siSwati HL Grade 12 Paper 3 NSC June 2023 Question Paper

Downloaded from hlayiso.com GRAAD 12 SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS SISWATI LULWIMI LWASEKHAYA (HL) LIPHEPHA LESITSATFU (P3) 2023 EMAMAKI: 100 SIKHATSI: Ema-awa la-3 Leliphepha linemakhasi la-6. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 2 DBE/2023 SC/NSC TICONDZISO KULABAHLOLWAKO 1. Leliphepha lehlukaniswe TIGABA LETIMBILI: SIGABA A: Indzaba (50) SIGABA B: Ematheksthi emibhalombiko (2 x 25) (50) CAPHELA: Bahlolwa balindzeleke kutsi baphendvule imibuto LEMIBILI ESIGABENI B. 2. Phendvula MUNYE umbuto ESIGABENI A, MIBILI ESIGABENI B. 3. Bhala TONKHE timphendvulo ngeSiswati. 4. Cala LESO NALESO sigaba ekhasini LELISHA. 5. Hlela (Sib. libalavemcondvo, umdvwebo, ifloshadi, njll.) uphindze uhlunge emaphutsa emsebentini wakho. Cala ngeluhlaka NGEMBIKWEKUBHALA indzaba. 6. Luhlaka aluvetwe ngalokucacile. Dvweba umugca lovundlile etukweluhlaka. 7. Siphakamiso sekulawulwa kwesikhatsi: SIGABA A: Lokungenani emaminithi la-100 SIGABA B: Lokungenani emaminithi la-80 (2 x 40) 8. Tinombolo tetimphendvulo atihambisane naleto letisephepheni lemibuto njengobe tinjalo. 9. Sihloko asingabalwa nakubalwa linani lemagama. 10. Bhala ngebunono nangesandla lesifundzekako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 3 DBE/2023 SC/NSC SIGABA A: INDZABA UMBUTO 1 Bhala indzaba NGASINYE saletihloko letilandzelako ibe ngemagama la-340 kuya kula-390. 1.1 Shangatsi lawo malanga angengeteka. [50] 1.2 Yehheni bo! Lwaphela lusha. [50] 1.3 Kubeketela kwangisita. [50] 1.4 Yimali-ke leyo! [50] 1.5 Labanye bantfu bahlupheka ngobe bayavilapha. [50] Khetsa SINYE sitfombe kuleti letilandzelako bese ubhala ngaso indzaba. Bhala inombolo yembuto (1.6, 1.7 nobe 1.8). Nika indzaba yakho sihloko lesifanele. CAPHELA: Akube nekubumbana kwesihloko nalesitfombe losikhetsile. 1.6 [Itsetfwe: www.bing.pictures.com] [50] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 4 DBE/2023 SC/NSC 1.7 [Itsetfwe: www.bing.pictures.com] [50] 1.8 [Itsetfwe: www.bing.pictures.com] [50] SAMBA SESIGABA A: 50 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 5 DBE/2023 SC/NSC SIGABA B: EMATHEKSTHI EMIBHALOMBIKO UMBUTO 2 Khetsa KUBILI kulokulandzelako ubhale ngako ngemagama la-100 kuya kula-120 itheksthi ngayinye. 2.1 INCWADZI YEBUHLOBO Ujabule kakhulu uma utfola kutsi sicelo sakho semfundzate semukelekile. Bhalela umnakenu incwadzi umtjele kutsi angasakhatsateki ngemali lebeyimdvonsisa matima yekukhokhela tindleko takho tekufundza. [25] 2.2 I-ATHIKILI YELIPHEPHANDZABA Wena njengemuntfu lomusha ubone kulitfuba lelihle kutsi uvulele sive sifuba ngetifiso tenu nibantfu labasha tekutsi nivulelwe ematfuba emsebenti kulomnyaka. Bhala i-athikili leya ephephandzabeni, iBhoboka Silalele, lapho [25] uveta khona letifiso. 2.3 UMLANDVOMUFI Benivakashile nemzala wakho losebenta emayini ngemaholide enyanga yeNgongoni. Nitse nanibuya ekuvakasheni nahlangabetana nengoti yemoto wabese lomzala wakho uyashona khona lapho. Bhala umlandvomufi lotawufundvwa ngelilanga lemngcwabo. [25] 2.4 LUHLELO NEMAMINITHI EMHLANGANO Ulilunga lelikomidi lelimele bagibeli betitfutsi takaSiyahamba. Benibambe umhlangano lomayelana nendlela bashayeli labaniphatsa ngayo uma banitfutsa. Bhala emaminithi alowo mhlangano. Cala ngekucedzela loluhlelo lwemhlangano lolulandzelako ngembikwekubhala emaminithi. LUHLELO LWEMHLANGANO WELIKOMIDI LEBAGIBELI BETITFUTSI TAKASIYAHAMBA Indzawo: Khenani Hotela Lusuku: 30 Inhlaba, 2023 Sikhatsi: 13:00 1. Kuvulwa 2. Emavi asihlalo nekwemukelwa 3. Emalunga lakhona nalangekho 4. Kufundvwa kwemaminithi emhlangano lowengcile 5. Lokuvuka emaminithini 5.1 6. Umsebenti welusuku 6.1 6.2 6.3 7. Lokunye lokutawukhulunywa ngako 7.1 7.2 8. Lusuku lwemhlangano lolandzelako 9. Kuvala [25] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 6 DBE/2023 SC/NSC 2.5 INCWADZI YEMTSETFO Wena nebangani bakho ningene netidzakamiva esikolweni. Umtimba lomele batali unihlalise ekhaya kwesikhashana ngobe batali benu bangaketi emhlanganweni wekutsetfwa kwalelicala lenu. Bhalela umphatsisikolo incwadzi yekucela lucolo ngalesento senu. [25] 2.6 INKHULUMISWANO Njalo ekuseni ngembikwekuya esikolweni utsanyela emacembe nemangoza lawiswa tihlahla takamakhelwane letilengela ekhaya kini. Loko sekukudziniwe. Ubone kuncono ucondzane naye ngco ngalesimo. Bhala inkhulumiswano lenibe nayo namakhelwane wakho. [25] SAMBA SESIGABA B: 50 SAMBA SAKO KONKHE: 100 Emalungelo agodliwe