Downloaded from hlayiso.com
NATIONAL
SENIOR CERTIFICATE
IBANGA LE-12
ISIZULU ULIMI LWASEKHAYA (HL)
IPHEPHA LOKUQALA (P1)
LWEZI 2021
AMAMAKI: 70
ISIKHATHI: Amahora ama-2
Leli phepha linamakhasi ayi-13.
Akuvumelekile ukukopisha leli phepha Pheqa ikhasi
Skip to contentAll 2021 papers 





View all
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)




isiZulu HL Grade 12 Paper 1 NSC November 2021 Question Paper
Grade 12 isiZulu HL Paper 1 question paper from the NSC November Exam 2021, 13 pages. Read online or get the free PDF download, memo linked when available.
Isizulu Hl · Grade 12 · NSC November Exam · 2021 · isizulu. Question paper, 13 pages. Read online or download the PDF.
- Subject
- isiZulu HL
- Grade
- Grade 12
- Language
- Isizulu
- Document type
- Question paper
- Year
- 2021
- Exam period
- NSC November Exam
- Paper
- 1
- Curriculum
- CAPS
- Pages
- 13
- File size
- 472.3 KB
Free to read online, no sign-up needed
Loading document…
Loading document…
1 of 13
This exam
NSC November Exam 2021
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Ukufunda nokubukela / Reading and Viewing (non-literary)38 marks
- Question 1.2Ukufunda nokubukela / Reading and Viewing (non-literary)38 marks
- Question 3Ukufunda nokubukela / Reading and Viewing (non-literary)10 marks
- Question 4Ukufunda nokubukela / Reading and Viewing (non-literary)20 marks
- Question 5Ulimi: izakhiwo nemithetho / Language Structures and Conventions10 marks
Document textSearch extracted text and jump to a page.
Downloaded from hlayiso.com
IsiZulu Ulimi Lwasekhaya (HL)/P1 2 DBE/Lwezi 2021
NSC
IMIYALELO KANYE NOLWAZI KWABAHLOLWAYO
1. Leli phepha lehlukaniswe IZIQEPHU EZINTATHU:
ISIQEPHU A: Isivivinyo sokuqondisisa (30)
ISIQEPHU B: Ukufingqa (10)
ISIQEPHU C: Izakhiwo nezimiso zokusetshenziswa kolimi (30)
2. Phendula YONKE imibuzo ekuleli phepha.
3. Qalisa ISIQEPHU NGASINYE ekhasini ELISHA.
4. Hlukanisa ngokudwebela emuva kwesiqephu.
5. Bhala izinombolo njengoba zisetshenzisiwe ephepheni.
6. Yeqa umugqa emuva kombuzo ngamunye.
7. Qaphela isipelingi kanye nokwakhiwa kwemisho.
8. Ungasebenzisa isikhathi sokubhala ngale ndlela elandelayo:
ISIQEPHU A: Imizuzu engama-50
ISIQEPHU B: Imizuzu engama-30
ISIQEPHU C: Imizuzu engama-40
9. Bhala ngobunono futhi kubonakale.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 3 DBE/Lwezi 2021
NSC
ISIQEPHU A: ISIVIVINYO SOKUQONDISISA
UMBUZO 1: UKUFUNDELA UKUQONDISISA
1.1 Fundisisa UMBHALO A ubuye ubukisise NOMBHALO B ongezansi bese
uphendula imibuzo elandelayo.
UMBHALO A (OFUNDWAYO)
ISIFO ESIGADLE KWEZWAKALA
1 Selokhu kwathi nhlo kuvamile ukuba uzwe abadala bethi esikubone
kulo nyaka siyokuzekela amagwababa echobana. Unyaka wezi-2020
kube unyaka la esingathi kusale kancane ukuba umhlaba ubhubhe
ngenxa yokhuvethe obeluwukhungethe, i-Covid-19. Lesi sifo sibizwa
kanjena nje ngoba igciwane lakhona litholakale ngonyaka wezi-2019. 5
2 Izwekazi lase-Afrika nalo alisindanga njengoba liyingxenye yamazwe
omhlaba. IGibhithe laba izwe lokuqala e-Afrika ukubika ngomuntu
otholakale naleli gciwane, kwalandela iNingizimu Afrika. Inyanga
kaNdasa kowezi-2020 iyona okwatholakala ngayo umuntu wokuqala
owayehaqwe yileli gciwane kuleli. Wayekade evakashele ezweni 10
laseNtaliyane. Uhulumeni kwadingeka ukuba amemezele ukuba
uyalivala ngci izwe amasonto ambalwa. Lokhu kwakubangelwa ukuthi
kwakufanele kunqandwe ukubhebhetheka kwalolu bhubhane.
Ngokuphazima kweso kwavalwa izikole, amasonto, amabhizinisi
ahlukahlukene, iphalamende, ezokuvakasha nokunye okuningi. 15
INingizimu Afrika yaziwa njengelinye lamazwe anomnotho
ontengantengayo nokungalingani kwamazinga empilo yabantu
abaphila kuyo. Lokhu kuye kwacaca bha ngenkathi leli zwe selivaliwe.
Abezimo eziphuthumayo, izibhedlela, imitholampilo, izitolo ezidayisa
ukudla, amagalaji kaphethiloli yizona zindawo ezingazange zivalwe. 20
Kwashaywa umthetho wewashi ukuze abantu bangagcaluzi noma
ikanjani.
3 Kuwo lowo mnyama kwadingeka ukuba abantu basuke ezindaweni
ababeye kuzo ngokuyosebenza baphindele emakhaya. Abantu
babecabanga ukuthi kuzoba yinto yesikhashana kanti ababuzanga 25
elangeni. Lokhu kwadala izingqinamba ezinhlobonhlobo
emiphakathini eyahlukene. Abanye abantu bakuthola kunzima
ukuthokozela ukuba semakhaya. Abantu abaningi babhuqwabhuqwe
yisifo se-Covid-19, baphinde bahlaselwa indlala. Kukhona abazithole
sebenengcindezi yokuhlala nemindeni yabo ababengazijwayezanga 30
ukuhlala nayo isikhathi eside. Kwanda udlame emakhaya, kwaba
isikhathi esingabekezeleki. Abazali bazithola sekufanele bangagcini
nje ngokwelekelela izingane zabo ngemisebenzi yesikole kodwa
baphenduke othisha boqobo. Abefundisi bagcina sebengasenazo
izinkonzo futhi bengasaholi. 35
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 4 DBE/Lwezi 2021
NSC
4 Ezomnotho ziwumgogodla wakho konke okwenzekayo emhlabeni
jikelele. Yonke imikhakha incike kwezomnotho. Ukuvalwa
kwemingcele kwalimaza kakhulu ezokuvakasha, umkhakha
wezamabhizinisi, nezimboni ezikhiqiza izinto ezahlukene.
Ukunqanyulwa kokwamukelwa kwezimpahla eziphuma eShayina 40
nakwamanye amazwe kwalimaza kakhulu umnotho wakuleli.
Ngaphezu kokuthi umhlaba wonke wawukhungethwe yilolu bhubhane
lwe- Covid-19, iNingizimu Afrika yaba neshwa lokuba iphinde
ihlaselwe ukukhwatshwaniswa kwemali nezinye izinsiza ezazabelwe
ukulwa nalesi sifo. Kuthe abantu obekuyibona ebebelekelela ukuba 45
kungalalwa kungadliwe emakhaya ehlukene bamiswa emsebenzini
abanye wabalahlekela. Eminye imindeni ilahlekelwe ngamalungu ayo
amaningi ngesikhathi esisodwa. Lokhu kudale usizi nenhlupheko
enkulu kwabasele. Imizi kanokusho abebehlala kuyo yadliwa,
kwalandwa izimoto nefenisha ngenxa yokuthi abantu 50
babengasakhokhi njengokwesivumelwano. Uhulumeni uzamile
ukulekelela abangasebenzi ngokubanikeza isibonelelo, waphinde
wakhuphula imali yesondlo sezingane, esabadala nabakhubazekile
izinyanga ezimbalwa. Ezomnotho yizona ezikhahlamezeke kakhulu
namanje isimo sezomnotho asikabuyeli kwesejwayelekile futhi 55
kusazothatha isikhathi.
5 Ezemfundo zishayekile nazo ngoba kwadingeka ukuba kuvalwe
izikole nezinye izikhungo zezemfundo ukuze kunqandwe
ukubhebhetheka kwalolu bhubhane lokhuvethe. Lokhu kuthinte
ngisho imiphumela yabafundi ezikoleni nasezikhungweni zemfundo 60
ephakeme ezahlukene. Kuwulimazile lokhu umnotho ngoba
abakhokhelwa ngokuthutha izingane nabo kwadingeka ukuba bahlale
emakhaya, kwangaba khona imali engenayo. Abakhokhelwa ngemali
evela kubazali njengasezinkulisa nakwezinye izikole bazithola
sebedla imbuya ngothi. Kuyishaye kakhulu imiphakathi entulayo 65
ukuvalwa kwezikole ngoba ezinye izingane zizithole zingenakho
okuya ngasethunjini ngoba zethembele kakhulu ekudleni ezikuthola
esikoleni. Kwethulwa izinhlelo zokufundisa abafundi kusetshenziswa
ubuchwepheshe besimanje, umabonakude nemisakazo eyahlukene.
Emiphakathini eminingi kwaba nenselelo yokulandela lezi zinhlelo 70
ngoba abafundi nothisha bengenazo izinsiza ezifanele.
6 Kwezenhlalakahle isimo senhlalo saphazamiseka. Abantu abaningi
bathikamezeka ngokomqondo nangokomzimba. Ukuhlala emakhaya
abantu bengenzi lutho kwaba nomthelela omubi kwezempilo
nokuzivocavoca. Abanye abantu baqala ukudla kakhulu kunakuqala 75
ngoba yayingekho into abayenzayo nangenxa yengcindezi. Izindawo
zokuzivocavoca nazo zavalwa. Izwe lithwale kanzima. Ngaphezu
kwalezo zinkinga ezazilikhungethe lalingakulindele futhi
lingakulungele ukuba neziguli ezinegciwane le-Covid-19.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 5 DBE/Lwezi 2021
NSC
Lalingenayo imali eyanele yobuxhakaxhaka bemishini, imishanguzo, 80
izinsizakuvikela, imibhede ngisho nabasebenzi ababekulungele
okwakwenzeka. Eminye imiphakathi ithinteke kakhulu
kwezamasiko nemikhuba ejwayelekile yokungcwaba nokushadisa.
Kwesinye isikhathi bekungelula ngisho nokuyofihla izihlobo zegazi.
Imishado eminingi kwadingeka ukuba ihlehliswe. 85
7 Kukho konke lokhu obekwenzeka obekuyizingqinamba, kukhona
okuhle esikuzuzile njengomphakathi waseNingizimu Afrika. Izindleko
zemingcwabo, ezemishado, ukuvulwa kwephalamende neminye
imicimbi zehla ngoba isibalo sabantu sasesinqunyiwe kungavunyelwe
ukuba sedlule ikhulu labantu. Ayisaphathwa-ke ngesikufundile 90
kwezobuchwepheshe kuye kwaphoqeleleka ukuba abantu
bazifundise ukubusebenzisa.
[Sicashunwe ku-Covid Alert app, Sabuye sahlelwa kabusha]
KANYE NO
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 6 DBE/Lwezi 2021
NSC
1.2 Bukisisa lezi zithombe ezingezansi bese uphendula imibuzo elandelayo.
UMBHALO B (OBUKWAYO)
IFREYIMU YOKU-1 (ESIBHEDLELA) IFREYIMU YESI-2 (ESIKOLENI)
IFREYIMU YESI-3 (ISIMO SOMNOTHO)
[Zicashunwe ku-Covid alert app, yabuye yahlelwa kabusha]
IMIBUZO YOMBHALO A (EFUNDWAYO)
1.1.1 Nikeza uhlobo lwesimo sokukhuluma esidwetshelwe esigabeni
sokuqala uphinde usichaze ukuze kuvele ukuthi uyasiqonda. (2)
1.1.2 Yisho ukuthi kungani lesi sifo sibizwe ngokuthi siyi-Covid-19. (1)
1.1.3 Yisiphi isizathu esaphoqelela ukuba uhulumeni waseNingizimu
Afrika alivale izwe? (2)
1.1.4 Fingqa ngamaphuzu AMATHATHU ubunzima obulethwe ukufika
kobhubhane lwe- Covid-19 kuleli. Bhekisa impendulo yakho
esigabeni sesi-3. (3)
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 7 DBE/Lwezi 2021
NSC
1.1.5 Khetha isimo sokukhuluma esihambisana nalesi esibhalwe
ngokugqamile esigabeni sesi-3:
A Lukhulu luyeza luyanyelela
B Alishoni lingenazindaba zalo
C Lizowa licoshwe izinkukhu
D Libafazi bedube inyama (1)
1.1.6 Chaza umqondo oqukethwe amagama abhalwe ngokugqamile
esigabeni sesi-5 uwayamanise nokwenzeka kuso. (4)
1.1.7 Qhathanisa umqondo oqukethwe isigaba sesi-3 kanye nomqondo
oqukethwe isigaba sesi-6. (3)
1.1.8 Hlaziya ngokuhlolisisa ubuqiniso besitatimende esibhalwe
ngokugqamile esigabeni sesi-6. (2)
1.1.9 Phawula ngokuhlolisisa amazwi adwetshelwe atholakala esigabeni
sesi-7. (2)
KANYE NO
IMIBUZO YOMBHALO B (OBUKWAYO)
1.2.1 Shono ukuthi kungani isiguli esisefreyimini yoku-1 siphethe
umakhalekhukhwini. Bhekisa impendulo yakho kokwenzeka manje
mayelana nokuvakashelana ezibhedlela ngenxa ye-Covid-19. (2)
1.2.2 Iyini inhloso yokusetshenziswa kwezifonyo. Bhekisa kokwenzeka
efreyimini yoku-1 kanye nasefreyimini yesi-2. (2)
1.2.3 Emva kofunda isigaba sesi-4 UMBHALO A ofundwayo Kanye
nokubuka UMBHALO B, ifreyimu yesi-3 qhathanisa umqondo
oqukethwe yile mibhalo yomibili. (4)
1.2.4 Humusha umqondo oqukethwe ifreyimi yesi-2. Bhekisa impendulo
yakho kokwenzeka ezweni lakuleli ngenxa ye-Covid-19. (2)
AMAMAKI ESIQEPHU A: 30
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 8 DBE/Lwezi 2021
NSC
ISIQEPHU B: UKUFINGQA
UMBUZO 2: UKUFINGQA ISIQESHANA NGAMAGAMA AKHO
Lesi siqeshana esilandelayo (UMBHALO C) esimayelana namaqiniso angephikiswe
mayelana nodlame lwasekhaya.
IMIYALELO:
1. Fingqa lesi siqeshana esimayelana namaqiniso angephikiswe mayelana
nodlame lwasekhaya usebenzise amagama akho angedluli kwangama-70.
2. Fingqa ngesigaba.
3. Ungabe usasibhala isihloko uma usufingqa lesi siqeshana.
4. Bhala inani lamagama owasebenzisile ekugcineni kwesiqeshana osifingqile.
UMBHALO C
AMAQINISO ANGEPHIKISWE MAYELANA NODLAME LWASEKHAYA
Udlame lwasekhaya yinto evamile eyenzeka nsuku zonke emindenini eminingi. Lo
mkhuba ubuvamile nakudala kodwa ufihlwa ngenxa yokunganakwa kwamalungelo
abantu. Izisulu zokuhlukunyezwa kuvame ukuba abantu besifazane nezingane.
Nakuba abantu besifazane kuyibona abavikelwa kakhulu kodwa iqiniso limile ukuthi
akubona bodwa abahlukunyezwayo. Abantu besilisa nabo bayaba izisulu zalokhu
kuhlukumezeka. Abesilisa bayathula bazivalele ekhoneni ngenkinga ababhekane nayo
yokuhlukunyezwa. Bangaphumela kanjani obala ngoba bahlekwa usulu ngisho
nangamaphoyisa imbala?
Izisulu zabesilisa zibhekana nokugxekwa ngokwesiko. Uzwa bethi indoda enjani
eshaywa umfazi. Lezi zinkulumo yizo ezenza ukuthi balibekezelele ibhodwe elishisayo
ukuze bavikele isithunzi sabo. Nabesifazane uma bebalekela ukuhlukunyezwa beshiye
imizi yabo, nabo bayagxekwa. Kuyabatshazwa kuthiwe mfazi muni lo obalekela umuzi
wakhe, akuyalwanga lokhu kubo.
Ziningi izinto eziyigugu onikela ngazo ebudlelwaneni. Usuke ungazi ukuthi ikusasa
likuphatheleni. Akulula ukuphuma ebudlelwaneni noma ngabe uhlukumezeke
kangakanani. Isikhathi nje sisodwa siyimali ngakho abanye basuke bekhalela isikhathi
sabo abasichithile. Abanye bakhalele izinto zabo zemali eshisiwe njengezimpahla
ezibizayo ezizobalahlekela uma bephuma ebudlelwaneni. Okukhulu kunakho konke
basuke bengenaso isiqiniseko sokuthi okubehlele ngeke kuphinde yini kubehlele uma
beqala ubudlelwano obusha.
Ukubhekana nokuhlukunyezwa kungaba nezinselelo ezahlukene ezinzima. Lesi saga
esithi eyomndeni ayingenwa siqinisile. Kubuhlungu ukugxambukela ezindabeni
zabantu ababili ngesinye isikhathi ngoba ababe besasho uma sebexolelene. Yingakho
abahlukunyezwayo bebhekana nezinselelo uma sebehlukunyezwa ngoba abalutholi
usizo ngokushesha ikakhulukazi kubantu abasondelene nabo.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 9 DBE/Lwezi 2021
NSC
Nakuba kusuke kulwa abantu abadala kodwa nezingane ziyawathola amachaphazelo,
okuba yizisulu zodlame lwasekhaya. Lokhu kwenziwa ukuthi abanye abazali ababe
besaba naso isikhathi sokunaka izingane zabo ngoba bachitha isikhathi esiningi
bebhekene nezimpi zabo. Okubi kunakho konke zikhula zinodlame nenzondo ngenxa
yokubonela kubazali bazo.
Udlame lwasekhaya lunemiphumela engemihle ikakhulukazi kwabesifazane
nezingane. Singabala ukuzinikela ngokweqile ezidakamizweni kanye nasophuzweni
oludakayo. Alubuye uthando ebantwini. Ikhaya liyikhaya elifudumele ngenxa yothando.
[Sicashunwe ku-inthanethi sabuye sahlelwa kabusha]
AMAMAKI ESIQEPHU B: 10
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 10 DBE/Lwezi 2021
NSC
ISIQEPHU C: IZAKHIWO NEZIMISO ZOKUSETSHENZISWA KOLIMI
UMBUZO 3: UKUHLAZIYA ISIKHANGISI
Fundisisa lesi sikhangisi (UMBHALO D) bese uphendula imibuzo ezolandela.
UMBHALO D (OFUNDWAYO NOBUKWAYO)
D.1
[Sicashunwe ku-Advert technique, sabuye sahlelwa kabusha]
3.1 Shono ukuthi kukhangiswani kulesi sikhangisi. Nikeza impendulo egcwele. (1)
3.2 Chaza kafushane ngendida equkethwe yila mazwi athi, 'Musa ukuba isigqila
sezikwelethu!'; 'Udinga imalimboleko esheshayo?' asetshenziswe kulesi
sikhangisi. (2)
3.3 Chaza umthelela wokusetshenziswa komuntu wesifazane okulesi sikhangisi. (2)
3.4 Ukusetshenziswa kombuzombumbulu kulesi sikhangisi kunamuphumela muni
kulowo ofunda isikhangisi? (2)
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 11 DBE/Lwezi 2021
NSC
D.2
[Sicashunwe ku-Advert technique, sabuye sahlelwa kabusha]
3.5 Indawo eyisiqiwi yilapho kutholakala khona lezi zilwane …
Khetha impendulo engashayi emhlolweni.
A ibhubesi.
B ingulule.
C ingcanga.
D indlovu. (1)
3.6 Ake uncome indlela yokukhangisa esetshenzisiwe kulesi sikhangisi. (2)
[10]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 12 DBE/Lwezi 2021
NSC
UMBUZO 4: UKUHUMUSHA IKHATHUNI
Bukisisa UMBHALO E bese uphendula imibuzo elandelayo.
UMBHALO E (OFUNDWAYO NOBUKWAYO)
IFREYIMU YOKU-1 IFREYIMU YESI-2
IFREYIMU YESI-3 IFREYIMU YESI-4
[Icashunwe ku-Funny black and white yabuye yahlelwa kabusha]
4.1 Shono ukuthi zichaza ukuthini izibiyelo ezisetshenziswe umdwebi wale
khathuni? (2)
4.2 Chaza kafushane umuzwa owethulwa okwenzeka efreyimini yesi-3. (2)
4.3 Ucabanga ukuthi igama, 'ukunkonkoloza' elitholakala efreyimini yesi-2
lihambelana kanjani nesimo umlingiswa azithola ekuso efreyimini yoku-1. (2)
4.4 Bhala umusho ombaxa usebenzise imisho edwetshelwe etholakala efreyimini
yesi-2. (2)
4.5 Hlaziya ngokuhlolisisa okwenzeka efreyimini yesi-4. (2)
[10]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 13 DBE/Lwezi 2021
NSC
UMBUZO 5: IZAKHIWO NEZIMISO ZOKUSETSHENZISWA KOLIMI
Funda lesi siqeshana esingezansi bese uphendula imibuzo elandelayo.
UMBHALO F
EZOBUCHWEPHESHE ZIWUSIZO OLUKHULU EMPHAKATHINI
Isikhathi esikuso emhlabeni siyaphoqa ukuba wonke umuntu aguqule indlela aphila
ngayo. Impilo isincike kakhulu kwezobuchwepheshe besimanje. Phambilini
bekuchithwa imali eningi kukhokhelwa izindleko zokuyothamela imihlangano noma
imibungazo ethile. Lokhu kwakuvamise ukuba kuholele ekutheni kuvalwe ngehlahla
kweminye imizi uma kuthuke kwenzeka ingozi. Kulesi sikhathi sekulula ukwenza 5
yonke le mibungazo kungazange kunyakaze muntu esuka endaweni ahlala kuyo
eya lapho kusindwe khona ngobethole.
Izinkundla zokuxhumana ziyakwazi ukuzihlanganisa zonke lezi zindawo. Akekho
obazi ukuthi ezokuxhumana zingathuthuka ngalesi sivinini zenze ukuba impilo ibe
lula. Abantu abadala bayasho ukuthi ukuwa kwenye indlu ukuvuka kwenye. 10
Ngesikhathi esizayo kuyophoqeleka ukuthi wonke umuntu akwazi ukusebenzisa
lobu buchwepheshe ngisho kungathiwa isalukazi esingakanani. Kuyadingeka
ukuba abantu bangahambeli kude nolwazi lwezokuxhumana ukuze bezokwazi
ukusebenza futhi bazenzele izinto ezithile. Ukuhambela kude kuhle kwelanga
lasebusika kungakwenza uzithole usushaywe ngemfe iphindiwe ngoba baningi 15
osomaqhinga nosomathuba abangagcina sebekuqola ngakho njalo ukungazijwayezi
ukusebenzisa ubuchwepheshe obusha kwezokuxhumana.
[Umbhalo wokuzisungulela]
5.1 Nikeza igama eliyisihlonipho saleli elibhalwe ngokugqamile elitholakala
emgqeni wokuqala. (1)
5.2 Sebenzisa igama elidwetshelwe elitholakala emgqeni wesi-6 selisendleleni
esabizo emshweni ozakhele wona. (2)
5.3 Shono ukuthi igama elibhalwe ngokugqamile elitholakala emgqeni wesi-9
lenze msebenzi muni. (1)
5.4 Phinda ubhale isigejana samagama abhalwe ngokugqamile atholakala
emgqeni we-10 sesikhomba ubunye. (2)
5.5 Nciphisa igama elibhalwe ngokugqamile elitholakala emgqeni we-12. Phinda
ulisebenzise emshweni ozakhele wona selikhomba ukuteketisa. (2)
5.6 Sebenzisa isimo sokukhuluma esitholakala emgqeni we-15 emshweni
ozakhele wona ukhombise ukuthi uyayiqonda incazelo yaso. (2)
[10]
AMAMAKI ESIQEPHU C: 30
AMAMAKI ESEWONKE: 70
Akuvumelekile ukukopisha leli phepha
Study this subject
Recommended for this subject

Question paper
isiZulu HL Grade 12 Paper 2 NSC November 2021 Question Paper

Question paper
isiZulu HL Grade 12 Paper 3 NSC November 2021 Question Paper

Question paper
isiZulu HL Grade 12 Paper 1 NSC November 2023 Question Paper

Question paper
isiZulu HL Grade 12 Paper 1 NSC November 2022 Question Paper

Question paper
isiZulu HL Grade 12 Paper 1 NSC November 2019 Question Paper

Question paper
isiZulu HL Grade 12 Paper 1 NSC November 2018 Question Paper
More from Grade 12 isiZulu HL

Annual teaching plan
Gr 12 IsiZulu HL ATP 2023 24
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)
Memorandum
isiZulu HL Grade 12 Paper 1 Gauteng June 2025 Memo

Memorandum
isiZulu HL Grade 12 Paper 1 NSC June 2025 Memo

Memorandum
isiZulu HL Grade 12 Paper 2 NSC June 2025 Memo

Memorandum
isiZulu HL Grade 12 Paper 3 NSC June 2025 Memo

Memorandum