isiXhosa FAL Grade 12 P1 NSC November Exams 2016 QP

Downloaded from hlayiso.com NATIONAL SENIOR CERTIFICATE IBANGA 12 ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) NOVEMBA 2016 AMANQAKU: 80 IXESHA: Iiyure 2 Olu viwo lunamaphepha ali-13. Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 2 DBE/Novemba 2016 NSC IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni KWECANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo NGANYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-30 ICANDELO C: Imizuzu engama-40 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 3 DBE/Novemba 2016 NSC ICANDELO A: UVAVANYO LOKUQONDA UMBUZO 1 1.1 Funda esi sicatshulwa singezantsi uze uphendule imibuzo elandelayo. ISICATSHULWA A IMPUCUKO NEENTO ZAYO 1 Ubomi kuthiwa ngumzamo. Umzamo wokuqala kukufuna into esiwa phantsi kwempumlo. Umntu uxhomekeke endalweni, kwizilwanyana nezityalo ukuze afumane oku kutya. Kumalinge akhe okuzifunela inyama ngokuzingela nokubulala izilwanyana usele efumana ingqondo yokuzenzela izambatho ngezikhumba zezi zilwanyana azibulalayo. 5 Nakuloo nto eyona nto ibibalulekile ziingubo zokulala nezinye ke iimpahlana esinokuthi ibizezentlonipho nje, ezi zifana nezibheshu ezi bezisakubhinqwa ngamadoda. Kube njalo ke nakwaNtu. Yiyo loo nto ubusakubona kutsha nje amakhwenkwe ehamba ze, aze athi akufikelela kwixabiso elithile aqale agqishele. Ngokunjalo nasemantombazaneni 10 kutsha nje ebebonakala enxibe nje iinkciyo kuphela, aze ke athi akuba ziintombi ezikwixabiso elithile zincebethe zibe nawo namajikolwana. Xa ubona izinxibo zale mihla ngaba ungaba sakwazi ukuyicinga into yokuba kwakukhe kwanxitywa iimfele zezilwanyana. Kunamhla nje sibona iindlela ngeendlela zokunxiba. Zininzi kangangokuba kunzima nokusazi 15 esona sisesabasetyhini nesisesamadoda. Yimpucuko ke leyo. 2 Izithethe namasiko akasindanga nawo ekuchatshazelweni yimpucuko. Thatha amasiko nezithethe zamaXhosa, ujonge indlela eziguquke ngayo ngenxa yempucuko yaseNtshona. Impucuko ifike yasibetha saziindindi ezingxabalazileyo. Amasiko yinkonzo kuthi; izithethe namasiko yindlela 20 yokuhlala eyenza ukuba isizwe sahluke kwesinye. Impucuko isiphathele olunye uhlobo lokukhonza nenye indlela yokuhlala. Jonga ulwaluko. Impucuko ifike yasifundisa ukuba aziyompilo ezinye izithethe ezihamba nolwaluko – azinakuthiwa pahaha kambe ezasesuthwini kodwa zikhona ezi sinokuzikhankanya noko: ukusela amanzi anothuthu (okanye 25 ukungaseli) kwiintsuku ezisibhozo zokuqala; ukungazityi izityo ezithile; ukuya kuhlamba emlanjeni ekuseni kusabanda njalo njalo. Jonga ukuthomba. Zisekho iintombi ezithombayo? Izinyanya zona zisawanyuselwa amadini, zikhe zisezele amanqath'eenkomo zesizwe ngabula Krune Mqhayi? Zizinto ezaba semva zonke ezo kuba kaloku 30 impucuko ithi makukhonzwe ezindlwini zetyalike kuyekwe izinto zobuhedeni. Nezi nyama ziphekwa kula madini impucuko isibonise ukuba le ndlela ziphekwa ngayo ayiyompilo. Impucuko ayali ukuba inkwenkwe ingasela ebhekileni enye nendoda kanti nokuncazelana kwamakhwenkwe namadoda impucuko iyakuvumela. Zininzi izinto 35 ezinokubalwa kwisimo sentlalo ezithe zaguquka ngenxa yempucuko. Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 4 DBE/Novemba 2016 NSC 3 Kuyo yonke le meko yenziwe yimpucuko umntu akakaneli kukuzama ukuzenzela intlalo lula. Ngoko ke impucuko isahambela phambili, ihamba ngokugabadula kunjalo nje. Ngangendlela egagaza ngayo ingqondo yomntu ukucinga amacebo amatsha okwenza ubomi lula, 40 kulula ukuba sijonge kwiminyaka esezayo sizibone ngeliso lengqondo izinto eziseza kwenzeka. Baseza kuphelelwa yimisebenzi abantu kuba imisebenzi emininzi iza kwenziwa ngoomashini, njengokuba sekuqalile kakade kwezinye izinto. Mhlawumbi umzi ngamnye useza kuba nomashini oza kupheka, ucoce indlu uye kuthenga edolophini zakuphela 45 izinto endlwini, uye kulima emasimini uvune ngexesha lokuvuna. Mhlawumbi nasezikolweni baza kubakho naba mashini bafundise abantwana babavavanye, zingabi kho iititshala ezi. Mhlawumbi nezithuthi ezi ziza kwenziwa ngohlobo lokuba zingafuni mqhubi. Uthi ayingenzeki into yokuba abasebenzi baseRhawutini abanamakhaya 50 aseKapa mhlawumbi balale emakhaya baman'ukuvukela impangelo eRhawutini, babuyele eKapa ngotshayile? Ngokuya abantu babehamba iinyanga ngeenyanga xa behamba imigama engaka ngubani owayenokuyicinga into yokuba namhlanje le migama ingahanjwa ngeeyurana ezimbalwa nje? 55 4 Hayi masiyivume impucuko yasizela nobomi obuthambileyo, kunjalo nje buseza kuya buthamba ngokuthamba. Kodwa xa siphinda siyijongisisa le mpucuko iyasifikela ingqondo yokuba ngathi iseza kujika ibe yinkucuko. Khangela amasiko ethu indlela aphela ngayo. Ngathi aseza kuphela khucu. Indawo ebuhlungwana kuyo yonke le nto 60 kukuba njengokuba le mpucuko yaqala ezizweni nje yada yeza kufika nakwaNtu, inkucuko yona iza kuqala apha kwaNtu ukuba asilumkanga thina bakwaNtu. [Sithathwe kwincwadi ethi Imfinca-mfincane; ZS Zotwana; amaphepha 54–60 sahlelwa.] Jonga kumhlathi 1 1.1.1 Xela ukuba babezenza ngantoni izambatho abantu bakudala. (1) 1.1.2 Bhala igama ELINYE endaweni yebinzana, '... into esiwa phantsi kwempumlo.' (1) 1.1.3 Matanisa ihlelo labantu ELIKUKHOLAM-B nesinxibo salo ESIKUKHOLAM A. KHOLAM A KHOLAM B (a) Iincebethe A Amadoda namajikolwana B Amakhwenkwe (b) Ukubhinqa izibheshu C Amantombazana (2) Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 5 DBE/Novemba 2016 NSC 1.1.4 Cacisa ukuba bunasiphumo sini ubuninzi beendlela ngeendlela zokunxiba zale mihla. (2) Jonga kumhlathi 2 1.1.5 Caphula isivakalisi kulo mhlathi esibubungqina bokuba impucuko isitsho asalazi elona cala sikulo. (1) 1.1.6 Siphuhlisa ntoni isihlanganisi u 'ngenxa' esibhalwe ngqindilili kulo mhlathi? (1) 1.1.7 Bonisa ukubaluleka kwamasiko nezithethe kwindlela yokuhlala kwezizwe. (1) 1.1.8 Xela izinto zibe MBINI ethi impucuko aziyompilo kwisiko lolwaluko. (2) Jonga kumhlathi 3 1.1.9 Chonga igama elithetha ukuba ingqondo ihamba ngokukhawuleza. (1) 1.1.10 Yintoni eza kwenza ukuba abantu baphelelwe yimisebenzi? (1) 1.1.11 Luluvo okanye yinyani ukuba impucuko isahambela phambili? Xhasa impendulo yakho. (2) 1.1.12 Chaza utshintsho oluze nempucuko kwixesha elalithathwa ngabantu kwiihambo zabo. (2) 1.1.13 Nika ingongoma ephambili equlathwe ngulo mhlathi. (2) Jonga kumhlathi 4 1.1.14 Ingaba uyangqinelana noluvo olubhalwe ngqindilili kulo mhlathi? Xhasa impendulo yakho. (2) 1.1.15 Khetha impendulo echanekileyo kwezi zingezantsi. Umsebenzi wesivakalisi esibhalwe ngqindilili kulo mhlathi ... A kukuxhasa okuyingcamango yomhlathi. B kukuqulatha okuyingcamango yomhlathi. C kukuba ngumzekelo wokuyingcamango yomhlathi. D kukushwankathela okuyingcamango yomhlathi. (1) 1.1.16 Bonisa ukuchaneka kwegama inkucuko ngokubhekiselele kwindlela izinto ezitshintsha ngayo ngenxa yempucuko. (2) Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 6 DBE/Novemba 2016 NSC 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO [Ithathwe kwi-http/www.maths.goodies.com yahlelwa] 1.2.1 Chaza ukuba ingantoni le grafu. (2) 1.2.2 Liliphi ixesha eliba phezulu ngalo inani labantu evenkileni ngokwale grafu? (1) 1.2.3 Bangaphi abantu abasevenkileni ngentsimbi yesithathu? (1) 1.2.4 Ungamcebisa ukuba aye ngaliphi ixesha evenkileni umntu ofuna ukuncedwa msinyane? Xhasa impendulo yakho. (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 7 DBE/Novemba 2016 NSC ICANDELO B: USHWANKATHELO UMBUZO 2 Funda esi sicatshulwa silandelayo, ze usishwankathele ubonise ukulunga nokunga- lungi kukamabonakude eluntwini. Shwankathela ngokwemo yokudwelisa iingongoma. Landela le miyalelo xa ushwankathela: 1. Chonga iingongoma eziphambili ezisi-7 ubude bungadluli kuma-70 amagama. 2. Zidwelise ngendlela ehambelanayo, ngamazwi akho ungawulahlanga umxholo. 3. Bhala inani lamagama owasebenzisileyo kwizibiyeli ezantsi kwesishwankathelo. 4. Upelo, iimpawu zobhalo nokusetyenziswa kolwimi maluchaneke. ISICATSHULWA C UYAKHA OKANYE UYACHITHA UMABONAKUDE? Kuninzi okuthethekayo okumayela nokulunga nokungalungi kukamabonakude phakathi koluntu. Abanye bayamncoma bathi bazuza lukhulu kwiinkqubo zakhe abanye bayamgxibha ngelithi akanamfundiso iyiyo kwaphela. Umabonakude usiphathela iindaba ngezinto ezenzekayo ehlabathini. Asaneli nje ukuva okuqhubekayo elizweni, siyazibonela ngamehlo sikholwe. Siwubonile umonakalo obangwe zizikhukhula eTshayina naseMelika. Usizela nendyebo yokhuphiswano kwezemidlalo. Minyaka le ngoJuni ukuya kuJulayi sibukela intenetya ekumgangatho ophezulu yaseWimbledon eLondon. Siyibonile imidlalo ye-Olympics apho kukhuphisana amaqela ehlabathi. Ukwasizisela iintlobo zomculo ovunywa ziindidi zabantu nezamaqela. Simbonile exhentsa samva engqokola uMahlathini. Sizibonile iikwayala zeli zitsholoza eStandard Bank Arena. Simbonile uMichael Jackson ezibhijabhija eqongeni ehlahlambisa isitediyam siphela. Umabonakude uneenkqubo ezifundisa abantwana besikolo nezikawonkewonke. Ezibalaseleyo zezifundisa ngeMathematika, ngeNzululwazi, ngeBhayoloji nangesiNgesi. Zikwakho nezifundisa ngolimo, ukupheka, impilo njalo-njalo. Kwisifundo ngasinye kukhethwa incutshe enobuchule bokuwucacisa umcimbi kwabaphulaphuleyo. Bakho abamkhalazelayo umabonakude ngokungabinamfundiso iyiyo ingakumbi kwabasakhulayo. Okuqala kukuba, uhlile umdla wabantu ekufundeni iincwadi. Bambalwa abantu abandwendwela iilayibrari ngeenjongo zokukhetha iincwadi abanokuzifunda ukuze ulwimi lwabo luphucuke nolwazi longezeleleke. Kwakhona, umabonakude udale ubunqenerha ebantwini. Abazali bakubuya emsebenzini nabantwana bakubuya esikolweni bacofa umabonakude bathi zava esofeni. Kuba nzima sekufuneke umntu aye kuvulela iindwendwe emnyango kuba engafuni kuphoswa nayindawana kwinkqubo ayibukeleyo. Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 8 DBE/Novemba 2016 NSC Umabonakude ubonisa iifilimu ezibafundisa izinto ezingatshongo khona abantwana ngokuthi zigabadela kwezothando nobundlobongela. Abantwana balapha, babukele, kunzima nokuba umzali angakhe awucime okomzuzwana umabonakude okanye abantwana bacimele kudlule indawo ethile. Umcimbi wokulunga nokungalungi kukamabonakude uwuxakekisile umzi kwaye akubonakali ngathi kungakho sisombululo okwangoku. [Sicatshulwe ku 'Unambitheko: M Yekela, amaphepha 27–32 saze sahlelwa] AMANQAKU ECANDELO B: 10 Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 9 DBE/Novemba 2016 NSC ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: UKUCAZULULA ISIBHENGEZO-NTENGISO Funda esi sibhengezo-ntengiso uze uphendule imibuzo elandelayo. ISICATSHULWA D: ISIBHENGEZO-NTENGISO [Sicatshulwe ku-www.googleimages.co.za saze sahlelwa] 3.1 Nika igama lemveliso ethengiswa kwesi sibhengezo-ntengiso. (1) 3.2 Khetha impendulo echanekileyo ibe NYE kwezi zilandelayo. Igama, 'awongezelelekileyo' ngokwakwisibhengezo-ntengiso lithetha: A Amandla ancitshisweyo. B Amandla angaphantsi. C Amandla aphungulweyo. D Amandla angaphezulu. (1) 3.3 Nika isilogani sesi sibhengezo-ntengiso. (1) 3.4 Sisetyenziswe ngayiphi injongo isenzi u 'khawuleza' esikwisibhengezo- ntengiso? (2) 3.5 Nika izinto eziMBINI eluncedo ngazo le mveliso ikwesi sibhengezo-ntengiso. (2) 3.6 Xela ukuba ifumaneka phi le mveliso. (1) 3.7 Ngobani abanokuba nomdla kule mveliso? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 10 DBE/Novemba 2016 NSC UMBUZO 4: UKUCAZULULA IKHATHUNI Funda le khathuni uze uphendule imibuzo elandelayo. ISICATSHULWA E [Icatshulwe kuImpImages.com yaze yahlelwa] 4.1 Xela isixhobo esibonisa ukuba utata ukhathazwa ngamehlo. (1) 4.2 Chonga isihlomelo sexesha kwintetho yomntwana. (1) 4.3 Xela izinto zibe MBINI ezibonisa ukuba utata wothukile. (2) 4.4 Nika umsebenzi weqhagamshela kwigama u 'M-m'. (1) 4.5 Chaza isizathu sokuba umntwana asibambe ngezandla ezibini isibham. (2) 4.6 Xela igama lomzobi wale khathuni. (1) 4.7 Nika umyalezo odluliswa ngumzobi wekhathuni. (2) [10] Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 11 DBE/Novemba 2016 NSC UMBUZO 5 Funda esi sicatshulwa uze uphendule imibuzo elandelayo. 5.1 ISICATSHULWA F: IPROZI UKUBA BENDINGUMANTYI Akukho msebenzi ubalulekileyo kunomnye. Yonke imisebenzi ibalulekile entlalweni. Kuhle ukuba kubekho oomantyi, amapolisa amagqwetha, izibonda kanti noosampungana bayafuneka. Esi sizwe singaphela zizifo bengekho. Abatshayeli bezitalato bayafuneka kanti nabathuthi benkunkuma babalulekile esizweni. Lilonke ndithi yimpazamo ukucinga ukuba xa ungugqirha ubalulekile kunegqwetha, xa uligqwetha ubalulekile kunepolisa xa ungumabhalana ubalulekile kunetitshala ndibala ntoni na?' Kuxoxa uLoyiso. Kuthe cwaka umzuzwana kwandula ukuphendula uMdumiseni ngelithi, 'Ngathi siyangqinelana ngale ndawo. Bubudenge obuphindaphindeneyo nesinyalumani ukucinga ukuba lo wakho umsebenzi ubalulekile kuneminye. Ubutishala ngundoqo esizweni. Abongikazi nabo bazalwa bubo, abachweli neenjingalwazi ziziqhamo zabo kodwa bubudenge ukuthi ubutitshala bubalulekile kunobufundisi. Ingulowo umsebenzi ubalulekile kwindawo yawo. [Sicatshulwe kwincwadi 'Ugeme' ka PT Mtuze, iphepha le-19 yaze yahlelwa] 5.1.1 Khetha isizathu sokushiywa kweceba kwisibizo esikrwelelwe umgca ngaphantsi: Akukho msebenzi ubalulekileyo kunomnye. A Isibizo sisetyenziswe emva kwesichazi. B Isibizo silandela isimelabizo sokukhomba. C Isibizo sisetyenziswe emva kwesilanduli. D Isibizo asicacanga ngokupheleleyo. (1) 5.1.2 Xela udidi lwesimelabizo esinomgca ngaphantsi. Yonke imisebenzi ibalulekile entlalweni. (1) 5.1.3 Nika isizathu sokusetyenziswa kwesiphumlisi kwisivakalisi esingezantsi Kuhle ukuba kubekho oomantyi, amapolisa amagqwetha, izibonda kanti noosampungana. (2) 5.1.4 Chonga isichazi kwesi sivakalisi singezantsi. Abongikazi nabo bazalwa bubo, abachweli neenjingalwazi ziziqhamo zabo. (1) 5.1.5 Bhala isifinyezo seli gama; Gqirha. (1) Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 12 DBE/Novemba 2016 NSC 5.1.6 Isakhi u 'nga' esinomgca ngaphantsi sisinika eyiphi imilo kwezi zikwizibiyeli. (Imilo yokusaqhubekayo/Imilo yokungathiza) Esi sizwe singaphela zizifo bengekho oogqirha. (1) 5.1.7 Sebenzisa igama, 'umsebenzi' kwesinye isivakalisi linike intsingiselo eyahlukileyo kule ikwisicatshulwa. (1) 5.1.8 Bhala esi sivakalisi singezantsi sibe kwimo yengxelo ntetho. UMdumiseni uphendule wathi, 'Ngathi siyangqinelana ngale ndawo.' Qala ngolu hlobo. UMdumiseni uphendule ngelithi ... (3) 5.1.9 Lungisa isiphene kwisivakalisi esingezantsi uthathele ingqalelo isiqwengana esinomgca ngaphantsi. Lilonke ndithi yimpazamo ukucinga ukuba xa ningoogqirha ubalulekile kunegqwetha. (2) 5.1.10 Xela umsebenzi wesakhi u 'na' kwigama elibhalwe ngqindilili. Abatshayeli bezitalato bayafuneka kanti nabathuthi benkunkuma babalulekile. (1) Akuvumelekanga ukufotokopa eli phepha Tyhila iphepha

Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 13 DBE/Novemba 2016 NSC 5.2 Funda lo mfanekiso uze uphendule imibuzo elandelayo. ISICATSHULWA G: UMFANEKISO [Uthathwe kwiBona; Julayi 2012, iphepha 81.waze wahlelwa] 5.2.1 Bhala esi sivakalisi silandelayo kwakhona usiqale ngolu hlobo; Iyeza ... Umntwana uthanda iyeza. (2) 5.2.2 Hlahlela isivakalisi esingezantsi ukhuphe igatya eliyintloko negatya elintanganye. Umama uyabakhathalela abantwana bakhe kuba akafuni bagule. Cwangcisa ngolu hlobo: IGATYA ELIYINTLOKO IGATYA ELINTANGANYE (2) 5.2.3 Bhala imo emfutshane yesenzi esinomgca ngaphantsi. Umama uhlala exhobile ngamayeza. (1) 5.2.4 Bhala isaci esithetha ukuba umama nomntwana wakhe bayafana usebenzise igama elikwizibiyeli (umcephe). (1) [20] AMANQAKU ECANDELO C: 40 AMANQAKU EWONKE 80 Akuvumelekanga ukufotokopa eli phepha