Isizulu Fal Grade 12 P2 NSC June 2024 Question Paper (isiZulu)

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISIZULU ULIMI LOKUQALA LOKWENGEZA (FAL) IPHEPHA LESIBILI (P2) UNHLABA/UNHLANGULANA 2024 AMAMAKI: 70 ISIKHATHI: Amahora ama-2½ Leli phepha linamakhasi angama-29. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 2 DBE/UNhlaba/UNhlangulana 2024 SC/NSC Confidential IMIYALELO KWABAHLOLWAYO 1. Fundisisa kahle le miyalelo ngaphambi kokuba uphendule imibuzo. 2. Ungayifundi yonke imibuzo ekuleli phepha. Bheka OKUQUKETHWE ekhasini elilandelayo bese umaka izinombolo zemibuzo yezincwadi ozifundile kulo nyaka. Ngemuva kwalokho funda le mibuzo bese ukhetha imibuzo ezincwadini EZIMBILI ozophendula ngazo. 3. Leli phepha LINEZIQEPHU EZINE: ISIQEPHU A: Inoveli (35) ISIQEPHU B: Umdlalo (35) ISIQEPHU C: Izindaba ezimfishane (35) ISIQEPHU D: Izinkondlo (35) 4. Phendula imibuzo EMIBILI kuphela, kunoma yiziphi iziqephu ezimbili ezilandelayo (umbuzo OWODWA esiqeshini NGASINYE.) ISIQEPHU A: INOVELI Phendula umbuzo ngenoveli EYODWA oyifundile. ISIQEPHU B: UMDLALO Phendula umbuzo ngomdlalo OWODWA owufundile. ISIQEPHU C: IZINDABA EZIMFISHANE Phendula imibuzo ngazo ZOMBILI izindaba ezimfishane ezihlolwayo. ISIQEPHU D: IZINKONDLO Phendula imibuzo ngezinkondlo EZIMBILI ezibuziwe. 5. Sebenzisa uhlu lokubheka imibuzo ephenduliwe ('checklist') ukubheka ukuthi ukhethe ngendlela efanele yini. 6. Landela imiyalelo esekuqaleni kwesiqephu NGASINYE ngokucophelela. 7. Bhala izinombolo kahle njengoba zibhaliwe kuleli phepha lemibuzo. 8. Qala ISIQEPHU NGASINYE ekhasini ELISHA. 9. Indlela yokuhlela isikhathi encomekayo: Sebenzisa isikhathi esicishe sibe imizuzu engama-75 esiqeshini ngasinye. 10. Bhala ngobunono nangesandla esifundekayo. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 3 DBE/UNhlaba/UNhlangulana 2024 SC/NSC Confidential OKUQUKETHWE: Leli khasi lizokusiza ukukhetha imibuzo ofisa ukuyiphendula ngaphandle kokufunda yonke imibuzo. ISIQEPHU A: INOVELI Phendula noma yimuphi umbuzo OWODWA kulesi siqephu. IZINOMBOLO ZEMIBUZO AMAMAKI IKHASI 1. Ithemba Lami 35 5 2. Kusinda Kwehlela Endodeni 35 8 3. Umshado 35 11 ISIQEPHU B: UMDLALO Phendula noma yimuphi umbuzo OWODWA kulesi siqephu. 4. Ababulali Benyathi 35 14 5. Icala Kaliboli 35 17 6. Isiko Nelungelo 35 20 ISIQEPHU C: IZINDABA EZIMFISHANE Phendula imibuzo kuzona ZOMBILI izindaba ezimfishane ezihloliwe. 7.1 'Wakubona Wakubeletha' 17 23 7.2 'Uxolo' 18 24 ISIQEPHU D: IZINKONDLO Phendula imibuzo YOMIBILI kulesi siqephu. 8.1 'Izimomondiya' 18 26 8.2 'Komile Geqe' 17 28 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 4 DBE/UNhlaba/UNhlangulana 2024 SC/NSC Confidential Uhlu Lokubheka Imibuzo Ekhethiwe ('Checklist'): ISIQEPHU IZINOMBOLO IMIBUZO THIKHA UMBUZO ZEMIBUZO EPHENDULIWE OWUKHETHILE A: INOVELI 1–3 1 NOMA B: UMDLALO 4–6 1 NOMA C: IZINDABA 7 1 EZIMFISHANE NOMA D: IZINKONDLO 8 1 QAPHELA: Qiniseka ukuthi uphendule imibuzo eziqeshini EZIMBILI kuphela. 2024 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 5 DBE/UNhlaba/UNhlangulana 2024 SC/NSC Confidential ISIQEPHU A: INOVELI UMBUZO 1: ITHEMBA LAMI – LF Mathenjwa Funda iziqeshana EZIMBILI ezingezansi (u-A no-B) bese uphendula imibuzo ezolandela. ISIQESHANA A 'Kodwa usho ukuthi uSandanezwe yena wayengahamba kanjani engasambonanga uNokulindela? Wayengakwenza kanjani nje nempela lokho?' 'Angazi nami mama, angisho ukuthi ngizweni kodwa ngishiso yindlela adlula esejahe ngayo kwalapha ekhaya. Angikholwa-ke impela ukuthi wabe esadlula kwaHlazakazi.' 'Cha uyobe wenze iphutha impela, okungenani kwakufanele amane athume wena.' 'Yiqiniso khona mama 5 kodwa-ke wayengalenza lelo phutha ngoba ingqondo yakhe yayibukeka ididekile impela. Nokho sengiyozama ukumchazela uNokulindela uma sithuke sidibana.' 'Uyobe ungenzi lona nelincane iphutha kulokho ngane yami ngoba lokhu okungamaxila kaNokulindela sekungase kusizakale uma kuyizwe kuqala le ndaba kamfowenu.' 'Lisho uliphinde lelo mama. Nokho asethembe ukuthi nakuye 10 umntakababa sekuyoba ngozimakhaza.' 'Akukho okunye okwedlula ukuthembela emadlozini ngane yami. Sesiyozwa ngaye nokho ngokuhamba kwesikhathi, kodwa ngiyazethemba izinyanga zakithi. Khona bekungakabi kubi kangako, mane nje nathi sesiyethuka.' 'Kunjalo khona mama uqinisile, sesabulawa yikho ukuba netwetwe noma kungafanele.' Emuva le eBaqulusini akwaziwa ukuthi kazi Sandanezwe ndini wahamba 15 kanjani kodwa banethemba lokuthi uzobathinta kwazise nezinsuku zisezimfushane ehambile. Munye kuphela umuntu uSandanezwe ehluleka ukumazisa ngohambo lwakhe, nguNokulindela ingoduso yakhe. 1.1 Wayehlalaphi uNokulindela? (1) 1.2 Ngokwalesi siqeshana yini eyenza ukuthi uSandanezwe ahambe aye enyangeni engasambonanga uNokulindela? (1) 1.3 Fingqa ngamaphuzu AMABILI okushiwo kulesi siqeshana kusuka emgqeni wesi-4 kuya kowe-10. (2) 1.4 Khetha impendulo efanele kwezilandelayo: Isimo sokukhuluma esithi: sekuyoba ngozimakhaza, kulesi siqeshana sisho ukuthi … A Uzolulama. B Uzogula C Uzoshona. D Uzoshada. (1) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 6 DBE/UNhlaba/UNhlangulana 2024 SC/NSC Confidential 1.5 Qondanisa IKHOLOMU A neKHOLOMU B. IKHOLOMU A IKHOLOMU B 1.5.1 UZabalaza A UMkhumane 1.5.2 UNdebele B Inyanga 1.5.3 UNonkamfela C UNokulindela 1.5.4 UMzulazula D Umthandazi (4 x 1) (4) 1.6 Nikeza okufanayo phakathi kukaMbeje noMbuyisa? (2) 1.7 Uyavuma yini ukuthi uNtshingila ungumlingiswa omncane kule noveli? Bhala iphuzu ELILODWA. (2) 1.8 Yiziphi izigameko ezenza ukuthi umnumzane ahlawulise uJiyane ishumi lezinkomo? Bhala amaphuzu AMATHATHU. (3) 1.9 Ukuba khona kukaNonkamfela kule noveli kuzikhulisa kanjani izinkinga zikaSandanezwe? Bhala amaphuzu AMABILI. (2) 1.10 Ngokubona kwakho kwaba yisenzo esihle yini ukuba uSandanezwe ashiye esibhedlela uma engaboni umehluko ekuguleni kwakhe? (2) KANYE ISIQESHANA B 'Noma ungangiqhoshela uthini kodwa ngiwubekile ugobisamashinga oyingculazi, ngiyoke ngizwe ukuthi kuyogcina bani.' 'Wena-ke ngikutshele ngoba ngiyabona ufuna ngikutshele ezikabhoqo namhlanje, ngisho kungathiwa sesisele nawe sobabili lapha emhlabeni ngingancamela ukujendeva kunawe.' 'Asazi, sizobona, kwamanje nanka aphahle umbombo, sizoke 5 sizwe njengoba kuthiwa ukhukho lumuka nomoya nje. Ungisize ungezi kimi namashwa esifo, ngikuthanda usenguwe unjena nje ungenamnyama wesifo.' 'Sala muntu wabantu ngoba khona ngempela angazi ukuthi ngabe ngidakwe obunjani ngingaze ngiphephele kuwe. Khona engafa uSandanezwe njengoba ucabanga kungabe sekuphele izinsizwa yini? Ngikutshele-ke mina uSandanezwe lona nguyena 10 oyoba nguyise wabantabami, futhi sengathi ngiyabona sesinesiqhimuqhimu somuzi wethu nosapho lwezingane egcekeni.' 'Asazi phela ukuthi niyobe niyibekephi ingculazi.' Nakuba uNokulindela engasheshanga wayikholwa into eyayishiwo nguZabalaza, kepha ukunyamalala kukaSandanezwe kwase kuqale ukumsolisa. Inkinga ayebhekene nayo eyokuthi wayengeke amqome uZabalaza ngoba wayezobe 15 ezethukisa ngezwe. Enye into kodwa eyayifike imume du ukuthi uma elinda uSandanezwe, uzothini ukulinda umuntu ongasabhali, khona angathini mhlawumbe uselinde ibhokisi ngoba kuthiwa nengculazi leyo ayilapheki. Lesi simo samnciphisela ubuthongo uNokulindela. Wayeseze wancipha umzwangedwa ecabanga imihla namalanga. 20 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 7 DBE/UNhlaba/UNhlangulana 2024 SC/NSC Confidential 1.11 Yiliphi igama uZabalaza abiza ngalo ingculazi kulesi siqeshana? (1) 1.12 UNonkamfela wayezimukela kahle iziguli zakhe. Sekela lesi sitatimende ngephuzu ELILODWA. (1) 1.13 Msebenzi muni owenziwa umlandi kule noveli? Bhala iphuzu ELILODWA. (2) 1.14 Nikeza incazelo yala magama abhalwe ngokugqamile njengoba esetshenzisiwe kulesi siqeshana. 1.14.1 '… Ungisize ungezi kimi namashwa esifo …' (1) 1.14.2 '… ngingancamela ukujendeva kunawe.' (1) 1.15 Iyini inhloso yombhali yokuveza ubudlelwano phakathi kwalaba balingiswa: uNokulindela noSebenzile? Sekela impendulo yakho ngamaphuzu AMABILI. (2) 1.16 Chaza inkinga ebhekene nomlingiswa omkhulu kule noveli. (2) 1.17 Ukuba wena wawungomunye wabomndeni kaNokulindela wawuyomeluleka uthini mayelana nalesi simo sokugula kukaSandanezwe? Bhala amaphuzu AMATHATHU. (3) 1.18 Phawula ngamasu ahlukahlukene asetshenziswe ngumbhali ukwethula abalingiswa kule noveli. Bhala iphuzu ELILODWA. (2) [35] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 8 DBE/UNhlaba/UNhlangulana 2024 SC/NSC Confidential UMBUZO 2: KUSINDA KWEHLELA ENDODENI – SJ Mchunu Funda iziqeshana EZIMBILI ezingezansi (u-C no-D) bese uphendula imibuzo ezolandela. ISIQESHANA C 'Ngabe sesikhona eGoli njalo?' 'Yebo! Uyabona-ke ukuthi kuhle kanjani.' Esho ehleka umfo kaMajola. 'Yebo! Ntangayamashinga. Abantu abaningi kangaka bavelaphi nje? Mh! Ngingaduka kakhulu lapha. Uthi ngoke ngikwazi ukuhamba ngedwa kule ndawo enkulu kangaka? Angiboni.' Asho umbone ukuthi usethuke sengathi usevele udukile ngendlela 5 asehlahle ngayo amehlo. 'Hhayi! Uzoyazi le ndawo ngemuva kwesikhashana nje ntanga. Thina siyazihambela nje la edolobheni ngezimpelasonto. Yima isibindi, nakithina kwakunje sisafika lapha eGoli.' Amazwi amnika isibindi wachachamba ebusweni ethokoziswa ukuthi ngelinye ilanga uyena oyobe esesho kanje komunye kusasa esewumuntu waseGoli naye. 10 Yahamba njalo-ke itekisi yaze yayobabeka emahositela lapho behlala khona laba bafana bangakubo eMsinga. Ngakusasa izinsizwa lezi ahamba nazo zavuka-ke, zamshiya endlini seziye lapho zisebenza khona. UManyoba esele yedwa uyacabanga: 'Yimi lo oseseGoli? Bonke abantu emakhaya abazi ukuthi sengiseGoli, bazocabanga ukuthi ngisemapulazini kanti bashaye phansi. Inkinga nje enginayo ukuthi angikwazi 15 ukuphumela phandle ngoba angazi muntu lapha. Kambe bazongenzani uma ngiphumela emnyango? Ha! Kambe kukhona izigebengu lapha, yeka sezingibhokoda ngemikhonto yazo ekade yayibagwaza abantu. Habe! Sengikhohliwe ukuthi kufanele ngipheke ukudla. Kuphi kona? Hho! Nakhu. Angipheke …' 2.1 Babekuphi nendawo oManyoba njengoba bekhuluma kulesi siqeshana osifundile? (1) 2.2 Ngokwalesi siqeshana yini le uManyoba ayezofunda ukuyenza emva kwesikhashana? (1) 2.3 Fingqa ngamaphuzu AMABILI okushiwo kulesi siqeshana kusuka emgqeni we-10 kuya kowe-15. (2) 2.4 Khetha impendulo efanele kwezilandelayo: Isimo sokukhuluma esithi: bashaye phansi, kulesi siqeshana sisho … A ukucabanga into okungeyona. B ukuqambela abantu amanga. C ukucabanga abantu bakini. D ukuphupha into eyiqiniso. (1) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 9 DBE/UNhlaba/UNhlangulana 2024 SC/NSC Confidential 2.5 Qondanisa IKHOLOMU A neKHOLOMU B. IKHOLOMU A IKHOLOMU B 2.5.1 USimakade A Wayeganwe uMaNgubane 2.5.2 UMduduzi B Inkosi yaseMachunwini 2.5.3 UNtombela C Umnini wepulazi 2.5.4 UGeorge D Uhlala eBergville (4 x 1) (4) 2.6 Bhala okufanayo phakathi kukaNgobese noDoda. (2) 2.7 Uyavuma yini ukuthi indoda eyafundisa uManyoba ukudlala iLotto ingumlingiswa omncane kule noveli? Bhala iphuzu ELILODWA. (2) 2.8 Yiziphi izigameko ezenza ukuthi uManyoba nomkakhe bagcine sebehlala namadodana abo? Bhala amaphuzu AMATHATHU. (3) 2.9 Ukuba khona kukaMaNene kule noveli kuzikhulisa kanjani izinkinga zikaMaNdlovu? Bhala amaphuzu AMABILI. (2) 2.10 Ngokubona kwakho isenzo esihle yini ukuthi uManyoba angawaniki lutho amadodana akhe efeni lakhe? (2) KANYE ISIQESHANA D 'Namuhla elamanqamu, ngimfunge uMqhikiza kababa.' Yabe ukuqhamuka nje intokazi kaGatsheni, wasukuma wema ngezinyawo kwaphela konke ukucabanga ethatha ebeka kungekho mpendulo eshaya khona. 'Sawubona Gatsheni wami omuhle. Engabe ubugeza ngani, usuleke kahle kanje?' Yasho ixhawula insizwa yaseMachunwini. 'Yebo Macingwane! Angigezanga ngalutho. Mina ngigeza ngensipho kuphela. Usunesikhathi 5 eside yini ufikile?' 'Yebo,' esho ehleka. 'Ngiyaxolisa, bengisenzela ubaba amasi. Uyazi- ke nawe ukuthi umcaba awugayeki masinyane uma ufuna ukwenza amasi amahle. Ubaba ungumuntu obhekisisayo. Awukwazi ukumenzela ukudla maqede uphume ngoba awazi ukuthi uzothi kunjani lokho kudla omenzele khona. Kufanele ancome kuqala anduba uye lapho uthanda khona,' kuchaza uNtombi. 'Waze ngani ukuthi ngila 10 ngoba bengingakathumeli muntu kuwe na?' 'Ubonwe umfowethu ebuya kwamkhulu laphaya kuloya muzi. Uthe efika nje, wathi ngihlezi lapha wena kade ufikile. Ngazibonela nje nami ukuthi abantu abafuni abalamu babo bame isikhathi eside, kwasho ukuthi nami bengivele sengizoya emfuleni ngiyokukha amanzi.' 'Muphi pho umgqomo wamanzi wahamba ngezandla nje?' 'Ngiwubeke lapha eduze nesiphethu. 15 Awuboni?' Basuka lapho baya ngasesiphethwini ukuze baxoxe ebe ekha amanzi uNtombi. Besahamba, ayiqale indaba aze nayo: Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 10 DBE/UNhlaba/UNhlangulana 2024 SC/NSC Confidential 2.11 Ngokwalesi siqeshana osifundile yini eyalibazisa uNtombi emva kokuzwa ukuthi uManyoba usefikile? (1) 2.12 UNtombi wayethembekile emshadweni. Sekela lesi sitatimende ngephuzu ELILODWA. (1) 2.13 Msebenzi muni owenziwa umlandi kule noveli? Bhala iphuzu ELILODWA. (2) 2.14 Nikeza incazelo yala magama abhalwe ngokugqamile njengoba esetshenzisiwe kulesi siqeshana. 2.14.1 Uyazi-ke nawe ukuthi umcaba awugayeki masinyane uma ufuna ukwenza amasi amahle. (1) 2.14.2 'Ngiwubeke lapha eduze nesiphethu. Awuboni?' (1) 2.15 Iyini inhloso yombhali yokuveza ubudlelwano phakathi kwalaba balingiswa: uManyoba kanye nezinsizwa zangakubo eMsinga? Sekela impendulo yakho ngephuzu ELILODWA. (2) 2.16 Chaza inkinga ebhekene nomlingiswa omkhulu kule noveli. (2) 2.17 Ukuba wena wawungunkosikazi kaMjwayeli wawuyomphatha kanjani ubabezala ngesikhathi esehlala nani? Bhala amaphuzu AMATHATHU. (3) 2.18 Phawula ngamasu ahlukahlukene asetshenziswe ngumbhali ukwethula abalingiswa kule noveli. Bhala iphuzu ELILODWA. (2) [35] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 11 DBE/UNhlaba/UNhlangulana 2024 SC/NSC Confidential UMBUZO 3: UMSHADO – N Zulu Funda iziqeshana EZIMBILI (u-E no-F) ezingezansi bese uphendula imibuzo ezolandela. ISIQESHANA E Kwathuleka endlini. Basuka babambana ngezandla uBheki noTholi bebhekene emehlweni ngqo. Wazizwa efudumala kancane uBheki, ethintwa ibele likaTholi. Wayibona leyo nto uTholakele wahlehla, wathi ukuhleka. 'Uhlekani Tholi?' 'Ngiyayazi into engiyihlekayo, khululeka nje wena. Ngibona sengathi kuzofuneka sibonane khona kusasa mngani wami.' 5 'Uqinisile angihambe. Kodwa-ke ngifuna usale ucabanga indaba yami. Imfushane nje. Ngifuna ukukushada masinyane. Umuntu engibone ngingashada naye nguwe Tholakele. Ngicela ucabange ujule ngale ndaba.' Washo la magama wasukuma uBhekani. 'Kulungile ngizocabanga Bheki. Wenzani umsebenzi wakho?' 'Nginguthisha.' 10 'Hawu, kanti usebenza kahle kangaka! Nami Bheki ngangifisa ukuba uthisha, pho-ke akuhambi ngezifiso zomuntu.' Kuthe uBheki esephuma ngomnyango, wacela ukuvalelisa ngokuqabula kuTholi. 'Akukho nkinga lapho Bheki.' Bathintanisa izindebe zemilomo yabo ngobukhulu ubunono. Akabange esama uBheki wafulathela inhliziyo yakhe ithe cosololo. Akazanga ukuthi ngakusasa kwakuzokwenzekani phakathi 15 kwakhe noTholi. Wafika ekhaya unina eselele. Bathi ukuxoxa kancane. Waphuthuma ukuyolala uBheki. Wayejahe ukuthi kuse. Okwamxaka ukuthi iphupho likayise alibuyanga ngalelo langa, kodwa kunina labuya. Wacabanga ingxaki yalo muntu ofuna uTholi, akaze azi ukuthi uzokwenzenjani. Babonana futhi sebeya emsebenzini. Babejabule bobabili. 20 3.1 Babekuphi oBhekani ngesikhathi bebambana ngezandla kulesi siqeshana? (1) 3.2 Ngokwalesi siqeshana yini le okwakumele icatshangwe owesifazane owayexoxa noBhekani ngalolu suku? (1) 3.3 Fingqa ngamaphuzu AMABILI okushiwo kulesi siqeshana kusuka emgqeni we-10 kuya kowe-15. (2) 3.4 Khetha impendulo efanele kwezilandelayo: Isimo sokukhuluma esithi: ucabange ujule, kulesi siqeshana sisho … A ukucabangisisa ngokuthile. B ukuqamba amanga. C ukucabanga kancane. D ukuphupha iqiniso. (1) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 12 DBE/UNhlaba/UNhlangulana 2024 SC/NSC Confidential 3.5 Qondanisa IKHOLOMU A neKHOLOMU B. KOLOM A KOLOM B 3.5.1 Ubaba kaBhekani A Uphenyo esibhedlela. 3.5.2 UBhatomu B Ufika ngephupho. 3.5.3 Amaphoyisa C Uzakhela izibhamu. 3.5.4 UJazibomvu D Uthanda ukulwa. (4 x 1) (4) 3.6 Nikeza okufanayo phakathi kukamama kaBhekani nomalume wakhe. (2) 3.7 Uyavuma yini kuthi unesi wasesibhedlela okwakulaliswe kuso uTholakele ungumlingiswa omncane kule noveli? Bhala iphuzu ELILODWA. (2) 3.8 Chaza izigameko ezaholela ekutheni uBhekani alwe noBhatomu ngesikhathi beficana kwaTholakele. Bhala amaphuzu AMATHATHU. (3) 3.9 Ukuba khona kukaPamella kule noveli kuzikhulisa kanjani izinkinga zikaBhekani? Bhala amaphuzu AMABILI. (2) 3.10 Ngokubona kwakho kwakuyisenzo esihle yini ukuthi uBhekani afise ukushadelwa umfelokazi? (2) KANYE ISIQESHANA F Angabe esakwazi ukuqhubeka nokukhuluma futhi uBheki. UTholi usegijimisa iminwe yakhe ngaphakathi emzimbeni kaBheki. Isiketshana lesi sesenyuke samshiya esezihlalele nje uTholi. Abone uBheki ukuthi uma engavumela imizwa le ngeke aze ayixoxe le ndaba yakhe. Acele ukuyochitha amanzi. Ahleke uTholi. Athi uma ebuya uBheki, ahlale kujana noTholi. Imdonse intokazi imsondeze kuyo. Baqabulane futhi. 5 Acasuke uBheki manje. Usola sengathi uphuzile uTholi. Akazi noma ambuze yini. Cha, uthando lukaTholi luyamehlula. 'Manje uZenze ubabize kanjani laba bantu bami? 'Phela unqume yona leyo mali ababevumelene ngayo nabakithi.' 'Ngibone sengathi inkulu kabi imali abayinqumile.' 'Ingani bayikhokhe ngokushesha Bheki ebifuneka.' Athule uBheki. Usoliswa yile mpendulo kaTholi. Sengathi 10 kuxetshulwa umkhomo lapha. 'Anginamali Tholi. Okwesibili ungakhohlwa ukuthi kukhona imali engakhipha ngayo uZenze ejele.' 'Phela leyo mali sathi iyokhokhwa uma usuyidinga sithandwa.' Athule uBheki. Abone ukuthi sengathi ayikho indlela yokuphunyuka kulo noxhaka. Noma usengathi uzama ukugxuma akusoze kwalunga. Iphupho likayise futhi selamxolela. Cha, akaqhubeke; kodwa uzocela imali yakhe 15 ikhokhwe. 'Ucabangani manje Bheki?' 'Ngicabanga wena.' Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 13 DBE/UNhlaba/UNhlangulana 2024 SC/NSC Confidential 3.11 Ngokwalesi siqeshana osifundile yini eyenza ukuthi uBhekani asole sengathi oZenze bayamqola? (1) 3.12 ULindiwe wayemthanda ngokweqiniso uBhekani. Sekela lesi sitatimende ngephuzu ELILODWA. (1) 3.13 Msebenzi muni owenziwa umlandi kule noveli? Bhala iphuzu ELILODWA. (2) 3.14 Nikeza incazelo yala magama abhalwe ngokugqamile njengoba esetshenzisiwe kulesi siqeshana. 3.14.1 Abone ukuthi sengathi ayikho indlela yokuphunyuka kulo noxhaka. (1) 3.14.2 Noma usengathi uzama ukugxuma akusoze kwalunga. (1) 3.15 Iyini inhloso yombhali yokuveza ubudlelwano phakathi kwalaba balingiswa: uSifiso noBhekani? Sekela impendulo yakho ngephuzu ELILODWA. (2) 3.16 Chaza inkinga ebhekene nomlingiswa omkhulu kule noveli. (2) 3.17 Ukuba wena wawungumalume kaBhekani wawuyoya yini emshadweni womshana wakho nomfelokazi? Bhala amaphuzu AMATHATHU. (3) 3.18 Phawula ngamasu ahlukahlukene asetshenziswe ngumbhali ukwethula abalingiswa kule noveli. Bhala iphuzu ELILODWA. (2) [35] AMAMAKI ESIQEPHU A: 35 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 14 DBE/UNhlaba/UNhlangulana 2024 SC/NSC Confidential ISIQEPHU B: UMDLALO UMBUZO 4: ABABULALI BENYATHI – RM Mngadi Funda iziqeshana EZIMBILI (u-G no-H) ezingezansi bese uphendula imibuzo ezolandela. ISIQESHANA G DLAMINI: (naye adumale kodwa ubuso bugcwale intukuthelo) Hawu! Hawu! Ndabezitha, uyobe usuvulele amanzi uqobo. Ngempela ayongena abumanzise ubukhosi bakho futhi bugqwale. Emva kwalokho uyophenduka isithunzi sona esinomnyakazo kodwa ongenamsebenzi. Ndabezitha goloza okokugcina aze ashaye umthetho ophusile lo Hulumeni ngamandla enu. 5 Angiphikisani nenkosi yami kodwa ngizama ukuyiqwashisa. Thina siyabuthanda ubukhosi bethu bendabuko. Kanti thina ma-Afrika siyosala nani okungeyethu? Okokuqala nje mina njengenduna ngingawenza lo msebenzi okuthiwa ufanele ikhansela. SHANDU: Cha, nduna yami, yize noma ngingeze ngilinge ngilimise ngesihloko 10 elokuthi ngiyakuphikisa, nami kodwa angifuni ukuphuma iqhubu. Angifuni ukubonakala njengenkosi elwa nemithetho kaHulumeni, yize kunjalo kodwa inhlonipho ngiyayidinga. Odabeni lwenduna eyenza umsebenzi wekhansela, angiboni bengakuvuma lokho osopolitiki ngoba bathi intandoyeningi ilungelana nabaholi abavoteliwe. (ahleke) He! He! Wena-ke 15 wavotelwa ngubani? DLAMINI: (asineke ubala) Ndabezitha angivoteliwe kodwa ngakhethwa nguwe. Angithi inkosi ingubaba wesizwe. Ubaba uyazikhethela izingane zakhe lokho abona kukuhle. Uma uNdabezitha eseshilo, lelo lizwi lingephikiswe. Nginamanga Ndabezitha? 20 SHANDU: (anikine ikhanda, abuye ahebeze nangezandla) Lutho Dlamini, akunjalo kule ndlela yokubusa kwanamuhla. Intando yeningi ayikuvumi lokho. Kepha ithi wonke umuntu unelungelo lakhe lokuzikhethela. Phela sehlulwa Dlamini. AbaMhlophe basehlula maqede basingxingxa ngokwabo yikho kunalokhu kungqubuzana kwemibono. 25 4.1 Wayenasikhundla sini uDlamini kule ndawo? (1) 4.2 Yini lena uDlamini aluleka inkosi uShandu ngayo ukuthi ingayivumi njengoba bexoxa nje? (1) 4.3 Ngokwalesi siqeshana yisiphi isizathu esenza inkosi uShandu ingahambisani nokuthi induna yenze umsebenzi wekhansela? (2) 4.4 Yini eyayidala ukungqubuzana phakathi kwezinhlaka zokubusa kulo mphakathi? Bhala amaphuzu AMABILI. (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 15 DBE/UNhlaba/UNhlangulana 2024 SC/NSC Confidential 4.5 Khetha impendulo efanele kwezilandelayo: ... kodwa angifuni ukuphuma iqhubu … Isimo sokukhuluma esibhalwe ngokugqamile sisho: A Ukwenza okuhle. B Ukwenza okuphambene. C Ukwenza ihlazo. D Ukwenza umthetho. (1) 4.6 Qondanisa IKHOLOMU A neKHOLOMU B. IKHOLOMU A IKHOLOMU B 4.6.1 UMfundisi A Indaba isesicongweni 4.6.2 Indikimba B Unodlame 4.6.3 Isixakaxaka C UMazongolo 4.6.4 UDlamini D Ezombusazwe (4 x 1) (4) 4.7 Bhala umehluko phakathi komdlalo wokufundwa nomdlalo weshashalazi. (2) 4.8 Yiliphi iqhaza elibanjwe ngumlingiswa uMbandlwa kulo mdlalo? Bhala amaphuzu AMATHATHU. (3) 4.9 Kwaba namthelela muni empilweni kaDuma ukushona kukaMbandlwa? Sekela impendulo yakho ngamaphuzu AMABILI. (2) 4.10 Phawula ngokubaluleka komuntu wesifazane ubhekise kulo mdlalo. Bhala amaphuzu AMABILI. (2) KANYE Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 16 DBE/UNhlaba/UNhlangulana 2024 SC/NSC Confidential ISIQESHANA H DLAMINI: (Asukume uDlamini) Ndabezitha! Ngizoqala ngokubonga uNdabezitha ngokungikhokhela ibheyili. Mina bengizoyithathaphi inkulungwane yamarandi? Ndabezitha nani bandla lenkosi, icala lokushaya ngiyaliphika ngima ngentaba. Ngithi, uMbandlwa ngamsikaza ngenduku maqede yena wagxuma wazishayisa echosheni lobonda lwekilasi. 5 Okuhle kakhulu ngukuthi mina amadoda engangihamba nawo ayangifakazela. Yena akanaye ufakazi ngoba ikhansela lalingaphakathi ekilasini kanye nezethameli zomhlangano. Lihlehlile-ke icala. Liyoze lingene emva kwezinyanga ezintathu. AMADODA: (Kuzwakale ukuhhomuzela kwentokozo abanye behleka) 10 SHANDU: (Inkosi yelule isandla sakumhlalisa phansi uDlamini) Hhayi-ke! Siyabonga Mzizi, ungahlala phansi. DLAMINI: (Ahlale phansi) Ndabezitha! SHANDU: Kunjalo-ke madoda. Mina ngeke ngimsole uDlamini ngoba leli khansela liyangeyisa. Lake lakubonaphi ukuthi umfokazana angamane abize 15 umhlangano endaweni yenkosi engadlulanga enkosini? AMADODA: (Ahhomuzela) INDODA Uyagcwaneka lo! YOKUQALA: INDODA Yisizwe sakho lesi Ndabezitha. Singakufela lokho thina. YESIBILI: DLAMINI: (Eqondise emkhandlwini) Yehlisani umoya madoda! Thulani umsindo, 20 uNdabezitha usakhuluma! SHANDU: Mina ngiyasola uDuma usabambelele kulokhu okwenzeka ngesikhathi sodlame. Angithi ngikhuluma nje ungomunye walaba ababehla benyuka lapha endaweni yami. Begqugquzela ngenkani ukufaka leli dungabantu ababelibiza ngomzabalazo. Kuyaxaka-ke lokhu asekwenza manje 25 ngoba kwabuye kwathelelwana amanzi. Mina angithandi ukubona abantu befa njengoba kwake kwenzeka. Kodwa uma ngingahlonishwa, nami angizuhlonipha. 4.11 Malini imali yebheyili eyakhokhwa ukukhipha uDlamini esitokisini? (1) 4.12 Fingqa ngamaphuzu AMATHATHU udweshu lwangaphandle olwaba khona ngosuku lomhlangano owawubanjelwe esikoleni. (3) 4.13 Chaza iqhaza elibanjwe imiyalelo yokwenzeka enkundleni (stage directions) kulesi siqeshana somdlalo. Bhala iphuzu ELILODWA. (2) 4.14 Ukufihleka kwesigameko sokuxoxa kukaMaShezi noMaNgema kummeleli uDuma kwaba namuphi umphumela kulo mdlalo? Bhala iphuzu ELILODWA. (2) 4.15 Chaza uvuthondaba lwalo mdlalo ngephuzu ELILODWA. (2) 4.16 Uyavumelana yini nokuthi ukuya esikoleni kukaMaShezi kwaba nesandla ekuxazululeni inkinga eyayiphakathi kwenkosi uShandu nekhansela uDuma? Sekela impendulo yakho ngamaphuzu AMABILI. (2) 4.17 Ukuba wawunikwe ithuba lokusebenza njengenduna yenkosi uShandu, yiziphi izinto EZINTATHU owawungazenza ngendlela eyehlukile? (3) [35] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 17 DBE/UNhlaba/UNhlangulana 2024 SC/NSC Confidential UMBUZO 5: ICALA KALIBOLI – VM Mbhele Funda iziqeshana EZIMBILI (u-I no-J) ezingezansi bese uphendula imibuzo ezolandela. ISIQESHANA I SONTO: (Useqala ukukhala) Angifune mkhuleko, ngifuna imali mina mfundisi. MFUNDISI: (Esondela kuye.) Ungakhali ndodakazi, uSathane lo okukhohlisayo. Ngakho-ke ungamvumeli. Kuzolunga ndodakazi, kuzolunga. SONTO: (Izinyembezi sezehla ngamandla.) Bab'Mfundisi uSathane kade angiqala, seku-late, akasale eseyekwa angiqedele. 5 MFUNDISI: (Esedabukile naye esegcwele izinyembezi emehlweni.) Ndodakazi, asikhuleke mntanami. (Waguqa ngamadolo.) SONTO: (Ngezwi elinosizi.) Angeke usangisiza umkhuleko baba, sengibole kakhulu. Empeleni kade ngazibolela. MFUNDISI: Ndodakazi ... 10 SONTO: (Akhulume uMfundisi engakaqedi ukukhuluma.) Siphelile manje isikhathi sokukhuluma, sukuma uyongivulela isisefo. (Asule izinyembezi ngengalo.) MFUNDISI: (Ngokutatazela) Angibange ngisayifaka esisefweni, ingale ekamelweni lami lokulala. 15 SONTO: (Emqhuba ngesibhamu) Asihambe-ke uyonginikeza. MFUNDISI: Khululeka mntanami, kasikho isidingo sokungiqhuba. Ngizoyilanda imali. SONTO: Shesha-ke, shesha. Siyahamba isikhathi. (Asithele ekamelweni uMfundisi. Abuye emva komzuzwana esephethe isikhwama.) MFUNDISI: (Emnika isikhwama.) Nanso-ke imali ndodakazi. Engifisa ukukusho nje 20 ukuthi yimali yegazi lena ngoba ibinikelelwe indlu kaNkulunkulu. Sengathi ungayithola intethelelo mntanami, ungavumeli uSathane a ... SONTO: (Eyithatha) Mfundisi uma ngikushiya uphila mina sengingoboshiwe. MFUNDISI: (Ephakamisa izandla) Awu! Ngiyakucela ndodakazi ungangibulali. SONTO: Yikhona uzotshela ibandla namaphoyisa? 25 MFUNDISI: Cha! Ndodakazi lokhu kuzogcina phakathi kwethu sobabili. SONTO: Bese uthi imali uyishonisephi Mfundisi? MFUNDISI: Hhayi, ngizothi ngihlaselwe yizigebengu nje ndodakazi. SONTO: Hawu! Uzoqamba amanga ungumfundisi? MFUNDISI: Ndodakazi sizoyilungisa le ndaba. 30 SONTO: Yini baba usabe ukufa? Kanti awufuni ukuya kuleli zulu ohlale usitshela ngalo? 5.1 Wayenasikhundla sini uSonto kuleli bandla? (1) 5.2 Yini eyenza uSonto athi kade azibolela yena? (1) 5.3 Ngokwalesi siqeshana yisiphi isizathu esenza uSonto abone kufanele ukuthi abulale uMfundisi? (2) 5.4 Yini eyayenza kube khona ukungezwani phakathi kukaMthofi noSonto kulo mdlalo? Bhala amaphuzu AMABILI. (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 18 DBE/UNhlaba/UNhlangulana 2024 SC/NSC Confidential 5.5 Khetha impendulo efanele kwezilandelayo: ... ukuthi sengibole kakhulu … Isimo sokukhuluma esibhalwe ngokugqamile sisho ukuthi: … A Kuningi okubi esengakwenza. B Kuningi okuhle esengakwenza. C Kuningi okuhlekisayo esengakwenza. D Kuningi okuwusizo esengakwenza. (1) 5.6 Qondanisa IKHOLOMU A neKHOLOMU B. IKHOLOMU A IKHOLOMU B 5.6.1 UDlamini A Indaba isesicongweni 5.6.2 Indikimba B Unodlame 5.6.3 Isixakaxaka C Umakhelwane kaMbhele 5.6.4 UMthofi D Ubugebengu (4 x 1) (4) 5.7 Bhala umehluko phakathi komdlalo wokufundwa nomdlalo weshashalazi. (2) 5.8 Yiliphi iqhaza elibanjwe ngumlingiswa uDlamini kulo mdlalo? Bhala amaphuzu AMATHATHU. (3) 5.9 Kwakungaba namuphi umthelela empilweni kaZinhle ukushintsha isikole phakathi nonyaka? Bhala amaphuzu AMABILI asekela impendulo yakho. (2) 5.10 Phawula ngokubaluleka kwencwadi yefa ubhekise kulo mdlalo. Bhala amaphuzu AMABILI. (2) KANYE ISIQESHANA J MAMKHIZE: Manje ukufa kukaMfundisi kuhlanganaphi nalo muntu? SONTO: UMfundisi ngambulala ngoba ... MAMKHIZE: Awu! Ngaze ngasizala isikhohlakali! SONTO: Ngangifuna imali yomnikelo mama ukuze ngikhokhele lo muntu owayebulele umkaMbhele. 5 MAMKHIZE: Kawabe usamkhokhela ngani pho umuntu? Kawuyitholanga yini imali yomnikelo lowo? SONTO: Ngayithola mama. MAMKHIZE: Wayishonisaphi? SONTO: Yavele yalahleka. 10 MAMKHIZE: Yalahleka? Imali engaka isilahleka kanjani, kuphi? Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 19 DBE/UNhlaba/UNhlangulana 2024 SC/NSC Confidential SONTO: (Ngokucikeka) Kanti kakusona yini lesi siphukuphuku sekhehla lakwamakhelwane esangibona ngiyibeka sayithatha? MAMKHIZE: Yonke? SONTO: Yebo, yonke. Kuthiwa sivumile emaphoyiseni. Yikho nje bonke ubufakazi 15 bukhomba mina. MAMKHIZE: Kwatholakala kanjani ukuthi nguwe obulele uMfundisi? SONTO: Yimi owatatazela. Ngasuke ngathi emaphoyiseni ngobusuku okwadutshulwa ngabo uMfundisi ngangizobona wena ugula. MAMKHIZE: Kanti leliya phoyisa lalizokubuza kimi nje yingoba wawusunecala 20 elingaka? Awu, kanti mntanami ulapha nje waboshiswa yimi? SONTO: Akuwena mama, khululeka. Bengizogcina ngiboshiwe vele. MAMKHIZE: Awubange usangitshela ukuthi indaba yefa likaMbhele yahamba kanjani. SONTO: UMbhele wangihlakaniphela mama. MAMKHIZE: Kanjani? 25 SONTO: Wangivalela onke amafa akhe. MAMKHIZE: Okusho ukuthi wayesesola. SONTO: Ya! Ngangimbona ukuthi useyasola. MAMKHIZE: Yikho wawusuthi ubona sengathi usecabanga ukukushiya. SONTO: Leso esinye sezizathu. 30 MAMKHIZE: Wase ubona kungcono afe? SONTO: (Ekhala) Yebo, ukuze ngithole imali. MAMKHIZE: Manje sekuvela kanjani ukuthi nguwe owahlela ukufa kwakhe? 5.11 USonto akamkhokhelanga ngani uMthofi imali ayemethembise yona? (1) 5.12 Fingqa ngamaphuzu AMATHATHU udweshu lwangaphandle olwaba khona phakathi komseshi uNhleko noSonto ngesikhathi uSonto efika ezobona uMfundisi esibhedlela. (3) 5.13 Chaza iqhaza elibanjwe imiyalelo yokwenzeka enkundleni (stage directions) kulesi siqeshana somdlalo. Bhala iphuzu ELILODWA. (2) 5.14 Ukufihleka kwesigameko esimayelana nengxoxo phakathi kukaMbhele nommeli, uNtshangase kummeleli uSonto kwaba namuphi umphumela kulo mdlalo? Bhala iphuzu ELILODWA. (2) 5.15 Chaza uvuthondaba lwalo mdlalo ngephuzu ELILODWA. (2) 5.16 Uyavumelana yini nokuthi ukungabi naso isitifiketi somsebenzi kukaMthofi kwaba nomthelela kule ndlela ayephila ngayo? Sekela impendulo yakho ngamaphuzu AMABILI. (2) 5.17 Ukuba wawunikwe ithuba lokuba nguMbhele, yiziphi izinto EZINTATHU owawungazenza ngendlela eyehlukile? (3) [35] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 20 DBE/UNhlaba/UNhlangulana 2024 SC/NSC Confidential UMBUZO 6: ISIKO NELUNGELO – N Zulu Funda iziqeshana EZIMBILI ezingezansi bese uphendula imibuzo ezolandela. ISIQESHANA K THENJIWE: Qiniso. Bengisathi ngisazocela ukuba bangidedele ngizibuyelele ekhaya, kanti angibuzanga elangeni. Abasemzini balele komunye umqondo nje. GUGU: Kodwa ngabe yimuphi lowo mqondo? THENJIWE: Bathi angihambi lapha emzini wabo. Bathi okungcono ngizogana enye indodana yabo. 5 GUGU: (Ashaye izandla) Hawu! Kanti awukhulumi nje usuzalelwe yinja endlini? THENJIWE: Ngivele ngasangana ikhanda Gugu. Ngase ngibacela ukuba banginike ithuba ngiyicabange le nsambatheka yabo. GUGU: Leyo nsizwa bathi izovelaphi ngoba abafowabo bakaSkhumbuzo 10 zingane nje? THENJIWE: Baqoke yena uDumisani impela. Ngifuna ukubatshela kahle ukuthi ngingathi ngisosizini babuye bangandisele lolo sizi futhi. GUGU: Bazi ngani ukuthi nizozwana noDumisani? Leli siko lokungenwa mina angilithandi ngento eyodwa nje. Abantu bavele bacabange ukuthi 15 wawuvele ubabhanqile abafokazi labo. THENJIWE: Mina mngani ngimi ngento eyodwa nje. Angisenalo olunye uthando engingalubhekisa komunye umuntu. Angisayiphathi-ke ekaDumisani. Ingane eluhlaza cwe leyo. GUGU: Naye uDumisani uyokhuza ibhadi impela. Kodwa bona abantu ngeke 20 basole ukuthi uyena owabulala uSikhumbuzo ngoba efuna umkakhe? THENJIWE: Umamezala ikakhulu, sengathi akayicabangi yonke leyo nto. Nami ngilindele ilanga esizoxoxa ngalo lolu daba. Ngizimisele ukubaphikisa kuze kube sekugcineni. GUGU: Mngani wami usize ungayivumi nhlobo le nsambatheka yaleli siko. 25 Uzohlekwa abantu ngikutshele. THENJIWE: Ngiyabonga mngani ngokungimisa idolo. 6.1 Wayehlobene kanjani uThenjiwe nabantu bakwaZungu? (1) 6.2 Yini lena uGugu aluleka uThenjiwe ngayo ukuthi angayivumi njengoba bexoxa nje? (1) 6.3 Ngokwalesi siqeshana yisiphi isizathu esenza uGugu angahambisani nesiko lokungenwa? (2) 6.4 Yini eyayidala ukungqubuzana phakathi kukaThenjiwe nabantu bakwaZungu? Bhala amaphuzu AMABILI. (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 21 DBE/UNhlaba/UNhlangulana 2024 SC/NSC Confidential 6.5 Khetha impendulo efanele kwezilandelayo: Kanti awukhulumi nje usuzalelwe yinja endlini? Isimo sokukhuluma esibhalwe ngokugqamile sisho: A Ukuthukuthela B Ukuzala C Ukuxakeka D Ukugana (1) 6.6 Qondanisa IKHOLOMU A neKHOLOMU B. IKHOLOMU A IKHOLOM B 6.6.1 UNondumiso A Indaba isesicongweni 6.6.2 Indikimba B Umngani kaThenjiwe 6.6.3 Isixakaxaka C OwakwaMondise 6.6.4 USipho D Isiko nelungelo (4 x 1) (4) 6.7 Bhala umehluko phakathi komdlalo ofundwayo nomdlalo weshashalazi. (2) 6.8 Chaza iqhaza elibanjwe ngumlingiswa uMaNzuza kulo mdlalo. Bhala amaphuzu AMATHATHU. (3) 6.9 Kwaba namuphi umthelela omuhle emndenini wakwaMondise ukuvuma kukaThenjiwe ukungenwa nguDumisani? Sekela impendulo yakho ngamaphuzu AMABILI. (2) 6.10 Phawula ngokubaluleka kokubambisana kwabalingani (abazali babantu abashadene) ubhekise kulo mdlalo. Bhala amaphuzu AMABILI. (2) ISIQESHANA L SIPHO: Ngabona ukuthi ngizokwandisela izinkinga. Ukuba kuya ngami ngabe ngithi mgane uDumisani lowo. THENJIWE: Kahle Sipho bo. Sekwenzenjani futhi. SIPHO: Kwathiwa ngiyophuma uma seniganene. THENJIWE: Kanti awuboshelwe lona icala lakho owalenza. Kwakwenzelwa ukuba 5 ngigane uDumisani? SIPHO: Ngendlela engihlezi kabuhlungu ngayo lapha mngani wami, impela shintsha umqondo. Mhlawumbe uthando lukaDumisani luzobuye luvele. THENJIWE: Ngeke Sipho. Ngeke. Uyazi esikhundleni sokuba kuqale uthando lukaDumisani uya ngokuba eba yisitha. Ngizogcina ngimenzakalisile. 10 SIPHO: Uthanda ngidilikelwe yijele? THENJIWE: Cha. Uyazi inhliziyo yami ibuhlungu kabi njengoba ulapha nje. Ukuba kukhona engingakwenza ukuze uphume ngabe ngiyakwenza. SIPHO: Gana uDumisani phela. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 22 DBE/UNhlaba/UNhlangulana 2024 SC/NSC Confidential THENJIWE: Sengicabanga ukuvele ngimbulale uDumisani Sipho. Awuqali 15 ukungifikela lo mqondo. SIPHO: Cha! Cha! Cha! Ungalokothi. Ufuna ukuzozwa lolu sizi engiluzwayo. Ngeke ulumele. THENJIWE: Kusizani ngoba uDumisani wenza impilo yami ibe buhlungu emhlabeni. SIPHO: Ngifisa sengathi kungakhona into eshintsha inhliziyo yakho, uzwe 20 usumthanda uDumisani. THENJIWE: Khohlwa yilokho, akusoze kwenzeka. Ngihlushwa ukungabi namali, bengizofuna ummeli liqalwe phansi leli cala. SIPHO: Sisodwa isixazululo saleli cala, yikho ukuba ugane uDumisani. Ukuba ngangazi nami ngabe angisizanga mngani. 25 IPHOYISA: (Limemeza) Phelile sikhathi!! 6.11 Bakuphi oThenjiwe noSipho njengoba bexoxa nje? (1) 6.12 Fingqa ngamaphuzu AMATHATHU udweshu lwangaphandle olwaba khona ngosuku uDumisani ahlangana ngalo noThenjiwe ehamba noSipho. (3) 6.13 Chaza iqhaza elibanjwe imiyalelo yokwenzeka enkundleni (stage directions) kulesi siqeshana somdlalo. Bhala iphuzu ELILODWA. (2) 6.14 Ukuthethwa kwecala likaSipho uThenjiwe engazi kwaba namuphi umthelela? Bhala iphuzu ELILODWA. (2) 6.15 Chaza uvuthondaba lwalo mdlalo ngephuzu ELILODWA. (2) 6.16 Uyavumelana yini nokuthi ukungena kukaNondumiso ezindabeni zakwaZungu kwakuyisenzo esimveza njengomlingiswa ongahloniphi? Sekela impendulo yakho ngamaphuzu AMABILI. (2) 6.17 Ukuba wawunikwe ithuba lokuba nguMaMbatha, yiziphi izinto EZINTATHU owawungazenza ngendlela eyehlukile? (3) [35] AMAMAKI ESIQEPHU B: 35 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 23 DBE/UNhlaba/UNhlangulana 2024 SC/NSC Confidential ISIQEPHU C: IZINDABA EZIMFUSHANE Kulesi siqephu, imibuzo ibuzwe kulezi zindaba ezimfushane ezilandelayo:  'Wakubona Wakubeletha' ebhalwe nguMT Mkhize  'Uxolo' ebhalwe nguSicelo Zimema UMBUZO 7: IZINYEMBEZI ZOTHANDO – DBZ Ntuli Funda lezi ziqeshana ezilandelayo ezitonyulwe ezindabeni ezimfushane ezimbili bese uphendula imibuzo ehlelwe esiqeshini ngasinye. Inani lamamaki elabelwe umbuzo ngamunye lisebenza njengomhlahlandlela wobude bempendulo. QAPHELA: Phendula imibuzo ehlelwe kuzona zombili iziqeshana, okungukuthi UMBUZO 7.1 NOMBUZO 7.2. 7.1 'WAKUBONA WAKUBELETHA – MT Mkhize ISIQESHANA M 'Impela angiboni ukuthi ngangingamkhohlwa kanjani umuntu ofana noCele empilweni yami Mnumzane Mbonambi,' kusho uBekezela ezama ukukhanyisela owezenhlalakahle, eqhubeka ethi: 'Kwathi nalapho sengimfica esitaladini uCele engasento yalutho ngambuza ngathi ngabe yini, kwenzekani kuyena aze abe njeyaya. Igama angiphendula ngalo wathi ingoba 5 wayephanise kakhulu kubantu ngemali nangokunye abe ekuphiwe nguNkulunkulu. Lawo magama kaCele angihlaba. Yiwona futhi aze adala nokuba ngimsize lapho sengimbona ewa ephelelwa ngamandla ngoba ngangazi ukuthi nami ngingomunye walabo ababa nesandla ekufadalaleni komnotho wakhe.' 10 'Impela ngiyayizwa indaba yokutholana kwakho noCele Mnumzane Zulu. Kodwa lapho umphenya wathi umndeni wakhe ukuphi?' kubuza uMbonambi. 'Yize noma kwakungasezwakali kahle lapho uCele ekhuluma, kodwa sengathi wathi umndeni wakhe wadukelana nawo ngenkathi esesibhedlela elimele njengoba isitolo namabhasi akhe kwabe kungasekho.' 15 'Wathi uma ekutshela wathi uhlala kuphi lapho elala khona?' 'Wangitshela ukuthi wendlala amaphepha aqinile phansi alale kuwona kanye nabanye eceleni komgwaqo nangasesiteshini sesitimela.' 'Ukuphuza utshwala noma izidakamizwa lokhu wayevele ekwenza?' 'Ekumazini kwami wayengaphuzi, futhi engabhemi.' 20 'Kuyinkinga-ke lokho ngoba odokotela abahlole isidumbu sakhe bathe okumbulele ngukuphuza kakhulu izipirithi, kanye nendlala.' kusho uMbonambi. 7.1.1 Ngokwalesi siqeshana uBekezela wamfica kuphi uCele? (1) 7.1.2 Yisiphi isizathu esisemqoka esenza uZulu asize uCele? (1) 7.1.3 Tomula ibinzana lamagama asitshela ukuthi uBekezela washaywa unembeza uma ezwa amagama ashiwo nguCele. (1) 7.1.4 Bhala OKUBILI okwakuyingxenye yomnotho kaCele. (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 24 DBE/UNhlaba/UNhlangulana 2024 SC/NSC Confidential 7.1.5 Chaza isingeniso sale ndaba emfushane. Bhala amaphuzu AMABILI. (2) 7.1.6 Isaga esithi: 'Izandla ziyagezana.' siyahambelana nalokhu okwenzeka kule ndaba? Sekela impendulo yakho. (2) 7.1.7 Yisiphi isifundo esitholakala kule ndaba? (2) 7.1.8 Indikimba yale ndaba ubuntu. Sekela lesi sitatimende ngamaphuzu AMABILI. (2) 7.1.9 Ukuba wena wawunguMaKhumalo, unkosikazi kaCele, wawuzomeseka yini umyeni wakho uma ethatha isinqumo sokungcwaba umuntu angazalani naye? Bhala amaphuzu AMABILI. (2) 7.1.10 Ngokwakho ukubona lokhu okwenziwa umndeni kaCele kungenzeka yini empilweni yangempela? Sekela impendulo yakho ngamaphuzu AMABILI. (2) KANYE 7.2 'UXOLO' – Sicelo Zimema Funda lesi siqeshana esingezansi bese uphendula imibuzo ezolandela. ISIQESHANA N Base bezame kaninginingi ukumsoconga uS'kebhe kodwa behluleka. Wayekhona naye uMtolo ngenkathi kuboshwa lelo tulo lokubulala uS'kebhe. Okusho ukuthi yayiziqinise okwangempela le ndoda. Abafo babejika bengakasondeli nakusondela kuyona. Kwathi emva kokuba sebezishisile izimoto zikaS'kebhe, wanyamalala 5 izinsukwana, wangaziwa ukuthi washona kuphi. Kwathi emva kwezinsuku ezine enyamalele, oMtolo nabanye osomatekisi babona into ababengakaze bayibone. Bayibona ngovivi, khona elenke. Bathi sebethi bazoqala umsebenzi njengokwejwayelekile, badideka amakhanda lapho befica kulengiswe izinkukhu ezimnyama kulezi zigxobo ezinamagama ezindawo 10 lapho izimoto zilayishela khona. Zonke lezi zinkukhu zibukeka zingabulawanga ngokunqunywa kodwa kusobala ukuthi zibulawe ngokujijwa imiqala. Zonke zimnyama. Njengoba imizila iyisikhombisa nje kuleli lenke, nazo izinkukhu ziyilelo nani. Zikleliswe njengamafolosi lapha ngasekuphumeni kwelenke. Umuntu ozogibela, uzithela kuzo izinkukhu lezi, 15 zilengela phezu kwekhanda lakhe. Kwabonakala amadoda ehlangana ngamakhanda. Kwakuyinto engakaze ibonakale, ingqayizivele uqobo lwayo. Bonke bavumelana ngokuthi kwabe kuwumuthi lowo. Umuthi omubi. Kwadingeka ukuthi leyo naleyo ndoda izibheke amacala, izifune. Amadoda avumelana ngokuthi kufanele zehliswe 20 izinkukhu lezo, ziyolahlwa. Baqala badidizela kodwa bagcina ngakho ukuzehlisa. Baqhubeka nokusebenza njengokwejwayelekile. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 25 DBE/UNhlaba/UNhlangulana 2024 SC/NSC Confidential 7.2.1 Ubani lo okuthiwa wayekhona kuboshwa itulo lokubulala uS'kebhe? (1) 7.2.2 Yini eyayenza behluleke ukusoconga uS'kebhe laba bafo okukhulunywa ngabo kulesi siqeshana? (1) 7.2.3 Khetha impendulo eyodwa kulezi ezilandelayo: Igama elibhalwe ngokugqamile kulo musho lichaza ukuthi: 'Bayibona ngovivi, khona elenke': A Ebusuku kakhulu B Ekuseni kakhulu C Emini bebade D Ntambama (1) 7.2.4 Chaza kafushane okwenzeka elenke ngalolu suku. Bhala amaphuzu AMABILI. (2) 7.2.5 Chaza kafushane ngemicabango kaMtolo ngesikhathi uS'kebhe esangene kwelinye ikamelo. Bhala iphuzu ELILODWA. (2) 7.2.6 Kwenzekani kuS'kebhe ngemuva kokushiselwa amatekisi akhe? Bhala amaphuzu AMABILI. (2) 7.2.7 Izenzo zomlingiswa onguS'kebhe zimveza njengomuntu onjani? Bhala amaphuzu AMABILI. (2) 7.2.8 Abanye abantu basembonini yamatekisi banomona. Sekela lesi sitatimende ngamaphuzu AMABILI. (2) 7.2.9 Isihloko sale ndaba siyahambelana yini nokwenzeka endabeni yonke? Sekela impendulo yakho ngamaphuzu AMABILI. (2) 7.2.10 Uyazwelana yini nomlingiswa onguMtolo kule ndaba? Sekela impendulo yakho ngamaphuzu AMATHATHU. (3) AMAMAKI ESIQEPHU C: 35 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 26 DBE/UNhlaba/UNhlangulana 2024 SC/NSC Confidential ISIQEPHU D: IZINKONDLO Kulesi siqephu, imibuzo ibuzwe kulezi zinkondlo ezilandelayo:  'Izimomondiya' ebhalwe nguZB Gama  'Komile Geqe' ebhalwe nguLMMS Madondo QAPHELA: Phendula imibuzo ebuzwe kuzona zombili izinkondlo, okungukuthi UMBUZO 8.1 NOMBUZO 8.2. UMBUZO 8: AMAHLOKOHLOKO/IZINKWAZI ZOTHUKELA – EJ Mhlanga no JJ Thwala 8.1 Funda inkondlo engezansi bese uphendula imibuzo ezolandela. IZIMOMONDIYA – ZB Gama 1 Ngizibonile ezinhle kakhulu 2 Amalamb' edlile uqobo, 3 Omashayela phezulu boqobo, 4 Ngisho amankisimane ansundu 5 Akhuluma asikhiphe ngamakhala, 6 Izintombi zendlu empisholo. 7 Amakhanda agcwele ayachichima, 8 Ulwazi lobuchwepheshe besimanje, 9 Izimomondiya ezisebenza zihlezi, 10 Yeka iminwe ukuchofoza, 11 Iminwe egijima iye le, 12 Ibuye emuva, iye phambili. 13 Amehlo agqolozele ibhokisi, 14 Iminwe ichofoza amathambo, 15 Ngisho amathambo amhlophe, 16 Agqize ngomnyama umbala, 17 Okomfaniswano wezingane zesikole 18 Zigxumagxuma emabaleni. 19 Ngiyaseshwama isimangaliso seminwe 20 Egidagida phezu kwamathambo, 21 Ngisho amathambo amhlophe 22 Ibhale umyalezo wansondo 23 Yeka ubuciko bekhompuyutha, 24 Ubuciko bondlebe zikhanya ilanga. 25 Angiwubonaze umshini oyisimangaliso, 26 Umshini okhuluma buthule, 27 Umshini obuza buthule, 28 Yisimangaliso lesi sakobelungu. 29 Esifinyeza umsebenzi omkhulu 30 Isimangaliso ubaba nomama. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 27 DBE/UNhlaba/UNhlangulana 2024 SC/NSC Confidential 8.1.1 Tomula imigqa EMIBILI evulekile esitanzeni sokuqala. (2) 8.1.2 Yiliphi ibinzana elisenkondlweni elisho abelungu? (1) 8.1.3 Fingqa umqondo osobala wale nkondlo ubhekise esitanzeni sesi-2. Bhala amaphuzu AMABILI. (2) 8.1.4 Caphuna umugqa oyisizura/isikhawu esitanzeni sesi-2? (2) 8.1.5 Yini le ebizwa ngebhokisi kule nkondlo? (1) 8.1.6 Tomula umugqa oyisifaniso otholakala esitanzeni sesi-3. (2) 8.1.7 Chaza isigqi sale nkondlo. (2) 8.1.8 Uyavuma yini ukuthi le nkondlo inomoya wokuncoma? Sekela impendulo yakho ngephuzu ELILODWA. (2) 8.1.9 Tomula imigqa EMIBILI enokuxhumana okutholakala esitanzeni sesi-5, dwebela amagama aveza ukuxhumana bese usho ukuthi luhlobo luni lokuxhumana. (2) 8.1.10 Uthini umyalezo wale nkondlo? (2) KANYE Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 28 DBE/UNhlaba/UNhlangulana 2024 SC/NSC Confidential 8.2 Funda inkondlo engezansi bese uphendula imibuzo ezolandela. KOMILE GEQE – LMMS Madondo 1 Kungathi yiminyakanyaka, 2 Imvelo ithule ayithi nyaka, 3 Ugagane ungafunga lomile, 4 Isanqawe sikubingelela ngameva 5 Usondela ukusondeza ngameva 6 Konke kuthule kuthule cwaka. 7 Izinkomo yizimbanjana zimbuncene, 8 Kushayana amadolo ziqothukile, 9 Ukutanasa nokudishazela kuphelile, 10 Ukubhonsa nokubhonga kunyamalele, 11 Imvelo ilele notshani buhambile 12 Konke kwemukile kusikekile, 13 Inkemane imile iphango libhokile. 14 Amaxoxo anyamalele kuthule cwaka 15 Izinhlanzi ungafa yizo kuphele ukugxuma, 16 Imfundamakhwela ayibonwa umdwebo do, 17 Ujekamanzi uzichome obhukwini wangena shi, 18 Abakonyoka bahulazele bayobhaca, 19 Isiziba sibe wubindiza some nke. 20 Yisikhathi esinzima sendlala 21 Indlala engahambi kuhamba inala, 22 Ukudansazela ngezisukazi ezicwebezelayo, 23 Kuphelile izisu zambaqana zasha, 24 Konke ngathi akuseyukubuya, 25 Usuku lude ngayiminyaka. 26 Ubingelelwa yimifantukazi eminkenke, 27 Umtshuzo wabafana bezinkomo uphelile, 28 Amandambi ajokole abuyela emafini, 29 Inyanga iyidedele imvula eyimumethe. 30 Ungqoqwane ugqogqe ngekhaza 31 Lwagqogqeka lonke uhlaza. 8.2.1 Bhala amagama ezihlahla EZIMBILI ezitholakala esitanzeni soku-1. (2) 8.2.2 Hlobo luni lwenkondlo lolu? Sekela impendulo yakho. (2) 8.2.3 Tomula igama lesilwane esisetshenziswe esitanzeni sesi-2. (1) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P2 29 DBE/UNhlaba/UNhlangulana 2024 SC/NSC Confidential 8.2.4 Khetha impendulo eyodwa kulezi ezilandelayo: Igama elibhalwe ngokugqamile kulo mugqa lichaza ukuthi: 'Inkemane imile iphango libhokile': A Inkonyane B Idili C Indlala D Inala (1) 8.2.5 Yini inhloso yembongi yokusebenzisa isenzukuthi emgqeni we-14? (2) 8.2.6 Ithini indikimba yale nkondlo? Sekela impendulo yakho ngephuzu ELILODWA. (2) 8.2.7 Ngokwale nkondlo yini eyayenza ukuthi ukubhonsa nokubhonga kwezinkomo kuphele? (2) 8.2.8 Ngokucabanga kwakho yiziphi izinto ezingavelela abafana ababhukuda emanzini angcolile. Bhala izinto EZINTATHU. (3) 8.2.9 Imbongi isikhethe kahle isihloko sale nkondlo. Sekela impendulo yakho ngephuzu ELILODWA. (2) AMAMAKI ESIQEPHU D: 35 AMAMAKI ESEWONKE: 70 Akuvumelekile ukukopisha leli phepha