Skip to content

isiZulu FAL Grade 12 P1 November 2024 NSC Question Paper

Question paperisiZulu FALGrade 12202414 pages

Grade 12 isiZulu FAL Paper 1 question paper from the November 2024 NSC, 14 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

November NSC 2024

Questions in this paper

Document textSearch extracted text and jump to a page.
Confidential NATIONAL SENIOR CERTIFICATE IBANGA LE-12 ISIZULU ULIMI LOKUQALA LOKWENGEZA (FAL) IPHEPHA LOKUQALA (P1) NOVEMBA 2024 AMAMAKI: 80 ISIKHATHI: Amahora ama-2 Leli phepha linamakhasi ayi-14. Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 2 DBE/Novemba 2024 NSC Confidential IMIYALELO KWABAHLOLWAYO 1. Leli phepha lehlukaniswe IZIQEPHU EZINTATHU: ISIQEPHU A: Isivivinyo sokuqondisisa (30) ISIQEPHU B: Ukufingqa (10) ISIQEPHU C: Uhlelo nokusetshenziswa kolimi (40) 2. Phendula YONKE imibuzo ekuleli phepha. 3. Qala ISIQEPHU NGASINYE ekhasini ELISHA. 4. Dweba umugqa emva KWESIQEPHU NGASINYE. 5. Bhala izinombolo zezimpendulo kahle ngendlela ezihlelwe ngayo kuleli phepha lemibuzo. 6. Shiya umugqa emva kombuzo ngamunye. 7. Qaphela upelomagama kanye nokwakheka kwemisho. 8. Ungahlukanisa isikhathi obhala ngaso ngokwalezi ziqephu: ISIQEPHU A: Imizuzu engama-50 ISIQEPHU B: Imizuzu engama-20 ISIQEPHU C: Imizuzu engama-50 9. Bhala ngobunono nangesandla esifundekayo. Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 3 DBE/Novemba 2024 NSC Confidential ISIQEPHU A: ISIVIVINYO SOKUQONDISISA UMBUZO 1 1.1 Fundisisa UMBHALO A bese uphendula imibuzo ezolandela. Nov UMBHALO A (OFUNDWAYO) SHIYA UMONA PHANSI! 1 Kungani ngempela sidlala umona! Sivumelani ukuzungezwa umona! Umona ukuba nomuzwa wenzondo, ungafiseli omunye umuntu okuhle. Umona uthola indlela yokunyonyoba singanakile bese ungena ezimpilweni zethu uzithinte ngezindlela ezahlukene. Kukhona izinhlobo ezahlukene zomona: ofihlekile nobonakalayo. Umona obonakalayo 5 uvezwa izenzo ezimbi. Umona ubizwa ngamagama ahlukene njengokuthi umhobholo noma umhawu. Kukhona abantu abangakwazi ukulawula umona wabo kanti abanye bayazama ukuwufihla nokuwucindezela. Izimbongi nabaculi bafanisa umona nesifo esingumbulalazwe. Umculi, uNomfundo Moh, eculweni lakhe elithi: ʹUmonaʹ ufanisa umona nefa 10 lezinja. 2 Kunezinto abantu abazenzayo eziveza ukuthi banomona. Abantu baqala lezi zinto benganakile njengokungena ezinkundleni zokuxhumana babheke ukuthi abanye abantu baphila kanjani. Emva kwalokho bagcina sebedlulela ekwenzeni okukhulu nokuyingozi. Bakopisha impilo yalowo 15 muntu abamlandelayo ezinkundleni zokuxhumana. Babhala imiyalezo emibi ngalowo muntu, bagxeka izithombe azifakile, njalonjalo. Ukubhuqa, ukuhleba nokuzama ukubukela phansi impumelelo yomuntu kuseyizo izimpawu zomona. Abanye abantu bakwenza ngokweqile lokhu baze babizwe ngokuthi ʹomonase.ʹ 20 3 Umona uthinta wonke umuntu, yingakho kuthiwa ʹumona usuka esweni.ʹ Izinto esizibukayo ziyahamba ziyovusa umuzwa womona ongaphakathi kithina. Abanye bagcina izinhliziyo sezigaya izibozi ngalokho abakubonayo. Kufanele sibheke ngehlo elijulile ukuthi kungani abantu benomona kangaka ukuze siqonde kangcono futhi sibhekane nemizwa 25 yomona. Ucwaningo lusivezela izimbangela eziningi zomona, ezihlanganisa ukuzithemba okwedlulele, ukucabanga ukuthi ungcono kunabanye kanti awunalutho, ukwesaba ukulahlekelwa okuthile, ukungamukeli nokuqonda ukuthi izibusiso, iziphiwo namathalente abantu awafani. 30 Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 4 DBE/Novemba 2024 NSC Confidential 4 Umona ungavela ngezindlela ezahlukene: owomndeni, owobudlelwano kwezothando, owasemsebenzini, owasesikoleni, owomphakathi, njalonjalo. Umona uqala emndenini, bese uphumela ngaphandle. Ekhaya kuyenzeka ukuba izingane zibe nomona ngengane yakubo ezelwe. Abazali kufanele baqinisekise ukuthi baziphatha ngokufanayo 35 nangokulinganayo izingane ukugwema ingxabano edalwa umona. Umona wezelamani uhlanganisa ukuncintisana, izikhundla neziphiwo abanazo. Lokhu kugcina kwenza ukuthi kube khona ukwehlukana nodlame emndenini. Lo mona waqala kudala njengoba naseBhayibhelini sifunda ngendaba kaKhayini owabulala umfowabo u-Abela ngenxa 40 yomona. Emlandweni waKwaZulu nakhona siyezwa ukuthi uShaka wabulawa abafowabo ngenxa yesikhundla sakhe sobukhosi. Abazali kubaphatha kabuhlungu ukubona izingane zabo zingezwani ngenxa yomona. 5 Kwesinye isikhathi ezikoleni othisha nabafundi abakwamukeli ukuthi 45 abantu baneziphiwo ezingafani. Abanye abafundi banomona ngabanye abaphumelela ngamalengiso. Ngonyaka wezi-2021 kwakunendaba eyayisematheni mayelana nabafundi abane bakwesinye isikole. Laba bafundi balandela uSarah Parker naye ongumfundi ngenkathi eya endlini encane, bafike bamshaya waze waphuma umphefumulo. 50 Babedinwa/babecasulwa ukuthi uhlakaniphile, muhle futhi unamathalente amaningi. Le ndaba yashiya abantu bethukile. Akubona abafundi kuphela ezikoleni abanomona kepha nabanye othisha abafuni ukubona omunye wozakwabo enenqubekelaphambili njengokuthola iziqu, isikhundla esiphezulu, nokunye. 55 6 Umona onobungozi obuhamba phambili kuneminye yilowo obizwa ngesikhwele. Lo mona wenzeka kubantu abashadile nabangashadile. Lolu hlobo lomona lubangelwa ukungazithembi, ukulawulana, ukungathembani, ukuhlukumezana, ukusaba nokubukelana phansi. Isigcino kuba ukulimazana, ukuhlukana, ukuzibulala nokubulalana. 60 Abanye bahlala iminyaka ejele ngezinto ezimbi abazenza kwabathandana nabo ngenxa yomona. 7 Akulula ukubona ingaphakathi elibi lomuntu kodwa uyalazi elakho. Ngaphambi kokuthi ulale ungalele ebusuku, ake ubheke amasu/amacebo ongawasebenzisa ukulawula nokwehlisa umona. Ukwamukela nokugxila 65 kokuhle kungakusiza ukuba ubekezelele kangcono imizwa yakho yomona. Ukuzihlolisisa ngezinto ezenza ube nomona kungaba isiqalo sokulwa nomona ongenasidingo. Ukuzithemba ungakwakha kancane kancane, uze ukwazi ukuzimela. Lokhu kuzokusiza ukuba ukwazi ukuncoma nokubongela abantu abaphumelelayo. Ukubhekana nemizwa 70 yakho kungenza ukuthi lokho owawunomona ngakho ugcine usukushaya indiva. Zama ukufunda okuhle okwenziwa abanye kunokuthi ugxeke. Umona yifa leziwula! [Indaba esuselwa ocwaningweni yabe isihlelwa kabusha] Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 5 DBE/Novemba 2024 NSC Confidential 1.1.1 Yini umona ngokwesigaba soku-1? (1) 1.1.2 Siwubona ngani umona ngokwesigaba soku-1? (1) 1.1.3 Ngubani umculi ocula ngomona kule ndaba? (1) 1.1.4 Fingqa ngamaphuzu AMABILI okwenziwa abantu abanomona uma bengena ezinkundleni zokuxhumana. (2) 1.1.5 Khetha impendulo efanele kulezi ozinikeziwe. Ukuthi Inhliziyo igaya izibozi kusho ... A ukujabula. B ukudabuka. C ukukhala. D ukuthukuthela. (1) 1.1.6 Tomula umusho esigabeni sesi-3 onomqondo wokuthi akekho umuntu ongenawo umona. (1) 1.1.7 Yisiphi isizathu esenza izingane zandawonye zibe nomona ngengane yakubo ezelwe? (2) 1.1.8 Qondanisa IKHOLOMU A neKHOLOMU B. IKHOLOMU A IKHOLOMU B (a) UShaka A wabulawa abafundi (b) USarah Parker B wabulala umfowabo (c) UKhayini C wabulawa abafowabo (3 x 1) (3) 1.1.9 Kungabe umona udalwa yini ezikoleni ngokwale ndaba? Bhala amaphuzu AMABILI. (2) 1.1.10 Sichazani lesi simo sokukhuluma esilandelayo: Ukushaya indiva. (2) 1.1.11 Chaza ukuthi ukwamukela nokugxila kokuhle umuntu anakho kungamsiza kanjani ekugwemeni umona? (2) 1.1.12 Ukubulalana kwabantu abashadile kunomthelela omubi ezinganeni zabo. Sekela lesi sitatimende. (2) 1.1.13 Ngokubona kwakho izikole zingakugwema kanjani ukuhlukumezeka kwabafundi ezikoleni ngenxa yomona? (2) 1.1.14 Ngokucabanga kwakho odokotela bangawuthatha yini umona njengesifo abangaselapha? Sekela impendulo yakho ngephuzu ELILODWA. (2) Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 6 DBE/Novemba 2024 NSC Confidential 1.2 Bukisisa UMBHALO B bese uphendula imibuzo ezolandela. UMBHALO B (OBUKWAYO) IBALAZWE LESIMO SEZULU ENINGIZIMU-AFRIKA 1.2.1 Esakuliphi izwe isimo sezulu esikhonjiswe kulo mbhalo ongenhla? (1) 1.2.2 Iyiphi indawo enamazinga aphansi kakhulu kunamanye? (1) 1.2.3 Sizathu sini esenza abantu abaningi bathande ukuvakashela idolobha laseThekwini (Durban) ngamaholidi asehlobo? Phendula ngokubhekisa ebalazweni elingenhla. (2) 1.2.4 Uma unganikwa ithuba lokuzikhethela idolobha ofisa ukuhlala kulo, ungakhetha liphi phakhathi kweDe Aar neMbombela? Sekela impendulo yakho. (2) AMAMAKI ESIQEPHU A: 30 Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 7 DBE/Novemba 2024 NSC Confidential ISIQEPHU B: UKUFINGQA UMBUZO 2 Fundisisa UMBHALO C ongezansi bese uwufingqa ngamaphuzu ayi-7, ubhale ngobuhle bokuthatha unyaka wokuphumula (gap-year) emva kukamatikuletsheni. IMIYALELO 1. Bhala ngemisho ephelele. Amagama angeqi/angadluli kwangama-60. 2. Imisho yakho mayibe nezinombolo kusukela kweyoku-1 kuya kweye-7. 3. Bhala iphuzu elilodwa emshweni ngamunye. 4. Ekugcineni kwamaphuzu wonke owabhalile, bhala inani lamagama owasebenzisile. UMBHALO C (OFUNDWAYO) UNYAKA OWODWA UNGAYIGUQULA IMPILO YAKHO Isikhathi esimnandi empilweni yileso esisichitha esikoleni. Ngesikhathi siyoqala ibanga loku-1 siba namaphupho ngesifuna ukuba yikho noma ukukwenza uma sesiqeda ibanga le-12. Kuyenzeka ukuthi ngesikhathi usuqede ibanga le-12 uthole ukuthi owawukufisa akusenzeki noma usadidekile ukuthi ufunani. Lesi isikhathi esihle sokuthi uthathe unyaka owodwa wokuphumula (gap year). Kubalulekile ukuthi ungayi esikhungweni semfundo ephakeme ungenasiqiniseko sokuthi ufuna ukwenzani. Ukuphumula unyaka owodwa kukunika ithuba lokucwaninga kabanzi ngomkhakha ofisa ukuwuthatha emfundweni ephakeme. Lokhu kuzokusiza ukuthola ulwazi oluningi ngozokufundela. Ucwaningo lukhombisa ukuthi baningi abafundi abashintsha imikhakha emva kwesikhashana bengenile esikhungweni semfundo ephakeme. Ukufundela lokho okufunayo kungasiza ukuthi ungamoshi isikhathi nemali yokufunda futhi uqede ngesikhathi esifanele. Abafundi abaningi bagcina bengasakuthandi ukufunda ngenxa yobude bendlela kusukela beqala ibanga loku-1 baze bayophothula ibanga le-12. Ukuthatha unyaka owodwa wokuphumula kukunika amandla amasha azokusiza uma usuyoqala esikhungweni semfundo ephakeme. Isikole sidla isikhathi esiningi okwenza ungabi naso isikhathi osichitha nomndeni wakho. Ngesikhathi usaphumule uthola isikhathi esanele sokuba nomndeni uphinde ube usizo ekhaya. Ngokwenza lokhu uzizwa ubalulekile nawe emndenini. Ezokungcebeleka nezokuvakasha zibalulekile kuwo wonke umuntu. Ukuvakashela izindawo kukunika inkululeko yokuxhumana nabantu abaningi obungabazi. Lokhu kubalulekile ekukhuliseni umqondo wakho ngaphandle kwezinto ozifunde esikoleni. Ukushiya ekhaya uyoqala impilo entsha kuyinselelo enkulu kwabanye abafundi. Lo nyaka ungakunika isikhathi sokuzilungiselela ukufunda izindlela zokuzimela uma usuhlala wedwa. Uzobona sengathi izinto ziba lula noma umndeni ungekho eduze kwakho. Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 8 DBE/Novemba 2024 NSC Confidential Kukhona amakhono ongawazuza ngesikhathi usathathe unyaka wokuphumula angakuvulela eminye iminyango engakulekelela emkhakheni ozowuthatha. Lokhu kungakwandisela ulwazi uma ususesikhungweni semfundo ephakeme. [Indaba icashunwe ku-inthanethi yabe isihlelwa kabusha] AMAMAKI ESIQEPHU B: 10 Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 9 DBE/Novemba 2024 NSC Confidential ISIQEPHU C: UHLELO NOKUSETSHENZISWA KOLIMI UMBUZO 3 Bukisisa UMBHALO D bese uphendula imibuzo ezolandela. UMBHALO D (OFUNDWAYO NOBUKWAYO) JIKʹ EDUZE UZODLA IZOSO EZIMNANDI SOSA INYAMA ETHAMBILE NECONSISA AMATHE IZIKHATHI NEZINSUKU ZOKUVULA NgoLwesibili-koLwesihlanu: 9h00-21h00 IZINHLOBO ZENYAMA: NgoMgqibelo-ngeSonto: 9h00-23h30 ujeqe eyenkomo ipapa eyemvu Ukufaka i-oda SMSa 061 182 9145 ummbila eyenkukhu chakalaka isibindi amasaladi Bhukha itafula 061 989 1083 iboerewors Woza nabangani bakho! Siyaxolisa asiyidayisi inyama yengulube. Sidiliva ekasi laseMlazi kuphela. [Umbhalo wokuziqambela, izithombe googlepic] Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 10 DBE/Novemba 2024 NSC Confidential 3.1 Zingaki izinsuku okuvulwa ngazo eKasi Shisanyama ngesonto? (1) 3.2 Bhala OKUBILI okusesikhangisweni ongakudla nanoma iyiphi inhlobo yenyama. (2) 3.3 Tomula umusho osesikhangisweni onolimi olukhombisa ukuhlonipha/inhlonipho. (2) 3.4 Khetha impendulo efanele kulezi ozinikiwe, echaza igama elibhalwe ngokugqamile. Igama elithi ʹikasiʹ lisho ... A emaphandleni. B elokishini. C esilungwini. D emgwaqweni. (1) 3.5 Bhala ubuningi bamagama alandelayo: (a) Itafula (1) (b) UMgqibelo (1) 3.6 Ngokucabanga kwakho lolu hlobo lwebhizinisi luwusiza kanjani umphakathi? Sekela impendulo yakho ngamaphuzu AMABILI. (2) [10] Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 11 DBE/Novemba 2024 NSC Confidential UMBUZO 4 Bukisisa UMBHALO E bese uphendula imibuzo ezolandela. UMBHALO E (OFUNDWAYO NOBUKWAYO) Hamba kahle Kotini, ukhumbule ukuthi ukhishwe ngoshwele. Ungavumeli abangani bakwenzise ubugebengu njengakuqala. Usivakashele ngelinye ilanga. [Sicashunwe ku-google cartoonpics] 4.1 Uphumaphi uKotini njengoba ehamba? (1) 4.2 Bhala OKUKODWA okukhombisa ukuthi uKotini uyagoduka manje. (1) 4.3 Chaza ukuthi lusho ukuthini uphawu uKotini aphendula ngalo uKhomishina wasejele. (1) 4.4 Khetha impendulo efanele kulezi ozinikeziwe echaza amagama abhalwe ngokugqamile kulo musho olandelayo: Ukhumbule ukuthi ukhishwe ngoshwele. A Ukudedelwa ejele ngoba uziphethe kahle. B Ukudedelwa ejele ngoba udelela. C Ukudedelwa ejele ngoba unemali. D Ukudedelwa ejele ngoba waziwa kakhulu. (1) 4.5 Bhala lo musho uphike/ulandule. Usivakashele ngelinye ilanga. (2) 4.6 Yimaphi amazwi asenkulumweni kaKhomishina aluleka ngawo uKotini? (2) 4.7 Kungabe uyavumelana yini nokuthi ijele liyazishintsha izimilo zeziboshwa zibe ngcono? Sekela impendulo yakho ngephuzu ELILODWA. (2) [10] Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 12 DBE/Novemba 2024 NSC Confidential UMBUZO 5 5.1 Fundisisa UMBHALO F bese uphendula imibuzo ezolandela. UMBHALO F (OFUNDWAYO) SUKUMA UZENZELE Amantombazane aseJozini ayengawutholi umsebenzi avula inhlangano ebizwa ngokuthi 'iSiyaphila'. Inhloso yenhlangano ukuthi bazame ukuziphilisa. Baqala ukutshala amazambane, u-anyanisi, utamatisi, neklabishi. Emva kokuvuna (reaping), baqala badayisa emgwaqweni. Bazama nokudayisela omakhelwane babo abanemali. Babeyibeka ebhange imali ababeyithola. 5 Abantu babethenga imikhiqizo yabo ubuthaphuthaphu. Babhala isicelo sokuba bathole ukuxhaswa nguHulumeni ukuze bavule isitolo sabo. Leli kwaba isu elihle. Bathola ukuxhaswa uMnyango wezoLimo ngezi-2 000 000 zamarandi. Lokhu kwakuqala ngqa ukwenzeka endaweni. Bavula isitolo basibiza ngegama lenhlangano yabo. Bazithengela imizi emihle. Indodana 10 yenkosi yendawo yasijabulela lesi senzo samantombazane. Yathi ukuba bebengabantu besilisa ibizobachaza ngokuthi bayizinkunzi uqobo. [Umbhalo wokuziqambela] 5.1.1 Bhala lo musho olandelayo ube senkathini ezayo. Amantombazane aseJozini athole umsebenzi. (1) 5.1.2 Khipha isiqu saleli bizo elilandelayo: amakhanda (1) 5.1.3 Bhala igama elilodwa esikhundleni samagama abhalwe ngokugqamile kulo musho olandelayo: Baqala ukutshala amazambane, u-anyanisi, utamatisi, neklabishi. (1) 5.1.4 Khetha impendulo efanele kulezi ozinikeziwe, echaza uhlobo lwendlela yesenzo esibhalwe ngokugqamile kulo musho olandelayo: Inhlangano yaqala ukuziphilisa ngokudayisa. A Indlela ephoqayo. B Indlela esabizo. C Indlela yamandla. D Indlela eyamile/encikile. (1) Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 13 DBE/Novemba 2024 NSC Confidential 5.1.5 Bhala ubulili besifazane bala magama abhalwe ngokugqamile kule misho elandelayo: (a) Indodana yenkosi yendawo yasijabulela lesi senzo samantombazane. (1) (b) Yathi ukuba bebengabantu besilisa ibizobachaza ngokuthi bayizinkunzi uqobo. (1) 5.1.6 Lenza msebenzi muni igama elibhalwe ngokugqamile kulo musho olandelayo? Bazama nokudayisela omakhelwane babo abanemali. (1) 5.1.7 Guqula igama elikubakaki ukuze umusho ufundeke kahle. Imali yayingena (-khulu) (1) 5.1.8 Bhala lo musho olandelayo uqale ngegama elibhalwe ngokugqamile Amantombazane avula isitolo. (2) 5.1.9 Tomula isenzukuthi kulo musho olandelayo bese usisebenzisa emshweni ozakhele wona. Lokhu kwakuqala ngqa ukwenzeka endaweni. (2) 5.1.10 Nikeza amagama amqondofana nalawa abhalwe ngokugqamile kule misho elandelayo. (a) Emva kokuvuna, baqala badayisa emgwaqweni. (1) (b) Leli kwaba isu elihle. (1) Akuvumelekile ukukopisha leli phepha Pheqa ikhasi
IsiZulu Ulimi Lokuqala Lokwengeza (FAL)/P1 14 DBE/Novemba 2024 NSC Confidential 5.2 Bukisisa UMBHALO G bese uphendula imibuzo ezolandela. UMBHALO G (OFUNDWAYO NOBUKWAYO) Hawu Ngeke Mnu. parker Kunganjani angikufuni ithanga nengalo okufanayo. kube ne-tatoo Kungcono lona efanayo? lihluke. [Sicashunwe ku-googlepics, sahlelwa] 5.2.1 Bhala isabizwana esitholakala kulo musho olandelayo bese usho ukuthi siluhlobo luni. Kungcono lona lihluke. (2) 5.2.2 Lungisa amaphutha emshweni olandelayo (ubhalomagama) ukuze ufundeke kahle. Hawu Ngeke Mnu. parker angikufuni okufanayo. (2) 5.2.3 Sebenzisa igama ʹithangaʹ emshweni ozakhele wona ukuze kuvele umqondo ohlukile kunalo obhalwe ngokugqamile enkulumweni engenhla. (2) [20] AMAMAKI ESIQEPHU C: 40 AMAMAKI ESEWONKE: 80 Akuvumelekile ukukopisha leli phepha

Study this subject

More from Grade 12 isiZulu FAL

View all