Computer Applications Technology Grade 12 IEB P1 2018 QP (Afr)

Downloaded from hlayiso.com NASIONALE SENIOR SERTIFIKAAT-EKSAMEN NOVEMBER 2018 REKENAARTOEPASSINGSTEGNOLOGIE: VRAESTEL I Tyd: 3 uur 150 punte LEES ASSEBLIEF DIE VOLGENDE INSTRUKSIES NOUKEURIG DEUR 1. Hierdie vraestel bestaan uit 15 bladsye. Maak asseblief seker dat jou vraestel volledig is. 2. Die vraestel is verdeel in Afdeling A (25 punte), Afdeling B (75 punte) en Afdeling C (50 punte). 3. Beantwoord AL die vrae. 4. Nommer jou antwoorde presies soos hulle in die vraestel verskyn. 5. Nieprogrammeerbare sakrekenaars mag gebruik word. 6. Dit is in jou eie belang om leesbaar te skryf en jou werk netjies aan te bied. 7. Lees die vrae sorgvuldig. Let op die bewoording van die vrae, d.w.s. verduidelik, noem, kies, bespreek, identifiseer, ens. en beantwoord dan dienooreenkomstig. 8. Gee jou antwoorde in algemene terme. Gebruik handelsname slegs wanneer jy gevra word. Gebruik byvoorbeeld "woordverwerker" in plaas van "Microsoft Word" of "WordPerfect". 9. Gewoonlik word 'n punt per feit toegeken. 'n Tweepuntvraag sal dus twee feite vereis, ensovoorts. IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 2 van 15 AFDELING A VRAAG 1 1.1 Kies die korrekte woord(e) in Kolom B wat die definisie in Kolom A die BESTE beskryf. Skryf SLEGS die woord(e) van jou keuse langs elke vraagnommer neer. Kolom A Kolom B 1.1.1 'n Lêer wat deur 'n webbediener na 'n Inproptoestelle webblaaier gestuur word en gebruik word om jou aktiwiteite op 'n webwerf aan te teken. 1.1.2 'n Metode om randtoestelle met 'n rekenaar Windows Explorer te verbind waar toestelle in die rekenaar ingeprop word sonder om die rekenaar af te skakel. 1.1.3 Dit is 'n program wat gebruik word om die Klokspoed inhoud van jou rekenaar maklik te besigtig en jou lêers te bestuur. 1.1.4 Programme/sagteware op 'n slimfoon of Warmruiling tablet, byvoorbeeld kalender, word so genoem. 1.1.5 Bepaal hoe vinnig die SVE basiese Aanhegsel instruksies kan uitvoer. Internet Explorer Koekie Toeps Baudtempo Prop in en speel (5) 1.2 Kies die TOEPASLIKSTE antwoord op elke vraag. Skryf SLEGS die letter van jou keuse langs elke vraagnommer neer. 1.2.1 Watter een van die volgende stellings oor reklameware is ONWAAR? A Reklameware is sagteware wat veroorsaak dat ontwrigtende en ongewenste reklame/advertensies op jou rekenaar verskyn. B Reklameware kan slegs met die gebruiker se toestemming op 'n rekenaar geïnstalleer word. C Die installering van reklameware kan vrywillig wees in ruil vir 'n produk of diens. D 'n Vorm van boosware wat normaalweg bestaan uit opwip- en ander advertensies. (1) 1.2.2 Watter EEN van die volgende laat gebruikers toe om deur 'n draadlose verbinding soos Wi-Fi met 'n aanlyn internetbediener te verbind? A WAP B SSID C WISP D WIP (1) IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 3 van 15 1.2.3 Die "digitale kloof" verwys na … A die kloof tussen diegene wat maklik toegang tot rekenaars en die internet het en diegene wat dit nie het nie. B die gaping wat bestaan ten opsigte van die gehalte van die beeldelemente (pixels) op 'n monitor. C die vermoë om die verskillende tegnologie-opsies wat vir almal beskikbaar is, te verstaan. D 'n nuwe term wat gebruik word om die digitale wêreld van rekenaars te beskryf. (1) 1.2.4 Wanneer 'n wagwoord ingetik word, moet jy onthou dit is "kassensitief". Dit beteken dat … A al die letters met karakters en syfers gemeng moet wees. B die wagwoord bo- en onderkaskarakters moet bevat. C die letters in die wagwoord dieselfde kas moet hê as toe die wagwoord aanvanklik geskep is. D al die letters sensitief moet wees vir hoofletters. (1) 1.2.5 Watter een van die volgende terme pas NIE in die lys nie? A Officejet B Laserjet C Bpm D QWERTY (1) 1.2.6 Dit is 'n tipiese netwerk van rekenaars wat slegs toegang tot veilige kommunikasie binne 'n maatskappy toelaat. A Persoonlike Privaat Netwerk B Intranet C E-pos D Internet (1) 1.2.7 Wat kan 'n moontlike oplossing wees vir 'n blanko vertoon op die skerm wanneer 'n ander monitor met die stelseleenheid verbind word en dit nie die probleem oplos nie? A Installeer meer geheue. B Skrap alle tydelike lêers wat op die hardeskyf is. C Skakel die veiligemodusopsie ("safe-mode option") af. D Vervang die grafikakaart. (1) 1.2.8 'n USB-poort word gebruik om randtoestelle met 'n rekenaar te verbind. Indien jy 'n beperkte aantal USB-poorte het, kan jy 'n USB-_________ gebruik om die aantal poorte uit te brei. A spil B brug C verlengkabel D modem (1) IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 4 van 15 1.2.9 Watter EEN van die volgende stellings oor 'n brandmuur is WAAR? A 'n Brandmuur word nie benodig indien jy 'n internetverbinding het nie. B Kommunikasie tussen die rekenaar en die internet word deur die brandmuur gemonitor. C 'n Brandmuur laat iemand toe om onwettig toegang tot die rekenaar te verkry. D 'n Brandmuur moet daagliks bygewerk word om sagteware- roof te identifiseer wanneer jy op die internet is. (1) 1.2.10 Die beheerrekenaar in 'n veilige netwerk word 'n _______ genoem. A terminaal B gasheer C bediener D kliënt (1) [15] IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 5 van 15 VRAAG 2 2.1 Kies die TOEPASLIKSTE term (onderstreep en tussen hakies gegee) vir elke vraag wat volg. Skryf SLEGS die term van jou keuse langs elke vraagnommer neer. 2.1.1 'n (Indringer (hacker)/Kraker (cracker)) beskou ongemagtigde toegang tot 'n rekenaar of netwerk as 'n uitdaging. (1) 2.1.2 Die maksimum hoeveelheid data wat binne 'n bepaalde tydperk van een punt na 'n ander deur 'n kommunikasiekanaal versend kan word, word (breëband/bandwydte) genoem. (1) 2.1.3 (Valideringsreël/Valideringsteks) is die voorwaarde waaraan die data in 'n gespesifiseerde veld moet voldoen om geldig te wees. (1) 2.1.4 Die (COUNTIF()/SUMIF())-funksie tel die waardes wat in 'n aantal selle vervat is en wat aan 'n bepaalde voorwaarde of bepaalde kriteria voldoen, bymekaar. (1) 2.1.5 (Nutssagteware/Taakbestuurder) help die gebruiker om 'n rekenaar- stelsel te organiseer, in stand te hou en die doeltreffendheid daarvan te verbeter. (1) 2.1.6 (Bcc/Cc) laat 'n gebruiker toe om 'n kopie van 'n e-pos aan ander ontvangers te stuur met die volle medewete van die oorspronklike ontvanger. (1) 2.2 Gee 'n toepaslike definisie wat die volgende terme die BESTE sal beskryf: 2.2.1 Metadata (1) 2.2.2 CAPTCHA (1) 2.2.3 BIUS (1) 2.2.4 Produksleutel (1) [10] 25 punte IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 6 van 15 AFDELING B VRAAG 3 STELSELTEGNOLOGIEË 3.1 Identifiseer die item/toestel in die prente hieronder en voltooi die tabel volgens die instruksies. 3.1.1 3.1.2 3.1.3 3.1.4 Trek die volgende tabel in jou Antwoordboek. Skryf dan die naam van elkeen van die items/toestelle in die tweede kolom, gevolg deur sy hoof- funksie in die derde kolom. Vraagnommer Naam van Item/Toestel Hooffunksie 3.1.1 3.1.2 3.1.3 3.1.4 (8) IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 7 van 15 3.2 Wanneer 'n nuwe rekenaar gekoop word, is dit raadsaam om die video- verbindingspoorte wat beskikbaar is, te oorweeg. Die meeste rekenaars bied 'n VGA- en/of 'n HDMI-verbinding. 3.2.1 Watter een is die beste verbinding om te hê? (1) 3.2.2 Regverdig jou keuse in Vraag 3.2.1. (1) 3.3 Jy wil graag 'n paar lêers met 'n vriend deel en jy wil die lêers op 'n geheuestafie stoor. Daar is nie baie spasie op die geheuestafie nie en jy wil nie enige lêers skrap nie. 3.3.1 Verduidelik kortliks hoe jy al die lêers sal saampers om die lêers op die geheuestafie te kan inpas. (1) 3.3.2 Watter tipe lêer, afgesien van 'n PDF, druk nie werklik die lêers saam wanneer hierdie metode gebruik word nie? (1) 3.4 Brei die akronieme wat gegee word uit EN verduidelik hoe hierdie drie kritieke hardewarekomponente die werkverrigting van 'n rekenaar beïnvloed. 3.4.1 LSG (RAM) (2) 3.4.2 SVE (2) 3.4.3 SSD (2) 3.5 Jy wil skyfspasie beskikbaar maak en 'n voorstel is dat jy jou lêers argiveer aangesien rugsteuning van jou lêers nie dieselfde resultaat sal hê nie. 3.5.1 Verduidelik elke konsep wat hierbo in vetdruk gegee word. (2) 3.5.2 Gee EEN voorbeeld van elke konsep in vetdruk hierbo wat die verskil tussen die twee konsepte goed verduidelik. (2) [22] IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 8 van 15 VRAAG 4 INTERNET EN NETWERKTEGNOLOGIEË 4.1 Wanneer 'n internetverbinding gekies word, sal 'n organisasie moet oorweeg hoe om 'n rekenaar met die internet te verbind. 4.1.1 Beveel EEN sagtewareprogram aan wat oorweeg kan word wanneer organisasies wil hê hul werknemers moet toegang tot die internet verkry. (Moenie handelsname gebruik nie.) (1) 4.1.2 Beveel EEN noodsaaklike hardewaretoestel aan wat nodig is om die organisasie se rekenaars met die internet te verbind. (1) 4.2 Die organisasie sal skootrekenaars toelaat om deur 'n draadlose verbinding met sy netwerk te verbind. 4.2.1 Gee EEN voordeel van draadlose verbinding. (1) 4.2.2 Gee EEN nadeel van draadlose verbinding. (1) 4.3 Die eienaar van die organisasie oorweeg dit om van wolkverwerking gebruik te maak. Motiveer duidelik waarom jy óf teen óf vir die voorstel is deur TWEE redes te verskaf. (2) 4.4 Wanneer data "in die wolk" gestoor word, sal die organisasie gratis sagteware op die skootrekenaars moet installeer en dan by die wolk moet registreer. 4.4.1 Hoe sal die werknemers binne die maatskappy lêers deel en toegang daartoe verkry? (3) 4.4.2 Gee EEN HANDELSNAAM van 'n aanlyn bergingsdiens wat die organisasie kan gebruik. (1) 4.5 'n IDV kan draadlose of bedrade internettoegang verskaf. 4.5.1 Brei die akroniem "IDV" uit. (1) 4.5.2 Noem DRIE ander dienste wat deur 'n IDV aangebied kan word. (3) 4.5.3 Wat die verskillende tipes internetverbindings betref, sal die meeste organisasies 'n gevormde verbinding verkies. Verduidelik waarom dit die geval is en gebruik 'n voorbeeld om jou antwoord te motiveer. (4) [18] IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 9 van 15 VRAAG 5 INLIGTINGSBESTUUR Onvoldoende reënval en vinnig dalende damvlakke is die hoofredes waarom daar 'n droogte is in die Kaapstad-gebied. Om hierdie droogte te oorkom, moet almal saamwerk. Vlak 6B-waterbeperkings is sedert 1 Februarie 2018 van krag. Daar word van alle huishoudings verwag om nie meer as 50 liter per persoon per dag te verbruik nie en huishoudings wat meer as 10 500 liter water per maand verbruik, sal beboet word of waterbestuurtoestelle sal op hul eiendom geïnstalleer word. Die Stadsraad van Kaapstad sal watermeters gebruik om die verbruik van water te meet. 1 5.1 Jou huishouding het 'n bietjie navorsing gedoen en bevind dat FLUID volgens www.kickstarter.com die wêreld se eerste lerende watermeter is. Jy plaas die toestel eenvoudig om die hoofwaterpyp wat in jou huis inkom, prop dit in 'n kragbron in en verbind dit met jou Wi-Fi-netwerk. Jy sal dan intyds jou verbruik kan sien van enige verbinde toestel af. 5.1.1 Wanneer jy die toestel aktiveer, kan jy 'n lys van toestelle maak wat ten opsigte van waterverbruik in die huishouding geïdentifiseer moet word. Hierdie lys sal FLUID help om 'n bepaalde toestel te identifiseer elke keer wanneer dit gebruik word. Noem minstens EEN toestel wat geïdentifiseer kan word om te bepaal hoeveel water verbruik word. (1) 5.1.2 Die FLUID-toestel kan kennisgewings na jou slimfoon stuur. Watter soort kennisgewing sal jy verwag om te ontvang? Noem minstens TWEE tipes kennisgewings wat jou kan help om water te bespaar. (2) 5.2 Die FLUID-toestel sal jou in staat stel om meer bewus te raak van die hoeveelheid water wat jy verbruik. Wat hoop jy om te leer uit die data wat jy ingesamel het? Gee TWEE voorbeelde van data oor waterverbruik waarvan jy bewus gemaak kan word. (2) 1 [Bron: <www.capetown.gov.za>] IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 10 van 15 5.3 Die data word op jou rekenaar gestoor. Gee TWEE voorbeelde van watter nuttige inligting bereken kan word deur hierdie data te gebruik. Jy moet in jou antwoord na die scenario verwys. (2) 5.4 Jou huishouding probeer om water te bespaar en daarom kan die hou van 'n rekord van die data wat van jou FLUID-watermeter ontvang word, waardevol wees vir jou gesin en ook as bewys ingedien word by die Stadsraad van Kaapstad, indien hulle jou waterverbruik bevraagteken. 5.4.1 Watter soort toepassingsagteware sal jy gebruik om die data te verwerk? (1) 5.4.2 Gee EEN verduideliking vir jou keuse in Vraag 5.4.1. (1) [9] VRAAG 6 SOSIALE IMPLIKASIES Met die gebruik van tegnologie vandag is ons so gewoond daaraan om inligting met die druk van 'n knoppie te hê dat ons ons nie 'n lewe sonder tegnologie kan voorstel nie. 6.1 Argaïese media is 'n term wat geassosieer word met die gebruik van ou media (harde kopie, gedrukte koerante en tydskrifte). 6.1.1 Waarom raak argaïese media verouderd vergeleke met die digitale media wat beskikbaar is om inligting te ontvang? (2) 6.1.2 Die versyfering van media het 'n groot impak op die wêreld- gemeenskap gehad en het inligtingsoorlading veroorsaak. Gee DRIE maniere hoe mense inligtingsoorlading kan hanteer. (3) 6.2 Pinterest 2 is 'n web- en mobieletoepassingmaatskappy wat opgesom word as 'n "katalogus van idees". Dit is in 2010 bekend gestel en met meer as 70 miljoen gebruikers vandag, het Pinterest 'n taamlike indruk gemaak in die sosialeboekmerkwêreld. Verduidelik die verskil tussen sosiale boekmerk en sosiale netwerk wat deel vorm van sosiale media. (4) 6.3 Mense ontvang soms e-posse wat te goed lyk om waar te wees; byvoorbeeld dat hulle geld geërf het. Hulle word dan uitgelok om persoonlike inligting te verskaf. 6.3.1 Waarom word die algemene gesegde "as dit te goed lyk om waar te wees, dan is dit te goed om waar te wees" dikwels met strikroof (phishing) geassosieer? (1) 6.3.2 Gee 'n voorbeeld van 'n ander tegniek wat gebruik kan word om rekenaargebruikers se persoonlike inligting te verkry. (1) [11] 2 [Bron: <http://en.wikipedia.org/wiki/pinterest>] IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 11 van 15 VRAAG 7 OPLOSSINGSONTWIKKELING Die PAT-opdrag vorm deel van die RTT Skoolgebaseerde Assessering (portefeulje). Daar is 'n paar opsies wat jy kan gebruik om jou doel om jou inligting professioneel aan te bied, te bereik. Jy kom voor die volgende vrae te staan terwyl jy die opdrag entoesiasties afrond. 7.1 Jou onderwyser het 'n outomatiese inhoudsopgawebladsy aanbeveel. Elke keer wanneer jy 'n inhoudsopgawe probeer skep, verskyn die volgende boodskap: No table of contents entries found. 7.1.1 Jy weet jy het style gebruik. Wat kan dan die rede wees vir die boodskap hierbo en hoe kan jy die probleem oplos? (2) 7.1.2 Wanneer jy inligting in jou woordverwerkingsdokument kopieer en plak, word jy soms gedwing om die font en formaat te verander. Dit is 'n frustrasie en verspil tyd. Hoe kan dit voorkom word? (2) 7.2 Jy sal 'n spreitabelpakket gebruik om jou te help met 'n paar berekeninge in jou opdrag. Verwys na die spreitabelinligting hieronder. Skryf 'n moontlike formule/funksie neer wat gebruik is om die resultaat in kolom D3 te verkry. (4) 7.3 'n Databasistabel moet geskep word om die vaslegging van 'n kode te beperk. Gee die toevoermasker wat jy sal gebruik om die beperking volgens die volgende voorbeeld te bevredig: EB263rts. Hou in gedagte dat elke kode met 'n hoofletter E moet begin, gevolg deur nog 'n hoofletter, drie syfers en drie letters. (3) 7.4 Jy wil graag 'n skakel vertoon op 'n webblad wat jy ontwikkel sodat blaaiers die volgende veilige webwerf kan besoek: www.JusticeLeagueLounge.com. Watter HTML-kode sal jy skep om die gebruiker aan te moedig om op die skakel te klik om bogenoemde webblad te besoek? (4) [15] 75 punte IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 12 van 15 AFDELING C VRAAG 8 GEÏNTEGREERDE SCENARIO Cape Town Cycle Tour 2018 Plek: Kaapstad (11 Maart 2018) Bespreek 'n reispakket hier Cape Town Cycle Tour (voorheen bekend as die Cape Argus) is die grootste tydfietsrygebeurtenis in die wêreld en heel moontlik die skilderagtigste. Hierdie toonaangewende gebeurtenis lok elke jaar meer as 35 000 fietsryers van oor die wêreld heen en is beslis 'n unieke ervaring vir deelnemers sowel as toeskouers. Beide deelnemers en toeskouers moet vooruit akkommodasie bespreek vir hierdie gebeurtenis. 3 8.1 Die MyCapeTownStay.com-webwerf is Kaapstad se voorste aanlyn besprekingsdiens vir akkommodasie, restaurante, motorhuur, ens. Die hoof- uitvoerende beampte (HUB) van die maatskappy het gehoor dat 'n eweknie-tot-eweknie-netwerk IT-infrastruktuurkoste kan verlaag. 8.1.1 Definieer die term eweknie-tot-eweknie-netwerk. (2) 8.1.2 Wanneer jy 'n eweknie-tot-eweknie-netwerk opstel, is 'n toegewyde bediener nie nodig nie, aangesien die maatskappy van 'n wolkbediener sal gebruik maak. Noem TWEE verskille tussen 'n wolkbediener en 'n toegewyde bediener. (4) 3 [Bron: <www.mycapetownstay.com>] IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 13 van 15 8.2 Wanneer verblyf in 'n hotel deur MyCapeTownStay bespreek word, word alle gaste ingelig dat hulle van 'n RFID-toegangskaart gebruik sal maak. 8.2.1 Waarvoor staan die akroniem RFID? (1) 8.2.2 Beskryf kortliks hoe RFID-tegnologie werk. (2) 8.2.3 Hoe sal die RFID-kaart deur die gaste binne die hotelomgewing gebruik word? (1) 8.3 Die HUB van MyCapeTownStay wil graag maandelikse verslae ontvang oor hoe suksesvol hulle is en of hulle enige veranderinge moet aanbring aan hul webwerf of die manier waarop hulle as onderneming sake doen. 8.3.1 Die sekretaresse het 'n verslag in 'n woordverwerkingsdokument geskep. Die HUB is egter nie gelukkig met die spelling van die naam van een van die hotelle nie. Die hotel se naam is "Njalla" gespel en die korrekte spelling is "Njala". Hoe kan die sekretaresse dit regstel sonder om al 50 voorkomste oor te tik? (1) 8.3.2 Noem DRIE redes waarom dit raadsaam sal wees om in 'n maatskappyverslag van voetnote gebruik te maak. (3) 8.3.3 Nadat die verslag geskep is, stel die HUB voor dat die verslag in pdf-formaat geskep word. Noem TWEE voordele van die skep van 'n pdf-dokument afgesien daarvan om te verhoed dat iemand veranderinge aanbring. (2) 8.3.4 Hoe kan jy die woordverwerkingsdokument in 'n pdf-dokument omskakel? (1) 8.3.5 Brei die akroniem PDF uit. (1) 8.4 Toe die HUB die verslag lees, merk hy op dat hul webwerf redelik baie trefslae het. Waarna verwys die term trefslae? (1) 8.5 Mnr. Tony Stark wil vir die Cape Town Cycle Tour oefen om te verseker dat hy fiks en gereed is vir die uitdaging. Wanneer daar na oefentoeps vir fietsryers gesoek word, is een van die vanselfsprekendste toeps waarvan fietsryers dikwels vergeet, Google Maps. Mnr. Stark besluit om van hierdie toep gebruik te maak, aangesien Google Maps 'n mens toelaat om ryroetes op jou rekenaar te skep en hulle dan as GPS-lêers na jou fietsryrekenaartoestel uit te voer. 8.5.1 Wanneer mnr. Stark sy roete wil begin, werk die Google Maps-toep nie op sy fietsrytoestel nie. Gee TWEE moontlike oplossings om hierdie probleem op sy mobiele toestel reg te stel. (2) 8.5.2 Die "Cyclemeter"-fiksheidstoep benut die GPS-funksies om 'n magdom statistiek te skep om jou te help om jou fietsryprestasie te log en te verbeter. Noem TWEE moontlike statistieke wat jy hoop om te log om jou te help om jou prestasie te verbeter elke keer wanneer jy fietsry. (2) IEB Copyright © 2018 BLAAI ASSEBLIEF OM

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 14 van 15 8.5.3 Mnr. Stark het 'n aanhegsel afgelaai wat 'n nuwe fietsryprogram bevat, maar die lêer wil nie oopmaak nie. Bespreek TWEE moontlike redes vir hierdie fout. (2) 8.6 Die HUB van MyCapeTownStay het 'n opname binne die maatskappy gedoen en dit lyk asof daar 'n behoefte is aan tegnologie wat meer op datum is. Daar was 'n versoek om 2-in-1-toestelle in plaas van notaboeke te hê. Die volgende 2-in-1-toestel word oorweeg. Die gebruik van 'n Smart Hinge- ontwerp wat tot 170° beweging verskaf en die 11 uur-batterylewe is twee redes waarom hierdie toestel oorweeg word. ASUS Transformer Book (T102HA-GR044T) 10.1-duim raakskerm 2-in-1-skootrekenaar Tablet Intel Atom x5 Z8350 1.44 GHz/1.92 GHz Turbovierkernverwerker, 4 GG LSG, 64 GG eMMC, 1 280 × 800 skermresolusie, verwyderbare sleutelbord, Wi-Fi, Bluetooth 4.0, Windows 10 R10 500.00 8.6.1 Wat is die funksie van die turbovierkernverwerker? (2) 8.6.2 Brei die akronieme in 64 GG eMMC uit en verduidelik waarom die spesifikasie gegee is. (3) 8.7 Die HUB is verward oor die spesifikasie met betrekking tot die skerm. Verduidelik die volgende sleutelspesifikasies waarop gelet moet word wanneer enige vertoontoestel gekoop word, veral wanneer daar met beelde ens. gewerk word. 8.7.1 Kontrasverhouding (2) 8.7.2 Resolusie (2) 8.8 Waarom sal die werknemers 'n 2-in-1-toestel bo 'n notaboek verkies? In jou antwoord moet jy duidelik onderskei tussen 'n 2-in-1-toestel en 'n notaboek deur DRIE redes vir jou antwoord te gee. (3) 8.9 Bluetooth 4.0 het 'n groot impak gemaak op die mark vir persoonlike fiksheid en gesondheid en het vinnig die vroeëre weergawes van Bluetooth vervang. Gebruik geskikte voorbeelde en verduidelik hoe die protokol van die Bluetooth 4.0 verskil van die vroeëre weergawes van Bluetooth waaraan ons gewoond was. (4) 8.10 Gee EEN rede waarom die HUB graag eiendomsregtelike sagteware soos Microsoft Office sal wil gebruik in plaas van 'n gratis oopbron- sagtewarepakket soos OpenOffice. (1) IEB Copyright © 2018

Downloaded from hlayiso.com NASIONALE SENIOR SERTIFIKAAT: REKENAARTOEPASSINGSTEGNOLOGIE: VRAESTEL I Bladsy 15 van 15 8.11 Die HUB is bekommerd oor rekenaarvirusbesmettings en stel voor dat die 2-in-1-toestelle minstens een keer elke twee maande vir virusse geskandeer moet word. Gee TWEE redes wat jy sal gebruik om aan die HUB te verduidelik waarom dit nie 'n goeie beleid is om slegs een keer elke twee maande vir virusse te skandeer nie. (2) 8.12 Een van die werknemers word aangewys om geskikte materiaal op die internet te versamel vir gebruik wanneer besprekings gedoen word. 8.12.1 Om hierdie rede is 'n vraelys geskep en op die webwerf geplaas vir potensiële Cycle Race-deelnemers om te voltooi. Gee TWEE voordele daarvan om dit moontlik te maak om die vraelyste aanlyn te voltooi. (2) 8.12.2 Die werknemer het 'n paar vodcastings van potensiële hotelle gekry wat gebruik kan word om hotelle en plekke van belang in Kaapstad te bevorder. Verduidelik kortliks wat vodcasting is en hoe dit van podcasting verskil. (2) 8.13 Al die bestaande tafelrekenaars van MyCapeTownStay sal aan 'n klein beginonderneming geskenk word. Die HUB wil net seker maak dat hierdie onderneming tot groen verwerking verbind is. Beskryf kortliks waarna groen verwerking verwys. (2) 50 punte Totaal: 150 punte IEB Copyright © 2018