Sesotho HL P3 Feb March 2018 hlayiso.com

Downloaded from hlayiso.com NATIONAL SENIOR CERTIFICATE KEREITE YA 12 SESOTHO PUO YA LAPENG (HL) PAMPIRI YA BORARO (P3) HLAKOLA/TLHAKUBELE 2018 PUDUNGWANA 2017 MATSHWAO: 100 NAKO: Dihora tse 2½ Pampiri ena e na le maqephe a 5. Difuperweng tsa pampiri ena di se sebediswe ntle ho tumello Phetla

Downloaded from hlayiso.com Sesotho Puo ya Lapeng (HL)/P3 2 DBE/Hlakola–Tlhakubele 2018 NSC DITAELO LE DIKELETSO HO MOHLAHLOBUWA 1. Pampiri ena e arotswe DIKAROLO TSE PEDI: KAROLO YA A: Moqoqo (50) KAROLO YA B: Ditema tsa Kgokahano tse 2 (2 x 25) (50) ELA HLOKO: O lebelletswe ho araba dipotso TSE PEDI KAROLONG YA B. 2. Araba potso E LE NNGWE KAROLONG YA A, dipotso TSE PEDI KAROLONG YA B. 3. Araba dipotso TSOHLE ka Sesotho. 4. Qala KAROLO E NNGWE le E NNGWE leqepheng LE LETJHA. 5. Etsa moralo wa tema e nngwe le e nngwe (ka ho etsa mmapa wa monahano/ daekramo/tjhate e bontshang tatelano ya mehopolo kapa lenane la dintlha tseo o tlang ho ngola ka tsona). Ha o qetile ho ngola tema ya hao, e bale hape ho hlaola diphoso. Meralo e hlahiswe QALONG ya tema ka nngwe. 6. Meralo yohle e totobatswe ka tshwanelo hore ke meralo. O eletswa ho seha mela meralong yohle. 7. O eletswa ho sebedisa nako ka mokgwa ona: KAROLO YA A: Metsotso e le 80 KAROLO YA B: Metsotso e le 35 tema ka nngwe (70) (2 x 35) 8. Nomora dikarabo tsa hao jwalo ka ha dipotso di nomorilwe pampiring ya dipotso. 9. Sehlooho se se ke sa balellwa e le karolo ya palo ya mantswe. 10. Ngola ka mongolo o makgethe mme o balehang. Difuperweng tsa pampiri ena di se sebediswe ntle ho tumello Phetla

Downloaded from hlayiso.com Sesotho Puo ya Lapeng (HL)/P3 3 DBE/Hlakola–Tlhakubele 2018 NSC KAROLO YA A: MOQOQO POTSO YA 1 Kgetha sehlooho kapa setshwantsho SE LE SENG, mme o ngole moqoqo wa bolelele ba mantswe a 400 ho isa ho a 450 (dikahare feela). Hopola ho etsa moralo le ho hlaola diphoso. 1.1 Ka tla ka ipitsetsa mokgokakgwale! [50] 1.2 Kabo ya mobu e ka rarollwa ke mmuso le setjhaba ka kopanelo. [50] 1.3 Lehlabula le monate empa hape le na le mathata a lona. [50] 1.4 'Ha o bua le motho ka puo ya hae eo a e utlwisisang, o kgona ho finyella botebong ba pelo ya hae.' (Nelson Mandela) [50] 1.5 Ha se meetlo yohle e amohelehang matsatsing a kajeno. Dumellana kapa o hanane le mohopolo ona. [50] 1.6 Metsi ke mohlodi wa bophelo. [50] 1.7 Ditshwantsho tse latelang di ka qholotsa mehopolo e itseng maikutlong a hao. Kgetha SE LE SENG mme o ngole moqoqo ka mohopolo wa sehlooho o qholotswang ke setshwantsho. Ngola nomoro ya potso (1.7.1 KAPA 1.7.2) eo o e kgethang, mme o iqapele sehlooho sa hao. 1.7.1 [Setshwantsho se qotsitswe bukeng ya Empowering Teen Girls, Awereness Publishing, K Zager le A Rubenstein, 2009:60] [50] Difuperweng tsa pampiri ena di se sebediswe ntle ho tumello Phetla

Downloaded from hlayiso.com Sesotho Puo ya Lapeng (HL)/P3 4 DBE/Hlakola–Tlhakubele 2018 NSC 1.7.2 [Setshwantsho se qotsitswe makasineng wa Isolezwe, Mmesa 2016:18] [50] MATSHWAO OHLE A KAROLO YA A: 50 Difuperweng tsa pampiri ena di se sebediswe ntle ho tumello Phetla

Downloaded from hlayiso.com Sesotho Puo ya Lapeng (HL)/P3 5 DBE/Hlakola–Tlhakubele 2018 NSC KAROLO YA B: DITEMA TSA KGOKAHANO POTSO YA 2 Kgetha mme o ngole tema TSE PEDI tsa bolelele ba mantswe a 180 ho isa ho a 200 (dikahare feela) tema ka nngwe. Hopola ho etsa moralo temeng e nngwe le e nngwe, mme o be o boele o lekole tema ya hao botjha ho hlaola diphoso. 2.1 LENGOLO LA SEMMUSO Batswadi ba hao ba sa tswa amohela setatemente sa motlakase. O elellwa hore ho na le phoso e kgolo mokitlaneng oo. Ngolla mmasepala lengolo bitsong la motswadi wa hao, moo o lemosang ba ha mmasepala ka phoso eo. [25] 2.2 PUO Mokgatlo wa batjha wa motse wa heno o o memme ho ba sebui sa letsatsi ho tla eletsa setjhaba mabapi le tlhekefetso ya basadi le bana. Ngola puo ya hao ya letsatsi leo. [25] 2.3 TEKOLOKAKARETSO Ngola tekolokakaretso ya setshwantsho sa baesekopo (filimi) se o kgahlileng haholo hobane se entswe hona mona Afrika Borwa. [25] 2.4 LENGOLO LE YANG KORANTENG Ngolla mohlophisi wa koranta ya selehae mme o eletse setjhaba ka seabo seo batjha ba ka bang le sona mabapi le ho thibela botlokotsebe ba ho thuba malapeng motsheare ha ho uwe mosebetsing. [25] 2.5 PUISANO Motswalle wa hao o sa tswa fumana lengolo la ho kganna mme o batla ho tlohela sekolo a ile ho kgannela rakgwebo e mong ya mo tshepisitseng mahodimo le lefatshe. Ngola puisano ya hao le yena moo o lekang ho fetola maikutlo a hae. [25] 2.6 NALANE YA TSA BOPHELO BA MOFU Ngola nalane ya tsa bophelo ba mofu eo e leng e mong wa leloko ya seng a le siile. [25] MATSHWAO OHLE A KAROLO YA B: 50 MATSHWAO OHLE A PAMPIRI ENA: 100 Difuperweng tsa pampiri ena di se sebediswe ntle ho tumello