Downloaded from hlayiso.com
NATIONAL
SENIOR CERTIFICATE
IBANGA LE-12
ISIZULU ULIMI LWASEKHAYA (HL)
IPHEPA LOKUQALA (P1)
LWEZI 2022
AMAMAKI: 70
ISIKHATHI: Amahora ama-2
Leli phepha linamakhasi ayi-12.
Akuvumelekile ukukopisha leli phepha Pheqa ikhasi
Skip to contentAll 2022 papers 





View all
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)




isiZulu HL Grade 12 Paper 1 NSC November 2022 Question Paper
Grade 12 isiZulu HL Paper 1 question paper from the NSC November Exam 2022, 12 pages. Read online or get the free PDF download, memo linked when available.
Isizulu Hl · Grade 12 · NSC November Exam · 2022 · isizulu. Question paper, 12 pages. Read online or download the PDF.
- Subject
- isiZulu HL
- Grade
- Grade 12
- Language
- Isizulu
- Document type
- Question paper
- Year
- 2022
- Exam period
- NSC November Exam
- Paper
- 1
- Curriculum
- CAPS
- Pages
- 12
- File size
- 588.4 KB
Free to read online, no sign-up needed
Loading document…
Loading document…
1 of 12
This exam
NSC November Exam 2022
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1Ukufunda nokubukela / Reading and Viewing (non-literary)30 marks
- Question 3Ukufunda nokubukela / Reading and Viewing (non-literary)10 marks
- Question 4Ulimi: izakhiwo nemithetho / Language Structures and Conventions10 marks
- Question 5Ulimi: izakhiwo nemithetho / Language Structures and Conventions10 marks
Document textSearch extracted text and jump to a page.
Downloaded from hlayiso.com
IsiZulu Ulimi Lwasekhaya (HL)/P1 2 DBE/Lwezi 2022
NSC
IMIYALELO KANYE NOLWAZI KWABAHLOLWAYO
1. Leli phepha lehlukaniswe IZIQEPHU EZINTATHU:
ISIQEPHU A: Isivivinyo sokuqondisisa (30)
ISIQEPHU B: Ukufingqa (10)
ISIQEPHU C: Izakhiwo nezimiso zokusetshenziswa kolimi (30)
2. Funda YONKE imiyalelo ngokucophelela.
3. Phendula YONKE imibuzo ekuleli phepha.
4. Qalisa ISIQEPHU NGASINYE ekhasini ELISHA.
5. Hlukanisa ngokudwebela emuva kwesiqephu.
6. Bhala izinombolo njengoba zisetshenzisiwe ephepheni.
7. Yeqa umugqa emuva kombuzo ngamunye.
8. Qaphela isipelingi kanye nokwakhiwa kwemisho.
9. Ungasebenzisa isikhathi sokubhala ngale ndlela elandelayo:
ISIQEPHU A: Imizuzu engama-50
ISIQEPHU B: Imizuzu engama-30
ISIQEPHU C: Imizuzu engama-40
10. Bhala ngobunono futhi kubonakale.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 3 DBE/Lwezi 2022
NSC
ISIQEPHU A: ISIVIVINYO SOKUQONDISISA
UMBUZO 1: UKUFUNDELA UKUQONDISISA
Fundisisa UMBHALO A ubuye ubukisise NOMBHALO B ongezansi bese uphendula
imibuzo elandelayo.
UMBHALO A (OFUNDWAYO)
UNGAYISINDISA IMPILO NGEZITHO ZAKHO ZOMZIMBA
1 Ukunikela ngezitho zomzimba yinqubo eyenzeka lapho umuntu ethatha
isinqumo sokunikela ngezitho zakhe zomzimba komunye umuntu ngaphandle
kokuphoqwa. Olunye uhlobo lokunikela lubandakanya ukuvuma ukuthi isitho
sakho somzimba sikhishwe usaphila siyofakwa komunye umuntu. Isinqumo
sokunikela ngezitho zomzimba singaphinde sithathwe ngemvume yelungu 5
lomndeni osondelene kakhulu nomufi nanoma yena engasawadli
anhlamvana. Nayo le ndlela ithathwa njengevumelekile.
2 Emhlabeni wonke jikelele kunezigidi zabantu asebethathe isinqumo sokuthi
baphonse itshe esivivaneni ngokuthi basayinde, bavume ukuba ngabanikeli
bezitho zomzimba. Lesi sibalo singabonakala sisikhulu kepha sincane 10
kakhulu. Kunegebe elikhulu elivuleka nsuku zonke lesibalo sabantu
abasemgqeni abamele lolu sizo lokuthola izitho zomzimba. ENingizimu Afrika
iyodwa nje sesevile ezinkulungwaneni ezine isibalo sabaludingayo lolu sizo.
Kunjalo nje mihla namalanga siyakhula isibalo sabagcina bendela
koyisemkhulu bengasizakalanga ngenxa yenani elikhulu labantu abadinga 15
ukusizakala.
3 Lesi sibalo sibandakanya lonke uhlobo lwabantu, kubalwa abadala ngisho
nezingane ezisanda kuzalwa imbala. Kwesinye isikhathi kuke kwenzeke
ukuba kusizakale umuntu ozalwe enezingqinamba ezithile okudingeka ukuba
alekelelwe ngokuba kukhishwe isitho azalwe naso esingasebenzi. Abanye 20
abantu bathola ukukhubazeka ngenxa yezingozi abahlangabezana nazo.
Bonke laba bantu bayaludinga usizo oluphuthumayo lokuthola izitho
zomzimba ezinikelwayo ngoba abanye bangagcina beye kwagoqanyawo
bebe bekhona abantu abangakwazi ukubasiza.
4 Usizo lwalolu hlobo lokunikela ngezitho zomzimba luvamise ukugxekwa 25
imindeni. Abozalo bayaye bakhathazeke kakhulu baze benze amasikwana
athile lapho kushone ilungu lomndeni ebeselingenazo izitho zomzimba
eziphelele. Kunxuswe izinyanya zakubo ukuba zimamukele zivikele
nemikhokha engabangwa yisitho esihlukene nomzimba. Lokhu kusala kube
yinkinga kubantu abaphilayo ngenxa yezinqumo ezathathwa ngabantu 30
abangasekho ngezitho zabo zomzimba besaphila uma bengawazisanga
umndeni ngezifiso zabo. Lokhu kuletha ukudideka ngoba amalunga omndeni
angala aphethe ukulandela leso sivumelwano. Abomndeni baphinde
banezezele ngokuthi angeke abaphansi bamemukele engasaphelele. Nalo
mbono nezinsolo zidalwa ngukwesaba ngenxa yokuthi kukho konke lokhu 35
inkonyane isethuka isisinga.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 4 DBE/Lwezi 2022
NSC
5 Abantu bangeye nganxanye bengemanzi. Bakhona kweminye imindeni
abakuthokozelayo ukuthi kube khona abasizakalayo ngalo mnikelo
oyingqayizivele osindisa imiphefumulo. Ingani kuke kwenzeke ukuthi abanye
bayalifafaza leli vangeli ngenxa yokuthi nabo bake baluthola usizo olufana 40
nalolu, baze babale nokusizakala ngegazi elinikelwayo mihla namalanga.
6 Ulwazi lokunikela ngezitho zomzimba luyasweleka. Okusuke kuxake yikho
ukuthi nezifundiswa imbala ezifunde zagogoda zifike ziyime emthumeni.
Kusuke kungakhulunywa amampunge uma kuthiwa umuntu ufunda aze
afe. Kuningi kakhulu okungelona iqiniso uma kuza kwezokunikela ngezitho 45
zomzimba okuba yimbangela yokuthi babe baningi abahudula izinyawo
ukunika lolu hlobo losizo. Okufike kukhathaze izinkolelo zabantu abaningi
abangenalo ulwazi olufanele. Bathi uma ususayinde amafomu okuthi
uyavuma ukuba izitho zakho zisetshenziswe odokotela uma usushonile,
esibhedlela bavele bakuphuthume bakuhlinza ukuze bathathe izitho 50
ngaphandle kwesiqiniseko sokuthi usushonile ngempela noma usaqulekile.
Lokhu akulona iqiniso, kunalokhu nguwena abazama ukukusindisa kakhulu
kunalowo muntu abangamsindisa ngezitho zakho. Ogulayo akalokothwa
ahlinzwe engakashoni, nengqondo yakhe isasebenza.
7 Indlela yokuthuthukisa ukusindisa impilo yabantu, abasemkhakheni 55
wezempilo bathuthukise ulwazi lwabo ngokusungula nokwenza ucwaningo
ngokusebenzisa izitho zomzimba. Lezi zitho ezinikelwa ngabantu okungaba
amehlo, inhliziyo, izinso, amaphaphu zenza kube lula futhi ucwaningo lwabo
lube yimpumelelo ngoba abacwaninga ngakho kungokwangempela.
Umphumela walolo cwaningo uba ngoweqiniso. Olunye ucwaningo 60
lubonakalisa ukuthi nabantu bafisa ukufakelwa izitho zangempela
okungezabantu kunalezo ezivamise ukuba ngezokwenziwa noma ezezilwane
kusetshenziswa ezobuchwepheshe bamanje.
8 Zikhona-ke nokho izinselelo zokunikela ngezitho zomzimba kulabo
asebeshonile ngoba abakwazi ukuzikhethela ukuthi izitho zabo zinikwa bani. 65
Ngenxa yobugebengu osebungcolise umhlaba wonke, bakhona labo
abangosomathuba abasebenzisa leli thuba ukufeza izinhloso zabo.
Bayalisebenzisa leli thuba ngokuthatha lezi zitho zomzimba bazidayisele
abasebenzi bomnyango wezeMpilo abakhohlakele. Obunye ubunzima
ngukuthi onikelayo kufanele naye ahlinzwe ukuze kukhishwe leso sitho sakhe 70
somzimba okungaholela ekutheni ophe ngokwedlulele. Kwesinye isikhathi
naye agcine esedinga usizo lokunikelelwa ngegazi noma kuphazamiseke
ezinye izitho zomzimba. Lokhu kungagcina sesithola ukuthi umlungisi uzithela
isisila.
9 Likhulu iqhaza elingabanjwa ngabantu ukusiza labo abamizimba 75
ibuthakathaka. Singephike ukuthi baningi abantu abasiza abanye abantu
ngezindlela ezahlukene njengokuxhasa ngemali. Ukusiza ngokunikela
ngesitho somzimba yindlela emnene, enobuqhawe abantu abangasindisa
ngayo impilo yabantu abaningi. Lesi yisipho abantu abangaqhubeka banikele
ngaso noma sebendele koyisemkhulu. 80
[Sithathwe ku-https//www.toppr.com sahunyushwa kabusha]
KANYE NO
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 5 DBE/Lwezi 2022
NSC
Bukisisa lezi zithombe ezingezansi bese uphendula imibuzo elandelayo.
UMBHALO B (OBUKWAYO)
1 2
3 4
[Zithathwe ku-dreamstime/wikihow.com]
IMIBUZO YOMBHALO A (OFUNDWAYO)
1.1 Yiziphi izindlela EZIMBILI okunganikelwa ngazo izitho zomzimba? Bhekisa
impendulo yakho esigabeni soku-1. (2)
1.2 Sizathu sini esenza ukuba abantu abaningi abadinga usizo lokuthola izitho
zomzimba bagcine sebeshonile? (2)
1.3 Chaza kafushane ukuthi yibaphi abantu abadinga usizo lokunikelelwa
ngezitho zomzimba. (2)
1.4 Nikeza okungumehluko mayelana nokunikela kwezitho zomzimba
okutholakala esigabeni sesi-4 kanye nasesigabeni sesi-5. (2)
1.5 Khetha impendulo EYODWA enembayo kulezi ozinikiwe.
Isimo sokukhuluma esibhalwe ngokugqamile esigabeni sesi-4 sichaza ukuthi
uzobuye …
A abone okubi.
B ajwayele okusha.
C aqale kabusha.
D athole angakwazi. (1)
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 6 DBE/Lwezi 2022
NSC
1.6 Chaza umqondo owethulwa isigaba sesi-7 kulesi siqeshana. (3)
1.7 Iyini inhloso yombhali yokubhala lesi siqeshana? (2)
1.8 Ucabanga ukuthi yiziphi izindlela ezingasetshenziswa ukugqugquzela abantu
ukuthi banikele ngezitho zomzimba? (2)
1.9 Hlaziya isitatimende esibhalwe ngokugqamile esigabeni sesi-6. (2)
1.10 Phawula ngokuhambelana phakathi kwesiqephu nesimo sokukhuluma
esidwetshelwe esiphethweni salesi siqeshana. (2)
KANYE NO
IMIBUZO YOMBHALO B (OBUKWAYO)
1.11 Yisho ukuthi yini eyenzeka esithombeni soku-1. (2)
1.12 Nikeza OKUBILI okungumehluko okutholakala esithombeni sesi-2 kanye
nasesithombeni sesi-3. (2)
1.13 Emuva kokufunda UMBHALO A ofundwayo isigaba sesi-7 kanye nokubuka
UMBHALO B obukwayo isithombe sesi-4, yamanisa okuqukethwe yile
mibhalo. (4)
1.14 Ngokubona kwakho, yikuphi okungenziwa ukuzama ukufundisa abantu ukuthi
bakubone kubalulekile ukunikela ngezitho zomzimba. (2)
AMAMAKI ESIQEPHU A: 30
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 7 DBE/Lwezi 2022
NSC
ISIQEPHU B: UKUFINGQA
UMBUZO 2: UKUFINGQA ISIQESHANA NGAMAGAMA AKHO
Lesi siqeshana esilandelayo (UMBHALO C) simayelana nezindlela zokugwema
ukuchitha isikhathi esiningi kumabonakude.
QAPHELA:
1. Fingqa lesi siqeshana esimayelana nezindlela zokugwema ukuchitha isikhathi
esiningi kumabonakude usebenzise amagama akho angedluli kwangama-70.
2. Fingqa ngesigaba KUPHELA.
3. Ungabe usasibhala isihloko uma usufingqa lesi siqeshana.
4. Bhala inani lamagama owasebenzisile ekugcineni kwesiqeshana osifingqile.
UMBHALO C
IZINDLELA ZOKUGWEMA UKUCHITHA ISIKHATHI ESININGI KUMABONAKUDE
Ukuchitha isikhathi eside ngokungafanele kumabonakude kuyisifo esikhungethe
abantu bonke. Umabonakude wenzelwe ukupholisa ingqondo, nokufundisa kepha uma
usuwubuka ngokweqile uba yisifo esidinga ukufakelwa izibuko. Kunezindlela
ezingalandelwa ukulapha lesi sifo. Bhala izinhlelo nesikhathi ozozibukela ngaso ukuze
uqiniseke ukuthi awuchithi isikhathi ngokubuka izinhlelo ezingenasidingo kuwe.
Yiba nongakwenza njengemidlalo edlalelwa ngaphandle uma uzizwa unesizungu.
Lokhu kwenza ingqondo yakho igxile kwenye into kunomabonakude. Okwenzayo
kwabele isikhathi sakho esanele. Lokhu kuzokwenza ukuthi ungabuyeli endlini ugcine
usubukela nezinye izinhlelo obungahlosile ukuzibukela. Uma wenza lokho isikhathi
sakho uzosichitha ngendlela efanele.
Izingxoxo ongaba nazo nabangani noma umndeni zingakuhehela ekubukeni izinhlelo
zikamabonakude. Gwema ukulalela ingxoxo yabo uma bexoxa noma bekuxoxela
ngezinhlelo ongazibuki kumabonakude. Uma ungayigwemi le ngxoxo uzogcina
usunesifiso sokuyozibonela okushiwo ngalezi zinhlelo, ufane noTomasi
waseBhayibhelini.
Impilo yanamuhla idala ingcindezi. Izindawo okuhlalwa kuzo ezingaphephile,
imisebenzi esetshenzwayo, isiminyaminya sezimoto ezisemgwaqeni zibeka impilo
engcupheni. Konke lokhu kugcina kubangela ukuthi abantu bathole indlela yokususa
ingcindezi uma befika ekhaya. Umabonakude kuba yindlela okufinyeleleka kalula kuyo
engaqeda ingcindezi. Abantu bagcina begqolozela umabonakude amahora
ngamahora. Ukuze ugweme lokho, zifundele izincwadi, uhlanganyele namaqembu
abafundi bezincwadi nixoxe ngalezo zincwadi enizifundile.
Igumbi lokulala lenzelwe ukulala kuphela. Bukela umabonakude nomndeni wakho
endlini yokuphumula, ungawufaki egunjini lokulala. Lokhu kungadala ukuthi uqhubeke
ubukele umabonakude kwezinye izikhathi uze uzumeke. Umabonakude ugcine
usubuka wena. Ungagcina usulala phakathi kwamabili uhehwa yizinhlelo ezingapheli
ozibukayo.
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 8 DBE/Lwezi 2022
NSC
Wonke umuntu uyakudinga ukuthuthuka empilweni. Akukuningi okuzuzayo uma
ubukela ezinye izinhlelo zikamabonakude. Uma kungekuningi okuzuzayo kulezo
zinhlelo, sizathu sini esingenza uchithe isikhathi sakho kuzo? Thola indlela yokuchitha
isikhathi enenzuzo nefundisayo, njengokwenza isivande utshale imifino, uzifundise
ukubhaka amakhekhe uwathengise nokunye.
Ukuhlala njalo wedwa ugqolozele umabonakude kuyingozi, ungagcina ukhuluphala
ngokweqile okungadala izifo. Lokhu kungaxhumani nabantu akukuhle, ugcina
usuyinkomo edla yodwa. Ukuvakasha nokungcebeleka kungasiza ekusebenziseni
isikhathi kahle.
[Sithathwe ku-www.googlenews sahunyushwa kabusha]
AMAMAKI ESIQEPHU B: 10
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 9 DBE/Lwezi 2022
NSC
ISIQEPHU C: IZAKHIWO NEZIMISO ZOKUSETSHENZISWA KOLIMI
UMBUZO 3: UKUHLAZIYA ISIKHANGISI
Fundisisa lesi sikhangisi (UMBHALO D) bese uphendula imibuzo ezolandela.
UMBHALO D1 NO D2 (OFUNDWAYO NOBUKWAYO)
D.1 ABAVIKELI BEMVELO ABAZIMELE
Ukongeka Kwemvelo Kusezandleni Zakho!
Ungalahli izinqamu zikagwayi noma yikuphi.
[Sithathwe ku-www.googlepics sahunyushwa kabusha]
3.1 Shono ukuthi sibhekiswe kobani lesi sikhangisi. (1)
3.2 Chaza ukuthi kungani umbhali esebenzise ifonti enkulu emagameni
asekuqaleni kwalesi sikhangisi. (2)
3.3 Ucabanga ukuthi yikuphi okunganqanda isihlava sokulahlwa kwezinqamu
zikagwayi phansi? (2)
D.2
[Sithathwe ku-www.googlepics sahunyushwa kabusha]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 10 DBE/Lwezi 2022
NSC
3.4 Khetha impendulo enembayo kulezi ezilandelayo:
Chaza ukuthi le thekisthi yesikhangisi ihleleke kanjani.
A Ukuqhathanisa nokwehlukanisa
B Isisusa nempendulo
C Inkinga nesixazululo
D Isiqalo nesiphetho (1)
3.5 Kungani kusetshenziswe indlela ephoqayo kulesi sikhangisi ? (2)
3.6 Hlaziya ukuhambelana kwesithombe esikulesi sikhangisi kanye
nokukhangiswayo. (2)
[10]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 11 DBE/Lwezi 2022
NSC
UMBUZO 4: UKUHUMUSHA IKHATHUNI
Bukisisa UMBHALO E bese uphendula imibuzo elandelayo.
UMBHALO E (OFUNDWAYO NOBUKWAYO)
1 2
Ngicela ungangi- Yangisiza le ngane.
phazamisi. Emsebenzini Ngizocofa ilinki
angibikanga ukuthi ... ngiqale umhlangano!
Hawu kanti akadlali Ngizomvova!
nami, uyasebenza! Angilande
umbhobho
wokucula.
3 4
Hayi bo, Enzo! Sondelani! Sicule
kukhona Mdlwembe! bangani. Wololoo,
noMphathi! babize bonkee, yebooo,
wawuthi koba njani?
Woza mama, woza sidanse! Woza
5 6
Nkosi yami Mama!
sijayive! Vosho! Hhyai bo! Vosho! ngiyalingwa Kambe
yini? Ngizothini liqhubeka
emsebenzini? lithini leli
culo?
[Icashunwe ku-www.HedgerHumor.com yahunyushwa kabusha]
4.1 Kungani kusetshenziswe igama elithi 'ngicela' efreyimini yoku-1. (1)
4.2 Fingqa okwenziwa abalingiswa efreyimini yesi-2. (3)
4.3 Sebenzisa igama elidwetshelwe elitholakala efreyimini yesi-4 ukwakha
umusho ukuze ukhombise ukuthi uyayiqonda incazelo yalo. (2)
4.4 Qhathanisa ukusetshenziswa kwamazwi enkulumeni yowesifazane efreyimini
yesi-3 kanye neyesi-4. (2)
4.5 Phawula ngomyalezo odluliswa umdwebi wale khathuni. (2)
[10]
Akuvumelekile ukukopisha leli phepha Pheqa ikhasi
Downloaded from hlayiso.com
IsiZulu Ulimi Lwasekhaya (HL)/P1 12 DBE/Lwezi 2022
NSC
UMBUZO 5: IZAKHIWO NEZIMISO ZOKUSETSHENZISWA KOLIMI
Funda lesi siqeshana esingezansi bese uphendula imibuzo elandelayo.
UMBHALO F
UKUNGCWEKA
Ukungcweka ngumdlalo omnandi kakhulu lapho izinsizwa zizwana khona amandla.
Zisuke zingenanxa nalowo ezingcwekisana naye kodwa ziqinisana ukhakhayi ukuze
zizohloniphana, kwaziwe ukuthi ubani ingqwele. Insizwa kumele iqinelwe ukhakhayi
ukuze ingabi lula uma ihlangene nezinye izinsizwa. Ingazitholaphi izibongo insizwa
uma ingumnqolo ogumbetsheni umachoba izintwala zikanina? Izibongo akuyona into 5
olala ungenayo uvuke ekuseni usunayo kodwa zingamagalelo akho obuqhawe.
Izibongo zensizwa zisuke zichaza imivimbo enayo emzimbeni eyithole kade ilwa, ivika,
ithubeleza kunzima.
Ukuba nezibongo eziningi ukuthola ekungcwekeni ngoba usuke usufana nenkunzi
emidwayidwa. Noma bengakubhaxabula kanjani ezimbanjeni kodwa ikhanda ngeke 10
balinuke uma uyiqhawe ngoba uzobe ulivikela ngazo zonke izindlela. Uma sekuphelile
ukungcweka akukho muntu obambela omunye igqubu. Phela izinsizwa amabhubesi,
ziyaphelezelana zifike zigezane igazi emfuleni. Hhiya Zulu, kusuke kungempi phela
kodwa kusuke kungcwekwa nje.
[Umbhalo wokuziqambela]
5.1 Nikeza igama elenze umsebenzi wokuchaza emgqeni woku-1. (1)
5.2 Sebenzisa igama elingumqondophika kuleli elidwetshelwe emshweni
ozakhele wona. (2)
5.3 Shono ukuthi le thekisthi eyisiqeshana ihleleke kanjani.
Khetha impendulo enembayo kulezi ezilandelayo:
A Iyachaza
B Iyaqhathanisa
C Iyayalela
D Iyehlukanisa (1)
5.4 Bhala imisho EMIBILI eqondile eyakhe umusho ombaxa osemgqeni wesi-9
nowe-10. (2)
5.5 Shono ukuthi isakhi esibhalwe ngokugqamile sisetshenziselweni. (1)
5.6 Phinda ubhale umusho osemgqeni wesi-7 kuya kowesi-8 unciphise igama
elingundaweni. (1)
5.7 Hlaziya ukuthi isifengqo esitholakala emgqeni wesi-9 kuya kowe-10
sisetshenzisweleni. (2)
[10]
AMAMAKI ESIQEPHU C: 30
AMAMAKI ESEWONKE: 70
Akuvumelekile ukukopisha leli phepha
Study this subject
Recommended for this subject

Question paper
isiZulu HL Grade 12 Paper 2 NSC November 2022 Question Paper

Question paper
isiZulu HL Grade 12 Paper 3 NSC November 2022 Question Paper

Question paper
isiZulu HL Grade 12 Paper 1 NSC June 2022 Question Paper

Question paper
isiZulu HL Grade 12 Paper 1 NSC November 2023 Question Paper

Question paper
isiZulu HL Grade 12 Paper 1 NSC November 2021 Question Paper

Question paper
isiZulu HL Grade 12 Paper 1 NSC November 2019 Question Paper
More from Grade 12 isiZulu HL

Annual teaching plan
Gr 12 IsiZulu HL ATP 2023 24
%20June%202025%20Possible%20Answers--fb8e2fe1-962f-4ce7-8ece-e8248a6089c9/v1-2e81dcce6aebb4d1e1c1/card.webp)
Memorandum
isiZulu HL Grade 12 Paper 1 Gauteng June 2025 Memo

Memorandum
isiZulu HL Grade 12 Paper 1 NSC June 2025 Memo

Memorandum
isiZulu HL Grade 12 Paper 2 NSC June 2025 Memo

Memorandum
isiZulu HL Grade 12 Paper 3 NSC June 2025 Memo

Memorandum