Setswana HL Grade 12 P3 NSC Supplementary 2016 QP

Downloaded from hlayiso.com NATIONAL SENIOR CERTIFICATE MOPHATO 12 SETSWANA PUO YA GAE (HL) PAMPIRI YA BORARO (P3) TLHAKOLE/MOPITLWE 2016 MADUO: 100 NAKO: Diura di le 2½ Pampiri e, e na le ditsebe di le 6. Kwalololo e ileditswe Phetla

Downloaded from hlayiso.com Setswana Puo ya Gae (HL)/P3 2 DBE/Tlhakole–Mopitlwe 2016 NSC DITAELO LE TSHEDIMOSETSO 1. Pampiri e, e arogantswe ka DIKAROLO di le PEDI. KAROLO A: Tlhamo (50) KAROLO B: Ditlhangwa tsa tirisano (2 x 25) (50) ELA TLHOKO: O tshwanetse go araba dipotso di le PEDI go tswa mo KAROLONG YA B. 2. Araba potso e le NNGWE go tswa mo go KAROLO A le di le PEDI go tswa mo go KAROLO B. 3. Kwala ka puo e o tlhatlhobiwang ka yona. 4. Simolola KAROLO NNGWE le NNGWE mo tsebeng e NTŠHWA. 5. O tshwanetse go rulaganya (sk. letlhomeso la dikakanyo/lenaneopaakanyo/ mmapa wa dikakanyo/dintlhakgolo, jj), runa (tseleganya) o bo o tlhotlhe tiro ya gago diphoso. Thulaganyo e tshwanetse go tlhagelela PELE ga tlhamo. 6. Ipaakanyo kana setlhangwa sa ntlha se supiwe jalo ka botlalo. O gakololwa go thala mola go kgabaganya ipaakanyo kana setlhangwa sa ntlha. 7. O gakololwa go dirisa nako ya gago ka mokgwa o o latelang: KAROLO A: Metsotso e le 80 KAROLO B: Metsotso e le (2 x 35) 70 8. Nomora dikarabo ka nepagalo go latela thulaganyo ya dinomoro e e dirisitsweng mo pampiring ya dipotso. 9. O se ka wa tsenyeletsa setlhogo fa o bala mafoko. 10. Kwala ka mokwalo o o buisegang. Kwalololo e ileditswe Phetla

Downloaded from hlayiso.com Setswana Puo ya Gae (HL)/P3 3 DBE/Tlhakole–Mopitlwe 2016 NSC KAROLO YA A: TLHAMO POTSO 1 Kwala tlhamo ya boleele jwa mafoko a a ka nnang 400–450 ka NNGWE FELA ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo se se maleba. O se ka wa lebala go thala letlhomeso kana lenaneopaakanyo go tlhagisa setlhangwa sa ntlha le go se runa pele o kwala sa bofelo. 1.1 Letsatsi le bo seleng bo se na mahube. [50] 1.2 Ke ne ke ithaya ke re nako e santse e le teng … [50] 1.3 Kgololosego, boipelo jwa Maaforikaborwa. [50] 1.4 Rata segaeno, o se tlhoe sa ba bangwe. [50] 1.5 Go ithuta le go rutiwa ka puo ya ga mme go ka ungwela barutwana molemo. [50] 1.6 Ditshwantsho tse di mo ditsebeng 3 le 4 di ka tsosa maikutlo kgotsa tsibogo e e rileng. Tlhopha setshwantsho se le SENGWE, mme o kwale tlhamo ka ga sona. Neela tlhamo ya gago setlhogo se se maleba. Nomora potso ya gago go nna 1.6.1, 1.6.2 kgotsa 1.6.3. ELA TLHOKO: Setshwantsho se o se tlhophileng se tshwanetse go nyalana le diteng tsa tlhamo ya gago. 1.6.1 A METSHAMEKO E SIMOLOLE! [Daily News, 22 Motsheganong 2014] [50] Kwalololo e ileditswe Phetla

Downloaded from hlayiso.com Setswana Puo ya Gae (HL)/P3 4 DBE/Tlhakole–Mopitlwe 2016 NSC 1.6.2 [Inthanete] [50] 1.6.3 [Inthanete] [50] PALOGOTLHE YA KAROLO YA A: 50 Kwalololo e ileditswe Phetla

Downloaded from hlayiso.com Setswana Puo ya Gae (HL)/P3 5 DBE/Tlhakole–Mopitlwe 2016 NSC KAROLO YA B: DITLHANGWA TSA TIRISANO POTSO 2 Araba dipotso di le PEDI fela mo karolong e. Karabo e nne boleele jwa mafoko a a ka nnang 180–200 (diteng fela). O gakololwa go runa le go tlhotlha setlhangwa sa gago diphoso. 2.1 LEKWALO LA BOTSALANO Go na le ngwana mongwe mo sekolong sa lona yo o lemogileng fa a tswa kwa lelapeng le le humanegileng, mme a le botlhale. Kwalela malomaago yo e leng rrakgwebo o mo kopele tshegetso ya matlole. Mo neye mabaka a kopo ya gago. [25] 2.2 PUO E E SA TLHOMAMANG O ne o diretswe moletlo wa botsalo, balosika le ditsala ba phuthegile, ba buile. Jaanong ke tšhono ya gago go tsiboga le go tlhagisa puo ya gago. Kwala puo e e sa tlhomamang e o tlaa neelanang ka yona. [25] 2.3 LEKWALO LA SEMMUSO Jaaka mokhuduthamaga wa Lefapha la Temothuo, o tlhamile basari go duelela barutwana ba ba tlaa ithutelang bolemirui mo yunibesithing e e mo porofenseng ya lona. Kwalela yunibesithi o ba itsise ka ga letlole leo o bo o kope gore ba tlhame boithutedi jo bo tlaa thusang maikaelelo a go oketsa balemirui. [25] 2.4 DIPOTSOTHERISANO O digetse mophato wa marematlou ngwagatlola, mme ka ntlha ya maemo a ikonomi a kwa lapeng, o ne wa patelesega go ya go dira pele o ka tsweletsa dithuto tsa gago. O ne wa tsenela dipotsotherisano tsa bokwaledi kwa tleliniking e e gaufi le legae la gago pele o ka thapiwa. Kwala potsotherisano eo. [25] Kwalololo e ileditswe Phetla

Downloaded from hlayiso.com Setswana Puo ya Gae (HL)/P3 6 DBE/Tlhakole–Mopitlwe 2016 NSC 2.5 PEGELO E E SA TLHOMAMANG O ne o le kwa motshamekong wa kgwele ya dinao. Kwala pegelo ka tshegetso le lerato le o le itemogetseng mo balateding ba setlhopha sa lona sa kgwele ya dinao. [The New Age, 12 Phatwe 2014] [25] 2.6 LENANEOTEMA LE METSOTSO O ne o emetse Lekgotla la Kemedi ya Barutwana mo kopanong ya Lekgotlataolo la Sekolo e mo go yona go neng go buisanwa ka ga tshireletsego ya mo sekolong. Kwala lenaneotema le metsotso ya kopano eo. [Daily News, 22 Motsheganong 2014] [25] PALOGOTLHE YA KAROLO YA B: 50 PALOGOTLHE: 100 Kwalololo e ileditswe