siSwati FAL Grade 12 Paper 2 November 2024 NSC Memo

NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2024 TICONDZISO TEKUMAKA EMAMAKI: 70 Leticondziso tekumaka tinemakhasi la-12. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 2 DBE/Lweti 2024 NSC – Ticondziso tekumaka TICONDZISO TEKUMAKA • Nangabe umhlolwa aphendvule imibuto lengetulu kwaleyo lelindzelekile, maka timphendvulo letisekucaleni kuphela, maka kuphela imphendvulo yembuto wekucala kuleso naleso SIGABA. • Nangabe umhlolwa anike timphendvulo letimbili lapho imphendvulo yekucala iliphutsa kantsi lena yesibili iliciniso, akumakwe imphendvulo yekucala yesibili ingamakwa. • Nangabe tinombolo tetimphendvulo tinemaphutsa, maka ulandzele ticondziso tekumaka. • Nangabe liphutsa lesipelingi litsikameta inshokutsi, akunganikwa limaki, kantsi nangabe inshokutsi ayitsikameteki, akunikwe limaki. • Imibuto lemifisha: Nangabe umhlolwa angakafaki bokhulumile nangabe kufanele acaphune akangajeziswa. • Emibutweni levulekile bahlolwa abanganikwa emamaki nangabe baphendvule ngetimphendvulo letitsi: YEBO/CHA nobe NGIYAVUMA/ANGIVUMI. Onkhe emamaki anikwa sizatfu/kuchaza ngalokugcwele/kwesekela/kucaphuna. • Emibutweni lefuna LICINISO/LIPHUTSA nobe LIPHUZU/UMBONO emamaki akangehlukaniswa emkhatsini, lokusho kutsi alikho limaki lelinikwa LICINISO/ LIPHUTSA nobe LIPHUZU/UMBONO, onkhe emamaki anikwa sizatfu/kuchaza ngalokugcwele/kwesekela/kucaphuna. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 3 DBE/Lweti 2024 NSC – Ticondziso tekumaka SIGABA A: INOVELI UMBUTO 1: KWASHA TIKHOTSA – LL Dlamini 1.1 1.1.1 D/Kusekela inkhosi. (1) 1.1.2 Simo besishubile, boMswati netindvuna takhe batfukutsele babonakalisa bumatima betintfo. (2) 1.1.3 Iyindzawo lesigodlo seNkhosi/Indzawo lehlonishwako/Indzawo lapho kuhlala khona iNkhosi Mswati. (Kubili kwaloku.) (2) 1.1.4 Mswati abetiva adzelelekile ngekutsi letinye tive titingenele tihlale ngaphandle kwemvume endzaweni yabokhokho bakhe, lebekuyintfo lengaketayeleki. (2) 1.1.5 Nguleyo yekutsi elawini leNkhosi akungeni nobe ngubani angakabitwa/bebentela kutsi letindzaba tingaviwa bantfu labangakafaneli/Kutsi lilawu leNkhosi liyahlonishwa futsi timfihlo tikhulunyelwa khona. (Kubili kwaloku.) (2) 1.1.6 Kungobe bekangafuni kwenteke emaphutsa ngesive sakhe futsi bekafuna kutibonela kutsi tonkhe titsa tincotjiwe, sive sakhe siphephile ngemuva kwemphi. (Naleminye imibono lenembako yemukelekile.) (2) 1.1.7 Kube nemtselela lomuhle ngobe Mbovane wakhona kuhola lelibutfo ngekwetsembeka, bancoba titsa babuya nemfuyo lenyenti batfuma nebantfu lebekusifiso saMswati. (Naleminye imibono lenembako yemukelekile.) (2) 1.1.8 Kukhona kubumbana ngobe kuletheksthi Mswati netindvuna takhe bakhuluma tindzaba tekuhlasela balwe netive letiphatamisa sive semaSwati ngekungena ngalokungekho emtsetfweni eveni laMswati, kantsi ingcikitsi yalenoveli ngumbango lokhona kuMswati nebanakabo babanga bukhosi. (Naleminye imibono lenembako yemukelekile.) (2) 1.1.9 Lenoveli yendlulisa umlayeto lotsi, sive salenye iNkhosi nendzawo yayo kufanele sihlonishwe ngisho nabemndeni babuye besekelane kute kube khona kuvana nelubumbano emndenini. (Naleminye imibono lenembako yemukelekile.) (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 4 DBE/Lweti 2024 NSC – Ticondziso tekumaka 1.2 1.2.1 Lenkhulumo isho kutsi bantfwana bemuntfu kumele babambisane ngisho kukhona kungevani lokukhona. (2) 1.2.2 Lendzima iveta Mswati angumuntfu lonekuthula nelutsandvo kubanakabo ngobe ufuna kube nekuvana emkhatsini wabo. (2) 1.2.3 Kubangelwa kungahlonishwa kwakhe banakabo nekungati kutsi lesimo angasilungisa njani sibuyele kuleso lebebaphila ngaphasi kwaso ngaphambilini. (2) 1.2.4 Kungahlangani kwaMswati nebanakabo kwenta kutsi bangalungisi tinkinga lebanato lokwenta kucabana kubhebhetseke kuchubekele embili. (2) 1.2.5 Kuletheksthi ubonakala atfumela tindvuna takhe kutsi tente taba tekutsi yena nebanakabo bahlale phasi balungise tinkinga tabo kunekutsi alwe nabo kepha kwangaphumeleli. (2) 1.2.6 Ngiyavumelana nawo ngobe ubonakala asebentisana kahle netindvuna/Uyayihlonipha imibono yetindvuna takhe/ bekabonisana netindvuna takhe ngembi kwekutsatsa tincumo/ nakuphela timphi tonkhe tindvuna takhe bekatibonga ngekutipha tinkhomo. (Kubili kwaloku.) (2) 1.2.7 Nguleso sekuhlasela banakabo nakabona kutsi balwisana naye akazange abambelele ekutseni batalwa ndzawonye kepha wenta loko simo besifuna kutsi akwente kukhomba kutsi uyinkhosi. (Naleminye imibono lenembako yemukelekile.) (2) 1.2.8 Bengingabahlasela ngobe bakhomba kungangihloniphi njengenkhosi yabo futsi bahlanganyela netitsa tami lokubenta babe yingoti emphilweni yami/neyebukhosi. (Naleminye imibono lenembako yemukelekile.) (2) 1.2.9 Titifundzisa kutsi akukafaneli kutsi wetsembe wonkhe umuntfu lokusebentelako ngobe boSicobolonjwane naKhambi bebatfunywe ndzawonye kepha bachamuka netimphendvulo letehlukile, lokukhomba kutsi ukhona longaketsembeki emkhatsini wabo bobabili. (2) (Naleminye imibono lenembako yemukelekile.) [35] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 5 DBE/Lweti 2024 NSC – Ticondziso tekumaka UMBUTO 2: NGENCA YAKHO – JJ Ncongwane 2.1 2.1.1 B/Kunemfuyo. (1) 2.1.2 Wakhophotela wabheka phasi nakaphendvula thishelanhloko Mdlalose. (2) 2.1.3 Luvame kungena ebugebengwini/ludla tidzakamiva/luyekela sikolo/ lubaleka emakhaya luyohlala emigwacweni. Labatawutsi bayabeketela batawusekela ngekutsi lukhona lusha lolutsi nobe lungenabatali lufundze luze luphumelele/batsi bakhuliswa bogogo bafundze bacedze sikolo. (Kubili kwaloku.) (2) 2.1.4 Sizatfu sekutsi thishela Mdlalose bekanemtsetfo locinile kubafundzi futsi bekabashaya ngendvuku. (2) 2.1.5 Kuyobuta kutsi kungani Mshumayeli angakayi esikolweni kantsi ungumntfwana lohlakaniphile/abefuna kutjela mkhulu Gendinyoni ngekwehla kwemiphumela yaMshumayeli. (2) 2.1.6 Lombono uliciniso ngobe bekayikhatsalele imphilo yaMshumayeli. Wadlala indzima lebalulekile ekufundzeni kwakhe waze waphotfula etifundvweni takhe, lebekangeke akwente kube lutsandvo bekangenalo/ nanobe mkhulu Gendinyoni sekashonile wachubeka wamnaka Mshumayeli emphilweni. (2) 2.1.7 Sikhatsi sakudzala ngobe bantfu bebangenawo emalungelo ekutsandzana nebantfu baletinye tive, ngiko afihlelwa ngemvelaphi yakhe. (2) 2.1.8 Hulumende uvamise kubasita ngekubanika imali yesondlo setintsandzane kute bakhone kukhulisa labantfwana labangenabo batali abuye abanike nemaphasela ekudla njalo ekupheleni kwenyanga/ubaholela imali yempesheni. (2) 2.1.9 Tifundza kutsi kubeketela kuyaphumelelisa ngobe Mshumayeli wabeketela wafundza angenabo batali wagcina aphila kahle anemndeni wakhe. (Naleminye imibono lenembako yemukelekile.) (2) 2.2 2.2.1 Kwenteka esikolweni saseMajuba lebesiselokishini lelibucadlwana nendzawo lekwakhulela kuyo Mshumayeli. (2) 2.2.2 Simo lesitfokotisako ngobe bafundzi baseMajuba bebajabulile kuhlantwa emahositela, bahlobisa nemakamelo abo ekulala ngetimbali/bakhululeke kuvakashelana. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 6 DBE/Lweti 2024 NSC – Ticondziso tekumaka 2.2.3 NguMshumayeli ngobe nguye lobekafika esikolweni lesisha, nentfombatana yakuleso sikolo yavele yacondza kuye yambingelela ngobe imbona kutsi ungumfundzi lomusha longaketayeleki kulesikolo/bafundzi labasha/labefikako (2) kulesikolo. 2.2.4 Lisiko lekujutjwa kwemisila/kusebenta kwebafundzi batihlantele emakamelo abo emahositela/ kushaywa kwebafundzi/kutsatselwa imali netintfo tabo. (2) (Kubili kwaloku.) 2.2.5 Lendzima igcugcutela lubumbano, kunakekelana kwebafundzi ngobe bafundzi bebaba munye batsengelane netipho. (2) 2.2.6 Akusenteki ngobe bafundzi sebanemalungelo lavikelwe nguMtsetfosisekelo wakuleli, kushaya nekuphatsa kabi umfundzi kutsatfwa njengekuhlukubeta lilungelo lakhe. (2) 2.2.7 Kuvimbela kukhulelwa kwebafundzi bemantfombatana/kuvimbela kugagadlelwa kwemantfombatana/kufundzisa bafundzi kutiphatsa/ kubafundzisa kulandzela imigomo lebekiwe. (Kubili kwaloku.) (2) 2.2.8 Lomkhuba bewuletsa kuhloniphana emkhatsini webafundzi baleso sikolo ubuye uletse kwatana kancono ngobe bafundzi labasha bekubenta bahloniphe bafundzi labadzala/ kulabanye bekuletsa (2) ligcubu nenzondo yekufuna kutiphindzisela kulabasha labatawufika.. 2.2.9 Bantfwana bangaleto tikhatsi bebafundza kubeketelela timo letimatima temphilo nekubeketelela simo lebaphila ngaphasi kwaso nome ngabe simatima, lobekubenta bakhone kutimela nasebacedzile kufundza. (Naleminye imibono lenembako (2) yemukelekile.) [35] SAMBA SESIGABA A: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 7 DBE/Lweti 2024 NSC – Ticondziso tekumaka SIGABA B: UMDLALO UMBUTO 3: LAHLOMA LADVUMA – Z Motsa 3.1 3.1.1 A/Lotsandza imphi. (1) 3.1.2 Bekumele ikhankhase embikwesive bese sive sonkhana sikhetsa lohlabene abe yinkhosi. (2) 3.1.3 Bantfu bebatihlalele phasi/Bayatikhulumela/bekute tihibe. (Kubili kwaloku.) (2) 3.1.4 Iveta simo semoya lesingasikahle lesikhomba kutsi akuvanwa kunembango lotsite. (2) 3.1.5 Imbiba beyifuna kushiya kusesekuhle, isenawo emandla ekuyala inkhosi letawulandzela. (2) 3.1.6 Umholi kufute abe nesibindzi sekushiya emasiko langasebenti acale lokusha lokuyinchubekelembili/abe ngulotiphetse kahle. (2) 3.1.7 Kungobe bekanesiciniseko sekutsi Vusematfwa udzakiwe, ulele angeke aphumelele kufika kulesibhimbi. (Naleminye imibono lenembako yemukelekile.) (2) 3.1.8 Uwakhulunyiswa lwati lwekutsi banatsise Vusematfwa tjwala khona atodzakwa ehluleke kuvela esibhimbini kepha nangu sewubonakala uyangena, lakwenta imitamo yakhe yekutsatsa bukhosi ingaphumeleli. (2) 3.1.9 Umbhali ufuna kusikhomba kutsi noma ungafisa njani kutsatsa bukhosi ngenkhani njengaNdvukutemphi ungeke uphumelele nangabe lesikhundla singasiso sakho. (Naleminye imibono lenembako yemukelekile.) (2) 3.2 3.2.1 Ludvweshu lwangaphandle ngobe boNdvukutemphi naQedizizwe bakhuluma ngekutsatsa bukhosi ngekulwa. (2) 3.2.2 Usho kutsi akakhulume kuvakale kahle. (2) 3.2.3 Utfukutseliswa kutsi Qedizizwe utfumbe umnakabo lokuyintfo lengacasula uyise kabi. (2) 3.2.4 Kukhombisa kutsi Madzandza akasiyo intfombatana lefuna kudlalwa futsi uyamati Ndvukutemphi kutsi ungumuntfu lonjani. Kungako abalalela ngobe uyati kutsi kukhona langakutfola etinkhulumeni tabo langakusebentisa nasabukene naNdvukutemphi. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 8 DBE/Lweti 2024 NSC – Ticondziso tekumaka 3.2.5 Akukamfaneli ngobe ungumuntfu loneludlame, lotsatsela tintfo etulu futsi longabahloniphi labanye bantfu nemalungelo abo. Ngako-ke, bekungeke kube khona kuthula nangabe ayinkhosi./Uphindze abe sikhohlakali ngetindlela letinyenti. (2) (Naleminye imibono lenembako yemukelekile.) 3.2.6 Kungobe ufuna kutfola kutsi solo Ndvukutemphi usamile kulendzaba yakhe yekuphika umntfwanakhe. (2) 3.2.7 Madzandza uyayilwela indzaba yakhe akahlehli akafuni kutfolakala akhulisa umntfwana ayedvwa abe uyise aphila kahle, loko kumenta ehluke emantfombataneni alamuhla ladlalwa bafana abashiye nebantfwana babakhulise babodvwa. (2) 3.2.8 Angeke ngimetsembe njengemngani ngobe wafuna kutsandzana naMadzandza/wabulala Ndvukutemphi abe atsi ungumngani wakhe/bekangamhloniphi Madzandza njengentfombi yemngani wakhe. (Kubili kwaloku.) (2) 3.2.9 Kutsi ungabometsemba umngani ngetimfihlo temndeni wakho ngobe angagcina akubulele njengobe. Loku sikubona kusento sakhe sekungabi nenhlonipho kuMadzandza aphindze angacabangeli nemphilo yaNdvukutemphi. (Naleminye imibono lenembako yemukelekile.) (2) SAMBA SESIGABA B: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 9 DBE/Lweti 2024 NSC – Ticondziso tekumaka SIGABA C: TINDZABA LETIMFISHA UMBUTO 4: TELUTSANDVO ATIPHELI – JJ Ncongwane 4.1 'NABO-KE BUNTFU' – JJ Ncongwane 4.1.1 C/Kukhuluma kakhulu (1) 4.1.2 'Sengivele nginombela lapha kuwe Hlubi lomuhle …' (2) 4.1.3 Kuhamba ngesivinini lesikhulu kwaDlamini/ngumhlambi wetinkhomo lebewugcwele umgwaco/kubamba emabhiliki kantsi imoto ijika likhona futsi iyagijima. (Kubili kwaloku.) (2) 4.1.4 Sikhatsi sanyalo ngobe Dlamini uhamba ngemoto lekuyiveni yeluhlobo lweColt/bantfu sebanemabhizinisi. (2) 4.1.5 Sigameko sinye/balingisi babili kuphela/yenteka ngesikhashana lesincane. (Kubili kwaloku.) (2) 4.1.6 Kungoba uvela ekucaleni anenkinga yekugibelisa Mangondo Nkhosi emotweni yakhe, inkinga yakhe iyakhula ngekutsi atfole ingoti Mangondo ashone kuyo. (Naleminye imibono lenembako yemukelekile.) (2) 4.1.7 Kube nemtselela lomubi ngobe umnakaboMangondo wamcindzetela kutsi abukane nato tonkhe tindleko temngcwabo waMangondo angakalindzeli. (2) 4.1.8 Simveta angumuntfu lokhohlakele, lonebucili ngobe wahlukumeta Dlamini ngekutsi ahlale ambhadalisa imali nekufuna kutsi ondle umndeni wakaNkhosi./longamcabangeli lomunye umuntfu ngobe sento sakhe siveta kungamcabangeli Dlamini. (2) (Naleminye imibono lenembako yemukelekile.) 4.1.9 Usikhetse kahle ngobe sihloko sitsi, 'Nabo-ke Buntfu', ingcikitsi yalendzaba buntfu ngobe Dlamini utfolakala afundzisa bakaNkhosi kubaluleka kwekuba nebuntfu nekutsi nangabe nibantfu nakhelene kufanele nibambisane, nisitane, ungagiyi ngeliphutsa lalomunye umuntfu. (Naleminye imibono lenembako yemukelekile.) (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 10 DBE/Lweti 2024 NSC – Ticondziso tekumaka 4.2 'IMBALI YAMI' – JJ Ncongwane 4.2.1 Simo sekujabula neselutsandvo ngobe boSweetness naSipho babonakala bajabulile ngekuhlangana kwabo. (2) 4.2.2 Batsandzana basafundza sikolo/bakhona kulindzana iminyaka lelishumi baze bacedza kufundza/bakhuluma ngekulobolana basandza kuvumelana. (Kubili kwaloku.) (2) 4.2.3 Yenteka esikhatsini sanyalo lapho titsandzani setikhiphana tiye kuyokudla ema-restaurant njengobe sibona Sipho naSweetness bayokhulumela khona. (2) 4.2.4 Akaketsembeki ngobe watsandzana namakhelwane wakhe, wamkhulelisa wafihla iminyaka leminyenti kutsi Sweetness yindvodzakati yakhe. (2) 4.2.5 BoSipho naSweetness bakhuluma bahleti erestaurant lese-Mall edolobheni laseMbombela. (2) 4.2.6 Ingcikitsi yekutiphatsa ngobe Sipho naSweetness bakhombisa kutiphatsa kahle kulokutsandzana kwabo./Lutsandvo (Naleminye imibono lenembako yemukelekile.) (2) 4.2.7 Kuyokwenta luhlolo lwelufuto lwengati (DNA) lebelutawucinisekisa kutsi yena naSweetness abatalwa ngubabe munye. (2) 4.2.8 Indlela lebebatiphetse ngayo boSipho naSweetness yehlukile kuyelusha lwanamuhla ngobe lona alukhoni kutigcina. Lusha lwanamuhla lutibandzakanya netindzaba telutsandvo luseluncane luphindze lutfole bantfwana lusafundza sikolo. Sipho naSweetness bakhonile kugcina busha babo baze bacedza sikolo./Abakajakeli tindzaba temacasi babancane. (2) (Naleminye imibono lenembako yemukelekile.) 4.2.9 Lesiphetfo salendzaba sibhaleke kahle ngobe siphetse ngaloko lebesingakakulindzeli, lokusenta sibe yingwijikhwebu. Besingakalindzeli kutsi Sweetness atfolakale angumntfwana weyise waSipho nalokutsi kwayena Sipho kunetinsolo tekutsi kungenteka (2) akasuye umntfwana waloyise lamatiko./ sikushiya nembuto lotsi ingabe kuliciniso kanganani loku lokuvetwa batali baSipho. SAMBA SESIGABA C: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 11 DBE/Lweti 2024 NSC – Ticondziso tekumaka SIGABA D: TINKONDLO UMBUTO 5: EMATFUNDVULUKA – BB Malangwane 5.1 MVULA YANGA-1986 – JJ Ncongwane 5.1.1 Inkondlo lelandzisako/inkondlo leyi-ephiki ngobe sonkondlo ulandzisa ngemvula lenkhulu leyana ngemnyaka we-1986. (2) 5.1.2 D/Sifaniso. (1) 5.1.3 Luchumanosicalo ngobe lamagama lasekucaleni kwalemigca yomibili ayafanana/neluchumano loluvundlile ngobe kulemigca kunemagama lafanako (... isho ...) kodvwa avundlile. (2) 5.1.4 Imphindza ngobe lamagama anemisindvo lefananako futsi ayalandzelana kulomugca. (2) 5.1.5 Kutsi utsini, ulichamukisaphi. (2) 5.1.6 Lemigca ayikahleleki ngobe emagama awalingani, acala kulamabili aye kulamane. (2) 5.1.7 Ingcikitsi yemvelo ngobe sonkondlo ukhuluma ngekuna kwemvula lokusehlakalo semvelo. (2) 5.1.8 Lemvula yakhukhula yonkhe intfo yangashiyi lutfo, yanyomula nemabhuloho yawatfwala yayowalahlela ekudzeni. (2) 5.1.9 Sonkondlo uphumelele ngobe sihloko sitsi, Mvula yanga-1986 kantsi nasonkondlo ukhuluma ngemvula lenkhulu leyana ngalowo mnyaka. (Naleminye imibono lenembako yemukelekile.) (2) 5.2 TIFISO TAMI – JJ Ncongwane 5.2.1 Sifanangwaca ngobe onkhe lamagama lakulomugca acala ngangwaca b-. (2) 5.2.2 Lengangihlanganisa nenkhosi yami. (2) 5.2.3 Iveta sitfombe sekutsi sonkondlo ufuna kulala kamnandzi aphumule endzaweni leNgcwele. (2) 5.2.4 Imvumelwanosicalo leyecako ngobe letinhlavu leticindzetelwe tiyafana noma lamagama angafanani. (2) 5.2.5 Nase lilanga selishona. (2) 5.2.6 Secamagama. Kweciwe ligama lelitsi tinkhomo. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 12 DBE/Lweti 2024 NSC – Ticondziso tekumaka 5.2.7 Ngulenchazelo letsi umcondvo wemugca we-35 awukapheleli kulomugca uze upheleliswe emgceni we-36. (2) 5.2.8 Kungobe akafuni kutsi nasashonile umndeni netihlobo bente lebakutsandzako ngemngcwabo nangemfuyo yakhe. (Naleminye imibono lenembako yemukelekile.) (2) 5.2.9 Sifundvo sekutsi kubalulekile kuhlela tintfo takho usaphila, ulayetele ngako konkhe lofuna kwenteke nangabe sewungasekho kulomhlaba. (Naleminye imibono lenembako yemukelekile.) (2) SAMBA SESIGABA D: 35 SAMBA SAKO KONKHE: 70 Emalungelo agodliwe