Downloaded from hlayiso.com
GRAAD 12
SENIOR CERTIFICATE EXAMINATIONS
ISIZULU ULIMI LWASEKHAYA (HL)
IPHEPHA LOKUQALA (P1)
2016
AMAMAKI: 70
ISIKHATHI: Amahora ama-2
Leli phepha linamakhasi ayi-12.
Akuvumelekile ukukopisha leli phepha Pheqa ikhasi
Skip to contentAll 2016 papers 





View all
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)




isiZulu HL Grade 12 Paper 1 NSC June 2016 Question Paper
Grade 12 isiZulu HL Paper 1 question paper from the NSC June Exam 2016, 12 pages. Read online or get the free PDF download, memo linked when available.
Isizulu Hl · Grade 12 · NSC June Exam · 2016 · isizulu. Question paper, 12 pages. Read online or download the PDF.
- Subject
- isiZulu HL
- Grade
- Grade 12
- Language
- Isizulu
- Document type
- Question paper
- Year
- 2016
- Exam period
- NSC June Exam
- Paper
- 1
- Curriculum
- CAPS
- Pages
- 12
- File size
- 637.0 KB
Free to read online, no sign-up needed
Loading document…
Loading document…
1 of 12
This exam
NSC June Exam 2016
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Ukufunda nokubukela / Reading and Viewing (non-literary)
- Question 5Ulimi: izakhiwo nemithetho / Language Structures and Conventions40 marks
- Question 1.2Ukufunda nokubukela / Reading and Viewing (non-literary)10 marks
- Question 3Ukufunda nokubukela / Reading and Viewing (non-literary)10 marks
- Question 4Ukufunda nokubukela / Reading and Viewing (non-literary)10 marks
Document textSearch extracted text and jump to a page.
Downloaded from hlayiso.com
IsiZulu Ulimi Lwasekhaya (HL)/P1 2 DBE/2016
SCE
IMIYALELO KANYE NOLWAZI KWABAHLOLWAYO
1. Leli phepha lehlukaniswe IZIQEPHU EZINTATHU:
ISIQEPHU A: Isivivinyo sokuqondisisa (30)
ISIQEPHU B: Ukufingqa (10)
ISIQEPHU C: Izakhiwo nezimiso zokusetshenziswa kolimi (30)
2. Phendula YONKE imibuzo ekuleli phepha.
3. Qalisa ISIQEPHU NGASINYE ekhasini ELISHA.
4. Dweba umugqa emva kwesiqephu NGASINYE.
5. Bhala izinombolo zezimpendulo njengoba zibhalwe emibuzweni.
6. Yeqa umugqa emuva kombuzo ngamunye.
7. Qaphela upelomagama kanye nokwakheka kwemisho.
8. Ungasebenzisa isikhathi sokubhala ngale ndlela elandelayo:
ISIQEPHU A: Imizuzu engama-50
ISIQEPHU B: Imizuzu engama-30
ISIQEPHU C: Imizuzu engama-40
9. Bhala ngobunono nangesandla esifundekayo.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 3 DBE/2016
SCE
ISIQEPHU A: ISIVIVINYO SOKUQONDISISA
UMBUZO 1: UKUFUNDELA UKUQONDISISA
1.1 Fundisisa UMBHALO A ubuye ubukisise NOMBHALO B ongezansi bese
uphendula imibuzo elandelayo.
UMBHALO A (OFUNDWAYO)
OSAZIWAYO
1 Osaziwayo ngabantu abadume ngenxa yezenzo zabo ezahlukene.
Bayaduma ngenxa yezenzo zabo nemisebenzi egqamile abayenzayo
kuneyabanye abantu. Le misebenzi yenza bavele komabonwakude
futhi kubuye kubhalwe ngabo emabhukwini, ezincwadini
nasemaphephandabeni. Banabalandeli abayinqwaba ezinkundleni 5
zokuxhumana. Osaziwayo kungaba abantu abancane ngeminyaka kuye
kwabadala. Intsha iyayithanda impilo yokuba ngosaziwayo ihlushwa
yikho ukuthi akuyena wonke umuntu oba usaziwayo.
2 Ukuze umuntu abe ngusaziwayo kumele abuke indlela abaphila ngayo
osaziwayo abasemkhakheni akuwona ngokomsebenzi. Angalucela 10
usizo kulabo asebemnkantsha ubomvu kulo mkhakha. Indlela aziveza
ngayo umuntu emphakathini kanye naleyo abukeka ngayo ingambeka
ezingeni lokuba usaziwayo. Kubalulekile ukuba umuntu ongusaziwayo
axhumane nabanye osaziwayo abuye azakhele ubuhlobo obuqinile
nabalandeli bakhe. Ukuba ngusaziwayo kusho ukuba umuntu ohlale 15
ezicuphile ngemfashini futhi ohamba imicimbi yezinga eliphezulu. Lokhu
ukwenzela ukuba abalandeli bakhe bambone naye ukuthi ungumuntu
okwaziyo ukucupha izikhala. Abanye osaziwayo baze babe nabaqaphi
babo.
3 Akukho okufihlekile njengembewu yamabele empilweni yomuntu 20
ongusaziwayo. Kuyabahlukumeza osaziwayo ukuthola zonke izindaba
zabo zenekelwa izwe uma kwenzekile usaziwayo othile watholakala
esephutheni. Uye abe ngundabuzekwayo emaphephandabeni,
emisakazweni nasezinkundleni zokuxhumana. Lokhu kungamcekela
phansi uma engumuntu obuthaka nozwelayo. Kungalehlisa nezinga 25
lomsebenzi kanye nelabalandeli bakhe. Amahlebezi aye akholakale
kalula bese usaziwayo eswela ngisho umgodi wokucasha ngenxa
yengcindezi asuke esebhekene nayo. Lapho-ke izitha zakhe zisuke
sezigiya ngethambo lakhe zingasakhumbuli nokuncane okuhle ake
wakwenza. 30
4 Zikhona izikhathi eziba zinhle kosaziwayo abathile. Baye badume izwe
lonke, bathandwe kuhle kwemali. Kuye kuhlekise ukuthi abalandeli babo
ababe besanaka ukuthi labo ababathandayo bagqoke kanjani futhi
badla ukudla okunjani inqobo nje uma besaqhubeka nokubajabulisa.
Ngalezi zikhathi ezinhle empilweni yosaziwayo kufanele nabo babe 35
isibonelo esihle futhi basebenze ngokuzikhandla bebeka imali le
abasuke beyizuzile ukuze ibasize ngelinye ilanga ngoba ikusasa
alaziwa kulokho abakwenzayo.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 4 DBE/2016
SCE
5 Osaziwayo abaningi bangamasakabuli. Kuke kube sengathi
umqhudelwano lapho bechitha imali eningi bezijabulisa nabangane 40
babo benza izinto ezingababuyisela emuva ekugcineni, abangagcina
sebehlekwa nayizinyoni. Bayakhohlwa ukuthi izihlabathi ziyagqibana.
Akulona icala ukuzijabulisa komuntu osebenze kanzima futhi oyibekayo
inkece. Inkinga ibakhona uma usaziwayo engazange alihlelele ikusasa
bese egcina edla imbuya ngothi uma udumo selushabalele. Abanye 45
babo ababe besakwazi ukubhekana nesimo sokuphelelwa udumo, bese
becwila otshwaleni noma ezidakamizweni. Kuyadabukisa ukubona
umuntu obekade aziwa izwe lonke eseshaywe umhlaba,
esengumtshingo ubethwa ubani. Abanye babo baze bangcwatshwe
yiyo imiphakathi ngoba bengasenalutho. 50
6 Izinkampani zemikhiqizo ethile zike zisebenzise osaziwayo ukuze
imikhiqizo yazo ibe nedumela futhi ithengwe ubuthaphuthaphu. Kuhle
lokhu ngoba kusho ukuthi osaziwayo bayingxenye yabantu
abakhuphula umnotho wezwe. Yingakho-ke kubalulekile ukuba benziwe
izicukuthwane lapho besuke bemenywe khona. Bahehela abahleli 55
bomcimbi inqwaba yezethameli kanye nabakhiqizi. Ukuvakasha
kosaziwayo beya emazweni angaphandle kwaleli beyoveza amakhono
abo ehlukahlukene kuyalenza izwe lethu libe nesithunzi futhi lihehe
nezivakashi. Inkampani ekhangiselwa ngusaziwayo othile inelungelo
lokumisa inkontileka phakathi kwayo naye uma eziphethe budedengu. 60
Isuke ingathandi ukulahlekelwa ukwethenjwa ngamakhasimende ayo
ngenxa yakhe.
7 Kuyenzeka osaziwayo bazithole bengungwa ngabantu ngisho bethi
bazipholele nemindeni yabo. Ababe besakwazi ukungcebeleka kahle
ngoba ukubonwa kwabo kuba ukuzosa uqobo. Abanye babo bazithole 65
sebelandelwa nayizigebengu. Lezi zigebengu ziye zibethuse noma
zifune bazinake ngokuba zithumele imiyalezo esabisayo kubona.
Osaziwayo abaningi bagcina sebephila impilo yokwesaba ngenxa
yokungazi ukuthi ngobani abasuke bebacuthele noma bebalandela
lapho behamba khona. Ngabantu abaphazamisekile engqondweni 70
abahlukumeza osaziwayo ngale ndlela.
8 Osaziwayo kufanele bathandwe kodwa kubuywe nganeno. Bakhona
abantu abadala nabancane asebeqalile ukulingisa nokwenzisa
okosaziwayo. Babenza izithixo zabo ngendlela yokuthi bangakudla
bakufele uma ukhuluma kabi ngosaziwayo abamthandayo. Baze 75
bazilungise noma bagqoke njengabo. Bayakhohlwa ukuthi impilo
yosaziwayo ayihlezi iwuhlobo lwempilo umuntu angayiphila nsuku
zonke noma eyamukelwa yiwo wonke umuntu.
9 Osaziwayo bayadinga ukuxhaswa ngoba ukusimama kwempilo yabo
kusezandleni zomphakathi. Kubalulekile ukuthi nabo bakuqinisekise 80
ukuba yizibonelo ezinhle futhi bayithuthukise impilo yabo.
[Own source]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 5 DBE/2016
SCE
1.1.1 Nikeza isizathu esenza ukuba isifiso sentsha sokuba ngosaziwayo
singafezeki ngendlela ethandwa yiyo. (1)
1.1.2 Kubangelwa yini ukuba osaziwayo izinto abazenzayo zigcine
sezibadumise umhlaba wonke? Nikeza kube KUBILI. (2)
1.1.3 Thola okufanayo phakathi kwabanye osaziwayo kanye
namasakabuli. (2)
1.1.4 Chaza kafushane umqondo ofanayo oqukethwe isigaba sesi-3
nesesi-7 bese usho ukuthi kunamthelela muni ezimpilweni
zosaziwayo. (3)
1.1.5 Khetha impendulo enembayo kulezi ozinikeziwe.
Isimo sokukhuluma esidwetshelwe esigabeni sesi-5, sichaza
ukuthi impilo …
A iyaguquguquka.
B ayiguquki.
C iyahlaba.
D iyahlonishwa. (1)
1.1.6 Ucabanga ukuthi kubangelwa yini ukuba osaziwayo abaningi babe
nabantu ababaqaphayo? Nikeza isizathu sempendulo yakho. (3)
1.1.7 Humusha isitatimende esibhalwe ngokugqamile esigabeni sesi-5
ngamaphuzu AMABILI bese uwasekela. (4)
1.1.8 Hlaziya bese ubeka umbono wakho ngesitatimende esidwetshelwe
esigabeni sesi-8. (2)
1.1.9 Phawula ngempumelelo yombhali ekusebenziseni izimo
zokukhuluma esigabeni sesi-4. (2)
KANYE NO
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 6 DBE/2016
SCE
1.2 Bukisisa lezi zithombe zosaziwayo ezingezansi bese uphendula imibuzo
elandelayo.
UMBHALO B (OBUKWAYO)
1 2
3
[Icashunwe ku-inthanethi, SA celebrities]
1.2.1 Shono ukuthi kungani usaziwayo osesithombeni sesi-2 ebukeka
ejabulile. (2)
1.2.2 Chaza kafushane umehluko womuzwa oqukethwe isithombe
soku-1 kanye nesithombe sesi-3. (2)
1.2.3 Emva kokufunda UMBHALO A esigabeni sesi-6 kanye nokubuka
UMBHALO B isithombe sesi-3, ucabanga ukuthi kungaba
namphumela muni ukulahlekelwa uxhaso kosaziwayo ezimpilweni
zabo? Sekela impendulo yakho ngamaphuzu AMANE anembayo. (4)
1.2.4 Phawula ngomyalezo odluliswa izithombe ezikula mabhokisi
amathathu mayelana nokuziphatha kosaziwayo bakuleli. (2)
AMAMAKI ESIQEQPHU A: 30
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 7 DBE/2016
SCE
ISIQEPHU B: UKUFINGQA
UMBUZO 2: UKUFINGQA ISIQESHANA NGAMAGAMA AKHO
Lesi siqeshana esilandelayo (UMBHALO C) simayelana nezindlela zokuphikisana
ngokuthula.
IMIYALELO:
1. Fingqa lesi siqeshana esikhuluma ngokuphikisana ngokuthula usebenzise
amagama akho angeqile kwangama-70.
2. Fingqa ngesigaba.
3. Ungabe usasibhala isihloko uma usufingqa lesi siqeshana.
4. Bhala inani lamagama owasebenzisile ekugcineni kwesiqeshana osifingqile.
UMBHALO C
NINGAPHIKISANA NGOKUTHULA
Kunzima ukugwema ingxabano phakathi kwabantu abathandanayo kodwa indlela
eniphikisana ngayo ingabulala noma yakhe ubudlelwane benu. Yibani nendlela
ephusile nevuthiwe yokuphikisana nesithandwa sakho uma ninezinkinga.
Uma ucasukile kuba lula ukuthi ukhulume noma yini. Gwema ukukhuluma amazwi
ayiziswana uwabhekise kumuntu othandana naye ngoba kungukudelela lokho.
Akugcini ngokuveza ubuluhlaza bakho kodwa kukhombisa ukuthi lukhulu enilubangayo
akusikho nje lokhu okunixabanise manje. Ukuqophisana ngamazwi akuwudambisi
umlilo kodwa kuwubhebhethekisa kakhulu.
Uma nixabana nisuke nigonyukelelana nikhipha konke okunihluphayo okungaphakathi.
Lowo ohlekisana naye angaba nemibono nawe okufanele uyicubungulisise, ngakho-
ke zinikezeni ithuba lokulalelana nobabili ngokulinganayo. Akukho okubi ekutheni
nawe ufuna ukulalelwa kodwa qinisekisa ukuthi nawe uyalalela ukuze kugwemeke
ukuthi njalo nihlale nixabana.
Uma uthetha usuke usuweqile umgomo wenhlonipho, okudala ukuthi lo oxabana naye
agcine engasathi vu, usukhuluma wedwa njengohlanya. Ngeke ezwe lutho uma
umemeza. Kanti akekho nongalalelana nomsindo wakho uma umemeza. Yehlisa
umoya ukhombise ukukhula, ukhulume ngezwi lakho elejwayelekile ukuze umbono
wakho uzwakale kahle futhi wemukeleke.
Ingabe ingxabano yenu igcina isithinta zonke izigemegeme ezake zenzeka
ebudlelwaneni benu? Gxila kulokhu enikubangayo, ukuvusa ezakudala ngeke kunisize.
Okunye niyobuye nikubone ngoba ukuhlanganisa izinto kungadida kakhulu. Kungcono
nibhekane nezinto ngaleso sikhathi ezenzeka ngaso. Uma nizifundisa lokho
nizoqhubekela phambili, ubudlelwane benu bukhule.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 8 DBE/2016
SCE
Uma isixazululo senkinga enibhekene nayo ningasitholi, tholani umuntu wesithathu
onganisiza. Lowo muntu kungaba umfundisi wenu, udokotela wezengqondo noma-ke
yimuphi umuntu omdala kunani futhi enimhloniphayo onganisiza ngoba kusuke
sekucacile ukuthi anisizakali. Uma nisheshe nakwenza lokhu nizogwema umonakalo
omkhulu obungabheduka ebudlelwaneni benu.
Ungafaki abantu abaningi ezindabeni zengxabano yakho nesithandwa sakho. Ulungile
umuntu oyedwa noma ababili enibethembayo, hhayi uquqaba. Uma nifaka noma ubani
kungabukeka sengathi kukhona ovuna omunye noma omunye useyahlanganyelwa,
okungaholela ekutheni omunye egcine esezilwela adube nomhlangano obunezinhloso
ezinhle, ezakhayo ebudlelwaneni benu.
[Ithathwe yahunyushwa kuBona, January 2015]
AMAMAKI ESIQEPHU B: 10
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 9 DBE/2016
SCE
ISIQEPHU C: IZAKHIWO NEZIMISO ZOKUSETSHENZISWA KOLIMI
UMBUZO 3: UKUHUMUSHA ISIKHANGISI
Fundisisa lesi sikhangisi (UMBHALO D OFUNDWAYO NOBUKWAYO) bese
uphendula imibuzo elandelayo.
UMBHALO D (OFUNDWAYO NOBUKWAYO)
[Icashunwe yahunyushwa kuBona]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 10 DBE/2016
SCE
3.1 Shono ukuthi sibhekiswe kobani lesi sikhangisi. (1)
3.2 Lungisa igama elidwetshelwe esikhangisini usebenzise ubhalo magama
olufanele. (1)
3.3 Chaza kafushane amasu asetshenziswe umkhangisi ukunxenxa abafisa
ukuthenga lo mkhiqizo. (2)
3.4 Ucabanga ukuthi lo mkhiqizo ungabasiza kanjani abantu abaphila esikhathini
samanje? Sekela impendulo yakho. (2)
3.5 Kungabe igama eliphindaphindiwe elithi, 'phila' liyayakha yini intshisekelo
kumfundi walesi sikhangisi ukuba awuthenge lo mkhiqizo? Sekela impendulo
yakho. (2)
3.6 Phawula ngezimpawu eziyizindlela zokuxhumana zesimanje ezisetshenziswe
kulesi sikhangisi. (2)
[10]
UMBUZO 4: UKUQONDISISA EZINYE IZINGXENYE ZEMITHOMBO YEZINDABA
Bukisisa UMBHALO E bese uphendula imibuzo elandelayo.
UMBHALO E (IKHATHUNI)
[Icashunwe yahumushwa kwijerenberg, blogspot.com]
4.1 Yisho OKUBILI okukhombisa ukuthi leli gumbi elikule khathuni
elasesibhedlela? (2)
4.2 Chaza kafushane ngolayini abadwetshwe phansi kule khathuni. (2)
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 11 DBE/2016
SCE
4.3 Khetha impendulo enembayo kulezi ozinikeziwe.
Inkulumo yesibili kadokotela okule khathuni ikhombisa …
A ukujabulela umsebenzi wakhe.
B ukungabi nalo ulwazi.
C ukwamukela isiguli ngokumamatheka.
D ukuthakasela ukufika kwesiguli. (1)
4.4 Bhala isifinyezo segama elidwetshelwe kule khathuni. (1)
4.5 Chaza umuzwa ovezwa ubuso besiguli kule khathuni. (2)
4.6 Ake uphawule ngomyalezo odluliswa umdwebi wale khathuni. (2)
[10]
UMBUZO 5: IZAKHIWO NEZIMISO ZOKUSETSHENZISWA KOLIMI
Funda lesi siqeshana esingezansi bese uphendula imibuzo elandelayo.
UMBHALO F
ISIKO LOKUCIMELA
Isiko lokucimela lenziwa intombazane esuke isilotsholiwe. Ukucimela kusho
ukuyocela izipho komalume ngoba usuke usuzohamba uye kogana. Intombazane
icimela koninalume. Intombazane uma iya kocimela iye ihambe nempelesi
okuyiyona ezoyikhulumela. Lokhu kwenziwa ngoba yona kungasafanele ikhulume.
Umalume osuthayo uyaye enze isiqiniseko ukuthi intombazane iyalala ukuze 5
ezoyihlabela imbuzi. Uma omalume bengabophi inja nogodo bangamupha
izimbuzi eziningi angagcina esezifuya. Okanye angacela ukuba azisise bese
zishaywa uphawu. Oninalume besifazane bona bamcimelisa ngezipho ezifana
namacansi, amavovo, izinkamba nezicephu kanye nokunye okuyizipho
eziyolekelela lapho esabela abasemzini. 10
Emva kokucimela koninalume intombazane ibe isidlulela koyise. Iyaye iye kwayise
omncane bese idlulela kwayise omkhulu. Kanjalo uma ithola ithuba iyaya nakwa-
anti. Ayigcini ngokucimela ezihlotsheni kuphela. Nomakhelwane nabo abasali
ngaphandle. Kepha uma ingabange isalithola ithuba lokucimela kubo bonke,
abasele sebeyoyilethela izipho emgonqweni. Izipho azivamisile ukuhamba zodwa. 15
Izipho zivame ukuhamba nezeluleko. Intombazane iyalulekwa ukuthi
kuyabekezelwa emendweni. Ukucimela kumele kuphothulwe kungakaqalwa
ukuphiswa kotshwala. Ngaphambi kokuba bugaywe utshwala kubalulekile ukuba
kuqalwe ngokuyolanda izinkomo zelobolo. Ziyonede zingagcwala isibaya, lusuke
ushikishi. 20
[IsiZulu soqobo ibanga lesi-8]
5.1 Shono ukuthi isakhi esidwetshelwe egameni elisemgqeni woku-1 siqukethe
mqondo muni. (1)
5.2 Sebenzisa isiqu esibhalwe ngokugqamile emgqeni wesi-2 emshweni
ozakhele wona sesiqukethe umqondo ohlukile kunalo osesiqeshini. (1)
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 12 DBE/2016
SCE
5.3 Phinda ubhale lo musho osemgqeni wesi-4 igama elidwetshelwe selikhomba
umqondo wokwenzeka. (1)
5.4 Igama elibhalwe ngokugqamile emgqeni we-13 liyigama eliwumfakela. Phinda
ubhale lo musho ususebenzise igama lesiZulu elifanelekile. (1)
5.5 Phinda ubhale umusho osemgqeni we-16 isingasenzo sesikhomba
ukulandula. (1)
5.6 Khetha impendulo enembayo kulezi ozinikiwe.
Isimo sokukhuluma esibhalwe ngokugqamile emgqeni wesi-6 kuya kowesi-7
sichaza …
A ukuphana.
B ukuncishana.
C ukungoqa.
D ukusiza. (1)
5.7 Hlanganisa umusho otholakala emgqeni we-15 kuya kowe-16 ukuze
kwakheke umusho ombaxa. (2)
5.8 Sebenzisa igama elimele ibinzana lala magama adwetshelwe emgqeni we-19
emshweni ozakhele wona ukuze kugqame ukuthi incazelo yaleli gama
uyayiqonda. (2)
[10]
AMAMAKI ESIQEPHU C: 30
AMAMAKI ESEWONKE: 70
Akuvumelekile ukukopisha leli phepha
Study this subject
Recommended for this subject

Question paper
isiZulu HL Grade 12 Paper 2 NSC June 2016 Question Paper

Question paper
isiZulu HL Grade 12 Paper 3 NSC June 2016 Question Paper

Question paper
isiZulu HL Grade 12 Paper 1 NSC November 2016 Question Paper

Question paper
isiZulu HL Grade 12 P1 NSC Supplementary 2016 Question Paper

Question paper
isiZulu HL Grade 12 Paper 1 NSC June 2024 Question Paper

Question paper
isiZulu HL Grade 12 Paper 1 NSC June 2023 Question Paper
More from Grade 12 isiZulu HL

Annual teaching plan
Gr 12 IsiZulu HL ATP 2023 24
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)
Memorandum
isiZulu HL Grade 12 Paper 1 Gauteng June 2025 Memo

Memorandum
isiZulu HL Grade 12 Paper 1 NSC June 2025 Memo

Memorandum
isiZulu HL Grade 12 Paper 2 NSC June 2025 Memo

Memorandum
isiZulu HL Grade 12 Paper 3 NSC June 2025 Memo

Memorandum