isiZulu FAL Grade 12 P1 NSC November 2025 Question Paper

Confidential NATIONAL SENIOR CERTIFICATE IBANGA LE-12 ISIZULU ULIMI LOKUQALA LOKWENGEZA (FAL) IPHEPHA LOKUQALA (P1) LWEZI 2025 AMAMAKI: 80 ISIKHATHI: Amahora ama-2 Leli phepha linamakhasi ayi-14. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 2 DBE/Lwezi 2025 NSC Confidential IMIYALELO KWABAHLOLWAYO 1. Leli phepha lehlukaniswe IZIQEPHU EZINTATHU: ISIQEPHU A: Isivivinyo sokuqondisisa (30) ISIQEPHU B: Ukufingqa (10) ISIQEPHU C: Uhlelo nokusetshenziswa kolimi (40) 2. Phendula YONKE imibuzo ekuleli phepha. 3. Qala ISIQEPHU NGASINYE ekhasini ELISHA. 4. Dweba umugqa emva KWESIQEPHU NGASINYE. 5. Bhala izinombolo zezimpendulo kahle ngendlela ezihlelwe ngayo kuleli phepha lemibuzo. 6. Shiya umugqa emva kombuzo ngamunye. 7. Qaphela upelomagama nokwakheka kwemisho. 8. Ungahlukanisa isikhathi obhala ngaso ngokwalezi ziqephu: ISIQEPHU A: Imizuzu engama-50 ISIQEPHU B: Imizuzu engama-20 ISIQEPHU C: Imizuzu engama-50 9. Bhala ngobunono nangesandla esifundekayo. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 3 DBE/Lwezi 2025 NSC Confidential ISIQEPHU A: ISIVIVINYO SOKUQONDISISA 2025 UMBUZO 1 1.1 Fundisisa UMBHALO A bese uphendula imibuzo ezolandela. UMBHALO A (OFUNDWAYO) UKUGUQUKA KWESIMO SEZULU 1 Ukukhuphuka kwezinga lezehlakalo ezimbi ezenziwa ukuguquka kwesimo sezulu kuthinta wonke umuntu. Ucwaningo lwesayensi luveza ukuthi izehlakalo zesimo sezulu eziyingozi yilezi zokukhuphuka kwamagagasi olwandle, ukushisa ngokweqile, izikhukhula, isichotho (hail) nesomiso. Amazwe omhlaba 5 ahlangabezana nezimo zezulu ezimbi ezahlukene. Ezinye zalezi zimo azikholakali, kuba sengathi into eyakhiwe ngabantu abathile. INingizimu-Afrika isibe ngelinye lamazwe asehlaselwe kakhulu yilezi zinguquko zesimo sezulu esibi. 2 Ngomhla wama-21 Septhemba 2024 izwe laseNingizimu-Afrika 10 lahlaselwa isimo sezulu esingajwayelekile. Lesi simo senzeka esifundazweni sakwaKwaZulu-Natal ngalolu suku lapho kwaba nesichotho esikhulu, kwakhithika iqhwa elesabekayo. Lokhu kwehla kweqhwa kwaletha imizwa ehlukene kubantu njengoba kwakuyinto abanye ababeqala ngqa ukuyibona bukhoma. Isikhungo 15 saseNingizimu-Afrika esisemthethweni esixwayisa ngesimo sezulu esiyingozi sasabalalisa imibiko emsakazweni, komabonakude ngisho nasezinkundleni zokuxhumana. Lokhu sakwenza ngaphambi kokuba isimo sezulu siguquke sibe sibi. 3 Umzila iVan Reenen's Park odlula ezintabeni zoKhahlamba 20 onemigwaqo emibili emikhulu u-N3 no-N11 wavalwa emva kokumbozwa amaqhwa amakhulu. Lona ngumzila osetshenziswa kakhulu phakathi kweTheku neGoli. Amaloli, amabhasi, izimoto ezincane, amatekisi nezakhiwo ezikule ndawo kwakumbozwe yiqhwa, kungabonakali. Amaloli ayethwele imikhiqizo nezimpahla 25 kwakunzima ukuba aqhubeke nohambo lwawo. Kwaphela amahora ayi-13 abantu abaficwe yilesi simo kulo mgwaqo bengalutholi usizo kulabo ababhekele izimo eziphuthumayo nezibucayi. Abantu babedinga amanzi nokudla. Abanye abashayeli bazama ukuphuma ezimotweni ukuze basize abantu ngalokho abangasiza ngakho. Lesi 30 simo sakhombisa ubuntu. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 4 DBE/Lwezi 2025 NSC Confidential 4 Abantu ababevaleleke eqhweni bazama ukuzitholela usizo. Abanye babelokhu bedumisa izimoto ukuze bathole ukufudumala nokushaja amafoni. Babethumela imiyalezo ezinkundleni zokuxhumana nasemisakazweni ukuze imindeni nemiphakathi yabo yazi ngalesi 35 simo abakusona. Abanye babefonela izintatheli ukuze udaba lwabo lusabalale/luhambe ngokushesha. Omunye wemiyalezo eyayizungeza kakhulu yilowo owathunyelwa uCalvin kuTwitter. Lo myalezo wenza abantu babhodla umlilo ngoba wayechaza ukuthi amaphoyisa omgwaqo awazange abatshele ngalesi simo ngenkathi 40 beyongena ku-N13. Abanye babekhala ngokuthi bahamba nezingane ezincane. Kunothisha owathumela umyalezo othi uhamba ngebhasi nabafundi manje sebephelelwe ukudla namanzi. 5 Isimo saqala ukwehla emini ngelanga elilandelayo. UMnyango wezokuThutha kuZwelonke wathumela umbutho wezokuvikela/ 45 amasosha aseNingizimu-Afrika ukuhlenga ababevalelekile. Basebenzisa ogandaganda ukususa iqhwa ukuze kuvuleke indlela. Ngebhadi kuningi okwase kwenzekile kusukela ngesikhathi abantu bevalelekile eqhweni kuze kube bathola usizo. Kwaba khona umuntu oyedwa owadlula emhlabeni. Abanye kwatholakala ukuthi 50 izinga lokushisa eliyisisekelo somzimba womuntu laselehlile, bagcina benehypothermia. Lesi yisimo sokugula esiyingozi esibangelwa ukuhluleka kokusebenza komzimba ukulawula ukushisa ngendlela efanele bese kuphela amanzi emzimbeni womuntu. Lokhu kwenza umzimba ulahlekelwe ukushisa 55 ngokushesha. Umuntu onehypothermia kudingeka aphuthunyiswe esibhedlela ngokushesha ngoba iyabulala. 6 Emva kwalesi simo isikhungo saseNingizimu-Afrika esisemthethweni esixwayisa ngesimo sezulu sakhipha imibiko yokusiza abantu uma bezithola bekulesi simo. Bathi kulesi simo 60 kumele wehlise umoya, ungathuki. Imoto kufanele uyidumise imizuzu eyi-10 kanye ngehora ukuze ufudumale. Amawindi uwavule kancane ukuze ungabulawa umoya wepayipi le-exhaust. Umzimba kudingeka ukuthi ulokhu uwunyakazisa, ulule nezinyawo. Beka ngaphezu kwemoto uphawu olusetshenziswayo uma imoto 65 inenkinga. Zigcine ufudumele futhi uphuze amanzi. 7 Abantu abakhe eduze nalezi zindawo ezazisenalo iqhwa babeya ukuyozibonela ngamehlo. Phela ukulibona kwakuyingqayizivele kubantu abaningi. Babejabulela ukwakha imifanekiso (statues) ngeqhwa okuyinto abagcina ngokuyibona komabonakude. 70 Kubalulekile ukuthi njengoba isimo sezulu siguquka zonke izinsuku, silalele izexwayiso ukuze siphephe. [Umbhalo osuselwe ocwaningweni wahunyushwa] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 5 DBE/Lwezi 2025 NSC Confidential 1.1.1 Nikeza izehlakalo EZIMBILI eziyingozi ezilethwa ukuguquka kwesimo sezulu ngokwesigaba soku-1. (2) 1.1.2 Yini isichotho? (1) 1.1.3 Khetha impendulo efanele kulezi ozinikiwe. Ubuntu buchaza ... A ukubanda kakhulu. B ukusizana kwabantu. C ukugula kwabantu. D ukuphuza amanzi. (1) 1.1.4 Yimiphi imizamo eyayenziwa abantu ababevalelekile ukuze bathole usizo? Bhala EMIBILI. (2) 1.1.5 Fingqa ngephuzu ELILODWA ukuthi yini ihypothermia. (2) 1.1.6 Yisiphi isizathu esisemqoka esasenza ukuthi kuphele amahora ayi-13 abantu bengalutholi usizo? (2) 1.1.7 Tomula umusho osesigabeni sesi-5 ositshela ukuthi omunye wababevalelekile washonela lapho. (2) 1.1.8 Chaza lezi zimo zokukhuluma ezibhalwe ngokugqamile njengoba zisetshenzisiwe kule misho elandelayo: (a) Umyalezo owathunyelwa uCalvin wenza abantu 'babhodla umlilo'. (2) (b) Phela ukubona iqhwa 'kwakuyingqayizivele kubantu abaningi'. (2) 1.1.9 Yibuphi ubufakazi obusendabeni obukhombisa ukuthi abanye abantu bakujabulela ukuwa kweqhwa? (2) 1.1.10 Yini okufanele yenziwe abantu bosizo lokuqala (paramedics) uma befika endaweni enalesi simo okukhulunywa ngaso endabeni? Bhala amaphuzu AMABILI. (2) 1.1.11 Ngokubona kwakho yibuphi ubungozi kwezomnotho obungadalwa ukuvaleleka kwamaloli ngenxa yalesi simo okukhulunywa ngaso endabeni? Bhala amaphuzu AMABILI. (2) 1.1.12 Uyavumelana yini nokuthi izixwayiso ezikhishwa isikhungo saseNingizimu-Afrika mayelana nesimo sezulu zisho into ezokwenzeka ngempela? Sekela impendulo yakho. (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 6 DBE/Lwezi 2025 NSC Confidential 1.2 Bukisisa UMBHALO B bese uphendula imibuzo ezolandela. UMBHALO B (OBUKWAYO) [Sicashunwe ku-www.doha.za] 1.2.1 Bhala izinhlobo EZIMBILI zabantu ezibonakala kulesi sithombe esingenhla. (2) 1.2.2 Sinjani isimo sezulu kule ndawo? Sekela impendulo yakho ngokubona esithombeni. (2) 1.2.3 Kubasiza ngani abantu abasesithombeni ukuxoxa ngenkathi besalinde ukungena ngaphakathi? Bhala amaphuzu AMABILI. (2) AMAMAKI ESIQEPHU A: 30 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 7 DBE/Lwezi 2025 NSC Confidential ISIQEPHU B: UKUFINGQA UMBUZO 2 Fundisisa UMBHALO C ongezansi bese uwufingqa ngamaphuzu ayi-7, ubhale ngezindlela ezingakhuphula ukuzethemba. IMIYALELO 1. Bhala ngemisho ephelele. Amagama angeqi/angadluli kwangama-60. 2. Imisho yakho mayibe nezinombolo kusukela kweyoku-1 kuya kweye-7. 3. Bhala iphuzu elilodwa emshweni ngamunye. 4. Ekugcineni kwamaphuzu wonke owabhalile, bhala inani lamagama owasebenzisile. UMBHALO C (OFUNDWAYO) IZINDLELA ZOKUKHUPHULA UKUZETHEMBA Kubalulekile ukuzethemba empilweni. Ukuzethemba kuletha amathuba amaningi angakwenza ukwazi ukuphila nabanye abantu. Kuyasiza ukuveza ikhono lento okade ungazi ukuthi unalo empilweni yakho. Lelo khono lingavusa namanye amakhono abefihlekile. Zikhona izindlela ezincomekayo zokusiza ukukhuphula izinga lokuzethemba. Abantu banomkhuba wokuzibukela phansi, bazibone bengafani nabanye. Kufanele uyeke ukuzigxeka indlela oyiyona. Wonke umuntu udalwe ngendlela yakhe engeke iphikiswe muntu. Kumele wamukela indlela odalwe ngayo. Uma uzizwa uphansi ngenxa yokwehlelwa ukuzethemba, phuma uyoshaywa umoya wenze izinto ezizokujabulisa njengokwenza umdlalo owuthandayo. Ezemidlalo zingabamba iqhaza elikhulu ezimpilweni zabantu. Izimpahla zokugqoka zineqhaza ezilibambayo ukuletha ukuzethemba kumuntu ngamunye. Uma umuntu egqoke kahle uba nomfutho, ahambele phezulu, angesabi lutho ngisho abantu bembuka. Lokhu kucacisa ukuthi usuke engenzeli ukujabulisa abanye abantu kodwa ukuzanelisa yena uqobo lwakhe. Kukhona izinto ezenzeka kudala empilweni yomuntu ezingadluli kalula. Lezi zinto zingenza lowo muntu azibukele phansi. Kubalulekile ukudlulisa izinto ezibuhlungu nezimbi esezenzeka ukuze ubuyise ukuzethemba. Izinkundla zokuxhumana zisithinta ngezindlela ezahlukene. Ukulalela nokubuka izinto ezakhayo ezinkundleni zokuxhumana kungaba yinzuzo kuwena. Ngaleyo ndlela ukuzethemba kwakho kuyakhuphuka. Ukusiza nokusizana kuyisenzo esihle esenza abantu bajabule ngaphakathi. Ukusiza abanye abantu ngaphandle kokulindela utho kungakwenza uzizwe ubalulekile futhi uzethemba. Abanye abadinge kubongwa, bajatshuliswa yikho ukusiza omunye umuntu kuphela. Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 8 DBE/Lwezi 2025 NSC Confidential Imfundo ayikhulelwa. Ukwandisa ulwazi ngokufunda kwenza umqondo uvuleke, ufunde izinto eziningi ezizokwenza ukwazi ukubhekana nawo wonke umuntu ngokuzethemba. Impela ukuzethemba kungumgogodla wesiqalo sempilo kodwa akudingeki ukwenze kuze kweqe. Khumbula phela ukuthi ukuzethemba uzakhela wena. [Indaba icashunwe ku-inthanethi yabe isihlelwa kabusha] AMAMAKI ESIQEPHU B: 10 Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 9 DBE/Lwezi 2025 NSC Confidential ISIQEPHU C: UHLELO NOKUSETSHENZISWA KOLIMI UMBUZO 3 Bukisisa UMBHALO D bese uphendula imibuzo ezolandela. UMBHALO D (OFUNDWAYO NOBUKWAYO) MNOTHO LAUNDRY SERVICES SIKWENZELA KUBE LULA! Umsebenzi ukubambe phansi? Awunaso isikhathi, thina sizokuwashela. Sikhona futhi asimbi eqolo.  Siwasha izingubo zokulala.  Siwasha izimpahla zokugqoka.  Siwasha amakhethini endlu abe masha sha.  Siyazilanda sizibuyise mahhala uma useduze. Sivula amahora angama-24 zonke izinsuku Sitholakala ku: 1225 Masikane Street ilondolo.service 067 123 4567 Stanger 4450 Imithetho nemibandela: Faka idiphozithi yama-50% ngaphambi kokuba siqale umsebenzi [Umbhalo wokuziqambela, izithombe googlepics] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 10 DBE/Lwezi 2025 NSC Confidential 3.1 Hlobo luni lwebhizinisi olukhangiswa kulesi sikhangiso? (1) 3.2 Bhala OKUBILI okwenziwa kuleli bhizinisi elikhangiswayo. (2) 3.3 Khetha impendulo efanele kulezi ozinikiwe, esho uhlobo lo musho olandelayo: Siwasha amakhethini endlu abe masha sha. A Umusho oncengayo B Umusho ochemile C Umusho okhohlisayo D Umusho ocwasayo (1) 3.4 Yimuphi umqondo ovezwa isakhi esibhalwe ngokugqamile emshweni olandelayo? Awunaso isikhathi, thina sizokuwashela? (2) 3.5 Tomula isiqubulo esitholakala kulesi sikhangiso. (2) 3.6 Ngokucabanga kwakho kungani imithetho nemibandela ibhalwe ngefonti encane kakhulu? Bhala iphuzu ELILODWA. (2) [10] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 11 DBE/Lwezi 2025 NSC Confidential UMBUZO 4 Bukisisa UMBHALO E bese uphendula imibuzo ezolandela. UMBHALO E (OFUNDWAYO NOBUKWAYO) Sipho mfwethu, Kahle Ayo, ubasi uyakubuka. ******************* awungizame. Thuli, uyabona ukuthi uthola Ngafa yindlala, isisu sishaya agcwele mfi nge-R10! umoya. We! Mame! USipho efunde kangaka usebenza la! (uMaCele ekhulumela ngaphakathi) [Sicashunwe ku-google cartoonpics, izinkulumo zokuziqambela] 4.1 Wenzani umuntu wesilisa ogibele evenini? (1) 4.2 Bhala isenzukuthi esikulo musho olandelayo bese usisebenzisa emshweni ozakhele wona. 'Thuli, uyabona ukuthi uthola agcwele mfi nge-R10!' (2) 4.3 Khetha impendulo efanele kulezi ozinikeziwe, echaza uhlobo lwesifenqo oluqukethwe yilo musho olandelayo: Ngafa yindlala, isisu sishaya umoya. A Isifenyiso B Isingathekiso C Isihlonipho D Ihaba (1) 4.4 Kungabe uqonde ukuthini u-Ayo uma ethi; 'Sipho mfwethu, awungizame'? (2) 4.5 Yimuphi umuzwa ovezwa imicabango kaMaCele? Sekela impendulo yakho. (2) 4.6 Phawula ngomyalezo odluliswa ikhathuni mayelana nempilo kaSipho. Bhala amaphuzu AMABILI. (2) [10] Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 12 DBE/Lwezi 2025 NSC Confidential UMBUZO 5 5.1 Fundisisa UMBHALO F bese uphendula imibuzo ezolandela. UMBHALO F (OFUNDWAYO) Abaholi bakhala ngokuziphatha kabi kwabafundi bakamatikuletsheni. Abazali bangabamba iqhaza ngokuyala izingane zabo. Abafundi baqhamuka nemikhuba emibi emva kokubhala izivivinyo. Baphuza emphakathini bese becekela phansi impahla yesikole. Badabula futhi babhale neyunifomu yesikole. Abafundi bathanda ukubukwa. Othishanhloko bakhala ngokuphela 5 kwenhlonipho ezikoleni. Bonke abafundi kumele bagcine isithunzi sesikole nenhlonipho. Okhulumela uMnyango wezeMfundo uthi, 'Sicela abafundi bakamatikuletsheni banikele ngamayunifomu abo ezikole.' Lokhu kukhuthaza ubuntu nokunakekelana emphakathini. Umphakathi nawo kufanele ukubone okuhle 10 okwenziwa abafundi, ungagxili kokubi kuphela. Masibeke phambili ukuphepha, inhlonipho kanye nokuphila kahle komphakathi. UMnyango wezeMfundo unxusa abazali ukuthi basebenzisane nezikole ukuze kuvinjwe imicimbi enjengeyePens Down engafaka abafundi engozini. [Icashunwe ephephandabeni Isolezwe yase ihunyushwa] 5.1.1 Bhala lo musho olandelayo ube senkathini yamanje eqhubekayo. Abaholi bakhala ngokuziphatha kabi kwabafundi bakamatikuletsheni. (1) 5.1.2 Hlobo luni lwendlela yesenzo olubhalwe ngokugqamile kulo musho olandelayo? Abazali bangabamba iqhaza ngokuyala izingane zabo. (2) 5.1.3 Bhala lo musho olandelayo ube ubunye/ube sebunyeni. UMnyango wezeMfundo unxusa abazali ukuthi basebenzisane nawo. (2) 5.1.4 Khetha izingcezu zenkulumo ezifanele ezakhe leli gama elilandelayo: 'Othishanhloko' A Ibizo+ibizo. B Ibizo+isenzo. C Ibizo+isandiso. D Ibizo+isiphawulo. (1) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 13 DBE/Lwezi 2025 NSC Confidential 5.1.5 Lenze msebenzi muni igama elibhalwe ngokugqamile kulo musho olandelayo? Abafundi bathanda ukubukwa. (1) 5.1.6 Igama elibhalwe ngokugqamile kulo musho olandelayo liwuhlobo luni lwebizo? Ukuziphatha okungafanele kubafundi ukuklebhula nokubhala iyunifomu yesikole. (1) 5.1.7 Bhala lo musho olandelayo ukhombe ukuphika/ukulandula. Abafundi baphuza emphakathini. (2) 5.1.8 Bhala isabizwana esitholakala kulo musho olandelayo bese usho ukuthi siluhlobo luni. Bonke abafundi abakhombise ukuzihlonipha. (2) 5.1.9 Guqula lo musho oyinkulumongqo ube inkulumombiko. Okhulumela uMnyango wezeMfundo uthi, 'Sicela abafundi bakamatikuletsheni banikele ngamayunifomu abo ezikole.' (2) Akuvumelekile ukukopisha leli phepha Pheqa ikhasi

IsiZulu Ulimi Lokuqala Lokwengeza (FAL)/P1 14 DBE/Lwezi 2025 NSC Confidential 5.2 Bukisisa UMBHALO G bese uphendula imibuzo ezolandela. UMBHALO G (OFUNDWAYO NOBUKWAYO) Waze wangisiza Dokotela Pillay. Ngiyathemba ukuthi ngesonto Bamba la mfana wami omuhle! elizayo uzobe esekwazi ukumela Amehlo akho asengcono. isikole emdlalweni wokugijima. Ngicela usebenzise imithi kahle Phela ugijimisa okwenyamazane. khona uzoya esikoleni kusasa. [Sicashunwe ku-googlepics, sahlelwa] 5.2.1 Bhala isifinyezo segama elibhalwe ngokugqamile kulo musho olandelayo: Waze wangisiza Dokotela Pillay. (1) 5.2.2 Tomula isifenqo esitholakala enkulumeni yokuqala engenhla bese usho ukuthi siluhlobo luni. (2) 5.2.3 Bhala isikhuliso segama elibhalwe ngokugqamile emshweni olandelayo: Amehlo akho asemahle. (1) 5.2.4 Sebenzisa igama 'imithi' emshweni ozakhele wona ukuze kuvele umqondo ohlukile kunalo obhalwe ngokugqamile enkulumweni engenhla. (2) [20] AMAMAKI ESIQEPHU C: 40 AMAMAKI ESEWONKE: 80 Akuvumelekile ukukopisha leli phepha