Downloaded from hlayiso.com
NATIONAL
SENIOR CERTIFICATE
MOPHATO 12
SETSWANA PUO YA GAE (HL)
PAMPIRI YA NTLHA (P1)
TLHAKOLE/MOPITLWE 2018
MADUO: 70
NAKO: Diura di le 2
Pampiri e, e na le ditsebe di le 9.
Kwalololo e ileditswe Phetla
Skip to contentAll 2018 papers 





View all
%20June%202025%20Possible%20Answers--6c4914f8-c425-4ab5-8f4b-333233856880/v1-4be17f3107978c2f30ba/card.webp)




Setswana HL Grade 12 P1 NSC Supplementary 2018 QP
Grade 12 Setswana HL Paper 1 question paper from the NSC Supplementary Exam 2018, 9 pages. Read online or get the free PDF download, memo linked when available.
Setswana Hl · Grade 12 · NSC Supplementary Exam · 2018 · setswana. Question paper, 9 pages. Read online or download the PDF.
- Subject
- Setswana HL
- Grade
- Grade 12
- Language
- Setswana
- Document type
- Question paper
- Year
- 2018
- Exam period
- NSC Supplementary Exam
- Paper
- 1
- Curriculum
- CAPS
- Pages
- 9
- File size
- 945.9 KB
Free to read online, no sign-up needed
Loading document…
Loading document…
1 of 9
This exam
NSC Supplementary Exam 2018
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Go bala le go lebelela (Reading and Viewing — non-literary)22 marks
- Question 1.2Go bala le go lebelela (Reading and Viewing — non-literary)8 marks
- Question 3Popego ya puo le melawana (Language Structures and Conventions)10 marks
- Question 4Go bala le go lebelela (Reading and Viewing — non-literary)10 marks
- Question 1Go bala le go lebelela (Reading and Viewing — non-literary)10 marks
- Question 5Popego ya puo le melawana (Language Structures and Conventions)10 marks
Document textSearch extracted text and jump to a page.
Downloaded from hlayiso.com
Setswana Puo ya Gae (HL)/P1 2 DBE/Tlhakole–Mopitlwe 2018
NSC
DITAELO LE TSHEDIMOSETSO
1. Pampiri e, e arogantswe ka DIKAROLO DI LE THARO.
KAROLO YA A: Tekatlhaloganyo (30)
KAROLO YA B: Tshobokanyo (10)
KAROLO YA C: Tiriso ya puo (30)
2. Buisa ditaelo TSOTLHE ka kelotlhoko.
3. Araba dipotso TSOTLHE.
4. Simolola karolo NNGWE LE NNGWE mo tsebeng E NTŠHWA.
5. Thala mola morago ga karolo NNGWE le NNGWE.
6. Nomora karabo NNGWE le NNGWE jaaka potso e nomorilwe.
7. Tlola mola morago ga karabo NNGWE le NNGWE.
8. Kwala sentle ka mokwalo o o buisegang.
9. Tlhokomela mopeleto le popego ya dipolelo.
10. Kabo ya nako e e tshikinngwang:
KAROLO YA A: 50 metsotso
KAROLO YA B: 30 metsotso
KAROLO YA C: 40 metsotso
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 3 DBE/Tlhakole–Mopitlwe 2018
NSC
KAROLO YA A: TEKATLHALOGANYO
POTSO 1
1.1 Buisa temana e e latelang, mme morago o arabe dipotso.
SETLHANGWA A (TEMANA)
1 Moremogolo go betlwa wa taola wa motho o a ipetla. Ontiretse o
godisitswe ke malomaagwe. O tsene sekolo mo Rasimone, a itshoka.
A sutlha sa mariga a gopotse mafoko a mogologolo a a reng 'Ngwana
wa dikgomo ithute molodi malata a sa le teng.' Malomaagwe o ne a na
le morwa yo o lekanang le Ontiretse ka dingwaga. Motho ke yoo, a bo a 5
le dinala di metsi. Ontiretse ena o ne a le diatla, tiro ya sekolo le yona
o ne a e dira ka bojotlhe. Mmamalomaagwe fa a lemoga gore Ontiretse
o phala morwae ka tsotlhe, a itaya Ontiretse ka noga e tshela. Ontiretse
a itshoka a ba a fetsa mophato wa botlhano. A ipolelela gore a ka se
tlhole a kgona go tswelela pele ka dithuto. 10
2 Moso mongwe a rwalela ditlhako kwa TEBA go ya go batla tiro.
O palame bese le Sengwelesengwe ba le mo mokgapheng o le
mongwe, go batla tiro. Fa dikantoro tsa TEBA kwa Phokeng di bulwa mo
mosong ke fa ba le fa kgorong. Moepo ga o ke o tlala. Ba ne ba thapiwa.
Ba itlhophela go dira kwa tlase ka ba ne ba utlwile go twe fa o dira kwa 15
tlase o e olela ka kokoro. Sejanaga sa moepo se ba se bitsang
ntorontoro sa ba rwalela kwa moepong. Bapalami botlhe ba ne ba
emeletse ka dinao mme go bonala ditlhogwana tsa bona tse di
tlhageletseng mo diphatlheng. Ntorontoro nngwe le nngwe e tsamaya le
lephodisa le le bulelang bapalami fa ba palama kgotsa ba fologa. Ga 20
twe batho fa ba palame ntorontoro ba tsenwa ke mowa wa go roga
mongwe le mongwe le ena mokgweetsi tota.
3 Ontiretse le Sengwelesengwe ba gorogile kwa moepong jaaka setlhare
se se medileng mo sekakeng. Ba etelelwa pele ke lephodisa la moepo.
Ba tsenngwa mo go nngwe ya diphaposi tsa dipati tse ditala. Ka fa gare 25
ga phaposi eo, go ne go le rre mongwe yo o neng a ba laela gore
mongwe le mongwe a itseele sejana sa aluminiamo le materase o
motala. Mo mosong wa le le latelang ka ura ya boraro ga ragiwa mapai.
Ka nako e, go ne go tlhanasela e le semphete ke go fete. Phaposi ya
bojelo e ne e tletse e rile thi! Ba fetile ditlhotshwanatlhotshwana di 30
theogetse, go lela garawe. Ka ura ya boraro tiro ya fela.
4 Ba boela komponeng ba goga dinao e kete ba gapeletswa ke mongwe
go tsamaya. Ontiretse wa teng a fufuletswe le ditlhako. A palama mo
godimo ga bolao a re o rola ditlhako, a ela ruri. Sengwelesengwe o sa le
a re o kgwa mowa, owaii! A kgakgamolola dithaba. Letheka le opa e 35
kete mongwe o ne a mo otla dinoka ka motshe. Mo mosong wa le le
latelang ba kgaoganngwa. Ba goroga fa ba neng ba tshwanetse go dira
gona. Nako ya gana go suta. Motsotso mongwe le mongwe e kete ke
ura. Sengwelesengwe le ena a le mo dinakeng tsa kukama. Pelo nngwe
ya re a ineye naga. O tlaa tswa kae a sa itse tsela? Ngwana yo o sa 40
leleng o swela tharing. A itirela boikuelo mo go moetapele wa bona.
Sampoko a gana tsona tse. Bokete jo Sengwelesengwe a neng a le mo
go bona, Ontiretse le ena o ne a le mo go bona.
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 4 DBE/Tlhakole–Mopitlwe 2018
NSC
5 Mosimane a ipofa lebanta gangwe le gape. Mo mosong wa le le
latelang basimane bao ba tswa ka kgoro ya kompone. Ba sa 45
gadime kwa morago gonne ba ne ba tshaba go fetoga thaba ya
letswai jaaka mosadi wa ga Lota. Ontiretse a itshoka. Bokete
bole ba tiro a bo tlwaela. Fa morago ga ngwaga a ntse a dira a
romelwa kwa sekolong sa boapeelo. O dutse koo dikgwedi di le
tharo. O boile koo a rupisitswe e le moeteledipele. A tlhaga a 50
filwe oborolo e tshweu, kokoro e tshweu le ditlhako tsa teng.
A simolola go supa ka monwana. Tiro ya moepo ya mo
natefalela.
6 O ne a gorogile mo dingwageng tsa go gorosa. A gorosa kwa
ntle ga mathata ape. A aga hebehebe ya ntlo. Batho ba simolola 55
go mo leba ka matlho a e seng a keleletsomasego. Letlhogonolo
ga se lebelo. A kokoanya khumo ya gagwe a iketlile. A rapela
fela gore tiro ya gagwe e se ka ya fela a ise a kgobokanye.
Tiro ya moepo ke e nngwe ya ditiro tse di neng di sa sireletsega
ka gore modiri a ka kobiwa nako nngwe le nngwe mme a tlhoke 60
kwa a neng a ka lelela gona.
[E nopotswe go tswa go Molaetsa, SS Mokua]
1.1.1 Tlhopha karabo e e maleba ka go kwala tlhaka e e nepagetseng
A, B, C kgotsa D.
Ontiretse le Sengwelesengwe ba ne ba dira kwa:
A Sekolong
B Bophodiseng
C Rasimone
D Moepong (1)
1.1.2 Ontiretse o tsalana jang le morwa wa ga malomaagwe? (1)
1.1.3 Naya dintlha di le PEDI tse di tlhotlheleditseng Ontiretse go ya go
senka tiro morago ga go fetsa mophato wa botlhano. (4)
1.1.4 Tiro ya kwa meepong e tlhoka batho ba ba ntseng jang? (2)
1.1.5 A Ontiretse le Sengwelesengwe ke diyathoteng di bapile?
Tshegetsa karabo ya gago ka lebaka. (2)
1.1.6 A Ontiretse ke sekao sa tlhagiso e e reng 'moremogolo go betlwa
wa taola wa motho o a ipetla'? (Temana ya 1) Tshegetsa karabo
ka lebaka. (2)
1.1.7 Ke maitsholo afe a a sa eletsegeng a a fitlhelwang mo bathong fa
ba palame ntorontoro ba le setlhotshwana. (Temana 2) (2)
1.1.8 Tlhalosa se se kaiwang fa go twe 'Ontiretse le Sengwelesengwe
ba gorogile kwa meepong jaaka setlhare se se medileng mo
sekakeng'? (Temana ya 3) (2)
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 5 DBE/Tlhakole–Mopitlwe 2018
NSC
1.1.9 A ke ntlha kgotsa kakanyo gore Sengwelesengwe o ne a itela kwa
moetapeleng wa gagwe? Tshegetsa karabo ya gago ka lebaka. (2)
1.1.10 Go itshoka ga ga Ontiretse, go mo tswetse mosola jang kwa
tirong? Tshegetsa karabo ya gago ka lebaka. (2)
1.1.11 A o ka itumelela go bona tiro kwa meepong? Tshegetsa karabo ya
gago ka lebaka. (2)
1.2 SETLHANGWA B (SETSHWANTSHO)
Leba setshwantsho se se latelang, mme morago o arabe dipotso.
[Sunday Times, Lwetse 2015]
1.2.1 Tiragalo e e mo go SETLHWANGWA B e tlhotlhelediwa ke eng? (2)
1.2.2 Tiro e e tlhagisitsweng mo go SETLHANGWA A e farologana jang le
e e mo go SETLHANGWA B? Naya dipharologano di le pedi. (4)
1.2.3 Go ya ka wena a tiro e e diriwang ke monna yo o mo
setshwantshong e ka fetola botshelo jwa gagwe? (2)
PALOGOTLHE YA KAROLO YA A: 30
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 6 DBE/Tlhakole–Mopitlwe 2018
NSC
KAROLO YA B: TSHOBOKANYO
POTSO 2
Buisa temana e e fa tlase ka kelotlhoko. E tlhagisa dintlha ka ga maitsholo a
badiredipuso.
ELA TLHOKO: O tshwanetse go dira tse di latelang:
1. Sobokanya o dirisa mafoko a gago, mme o sa latlhe bokao jwa temana, ka go
tlhagisa dintlha di le SUPA ka ga kaedi ya maitsholo a badiredipuso.
2. Kwala ka temana.
3. Boleele bo se fete mafoko a a 90.
4. Tshobokanyo e se ka ya newa setlhogo.
5. Kwala palo ya mafoko a o a dirisitseng kwa bokhutlong jwa tshobokanyo.
SETLHANGWA C
KAEDI YA MAITSHOLO A BADIREDIPUSO
Badiredipuso ke bathapiwa ba puso bao go wa le go tsoga ga bona e leng go direla
setšhaba. Badiredipuso ba na le melawana e ba tshwanetseng go itshola ka yona mo
bodireding jwa bona gore mo pusong go se nne kwa ga Mmegaampone. Kaedi e ya
maitsholo e dirisiwa go kaela badiri ka se se solofetsweng mo go bona mabapi le
maitsholo a mantle; e ka nna mo bojosing jwa bona kgotsa mo botsalanong le ba
bangwe.
Melawana e ya maitsholo e rotloetsa bodiredi jo bo tlhwatlhwagodimo gape e thusa ka
netefatso ya go itshepa mo badiredipusong. Go solofetswe gore badiredipuso le
bakhuduthamaga ba Kgotlapeomolao ba itshole ka mokgwa mongwe o o tlhaolegileng.
Badiredipuso ba dirisana ka sebona gape ba dirisana le setšhaba.
Bodiredi le botsalano jwa badiredipuso bo beilwe leitlho le lentšhotšho le go atlholwa
ke bathapi le setšhaba. Ba tshwanetse go dirisana ka botlalo go atolosa dikgatlhego
tsa setšhaba. Ka tsamaiso ya ditheo, ga go na setheo se se se nang molaodi.
Badiredipuso le bona ba na le batho bao ba ba tlhaoletsweng go ba tsamaisa mme ba
tshwanetse go diragatsa ditaelo tse ba di neilweng ka fa molaong e bile di sa thulane
le Molaotheo ka gope.
Ga go modiri ope yo o nang le tetla ya go dirisa thata ya gagwe go tlhotlheletsa badiri
ba bangwe kana go ba gatelela ka mokgwa mongwe.
Ga go mokgoro o o sa neleng, ka jalo badiredipuso ba na le tšhono ya go tlhagisa
dilelo tsa bona ka tsela e e maleba le kwa kemeding e e maleba. Ba ineele go godisa,
go rotloetsa badiri-ka-bona le go nna le botsalano jo bo se nang selabe. Ba iphape mo
ditirong tsa mekgatlho ya sepolotiki ka nako ya tiro le kwa tirong. Ba dirisane le ba
bangwe ntle le kgobelelo.
Ngwana yo o sa utlweng molao wa batsadi o tlaa utlwa wa manong.
[E fetoletswe go tswa go NewsLetter dlg & hs]
PALOGOTLHE YA KAROLO YA B: 10
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 7 DBE/Tlhakole–Mopitlwe 2018
NSC
KAROLO YA C: TIRISO YA PUO
POTSO 3
Sekaseka phasalatso e e fa tlase, mme morago o arabe dipotso.
SETLHANGWA D
Daniëlskuil Kuruman
Khatu Postmasburg
3 Diphalane 2016 4 Diphalane 2016
5 Diphalane 2016 6 Diphalane 2016
Tlhakalatlou Holo ya Toropo
Holo ya Motse Holo ya Toropo
Holo ya Motse wa Sishen
Tlaya o tle go utlwa se o tlhokang go se itse ka ga:
Go rulaganyetsa kgwebo le tataiso
Ditlhokego tsa thuso ya matlole
Ditsela tsa go boloka le go beeletsa
Re laletsa dikgwebo tsotlhe tsa bantsho le basweu, go tla NATIONAL
go utlwa gore ba ka ungwelwa jang le go nna le seabe
mo kgolong ya ikonomi ka B-BBEE. EMPOWERMENT
www.nefcorp.co.za/www.nefbusinessplanner.co.za FUND
0861 843 633
[DFA: Laboraro, 2 Lwetse 2016]
3.1 Tlhopha karabo e e maleba ka go kwala tlhaka e e nepagetseng A, B, C
kgotsa D.
Lefoko 'B-BBEE', mo phasalatsong e ke sekao sa …
A thipo ya leina.
B khutshwafatso.
C akeronimi.
D mopeleto wa leina. (1)
3.2 Pitso e e mo phasalatsong e goeleditswe ke setlamo sefe? (1)
3.3 A pitso e, e laleditse dikgwebo tsa batho ba merafe yotlhe? Tshegetsa karabo
ya gago ka lebaka. (2)
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 8 DBE/Tlhakole–Mopitlwe 2018
NSC
3.4 Lefoko 'thuso' le dirisitswe jang mo phasalatsong? (1)
3.5 Fetolela polelo e e latelang mo bontsing:
(1)
'Tlaya o tle go utlwa se o tlhokang go se itse …'
3.6 Go ya ka wena, a pitso e e tlaa dira gore dikgwebo tsa balalediwa di atlege?
Tshegetsa karabo ya gago ka lebaka. (2)
3.7 Ke bokao bofe jo bo senolwang ke lee mo teng ga sentlhaga jaaka go
tlhagelela mo phasalatsong? (2)
[10]
POTSO 4
Sekaseka khathunu e e fa tlase, mme morago o arabe dipotso.
SETLHANGWA E
DIRITBATSI KGWEETSA O
GO REKISIWA FETE! A O KA
RATA GO
KHOKHEINE TLHAKANYA SEO
LE THIKI RRA?
NYAOPE
THIKI
MATEKWANE
O AMOGETSWE
[Sowetan, Laboraro Seetebosigo 15 2016]
4.1 Khathunu e, e bua ka ga eng? (1)
4.2 Nopola sekao sa tlhalosi ya kopanelo go tswa mo khathunung. (1)
4.3 Tlhagiso e e reng, 'KGWEETSA O FETE!' e mo modirisong ofe? (1)
4.4 Tlhopha karabo e e maleba ka go kwala tlhaka e e nepagetseng A, B, C
kgotsa D.
Ke seritibatsi sefe se se tlhagelelang mo khathunung se se tshwaetsang
batho le fa ba sa se dirise?
A Motsoko
B Nyaope
C Thiki
D Khokheine (1)
Kwalololo e ileditswe Phetla
Downloaded from hlayiso.com
Setswana Puo ya Gae (HL)/P1 9 DBE/Tlhakole–Mopitlwe 2018
NSC
4.5 A e ka nna nnete fa go twe mokhathunu o senola bareki e le ba bong bo le
bongwe fela? Tshegetsa karabo ya gago ka lebaka. (2)
4.6 A go molemo gore motsadi a tle le ngwana mo lefelong le, jaaka rre yo o
tlhagelelang mo khathunung? Tshegetsa karabo ya gago ka lebaka. (2)
4.7 Goreng koloi e eme gaufi le letlhabaphefo? (2)
[10]
POTSO 5
Buisa temana e e latelang, mme morago o arabe dipotso.
SETLHANGWA F
1 Moselekatse o ne a ralala naga yotlhe ya Aforikaborwa, a bolaya, a
phatlalatsa e bile a ikgapela. Batlhabani ba gagwe ba ba pelodithata ba ne ba
le bantsho ba fifetse e ka re ba itshasitse tsholo. E ne e re fa letsatsi le
thusumela, ga bo go utlwala selelo sa ngwana le sa mosadi. Marumo a ne a ja
motho, motho a wela kwa. Madi a pumpunyega jaaka metsi a motswedi, 5
dipula di nele, e le diphororo. E re fa go le makgaphilakgaphila jaana selelo se
khurumetse motse otlhe. Ba ba lesego ba ba neng ba tle ba falole ditlhaselo
ba ne ba siela mo dikgageng, ba fete ba ithe golwe, ba etse dipela di bone
ntšwa. Madi a ne a tlalatlala le naga, tlhaga e tlhoka go talafala, mme e hibila
ka madi a bana ba batho. 10
2 Manong a maphatshwa a ne a phaphasela mo godimo ga loapi a lebile
dinama tsa ditoto tsa batho. Bophokojwe le bophiri ba ne ba ja ba bo ba
itlhoboge. Dikgomo tse tota e ne e le tsona tse di lotlhanyang ditšhaba, di ne
di gapiwa pele, di isiwa kwa go thibeletsweng teng. Dintwa tsa maloba di ne
di le setlhogo, e bile di le thata. 15
[E rulagantswe go tswa go Lehufa le lwa le thuto, SA Moroke]
5.1 Fetolela polelo e e ntshofaditsweng mo go mola 1 go nna tirwa. (1)
5.2 Kgaoganya leinatswako le le thaletsweng mo go mola 2 ka dipopego tsa puo
(dikarolopuo) tse le bopilweng ka tsona. (2)
5.3 Bopa leetsi ka lefoko le le ntshofaditsweng mo go mola 3. (1)
5.4 Kwala lekaelagongwe la lefoko le le ntshofaditsweng mo go mola 7. (1)
5.5 Fetolela polelo e e thaletsweng mo go mela 7 le 8 go nna ya pakatlang. (1)
5.6 Nopola polelwanakutu ya polelo e e thaletsweng mo go mela 7 le 8. (1)
5.7 Fetolela leina le le thaletsweng mo go mola 12 mo bongweng o bo o le dirise
jaaka sedirwa mo polelong e o e itlhametseng. (2)
5.8 Polelo e e ntshofaditsweng mo go mela 14 le 15 ke ya mofuta ofe? (1)
[10]
PALOGOTLHE YA KAROLO YA C: 30
PALOGOTLHE: 70
Kwalololo e ileditswe
Study this subject
Recommended for this subject

Question paper
Setswana HL Grade 12 P2 NSC Supplementary 2018 QP

Question paper
Setswana HL Grade 12 P3 NSC Supplementary 2018 QP

Question paper
Setswana HL Grade 12 Paper 1 NSC June 2018 Question Paper

Question paper
Setswana HL Grade 12 P1 NSC November 2018 Question Paper

Question paper
Setswana HL Grade 12 P1 NSC Supplementary 2017 QP

Question paper
Setswana HL Grade 12 P1 NSC Supplementary 2016 QP
More from Grade 12 Setswana HL

Annual teaching plan
Gr 12 Setswana HL ATP 2023 24
%20June%202025%20Possible%20Answers--6c4914f8-c425-4ab5-8f4b-333233856880/v1-4be17f3107978c2f30ba/card.webp)
Memorandum
Setswana HL Grade 12 Paper 1 Gauteng June 2025 Memo

Memorandum
Setswana HL Grade 12 Paper 1 NW June 2025 Memo

Memorandum
Setswana HL Grade 12 Paper 1 November 2024 NSC Memo

Memorandum
Setswana HL Grade 12 Paper 2 November 2024 NSC Memo

Memorandum