Siswati HL P1 Nov 2021_hlayiso.com_.pdf

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LEKUCALA (P1) LWETI 2021 EMAMAKI: 70 SIKHATSI: Ema-awa la-2 Leliphepha linemakhasi la-13. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 2 DBE/Lweti 2021 NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso tekusetjentiswa kwelulwimi (30) 2. Fundza TONKHE ticondziso ngekunakisisa. 3. Phendvula YONKHE imibuto ngeSiswati. 4. Cala LESO NALESO SIGABA ekhasini LELISHA. 5. Dvweba umugca emva kwaleso naleso sigaba. 6. Tinombolo tetimphendvulo atihambisane naleto letisephepheni lemibuto njengobe tinjalo. 7. Shiya umugca emkhatsini wetimphendvulo takho. 8. Caphelisisa sipelingi/lupelomagama nendlela lewakha ngayo imisho. 9. Siphakamiso sekulawulwa kwesikhatsi: SIGABA A: Lokungenani emaminithi la-50. SIGABA B: Lokungenani emaminithi la-30. SIGABA C: Lokungenani emaminithi la-40. 10. Bhala ngebunono nangesandla lesifundzekako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 3 DBE/Lweti 2021 NSC SIGABA A: SIVISISO UMBUTO 1 1.1 Fundza letheksthi bese uphendvula imibuto lelandzelako. ITHEKSTHI A LUSUKU LWEMAGUGU NEMASIKO 1 Bantfu baseNingizimu Afrika banenhlanhla yekuhlala eveni lelihle lemushi wenkhosatana. Labantfu banetilwimi nemasiko lehlukahlukene. Letilwimi letilishumi nakunye tishicilelwe emtsetfwenisisekelo walelive. Labantfu batigcabha ngemvunulo, kudla lokutinhlobonhlobo, nemculo lomnandzi. Buhle bemvelo etifundzeni letahlukahlukene benta labantfu babumbane 5 babe yimbumba. Umuntfu ukhululekile kusuka esifundzeni sakhe avakashele kulesinye. UMnumzane Nelson Mandela lobekanguyise wesive watsi, 'INingizimu Afrika yabo bonkhe labahlala kuyo.' 2 Njalo ngenyanga yeNyoni mhla ti-24, tonkhe takhamiti teNingizimu Afrika tibungata lusuku lwemagugu nemasiko lanotse ngetindlela 10 letahlukahlukene. Lolu lusuku lolutfokotelwa tinhlanga tonkhe. Wonkhe umuntfu usuke ajabulele kutigcabha ngebuve bakhe. Labanye benta imicimbi lapho bahlabelela liculo lesive, kuphakanyiswe umbhelebhele wesive. Phela tikhungo letinyenti tahulumende atisatihluphi ngekuphakamisa imibhelebhele yesive ekuseni tibuye tiyetfula uma 15 setibuyela emakhaya. Labanye bahaya tibongo tebantfu labadvumile labangemachawe eveni. Lokunye lokugcanyiswako kufaka ekhatsi tintsaba teludvumo i-Three Rondavels, i-Table Mountain, i-Drakensburg, naletinye tindzawo letingemagugu. 3 Bantfu baphuma ngetinkhani balibangise lapho kulungiselelwe khona 20 imicimbi yekubungata lolusuku. Sinini sakho kuba matima kusibona ngendlela lekugcwala ngayo. Nguleso naleso sive sisuke sihlobe ngemvunulo yaso. Sive seMaswati singulesinye setive lesitigcabha ngemvunulo yaso. Imvunulo yeSiswati yehlukaniswe ngebulili nangetigaba tekukhula kwemuntfu. Ngelusuku lwemagugu utfola loyo 25 naloyo mfati apheka kudla kwesintfu lokuvutisa ematse. Kugayingwa imbasha, kuphekwe lifutfo, sidvudvu, sijabane, ungabala ungacedzi. Kusuke kusindvwe ngebelitfole. Kudliwa kubhimbidzelwe. Kuhlatjwa tinkhomo, inyama iphekwa ngemhluti walenye. Utfola emadvodza adlela emicwembeni. Ukhandza bantfwanyana baphetse tigumaguma temacatsa 30 enyama, tisu titincushumbane, bashaye sentfwala. 4 Bomake ubatfola bahleti ticheme ngeticheme kucotjelelwana ngelwati lwemasiko lokufaka kukhulisa umntfwana, tekupheka, imisebenti yetandla, indlela yekwembatsa nekutiphatsa nawungumuntfu lomsikati. Ngalelo langa basuke bahlobe ngemvunulo yabo kushiyane ngetigaba 35 tabo. Emakhehla uwatfola ahleti ticheme ngeticheme, acobelela emajaha ngelwati. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 4 DBE/Lweti 2021 NSC 5 Lokubungatwa kwalolusuku kukhutsata lusha lwalomuhla njengobe seluyilahlile imvelaphi yalo. Lusha lwalomuhla selugcamisa imphilo yaseNshonalanga. Lubona kukutehlisa kuvunula imvunulo yesive salo 40 nome kukhuluma lulwimi lwemdzabu kantsi alwati kutsi lutivalela ematfuba emsebenti. Batali nabo bayasifaka sandla kuloko. Kugujwa kwalolusuku kwenta kutsi lubone kubaluleka kwekufundziswa nekugcinwa kwemasiko alo. Etikolweni utfola kutsi labanye bantfu labasha bayakhutsatwa kutsi bahaye tinkondlo bavete bugabazi babo. Loku 45 kubenta balujabulele lolusuku balubone lubalulekile etimphilweni tabo. 6 Siswati sitsi likhaya lelivakashelwako linemphilo. Ngalenyanga yekubungata lusuku lwemagugu, tivakashi letinyenti letivela kulamanye emave titseleka ngetinkhani kuleli titewupha emehlo kudla kwawo. Tivakashela tindzawo letifana neTable Mountain neticiwi tetinyamatane 50 titewubona buhle belive letfu, tibone netinyamatane nalokunye. Ngalolo suku kwentiwa imigidvo leyehlukahlukene, kube khona imincintiswano. Emaswati agidza ummiso, sibhaca, sizingili, ingadla kanye naleminye imigidvo. Bantfu bayakhutsatwa ngekutsi licembu leliphume embili liklonyeliswe ngalokutsite. Ngalesinye sikhatsi emachalachala avele 55 aphoselwe imali. Loko kuyawakhutsata bese agidza kakhulu kunakucala, atigcabhe ngelisiko lawo. Loko kuveta ngalokusobala kutsi kwehluka kwalabanye kuyintfo lenhle kakhulu. 7 Ngayo lenyanga kubuye kukhunjulwe emachawe ato tonkhe tinhlanga lalwela inkhululeko leyatfolakala ngemnyaka we-1994, leyeta nebuhle 60 etimphilweni tebantfu baseNingizimu Afrika. Lamachawe afaka ekhatsi uMnumzane Nelson Mandela, Solomoni Mahlangu, Steve Biko nalamanye. Kukhumbula kwetfu lamachawe kufanele kuletse injabulo kitsi. Kulwa kwabo kwakhombisa kutsi sonkhe sibantfu, sidalwe nguMvelinchanti. Sikhumba nelibala akusehlukanisi. Sinengati nebucopho 65 lobufanako. Sonkhe sifanelwe lutsandvo. Basifundzise kutsi lokubalulekile kuvana, kutsandzana, kubeketelelana nesineke. 8 Kuhlala ndzawonye eveni lelihle kangaka kusho kona kutsi kumele sibe sive lesihambisa emasiko embili, kute loko kuphumelele kumele tibuye emasisweni sidle ngaloludzala. Kumele kukhunjulwe kutsi kutigcabha 70 ngelisiko lakho akusho kutsi ungawanaki alabanye. Kumele umuntfu atinike ematfuba ekufundza imihambo nemasiko aletinye tive, njengekwati lulwimi, imvunulo nemigidvo yato. Takhamiti taseNingizimu Afrika tatiwa ngebuntfu. Lobo buntfu singagcini kubukhombisa tivakashi kuphela, kodvwa akube yintfo lesiyenta nasebantfwini labadvutane natsi. Sive 75 lesihlanganisa tinhlanga sisibonelo lesihle kuletinye tive. Sifundzisa kutsi sonkhe siyefana. [Itsetfwe: BONA, Inyoni 2018, likhasi 74] 1.1.1 Bhala kunye lokubangela kutsi kutsiwe live leNingizimu Afrika lingumushi wenkhosatana. (1) 1.1.2 Chaza kutsi umtsetfosisekelo waseNingizimu Afrika ulucedze njani lubandlululo eveni ngekwetilwimi. (1) 1.1.3 Bhala ngeSiswati lolusuku lolwakhetselwa kubungata emagugu nemasiko. (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 5 DBE/Lweti 2021 NSC 1.1.4 Bhala KUNYE lokukuletheksthi lokwentiwa etikolweni kugcugcutela emasiko nemagugu eluntfu. (1) 1.1.5 Khetsa YINYE imphendvulo. Chaza kutsi yini lokudla kwesintfu lokubitwa ngekutsi yimbasha: A Ngummbila losiliwe. B Ngummbila lophekiwe. C Ngummbila logayingiwe. D Ngummbila logandziwe. (1) 1.1.6 Nika LUNYE lulwimi loluvela eculweni lesive. (1) 1.1.7 Bhala TIMBILI tindlela labangasitakala ngato labasha ngaloku lokwentiwa ngulabadzala endzimeni yesine. (2) 1.1.8 Bhala KUBILI locabanga kutsi batali bangakwenta kukhutsata bantfwababo kute batigcabhe ngelulwimi lwemdzabu. (2) 1.1.9 Ngekubona kwakho bantfu bawuphakamiselani umbhelebhele wesive nabasemicimbini? Nika tizatfu LETIMBILI. (2) 1.1.10 Nguwaphi ematfuba LAMABILI emsebenti langavuleka ngekufundza lulwimi lweSiswati? (2) 1.1.11 Letindzawo letibaliwe endzimeni yesitfupha tiwutfutfukisa ngayiphi indlela umnotfo welive laseNingizimu Afrika? Chaza. (2) 1.1.12 Uyavumelana yini nemavi labhalwe acindzetelwa endzimeni yesikhombisa? Sekela imphendvulo yakho ngemaphuzu LAMABILI. (2) 1.1.13 Ngemuva kwekufundza letheksthi, phawula kutsi lenkhulumo letsi, 'atibuye emasisweni' igcugcutela kutsi bantfu baphile njani lomuhla? (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 6 DBE/Lweti 2021 NSC 1.2 Fundza lesibonwa bese uphendvula imibuto lelandzelako. ITHEKSTHI B [Itsetfwe: http://www.kingfeatures.com] 1.2.1 Bhala ligama lasinye sitja lesisetjentiswe kufaka lokudla lokukulesibonwa. (1) 1.2.2 Bangaki bantfu labakulesibonwa? (1) 1.2.3 Kukhombani kuguca kwalomake ngekwelisiko leSiswati? (1) 1.2.4 Bhala MUNYE umkhicito longaphuma kulokudla lokuvetwe kulesibonwa. (1) 1.2.5 Uvumelana kangakanani nekutsi bantfu bakadzeni bebayonga kakhulu imali? Sekela ngemaphuzu LAMABILI ubhekise kulokwenteka kulesibonwa. (2) 1.2.6 I-theksthi B inabudlelwane buni netheksthi A nawubuka lokukhulunywa ngako endzimeni yesitsatfu yonkhe? Sekela ngemaphuzu LAMABILI. (4) SAMBA SESIGABA A: 30 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 7 DBE/Lweti 2021 NSC SIGABA B: SIFINYETO UMBUTO 2 Fundza letheksthi bese uyayifinyeta ngewakho emagama langabi ngetulu kwala-80. Sifinyeto sakho asibe ngendlela yetindzima (emapharagrafu), sivete tintfo letilusito letentiwa bodokotela bengcondvo ebantfwini. CAPHELA 1. Akukadzingeki kutsi ubhale sihloko. 2. Khombisa linani lemagama lowasebentisile ekugcineni kwesifinyeto sakho. (Linani lemagama alibe setibiyelweni.) ITHEKSTHI C BODOKOTELA BENGCONDVO Kuntjintjantjintja kwesimo semphilo kuyayitsikameta ingcondvo. Loko kuholela ekutseni umuntfu ayewubonana nabodokotela bengcondvo. Banyenti-ke bodokotela bengcondvo bemikhakha leyehlukahlukene emhlabeni jikelele. Nangabe ungulomunye lofuna kutsatsa lowo mkhakha weBudokotela bengcondvo, kubalulekile kutsi wente lucwaningo ngembikwekuyewufundzela loluhlobo lwemsebenti. Kumele wati kutsi bakhona labasebenta etibhedlela, etikolweni, etinkampanini letahlukahlukene kantsi labanye bativulela tindzawo tabo njalonjalo. Umuntfu utalwa asesimeni lesihle ngekwengcondvo bese leyo ngcondvo ifika lapho ilimala khona. Kulomunye lengcondvo isuke ilinyatwe kushonelwa nobe kugula langakwemukeli njengesifo sengculazi, lokuvamise kutsi linyenti lingasemukeli. Loko labodokotela bengcondvo bakukhokhisa kwelinyeva ngekuvuselela similo saloyo muntfu lobukene nalobumatima. Labanye bantfwana etikolweni nasemakhaya baphilisa kwetilwane. Babhedla inkhani, babe ngemahlongandlebe, babuswe ludlame. Batali bagcina bakhatsateka ngalesimo bacabange kutsi sekunesandla semfene ebantfwaneni babo. Bodokotela bengcondvo lababukene netikolo badlala indzima yekuchumana nebatali, bothishela, nalabanye balungise lesimo kutsi sibe yimphumelelo. Kulabodokotela kunalabo labasebenta kakhulu emanyuvesi, etibhedlela nakuletinye tindzawo tahulumende. Umsebenti wabo kubuka indlela ingcondvo lelondvolota ngayo lwati nasekukhumbuleni tintfo. Kukhohlwa kalula tintfo kwenta umcashi angasakwetsembi ugcine ucoshwa nasemsebentini. Inkampani ayitfutfuki nayinebasebenti labakhohlwa kalula. Kukhula kwemuntfu kungetigaba. Labodokotela babuka ingcondvo, yemntfwana lomncane, longena esigabeni sekukhula kanye nebantfu labadzala kutsi kukhula kwabo kuyahambisana yini neminyaka yabo. Phela uyaye utfole umuntfu lomdzala acabanga njengemntfwana, utfole umntfwana acabanga njengemuntfu lomdzala. Kukhona bodokotela bengcondvo labahlola temphilo, kutiphatsa kwebashayeli betindiza nalabanye basebenti basetindizeni. Kumele kubukisiswe kakhulu kuloluhlobo lwemsebenti wekushayela tindiza ngobe lowo muntfu lotsandza lomsebenti kumele abe ngulotimiselako, lokhutsele futsi longamane atfuke nelite nje. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 8 DBE/Lweti 2021 NSC Bugebengu budlangile kuletinsuku. Lobugebengu bufaka ekhatsi kweba, kubalekela kondla bantfwana, kusebentisa ithekhnoloji ngenjongo yekutsatsela bantfu imali. Bodokotela bengcondvo bayakhona kutfola budlelwane balobo bugebengu ngekusebentisa lwati labanalo. Tinkampani letinyenti ticasha bodokotela bengcondvo labatawusita emabhizinisi ato ngekuhlola kutsi batsengi bayatilandzelela yini tikhangisi letibhaliwe babuye basite nasekubhalweni kwato. Lomsebebenti singawubukeli phasi, asiyewufundzela. [Itsetfwe ku-inthanethi] SAMBA SESIGABA B: 10 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 9 DBE/Lweti 2021 NSC SIGABA C: TAKHI NETIMISO TEKUSETJENTISWA KWELULWIMI UMBUTO 3: SIKHANGISI Fundza lesikhangisi bese uphendvula imibuto lelandzelako. ITHEKSTHI D KUVIKELEKA KWAKHO KUYINJABULO YETFU! SEBENTISA BOMEHLWANA BE-MAMBA TECHNOLOGIES. Linani labo: R4 500 1. Unelibhizinisi? 2. Uhlushwa bosidlani edladleni lakho? 3. Sewufile kulala benyoni? Titsengele wakho Mehlwana utfole lomunye ngelinani leliphasi. Tikhiya utiphosela le! Umnyango uwuvula utsi nge imini nebusuku. Liso lakhe libukhali. Halala kulowo lotawutitsengela bona! Emadvodza atawugcwala nswi esitokisini ngobe atigebengu. Tsintsana naNkhosatana Mamba: 013 752 34000 mehlwana@yahoo.com [Itsetfwe: www.bing.com] 3.1 Tinhlavu temagama esicubulo salesikhangisi lesingenhla tiwadvonsa njani emehlo ebatsengi? (1) 3.2 Linani lemali yalokukhangiswako litsatsa luhlangotsi ngayiphi indlela? (1) 3.3 Kulenkhulumo lelandzelako dvwebela emagama laveta kuhhunga. 'Titsengele wakho Mehlwana utfole lomunye ngelinani leliphasi.' (1) 3.4 Kunemusho loneluvelomegama lolukhomba kujabula kulesikhangisi lesingenhla, wubhale phasi. (1) 3.5 Hlobo luni lwenkhulumo lolu lolulandzelako? Sekela imphendvulo yakho. 'Umnyango uwuvula utsi nge imini nebusuku.' (2) 3.6 Sebentisa sisho lesibhalwe ngalokwehlukile lesikunombolo ye-3 emshweni kuveta kutsi uyayati inchazelo yaso. (2) 3.7 Ngekubona kwakho, lenkhulumo lebhalwe yatjeka kulesikhangisi iyitsintsa njani imiva yemadvodza? (2) [10] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 10 DBE/Lweti 2021 NSC UMBUTO 4: IKHATHUNI Fundza lekhathuni bese uphendvula imibuto lelandzelako. ITHESKTHI E IFREYIMU YE-1 Kukhala sami sicatfulo Nginembono. lapha! Lolandzelako, Kunjani Temlomo Sibhuluja Sukuma siticedzele kusasa utewetfula inkhulumo magogo? yakho! IFREYIMU YE-2 IFREYIMU YE-3 Sibhuluja ukhohliwe yini kutsi imfundvo ngiyo kuphela leletsa sinkhwa etafuleni? Lasilamulela lijaha bo! Besekuthule dvu. Kimi besekukhala sihlalo. Besengicabanga kucela empunzini. [Itsetfwe: www.heirraising.com] 4.1 Khokha inkhulumo lecuketse emandla ekuphatsa kulekhathuni lengenhla. (1) 4.2 Bhala KUNYE lokufakazela kutsi lona lobhalako efreyimini ye-1 ukhatsele. (1) 4.3 Kukhombisani kubamba umlomo kulona losefreyimini ye-2 kulekhathuni? (1) 4.4 Khokha umusho losendleleni lephocako lokulekhathuni lengenhla uwubhale phasi. (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 11 DBE/Lweti 2021 NSC 4.5 Khetsa imphendvulo YINYE. Leligama, 'magogo', lelisefreyimini ye-1, liveta kutsi lenkhulumo iluhlobo luni? A Inkhulumo lehhungako. B Inkhulumo letsintsa imiva. C Inkhulumo leyimfundzisolite. D Inkhulumo letsatsa luhlangotsi. (1) 4.6 Tfola umusho lonesentakutsi kulekhathuni lengenhla bese uwubhala phasi. (1) 4.7 Sebentisa ligama lelicindzetelwe efreyimini ye-3 emshweni lotakhele wona uvete mcondvojula walo. (2) 4.8 Lenkhulumo lelandzelako letsetfwe kulekhathuni lengenhla kutsiwa itsatsa luhlangotsi. Utsini umbono wakho? Imfundvo ngiyo kuphela leletsa sinkhwa etafuleni? (2) [10] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 12 DBE/Lweti 2021 NSC UMBUTO 5 Fundza letheksthi bese uphendvula imibuto lelandzelako. ITHEKSTHI F CAPHELA INDLELA LOTFOLA NGAYO LUSITO Emimangweni leminyenti sekugcwele bugebengu. Labanye bantfu sebasebentisa lelitfuba kutsatsela labanye imali yabo. Sekunetindlela letimalula letisita letigebengu kutsi tihhunge bantfu. Loko kwenteka nakuNkhosikati Khubonye. Letindlela tidlondlobalisa lwati ngesikhatsi lesincane. Imvamisa tiba lusito kakhulu ebantfwini. Maningi nematfuba lowatfola kuto nangabe 5 ufuna umsebenti. Lokubi nje kutsi labanye batfola ematfuba ekwenta bugebengu ngato. Nkhosikati Khubonye waba nelishwa lekutfunjwa. Phela bekatsenjiswe umsebenti ngulomunye kantsi utawutitsela kulabanye bafana lababosidlani. Bantfu labasikati babotsatsekile. Ungatikhotsa engcozeni kutfola umsebenti emntfwini longamati. 10 Kulesikhatsi lesiphila kuso indzaba lesematseni nguleyo yebuphuya leyenta bantfu bagcine batfungatsa imisebenti nangetindlela letingabafaka enkingeni lenkhulu. Kuyadzingeka-ke kutsi bantfu bacaphele, babutisise ngemsebenti lowo. Imininingwane yebantfu labasuke bakhulume nabo abayinike nalabanye ekhaya kute kube khona nalomunye lonelwati ngalokwentekako. Kulukhuni kwetsemba bantfu lomuhla … 15 Kumatima kutsi bantfu bangahlala basonge tandla umsebenti ungekho. Empheleni letinye tinkampani setikhangisa imisebenti ngetindlela letinyenti lokwenta kube lukhuni kutsi labo labatisebentisako kungatsiwa bangatisebentisi. Lokudzingekako kutsi sandla semtsetfo sicine kute kutewubanjwa bonkhe bafana labatigilamkhuba. [Itsetfwe: Mpumalanga News, 2020] 5.1 Khetsa umusho lonesifinyeto lesinembako seligama lelicindzetelwe kulomusho lolandzelako: Loko kwenteka nakuNkhosikati Khubonye. A Loko kwenteka nakuNks. Khubonye. B Loko kwenteka nakuNkst. Khubonye. C Loko kwenteka nakuNkt. Khubonye. D Loko kwenteka nakuNkhs. Khubonye. (1) 5.2 Khokha umusho endzimeni yesibili lonesiga senkhulumo lesichaza kutsi intfo angeke yenteke. (1) 5.3 Bhala lomusho lolandzelako, ugucule ligama lelidvwetjelwe libe yimphambosi yekwentiwa: Maningi nematfuba lowatfola kuto nangabe ufuna umsebenti. (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 13 DBE/Lweti 2021 NSC 5.4 Cedzela lomusho logcanyisiwe endzimeni yesitsatfu ngemusho lokhontile lomele sizatfu. (1) 5.5 Sebentisa sento, 'khuluma', emshweni lotakhele wona ube sendleleni lesalibito. (2) 5.6 Yakha umusho ngelibitomfutiselo waleligama leligcanyisiwe kulomusho lolandzelako: Kumatima kutsi bantfu bangahlala basonge tandla umsebenti ungekho. (2) 5.7 Sebentisa ligama lelihloniphisa leli lelibhalwe lagcanyiswa endzimeni yekugcina emshweni lotakhele wona. (2) [10] SAMBA SESIGABA C: 30 SAMBA SAKO KONKHE: 70 Emalungelo agodliwe