Confidential
NATIONAL
SENIOR CERTIFICATE
KEREITE YA 12
SESOTHO PUO YA TLATSETSO YA PELE (FAL)
PAMPIRI YA BOBEDI (P2)
PUDUNGWANA 2024
MATSHWAO: 70
NAKO: Dihora tse 2½
Pampiri ena e na le maqephe a 20.
Difuperweng tsa pampiri ena di se sebediswe ntle ho tumello Phetla
Skip to contentAll 2024 papers 





View all





Sesotho FAL Grade 12 P2 November 2024 NSC Question Paper
Grade 12 Sesotho FAL Paper 2 question paper from the November 2024 NSC, 20 pages. Read online or get the free PDF download, memo linked when available.
Sesotho Fal · Grade 12 · November 2024 NSC · 2024 · sesotho. Question paper, 20 pages. Read online or download the PDF.
- Subject
- Sesotho FAL
- Grade
- Grade 12
- Language
- Sesotho
- Document type
- Question paper
- Year
- 2024
- Exam period
- November 2024 NSC
- Paper
- 2
- Curriculum
- CAPS
- Pages
- 20
- File size
- 477.4 KB
Free to read online, no sign-up needed
Loading document…
Loading document…
1 of 20
This exam
November NSC 2024
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 2Dingolwa tsa Bongoli (Literature — Set Works)35 marks
- Question 3Dingolwa tsa Bongoli (Literature — Set Works)35 marks
- Question 4Dingolwa tsa Bongoli (Literature — Set Works)37 marks
- Question 5.1Dingolwa tsa Bongoli (Literature — Set Works)17 marks
- Question 5.2Dingolwa tsa Bongoli (Literature — Set Works)18 marks
- Question 6.1Dingolwa tsa Bongoli (Literature — Set Works)17 marks
Document textSearch extracted text and jump to a page.
Sesotho Puo ya Tlatsetso ya Pele (FAL)/P2 2 DBE/Pudungwana 2024
NSC Confidential
DITAELO LE DIKELETSO HO MOHLAHLOBUWA
1. Bala ditaelo tsena ka tlhoko pele o araba dipotso.
2. O SE KE wa latella ho bala pampiri yohle. Tadima karolo e hlahisang dikahare
tsa pampiri leqepheng le latelang, mme o tshwaye dinomoro tsa dipotso tse
thehilweng dibukeng tseo o ithutileng tsona. Ka mora moo o bale dipotso tseo,
o nto kgetha tseo o lakatsang ho di araba.
3. Pampiri ena e arotswe dikarolo TSE NNE, e leng:
KAROLO YA A: Pale/Nobele/Novele (35)
KAROLO YA B: Tshwantshiso/Terama (35)
KAROLO YA C: Dipalekgutshwe (35)
KAROLO YA D: Dithothokiso (35)
4. Araba dipotso TSE PEDI feela, potso E LE NNGWE ho tswa dikarolong le ha
e le DIFE TSE PEDI.
KAROLO YA A: PALE/NOBELE/NOVELE
Araba potso ya pale/nobele/novele eo o ithutileng yona.
KAROLO YA B: TSHWANTSHISO/TERAMA
Araba potso ya tshwantshiso/terama eo o ithutileng yona.
KAROLO YA C: DIPALEKGUTSHWE
Araba dipotso tsa dipalekgutshwe ka BOBEDI.
KAROLO YA D: DITHOTHOKISO
Araba dipotso tsa dithothokiso ka BOBEDI.
5. Sebedisa lenanennetefatso bakeng sa tataiso.
6. Latela ditaelo tse qalong ya karolo e nngwe le e nngwe ka tlhoko.
7. Nomora dikarabo tsa hao jwalo ka ha dipotso di nomorilwe pampiring ya
dipotso.
8. Qala karolo KA NNGWE leqepheng LE LETJHA.
9. O eletswa ho sebedisa nako ka moo ho sisintsweng: Sebedisa metsotso e 75
ho ngola karolo ka nngwe.
10. Ngola ka mongolo o makgethe o balehang.
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 3 DBE/Pudungwana 2024
NSC Confidential
LEQEPHE LA DIKAHARE:
Leqephe lena le tla o thusa ho kgetha dipotso tseo o lakatsang ho di araba, ntle le hore
o bale pampiri kaofela. Nov
KAROLO YA A: PALE/NOBELE/NOVELE
Araba potso ya pale/nobele/novele eo o ithutileng yona.
NOMORO YA POTSO MATSHWAO LEQEPHE
1. Mahlale a kopane Lekwa 35 5
2. Bosweu ba Lehlwa 35 8
3. Sehlekehleke sa Deidro 35 10
KAROLO YA B: TSHWANTSHISO/TERAMA
Araba potso ya tshwantshiso/terama eo o ithutileng yona.
4. Sefi 35 12
KAROLO YA C: DIPALEKGUTSHWE
Araba dipotso ka BOBEDI tsa dipalekgutshwe.
5.1 'Ha a llelwe' 17 15
MMOHO LE
5.2 'Boiphetetso' 18 16
KAROLO YA D: DITHOTHOKISO
Araba dipotso ka BOBEDI tsa thothokiso.
6.1 'Pelo e ja serati' 17 18
MMOHO LE
6.2 'Ha ke kope tshwarelo' 18 19
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 4 DBE/Pudungwana 2024
NSC Confidential
LENANENNETEFATSO:
Sebedisa lenanennetefatso lena ho nnetefatsa hore na e fela o arabile dipotso tse
hlokehang.
NOMORO PALO YA TSHWAYA
KAROLO YA TSA DIPOTSO TSE ()
DIPOTSO LOKELANG HO
ARAJWA
A: PALE/NOBELE/NOVELE
Dipotso tse kgutshwane 1–3 1
B: TSHWANTSHISO/TERAMA
Dipotso tse kgutshwane 4 1
C: DIPALEKGUTSHWE
Dipotso tse kgutshwane 5.1–5.2 1
D: DITHOTHOKISO
Dipotso tse kgutshwane 6.1–6.2 1
ELA TLHOKO: Etsa bonnete ba hore o arabile dipotso tse karolong TSE PEDI feela.
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 5 DBE/Pudungwana 2024
NSC Confidential
KAROLO YA A: PALE/NOBELE/NOVELE
Kgetha mme o arabe potso E LE NNGWE e itshetlehileng bukeng eo o ithutileng yona
selemong sena.
POTSO YA 1: MAHLALE A KOPANE LEKWA – DN Katsie
Bala qotso ena ka tlhoko, o nto araba dipotso tse thehilweng paleng yohle.
TEMA YA A
ꞌNtho ena ke thupa e mpileng ya betlwa, ya kgabiswa. Nna ke ile le kgongwana hodimo,
ke ntse ke re ntho ke kgauta …! Ke kgutla hona mona, monna yane ha a eso be hole.
Ke tla mo ruta motlwang wa pula … ha a tsebe batho; he … ke sa tla mmata eo motho.
Ke tla tshwanela ho kga ka saole ke yo fihla ho yena a eso elellwe hore ke mo
qhekanyeditse; ha ho tsejwe motho a ka nna a rekisa ꞌmanepaꞌ anene nqa e nngwe 5
hape.ꞌ
O ile jwalo he mmadi, monna enwa Mananyetsa. A tsamaya a ekga ka sekaja, a befile
a ikemiseditse ho otla ntshonyana hang feela ha a fihla ho yona. Ka mona ka
Teransefala, Sekgukguni le yena hoba a arohane le Mananyetsa borokgong, o ile a
tsamaya ka potlako e kgolo, a sa hetle mme a ntse a ithorisa. ꞌEfela banna enwa e ne e 10
le wa ka motho, e ne e le mang ha e se nna … Mahe a dinotshi ka thupa … ha … haa!
Ruri lena ke lefa, ke re mpho ya badimo bo! Ke ilo rekisa kwana ho bommisisi
dikitjhineng. Ke sa tlo nyaola tjhelete, thola o re tu wena! Lathalatha yane e tla ikutlwa,
nna ha ke lengeloi, ha ke na nako ya motho ya robetseng. Ha ke ya tla tsosa dithoto le
dihole mona, ke sebeletsa bana ba ka!ꞌ 15
1.1 Bolela dintho TSE PEDI tseo mongodi a di sebedisitseng ho senola botho ba
Mananyetsa qotsong ena. (2)
1.2 Boipuiso ba Mananyetsa qotsong ee, bo re senolela maikutlo afe a hae? (1)
1.3 Qolla polelo qotsong e tiisang hore Mananyetsa o ne a hlile a potlaketse ho
fumana Sekgukguni. (1)
1.4 Nehelana ka matshwao A MABEDI a tlhekelo a teng qotsong ena. (2)
1.5 Mantswe a latelang a Mananyetsa a qotsong, a re tjebela pele ketsahalong
efe?
Ke sa tla mmata eo motho. (1)
1.6 Nehelana ka mabaka A MABEDI a ileng a susumetsa Sekgukguni ho ya
Foreisetata. (2)
1.7 Ho ya ka ditaba tsa buka ee, sesosa sa kgohlano ke sefe? Nehelana ka lebaka
la karabo ya hao. (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 6 DBE/Pudungwana 2024
NSC Confidential
1.8 Ketsahalo eo ya Mananyetsa ya ho kgutla tseleng qotsong, e na le bohlokwa
bofe paleng? (2)
1.9 Ditaba tsa qotso ee, di hanana jwang le mohopolo wa Sekgukguni wa hore
batho ba Foreisetata ba kwalehile? (2)
1.10 Tshohla tomatso qotsong ena. (3)
MMOHO LE
Bala qotso ena ka tlhoko, o nto araba dipotso tse thehilweng paleng yohle.
TEMA YA B
ꞌTswela pele monna mofumahadi o mametse,ꞌ ke letona le leholo leo.
Mananyetsa a tswela pele: ꞌPotsong tsa lona tsa hore na kgetsi ya bongaka e kae, ke
tla tshetleha jwaana. Ha ke a tla kwano ka tshebetso, feela ke tlilo batla manamanyane
a ka, ditefo tsa ka tsa ditlhare tsa ka tseo morena a di sebedisitseng ka dilemo. Jwalo
kaha re tseba bohle morena ha a sa phela empa leha ho le jwalo ke rometswe ke yena 5
mona!ꞌ
Letona le leholo la mo araba ka ho re: ꞌJwale ha e le moo le wena o le paki hore morena
ha a sa phela, o ne a o romela kwano e le ha le ne le kopana kae? Teng o tsebile jwang
hore o ne a phela moee, hobane wena o tswa Natala, Bokone kwaa?ꞌ
Mananyetsa: ꞌKe teng, mongaka, o tla hopola hore ke ngaka, e seng ya maiketsetso, 10
ngaka kwakwariri, raqhwe. Morena o fihlile ho nna ditorong ka makgetlo a mabedi kapa
ho feta. Kgetlong le leng le le leng o ne a bua ntho e le nngwe hore ke tle kwano ke tlo
fumantshwa moputso wa ka hobane yena o iketse boyabatho a eso ntefe. O tla utlwisisa
hore ke rona feela dingaka re buisanang le bafu. Nna ke utlwa ka hlooho, nka re ke
Isanusi, mme le badimo ba ka ba ile ba nketella pele ho tla fihla mona.ꞌ 15
1.11 Mophetwa wa tlatsetso ke ofe ho ba ntseng ba buisana qotsong? Tshehetsa
karabo ya hao ka lebaka. (2)
1.12 Ho tlile jwang hore Mananyetsa a be le sebete sa ho ya moreneng a ikgakantse
jwalo ka ngaka? (1)
1.13 Diketsahalo tse qotsong di etsahalla sebakeng sefe? (1)
1.14 Sepheo sa mongodi ke sefe ka ho diehisa kopano ya ho qetela ya Mananyetsa
le Sekgukguni paleng ee? (2)
1.15 Lokodisa diketsahalo tse lebisitseng tabeng ya hore boMananyetsa ba patalwe. (2)
1.16 O nahana hore ntlhakemo ya mongodi ke efe paleng ee malebana le tumelo
ya setso? Nehelana ka lebaka la karabo ya hao. (2)
1.17 Hlalosa kamoo lebitso la Mmasekala le mo tshwanelang kateng paleng ena. (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 7 DBE/Pudungwana 2024
NSC Confidential
1.18 Kgetha karabo e nepahetseng ho tse ka masakaneng, o be o nehelane ka
lebaka la karabo ya hao.
Diketsahalo tse qotsong ke tse ding tsa tse totobatsang ...
(tharahano, tharollo, sehlohlolo). (2)
1.19 Manolla phethelo ya pale ena. (3)
[35]
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 8 DBE/Pudungwana 2024
NSC Confidential
POTSO YA 2: BOSWEU BA LEHLWA – Sello Moroe
Bala qotso ena ka tlhoko, o nto araba dipotso tse thehilweng paleng yohle.
TEMA YA C
'Ke aubuti wa ka, ya neng a setse a le mong to! lapeng leso.ꞌ ꞌBatswadi ba hao bona ba
kae?ꞌ Ke ne ke botsa tjena ke hlokometse hore ke se mo hlokofatse le ho feta. ꞌKgaitsedi
tsa ka tse tharo di hlokahetse kotsing ya mmileng; mme yena o ile a hlokahala ka baka
la lefu la kankere, mme ntate yena a ipolaya ka mora kgwedi tse tharo mme a
hlokahetse, mme jwale ke moholwane wa ka, eo ke neng ke ikgothatsa ka yena. Ke ka 5
baka la hae ke leng mona … ruri rona re tswaletswe mathata le ditshotleho tsa lefatshe
lena.ꞌ Kamoo a neng a bua kateng, ka utlwa meokgo e tlala ka mahlong a ka.
Ka leka ho mo kgothatsa empa ka utlwa ke fokola ho ka kgona hoo. ꞌHo ka ba jwang ha
re ne re ka hla ra ya kantorong hona jwale?ꞌ Ke Mangi eo ho utlwahala hore le yena o
ikutlwa feela jwalo ka nna. ꞌO a bolela Mangi monna, ha re hle re yeng.ꞌ Ra ya hang 10
kaofela, athe Kgifi yena o ne a kgwehla haholo. Eitse ha re fihla ra nea moreketoro
telekeramo eo. A mmotsa potso tse mmalwa yaba o mo dumella ho tsamaya hanghang.
Ra kgutlela kamoreng moo re ileng ra fihla ra mo thusa ho pakela yaba re mo felehetsa
ho fihlela ditekesing.
2.1 Ke ditaba dife tse neng di fuperwe ke telekeramo e neng e nehwa moreketoro? (1)
2.2 Telekeramo eo ho buuwang ka yona qotsong le lengolo leo Mokgifa a neng a
kile a le fumana pele, di ne di tshwana jwang? (2)
2.3 Ho ne ho tsejwe jwang hore Mmadito o ne a sebetsa Lerato ka ditlhare? (1)
2.4 Ke dintho dife TSE PEDI semelong sa Mokgifa, tse neng di hohella batho ho
yena leha a ne a na le tjhebahalo e tshosang? (2)
2.5 Ke lebaka lefe le ka sehloohong le neng le etse hore Hlomi le Mangi ba thehe
setswalle le Mokgifa? (1)
2.6 Hlalosa mothiya o sa lebellwang ho tswa qotsong. (2)
2.7 Maele ana, 'Ntjapedi ha e hlolwe ke sebataʹ, a dumellana jwang le diketsahalo
tsa qotso ee? (2)
2.8 Bolela hore polelo e latelang ke Nnete kapa Mafosi, o be o tshehetse karabo
ya hao ka lebaka.
Tshiu e ne e le moferekanyi kamanong ya Hlomi le Lerato paleng ena . (2)
2.9 Hlalosa teketliso e hlahang ketsahalong eo ho yona Mokgifa a ileng a se hlole
a kgutlela yunivesithing. (2)
2.10 Sekaseka tshebediso ya karaburetso e qotsong ena. (3)
MMOHO LE
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 9 DBE/Pudungwana 2024
NSC Confidential
Bala qotso ena ka tlhoko, o nto araba dipotso tse thehilweng paleng yohle.
TEMA YA D
Re ne re ntse re itlhatswetsa koloi nna le Lerato, re tshehisana ha monate re bile re
tlokana. Letsatsi le ne le le letle, mme jwale re ikaparetse marikgwe a makgutshwane le
dikipa feela ha motho wa poso a siya lengolo. Lerato o ile a le potlakela; a iphumola
matsoho borikgweng yaba o a le amohela. ꞌKe la ka Hlomi, e be le tswa hokae? Setempe
sa poso ke sa kwana Diphahameng. Empa ha ke tsebe motho teng, ebe ke mang?ꞌ Ke 5
yena eo ka ho makala.
ꞌTjhe Lerato, lona motho wa lona o a be a tla imakatsa a ntse a tseba taba tsa hae
hantle.ꞌ Ka bua jwalo ke se ke ntse ke tjhesehella ho utlwa taba tsa lona. ꞌOho, lona
boHlomi ha le qete ho boulela, o nahana hore ke moshemane ofe Diphahameng ya ka
itekang ho nna?ꞌ A bua tjena a se a ntse a le bula, ꞌLe tswa ho Puse, Hlomi.ꞌ Ka tlola 10
moo ke neng ke dutse teng, ka le phamola matsohong a hae yaba ke emella thoko le
yena. Moo ke reng ke tla bala, a tla a mathile ho le phamola, empa ka le balehisa yaba
ke a baleha. A ntelekisa, a ntshwara, a le phamola. ꞌO tla le tabola Lerato, tlisa ke bale
wena!ꞌ Ke nna eo ka ho ikgalefisa. Ka mo tlohella hore a le bale.
2.11 Bolela dintlha TSE PEDI feela tse neng di fuperwe ke lengolo leo ho buuwang
ka lona qotsong. (2)
2.12 Nehelana ka matshwao A MABEDI a tlhekelo a teng qotsong ena. (2)
2.13 Telekeramo eo Hlomi a ileng a e fumana a le yunivesithing, e ne e mo fuparetse
ditaba dife? (1)
2.14 Ditaba tsa qotso ee di totobatsa maikutlo afe a Hlomi le Lerato? Nehelana ka
lebaka la karabo ya hao. (2)
2.15 Ke lebaka lefe le ileng la etsa hore mme wa Lerato a siye Fibane le Hlomi
kamoo ho neng ho dutswe kateng? (1)
2.16 Tomatso e hlaha jwang ketsahalong eo ho yona Fibane a ileng a bua le Hlomi
ka ditaba tsa ho ima ha Lerato? (2)
2.17 Maemo a phedisano a ile a angwa jwang ke senepe sa Hlomi le Lerato, se ileng
sa phatlalatswa ba sa tsebe? (2)
2.18 Mehla ya diketsahalo paleng ena e thusitse jwang tabeng ya kamano ya Hlomi
le Lerato? (2)
2.19 Tshohla sehlohlolo sa diketsahalo paleng ena. (3)
[35]
KAPA
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 10 DBE/Pudungwana 2024
NSC Confidential
POTSO YA 3:SEHLEKEHLEKE SA DEIDRO – VT Masima
Bala qotso ena ka tlhoko, o nto araba dipotso tse tla e latela tse thehilweng paleng yohle.
TEMA YA E
ꞌHeke! O a bona he, Moratuwa.ꞌ
Chikano a phakisa ho tswakatswaka dino ka mafolofolo le ka bonono bo hlollang, a nto
neheletsa Amanda e nngwe ya dikgalase. Amanda a e lahlela hloohong ka ho panya ha
leihlo a ba a kgutlisetsa kgalase e seng e le feela tafoleng, a ntse a ikotlakotla sefubeng
ka letsoho. 5
ꞌBe! Ntho ena e ka diha tlou, monghadi Chikano,ꞌ ke yena eo.
ꞌHo jwalo, moratuwa. Empa ka lehlohonolo, le tsona ditlou tseo ha di tsebe le hore ho
ntse ho le teng ntho ekang ena lefatsheng lena la tsona. Ho seng jwalo, re ne re tla ba
eng ke ho hatikelwa ke ditlou tse tahilweng!ꞌ
ꞌEbe ha o na sakerete, monghadi Chikano?ꞌ ho botsa Amanda a ntse a ikotla sefubeng. 10
ꞌKe a kgolwa o ntse o ka nna wa tswela pele ho mpitsa Fernando eh-, moratuwa. Nka
sakerete ke sena.ꞌ A mo neha sakerete a ba a mo tjhesetsa sona a nto tjhesetsa hlaha
ho sa hae.
Amanda a tsubatsuba a nto re: ꞌKe bona ho le molemo hore ke hle ke o bolelle tsohle,
monghadi-eh-Fernando.ꞌ 15
ꞌKe thabela bohlale ba hao, moratuwa. Ke ne ke ntse ke maketse hore na o tla be o
mpolelle neng.ꞌ
ꞌKe nnete hore lebitso la ka ke Amanda Zamiya.ꞌ
ꞌKe a leboha ho fumana tiisetso ya seo.ꞌ
3.1 Kopano e qotsong ya Chikano le Amanda e tshwaretswe motseng ofe? (1)
3.2 Hobaneng Amanda a ne a ntse a phehelletse ho bitsa Chikano, ꞌmonghadiꞌ? (2)
3.3 Bolela dintho TSE PEDI tseo kopano ena e qotsong, e tshwanang ka tsona le
ya mohla Chikano a neng a kopane le Katriena. (2)
3.4 Ditaba tsa pale ee, di re totobaletsa mehla efe ya diketsahalo? Nehelana ka
lebaka la karabo ya hao. (2)
3.5 Ditlamorao tse bosula e bile dife tse bakilweng ke boipolelo ba Amanda ho
Chikano hore efeela ruri e le Amanda Zamiya? (2)
3.6 Hlalosa karaburetso e sebedisitsweng qotsong ena. (2)
3.7 Kopano e qotsong e bile le bohlokwa bofe diketsahalong tsa pale ee? (2)
3.8 Kgetha karabo e nepahetseng ho tse ka masakaneng, o be o nehelane ka
lebaka la karabo ya hao.
Diketsahalo tse qotsong di bontsha ... (sehlohlolo, tharollo, tharahano). (2)
3.9 Tshohla setaele sa mongodi qotsong ena. (3)
MMOHO LE
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 11 DBE/Pudungwana 2024
NSC Confidential
Boela o bale qotso e latelang ka tlhoko, o nto araba dipotso tse tla e latela.
TEMA YA F
A eso qete hantle le ho bua, fono ya be se e lla hape, mme sello sa yona sa etsa hore
ba nyarohe jwalo ka ha eka ba lonngwe ke notshi bobedi ba bona. ꞌHalo!ꞌ Chikano a
araba.
ꞌMonghadi Chikano, ke Maremane Moramang enwa – motsamaisi wa hotele. Ho fihlile
diofisiri tsa sepolesa mona mme di rata ho bua le wena. Ke ntse ke leka ho ba tshwarella, 5
empa ha ke kgolwe hore e tla ba nako e telele. Ke na le motswalle kwana Afrikania ya
bitswang Makhanda. Maobane mona o ne a ntetseditse ho nkopa hore ke o thuse ha o
le tsietsing. Jwale, o mamedisise hantle seo ke tlang ho o bolella sona, mme o etse ka
moo ke tlang ho o laela ka teng. O ntse o mmametse, Monghadi Chikano?ꞌ
ꞌKe mametse ka tsebe e lethwethwe, feela, nka re ho wena, ditaba tseo o seng o di buile 10
ha jwale di nkopanya hlooho ho ya ka mo di makatsang ka teng.ꞌ
ꞌSe kopane hlooho, Monghadi Chikano hobane hlooho eo ya hao e tla tshwanela ho
sebetsa haholo ho tloha ka wona motsotso ona. Mamela he … ha o ka sututsa raka eo
ya dibuka e leboteng la ntlo ya hao, ho tla hlaha lefiti e tla o theolela ka khitjhineng.ꞌ
3.10 Ho ile ha etsahala jwang hore Chikano a iphumane a kopane le Ramaqiti
sebakeng see seo ba leng ho sona qotsong? (1)
3.11 Ke mophetwa ofe eo Chikano a neng a sa lebella ho kopana le yena sebakeng
seo? (1)
3.12 Bontsha ho se tshwane ho teng dipakeng tsa Chikano le Ramaqiti. (2)
3.13 Kgohlano e totobalang qotsong ena ke ya mofuta ofe? Nehelana ka lebaka la
karabo ya hao. (2)
3.14 Ditaba tsa qotso ena di senola Ramaqiti e le mophetwa wa semelo sefe?
Nehelana ka lebaka la karabo ya hao. (2)
3.15 Bolela hore polelo e latelang ke Nnete kapa Mafosi, o be o tiise karabo ya hao
ka lebaka.
Diketsahalo tse qotsong di bontsha hore ditaba tsa pale di rarahana ho feta. (2)
3.16 O ka re ho se tshwane ke hofe dipakeng tsa sebaka sa Kweneng le sa moo
diketsahalo tse qotsong di etsahallang teng? (2)
3.17 Hlalosa kamoo Ramaqiti a neng a pholose Nasala kateng kwana Bosothonia. (2)
3.18 Tshohla mothinya o sa lebellwang pheletsong ya pale ena. (3)
[35]
MATSHWAO OHLE A KAROLO YA A: 35
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 12 DBE/Pudungwana 2024
NSC Confidential
KAROLO YA B: TSHWANTSHISO/TERAMA
POTSO YA 4: SEFI – DJ Nkutha
Bala qotso e latelang ka tlhoko, o nto araba dipotso tse thehilweng tshwantshisong
yohle.
TEMA YA G
(Ke bosiu, tiisetso o a hlobaela.)
TIISETSO: (A idimola.) Basadi, ebe ke nako mang ha ke lora ditoro tse mpe hakaale?
E, kajeno ke tshwana le Faro elwa wa Bebeleng. Ebe Josefa o kae a tlo
ntlhalosetsa tsona? Ke a belaela toro tsena di bolela ho hong, e, mokgwa
o teng. Butle ke kgantshe ke bone hore ke nako mang. (A kgantsha 5
lebone.) Jo! Metsotso e mashome a mararo ka mora hora ya bobedi. Ebe
ke nnete toro ee kapa ke ya tumelokgwela? Ke se ke rapela ho
Tlatlamatjholo hore e mpe ebe ke toro feela. (A hula moya.) Bophelo haeba
bo le tjee ke a bo tshaba ruri. Jwalo ka ha ho se ho le tjena ho batleha hore
ke bapalle thoko le Nkepe. Ntate enwa wa seepamere o iphetotse 10
kgodumodumo, o metsa setjhaba. Ho teng ho yena ke boloi bona boo a
ikanetseng bona. Ngakanakahetla ena e ikemiseditse ho qeta bohle ba
atlehang. Nxa! Athe ngakanammotwana ee e mona hakaale? Ruri bophelo
bo naka di maripa. Ha a ka tshwasa ntate moo ka dikoqo tseo tsa hae nka
iphumana ke le kae ka nnete? Haeba motho o phelela mathata a tjena ke 15
kopa ho Modimo hore senwelo sena se mpe se fete hole le nna. Ditoro
tsena di bidietsa ho hong. Ebe ke nnete basadi ha ho thwe le pele di na le
baji? Empa e seng ka ntate.
4.1 Lewa la bongodi leo mongodi a le sebedisitseng qotsong ee, le bitswang? (1)
4.2 Qolla mantswe A MABEDI qotsong ena a re bontshang hore Tiisetso o hlile o
halala ngaka eo a buang ka yona. (2)
4.3 Bolela mabaka A MABEDI a bakileng sesosa sa kgohlano tshwantshisong ena. (2)
4.4 Bolela dintho TSE PEDI tseo lelapa la Raboditse le la Motaung le neng le
fapana ka tsona. (2)
4.5 Toro eo Tiisetso a buang ka yona qotsong e re tjebela pele ketsahalong efe? (2)
4.6 Kgetha karabo e nepahetseng ho tse ka masakaneng. Nehelana ka lebaka la
karabo ya hao.
Ditaba tsa qotso ena di re totobaletsa (tlhekelo, tharahano, sehlohlolo). (2)
4.7 Hobaneng ha mongodi a sebedisitse lebotsi haholo qotsong ee? (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 13 DBE/Pudungwana 2024
NSC Confidential
4.8 Polelo e latelang e dumellana jwang le pheletso ya Tiisetso terameng ena?
Ruri bophelo bo naka di maripa. (2)
4.9 Bontsha kamoo mongodi a sebedisang bokgeleke ba puo kateng qotsong ena. (3)
MMOHO LE
Boela o bale qotso e latelang ka tlhoko, o nto araba dipotso tse thehilweng
tshwantshisong yohle.
TEMA YA H
NKEPE: Mme ke teile kalala mme ba ntshupile teng hape. Empa ho entswe
leeme hobane Tiisetso ke ne ke mo hlola le yena o a tseba. O ne a
bile a maketse hore ke hlotswe jwang. Ke ka lehlohonolo feela hore
motho a atlehe hlopheng sa leshome.
RABODITSE: O a hlanya wena, o a pota. Le ikenya maratong le sa fokola tjena 5
ha le qeta le hloleha ho sebeletsa marena a mabedi. Leshano ka
thoko.
NKEPE: Ha ke ratane nna ntate. Ha se bile ha se mohlolo oo nna nka o
etsang oo. Le bashemane ba ka phaposing ba ka o bolella hore ha
ke ba buise. Ke Tiisetso feela ya ratanang le Hlapane. 10
MMANKEPE: Ntate a ko tlohele ngwana, nna ke batla ho utlwa leano la hae. O
rerile eng ka bokamoso manana?
RABODITSE: Le letle leano ke lena Nkepe. O theohela difemeng. Nako o bapetse
ka yona. Wena Mmankepe o nahana hore o bohlale, haeba thipa o
nahanne ho e tshwara ka bohaleng ho nna mona o tla otla fatshe. 15
Wena Nkepe mpolelle, o tiisitse ha o re ha o ratane?
NKEPE: O boletse teng ntate, ha se mohlolo oo nka o etsang oo, ebile ke
ntho e mpe eo.
MMANKEPE: O tiisitse ngwanenwa ntate. Re dula re le babedi mona letsheare
lohle. Ke paki ka nnete. 20
4.10 Qolla polelo/polelwana E LE NNGWE qotsong, e bontshang hore Raboditse ha
a kgathalle maikutlo a Nkepe. (1)
4.11 Raboditse o bolelang ka puo ena ya hae e latelang?
ꞌ… ho nna mona o tla otla fatshe.ꞌ (1)
4.12 Hlalosa semelo sa Raboditse o ipapisitse le dipuo tsa hae qotsong. (2)
4.13 Nkepe ke sebapadi sa tlatsetso. Nehelana ka mabaka A MABEDI a tiisang
karabo ya hao. (2)
4.14 Hlalosa tomatso e hlahang qotsong ena. (2)
4.15 Ketsahalo ya ho feila ha Nkepe e bile le bohlokwa bofe paleng ena? (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 14 DBE/Pudungwana 2024
NSC Confidential
4.16 Kgetha karabo e nepahetseng ho tse ka masakaneng, o be o nehelane ka
lebaka la karabo ya hao.
Terama ena ke ya (motlae, keketehiso, masetladibete). (2)
4.17 Ke dintho dife TSE PEDI tse ka sitisang terama ena ho bapalwa
sethaleng/kalaneng? Nehelana ka lebaka la karabo ya hao. (2)
4.18 Na ho a makatsa ho utlwa sehalo sa Mmankepe se qotsong? (3)
MATSHWAO OHLE A KAROLO YA B: 35
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 15 DBE/Pudungwana 2024
NSC Confidential
KAROLO YA C: DIPALEKGUTSHWE
Araba POTSO ya 5.1 le POTSO ya 5.2
POTSO YA 5
5.1 ꞌHA A LLELWEꞌ – ME Makhapa
Bala qotso e latelang ka tlhoko, o nto araba dipotso tse thehilweng
palekgutshweng yohle.
TEMA YA I
HA A LLELWE
Mabaka a etsang hore ka nako e nngwe batho ba etse tshenyo metseng ya bo
bona, a mmalwanyana mme a fapane. Boholo ba ona a bakwa ke dintwa tse
teng ka hara baetapele ba rona. Ho a qhwebeshanwa, ho tsekwa ditulo le
setumo. Ya tsekang jwalo ka Maphesha, o hlophisa lemulwana la hae, ebe o
le fa ditaelo yena a sa hlahele. Ho tla etswa moferefere o atisang ho akga 5
tshenyo ka hare.
ꞌHonye, motswalle, na o a bona esale Setlabolane e eba majoro tjee, ntho tse
ngata di a senyeha?ꞌ Ke Maphesha eo. ꞌKe ntse ke re ke nna feela ya bonang
taba eo. Ke enwa o kwetse le mesebetsi, tu! Ke tlala feela. Re ne re thabile re
hopola hore o tla ba majoro wa rona, empa ke mona ba o jelletse tafoleng. Re 10
ka be re le batho ha o ne o le majoro wa mona, Matsetseng.ꞌ Ho araba Honye.
Maphesha: ꞌHantlentle ke rata ho mo phethola, ke nke setulo sa hae. Ba ntse
ba mo file sona ka phoso. Ba tlang ho nthusa morerong ona, ke tla ba hlapisa
ka ditlhapiso tse bonahalang. Mahlahana ana a Setlabolane, ke tla a behella
ka thoko mmoho le yena.ꞌ 15
ꞌNna ke se ntse ke le lehlakoreng la hao. Ntaele morena, ke mofo wa hao.
Jwale ha o sheba re ka mo qala kae?ꞌ
5.1.1 Bolela lebaka le ka sehloohong le neng le bake tshenyo motseng wa
Matsetseng. (1)
5.1.2 Sehlotshwana sa bahlankana le barwetsana ba nwellang jwala ha
Maletsoku, se bile le seabo sefe palekgutshweng ee? (2)
5.1.3 Ke ntho efe qotsong e bontshang hore Maphesha o ne a le masene? (1)
5.1.4 Qolla polelo qotsong e nnetefatsang hore Honye o ne a sa tsebe ho
inkela diqeto. (1)
5.1.5 Hantlentle Honye o bolelang ka polelo e latelang?
… empa ke mona ba o jelletse tafoleng. (1)
5.1.6 Ditaba tsa palekgutshwe ena di totobatsa mehla efe ya diketsahalo? (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 16 DBE/Pudungwana 2024
NSC Confidential
5.1.7 Bohlokwa ba pheteletso e sebedisitsweng polelong e latelang, ke
bofe palekgutshweng ee?
Ke enwa o kwetse le mesebetsi, tu! Ke tlala feela. (2)
5.1.8 Hanana le polelo ena ka ho e tshehetsa ka lebaka.
Palekgutshwe ena ke ya keketehiso. (2)
5.1.9 Bontsha kamoo lewa la tlholo dingolweng le fihlelletsweng kateng
palekgutshweng ena. (2)
5.1.10 Sekaseka theho ya lebitso lena ʹHonyeʹ o ipapisitse le diketsahalo
tsa palekgutshwe ena. (3)
MMOHO LE
5.2 ꞌBOIPHETETSOꞌ – NA Mpembe
Bala qotso e latelang ka tlhoko, o nto araba dipotso tse thehilweng
palekgutshweng yohle.
TEMA YA J
Taba ena ya ho hlopha lelapa, le be lenyenyane o ne a iphapanya yona seka
monga difariki. Monnae, Rasentle o buile ka yona ha ba qeta ho nyalana empa
a hamela kgomo letanteng. Kajeno bana ke bana ba tletse ntlo, ke mathata
feela. Mmabona ha a emise ka thari, o tswela pele leha a ntse a kgalemelwa.
Monnae, Rasentle, kgale a ngongoreha. Jwale o fetohile. A etsa qeto ya ho 5
iphetetsa ka lenyele.
Ke eo le motswalle wa hae Rafube ba kena monyako ha Mmamokete wa
seritedi. Ba kena Mmamokete a kentse Rasentle mahlo ana a ntjhotjho, a
bososelaka a le mong ho ya ho ile. A hlollwa. A makalla seriti sa Rasentle.
Yaka moo ha hae haesale tameneng. Ha kgutsa tu! Rata lane le tahang motho 10
la fela hanghang hoba Rasentle a hlahise nko monyako. Rasentle le yena a
mo kenya mahlo hoba a kobe mangole. Ha isaisa. A bona mohatsae
Mmasentle ka ihlo la moya, a mo bapisa le Mmamokete; mme botle ba hae ba
se ke ba bonahala.
Ha mpa ha kganya le ho phatsima eo ya neng a se a mo tjametse ka ihlo le sa 15
panyeng; ihlo le tsosang morusu pelong ya motho, ihlo le hwehlang le hohela,
ihlo la ditsietsi le mahlomola, ihlo … ihlo leo la qeta ditaba. La tjhaba, la bakela
ba bang mahlomola.
5.2.1 Bolela sesosa sa kgohlano palekgutshweng ena. Nehelana ka
lebaka la karabo ya hao. (2)
5.2.2 Rasentle o ne a batla ho ba le bana ba bakae feela? (1)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 17 DBE/Pudungwana 2024
NSC Confidential
5.2.3 Nehelana ka matshwao A MABEDI a palekgutshwe a teng
palekgutshweng ena. (2)
5.2.4 Nehelana ka matshwao A MABEDI a tlhekelo a qotsong ena. (2)
5.2.5 Ke dintho dife tse pedi palekgutshweng ena, tse re tsebisang hore
diketsahalo tsa yona ke tsa makeisheneng? (2)
5.2.6 Molwantshuwa ke ofe palekgutshweng ee? Nehelana ka lebaka la
karabo ya hao. (2)
5.2.7 Hlalosa teketliso e hlahang palekgutshweng ena. (2)
5.2.8 Hlalosa setiriothaepe se qotsong. (2)
5.2.9 Qoqa ka sehlooho sa palekgutshwe ena. (3)
MATSHWAO OHLE A KAROLO YA C: 35
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 18 DBE/Pudungwana 2024
NSC Confidential
KAROLO YA D: DITHOTHOKISO
Araba POTSO ya 6.1 le POTSO ya 6.2
POTSO YA 6
6.1 Bala thothokiso ena ka tlhoko, ebe o araba dipotso tse tla e latela.
TEMA YA K
PELO E JA SERATI – J Mokoena
1 Ke bua ka makoko ke sa habeye,
2 Ke bua tshita tsa lefatshe lena ke sa qeaqee,
3 Dira tsa motho di nyadiswa le dinaledi,
4 Le metswalle ya hae e kgabiswa le dinaledi,
5 Empa ebe phapang ke efe lona dikgaitsedi?
6 Monongwaha ka hopola tshiu tsela
7 Pososelo ya ka e nkala lebatha la tsela,
8 Mora motho o kile a re jarela sefapano;
9 A re fatsheng lena re etse nnete dikano,
10 Ho rona baena le dikgaitsedi, ke thatano.
11 BoTlhong ba maoba ba ho bonwa sewelo,
12 Monongwaha ke tjhobolo tse shweleng matswalo,
13 Ka hohle ho dungwadungwa ka boNthati,
14 Ka mona le ka mane pelo e ja serati,
15 Ba re kajeno fatsheng lena ha re tlodisane kgati.
6.1.1 Qolla mantswe A MABEDI a bolelang ho se belaele
temanathothokisong ya 1. (2)
6.1.2 Ke bokgabo bofe ba bothothokisi bo sebedisitsweng
molathothokisong wa 5? (1)
6.1.3 Nehelana ka mantswe A MABEDI ao kgonyetso e sebedisitsweng
ho ona temanathothokisong ya 3. (2)
6.1.4 Kgefutsohare/sejura se sebedisitsweng molathothokisong wa 10, se
sebedisitswe ka sepheo sefe? (2)
6.1.5 Hlalosa se bolelwang ke sethothokisi molathothokisong wa 13. (1)
6.1.6 Bohlokwa ba lentswe ꞌdinalediꞌ le molathothokisong wa 3, ke bofe? (2)
6.1.7 Nehelana ka mantswe A MABEDI a re bopelang tatolano
temanathothokisong ya 4. (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 19 DBE/Pudungwana 2024
NSC Confidential
6.1.8 Sethothokisi se sebedisitse mothofatso o molathothokisong wa 7, ka
sepheo sefe? (2)
6.1.9 Manolla karaburetso e sebedisitsweng temanathothokisong ya 1. (3)
MMOHO LE
6.2 Bala thothokiso ena ka tlhoko, ebe o araba dipotso tse tla e latela.
TEMA YA L
HA KE KOPE TSHWARELO – T Lekitlane
1 Ha ke re o moloi ha o motho,
2 Wena ya neng a qhale kgotso tlong eso,
3 Wena ya neng a hape eso ntlo sehloho,
4 Thoko wa re kgothometsa maralleng wa re lahlela;
5 Kajeno re metwaitwai hara ditjhaba,
6 Re hloka ya ho phoka boduma re mehofe,
7 Wena o hafa ka nkatana o morena,
8 Re a o sebeletsa o morui,
9 O iphetotse Ramatlotlo o Ramapolasi,
10 O ikentse Tonakgolo o Ranaha;
11 Ruri nna ha ke kope tshwarelo bana beso,
12 Ha ke re enwa motho lefu le a mo lokela,
13 Teleko naheng eso le yona e a mo lokela,
14 Wabo morabe o lokela ho metswa.
6.2.1 Bolela bokgabo ba bothothokisi bo sebedisitsweng
molathothokisong wa 3. (1)
6.2.2 Nehelana ka melathothokiso E MMEDI e re tsebisang hore eo
sethothokisi se buang ka yena o phela ha monate ha a sokole
bophelong. (2)
6.2.3 Nehelana ka mofuta wa phetapheto o sebedisitsweng
molathothokisong wa 9 le 10. (1)
6.2.4 Hobaneng ha sethothokisi se kgethile ho sebedisa lentswe ꞌmetswaꞌ
molathothokisong wa 14? (2)
6.2.5 Hantlentle sethothokisi se bolelang ka molathothokiso wa 6? (1)
6.2.6 Ho ya ka ditaba tsa thothokiso ee, hobaneng sethothokisi se re ha
se kope tshwarelo? (2)
Difuperweng tsa pampiri ena di se sebediswe ntle ho tumello Phetla
Sesotho Puo ya Tlatsetso ya Pele (FAL)/P2 20 DBE/Pudungwana 2024
NSC Confidential
6.2.7 Phetapheto e sebedisitsweng molathothokisong wa 12 le 13 e
sebedisitswe ka sepheo sefe? (2)
6.2.8 Bohlokwa ba lentswe lena, ʹruriʹ le sebedisitsweng molathothokisong
wa 11, ke bofe moo? (2)
6.2.9 Hlalosa sehalo sa sethothokisi thothokisong ena. (2)
6.2.10 Tshohla kgetho ya mantswe ya sethothokisi thothokisong ena. (3)
MATSHWAO OHLE A KAROLO YA D: 35
MATSHWAO A PAMPIRI YOHLE: 70
Difuperweng tsa pampiri ena di se sebediswe ntle ho tumello
Study this subject
Recommended for this subject

Memorandum
Sesotho FAL Grade 12 Paper 1 November 2024 NSC Memo

Memorandum
Sesotho FAL Grade 12 Paper 3 November 2024 NSC Memo

Memorandum
Sesotho FAL Grade 12 Paper 2 NSC June 2024 Memo

Question paper
Sesotho FAL Grade 12 Paper 3 NSC June 2024 Question Paper

Question paper
Sesotho FAL Grade 12 Paper 2 NSC June 2023 Question Paper

Question paper
Sesotho FAL Grade 12 P2 NSC November 2023 Question Paper
More from Grade 12 Sesotho FAL

Annual teaching plan
Gr 12 Sesotho FAL ATP 2023 24

Memorandum
Sesotho FAL Grade 12 Paper 1 NSC November 2025 Memo

Memorandum
Sesotho FAL Grade 12 Paper 2 NSC November 2025 Memo

Memorandum
Sesotho FAL Grade 12 Paper 3 NSC November 2025 Memo

Memorandum
Sesotho FAL Grade 12 Paper 1 NSC June 2024 Memo

Memorandum