Skip to content

Setswana HL Grade 12 P3 NSC November 2020 Question Paper

Question paperSetswana HLGrade 1220207 pages

Grade 12 Setswana HL Paper 3 question paper from the NSC November Exam 2020, 7 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

NSC November Exam 2020

Questions in this paper

Document textSearch extracted text and jump to a page.
Downloaded from hlayiso.com SENIOR CERTIFICATE/ NATIONAL SENIOR CERTIFICATE MOPHATO 12 SETSWANA PUO YA GAE (HL) PAMPIRI YA BORARO (P3) NGWANAITSEELE 2020 MADUO: 100 NAKO: Diura di le 2½ Pampiri e, e na le ditsebe di le 7. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 2 DBE/Ngwanaitseele 2020 SC/NSC DITAELO LE TSHEDIMOSETSO 1. Pampiri e, e arogantswe ka DIKAROLO di le PEDI: KAROLO YA A: Tlhamo (50) KAROLO YA B: Ditlhangwa tsa tirisano (2 x 25) (50) ELA TLHOKO: O tshwanetse go araba dipotso di le PEDI go tswa mo KAROLONG YA B. 2. Araba potso e le NNGWE go tswa mo go KAROLO YA A le di le PEDI go tswa mo KAROLONG YA B. 3. Kwala ka puo e o tlhatlhobiwang ka yona. 4. Simolola KAROLO NNGWE le NNGWE mo tsebeng e NTŠHWA. 5. O tshwanetse go rulaganya (sk. letlhomeso la dikakanyo/lenaneopaakanyo/ mmapa wa dikakanyo/dintlhakgolo, jj), runa (tseleganya) o be o tlhotlhe tiro ya gago diphoso. Thulaganyo e tshwanetse go tlhagelela PELE ga tlhamo. 6. Ipaakanyo kana setlhangwa sa ntlha se supiwe jalo ka botlalo. O gakololwa go thala mola go kgabaganya ipaakanyo kana setlhangwa sa ntlha. 7. O gakololwa go dirisa nako ya gago ka mokgwa o o latelang: KAROLO YA A: Metsotso e le 80 KAROLO YA B: Metsotso e le (2 x 35) 70 8. Nomora dikarabo ka nepagalo go latela thulaganyo ya dinomoro e e dirisitsweng mo pampiring ya dipotso. 9. O se ka wa tsenyeletsa setlhogo fa o bala mafoko. 10. Kwala ka mokwalo o o buisegang, mme o dirise mopeleto o o kannweng ke Lekgotla la Bosetšhaba la Puo ya Setswana. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 3 DBE/Ngwanaitseele 2020 SC/NSC KAROLO YA A: TLHAMO POTSO 1 Kwala tlhamo ya boleele jwa mafoko a a ka nnang 400–450 ka NNGWE FELA ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo se se maleba. O se ka wa lebala go thala letlhomeso kana lenaneopaakanyo, go tlhagisa setlhangwa sa ntlha le go se runa pele o kwala sa bofelo. 1.1 Ipabalelotseleng ke boikarabelo jwa mongwe le mongwe. [50] 1.2 Fa nka falola ditlhatlhobo tsa bogare jwa ngwaga … [50] 1.3 Ditlhopho tsa 2019. [50] 1.4 A kgololosego e dirile gore batho ba latlhegelwe ke botho jwa bona? [50] 1.5 Ikonomi kgotsa itsholelo ya naga ya rona e ka tokafala fa moporesidente e ka nna mosadi. Dumela kgotsa o ganetse. [50] 1.6 Ga ke a ka ka itse … [50] 1.7 Ditshwantsho tse di tlhagelelang mo ditsebeng 3 le 4 di ka tsosa maikutlo kgotsa tsibogo e e rileng. Tlhopha setshwantsho se le SENGWE, mme o kwale tlhamo ka ga sona. Neela tlhamo ya gago setlhogo se se maleba. Nomora potso ya gago go nna 1.7.1 kgotsa 1.7.2. ELA TLHOKO: Diteng tsa tlhamo ya gago di tshwanetse go nyalana le setshwantsho se o se tlhophileng. 1.7.1 [Se nopotswe go tswa mo Sunday Times, 12 Motsheganong 2019] [50] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 4 DBE/Ngwanaitseele 2020 SC/NSC 1.7.2 [Se nopotswe go tswa mo Investing in the Community 2018: By SANRAL] [50] PALOGOTLHE YA KAROLO YA A: 50 Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 5 DBE/Ngwanaitseele 2020 SC/NSC KAROLO YA B: DITLHANGWA TSA TIRISANO POTSO 2 Araba dipotso di le PEDI fela mo karolong e. Karabo e nne boleele jwa mafoko a a ka nnang 180–200 (diteng fela). O gakololwa go runa le go tlhotlha ditlhangwa tsa gago diphoso. 2.1 LEKWALO LA BOTSALANO O fentse kgaisano ya go tlhopha baatlelete ba ba yang go emela Aforikaborwa kwa dikgaisanong tsa kontinente ngwaga e e tlang. Kwalela tsala ya gago o mmolelele ka ipaakanyo ya gago mo dikgaisanong tseo le maikaelelo a gago ka ga tsa kontinente. [Se nopotswe go tswa mo inthaneteng] [25] 2.2 LEKWALO LA SEMMUSO Mogwaafatshe kgotsa mokhukhu wa bana bangwe mo sekolong sa lona o šwele lorelore, mme ba latlhegetswe ke dithoto tsa bona tsotlhe. Kwalela rrakgwebo mongwe mo tikologong ya lona o mo kope go thusa bana ba gore ba tswelele ka go tsena sekolo. [Se nopotswe go tswa mo inthaneteng] [25] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 6 DBE/Ngwanaitseele 2020 SC/NSC 2.3 PUO Motsana wa kwa ga lona o dula o tletse metsi a kgeleloleswe. Mokhanselara wa motsana wa lona o ne a bitsa pitso ya baagi go tla go buisana ka ga bothata jo, mme a go kopa go neelana ka puo mabapi le kotsi ya maemo ao le gore a ka fedisiwa jang. Kwala puo e o tlaa neelanang ka yona kwa pitsong eo. [Se nopotswe go tswa mo Pretoria News, 15 Diphalane 2018] [25] 2.4 PEGELO Go nnile le go sa itumeleng go go rileng ka ga tsamaiso ya ditlhopho le batlhankedi ba ba neng ba theogetse mo sedikeng sa lona. Lekoko la gaeno la sepolotiki le go kopile go dira dipatlisiso ka ga ditiragalo tsa letsatsi leo. Kwala pegelo ka ga dipatlisiso tseo. Gakologelwa go tlhagisa diphitlhelelo le dikatlanegiso. [25] 2.5 ATHIKELE YA MAKASINE Kwala athikele ya makasine ka ga bolwetse jwa TB le tlhokomelo ya balwetse ba jona. [25] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 7 DBE/Ngwanaitseele 2020 SC/NSC 2.6 MAIKAO/MAIPOLELO (LOKWALOIKITSISO) LE LEKWALOPHELEGETSO Kwala maikao/maipolelo (lokwaloikitsiso) le lekwalophelegetso tse o tlaa di dirisang go kopa phatlhatiro e e latelang: KONTERAKA YA BATHOPELE Motlatsamotsamaisi wa Ofisi A o modiri yo o ikemetseng e bile a na le maitemogelo a botsamaisi jwa ofisi? Konteraka ya Bathopele e ka nna bathapi ba gago. Dithutego tse di tlhokegang: Mophato wa 12 kgotsa dithuto tse di lekanang le ona, dithuto tsa botsamaisi jwa ofisi le bokgoni jwa go dirisa khomputara. Modiri o tlaa nna le maikarabelo a go tlamela ka tshegetso ya botsamaisi jwa ofisi, go tsenyeletsa:  Go araba megala  Go laola le go tlhokomela ba ba kolotang setheo  Go tlhokomela dikarata tsa tiro tsa badirisi  Ditiro tse dingwe tsa botsamaisi jwa ofisi Maikao/Maipolelo (lokwaloikitsiso), lekwalophelegetso, dikgatiso tse di netefaditsweng tsa dithutego, lokwaloitshupo, lekwalo la go kgweetsa le dintlha tsa basupi ba le babedi di romelwe kwa go: Mokhuduthamagamogolo Konteraka ya Bathopele 309 Mmila wa Lokaleng Motsumorwana Limpopo 0025 Letlha la tswalelo: 08 Phukwi 2020 Fa o batla tshedimosetso leletsa Dineo Bamphile mo: 0806 434 952 ELA TLHOKO: Go tlaa lelediwa fela bakopatiro ba ba tlhophilweng go tla potsotherisanong. [25] PALOGOTLHE YA KAROLO YA B: 50 PALOGOTLHE YA TLHATLHOBO: 100 Kwalololo e ileditswe

Study this subject

More from Grade 12 Setswana HL

View all