Skip to content

siSwati HL Grade 12 Paper 1 NSC June 2021 Question Paper

Question papersiSwati HLGrade 12202113 pages

Grade 12 siSwati HL Paper 1 question paper from the NSC June Exam 2021, 13 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

NSC June Exam 2021

Questions in this paper

Document textSearch extracted text and jump to a page.
Downloaded from hlayiso.com GRAAD 12 SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS SISWATI LULWIMI LWASEKHAYA (HL) LIPHEPHA LEKUCALA (P1) 2021 EMAMAKI: 70 SIKHATSI: Ema-awa 2 Leliphepha linemakhasi la-13. Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 2 DBE/2021 SC/NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso tekusetjentiswa kwelulwimi (30) 2. Fundza TONKHE ticondziso ngekucaphela. 3. Phendvula YONKHE imibuto ngeSiswati. 4. Cala LESO NALESO SIGABA ekhasini LELISHA. 5. Dvweba umugca emva kwaleso naleso sigaba. 6. Tinombolo tetimphendvulo atihambisane naleto letisephepheni lemibuto njengobe tinjalo. 7. Shiya umugca emkhatsini wetimphendvulo takho. 8. Caphelisisa sipelingi/lupelomagama nendlela lewakha ngayo imisho. 9. Siphakamiso sekulawulwa kwesikhatsi: SIGABA A: Lokungenani emaminithi la-50 SIGABA B: Lokungenani emaminithi la-30 SIGABA C: Lokungenani emaminithi la-40 10. Bhala ngebunono nangesandla lesifundzekako. Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 3 DBE/2021 SC/NSC SIGABA A: SIVISISO UMBUTO 1 1.1 Fundza letheksthi bese uphendvula imibuto lelandzelako. ITHEKSTHI A KWESWELAKALA KWEMISEBENTI 1 Simo sekuswelakala kwemisebenti eNingizimu Afrika sibi kakhulu. Umbiko wesimo sematfuba emsebenti wetinyanga letintsatfu lovele sekutawuphela umnyaka lophelile uyakufakazela loko. Kuvele kutsi iNingizimu Afrika iseluhlwini lwalawo mave lanesibalo lesisetulu sebantfu labangasebenti. Lokwetfusa kakhulu kutsi njalo ekupheleni kwemnyaka 5 tinkampani letiphetse titolo naletinye tivamise kucasha basebenti kwesikhashana kute tikhone kubukana nekwenyuka kwesibalo semakhasimende latsengela Khisimusi, kepha akukenteki loku kulomnyaka lophelile. Esikhundleni saloko, sibalo sebasebenti labacashwako siyehla. Kukhuphuka kwesibalo saloko kwagcina 10 ngemnyaka we-2008. Kulowo mnyaka we-2008 newe-2009 kwaba sikhatsi lesimatima emhlabeni wonkhe jikelele ngenca yekuntengantenga kwetimali talamanye emave angesheya. Umnotfo waseNingizimu Afrika wahlukumeteka ngaloko. Basebenti lababalelwa etigidzini balahlekelwa yimisebenti. 15 2 Kugucuguka kwesimo semsebenti kuleli siyakhomba kutsi simo semnotfo asikatinti. Tiningi tizatfu letiyimbangela yekuceka kwemnotfo lokudzinga kutsi hulumende akufakele tibuko. Bosomabhizinisi bangaphandle babuye bakhale ngekuntjintjantjintja kwenchubomgomo yentalo labayitfolako, lokwenta kutsi kube matima kakhulu kubo kuhlanyela timali tabo, 20 ikakhulukati uma kuhlanyelwa kwato kutawutsatsa iminyaka leminyenti ngembikwekutsi babuyelwe yintalo. 3 Lokunye lokumcoka lokuvetwe ngumbiko wetibalo eNingizimu Afrika, kutsi sikhuphuke kakhulu sibalo sebantfu lesebaneminyaka leminyenti baswela imisebenti. Loku kuyinkhomba yesimo lesimatima sekutfola 25 umsebenti kulabo labetamako kuwufuna. Sibalo salabafuna umsebenti senyuswa bantfu labalahlekelwa ngumsebenti, bantfwana labaphuma etikolweni bangakefiki kumatekuletjeni, labaphuma bacedzile nalabaphuma bangakacedzi etikhungweni temfundvo lephakeme. Ngekwenchubomgomo yakuleli, bantfu labasha ngulabangaphasi 30 kweminyaka le-35 budzala. Kutfolakale kutsi sibalo sebantfu labangemaphesenti langemashumi lamane labaneminyaka lesemkhatsini we-15 ne-34 abasebenti futsi abafundzi ngisho nasetikhungweni temfundvo lephakame. Nalabo labacedzile kufundza abasebenti. Loko ngiko kanye losekugcina kubanga lobugebengu lobukhungetse imimango 35 leminyenti yakuleli. Kubuye kwacaciswa nekutsi lokunye lokuyimbangela yekuhlala kwelusha lungasebenti ngulendlela tebuchwepheshe letenyuse ngayo imibandzela lelindzelekile uma kucashwa basebenti. Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 4 DBE/2021 SC/NSC 4 Kulamalanga sekuvame kutsi kucashwe kuphela bomakadzebona kulowo msebenti nome emavolontiya kuleyo nkampani. 40 Lokuyimphicabadzala ngiko nje kutsi umuntfu angaba njani ngumakadzebona angakacashwa. Kulabo labadla imbuya ngelutsi kuba matima kutfola lwati ngemisebenti lekhangiswako. Phela kulabo bantfu kuba yinkanankana kungena ku-inthanethi kutfola kabanti ngaleyo misebenti lekhangisiwe. 45 5 Labasha kufanele kutsi bangabuki kuphela imisebenti yetinkampani. Phela inkhulumo yeSiswati itsi, 'sihlalandzawonye sidla emajwabu.' Labanye baye batsi sigwaca lesihle ngulesishoshako. Kunetikhungo lapho kutfolakala imali lekufanele isetjentiswe ngibo kute bativulele ematfuba emisebenti. Uma bangasebentisa leto tikhungo kungaphela 50 lokuswelakala kwemisebenti kulabasha. Lokunye futsi, kutsi batibandzakanye etinhlelweni letikhona emmangweni. 6 Lombiko ugcizelela kakhulu ngekubaluleka kwemfundvo. Uvete kutsi kulabo labane ticu temfundvo lephakeme, bangetudlwana kwemaphesenti lasikhombisa labaswela umsebenti. Kulabo labaphotfule 55 matekuletjeni kuphela, bangemaphesenti langemashumi lamatsatfu labangasebenti kantsi kulabo labangakaphotfuli matekuletjeni nome labaphuma emazingeni laphasi emfundvo, bangetulu kwemaphesenti langemashumi lamatsatfu. 7 Lolunye lucwaningo luvete kutsi kuswela umsebenti kuyadlondlobala 60 kakhulu emadolobheni lamancane nasetindzaweni tasemakhaya uma kucatsaniswa nasemadolobheni lamakhulu. Loku kubanga kwandza kwemikhukhu ngobe bantfu labayofuna imisebenti emadolobheni lamakhulu basuke bete tindzawo tekuhlala kantsi ngalesinye sikhatsi banato mane tisekudzeni nalapho basebentela khona, lokwenyusa 65 tindleko tetigitjelwa. Letindleko tetigitjelwa tivamise kuba ngulesinye setizatfu letiholela ekutseni labanye bagcine sebayekela umsebenti. 8 Kuhlala emikhukhwini kuba sisombululo sekusondzela dvutane nematfuba emisebenti. Loku kubeka bomasipala enkingeni lenkhulu ngobe bangeke bakwati kwetfulela labo labahlala emikhukhwini tinsita. 70 Lokunye lokwenteka emikhukhwini kuba ludlame lolugcina lufike nasemadolobheni bese kulimata umnotfo. Loludlame lufaka ekhatsi imibhikisho, kucekela phasi tikhungo tahulumende kanye nekuntjontja etitolo tabosomabhizinisi. 9 Bobabe bagcina sebakhohlwa ngemindeni yabo ngenca yekushiya 75 emakhaya bayohlala emikhukhwini. Bantfwana bagucuka bosidlani batfolakale sebaboshiwe ngenca yalesimo sekwehla kwemnotfo wakuleli. Konkhe loku kukhomba kutsi sisombululo saletinkinga letikhungetse leli ngukutsi hulumende wakuleli achamuke nelikhambi lelitawucedza konkhe loku. Lelo khambi kutawudzingeka kutsi hulumende wavelonkhe, 80 wesifundza nabomasipala basebente ngekubambisana. [Itsetfwe: ILANGA, 2020] Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 5 DBE/2021 SC/NSC 1.1.1 Nika sizatfu lesabangela kutsi tinkampani letinyenti ticashe basebenti kwesikhana ngemaholide aKhisimusi. (1) 1.1.2 Yini lokuvetwe kuletheksthi lokukhomba kutsi lolunye lusha luyatenta kutsi lube sesibalweni salabangasebenti? (1) 1.1.3 Bhala buhle bekutsi bosomabhizinisi lababuya emaveni angaphandle bavunyelwe kuvula emabhizinisi kuleli laseNingizimu Afrika. (1) 1.1.4 Khetsa YINYE imphendvulo. Isho kutsini lenkhulumo letsi, 'sihlalandzawonye sidla emajwabu'? A Kubukelela akuholeli. B Kulala akuholeli. C Kuvilapha akuholeli. D Kukhamisa akuholeli. (1) 1.1.5 Tfola YINYE imbangela endzimeni ye-3 kuletheksthi yekutsi bantfu bakhetse kushiya phasi umsebenti lebesebawutfolile. (1) 1.1.6 Labo labahlala emikhukhwini balengela kuyiphi ingoti yetemphilo ngenca yekungatfoli tinsita kubomasipala? (1) 1.1.7 Lesento sekuvolontiya sibatfutfukisa njani bahlali baseNingizimu Afrika? Nika KUBILI. (2) 1.1.8 Ucabanga kutsi ngulabanjani bantfu labadla imbuya ngelutsi? (2) 1.1.9 Lokungasebenti kwalabafundze bacedza kungaba namtselela muni kulabanye bantfwana labasafundza sikolo? (2) 1.1.10 Kweswelakala kwemisebenti kungaba namiphi imiphumela elusheni? Bhala KUBILI. (2) 1.1.11 Bhala KUBILI hulumende welive laseNingizimu Afrika lakwentela takhamiti kute tikhone kumelana nalenhlupheko yekweswelakala kwemisebenti. (2) 1.1.12 Uyavumelana yini nekutsi tifundvo letikhona etikolweni tiyabasita bafundzi kutsi bativulele emabhizinisi abo? Sekela imphendvulo yakho. (2) 1.1.13 Njengemholi welusha emmangweni wangakini, ngutiphi teluleko LETIMBILI longatinika lusha kute luvikele kuhlala emakhaya lungenti lutfo? (2) Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 6 DBE/2021 SC/NSC 1.2 Fundza lesibonwa bese uphendvula imibuto lelandzelako. ITHEKSTHI B [Itsetfwe: Alarmy pictures.com] 1.2.1 Yini lekhomba kutsi loku lokwenteka kulesibonwa kubandzakanya nebafundzi? (1) 1.2.2 Bhala sizatfu lesenta laba labakulesibonwa baphakamise tandla. (1) 1.2.3 Ucabanga kutsi wani lomshuco lobonakala kulesibonwa? Chaza. (2) 1.2.4 Litiko Letemfundvo litsikameteka njani ngaloku lokwenteka kulesibonwa? Nika KUBILI. (2) 1.2.5 Catsanisa loku lokwenteka kulesibonwa naloko lokwenteka endzimeni ye-8 lesetheksthini A. Bhala KUBILI. (4) SAMBA SESIGABA A: 30 Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 7 DBE/2021 SC/NSC SIGABA B: SIFINYETO UMBUTO 2 Fundza letheksthi lelandzelako bese uyayifinyeta ngewakho emagama langabi ngetulu kwala-80. Sifinyeto sakho asivete emaphuzu lasikhombisa laveta lusito lolutfutfukile lwabomakhalekhikhini. CAPHELA 1. Sifinyeto sakho asibe ngendlela yetindzima (emapharagrafu). 2. Akukadzingeki kutsi ubhale sihloko. 3. Khombisa linani lemagama lowasebentisile ekugcineni kwesifinyeto sakho. ITHEKSTHI C BUCIKO BABOMAKHALEKHIKHINI Kuletikhatsi talomuhla, tebuchwepheshe setitsetse indzawo lenkhulu kuloluntjintjo lolukhona. Eminyakeni leyengcile inhloso yekukhicitwa kwabomakhalekhikhini bekukutsi bantfu bakhone kushayela labakhashane baphindze batfole imibiko basendleleni, kodvwa lamuhla sebenta lokungetulu kwaloko. Lucwaningo lolwentiwe lukhomba indlela bantfu labetsemba ngayo labomahlakaniphane kuto tonkhe tintfo letentiwako. Luveta nekutsi bancane kakhulu labasebentisa tincingo kushayelana nekutfola imilayeto lemifisha lebhaliwe kuphela. Linyenti lebantfu litsi tincingo tisidzingo lesikhulu lesisita kutfola tindzaba letisematseni nesimo selitulu. Labanyenti tincingo tabo batitsatsa njengencenye yemphilo yabo. Labomakhalekhikhini sebagucuke baba sidzingo lekufanele umuntfu abe naso kute akhone kwenta tintfo letinyenti letentiwa onkhe emalanga. Sebatsetse indzawo yetintfo letibalulekile. Bantfu labanyenti abasenandzaba nekubhala imininingwane leminyenti emaphosteni nakukhangiswa imisebenti, esikhundleni saloko, bavele bafake tinombolo tabo tabomakhalekhikhini kulamaphosta kuphela bese lodzinga lolusito ashayele lenombolo. Titolo letitsengisa emawashi setilahlekelwe yintalo ngalokwecile. Umuntfu sewuyakhona nyalo kusebentisa makhalekhikhini njengeliwashi. Ngulapho ubuka khona sikhatsi sekuvuka ekuseni nobe sekuya emsebentini kanye naletinye tinhlelo letidzinga sikhatsi. Imphilo ibuya khashane lapho bekusetjentiswa titfwebulititfombe lebetikhipha titfombe letimbili. Nyalo sekukhona imishini yekutfwebula lekhipha titfombe letisiphohlongo kanyekanye. Loku kukhombisa kutsi loluhlobo lwetitfwebuli lunebuchwepheshe lobusezingeni lelisetulu. Lokubuhlungu kutsi lobuchwepheshe bente titfwebulititfombe letetayelekile tangasatsengwa etimakethe. Nabomakhalekhikhini sebayasetjentiswa kakhulu ekutfwebuleni titfombe letinyenti ngesikhatsi lesincane nje. Bosolwati bavete kutsi emazinga ekutsenga titfwebulititfombe letetayelekile ehlile. Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 8 DBE/2021 SC/NSC Nawunamakhalekhikhini uyakhona kudlala umsakato lolalelwa ngumnikati ayedvwa labanye bangeva lutfo. Lobuchwepheshe bukhule ngendlela yekutsi bantfu babona kungenasidzingo sekutsenga imisakato emakhaya. Kulamalanga bantfu labanyenti abasenandzaba nekuya emabhange. Loku kudalwa ngulongcondvongcondvo lobukeka amncane kantsi unebuhlakani lobendlulele. Nyalo umuntfu sewuyakhona kungena etinhlelweni tasebhange asekhaya atfumele imali nobe akhokhele tindleko letitsite ngamakhalekhikhini. Bafundzi labanyenti baba netinkinga tekutsenga emabhuku etikolweni temazinga laphasi nasetikhungweni temfundvo lephakeme kantsi labanye bayantjontjelwa. Kutfutfuka kwetebuchwepheshe kubetfule umtfwalo. Labongcondvongcondvo bayabasita kakhulu bafundzi ngaletincwadzi letifakwa ku-inthanethi letenta kube malula kutsi basebentise bomakhalekhikhini babo nabafundza. [Itsetfwe: Sky ways, 2019] SAMBA SESIGABA B: 10 Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 9 DBE/2021 SC/NSC SIGABA C: TAKHI NETIMISO TEKUSETJENTISWA KWELULWIMI UMBUTO 3 Fundza lesikhangisi bese uphendvula imibuto lelandzelako. ITHEKSTHI D LIPHUPHO LETFU: KUFIKA KWEBAGIBELI BAPHEPHILE ETINDZAWENI TABO.  Sibulalamagciwane nesilinganisikushisa kukuhlangabeta emnyango.  Sifonyo simahhala hha.  Kuchelelana kwebagibeli ngemahlalakhona.  Titulo ngumbhedze, ulala bekufa.  Ngeliminithi nje, sewusedladleni lakho. Emanani etfu aphasi kabi, likhilomitha ngu-R10,00 Tsintsana natsi: 0867788998 bambumtsetfo@gmail.com Akusetjentwa ngemasontfo [Itsetfwe: http://www.kingfeatures.com] 3.1 Yini lengahle inike tetsamelilwati inkinga ngaletitfutsi takaKhibika Natsi? (1) 3.2 Khokha inkhulumo lekulesikhangisi lengahhunga tetsamelilwati takaKhibika Natsi. (1) Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 10 DBE/2021 SC/NSC 3.3 Khetsa umusho lonembako kulelandzelako losesikhatsini lesitako losebentise libitombici, 'sibulalamagciwane'. A Kusasa make uyawusebentisa sibulalamagciwane kugeza tandla takhe. B Kusasa make utosebentisa sibulalamagciwane kugeza tandla takhe. C Kusasa make uyosebentisa sibulalamagciwane kugeza tandla takhe. D Kusasa make utawusebentisa sibulalamagciwane kugeza tandla takhe. (1) 3.4 Tfola sizatfu salokhangisako sekusebentisa ifonti lencane kulelinani lemali lekhokwa bagibeli. (1) 3.5 Labatsandza kuvakasha batsatse luhambo loludze, basijabulela ngayiphi indlela lesitfutsi? Nika KUBILI. (2) 3.6 Sebentisa sentakutsi lesikulesicubulo salesikhangisi emshweni lotakhele wona kuveta kutsi uyayati inchazelo yaso? (2) 3.7 Hlobo luni lwenkhulumo lolubhalwe lwagcanyiswa kulesikhangisi lesingenhla? Sekela imphendvulo yakho. (2) [10] Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 11 DBE/2021 SC/NSC UMBUTO 4 Fundza lekhathuni bese uphendvula imibuto lelandzelako. ITHESKTHI E Yeyi wena silimandzini! Yekela kusiyenga … uyangilimata. kutsi ugijimele kufa nekuphila. Ucabanga kutsi asati kutsi ubukwe ngulabaphasi kuloku? [Itsetfwe: http://www.americanprogress.org/cartoon/] 4.1 Likhombani lelibhamuta leliyinkhanyeti lelisetjentiswe kulekhathuni lengenhla? (1) 4.2 Bativuleleni tandla laba labakulekhathuni lengenhla? (1) 4.3 Phindza ubhale lomusho locindzetelwe ngekucedzela ngesiga senkhulumo lesisebenta nangabe umuntfu alinyatwe ngulokutsite. (1) 4.4 Ichazani lenkhulumonkholelo ledvwetjelwe kulekhathuni lengenhla? Khetsa imphendvulo lenembako kuletilandzelako: A Kuba kulasebumnandzini. B Kuba kulabangaphasi. C Kuba kalabasenjabulweni. D Kuba kulabasenhlanhleni. (1) 4.5 Tsatsa sabito selucobo lesikulekhathuni usisebentise emshweni lotakhele wona. (1) Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 12 DBE/2021 SC/NSC 4.6 Yini lekhombisa kutsi laba labakulekhathuni baphume embili? Nika KUNYE. (1) 4.7 Sebentisa lunye luvelomagama lolukhomba kutfukutsela lolukulekhathuni emshweni lotakhele wona. (2) 4.8 Luhlobo luni lwenkhulumo lolugcanyiswa ngulekhathuni lengenhla? Sekela imphendvulo yakho. (2) [10] Emalungelo agodliwe Phenya
Downloaded from hlayiso.com Siswati Lulwimi Lwasekhaya (HL)/P1 13 DBE/2021 SC/NSC UMBUTO 5 Fundza letheksthi bese uphendvula imibuto lelandzelako. ITHEKSTHI F KUKHUTSATWA LULWIMI LWASEKHAYA Lusha lukhutsatwa kutsi lutsandze futsi lubeke embili Lulwimi Lwasekhaya. Litiko letemfundvo livamise kuhlela imicimbi yekukhutsata kufundza, kubhala nekukhuluma Lulwimi Lwasekhaya. Yona lemicimbi iba khona kuto tonkhe tifundza talapha eNingizimu Afrika. Kuba nemichudzelwano lefaka ekhatsi inkhulumiswano, inkhulumo lelungiselelwe, tinkondlo tekuticambela kanye nemidlalo. 5 Bantfu labasha baseNingizimu Afrika bangafundza kulamachawe labhala imibhalo lefundvwako etikolweni. Lemibungato yetilwimi temdzabu lehlelwa nguHulumende yentelwe kutsi nalo lusha lwati emagalelo etikhatsi letimatima telubandlululo letenta kutsi letilwimi tibukelwe phasi. Lusha lwalomuhla luyakutsandza kukhuluma Lulwimi Lwekwengeta. Luyatikhobosa nangabe luhlangana nebalingani balo ikakhulu 10 emanyuvesi. Lulwimi Lwasekhaya lungasintjintja simo sasekhaya nangabe lusha lungatibandzakanya ekubhaleni imibhalo yeLulwimi Lwemdzabu. 'Kubalulekile kutsi sihloniphe lulwimi lwemdzabu sibuye sitigcabhe ngalo,' kusho umphatsiswa weLitiko. Lusha luyakhutsatwa kutsi lufundze kusebentisa emakhompuyutha lubhale tincwadzi 15 ngeLulwimi Lwasekhaya. Kubalulekile kutsi lwati imvelaphi yalo, lukhulume neTilwimi Temdzabu. Musani kutikhobosa ngemasiko enu bantfu labasha! Lulwimi Lwasekhaya lumnandzi kwedlula letinye tilwimi. [Itsetfwe: Mpumalanga News, 2020] 5.1 Phindza ubhale lomusho lolandzelako bese ulungisa liphutsa. Litiko letemfundvo livamise kuhlela imicimbi yekukhutsata kufundza. (1) 5.2 Khokha umusho losendleleni lephocako lokhomba kuphika kuletheksthi lengenhla. (1) 5.3 Phindza ubhale lomusho lodvwetjelwe endzimeni yesibili uwente uphike. Cala lomusho ngekutsi: Cha … (1) 5.4 Gucula lenkhulumo lelandzelako ibe yinkhulumombiko. 'Kubalulekile kutsi sihloniphe lulwimi lwemdzabu …' kusho umphatsiswa weLitiko. (1) 5.5 Khokha ligama lethekniki lelisetheksthini ubhale ngalo umusho lotakhele wona. (2) 5.6 Sebentisa sabitonanibhanca lesisendzimeni yekucala, emgceni wesine njengesikhombabito emshweni. (2) 5.7 Yini leyenta umusho losekugcineni kwaletheksthi lengenhla ungemukeleki? Sekela imphendvulo yakho. (2) [10] SAMBA SESIGABA C: 30 SAMBA SAKO KONKHE: 70 Emalungelo agodliwe

Study this subject

More from Grade 12 siSwati HL

View all