Downloaded from hlayiso.com
NATIONAL
SENIOR CERTIFICATE
LIBANGA 12
SISWATI LULWIMI LWEKUCALA LWEKWENGETA (FAL)
LIPHEPHA LEKUCALA (P1)
LWETI 2017
EMAMAKI: 80
SIKHATSI: Ema-awa 2
Leliphepha linemakhasi la-14.
Emalungelo agodliwe Phenya
Skip to contentAll 2017 papers 





View all





siSwati FAL Grade 12 P1 NSC November 2017 Question Paper
Grade 12 siSwati FAL Paper 1 question paper from the NSC November Exam 2017, 14 pages. Read online or get the free PDF download, memo linked when available.
Siswati Fal · Grade 12 · NSC November Exam · 2017 · siswati. Question paper, 14 pages. Read online or download the PDF.
- Subject
- siSwati FAL
- Grade
- Grade 12
- Language
- Siswati
- Document type
- Question paper
- Year
- 2017
- Exam period
- NSC November Exam
- Paper
- 1
- Curriculum
- CAPS
- Pages
- 14
- File size
- 1.5 MB
Free to read online, no sign-up needed
Loading document…
Loading document…
1 of 14
This exam
NSC November Exam 2017
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Kufundza nekubuka (Reading and Viewing) — non-literary
- Question 1.2Kufundza nekubuka (Reading and Viewing) — non-literary6 marks
- Question 3Kubhala nekwetfula (Writing and Presenting)10 marks
- Question 4Tinhlaka nemitsetfo yelulwimi (Language Structures and Conventions)10 marks
- Question 5.1Tinhlaka nemitsetfo yelulwimi (Language Structures and Conventions)12 marks
- Question 5.2Tinhlaka nemitsetfo yelulwimi (Language Structures and Conventions)24 marks
Document textSearch extracted text and jump to a page.
Downloaded from hlayiso.com
Siswati Lulwimi Lwekucala Lwekwengeta (FAL)/P1 2 DBE/Lweti 2017
NSC
TICONDZISO KULABAHLOLWAKO
1. Leliphepha lehlukaniswe TIGABA LETINTSATFU:
SIGABA A: Sivisiso (30)
SIGABA B: Sifinyeto (10)
SIGABA C: Takhi netimiso telulwimi (40)
2. Phendvula YONKHE imibuto ngeSiswati.
3. Cala LESO NALESO sigaba ekhasini LELISHA.
4. Dvwebela ekugcineni kwaleso NALESO sigaba.
5. Tinombolo tetimphendvulo atihambisane naleto letisephepheni lemibuto
njengobe tinjalo.
6. Shiya umugca emkhatsini wetimphendvulo takho.
7. Caphelisisa sipelingi/lupelomagama nendlela lewakha ngayo imisho.
8. Kwehlukaniswa kwesikhatsi:
SIGABA A: Emaminithi 50
SIGABA B: Emaminithi 20
SIGABA C: Emaminithi 50
9. Bhala ngebunono nangesandla lesifundzekako.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 3 DBE/Lweti 2017
NSC
SIGABA A: SIVISISO
UMBUTO 1
1.1 Fundza letheksthi bese uphendvula imibuto lelandzelako.
ITHEKSTHI A
UMTALI LOCOTFO
1 Thandi losebentela Litiko Letekulima eMpumalanga, abesahleti tinyanga
letine ekhaya angakabuyeli emsebentini emva kwekutfola umntfwana
wentfombatane lewametsa libito watsi nguPhindile ngobe bese kuyintfombi
yesibili lapha ekhaya. Angakabuyeli emsebentini wacasha make
lobekatawuba yineni asale anakekele Phindile. 5
2 Emva kwetinyanga letilishumi nesiphohlongo Thandi waba nekumangala.
Wabona luntjintjo labengakalulindzeli, ngekutiphatsa kwendvodzakati yakhe.
Abebona Phindile ahleka nakadlala nalomake lomnakekelako. Bekubonakala
vele kutsi uphatseka kahle futsi uyakujabulela kuba naye. Umndeni
waThandi wake watsatsa liholide leliviki lonkhe waya eBlydespoort Aventura, 10
bahambe naye Phindile.
3 Bebajabulile babona tindzawo letinhle naletingakajwayeleki kubo, ngobe
sikhatsi lesinyenti basicitsa basemsebentini. Kwatsi nakuphela liholide
babuyela ekhaya, batsi nabafika bangena endlini, Phindile watiphosa
kuleneni yakhe ahleka kubonakala kutsi ujabulele kumbona. Thandi 15
watibona angenayo indzawo emntfwaneni wakhe.
4 Thandi kwamhlupha emoyeni lokwenta kwaPhindile wate wavakashela
lomunye umngani wakhe longudokotela. Phela lodokotela
bekanguchwepheshe webantfwana. Wafika Thandi wamchazela
ngekutiphatsa kwaPhindile nakabona lomake lomnakekelako. Dokotela 20
wamtjela kutsi yintfo lejwayelekile lena, emva kwekucitsa emahora lalishumi
ngelilanga ahleli neneni unina asemsebentini, loko kwenta kutsi atayele
kakhulu ineni kwedlula make wakhe ngobe sincane sikhatsi lahlala sona
namake wakhe. Loko kukhombisa indzima ledlalwa yineni emphilweni
yemntfwana. 25
5 Nangabe ungumake kuyenteka kutsi uve kwangatsi sikhala sakho sesivalwe
ngumuntfu lomcashile emntfwaneni wakho. Dokotela uyachubeka umtjela
kutsi angesabi ngobe sikhala sakhe njengemtali angeke sivalwe ngumuntfu,
loko kudaliwe. Budlelwane emkhatsini wakhe nemntfwanakhe angeke
buphele. Umntfwana unamatsela kumuntfu latayele kuba naye futsi ujabulela 30
lutsandvo lalutfola kuye hhayi kutsi ineni ingakwendlula emntfwaneni wakho.
6 Umntfwana wetayela indlela letsite yekumdlalisa, yekumphatsa, yekumdlisa
kanye nekucoca naye. Uma ungumtali losebentako awutati letindlela
letetayelwe ngulomntfwana, kungako utawubona kwangatsi akajabuli
nakanawe. Umtali ubaluleke kakhulu emphilweni yonkhe yemntfwana. 35
Lutsandvo lwemtali ludala tintfo letinyenti emntfwaneni.
7 Umntfwana ukhula ati kutsi kute umuntfu longetulu kwemtali wakhe, konkhe
lokutamvelela ugijima ayokubika kumtali wakhe ngobe ametsemba. Loko
kwenta kutsi naye atetsembe ngobe utiva avikelekile emphakatsini.
Umntfwana inhlonipho uyifundza ngekutsi acale ahloniphe batali bakhe futsi 40
abatise. Loko kumenta kutsi nobe aphumela ngaphandle akhone kuhlonipha
labanye bantfu.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 4 DBE/Lweti 2017
NSC
8 Lutsandvo laniketwa lona ekhaya umntfwana uyakhona kulubonakalisa
nakulabanye bantfwana ladlala nabo. Ufundza kutsandza bantfu ngobe naye
atsandvwa kabo. Akabuki labanye bantfu njengetintfo letingenamsebenti 45
kepha ubapha lutsandvo. Umntfwana ufundziswa ngumtali kutsi loko lanako
akahlephulelane nalabanye, angakhuli ati kutsi tonkhe tintfo takhe yedvwa.
Akakwati kutsi loko lanako nalabanye bayakudzinga. Ineni kumele yelekelele
umtali ekufundziseni umntfwana ngobe phela lugotjwa lusemanti. Ineni ngiyo
lecitsa sikhatsi lesinyenti nemntfwana ebuncaneni bakhe, kungako kufanele 50
imlungiselele kuphuma ayobukana nebantfu nasekacala kufundza.
Umntfwana ufundziseka kahle asemncane.
9 Esikhatsini sanyalo tiningi tinkinga letibukene nebatali ngobe batali
labanyenti bayasebenta futsi basebenta ngekutikhandla. Umtali ufuna kuba
nelikhaya lelibukekako lapho atokhulisa khona bantfwana bakhe. Uhlala 55
atikhatsata ngekutsi umntfwana wakhe utawukhula njani, utawudlani futsi
utawugcokani. Batali banyalo batihlupha kakhulu ngemfundvo yebantfwana
babo. Loyo naloyo mtali ufisa kubona umntfwana wakhe asezingeni lelihle
emphakatsini. Umtali usebentela likusasa lemntfwana wakhe.
[Itsetfwe ephephandzabeni, Lilanga laseNatali lamhla ti-23 iNhlaba, Likhasi 30, 2013]
1.1.1 Khetsa YINYE imphendvulo. Bhala lamagama ngetinombolo
'lishumi nesiphohlongo'.
A 16
B 19
C 14
D 18 (1)
1.1.2 Nika ligama lendzawo leyavakashelwa nguThandi nemndeni
wakhe. (1)
1.1.3 Kuletheksthi khipha sizatfu lesenta umntfwana etayele kakhulu
ineni kwengca make wakhe. (1)
1.1.4 Yini leyentiwa nguPhindile nababuya kumaholide leyavisa make
wakhe buhlungu? (1)
1.1.5 Ngumuphi umehluko longawusho phakatsi kwaleneni namake
waPhindile? (2)
1.1.6 Chaza kutsi umtali angamfundzisa njani umntfwana kutsi
angancishani. Bhala emaphuzu LAMABILI. (2)
1.1.7 Kuletheksthi khipha TIMBILI tindlela letetayelwa ngumntfwana
kuloyo lohlala naye. (2)
1.1.8 Ucabanga kutsi kufanele yini kutsi umtali aphatseke kabi uma
umntfwana atsandza ineni kudlula yena? (2)
1.1.9 Kubalulekile yini kutsi kube nabodokotela lababochwepheshe
bebantfwana? Chaza. (2)
1.1.10 Ucabanga kutsi kuba yini umphumela wemntfwana lokhuliswa
ngelutsandvo nekunakekelwa? (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 5 DBE/Lweti 2017
NSC
1.1.11 Kuliciniso nobe kungumbono kutsi onkhe emaneni abaphatsa
kahle bantfwana? Sekela imphendvulo yakho. (2)
1.1.12 Ngekubona kwakho kufanele yini kutsi kube bomake kuphela
labanika bantfwana lutsandvo? Sekela imphendvulo yakho. (2)
1.1.13 Tento taPhindile tiveta leneni ingumuntfu lonjani? Bhala emaphuzu
LAMABILI. (2)
1.1.14 Ngabe Thandi usitakele yini ngekuyobonana nemngani wakhe
longudokotela? Sekela imphendvulo yakho. (2)
1.2 Fundzisisa lesibonwa bese uphendvula imibuto lelandzelako.
ITHEKSTHI B
[Itsetfwe ephephabhukwini, i-Drama, lamhla ti-15, Inyoni 2016]
1.2.1 Khetsa imphendvulo yakho. Buso balaba labavetwe kulesibonwa
bukhombani?
A Kutfukutsela
B Kujabula
C Kulibala
D Kuhlakanipha (1)
1.2.2 Yini lekhomba kutsi lomake uyabatsandza bantfwabakhe? (1)
1.2.3 Ngutiphi tintfo letingentiwa batali ebantfwaneni babo kute bahlale
bajabulile? Nika KUBILI kwako. (2)
1.2.4 Ngekubona kwakho kubalulekile yini kutsi batali bacocisane
nebantfwababo? (2)
SAMBA SESIGABA A: 30
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 6 DBE/Lweti 2017
NSC
SIGABA B: SIFINYETO
UMBUTO 2
Fundza letheksthi bese ubhala tintfo letisikhombisa letimayelana nemacebo
lamahle emphilweni.
TICONDZISO
1. Bhala emaphuzu LASIKHOMBISA ngemisho legcwele ngemagama
LANGENGCI kula-60.
2. Imisho yakho ayibe netinombolo kusuka ku-1 kuya ku-7.
3. Bhala liphuzu LINYE emshweni ngamunye.
4. Sebentisa emagama AKHO.
5. Khombisa linani lemagama lowasebentisile ekugcineni kwesifinyeto uwafake
kubakaki.
ITHEKSTHI C
KWENTA EMACEBO LAMAHLE EMPHILWENI
Licebo, umcabango nobe luhlelo lolufika engcondvweni yemuntfu emva kwekuhlala
acabange lokutsite. Malanga onkhe kunyenti lokufika kwedlulele etingcondvweni
tebantfu. Lokunye kusuke kungasho lutfo kodvwa lokunye kunemandla ekugucula
timphilo tetfu.
Kufundza emabhuku kulicebo lelihle nalelibalulekile lelitawukwenta utati kutsi
ubhekephi emphilweni. Lwati lolunyenti lwetemabhizinisi, imibono yesakhiwo lesihle,
tifundvo tebunjiniyela kutfolakala ngekufundza emabhuku. Kulapho utitsatsela tincumo
letitakuyisa emphumelelweni. Emacebo lamahle achamuka ngekuba nelwati.
Kufundza kuba nesifuba kuyintfo lenhle kakhulu. Imicondvo yetfu ivame kudideka
utfole sibamba singati kutsi ngusiphi sincumo lokufanele sisitsatse. Kuye kube kuhle
kutsi nangabe umuntfu akutjela indzaba lesesifubeni sakhe bese uyayigcina
ungayedluliseli kulabanye bantfu nobe bangani bakho. Kuyasita kutsi utfole indzawo
lethulile kuze ukwati kucabanga kahle. Konkhe lokufika nobe lokugcine emcondvweni
wakho ngaleso sikhatsi uyakwati kukubambisisa.
Kuhlala ulungele kubukana nanobe ngusiphi simo lohlangabetana naso. Onkhe
emacebo lafika engcondvweni yakho wacubungule kahle, emacebo lamahle
longawasebentisa avame kufika uhleti nobe usesimeni lapho ungakalindzeli lutfo
khona. Labanye baye batsi lapho sebabukene netimo letimatima bese bayehluleka
kumelana nato bacolele kuhamba benta tintfo letingakafaneli. Loko kugcine
sekubafaka ejele.
Uma ungumuntfu jabulela kwehluka kwakho kulabanye bantfu. Kwenta longasiko kuze
wamukeleke ebantfwini akukalungi. Ungatayeli kutibeka licala ngekwehluka kwakho.
Imphumelelo itfolakala etintfweni takho letikwenta wehluke.
Gcila kuloku lokutsandzako ngenhlitiyo yakho yonkhe. Buka kutsi yini lena longayenta
utsatse emahora lamanyenti kepha ungadzinwa. Ngumuphi umsebenti longachubeka
nekuwenta ngisho nobe sebayekelile labanye.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 7 DBE/Lweti 2017
NSC
Nakekela loku lokutsandzako ngenhlitiyo yakho yonkhe. Loku kubalulekile ngobe uma
ungakwenti kutawuphela lutsandvo Ngaso sonkhe sikhatsi kuhle kutsatsa emashansi
ngemphilo yakho. Ngembi kwekutsi uhlaliseke lapho uhleti khona, khumbula kutsi uma
ungawatsatsi emashansi utinciphisela ematfuba emphumelelo. Hlala wati kutsi indlela
leya emphumelelweni ifuna kutsi ubeketele. Uma ungabuka bantfu labavula
emabhizinisi lamanyenti batsatsa iminyaka lengetulu kwalemibili libhizinisi lingakasimi.
Kubeketela kukuletsela lokuhle.
[Itsetfwe ephephandzabeni, Ilanga lamhla ti-15 Inyoni, Likhasi 12, 2015]
SAMBA SESIGABA B: 10
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 8 DBE/Lweti 2017
NSC
SIGABA C: TAKHI NETIMISO TEKUSETJENTISWA KWELULWIMI
UMBUTO 3: SIKHANGISI
Fundza lesikhangisi lesingentasi bese uphendvula imibuto lelandzelako.
ITHEKSTHI D
AWUKHONI KUCABANGA NEKUCABANGISISA TSENGA I-XCEL
BRAINPOWER UFUNDZE KANCONO!!!
Yenta ukhumbule konkhe
lokufundzile.
Yenta kuse nge engcondvweni.
Ingeta umfutfo wekufundza.
Inciphisa kudzinwa, ibuyise
umcondvo.
Ingasetjentiswa kwelapha
iyodvwa kantsi futsi
ingahlanganiswa naleminye
imitsi yabodokotela.
Yi-Xcel brainpower kuphela
lengakuncedza etifundvweni
takho.
I-Xcel brainpower iyatfolakala
kuwo onkhe emakhemisi elive
jikelele, ingemaphilisi nesirapu.
[Itsetfwe ephephabhukwini, iBona yamhla ti-20, Inyoni 2016]
3.1 Bhala sihloko longakhangisa ngaso i-Xcel brainpower. (1)
3.2 Kulomusho longentasi dvwebela lokusentakutsi.
Bhala imphendvulo kuphela.
Yenta kuse nge engcondvweni. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 9 DBE/Lweti 2017
NSC
3.3 Khetsa YINYE imphendvulo. Shano kutsi lenkhulumo ledvwetjelwe
kulomusho longentasi isho kutsini.
Inciphisa kudzinwa, ibuyise umcondvo:
A Kucabanga ufundze
B Kucabanga uphile
C Kucabanga ujule
D Kucabanga ulale (1)
3.4 Bhala inkhulumo lekhombisa kutsi loku lokukhangiswako kukunika emandla
kulesikhangisi lesingenhla. (1)
3.5 Uyavuma yini kutsi yi-Xcel brainpower kuphela lengakuncedza etifundvweni
takho? Sekela imphendvulo yakho. (2)
3.6 Bhala KUBILI lokukulesikhangisi longakutsengisela batsengi. (2)
3.7 Lokhangisako usebentise liphi lisu lelingenta batsengi labakhashane
batsenge lomkhicito wakhe? (2)
[10]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 10 DBE/Lweti 2017
NSC
UMBUTO 4: IKHATHUNI
Fundza lekhathuni bese uphendvula imibuto lelandzelako.
ITHEKSTHI E
1. Sidziniwe ngulamabhasi
akho lafikisa bantfwabetfu 2. Ngiyetsemba uyativela 3. Madvodza ngiyasihlonipha
ledi esikolweni. Uyangiva mnumzane. Nami ungibona sikhalo senu. Ngitawubita
na? Sikunike tinyanga nje ngishiye lihhovisi umhlangano webashayeli.
letimbili solo ngitewukhulumana Ngitawunatisa ngelucingo
akunamphendvulo. nendzaba yinye. ngaJuni.
4. Mine ngiyintsatseli levela
enasipoti, lelengikuvako
kuliciniso na? Impela ngibona
konkhe akutsatsa kancane.
[Itsetfwe ephephabhukwini, i-Drum, lamhla ti-24, Mabasa 2013]
4.1 Bhala umusho lokhombisa kucasuka kulekhathuni lengenhla. (1)
4.2 Khetsa YINYE imphendvulo. Shano kutsi lenkhulumo ledvwetjelwe
enkhulumeni 2 isho kutsini?
A Kunukana
B Kulitjatwa
C Kulekelelana
D Kutfwalisana (1)
4.3 Bhala sifinyeto saleligama lelidvwetjelwe kulomusho longentasi.
Ngiyatsemba uyativela Mnumzane. (1)
4.4 Lungisa ligama lelipeleke kabi kulomusho longentasi.
Mine ngiyintsatseli levela enasipoti. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 11 DBE/Lweti 2017
NSC
4.5 Tsatsa sabito kulomusho longentasi usisebentise emshweni lotakhele wona.
Impela ngibona konkhe akutsatsa kancane. (2)
4.6 Bhala lomusho longentasi uphikise leligama lelidvwetjelwe.
Madvodza ngiyasihlonipha sikhalo senu. (2)
4.7 Tsatsa ligama lelingena ngaphasi kwalelidvwetjelwe kulomusho longentasi
utakhele ngalo umusho wakho.
Sikunike tinyanga letimbili solo akunamphendvulo. (2)
[10]
UMBUTO 5: IPHROZI
5.1 Fundza letheksthi bese uphendvula imibuto lelandzelako.
ITHEKSTHI F
TIFO TEMATSAMBO NGEKUHLUKANA KWATO
Tifo tematsambo tibanga butsakatsaka bematsambo lokuholela ekutseni
asheshe aphuke. Bantu baye babukane nesimo sekulimala kwematsambo.
Lena yinkinga lencane lebangwa kushoda kwe-vithamini D lesita kucinisa
wona ematsambo. Inkinga yesibili ibangwa ligciwane lelichamuka esilondzeni
lesimila enyameni lengetulu kwelitsambo njengesilondza sashukela. Labanye
baye bahlaselwe ngumdlavuta welitsambo. Umdlavuta utinhlobo letimbili
ukhona lochamuka kulo litsambo nobe kube ngumdlavuta lochamuka
kulelinye lilunga lemtimba, uhambe kancane uyofika khona etsanjeni.
Tinyenti-ke tifo letibanga kulimala kwematsambo. Uma unetinkinga
tematsambo kubuhlungu kukhuphuka titepisi. Nakufanele usukume
uyadzinwa imisipha iyacina. Uva umtimba ubanjwe tinhlungu. Labo
labanematsambo labutsakatsaka kumele babonane nadokotela.
Batawubalaphela esibhedlela. Bayalapha nobe sebadziniwe. 'Bantfwana
ninakekele kahle ematsambo enu,' kwasho Nkhosatana Dlamini.
[Itsetfwe ephephandzabeni Isolezwe lamhla ti-10, Likhasi, 14 Kholwane 2016]
5.1.1 Lungisa ligama lelidvwetjelwe kulomusho longentasi lamukeleke
eSiswatini.
Bantu baye babukene nesimo sekulimala kwematsambo. (1)
5.1.2 Sinongo sini senkhulumo lesidvwetjelwe kulomusho longentasi?
Umtimba ubanjwe tinhlungu. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 12 DBE/Lweti 2017
NSC
5.1.3 Khokha siphawulo kulomusho longentasi.
Lena yinkinga lencane lebangwa kushoda kwe-vithamini D. (1)
5.1.4 Cala lomusho longentasi ngekutsi: Cha …
Tinyenti-ke tifo letibanga kulimala kwematsambo. (1)
5.1.5 Shano kutsi lamagama ladvwetjelwe kulemisho asebente njani.
(a) Umdlavuta ukabili ukhona lochamuka kulo litsambo. (1)
(b) Bodokotela banakekela bantfu labagulako. (1)
5.1.6 Shano kutsi lamagama ladvwetjelwe kulemisho lengentasi aletsa
muphi umcondvo.
Sibonelo: Thishela ufundzela bantfwana libhuku.
Imphendvulo: kwentela.
(a) Batawubalaphela esibhedlela. (1)
(b) Bayalapha nobe sebadziniwe. (1)
5.1.7 Bhala lomusho lengentasi ngekusebentisa sihlanganiso lesifanele.
(Kepha/Futsi)
Kubuhlungu kukhuphuka titepisi. Nakufanele usukume uyadzinwa. (2)
5.1.8 Kulomusho longentasi tsatsa sabito sekukhomba wakhe ngaso
umusho.
Labo labanematsambo labutsakatsaka kumele babonane
nadokotela. (2)
5.1.9 Cala lomusho lolandzelako ngekutsi: Nkhosatana Dlamini watsi …
'Ninakekele kahle ematsambo enu,' kwasho Nkhosatana Dlamini. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 13 DBE/Lweti 2017
NSC
5.2 SITFOMBE
Fundza lesibonwa bese uphendvula imibuto lelandzelako.
ITHEKSTHI G
IFREYIMI 1 Yena singamnaki, ngiyindvodza
lecinile. Sengijake lusuku lwemdlalo.
Hheyi! Solly naJuke
anilali niphupha ibhola
busuku nemini.
Ngivumelana
nawe Juke.
IFREYIMI 2
Ngifundzise nami kudlala
ibhola. Kulomnyaka lophelile
ngaluza imali. Bafundzi
labadlalako bawina bonkhe.
Wendy, ngifundzisa Solly tindlela
tekudlala. Kutsintsa ibhola
ngesandla nobe umkhono
akufuneki. Kudlala ukhuluma
enkhundleni kubi.
[Itsetfwe ku-www.movemag.co.za, Inyoni 12, 2016, Likhasi 64]
5.2.1 Khetsa YINYE imphendvulo. Nguwuphi umcondvo lovetwe
ngulamagama ladvwetjelwe efreyimini 1?
A Kuhlobanisa
B Kuyamanisa
C Kuhlanganisa
D Kucatsanisa (1)
5.2.2 Khokha ubhale sabito selucobo lesisetjentiswe efreyimini 1. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lekwengeta (FAL)/P1 14 DBE/Lweti 2017
NSC
5.2.3 Khipha ubhale umusho lokhomba sandziso sesikhatsi lotfolakala
efreyimini 2. (1)
5.2.4 Bhala ligama lelikhomba sibaluli kulomusho longentasi.
Bafundzi labadlalako bawina bonkhe. (1)
5.2.5 Shano kutsi lemisho lelandzelako ikutiphi tindlela tesento.
(a) Kutsintsa ibhola ngesandla nobe umkhono akufuneki. (1)
(b) Kudlala ukhuluma enkhundleni kubi. (1)
[20]
SAMBA SESIGABA C: 40
SAMBA SAKO KONKHE: 80
Emalungelo agodliwe
Study this subject
Recommended for this subject

Question paper
siSwati FAL Grade 12 P2 NSC November 2017 Question Paper

Question paper
siSwati FAL Grade 12 P3 NSC November 2017 Question Paper

Question paper
siSwati FAL Grade 12 Paper 1 NSC June 2017 Question Paper

Question paper
siSwati FAL Grade 12 P1 NSC Supplementary 2017 QP

Question paper
siSwati FAL Grade 12 P1 NSC November 2023 Question Paper

Question paper
siSwati FAL Grade 12 P1 NSC November 2022 Question Paper
More from Grade 12 siSwati FAL

Annual teaching plan
Gr 12 Siswati FAL ATP 2023 24

Memorandum
siSwati FAL Grade 12 Paper 1 NSC November 2025 Memo

Memorandum
siSwati FAL Grade 12 Paper 2 NSC November 2025 Memo

Memorandum
siSwati FAL Grade 12 Paper 1 November 2024 NSC Memo

Memorandum
siSwati FAL Grade 12 Paper 2 November 2024 NSC Memo

Memorandum