Confidential
NATIONAL
SENIOR CERTIFICATE
MOPHATO 12
SETSWANA PUO YA GAE (HL)
PAMPIRI YA NTLHA (P1)
NGWANAITSEELE 2024
MADUO: 70
NAKO: Diura di le 2
Pampiri e, e na le ditsebe di le 11.
Kwalololo e ileditswe Phetla
Skip to contentAll 2024 papers 





View all
%20June%202025%20Possible%20Answers--6c4914f8-c425-4ab5-8f4b-333233856880/v1-4be17f3107978c2f30ba/card.webp)




Setswana HL Grade 12 P1 November 2024 NSC Question Paper
Grade 12 Setswana HL Paper 1 question paper from the November 2024 NSC, 11 pages. Read online or get the free PDF download, memo linked when available.
Setswana Hl · Grade 12 · November 2024 NSC · 2024 · setswana. Question paper, 11 pages. Read online or download the PDF.
- Subject
- Setswana HL
- Grade
- Grade 12
- Language
- Setswana
- Document type
- Question paper
- Year
- 2024
- Exam period
- November 2024 NSC
- Paper
- 1
- Curriculum
- CAPS
- Pages
- 11
- File size
- 489.3 KB
Free to read online, no sign-up needed
Loading document…
Loading document…
1 of 11
This exam
November NSC 2024
- Paper 1Question paperMemo
- Paper 2Question paperMemo
- Paper 3Question paperMemo
Document textSearch extracted text and jump to a page.
Setswana Puo ya Gae (HL)/P1 2 DBE/Ngwanaitseele 2024
NSC Confidential
DITAELO LE TSHEDIMOSETSO
1. Pampiri e, e arogantswe ka DIKAROLO di le THARO.
KAROLO YA A: Tekatlhaloganyo (30)
KAROLO YA B: Tshobokanyo (10)
KAROLO YA C: Dipopego tsa puo le melawana ya tiriso ya puo (30)
2. Buisa ditaelo TSOTLHE ka kelotlhoko.
3. Araba dipotso TSOTLHE.
4. Simolola karolo NNGWE le NNGWE mo tsebeng E NTŠHWA.
5. Thala mola morago ga karolo NNGWE le NNGWE.
6. Nomora karabo NNGWE le NNGWE jaaka potso e nomorilwe.
7. Tlola mola morago ga karabo NNGWE le NNGWE.
8. Tlhokomela mopeleto le popego ya dipolelo.
9. Kabo ya nako e e tshikinngwang:
KAROLO YA A: Metsotso e le 50
KAROLO YA B: Metsotso e le 30
KAROLO YA C: Metsotso e le 40
10. Kwala ka mokwalo o o buisegang mme o dirise mopeleto o o kannweng ke
Lekgotla la Bosetšhaba la Puo ya Setswana.
Kwalololo e ileditswe Phetla
Setswana Puo ya Gae (HL)/P1 3 DBE/Ngwanaitseele 2024
NSC Confidential
KAROLO YA A: TEKATLHALOGANYO
POTSO 1
1.1 Buisa TEMANA e e latelang, mme morago o arabe dipotso. Nov
SETLHANGWA A (TEMANA)
1 Sekepe sa Titanic se simolotse loeto lwa sona mo maitseboeng ka
la 10 Moranang 1912 fa se ne se tswa kwa Southampton se lebile
New York se rwele matšhwititšhwiti a batho. Setlamo se se agang
mefuta eno ya dikepe tsa manobonobo gammogo le baenjinere ba
ne ba netefaditse gore sekepe se, ga se kitla se nwela le fa 5
maemo a ka nna jang kapa jang. Fa se bolola jaana, se ne se
rwele bapalami ba le 2224 go akaretsa bagolo, bana, balaodi le
baenjinere ba sona.
2 Sekepe se ne se kgaogantswe ka maemo a le mararo go ya ka
maemo a bapalami ba sona. Maemo a ntlha e ne e le a bapalami 10
ba ba itsholetseng thata le ba maemo a a kwa godimo mo
setšhabeng. Sengwe le sengwe se se neng se fitlhelwa mo
karolong e, e ne le sa maemo a a kwa godimo go akaretsa
diphaposiborobalo, dijo le dino. Tota le yona tekete ya karolo e, e
ne e bitsa go utlwala. 15
3 Maemo a bobedi ona, a ne a le mo magareng mme a sa
farologane thata le a ntlha. Maemo a bofelo, e leng a boraro, a ne
a farologane thata le a ntlha le a bobedi, a supa kemo e e kwa
tlasenyana, e go ka tweng ke ya ba ba dikobo dikhutshwane.
Maemo a boraro a ne a kgaogantswe le a ntlha le a bobedi ka 20
dikgoro tse di neng di disiwa ka dinako tsotlhe. Go ya ka melao ya
bojanala ba USA, e ne e le tshwanelo gore bapalami ba maemo a
boraro ba kgaoganngwe le ba bangwe go thibela tshelano le
kanamo ya malwetse, le fa go ntse jalo, ba ne ba abelwa dijo tse
dintsi tse di itekanetseng. 25
4 Mokapotene Edward Smith wa dingwaga di le 62 e ne le komang-
ka-nna wa sekepe mo loetong lo. O ne a na le maitemogelo a
dingwaga di le 40 mo tsamaisong ya dikepe go akaretsa dingwaga
di le 27 jaaka moofisiri. O ne a tshwaraganetse tiro e le baenjinere,
batimamolelo, batlhotlhetsi ba molelo le batlhokomedi ba bapalami 30
ka kakaretso.
5 Sekepe se ne sa lelesela jalo, se phatlola lewatle la Atlantic ka
bogare, se lebile New York. Maemo a bosa e ne e le a a maruru
gonne setlha e le sa mariga. Balepi ba maemo a bosa ba ne
gangwe le gape ba tsibosa Mokapotene Smith le bathusi ba gagwe 35
ka ga maemo a bosa a a sa iketlang. Sekepe se tsamaile malatsi a
le mararo go se na selabe sepe. Mo letsatsing la bone, kgaso ya
tsa loapi ya tsibosa fa dikepe dingwe di kgatlhane le dikgapetla tsa
metsi mo lewatleng la North Atlantic, ka jalo dikepe di kgweediwe
ka kelotlhoko. 40
Kwalololo e ileditswe Phetla
Setswana Puo ya Gae (HL)/P1 4 DBE/Ngwanaitseele 2024
NSC Confidential
6 E ne e le la ntlha mo dingwageng di le masomeamatlhano go
bonwa bontsi joo jwa dikgapetla tsa metsi mo lewatleng la North
Atlantic. Tsiboso ya ntlha e gorogile ka ura ya borobongwe mo
mosong go tswa kwa sekepeng sa RMS California mme Smith o
ne a netefatsa fa a amogetse molaetsa. Tsiboso ya bofelo e 45
gorogile nako e le 22:30 go tswa kwa sekepeng sa California, se
se neng se diegile ka ntlha ya dikgapetla tsa metsi, mme ya
ikgatholosiwa ke mongwe wa balaodi ba Titanic. Smith o ne a
kgweetsa ka lobelo lo lo kwa godimo le fa a ne a setse a
tsibositswe gantsi ka ga dikgapetla tsa metsi mo lewatleng. O ne a 50
batla go goroga kwa New York go ya ka nako e e beetsweng
sekepe jaaka e ne e le moono wa badirisi ba North Atlantic go
tshwara nako, a lebetse fa lepotlapotla le ja podi, modikologa …!
7 'Ka nako eo lewatle le ne le didimetse e bile le phatsima jaaka
galase, mo o neng o kgona go bona le dinaledi di benya mo go 55
lona.' A, ke mafoko a a builweng ke Kolonele Archibald Gracie yo e
leng mongwe wa bafalodi ba sekepe se. Gajaana tidimalo e e
tlhaolegileng ya metsi e itsiwe e le letshwao la gore kgapetla ya
metsi e gaufi. Fa nako e le 23:40 letsatsi e le 14 Moranang ke fa
Smith a lebagana kgatlha thuu le thabakgolo ya kgapetla ya metsi 60
mme ga bo go le thari. Sekepe se ne sa thula kgapetla e ya metsi
ka letlhakore, ya nna thibang-thibang, mongwe le mongwe a batla
go ka iphalosa.
8 Tota le fa diketswana tsa phaloso di ne tsa latlhelwa mo lewatleng,
ga se botlhe ba ba nnileng le tšhono ya go di fitlhelela. Bontsi ba 65
bapalami ba maemo a ntlha le a bobedi ke bona ba nnileng le
tšhono ya go fitlhelela diketswana tse. Ba maemo a boraro ba
tlhokile lesego gonne dikgoro tse di neng di tswetswe di ne tsa dira
gore ba gaelelwe mme ba tlhoka thuso. Mo mosong wa letsatsi la
15 Moranang ke fa sekepe sa Titanic se nwela mme bapalami ba 70
ka nna 1500 ba ya ga maotwanahunyela.
[E rulagantswe sešwa go tswa mo go http://en.wikipedia.org]
1.1.1 Tlhopha karabo e e maleba ka go kwala tlhaka e e nepagetseng
A, B, C kgotsa D.
Loeto lwa sekepe sa Titanic lo simolotse kwa ... fa se tlaa bona
kotsi mo lewatleng la Atlantic.
A New York
B Southampton
C New Jersey
D California (1)
1.1.2 Sekepe se sa Titanic se ne se rwele bapalami ba le bakae fa se ne
se bolola? (1)
Kwalololo e ileditswe Phetla
Setswana Puo ya Gae (HL)/P1 5 DBE/Ngwanaitseele 2024
NSC Confidential
1.1.3 Naya dintlha di le PEDI tsa dikungwelo tsa bapalami ba maemo a
ntlha. (2)
1.1.4 A mokgweetsi wa sekepe o ne a tsaya tsia ditsiboso tebang le
maemo a bosa? (Temana 6) Tshegetsa karabo ya gago ka lebaka. (2)
1.1.5 Tlhalosa gore go kaiwang fa go twe 'ba ba dikobo dikhutshwane'. (2)
1.1.6 Feleletsa tlhagiso e e reng, ꞌlepotlapotla le ja podi, modikologa …ꞌ
(Temana 6) (1)
1.1.7 Goreng go ne go le botlhokwa gore ba maemo a bosa ba
ikgolaganye le Mokapotene Smith gangwe le gape mo loetong lo? (2)
1.1.8 Lebakalegolo le le tlhodileng dikgapetlana tsa metsi mo lewatleng
ke lefe? (2)
1.1.9 A tlhagiso ya gore 'o ne o kgona go bona dinaledi di benya mo
lewatleng' ke tshedimosetso ya boammaaruri? Tshegetsa karabo
ya gago ka lebaka. (2)
1.1.10 Go ikgatholosa ditsiboso ga ga Mokapotene Smith, go mo supa e
le mokgweetsi wa mofuta ofe? (2)
1.1.11 Go ya ka wena, a o bona go ne go siame gore bapalami ba sekepe
sa Titanic ba kgaoganngwe go ya ka maemo a bona? Tshegetsa
karabo ya gago ka lebaka. (2)
1.1.12 A ke ntlha kgotsa kakanyo gore bapalami ba maemo a boraro ba
ne ba ganelwa go ya kwa go ba maemo a ntlha kgotsa a bobedi?
Tshegetsa karabo ya gago ka lebaka. (2)
1.1.13 Sekepe sa Titanic se nwetse ka letsatsi la bokae la loeto? (1)
1.1.14 Go kgaogangwa ga bapalami ba sekepe sa Titanic go amile jang
bapalami morago ga gore se nwele? (2)
Kwalololo e ileditswe Phetla
Setswana Puo ya Gae (HL)/P1 6 DBE/Ngwanaitseele 2024
NSC Confidential
1.2 Leba setshwantsho se se latelang, mme morago o arabe dipotso.
SETLHANGWA B (SETSHWANTSHO)
[Se nopotswe go tswa mo go abc.net.au/news/escaping-sinking-car-stay]
1.2.1 Naya dintlha di le PEDI tse SETLHANGWA A le SETLHANGWA B
di farologanang ka tsona. (4)
1.2.2 Go ya ka wena, batho ba ba mo setshwantshong ba ka ithusa
jang? (2)
PALOGOTLHE YA KAROLO YA A: 30
Kwalololo e ileditswe Phetla
Setswana Puo ya Gae (HL)/P1 7 DBE/Ngwanaitseele 2024
NSC Confidential
KAROLO YA B: TSHOBOKANYO
POTSO 2
Buisa temana e e fa tlase ka kelotlhoko. E tlhagisa dintlha ka ga se motshameki a ka
se dirang go efoga dikgobalo mo motshamekong.
ELA TLHOKO: O tshwanetse go dira tse di latelang:
1. Sobokanya, o dirisa mafoko a gago mme o sa fetole bokao jwa temana, ka go
tlhagisa dintlha di le SUPA ka ditsela tse motshameki a ka di dirisang go efoga
dikgobalo mo motshamekong.
2. Kwala ka temana.
3. Boleele bo se fete mafoko a a ka nnang 90.
4. Tshobokanyo e se ka ya newa setlhogo.
5. Kwala palo ya mafoko a o a dirisitseng kwa bokhutlong jwa tshobokanyo.
SETLHANGWA C
Go tsaya karolo mo setlhopheng sa motshameko mongwe le mongwe ke tsela nngwe
ya go tshola mmele o le mo seemong se se siameng le go dira botsalano. Fa o
tshamekela go fenya, o pateletsega go dira ka natla mme dikgobalo di tlaa nna di le
teng.
Le fa go ntse jalo, go na le ditsela dingwe tse motshameki a ka di dirisang go efoga
dikgobalo. Fa o le motshameki, go botlhokwa go nna mo seemong sa go ka tshola
mmele o itekanetse ka go ikatisa gore o tle o efoge dikgobalo. Ntlha nngwe e e
botlhokwa mo motshamekong mongwe le mongwe, ke go apara diaparo tse di maleba
tsa motshameko. Tiriso ya diaparo tse, e tlaa go fa tšhono e ntsi ya go itshireletsa
kgatlhanong le dikgobalo.
Go tshameka go go se nang boikhutso, go oketsa kgonagalo ya go ka bona dikgobalo.
Go fa mmele le mesifa ya gago nako ya go ikhutsa, le gona go ka go dira motshameki
yo o botoka. Se tshameke fa o na le ditlhabi gonne seo ke mokgwa mongwe wa go
supa fa mmele o sa itekanela, mme o ka bona dikgobalo bonolo.
Go otlolola mesifa go dira gore motshameki a se iphitlhele a bone dikgobalo. Ke ka
moo go leng botlhokwa go otlolola mesifa bogolo go bao ba tshamekang metshameko
e ba tshwanelwang ke go taboga le go ragoga ka bonako jo bo rileng gore ba se nne le
kgogego ya mesifa. Fa o le montšhwa mo motshamekong mongwe, ithute melao ya
motshameko, o e sale morago gonne seo se tlaa dira gore o nne o sireletsegile mo
lebaleng la motshameko le go efoga dikgobalo.
Go tshameka mo letsatsing le le lelang, go ka tlisa phokotsego ya metsi mo mmeleng
le letsapa le le feteletseng. Motshameki o tshwanelwa ke go nna a nwa metsi gangwe
le gape go thibela phokotsego ya metsi mo mmeleng gonne seno se tlaa mo thusa go
efoga kgogego ya mesifa e e ka bakang kotsi fa a tsweletse a tshameka. Metshameko
e farologane le ka bokotsi jwa yona.
[E rulagantswe sešwa go tswa mo go https://www.tuscoosaorthoedics.com]
PALOGOTLHE YA KAROLO YA B: 10
Kwalololo e ileditswe Phetla
Setswana Puo ya Gae (HL)/P1 8 DBE/Ngwanaitseele 2024
NSC Confidential
KAROLO YA C: DIPOPEGO TSA PUO LE MELAWANA YA TIRISO YA PUO
POTSO 3: PAPATSO
Sekaseka papatso e e fa tlase mme morago o arabe dipotso.
SETLHANGWA D
TSHELA,
MME O IKUTLWE O LE MONATE E
BILE O LE MAATLA!!
Reka beka le
ditšhipisi ka
R49.95
mme o bone
senotsididi ntle le
tuelo.
011 124 4622
www.mcDonalds.com.pk
[Se nopotswe go tswa mo go www.mcDonalds.com.pk]
3.1 Tlhopha karabo e e maleba ka go kwala tlhaka e e nepagetseng A,B,C
kgotsa D.
Dikuno tse di mo papatsong di fitlhelwa kwa lebenkeleng la ...
A Wimpy.
B KFC.
C McDonalds.
D Steers. (1)
3.2 Ke togamaano efe e mmapatsi a e dirisitseng go ngoka bareki? (1)
3.3 Nopola leano, le le dirisitsweng go tlhotlheletsa bareki, go tswa mo
papatsong. (1)
Kwalololo e ileditswe Phetla
Setswana Puo ya Gae (HL)/P1 9 DBE/Ngwanaitseele 2024
NSC Confidential
3.4 A dikuno tse di mo papatsong di ka rekwa ke batho botlhe? Tshegetsa karabo
ya gago ka lebaka. (2)
3.5 Goreng mmapatsi a dirisitse sediriswa sa go tshela lookwane mo papatsong? (2)
3.6 Neela ntlha e le NNGWE ya tlhaeletsano e bareki ba ka e dirisang go reka
kuno e. (1)
3.7 Bolela gore leina ꞌtueloꞌ jaaka le dirisitswe mo papatsong, ke mofuta ofe wa
leina. (1)
3.8 Fetolela polelo e e reng 'reka beka le ditšhipisi' go nna mo
modirisokgonegong. (1)
[10]
Kwalololo e ileditswe Phetla
Setswana Puo ya Gae (HL)/P1 10 DBE/Ngwanaitseele 2024
NSC Confidential
POTSO 4: KHATHUNU
Sekaseka khathunu e e fa tlase, mme morago o arabe dipotso.
SETLHANGWA E
Tsweetswee!
LO Thabiso, tlotlela
AMOGETSWE barutwana ka wena
Nna tota! MORAGO GA ka se o se dirileng
Ke ya go MALATSI A ka malatsi a
bua ka ga BOIKHUTSO! boikhutso. Ga se
eng? rona rotlhe ba re
golaganang le wena
mo thwitha.
[E nopotswe go tswa cablecartoons.com]
4.1 Tlhopha karabo e e maleba ka go kwala tlhaka e e nepagetseng A,B,C
kgotsa D.
Tiragalo e e mo khathunung e diragalela kwa phaposing ya …
A boapelo.
B borobasogo.
C barutabana.
D borutelo. (1)
4.2 Puo ya mmele ya morutabana e senola maikutlo afe? Tshegetsa karabo ya
gago ka lebaka. (2)
4.3 Ke puo efe ya mmele e e bontshang go reetsa ka tlhoafalo ga barutwana? (1)
4.4 A morutwana yo o emeng ka dinao, o botsa mongwe potso? Tshegetsa
karabo ya gago ka lebaka. (2)
4.5 Fetolela polelo e e thaletsweng mo tumelong. (1)
4.6 Nopola lelatlhelwa go tswa mo khathunung. (1)
4.7 Fa o ne o le mo maemong a morutwana yo o emeng ka dinao, a o ne o ka
ikutlwa o amogelesegile morago ga malatsi a boikhutso? Tshegetsa karabo
ya gago ka lebaka. (2)
[10]
Kwalololo e ileditswe Phetla
Setswana Puo ya Gae (HL)/P1 11 DBE/Ngwanaitseele 2024
NSC Confidential
POTSO 5: TEMANA YA POROUSE
Buisa temana e e latelang, mme morago o arabe dipotso.
SETLHANGWA F
1 Mo tikologong ya Phiritona go fitlha kwa merakeng ya mešate, go boa jaana
ka dikgaga tse dintsho tsa Magogong kwa letsatsi le neng le okomela
motshegare o mogolo wa sethoboloko, go se mosimane yo o tlhabakelwang
ke mpa mo go ena. A iteba kwa meriting, a ngotla dinao, a tsholetsa tlhogo. A
utlwa gore fa pula e ka bo e dikile e sa senya bontle pele ga nako, go ka bo 5
go setse molora.
2 A gakologelwa sekei sa Magogong, mogolokwane wa tsatsi leo o ne o sa ntse
o lela mo tsebeng tsa gagwe jaaka meepelwane ya batlhabani ba
kgatlhantshiwa ke bothepa bo letse bo tswa go isa marago kgosing. A … aa!
Ke mang yo o rileng loso lo fenya baswi … a gopola mosimane yo o neng a 10
tswa kwa moragorago a fitlha a phamola sekei mo go ena a sa bontshe le fa
e le thothi ya mofufutso jaaka e kete ena, Obakeng, yo o neng a tshabega
lebaibai, o eme fela.
3 Basadi ba kgadiepetsa mogolokwane wa tsatsi leo. A gelela dikeledi go
gopola gore e rile beke e ise e fele, mosimane a bolawa ke kgomo. Ena yo o 15
neng a mo tlosa bodutu. Morago ga sala lolea … a gelela dikeledi.
[E nopotswe go tswa mo go Bogosi Kupe DPS, Monyaise]
5.1 Neela leina la popegopuo (karolopuo) e e ntshofaditsweng mo go mola 2. (1)
5.2 Dirisa lefoko, 'mogolo' mo go mola 3 mo polelong go supa bokao jo bo
farologaneng le jo bo mo temaneng. (2)
5.3 Leina 'meepelwane' le dirisitswe jang mo go mola 8? (1)
5.4 Nopola lediregi mo go Temana 2. (1)
5.5 Nopola lebotsi mo go Temana 2, o bo o le dirise jaaka thui mo polelong e o
itlhametseng yona. (2)
5.6 Fetolela polelo e e thaletsweng mo go mola 14 go nna pakatlang. (2)
5.7 'Bodutu' ke mofuta ofe wa leina? (1)
[10]
PALOGOTLHE YA KAROLO YA C: 30
PALOGOTLHE YA TLHATLHOBO: 70
Kwalololo e ileditswe
Study this subject
Recommended for this subject

Memorandum
Setswana HL Grade 12 Paper 2 November 2024 NSC Memo

Memorandum
Setswana HL Grade 12 Paper 1 NSC June 2024 Memo

Question paper
Setswana HL Grade 12 Paper 3 NSC June 2024 Question Paper

Question paper
Setswana HL Grade 12 Paper 1 NSC June 2023 Question Paper

Question paper
Setswana HL Grade 12 P1 NSC November 2023 Question Paper

Question paper
Setswana HL Grade 12 P1 NSC November 2022 Question Paper
More from Grade 12 Setswana HL

Annual teaching plan
Gr 12 Setswana HL ATP 2023 24
%20June%202025%20Possible%20Answers--6c4914f8-c425-4ab5-8f4b-333233856880/v1-4be17f3107978c2f30ba/card.webp)
Memorandum
Setswana HL Grade 12 Paper 1 Gauteng June 2025 Memo

Memorandum
Setswana HL Grade 12 Paper 1 NW June 2025 Memo

Memorandum
Setswana HL Grade 12 Paper 2 NSC June 2024 Memo

Memorandum
Setswana HL Grade 12 Paper 3 NSC June 2024 Memo

Memorandum