Religion Studies P2 Nov 2015 Afr_hlayiso.com_.pdf

Downloaded from hlayiso.com GRAAD 12 NASIONALE SENIOR SERTIFIKAAT GRAAD 12 RELIGIESTUDIES V2 NOVEMBER 2015 PUNTE: 150 TYD: 2 uur Hierdie vraestel bestaan uit 4 bladsye. Kopiereg voorbehou Blaai om asseblief

Downloaded from hlayiso.com Religiestudies/V2 2 DBE/November 2015 NSS INSTRUKSIES EN INLIGTING 1. Hierdie vraestel bestaan uit VYF vrae. 2. Beantwoord enige DRIE vrae. 3. Lees AL die vrae aandagtig deur. 4. Nommer die antwoorde korrek volgens die nommeringstelsel wat in hierdie vraestel gebruik is. 5. Die lengte van jou antwoorde moet ooreenstem met die punte wat vir elke vraag toegeken is. 6. Skryf netjies en leesbaar. Kopiereg voorbehou Blaai om asseblief

Downloaded from hlayiso.com Religiestudies/V2 3 DBE/November 2015 NSS VRAAG 1 Lees die uittreksel hieronder en beantwoord die vrae wat volg. Elke godsdiens het enkele oortuigings wat nie onderhandelbaar is nie, waarin al die volgelinge van die godsdiens glo. Daar is egter in die meeste godsdienste vertolkings van oortuigings wat van een denkskool tot die volgende kan verskil. Soms is hierdie verskille groot, en het selfs tot godsdiensoorloë gelei, en soms is hulle klein. [Vertaal uit Shuters Top Class Religion Studies, bladsy 8] 1.1 Kies enige EEN godsdiens en bespreek die onderafdelings daarvan onder die volgende opskrifte: 1.1.1 Godsdienstige leringe (16) 1.1.2 Bestuur/Beheer van godsdienstige strukture (14) 1.2 Wat, dink jy, sal in die toekoms met die interne verskille wat tussen die verskillende godsdienste bestaan, gebeur? (10) 1.3 Hoe beïnvloed 'hedendaagse inspirasie' die interne verskille wat binne godsdienste bestaan? (10) [50] VRAAG 2 2.1 Kies enige EEN godsdiens en bespreek die sentrale leringe daarvan onder die volgende opskrifte: 2.1.1 Die aard van godheid (10) 2.1.2 Die oorsprong en rol van die bose (10) 2.2 Lees die uittreksel hieronder en beantwoord die vrae wat volg. Darwin se evolusieleer het 'n alternatiewe verduideliking vir die oorsprong van die mens gegee. Alhoewel evolusie nie godsdienstige idees oor skepping direk teenspreek nie, is dit duidelik dat dit geen verklaring as deel van 'n goddelike plan aanbied nie. [Vertaal uit Shuters Top Class Religion Studies, bladsy 163] 2.2.1 Verduidelik die evolusieleer. (10) 2.2.2 Bespreek die reaksie van enige EEN godsdiens op Darwin se teorie. (20) [50] Kopiereg voorbehou Blaai om asseblief

Downloaded from hlayiso.com Religiestudies/V2 4 DBE/November 2015 NSS VRAAG 3 Lees die stelling hieronder en beantwoord die vrae wat volg. Elke godsdiens is besorg oor die beskerming van die natuurlike omgewing. Dit is omdat die meeste godsdienste die natuur as deel van die goddelike skepping beskou. 3.1 Noem VYF moontlike oorsake van omgewingsvernietiging. (10) 3.2 Ontleed die impak van omgewingsvernietiging op die samelewing. (10) 3.3 Noem VYF praktiese strategieë wat godsdienstige organisasies kan toepas om die omgewing te beskerm. (10) 3.4 Met verwysing na die leringe van enige EEN godsdiens, bespreek die oplossing(s) wat dit bied om die omgewing te beskerm. (20) [50] VRAAG 4 Beantwoord die volgende vrae met verwysing na enige EEN godsdiens. 4.1 Verduidelik die oorsprong en ontwikkeling van die normatiewe bron(ne). (20) 4.2 Bespreek die spesifieke hermeneutiese beginsels wat op die vertolking van heilige teks van toepassing is. (14) 4.3 Verduidelik die verband tussen goddelike inspirasie en normatiewe bronne. (16) [50] VRAAG 5 Lees die stelling hieronder en beantwoord die vrae wat volg. Sekularisme is 'n wêreldbeskouing wat nie met enige godsdienstige dogma saamstem nie. Veral in die Weste is daar 'n toenemende aantal mense wat sekulêre lewens leef. 5.1 Gee moontlike redes vir die toenemende gewildheid van sekulêre wêreldbeskouings. (10) 5.2 Noem enige TWEE sekulêre wêreldbeskouings en verduidelik die ooreenkomste en verskille wat tussen hulle bestaan. (20) 5.3 Die Oerknalteorie is 'n wetenskaplike verklaring vir hoe die heelal ontstaan het. Natuurlik het godsdienste ook hulle eie verklarings. Na aanleiding van die stelling hierbo, bespreek die verskillende reaksies van enige TWEE godsdienste op die Oerknalteorie. (20) [50] TOTAAL: 150 Kopiereg voorbehou