Confidential
SENIOR CERTIFICATE EXAMINATIONS/
NATIONAL SENIOR CERTIFICATE EXAMINATIONS
ISIZULU ULIMI LWASEKHAYA (HL)
IPHEPHA LOKUQALA (P1)
NHLABA/NHLANGULANA 2025
AMAMAKI: 70
ISIKHATHI: Amahora ama-2
Leli phepha linamakhasi ayi-13.
Akuvumelekile ukukopisha leli phepha Pheqa ikhasi
Skip to contentAll 2025 papers 





View all
isiZulu HL Grade 12 Paper 1 NSC June 2025 Question Paper
Grade 12 isiZulu HL Paper 1 question paper from the NSC June Exam 2025, 13 pages. Read online or get the free PDF download, memo linked when available.
Isizulu Hl · Grade 12 · NSC June Exam · 2025 · isizulu. Question paper, 13 pages. Read online or download the PDF.
- Subject
- isiZulu HL
- Grade
- Grade 12
- Language
- Isizulu
- Document type
- Question paper
- Year
- 2025
- Exam period
- NSC June Exam
- Paper
- 1
- Curriculum
- CAPS
- Pages
- 13
- File size
- 1.9 MB
Free to read online, no sign-up needed
Loading document…
Loading document…
1 of 13
This exam
NSC June Exam 2025
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1Ukufunda nokubukela / Reading and Viewing (non-literary)30 marks
- Question 3Ukufunda nokubukela / Reading and Viewing (non-literary)10 marks
- Question 4Ukufunda nokubukela / Reading and Viewing (non-literary)10 marks
- Question 5Ulimi: izakhiwo nemithetho / Language Structures and Conventions25 marks
Document textSearch extracted text and jump to a page.
IsiZulu Ulimi Lwasekhaya (HL)/P1 2 DBE/Nhlaba/Nhlangulana 2025
SC/NSC Confidential
IMIYALELO KANYE NOLWAZI KWABAHLOLWAYO
1. Leli phepha lehlukaniswe IZIQEPHU EZINTATHU:
ISIQEPHU A: Isivivinyo sokuqondisisa (30)
ISIQEPHU B: Ukufingqa (10)
ISIQEPHU C: Izakhiwo nezimiso zokusetshenziswa kolimi (30)
2. Phendula YONKE imibuzo ekuleli phepha.
3. Qalisa ISIQEPHU NGASINYE ekhasini ELISHA.
4. Hlukanisa ngokudwebela emuva kwesiqephu.
5. Faka izinombolo njengoba zisetshenzisiwe ephepheni.
6. Yeqa umugqa emuva kombuzo ngamunye.
7. Qaphela isipelingi kanye nokwakhiwa kwemisho.
8. Ungasebenzisa isikhathi sokubhala ngale ndlela elandelayo:
ISIQEPHU A: Imizuzu engama-50
ISIQEPHU B: Imizuzu engama-30
ISIQEPHU C: Imizuzu engama-40
9. Bhala ngobunono futhi kubonakale. 2025
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 3 DBE/Nhlaba/Nhlangulana 2025
SC/NSC Confidential
ISIQEPHU A: ISIVIVINYO SOKUQONDISISA
UMBUZO 1: UKUFUNDELA UKUQONDISISA
Fundisisa UMBHALO A ubuye ubukisise NOMBHALO B ongezansi bese uphendula
imibuzo elandelayo.
UMBHALO A (OFUNDWAYO)
UKUHLALISANA KOMNDENI
1 Isizwe sakithi siyisibonelo esihle mayelana nenhlonipho, ubumbano, nobuntu.
Izenzo eziyichilo emindenini ziyanqandwa zingakafinyeleli emphakathini ukuze
umndeni ungabi yinhlekisa. Uma kwenzekile amanye amalungu omndeni azithole
exabana, abadala bayawabiza, kubanjwe umhlangano ukuze abangaboni ngaso
linye bakwazi ukubhodla, bakhiphe okusezifubeni, bathelelane amanzi. Imvamisa- 5
ke kulesi sikhathi samanje izingxabano zomndeni azisaxazululwa ngokushesha.
Zigcina sezibhebhethekisa okomlilo wequbula, abozalo bagcine sekuyikati
negundane. Ihlazo lomndeni ligcina selaziwa wumphakathi. Kwesinye isikhathi
laziwe nawumhlaba wonke jikelele. Lokhu kubangelwa wukuthi izinkinga
zomndeni zisiwa ezinkantolo, ezigcawini zamakhosi, emasontweni 10
nasezinkundleni zokuxhumana.
2 Inkinga yomndeni iqala lapho izingane sezikhulile, sekufanele ziphume
ziyoziphembela imizi yazo. Lezi zintombi nezinsizwa zala ukhasha ukuphuma
ekhaya yize iningi selisebenza futhi linezingane. Ziyakhohlwa ukuthi izinkunzi
ezimbili azibusi esibayeni esisodwa. Imithetho yasekhaya isishaywa indiva, yilowo 15
nalowo usezisungulela umthetho wakhe ekhaya okungelabazali. Isuke lapho-ke
impi. Angisayiphathi-ke uma umzali engahamba emhlabeni. Ingxabano
iyaqhubeka uthando noxolo kuphela nya. Uzwe la makhosikazi namadoda esethi,
'Kukithi la.' Lapho-ke inkani yabo sekungeyexoxo, kuze kubanjwane ngezihluthu,
kulinyazwane. 20
3 Kukhona-ke olunye uhlobo lwabantu emindenini olukhonze abangani ngokweqile.
Laba bantu bawuhlakaza bawuqede umndeni ngoba bayisihlava esibi ngokuba
ngovovoliyakhipha. Bazicevuza zonke izindaba zomndeni ebanganini
ikakhulukazi lezo eziyihlazo. Basuke becabanga ukuthi bazothola usizo
nokwelulekwa ngabangani kanti basuke bengabuzanga elangeni. Bayakhohlwa 25
ukuthi lo mndeni abakhuluma ngawo nabo bangamalungu awo. Iningi lalaba
bangani bangabanganimbumbulu, bayakugqugquzela ukuba uqhubeke ujivaze
igama lomndeni wakho emphakathini. Bazosuka-ke bangakuniki izeluleko
eziphusile. Baze basho ukuthi uyilesi esathunywa ugwayi sabuya neboza.
4 Izingxabano zamafa nazo sezidla lubi, zidala ukuklwebhana okubangisa 30
amahloni. Umbango uqala lapho uSokhaya endela koyisemkhulu. Kusuka
esinamathambo, kubhoke umhobholo ngoba kukhona abangafuni
ukwehlukaniselana ifa nabanye bomndeni. Kwesinye isikhathi kuze
kuyokwenziwa nolibofuzo ngoba sekukhona abathile abatshelwa ukuthi abazalwa
kuleli khaya. Abafowabo myeni nabo abasali, ezabo izingxabano ezokugaqela ifa 35
lomfowabo yize enezingane nenkosikazi. Umangale nje uma sebeshaqa
izimpahla kungakangcwatshwa.
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 4 DBE/Nhlaba/Nhlangulana 2025
SC/NSC Confidential
5 Kwesinye isikhathi ukwehluleka ukwamukela izimo ezilukhuni emhlabeni kudala
impi enkulu emndenini. Lokhu kwenzeka lapho ilungu lomndeni onenkinga
seliphumile lingawazisile amanye amalungu omndeni liyohlola kulabo ababonayo. 40
Kusuka omkhulu umsindo lapho sekunukwa elinye ilungu lomndeni. Lona osuke
esenukiwe kuvamise ukuba oyigazi, izihlobo ngisho nomzali okuzalayo imbala.
Lapho-ke ingxabano yakhona ayipheli.
6 Kulezi zingxabano asisali isihlava esidalwa ngukuncintisana kwabozalo ekutheni
kusunguleke umona. Uqhudelana kanjani nodadewenu, nomfowenu ngoba uma 45
uba nezingqinamba empilweni yibona bantu ongakhalela kubona uma
usebunzimeni. Ingxabano iyakhula lapho sekunenzondo edalwa
ngukungacabangelani niwumndeni futhi ningasasizani. Uzwe kuthiwa
bekuqashwa endaweni thizeni isihlobo sakho ebesazi ngala mathuba omsebenzi
sanquma ukuwuhlaba inhlali kwabozalo kepha sazisa abangani. Le nhliziyo embi 50
idala igqubu elingapheli ngoba kwesinye isikhathi le nkulumo igcina isifikile
ezindlebeni zomndeni. Umshiya kanjani umnewenu ekhaya engasebenzi evuka
mihla namalanga eyofesa kunalokho ukhethe umngani?
7 Ayisaphathwa-ke eyabashadene, babopha ifindo bafunge bagomele phambi
komfundisi nezihlwele ukuthi bayohlukaniswa wukufa. Nabaphansi babikelwe 55
ukuthi naba abantu sebengumndeni munye. Sigasele isihlava emshadweni.
Azisali-ke nezingane uma kwembulelwa umhlaba ihlazo lomndeni nazo
ziyathinteka kakhulu. Uma abazali bephethe ngokudabula incwadi yomshado,
izingane sekumele zikhethe uhlangothi. Singezigxeke kakhulu lezi zingane ngoba
izinga lempilo yazo liyaguquka. Zishintsha isikole, umuzi ebezihlala kuwo 60
nezingubo zokugqoka. Bayaye balwe-ke nabazali kubangwa zona. Inhlamba
kuleyo mpi ayisali, sekuthukwana nasesidlangalaleni, naphambi kwezingane.
Ungaphika ukuthi laba bantu bake baba ngamathe nolimi njengoba
sebephenduke inkukhu nempaka.
8 Mazibuye emasisweni. Umndeni mawube yindawo enesithunzi namalungu 65
omndeni uvikelane ukuze izitha zingayitholi intuba yokungena. Lokhu kungadala
ukuthuthuka, uthando noxolo olungunaphakade. Uma kunokuhilizisana
emndenini, wonke umndeni kusuka kwabancane kuya kwabadala, mabadonswe
ngendlebe ukuthi babikele abomndeni nabozalo, kuxoxiswane. Uma inkinga
ingasombululeki sekungayiwa koSonhlalakahle ukuze nalabo abangena 70
ngenxeba banqindeke amandla bajokole. Ingani kuyashiwo ukuthi, eyomndeni
kayingenwa.
[Umbhalo wokuziqambela]
KANYE
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 5 DBE/Nhlaba/Nhlangulana 2025
SC/NSC Confidential
Bukisisa lezi zithombe ezingezansi bese uphendula imibuzo elandelayo.
UMBHALO B (OBUKWAYO)
ISITHOMBE-1 ISITHOMBE-2
ISITHOMBE-3 ISITHOMBE-4
[Zithathwe ku-www.googlelense]
IMIBUZO YOMBHALO A (OFUNDWAYO)
1.1 Shono ukuthi yikuphi okwenziwayo uma kwenzekile kwaxabana amalungu
omndeni. (2)
1.2 Yisho isizathu esidala ukuthi izingxabano zomndeni zigcine sezaziwa
ngumhlaba wonke. Bhekisa impendulo yakho esigabeni sokuqala. (2)
1.3 Chaza kafushane ukuthi isimo sokukhuluma esidwetshelwe esigabeni sesibili
sikulekelele kanjani ukuqonda okukhulunywa ngakho kulesi sigaba. (2)
1.4 Nikeza okufanayo mayelana nosizo olutholakala esigabeni sesi-3 kanye
nasesigabeni sesi-5. (3)
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 6 DBE/Nhlaba/Nhlangulana 2025
SC/NSC Confidential
1.5 Khetha igama elingahambelani ngokomqondo naleli elibhalwe ngokugqamile.
Igama elibhalwe ngokugqamile elitholakala esigabeni sesine
liwumqondofana naleli …
A umhawu.
B umona.
C umgolo.
D umfantu. (1)
1.6 Qhathanisa umqondo wesigaba sesi-6 kanye nesigaba sesi-7. (3)
1.7 Ucabanga ukuthi yisiphi isixazululo esingaqeda ukuncintisana kwamalungu
omndeni? Nikeza amaphuzu AMABILI. (2)
1.8 Hlaziya ukuhambelana kwalesi sitatimende esibhalwe ngokugqamile
esigabeni sesi-8 kanye nomqondo walesi sigaba. (3)
1.9 Ake ufake isincomo sokuthi uma leli hlazo lokungezwani okubhekana
nemindeni kungaba khona emndenini wakho ungenze njani. (2)
KANYE
IMIBUZO YOMBHALO B (OBUKWAYO)
1.10 Shono ukuthi kwenzekani esithombeni sesi-2. (2)
1.11 Nikeza OKUNGUMEHLUKO ngezenzo phakathi kwabantu ababonakala
esithombeni soku-1 kanye nababonakala esithombeni sesi-3. (2)
1.12 Qhathanisa umqondo oqukethwe UMBHALO A isigaba sesi-4 kanye nalokho
okubonakala KUMBHALO B esithombeni sesi-2. (4)
1.13 Hlaziya okwenzeka esithombeni sesi-4. (2)
AMAMAKI ESIQEPHU A: 30
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 7 DBE/Nhlaba/Nhlangulana 2025
SC/NSC Confidential
ISIQEPHU B: UKUFINGQA
UMBUZO 2: UKUFINGQA ISIQESHANA NGAMAGAMA AKHO
Lesi siqeshana esilandelayo (UMBHALO C) simayelana nezindlela zokuziphatha uma
umenywa emcimbini.
IMIYALELO:
1. Fingqa lesi siqeshana esimayelana nezindlela zokuziphatha uma umenywa
emcimbini usebenzise amagama akho angedluli kwangama-70.
2. Fingqa ngesigaba KUPHELA.
3. Ungabe usasibhala isihloko uma usufingqa lesi siqeshana.
4. Bhala inani lamagama owasebenzisile ekugcineni kwesiqeshana osifingqile.
UMBHALO C
IZINDLELA ZOKUZIPHATHA UMA UMENYWA EMCIMBINI
Miningi imicimbi esikhona kulezi zinsuku zanamuhla. Ohlela umcimbi uchitha imali
eningi, ewulungiselela ukuze ube yimpumelelo. Uyaye ajabule futhi ajabulise nalabo
abakhethile ukuthi bazombungazisa. Yonke imicimbi iba nemithetho okumele
ilandelwe. Abamenywayo bathola izimemo ezibazisa ngomcimbi ezidinga uphendule
ukuthi uyaphumelela noma awuzukuphumelela. Phendula kusenesikhathi ukuthi
uzophumelela noma awuzukuphumelela ukuze kwaziwe ukuthi uyeza, ungabonakali
usutheleka.
Umcimbi uba muhle ngengqephu futhi uhlonipheke. Sekuvamisile ukuthi
abamenywayo bacelwe ukuthi bagqoke imibala ethile. Hlonipha umcimbi ngokugqoka
njengoba uceliwe ukuze ungaphoxi ezithombeni ezithwetshulwayo. Kuyaye
kumangaze-ke ukuthi laba abangagqokile ngendlela efanele kube yibo abafuna
ukuvela kakhulu ezithombeni.
Imiyalelo iyachaza ukuthi kumenywa abantu abaneminyaka emingaki. Umnikazi
womcimbi ukwenza ngenhloso lokho. Abamenyiwe mabangezi nezingane nabangani
babo abebengamenyiwe noma ngabe basondelene kangakanani nomnini womcimbi.
Inkinga enkulu kujika kube yibona abafike nezingane abaziqhwakelisa ezitulweni.
Abantu abadala bagcina sebemi ngezinyawo sekuzofanele umphathihlelo acele
izingane ukuba zisukumele abantu abadala.
Phatha isipho noma ngabe sincane kangakanani uma umenyiwe. Lesi yisenzo
esikhombisa ubuntu nokubonga ukuthi ukhunjuliwe emcimbini. Yiso lesi sizathu
esenza onomcimbi abameme kusenesikhathi ukuze bangagcini ngokuphumelela
ukuza emcimbini kepha baphathe nezipho. Imicimbi iba namatafula okudla
okunhlobonhlobo. Ungaziphakela ukudla okufunayo ngoba nguwena ozaziyo ukuthi
udla kangakanani ukuze kugwemeke ukumosheka kokudla.
Musa-ke ukuphaka uqongise isitsha, ukudla kube yintaba uze ungaboni ngale
kwesitsha. Uma kwenzekile wangasutha, ungaphinda kodwa ungabi nomhobholo
uphake ujike ushiye inqwaba yokudla abanye bangabe besakuthola.
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 8 DBE/Nhlaba/Nhlangulana 2025
SC/NSC Confidential
Emcimbini abantu bavamise ukuhamba ngezikhathi ezingafani. Ungathathi ukudla
neziphuzo ukufake esikhwameni noma emotweni ungakuphiwanga umninimcimbi.
Lokhu kuba kubi ngoba kusuke kukhona abasasele beqhubeka nokuzijabulisa.
Imicimbi ivamile ukungabi nesikhathi sokuqala nokuphela yize kusuke kubhaliwe
ekhadini lesimemo. Zihlelele wazi ukuthi uzoya ngani futhi uzogoduka kanjani
ngemuva komcimbi. Kuba yinkinga uma okumemile usumthwesa umthwalo wokuthi
akulande noma akufunele inqola yokubuyela emuva, ngemuva komcimbi.
[Umbhalo wokuziqambela]
AMAMAKI ESIQEPHU B: 10
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 9 DBE/Nhlaba/Nhlangulana 2025
SC/NSC Confidential
ISIQEPHU C: IZAKHIWO NEZIMISO ZOKUSETSHENZISWA KOLIMI
UMBUZO 3: UKUHLAZIYA ISIKHANGISI
Fundisisa lesi sikhangisi (UMBHALO D) bese uphendula imibuzo ezolandela.
UMBHALO D (OFUNDWAYO NOBUKWAYO)
[Sithathwe ku-www.indoni.net]
3.1 Shono ukuthi yikuphi okumele ukwenze uma ufuna ukuba yingxenye
yabancintisanayo. (1)
3.2 Kungani kusetshenziswe amalogo ehlukene kulesi sikhangisi? (1)
3.3 Chaza ngokusetshenziswa kwezokuxhumana kulesi sikhangisi. (2)
3.4 Iyini inhloso yokusebenzisa lesi sithombe salezi zinsizwa kanye nentokazi
kulesi sikhangisi? (2)
3.5 Phinda ubhale umusho otholakala kulesi sikhangisi othi, ꞌThola elakho
ithikithi,ꞌ ubesendleleni yamandla. (2)
3.6 Phawula ngekhono lomkhangisi lokusebenzisa ulimi kulesi sikhangisi. (2)
[10]
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 10 DBE/Nhlaba/Nhlangulana 2025
SC/NSC Confidential
UMBUZO 4: UKUHUMUSHA IKHATHUNI
Bukisisa UMBHALO E bese uphendula imibuzo elandelayo.
UMBHALO E (OFUNDWAYO NOBUKWAYO)
Sicashunwe ku-www.bing-funny.picture.ac.za, sabuye sahunyushwa]
4.1 Chaza ukuthi bakuphi laba balingiswa. (1)
4.2 Khetha impendulo enembayo kulezi ezilandelayo.
Lesi sibiyelo esikule khathuni sichaza ukuthi:
A Uyakhuluma
B Uyathetha
C Uyahleba
D Uyacabanga (1)
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 11 DBE/Nhlaba/Nhlangulana 2025
SC/NSC Confidential
4.3 Xoxa kafushane ngomyalezo odluliswa ngumdwebi wale khathuni kubantu
abasebasha. (2)
KANYE
Bukisisa UMBHALO F bese uphendula imibuzo elandelayo.
UMBHALO F (OFUNDWAYO NOBUKWAYO)
USimangele ubonana noThemba okokuqala emuva kokutholana ezinkundleni
zokuxhumana. UThemba ubukeka eyinja.
[Sicashunwe ku-www.google.picture.ac.za, sabuye sahunyushwa]
4.4 Khipha imisho EMIBILI eqondile etholakala kulo musho ombaxa kulesi
sibiyelo. (2)
4.5 Chaza ukuthi yini ekhombisa ukuthi uSmangele wethukile kule khathuni. (2)
4.6 Hlaziya inkulumo kaThemba kanye nokuvezwa kwakhe njengomlingiswa kule
khathuni. (2)
[10]
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 12 DBE/Nhlaba/Nhlangulana 2025
SC/NSC Confidential
UMBUZO 5: IZAKHIWO NEZIMISO ZOKUSETSHENZISWA KOLIMI
Funda lesi siqeshana esingezansi bese uphendula imibuzo elandelayo.
UMBHALO G
KUNGCONO UKUHLULEKA UZAMILE KUNOKUHLULEKA UKUZAMA
1 Kuyiqiniso elingephikiswe ukuthi akekho noyedwa ongadikibali uma ezama okuthile
kungaphumeleli. Abantu basaba ukusebenza ngokuzikhandla. Amaphupho abo
agcina engafezekanga ngoba basuke besaba ukuzama. Ungabagxeka uthini
labo bantu ngoba basuke besaba amehlo athe njo kubo alindele ukuthi uzohluleka
nini. Abantu bayagconana lapho amaqembu edlala enkundleni yezemidlalo. 5
Bayakhohlwa ukuthi kuningi okufundwa ngumuntu ngamaphutha emizamo yakhe.
Ukuba lowo muntu ubengazamanga ngabe akafundanga ngisho into eyodwa vo.
2 Kukhona abantu abangamagwala abahlalela ukugxeka zonke izenzo zabanye.
Umbuzo wukuthi bayoqala nini ukwenza okuhle. Awube usabuzwa ngoba abalaleli
ngisho sebegqugquzelwa ukuthi mabaqale ukuzithuthukisa. Basuke sebenamahloni 10
okuthi sebekhulume kakhulu begxeka. Ngakho-ke kukhulu osekungalindeleka
kubona. Kufanele abantu bakuqonde ukuthi lowo nalowo muntu kufuneka athole
umvuzo wezithukuthuku zakhe.
3 Bancamela ukuququdwa yinkemane ngenxa yokusaba ukuzibandakanya nezinhlelo
zokuzithuthukisa ezingasiza ukuba baxoshe ikati eziko. Ngempela usuke umsabani 15
umuntu okuhleka ngoba uzama? Ikhona yini impuphu akuthengela yona ukuze
udle uma ungazamanga? Utshani obulele buvuswa ngomlilo. Baningi abayofa
bengazamanga ngoba bejabulisa abantu abangabasizi ngalutho.
[Umbhalo wokuziqambela]
5.1 Sebenzisa isenzo esisabizo esitholakala emgqeni wesi-2 odwetshelwe
emshweni ozakhele wona. (2)
5.2 Shono ukuthi lisetshenziselweni igama elibhalwe ngokugqamile emgqeni
wesi-4. (1)
5.3 Emshweni omagatshagatsha obhalwe ngokugqamile emgqeni we-5
5.3.1 Khipha umusho oyinhloko.
5.3.2 Umshwana okhonzile okhanyisayo. (2)
5.4 Khetha impendulo enembayo kulezi ezilandelayo.
Chaza ukuthi le theksthi eyisiqeshana ihleleke kanjani:
A Iyehlukanisa
B Iyaqhathanisa
C Iyalandisa
D Iyachaza (1)
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 13 DBE/Nhlaba/Nhlangulana 2025
SC/NSC Confidential
5.5 Sebenzisa igama elibhalwe ngokugqamile esigabeni sesi-2 emshweni
ozakhele wona ukuze ukhombise ukuthi uyayazi incazelo yalo. (2)
5.6 Bhala umusho ozakhele wona onegama elimqondofana naleli elidwetshelwe
emgqeni we-14. (1)
5.7 Phinda ubhale umusho odwetshelwe esigabeni sesi-3 uqale ngesikhanyiso. (1)
[10]
AMAMAKI ESIQEPHU C: 30
AMAMAKI ESEWONKE: 70
Akuvumelekile ukukopisha leli phepha
Study this subject
Recommended for this subject

Question paper
isiZulu HL Grade 12 Paper 1 NSC June 2024 Question Paper

Question paper
isiZulu HL Grade 12 Paper 1 NSC June 2023 Question Paper

Question paper
isiZulu HL Grade 12 Paper 1 NSC June 2022 Question Paper

Question paper
isiZulu HL Grade 12 Paper 1 NSC June 2019 Question Paper

Question paper
isiZulu HL Grade 12 Paper 1 NSC June 2018 Question Paper

Question paper

%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)

