdienste. (2)
3.7.2 Indien die administrateur besluit om wolkdienste te gebruik, kies 'n
wolkstoordiens uit die lys hieronder wat die geskikste sal wees om
kritiese data, soos die vraestel vir die Olimpiade, te stoor.
Office 365; Google Docs; YouTube; Facebook; Gmail (1)
3.7.3 Stel EEN tegnologie voor wat gebruik kan word om twee toestelle te
koppel om lêers te deel. (1)
3.7.4 Verduidelik die voordeel van die gebruik van 'n VPN om inligting
te deel. (2)
3.8 Die Olimpiade-netwerk kan deurloop onder klikprogram('spyware')- en
kwaadwilligesagteware('malware')-aanvalle.
3.8.1 Verduidelik die term klikprogram kortliks. (1)
3.8.2 Noem TWEE maniere waarop die risiko dat 'n rekenaar deur
klikprogramme aangetas word, te minimaliseer. (2)
3.8.3 Hoe sal 'n skansmuur ('firewall') help om die Olimpiade-data teen
kwaadwillige sagteware te beskerm? (1)
TOTAAL AFDELING C: 24
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 10 DBE/Feb.–Mrt. 2018
NSS
AFDELING D: DATA- EN INLIGTINGBESTUUR
VRAAG 4
Besoekers en deelnemers wat die finale rondte van die Olimpiade bywoon, sal verblyf
in gastehuise nodig hê. 'n Databasis word benodig om besprekings te vergemaklik.
4.1 Data-integriteit word verkry deur primêre en vreemde sleutels in die ontwerp
van 'n databasis met veelvuldige tabelle korrek te gebruik.
4.1.1 Verduidelik in breë trekke waarna data-integriteit verwys. (1)
4.1.2 Wat is die doel van die vreemde sleutel in die ontwerp van 'n
databasistabel? (2)
4.1.3 Verduidelik die term referensiële integriteit. (2)
4.2 Die databasistabel hieronder is deur 'n leerlingprogrammeerder ontwerp.
Fieldname Data type
GastehuisID Autonumber
GastehuisNaam Text
TelefoonNom Text
GetalKamers Text
WiFiBeskikbaar Text
4.2.1 Die GastehuisID-veld is as die primêre sleutel geïdentifiseer.
Wat is die doel van die primêre sleutel in 'n databasis? (1)
4.2.2 Die datatipes van 'n paar van die velde is nie geskik nie.
Identifiseer EEN so 'n veld deur die veldnaam en 'n meer geskikte
datatipe neer te skryf. (2)
4.2.3 Noem TWEE eienskappe van kwaliteitdata. (2)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 11 DBE/Feb.–Mrt. 2018
NSS
4.3 Die relasionele databasis, GasteHDB, hieronder is ontwerp om op hoogte te
bly van al die besprekings by die verskeie gastehuise.
tblGasteHuis tblBesprekings
HuisID (Number) 1 BesprekingID (Autonumber)
HuisNaam (Text) GetalKamers (Number)
TelefoonNom (Text) DatumIn (Date/Time)
Adres (Text) GetalNagte (Number)
SpaBeskikbaar (Boolean) DepositoBetaal (Boolean)
GetalKamers(Number) M HuisID (Number)
4.3.1 Skryf SQL-stellings vir die volgende navrae:
(a) Vertoon AL die besonderhede van die gastehuise in
alfabetiese volgorde volgens die gastehuisnaam waar 'n spa
beskikbaar is. (4)
(b) Voeg 'n rekord vir 'n nuwe bespreking by tblBesprekings by.
'n Deposito is vir 'n bespreking by die gastehuis met
HuisID 1212 ontvang. Die bespreking is vir twee kamers vanaf
8 Junie 2018 vir drie nagte. (4)
4.3.2 'n SQL-stelling is saamgestel om 'n lys van gastehuise met 'n totale
maandelikse inkomste van meer as R50 000,00 vir Mei te vertoon.
Die koste per kamer per nag is R400,00.
Die totale maandelikse inkomste is 'n nuwe berekende veld. Die
berekening moet soos volg gedoen word:
Die getal kamers word met die getal nagte en die koste per kamer
per nag vermenigvuldig.
Skryf slegs die ontbrekende kode by (a) tot (e) neer om die
SQL-stelling hieronder korrek te voltooi.
SELECT HuisNaam, __(a)__ AS [Totale inkomste]
FROM __(b)__
WHERE tblGasteHuis.HuisID = tblBesprekings.HuisID
AND __(c)__
GROUP BY __(d)__
HAVING __(e)__ (7)
TOTAAL AFDELING D: 25
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 12 DBE/Feb.–Mrt. 2018
NSS
AFDELING E: OPLOSSINGSONTWIKKELING
VRAAG 5
Die organiseerder van die Rekenaar-olimpiade het baie vrae ontvang wat by die
Olimpiade-vraestel ingesluit kan word. Elke vraag moet vir toekomstige gebruik
geëvalueer word.
5.1 Skryf pseudokode om 'n woord in te sleutel en dan die woord elke keer met
een karakter minder te vertoon, soos in die voorbeeld hieronder getoon word.
Indien die woord wat ingesleutel word, REKENAAR is, moet die volgende
vertoon word:
REKENAAR
REKENAA
REKENA
REKEN
REKE
REK
RE
R (4)
5.2 Die uitslae van deelnemers is verkeerd gestoor in 'n skikking met die naam
arrUitslae. Die uitslae van die eerste deelnemer moet na die laaste indeks
geskuif word. Die uitslae van elk van die ander deelnemers moet na die
vorige indeks geskuif word.
Byvoorbeeld, in die diagram hieronder is Brandon se uitslae in werklikheid
Amy se uitslae en moet na die eerste indeks geskuif word. Claire se uitslae is
in werklikheid Brandon se uitslae en moet na die tweede indeks geskuif word,
en so aan vir al die deelnemers. Amy se uitslae moet na die laaste indeks
geskuif word.
Skryf pseudokode om die uitslae na die korrekte posisies in die arrUitslae-
skikking met 'n onbekende getal uitslae te skuif. (6)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 13 DBE/Feb.–Mrt. 2018
NSS
5.3 'n Skikking met die naam arrGetalle word met die volgende vyf waardes
gevul:
8 5 3 12 2
'n Ander skikking met die naam arrTemp is 'n leë skikking wat vyf waardes
kan stoor.
Die algoritme hieronder onttrek ('extracts') spesifieke data uit arrGetalle en
stoor die data wat onttrek is in arrTemp.
Lus ('Loop') x van 1 tot length(arrGetalle)
As arrGetalle[x] modulus 4 = 0
arrTemp[x] = arrGetalle[x]
Teken die naspeurtabel hieronder in jou ANTWOORDEBOEK oor.
x arrGetalle[x] arrGetalle[x] modulus 4 = 0? arrTemp[x]
Voltooi die naspeurtabel hierbo om die inhoud van skikking arrTemp te toon. (4)
5.4 Die onvoltooide kode wat hieronder gegee word, word gebruik om 'n nuwe
lêer met die naam Uitslae.txt te skep.
Reël 1: Assignfile(TLeer, 'Uitslae.txt');
Reël 2: ……………
Reël 3: Writeln(TLeer, 'Koos Jenkins: 78');
Reël 4: Writeln(TLeer, 'Amanda Smith: 78');
Reël 5: ……………
Skryf die stellings neer om die volgende reëls met kode te voltooi:
5.4.1 Reël 2: Skep 'n leë tekslêer met die naam Uitslae.txt. (1)
5.4.2 Reël 5: Maak seker dat die data in die tekslêer gestoor sal word. (1)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 14 DBE/Feb.–Mrt. 2018
NSS
5.5 Die klasdiagram hieronder is vir 'n skool se registrasiestelsel ontwerp.
TSkool
- fSkoolKode
- fRegDatum (formaat dd/mm/yyyy)
- fGetalInskrywings:integer
- fBetaal:boolean
+ <<Konstruktor>>
create(sKode:string;iGetalInskrywings:integer;
bBetaal:boolean)
+ berekenBedrag(rGeldePerInskrywing:real):real
- bepaalRegDatum:integer
+ getKode:string
+ getGetalInskrywings:real
+ isBetaal:boolean
+ toString:string
5.5.1 Wat is die implikasie daarvan dat die metode bepaalRegDatum
privaat (-) in plaas van publiek (+) is? (1)
5.5.2 Die getal inskrywings is verkeerd ingelees.
Die volgende metode is geskep om die getal inskrywings te
verander na die korrekte waarde wat as 'n parameter ontvang is:
Reel
1 Procedure setInskrywings(iInskrywings:integer);
2 Begin
3 Inc(fGetalInskrywings, iInskrywings);
4 End
(a) Stelling 3 is verkeerd. Herskryf die stelling sodat die metode
die taak korrek sal uitvoer. (1)
(b) Watter tipe metode is setInskrywings? Gebruik 'n woord in die
lys hieronder.
toegang ('accessor'); mutator; hulp ('auxiliary') (1)
5.5.3 Analiseer die verklaring van die metodes in die klasdiagram.
Identifiseer TWEE moontlike foute en stel maniere voor om die foute
reg te stel. (2)
5.5.4 'n Objek met die naam objSkool van datatipe TSkool word in die
vormklas gebruik. Die isBetaal-metode word in die 'OnClick'-
gebeurtenis van 'n knoppie ('button') geroep.
Gegee: var
bPaid: Boolean;
Verduidelik hoekom ELK van die volgende stellings VERKEERD is:
(a) If TSkool.isBetaal then … (1)
(b) bBetaal := objSkool.isBetaal := true; (1)
TOTAAL AFDELING E: 23
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 15 DBE/Feb.–Mrt. 2018
NSS
AFDELING F: GEÏNTEGREERDE SCENARIO
VRAAG 6
Die Rekenaar-olimpiade sal vanaf 'n hoofkantoor bestuur word en alle kommunikasie
sal van hierdie kantoor af gestuur word. Die data sal op die dag van die geleentheid
elektronies na al die instellings wat geregistreer het om aan die Rekenaar-olimpiade
deel te neem, versprei word.
6.1 Die Olimpiade-webtuiste is 'n dinamiese webtuiste wat 'n skakel na 'n potgooi
('podcast') en 'n video van die vorige jaar se prysuitdelingseremonie en
skakels na die Olimpiade se sosialenetwerk-hulpmiddele bevat.
Die instruksies vir die Olimpiade word as 'n potgooi verskaf.
6.1.1 Wat is 'n potgooi? (2)
6.1.2 Noem EEN lêerformaat wat vir potgooie gebruik word. (1)
6.1.3 Die video van die prysuitdelingseremonie kan gestroom word
('streamed').
Verduidelik die konsep stroming ('streaming'). (2)
6.1.4 Daar was 'n versoek om 'n toep ('app') vir die Olimpiade te
ontwikkel.
Gee TWEE redes waarom deelnemers verkies om eerder 'n toep as
'n webblaaier te gebruik. (2)
6.1.5 Gebruikers wil outomatiese kennisgewings oor die nuutste uitslae vir
die Olimpiade ontvang.
Watter tegnologie word gebruik om outomatiese kennisgewings te
verskaf? (1)
6.1.6 Verduidelik die verskil tussen 'n dinamiese webblad en 'n statiese
webblad. (2)
6.1.7 Behalwe om hulle fone af te skakel, beskryf TWEE maniere waarop
die kantoorwerkers die vloed van sosialenetwerk-kommunikasie op
hulle fone wat met hulle werk kan inmeng, kan bestuur. (2)
6.2 Deelnemers sal toegang tot 'n geënkripteerde lêer moet hê wat die
Olimpiade-data bevat. 'n Wagwoord met 8 karakters wat nodig is om toegang
tot die lêer te verkry, sal as 'n SMS aan deelnemers gestuur word.
6.2.1 Behalwe vir die getal karakters, noem TWEE ander vereistes vir die
wagwoord om 'n sterk wagwoord te wees. (2)
6.2.2 Motiveer die besluit om die wagwoord as 'n SMS eerder as in
'n e-pos-aanhangsel te stuur indien 'n ontvanger op 'n foon toegang
daartoe sal verkry. (1)
6.2.3 Verduidelik die konsep van publieke-sleutel-enkripsie. (2)
Kopiereg voorbehou Blaai om asseblief
Downloaded from hlayiso.com
Inligtingstegnologie/V2 16 DBE/Feb.–Mrt. 2018
NSS
6.3 Sommige deelnemers kan toegang tot die Olimpiade-vrae kry deur mobiele
toestelle te gebruik.
6.3.1 Noem TWEE nadele van die gebruik van 'n mobiele toestel vir
hierdie doel. (2)
6.3.2 Hoe sal plekgebaseerde rekenaarverwerking die organiseerders
help om inligting oor die deelnemers met gebruik van mobiele
toestelle te versamel? (1)
6.3.3 Stel TWEE maniere voor waarop die batterylewe van mobiele
toestelle verbeter kan word. (2)
6.4 'n Rekenaar wat vir die Olimpiade gebruik word, vertoon 'n boodskap wat
aandui dat die rekenaar min virtuele geheue het.
6.4.1 Definieer virtuele geheue. (2)
6.4.2 Verduidelik waarom die gebruik van virtuele geheue die
werkverrigting van 'n rekenaar negatief kan beïnvloed. (2)
6.5 Wolkrekenarisering maak grootliks op virtualiseringstegnologieë
('virtualisation technologies') staat.
6.5.1 Noem en bespreek TWEE maniere waarop virtualiseringstegnologieë
gebruik kan word om baie gebruikers te bevoordeel. (4)
6.5.2 Noem TWEE voordele vir die organiseerders om SaaS (Sagteware
as 'n Diens/'Software as a Service') te gebruik. (2)
6.6 Een van die hoofredes vir die WannaCry-afdreigingsware('ransomware')-
aanval was dat die sagteware op baie netwerke en persoonlike rekenaars nie
opgedateer was nie.
6.6.1 Wat is afdreigingsware ('ransomware')? (2)
6.6.2 Waarom kan die opdatering van die bedryfstelselsagteware moontlik
voorkom dat kwaadwillige sagteware, soos afdreigingsware,
toegang tot jou rekenaar kry? (1)
6.7 'n DBBS is, onder andere, vir die Olimpiade ontwerp om die
databasisadministrateur in staat te stel om die verspreide databasis te skep
en te redigeer.
6.7.1 Noem EEN ander funksie wat DBBS'e die administrateur toelaat om
te doen. (1)
6.7.2 Verduidelik wat 'n verspreide databasisstelsel is. (2)
6.7.3 'n Kragonderbreking het voorgekom terwyl data in die databasis
gestoor is. Om die integriteit van die data te beskerm, moes 'n
terugrol van die transaksie uitgevoer word.
Verduidelik wat 'n terugrol van die transaksie is. (1)
TOTAAL AFDELING F: 39
GROOTTOTAAL: 150
Kopiereg voorbehou
Study this subject
Recommended for this subject

Question paper
Information Technology Grade 12 P1 NSC Supplementary 2018 QP

Question paper
Information Technology Grade 12 P2 NSC June 2018 QP (Afr)

Question paper
Information Technology Grade 12 P2 NSC November 2018 QP

Question paper
Information Technology Grade 12 P2 NSC Supplementary 2017 QP

Memorandum
Information Technology Grade 12 P1 2018 Memo (Afr)

Memorandum
Information Technology Grade 12 P2 NSC June 2018 Memo (Afr)
More from Grade 12 Information Technology

Memorandum
Information Technology Grade 12 P1 NSC June 2025 Memo (Eng)

Memorandum
Information Technology Grade 12 P1 2024 Memo (Eng)

Memorandum
Information Technology Grade 12 P2 2024 Memo (Eng)

Memorandum
Information Technology Grade 12 P1 2023 Memo (Afr)

Memorandum
Information Technology Grade 12 P2 2023 Memo (Afr)

Memorandum