Skip to content

Setswana HL Grade 12 P3 NSC November 2022 Question Paper

Question paperSetswana HLGrade 1220226 pages

Grade 12 Setswana HL Paper 3 question paper from the NSC November Exam 2022, 6 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

NSC November Exam 2022

Questions in this paper

Document textSearch extracted text and jump to a page.
Downloaded from hlayiso.com NATIONAL SENIOR CERTIFICATE MOPHATO 12 SETSWANA PUO YA GAE (HL) PAMPIRI YA BORARO (P3) NGWANAITSEELE 2022 MADUO: 100 NAKO: Diura di le 3 Pampiri e, e na le ditsebe di le 6. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 2 DBE/Ngwanaitseele 2022 NSC DITAELO LE TSHEDIMOSETO 1. Pampiri e, e arogantswe ka DIKAROLO di le PEDI. KAROLO YA A: Tlhamo (50) KAROLO YA B: Ditlhangwa tsa tirisano (2 x 25) (50) ELA TLHOKO: O tshwanetse go araba dipotso di le PEDI go tswa mo KAROLONG YA B. 2. Araba potso e le NNGWE go tswa mo go KAROLO YA A le di le PEDI go tswa mo go KAROLO YA B. 3. Kwala ka puo e o tlhatlhobiwang ka yona. 4. Simolola KAROLO NNGWE le NNGWE mo tsebeng e NTŠHWA. 5. O tshwanetse go rulaganya (sk. letlhomeso la dikakanyo/lenaneopaakanyo/ mmapa wa dikakanyo/dintlhakgolo, jj), runa (tseleganya) o be o tlhotlhe tiro ya gago diphoso. Thulaganyo e tshwanetse go tlhagelela PELE ga tlhamo. 6. Ipaakanyo kana setlhangwa sa ntlha se supiwe jalo ka botlalo. O gakololwa go thala mola go kgabaganya ipaakanyo kana setlhangwa sa ntlha. 7. O gakololwa go dirisa nako ya gago ka mokgwa o o latelang: KAROLO YA A: Metsotso e le 100 KAROLO YA B: Metsotso e le 80 (2 x 40) 8. Nomora dikarabo ka nepagalo go latela thulaganyo ya dinomoro e e dirisitsweng mo pampiring ya dipotso. 9. O se ka wa tsenyeletsa setlhogo fa o bala mafoko. 10. Kwala ka mokwalo o o buisegang le ka mopeleto o o kannweng ke Lekgotla la Bosetšhaba la Puo ya Setswana. Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 3 DBE/Ngwanaitseele 2022 NSC KAROLO YA A: TLHAMO POTSO 1 Kwala tlhamo ya boleele jwa mafoko a a ka nnang 400–450 ka NNGWE FELA ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo se se maleba. O se ka wa lebala go thala letlhomeso kana lenaneopaakanyo, go tlhagisa setlhangwa sa ntlha le go se runa pele o kwala sa bofelo. 1.1 Kgang e e botlhokwa e ke kileng ka e tlotlelwa. [50] 1.2 Sephiri se se mo pelong ya me, se tlisa khutsafalo mo botshelong jwa me. [50] 1.3 Ke somogile ka lesoba la mogodu. [50] 1.4 Fa nka nna le isago e e phatshimang … [50] 1.5 A go siame gore ngwana mongwe le mongwe a newe tšhono ya go itemogela botshelo ka boena? [50] 1.6 Badiri ba ba ipelaetsang le go ngala ditiro ba kobiwe mo tirong. Dumela kgotsa o ganetse. [50] Ditshwantsho tse di tlhagelelang mo ditsebeng tsa 3 le 4 di ka tsosa maikutlo kgotsa tsibogo e e rileng. Tlhopha setshwantsho se le SENGWE, mme o kwale tlhamo ka ga sona. Neela tlhamo ya gago setlhogo se se maleba. Nomora potso ya gago go nna 1.7 kgotsa 1.8. ELA TLHOKO: Diteng tsa tlhamo ya gago di tshwanetse go nyalana le setshwantsho se o se tlhophileng. 1.7 [Se nopotswe go tswa mo go www.bing.com/images] [50] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 4 DBE/Ngwanaitseele 2022 NSC 1.8 [Se nopotswe go tswa mo go shutterstock.com] [50] PALOGOTLHE YA KAROLO YA A: 50 Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 5 DBE/Ngwanaitseele 2022 NSC KAROLO YA B: DITLHANGWA TSA TIRISANO POTSO 2 Araba dipotso di le PEDI mo karolong e. Karabo e nne boleele jwa mafoko a a ka nnang 180–200 (diteng fela). O gakololwa go runa le go tlhotlha setlhangwa sa gago diphoso. 2.1 LEKWALO LA BOTSALANO Ngwaga e e tlang o ya go tsweletsa dithuto tsa gago kwa setheong se segolwane. O ya go kopana le baithuti ba o sa ba itseng mme o tshwanetse go dira botsalano le bona. Kwalela kgaitsadio lekwalo o mo itsise ka ga kgang e o be o mo kope maele a go tlhopha ditsala tse di maleba. [25] 2.2 IMEILI/LEKWALO LA MARANYANE Kwalela Tlhogo ya Lefapha la Setswana mo sekolong sa lona imeili/lekwalo la maranyane go tlhagisa tumelano ya lona jaaka le le barutwana mme o tlhalose gore ke eng lo dumelana gore bangwe ba barutwana ba phaposi ya lona ba tlhoka botshepegi. Kopa tsereganyo go tswa go Tlhogo ya Lefapha. [25] 2.3 LENANEOTEMA LE METSOTSO O ne o tsenetse kopano le baetleetsi ba setlhopha sa lona sa kgwele ya dinao. Lo ne lo bua ka ga loeto lo lo tshwanetseng go lo tsaya mo kgweding ya Sedimonthole. Kwala lenaneotema le metsotso ya kopano eo. [25] 2.4 MMUISANO O molwelatlhabologo ya setšhaba sa tikologo e o nnang mo go yona. O tshwentswe thata ke bontsi jwa baagi ba ba sa berekeng mo tikologong ya gaeno. Kwala mmuisano magareng ga gago le mokhanselara wa kgaolo ya lona ka ga tlhokego ya mebereko. [25] 2.5 TSA BOTSHELO JWA MOSWI Tsala ya gago yo e neng e le molaodi wa tsa mmino mo motseng wa lona o tlhokafetse. Bagaabo ba go kopile gore o ba kwalele tsa botshelo jwa moswi. Kwala tsa botshelo jwa moswi jwa molaodi wa tsa mmino o etse tlhoko dintlha tsotlhe tsa botlhokwa. (Gakologelwa gore go buiwa ka ga moswi e seng motshedi.) [25] Kwalololo e ileditswe Phetla
Downloaded from hlayiso.com Setswana Puo ya Gae (HL)/P3 6 DBE/Ngwanaitseele 2022 NSC 2.6 PUO Bogodu le tshenyo ya dithoto di tsentse letsogo mo Aforikaborwa. Naga ga e sa tlhole e laolega le sepodisi ga se tshabiwe. Kwala puo e o tlaa neelanang ka yona kwa pitsong ya baagi go ba tsibosa ka maitsholo a a sa eletsegeng a, o ba kgale o be o ba lemose ditlamorago tsa bogodu le tshenyo ya dithoto. [Se nopotswe go tswa mo go htt//www.justanswer.com] [25] PALOGOTLHE YA KAROLO YA B: 50 PALOGOTLHE YA TLHATLHOBO: 100 Kwalololo e ileditswe

Study this subject

More from Grade 12 Setswana HL

View all