Siswati FAL P2 May June 2024

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) INKHWEKHWETI/INHLABA 2024 EMAMAKI: 70 SIKHATSI: Ema-awa la-2½ Leliphepha linemakhasi la-22. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 2 DBE/Inkhwekhweti/Inhlaba 2024 SC/NSC Confidential TICONDZISO KULABAHLOLWAKO Fundza lelikhasi ngembikwekutsi ucale kuphendvula imibuto. 1. UNGALIFUNDZI lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. 2. Leliphepha lemibuto licuketse TIGABA LETINE. SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 3. Phendvula IMIBUTO LEMIBILI kuphela kunobe ngutiphi tigaba LETIMBILI ngalendlela: SIGABA A: INOVELI (35 emamaki) Phendvula MUNYE umbuto wenoveli loyifundzile. SIGABA B: UMDLALO (35 emamaki) Phendvula MUNYE umbuto wemdlalo lowufundzile. SIGABA C: TINDZABA LETIMFISHA (35 emamaki) Phendvula YOMIBILI imibuto lebutwe ngetindzaba letimfisha. SIGABA D: TINKONDLO (35 emamaki) Phendvula TOTIMBILI tinkondlo lekubutwe ngato. Sebentisa luhlu lwekutikhumbuta kute usitakale. 4. Landzela ticondziso letisekucaleni kwaleso naleso sigaba. 5. Tinombolo tetimphendvulo atihambisane naleto temibuto njengobe tinjalo ephepheni lemibuto. 6. Cala LESO naleso sigaba ekhasini LELISHA. 7. Siphakamiso sekulawulwa kwesikhatsi: Sebentisa emaminithi lange-75 kuleso naleso sigaba. 8. Bhala ngesandla lesibonakalako nalesifundzekako. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 3 DBE/Inkhwekhweti/Inhlaba 2024 SC/NSC Confidential LOKUCUKETFWE Lelikhasi litakusita ekukhetseni imibuto lofuna kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula MUNYE umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 2. Ngenca Yakho 35 8 SIGABA B: UMDLALO Phendvula MUNYE umbuto wemdlalo lowufundzile. 3. Lahloma Ladvuma 35 11 SIGABA C: TINDZABA LETIMFISHA Phendvula imibuto LEMIBILI ngetindzaba letimfisha. 4.1 'Liphutsa Lakho' 18 15 4.2 'Luphawu' 17 17 SIGABA D: TINKONDLO Phendvula imibuto LEMIBILI ngetinkondlo. 5.1 'Ekujuleni Kwengcondvo' 17 19 5.2 'Lamanti' 18 21 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 4 DBE/Inkhwekhweti/Inhlaba 2024 SC/NSC Confidential LUHLA LWEKUTIKHUMBUTA Lelikhasi litakusita ekukhetseni imibuto lofuna kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO () A: Inoveli 1–2 1 (Imibuto lemifisha) B: Umdlalo 3 1 (Imibuto lemifisha) C: Tindzaba letimfisha 4.1 + 4.2 2 (Imibuto lemifisha) D: Tinkondlo 5.1 + 5.2 2 (Imibuto lemifisha) CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 5 DBE/Inkhwekhweti/Inhlaba 2024 SC/NSC Confidential SIGABA A: INOVELI Phendvula MUNYE umbuto wenoveli loyifundzile. UMBUTO 1: KWASHA TIKHOTSA – LL Dlamini 1.1 Fundza letheksthi bese uphendvula imibuto lelandzelako. ITHEKSTHI A Talukati betitsi natihlangene ticoca ngetato tebudzala lingasali ligama laMswati. Emachegu abetsi nakahlangene angalishiyi ligama laMswati. Bafana nemantfombatana bebakhuluma ngaMswati. Kulelo nakulelo likhaya bekukhulunywa ngaMswati. Tatsi betifike Tinyatsi eLudzidzini kwagcinwa onkhe emasiko esive lafanele, 5 tase tiyakhululwa. INgwenyama yatitjela kutsi kumele tihlale tilindzile ngobe kukhona lapho afuna tiyewuhlasela khona. Kwavunyelwana kutsi tiyawulala etikwemahawu netikhali. Ngelusuku lolutsite kwabonakala Mswati akhuluma nenina Tsandzile atsi, 'Phefumula ngive umbono wakho ngako konkhe lesengikwentile make.' 10 'Chubeka ndvodzana. Umsebenti wakho muhle uyababateka. Uyihlo wabusa ngekuthula ngobe sikhatsi besivumela kona kuthula. Kuwe kucitseka ingati, ngobe sikhatsi sivumela kona kucitseka kwengati. Kube awumange utsatse lesi sinyatselo ngabe sesafa saphela,' kusho unina. 'Wahlaselwa sive sinye sakuncoba, tiye tikuhlasele tonkhe ngobe tibona kutsi kuyehlela kuwe. 15 Wonkhe lofuna kuva kutsi ngabe imphi yakhe inemandla uyitfumela kuwe,' kusho Mswati. 'Liciniso lelimsulwa lelo ndvodzana. Lolokwentele sive kuhle kakhulu. Lomuhla silala butfongo ngenca yakho. Locabanga kuhlasela Emaswati ucabanga kanyenti kutsi uyawumgiba njani Giba? Uyawutinyatsela njani Tinyatsi? Uyawugadla njani eMigadleleni? Uyawuyibanjelwa ngubani 20 iNdlavela?' Kuchuba unina. 'Uma imitamo yami yesekelwa nguwe make loko kuyangijabulisa. Uma sengiphambuka kutawuba kuhle kutsi ngikhutwe. Inkhosi yinkhosi ngeteluleko,' kwenanela Mswati. [Likhasi 44–45] 1.1.1 Caphuna umugca losendzimeni yekucala lokhomba kutsi Mswati bekuhlala kukhulunywa ngaye. (1) 1.1.2 Lenkhulumo letsi, 'kwavunyelwana kutsi tiyawulala etikwemahawu netikhali,' isitjelani ngemabutfo aMswati? Khetsa YINYE imphendvulo. A Sekalungele kungalaleli. B Sekalungele kuyodlala. C Sekalungele kuyogidza. D Sekalungele kuyolwa. (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 6 DBE/Inkhwekhweti/Inhlaba 2024 SC/NSC Confidential 1.1.3 Bhala KUBILI lebekwenta Mswati atsatse sincumo sekuhlasela kube uyise wabusa ngekuthula. (2) 1.1.4 Nguyiphi inkhulumo yenina waMswati lesendzimeni ye-3 lekhomba kutsi uyayesekela indvodzana yakhe? (2) 1.1.5 Sento seTinyatsi sekufika tigcine onkhe emasiko sikhombani? (2) 1.1.6 Sizatfu sini lesingenta bafundzi balendzaba bachubeke nekuyifundza nawubuka letheksthi? (2) 1.1.7 Kuliciniso nobe kuliphutsa yini kutsi Mswati bekanebudlelwano lobuhle nenina? Sekela imphendvulo yakho. (2) 1.1.8 Chaza kutsi yini leyo leyenta Mswati ehluke kubaholi bamanje? (2) 1.1.9 Umbhali umvete ngayiphi indlela Tsandzile kutsi uyayetsemba indvodzana yakhe? Sekela imphendvulo yakho. (2) 1.1.10 Ngabe uyavelana yini nebanakaboMswati ngaloko lokwabavelela esiphetfweni salendzaba? Sekela imphendvulo yakho. (2) NA 1.2 Fundza letheksthi bese uphendvula imibuto lelandzelako. ITHEKSTHI B 'Ngubani lonemanga emkhatsini waSicobolonjwane naKhambi? Ngabe bomnaketfu balwa nami impela? Ngabe ngubani longasita acatulule lena ndzaba yemndeni? Loyo mcatululi utawuphumelela yini emitameni yekucatulula?' Yonkhe leyo mibuto beyibutwa nguMswati, abe angenayo imphendvulo lefanele. Umcondvo wakhe wawubhekisa kuboKhambi 5 naSicobolonjwane. 'Khambi yinceku yami lengiyetsembako angeke angibambe ngeludzaka emehlweni. Lidze libanga lesesilihambile naKhambi ngako-ke ngiyametsemba. Loku lakubikile ngebanaketfu kuliciniso,' atsi kuthula kancane Mswati etjisa imicabango yakhe ngaKhambi. Wachubeka wacabanga ngaSicobolonjwane: 'Sicobolonjwane yinhloli yami 10 lengiyitsandzako leseyente umsebenti wayo sikhatsi lesidze ngemphumelelo. Ukhulume emavi lamnandzi kakhulu ngabomnaketfu. Ngikholwe yena nome ngikholwe Khambi?' INgwenyama yesive yasala imangele ingati kutsi kumele ikholwe bani emkhatsini waKhambi naSicobolonjwane. Yatsatsa sincumo sekutsi ikhiphe 15 Sandlane, ndvunankhulu wesive aye kubomnakabo ayewubacela kutsi bete eLudzidzini futsi batewukhuluma temndeni. Wabitwa Sandlane watfunywa kaMahamba. Kwabakhona letinye tindvuna letihamba naye Sandlane. Umhlangano lowo bewuyonganyelwa boyise lababesadla lanhlavana boMalunge naPhangadze. Sidzingo sekuhlangana besesikhona futsi 20 ingasekho indlela yekusibalekela. Bekuvakala emahemuhemu ekutsi bantfwana batsi abafuni kubuswa nguMswati, ngako-ke sebahlangene netitsa ngenhloso yekucumba phasi umbuso. Bantfu labanyenti bahlalela eluvalweni, kepha baniketwa siciniseko sekutsi bantfwana angeke babe nemandla etikweNgwenyama. 25 [Likhasi 55–56] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 7 DBE/Inkhwekhweti/Inhlaba 2024 SC/NSC Confidential 1.2.1 Ngulesinjani simo semoya lesitfolakala ekucaleni kwaletheksthi? Khetsa YINYE imphendvulo. A Sekwetsembana B Sekungevani C Sekuhlalisana D Sekweluleka (1) 1.2.2 Caphuna umugca lokuletheksthi lokhomba kutsi Mswati bekametsemba kuKhambi. (1) 1.2.3 Lemicabango yaMswati lapho atibuta abuye atiphendvule khona ngetindvuna takhe iveta luphi luhlobo lweludvweshu? Sekela imphendvulo yakho. (2) 1.2.4 Sicobolonjwane akasuye umuntfu longametsemba. Chaza. (2) 1.2.5 Letheksthi iveta simo lesingasisihle esiveni seMaswati? Kubangelwa yini loko? (2) 1.2.6 Ingwenyama ivetwe njengemuntfu lonjani endzimeni ye-2? Usho ngani? (2) 1.2.7 Kube bekunguwe Ingwenyama bewungenta njani ngekutfola timphendvulo letehlukile letivela kubanakabo? (2) 1.2.8 Tifundvo tini LETIMBILI letitfolakala kulenoveli? (2) 1.2.9 Sihloko salenoveli sihlangana njani naloko lokwenteka kulendzaba? Sekela imphendvulo yakho. (3) [35] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 8 DBE/Inkhwekhweti/Inhlaba 2024 SC/NSC Confidential UMBUTO 2: NGENCA YAKHO – JJ Ncongwane 2.1 Fundza letheksthi bese uphendvula imibuto lelandzelako. ITHEKSTHI C 'Uyati wena Mshumayeli unetiga ekhatsi,' kusho Khanyisile afa luhleko. 'Kulungile ngihleke ngobe uyacala kubona lingce lihlutfuke intsamo.' 'Cha kudzela lowatiko kutsi utawuvuma yini thishelanhloko kutsi ubhalele esiletini shengatsi ungumntfwana lofundza Sub-A.' 'Kungavumi nekuvuma kwakhe akungihluphi kakhulu mine. Intfo 5 lengihluphako kutsi itawubese iyabhabateka lendzaba yekutsi mine ngishise tindlu tamkhulu. Uyabona mine bengingafuni nakancane kutsi thishelanhloko ayive lendzaba.' 'Uyadlala-ke nangabe ucabanga kutsi ngeke ivakale lendzaba. Thishelanhloko vele utayati nakanjani. Mkhulu wakho ngeke ahlale 10 angamtjeli,' kuphendvula Khanyisile. Kutsite kusenjalo yakhala insimbi lesho kutsi sikolo sesiyangena. Basuka ngematubane bantfwana kwalala tjani sebajakele emgceni lapho bathandazela khona. Bewungacala yini uhambe uhudvule tinyawo insimbi seyikhalile? Ngabe ufuna kubonani wena? 15 Thishelanhloko Mdlalose bekakugcizelela kubaluleka kwensimbi. Bekatsi insimbi nayikhala kufute kube nemehluko. Wonkhe umfundzi kufute kutsi anyakate, agijime. Nakukhala nje insimbi agijime nje kuphela. Vele-ke bebakwenta loko bantfwana baseMvongotsini. Bese kusengatini kubo. Ngalelinye lilanga, yakhala insimbi lesho kutsi 20 bantfwana ababuyele emaklasini emva kwelikhefu, lokunye kwebafana kwesuka ngematubane kwaphuma emabaleni esikolo. Kwagijima lokwebafana kwayoshona emakhaya. Ngakusasa nakakubuta thishelanhloko kutsi kubalekeleni ngayitolo, kwebafana kwamphendvula kwatsi, kwasho yena thishelanhloko kutsi nayikhala insimbi wonkhe 25 umntfwana kufute kutsi agijime. Agijime nje, agijime. Wamamatseka kancane Mdlalose wanyomula imvubu yakhe wabagaca. [Likhasi 41] 2.1.1 Lokugijima kwebantfwana nakukhala insimbi kukhombani? Khetsa YINYE imphendvulo. A Kwesaba B Kwedzelela C Kujabula D Kudlala (1) 2.1.2 Thishelanhloko Mdlalose uyakutsandza kusebenta ngebantfwana. Bhala KUNYE lokufakazela lombono. (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 9 DBE/Inkhwekhweti/Inhlaba 2024 SC/NSC Confidential 2.1.3 Tinkhulumo taMshumayeli naKhanyisile kuletheksthi lengenhla tisitjelani? Bhala KUBILI. (2) 2.1.4 Bhala TIMBILI tindlela letisetjentiswe ngumbhali kuletheksthi kuveta bunjalo baMshumayeli. (2) 2.1.5 Ngusiphi sikhatsi bebakhuluma ngaso boMshumayeli naKhanyisile ngekweluhlelo lwesikolo? Sekela imphendvulo yakho. (2) 2.1.6 Ngusiphi sigameko lesivetwe yitheksthi lesikhomba kutsi tento tebantfwana bakudzala tiyefana naleto tamanje? (2) 2.1.7 Ucabanga kutsi kungani Mshumayeli angafuni kutsi thishelanhloko Mdlalose ayitfole indzaba yekushisa kwakhe tindlu? (2) 2.1.8 Chaza kutsi yini lebeyentiwa sikolo saboMshumayeli lesentiwa etikolweni talomuhla. (2) 2.1.9 Ungabecwayisa utsini bothishelanhloko balesikhatsi salomuhla nawulandzela timiso temtsetfosisekelo? Bhala KUTSATFU. (3) NA 2.2 Fundza letheksthi bese uphendvula imibuto lelandzelako. ITHEKSTHI D Ekhaya kaMaluleka make sewumangele kutsi Mshumayeli uyephi ngobe naku sekuhlwile solo akabonakali. Bekacala Mshumayeli kutsi nakashayisile aphute kufika ekhaya. Ngiko lokunye lokwabangela kutsi make Maluleka angaphatseki kahle ngekungabonakali kwaMshumayeli. Ingani phela lamuhla kufike gogo Finishi lapha kaMaluleka. Sifika nje salukati siletse tindzaba 5 letibuhlungu. Ekhaya kaMotsa kwefika emaphoyisa bangakateleli. Afika emaphoyisa akhandza Mabhunu abhema insangu. Amshaya waze waveta nekutsi unensimu yayo insangu layilimile. Salukati lesingugogo Finishi site lapha nje ngobe sitewubikela Mshumayeli kutsi malume wakhe setimshele. Sikhulume 10 nathishelanhloko Mdlalose kutsi asitsatse ngemoto yakhe asiletse lapha kuMshumayeli. Solo bafike emini lapha kaMaluleka. 'Uyati kube kusemini gogo ngabe ngitsi asambe siyomhlola emsebentini,' kusho thishelanhloko Mdlalose. 'Nanyalo mhlawumbe singahamba mntfwanami,' kusho gogo Finishi. 15 'Hhayi bekunene ningaze nitihluphe, utawufika khona nyalo Mshumayeli,' kusho make Maluleka. Nemambala-ke balindze bogogo nathishelanhloko Mdlalose. Mshumayeli uyangena do. Sihambe sikhatsi. Ishaye insimbi yelishumi ebusuku, Mshumayeli solo do kufika. Bacale manje baphaphuleke bonkhe. Namake 20 Maluleka aphelelwe litsemba. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 10 DBE/Inkhwekhweti/Inhlaba 2024 SC/NSC Confidential 'Mhlawumbe njengaloku asatawuhamba, ubone kutsi kuncono asebente ngalokwecile khona atowubhala imali letse kutsi caca,' kusho make Maluleka. 'Cha angiboni make Maluleka. Angitsi utsi bekasebenta emini kuleliviki?' kubuta thishelanhloko Mdlalose. 25 'Yebo.' [Likhasi 165] 2.2.1 Indzima ye-1 kuletheksthi iveta siphi simo semoya? Khetsa YINYE imphendvulo. A Sekujabula B Sekutetsemba C Sekukhatsateka D Sekuhalalisa (1) 2.2.2 Bhala inkinga levetwe kuletheksthi. (1) 2.2.3 Kuya kwagogo Finishi enyangeni ayobuta ngekunyamalala kwaMshumayeli kuveta yiphi inkholelo? (2) 2.2.4 Ngukuphi kuletheksthi lokungakwenta ufune kufundza lendzaba uyofika nayo esiphetfweni? (2) 2.2.5 Bhala kutsi usibona sinjani simo sekuhlalisana kuletheksthi lengenhla. Usho ngani? (2) 2.2.6 Letheksthi lengenhla imveta anjani make Maluleka ngekwesimilo? Sekela imphendvulo yakho. (2) 2.2.7 Chaza imbangela leyenta Mabhunu alwe naMshumayeli kulenoveli. (2) 2.2.8 Catsanisa tento tathishela Mdlalose nabobabe lesiphila nabo kuletikhatsi tanamuhla. (2) 2.2.9 Lendzawo lekuhlalwa kuyo ibe namtselela muni ekunyamalaleni kwamMshumayeli? (2) 2.2.10 Inhlalo yaMshumayeli kamake Maluleka itifundzisani tetsamelilwati talendzaba? Sekela imphendvulo yakho. (2) SAMBA SESIGABA A: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 11 DBE/Inkhwekhweti/Inhlaba 2024 SC/NSC Confidential SIGABA B: UMDLALO UMBUTO 3: LAHLOMA LADVUMA – Z Motsa 3.1 Fundza letheksthi bese uphendvula imibuto lelandzelako. ITHEKSTHI E TSEMBATIVE: Khetsiwe, mntfwanaketfu, kungatsi ngi … kungatsi ngicala nje kukubona kabusha kutona letinsukwana. Inhlitiyo yami ishaya ngoma yinye itsi nangu losole ngimfuna. Khetsiwe, yami imphilo ngiyayidzela ngendzaba yanal' utsandvo. Loku lengikuvako nami kungifakela lichwa ngoba akufuni 5 sakugigwa yimitsetfo, timiso nemasiko, kuphela kungiholela edvute nawe ntfombiyebaTfwa! (Asondzele ete emva kwakhe ambambe amsonge ngemikhono) Wena vele awungitsandzi Khetsiwe? KHETSIWE: (Agucukele ngakuye kodvwa angaphumi emikhonweni 10 yakhe) Jijimeza, utakutsi ngiyahlanya Vusematfwa. Nami angati kutsi kwentekani lakimi. Ngavele ngabanjwa sitfozi mtimba wonkhe ngelilanga lesibhimbi lapho ungena enkhundleni. Ngitikhute ngatincinta ngaphindze ngatibuta kanyenti kutsi 15 utigeze ngani loku sati kahle kamhlophe sobabili kutsi inhlitiyo yami imephi ngawe. Angati kutsi ngitsini Mbiba! TSEMBATIVE: Ngiphendvule kukunye nje. KHETSIWE: Kukuphi? TSEMBATIVE: Uyangitsandza yini? 20 KHETSIWE: Ngitama kusho njalo. (Aphose emehlo esiyilweni) TSEMBATIVE: Ungesabi, aliphume nje kahle. KHETSIWE: (Asolo abuke phasi kepha livi liphume kahle lingachachateli) Yebo! Ngiyakutsandza! 25 TSEMBATIVE: (Kube ngatsi ungenwe lichwa) Hawu! Khetsiwe! Mntfwanaketfu! (Avele awe phasi ngadvolo linye lelinye lisale ligobene) Mhlonishwa, Ndlovukati! Ungiboneni nje mine ngingasi lutfo? KHETSIWE: (Amsukumisa) Kahle bo Mngane! Awusilutfo ngani manje 30 nyalo? Sewenta shangatsi ngimi iNkhosi wena ungaphasi kwami! TSEMBATIVE: (Sekatenywaya enhloko lokungapheli) Ewu! Kugajwa lutsandvo nenjabulo Khetsiwe. (Kuke kutsi kubindza sikhashana Tsemba solo ehla enyuka abuka luphahla 35 aphindze abuke siyilo atenywaye inhloko aphefumulela etulu.) KHETSIWE: (Angasati kutsi utawentani) E—e Silo, bengicela kengitsi kuphuma … TSEMBATIVE: Sh—sh–! Ase ume kancane! 40 [Likhasi 30] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 12 DBE/Inkhwekhweti/Inhlaba 2024 SC/NSC Confidential 3.1.1 Tinkhulumo taKhetsiwe timveta ayintfombatana lenjani kuletheksthi lengenhla? Khetsa YINYE imphendvulo. A Ledzelelako B Lenatsako C Lehloniphako D Legulako (1) 3.1.2 Loku lokwenteka kuletheksthi kwenteka ngasiphi sikhatsi semphilo? Sekela imphendvulo yakho. (2) 3.1.3 Khokha umugca lokuletheksthi lengenhla lokhomba kutsi Khetsiwe wamtsandza acala kumbona kuTsembative. (2) 3.1.4 Kungani Khetsiwe akhuluma lamavi latsi, 'utakutsi ngiyahlanya Vusematfwa'? Sekela imphendvulo yakho. (2) 3.1.5 Ngabe sizatfu saloko lebekuyelwe nguTsembative esiveni seBatfwa safezeke yini? Sekela imphendvulo yakho. (2) 3.1.6 Kuliciniso nobe liphutsa yini kutsi Khetsiwe bekavele atewushada nendvodzana yenkhosi? Sekela imphendvulo yakho. (2) 3.1.7 Kufika kwaTsembative esiveni seBatfwa kwatigucula njani tintfo kulomdlalo? (2) 3.1.8 Ngabe kukhona yini kuhambisana kweligama laKhetsiwe naloko lokwenteka kulomdlalo? Sekela imphendvulo yakho. (2) 3.1.9 Ngutiphi tecwayiso longatiniketa bantfu labadzala nawubuka umphumela waloku lokwenteka kuletheksthi lengenhla? Bhala TIMBILI. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 13 DBE/Inkhwekhweti/Inhlaba 2024 SC/NSC Confidential 3.2 Fundza letheksthi bese uphendvula imibuto lelandzelako. ITHEKSTHI F NDVUKUTEMPHI: Hhamo! NguMliba yini? Zulu! Udleleni esitjeni sami? QEDIZIWE: Ngithole sikhothwa yizinja lapha kusithumbanja ngathi ncono ngizithathele ngizi … MADZANDZA: Utfunywe nguwe yini lona Ndvukutemphi kutsi angetfuke kanjena? 5 NDVUKUTEMPHI: Udlala ngami. Ngimthuma ngimkhandzaphi? YeZulu, wentiwa yini ungahloniphi umgwembe lodlela bukhosi? Ufunani elawini lami ngalesikhatsi bonkhe bantfu balele? QEDIZIZWE: Izindlela zami sezijutshwa nguwena manje? NDVUKUTEMPHI: Uyati uyadzelela nang' umuntfu? Wonkhe umuntfu lapha 10 kuwe sitsinti nje? Umfunani loMadzandza wati kahle kutsi liphovela lami? QEDIZIZWE: Iphovela? Kwamanini lokhu uthena kimi awusamthandi? Thina sazi ukuthi nxa intombi isiyaliwe ingashelwa noma ubani. 15 NDVUKUTEMPHI: Ngiko kweshela kwakho lokubhudluketa lilawu lami ebusuku kanje? QEDIZIZWE: Kangizufundiswa nguwe msa wamakhosi ukuthi intombi ishelwa kanjani! MADZANDZA: Yehheni! Uyadzelela nang' umuntfu nx! 20 NDVUKUTEMPHI: Yejaha lakaZulu, Madzandza akasiyo intfombi akasi litjitji, liphovela laNdvukutemphi, solo awuva? QEDIZIZWE: Mina ngibambe elentulo! Siyeke majikeduze nathi sizikholise lapho ushiye khona ungasavunanga! MADZANDZA: (Agijimela kuye ngentfukutselo) Yewena Zulu! 25 Angisisivandze mine uyeva? (Ambambe tandla Qeda, Ehluleke kushaya Madzandza bese ugalela ngelitinyo) NDVUKUTEMPHI: Zulu, yekela intfombi yami awuva yini? QEDIZIZWE: Uma ngingayiyeki uzokwenzani? (Solo umbambile) Ungathi wehlulwa nayizidakwa oVusamatfwa 30 nabaqhamuki abathethe umbuso ubhekile bese ucabanga ukuthi ungalwa nami! Uyazethemba nsizwa ngimfung' uNozinja kababa! (Atsi nyomu sikhali emtsangweni Ndvukutemphi acale amvikise. Qeda ayekele Madzandza masinyane abukane 35 naNdvukutemphi kodvwa angakahlomi ngalutfo yena. Ngaleso sikhatsi agijime Madzandza ayowunamatsela elutsandzane.) [Likhasi 46–47] 3.2.1 Sinjani simo semoya lesikuletheksthi lengenhla? Khetsa YINYE imphendvulo. A Selutsandvo B Sekuhloniphana C Sekusebentisana D Sekungavisisani (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 14 DBE/Inkhwekhweti/Inhlaba 2024 SC/NSC Confidential 3.2.2 Yini lebangwa boQedizizwe naNdvukutemphi kuletheksthi lengenhla? (2) 3.2.3 Bhala KUBILI lokungenta letheksthi lengenhla idlaleke enkhundleni. (2) 3.2.4 Chaza lenkhulumo yaQedizizwe letsi, 'Mina ngibambe elentulo!' kutsi beyisivetelani nawulalele konkhe lokukhulunywa kuletheksthi. (2) 3.2.5 Umbhali walomdlalo umvete ngatiphi tindlela Qedizizwe kutsi uyedzelela? Sekela imphendvulo yakho. (2) 3.2.6 Ucabanga kutsi kubangelwa yini kutsi Qedizizwe alwe naNdvukutemphi ngendzaba yaMadzandza? (2) 3.2.7 Utsini umbono wakho ngesento saQedizizwe sekuvele acondze kuNdvukutemphi angenaso sikhali sekutivikela? Chaza. (2) 3.2.8 Umbhali walomdlalo bekatifundzisani tetsamelilwati ngekutsi kubulawe Ndvukutemphi kulomdlalo? Chaza. (2) 3.2.9 Emantfombatana lanesimilo lesifana nesaMadzandza kuba yini umphumela wawo? Sekela imphendvulo yakho. (3) SAMBA SESIGABA B: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 15 DBE/Inkhwekhweti/Inhlaba 2024 SC/NSC Confidential SIGABA C: TINDZABA LETIMFISHA Kulesehluko, imibuto imayelana naletindzaba letimfisha letilandzelako:  'LIPHUTSA LAKHO' – JJ Ncongwane  'LUPHAWU' – JJ Ncongwane UMBUTO 4: TELUTSANDVO ATIPHELI – JJ Ncongwane Fundza lamatheksthi lacashunwe etindzabeni letimfisha LETIMBILI bese uphendvula imibuto lebutiwe kuleyo naleyo. Linani lemamaki laniketiwe kulowo nalowo mbuto liyinkhomba yebudze lobulindzelekile bemphendvulo yakho. CAPHELA: Phendvula imibuto lebutwe ngalamatheksthi LAMABILI, UMBUTO 4.1 NEMBUTO 4.2. 4.1 'LIPHUTSA LAKHO' – JJ Ncongwane Fundza letheksthi bese uphendvula imibuto lelandzelako. ITHEKSTHI G Betisolomane tifike njalo tincingo timbitile LaMwelase. Njalo nangabe LaMwelase abambe lucingo, ingcoco yakhe beyiba ngeSingisi futsi itsatse sikhatsi lesidze. Kantsi futsi bekahleka ahlekile elucingweni adzimate acetfuke. Ngalesinye sikhatsi adzimate asukume esihlalweni abambe elukhalweni ngalesinye sandla shangatsi vele lomuntfu lakhuluma naye 5 sewuyambona. Lokubuhlungu nalokudzabukisako kutsi Zulu bekangeva lutfo aphungela. Bekutsi njalo LaMwelase nakatfole lucingo emuva kwaloko utambona asageza angena engutjeni yakhe avalelisa emyenini wakhe Zulu amtjele kutsi dokotela Du Toit uyambita esibhedlela. 10 Kwatsi ngalobunye busuku LaMwelase asemsebentini, Zulu asele ekhaya nendvodzakati yabo lencane leliphahla, yahlatjwa kugula kwaba ngulesimnyama. Kwadzingeka kutsi Zulu acashe imoto ayiphutfumise esibhedlela kona loko ebusuku. Nembala-ke wayifuna wayitfola imoto yamtsatsa. 15 'Nkhosatana angati nome ngingambona yini umhlengikati Jeaneth Zulu. Umtjele kutsi umyeni wakhe Mandlenkhosi Zulu ucela kumbona ngekushesha,' kusho Mandlenkhosi kulomunye umhlengikati longunkhosatana Getrude Mkhonta. 'Hawu! Babe kantsi ungumyeni waJeaneth?' 20 'Yebo nkhosatana nginguye, ngabe kuyakumangalisa loko?' kubuta yena Zulu abukisisa lomhlengikati. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 16 DBE/Inkhwekhweti/Inhlaba 2024 SC/NSC Confidential 'Cha, akungimangalisi kodvwa kuyangitfokotisa kukwati. Ngabe nalomntfwana lomletse lapha esibhedlela ngulowakhe loliphahla?' kubuta yena Getrude njalo. 25 'Yebo nguye kanye,' kuvuma Zulu. 'Kulungile-ke babe ngisayobuta kumethiloni kutsi ngabe ukhona yini Jeaneth emsebentini lomuhla ngobe ngimgcine emini,' kusho Getrude ahamba. Wabuya asahamba namethiloni Baloyi, ingcumangcuma yamake lelapha etulu kantsi nangemtimba utselile. 30 [Likhasi 83–84] 4.1.1 Nawufundza letheksthi ngubani umlingisi logcamile? (1) 4.1.2 Sigameko sini lesenta Mandlenkhosi atfole kutsi umkakhe akekho emsebentini? Khetsa YINYE imphendvulo. A Sekugula kwemntfwana. B Sekuhamba kwaJeaneth. C Sekungeva kwaZulu. D Sekubamba kwetincingo. (1) 4.1.3 Nguyiphi inkinga bekabukene nayo Mandlenkhosi Zulu kuletheksthi lengenhla? (2) 4.1.4 Kungani kutsiwe letheksthi lengehla iwulandzele umgomo welinani lebalingisi bendzatjana? (2) 4.1.5 Bhala KUBILI lebekwentiwa nguLaMwelase lebekukhomba kutsi akayihloniphi indvodza yakhe. (2) 4.1.6 Letheksthi iveta yiphi ingcikitsi? Sekela imphendvulo yakho. (2) 4.1.7 Lendzatjana yenteka ngasiphi sikhatsi semphilo? Sekela imphendvulo yakho. (2) 4.1.8 Ungameluleka utsini umuntfu lokulesimo lesifana nesaMandlenkhosi sekungetsembeki kwemkakhe? Bhala KUBILI. (2) 4.1.9 Lendzatjana inamlayeto muni kubafundzi bayo? Sekela imphendvulo yakho. (2) 4.1.10 Tetsamelilwati tifundzani ngekufa kwaJeaneth naMandlenkhosi esiphetfweni salendzatjana? (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 17 DBE/Inkhwekhweti/Inhlaba 2024 SC/NSC Confidential 4.2 'LUPHAWU' – JJ Ncongwane Fundza letheksthi bese uphendvula imibuto lelandzelako. ITHEKSTHI H 'Lucolo mfowethu kantsi lemoto yakho seyiyithekisi yini nayo?' Kubuta lomunye umshayeli wethekisi kuZakes Mashabane lohamba ngeveni yakhe yeluhlobo lweDatsun Nissan lemhlophe lenelithende. 'Cha, usho ngani mnaketfu?' Kubuta Zakes eva efikelwa kucansuka kancane ngobe lomshayeli walethekisi wefika wayimisa lapha embikwaleyakhe. Zakes 5 phela bekatsi uyema ugibelisa lamanye emadvodza solo emile lapha emgwacweni. Phela kusikhatsi lesidze lamadvodza solo emile lapha emgwacweni angagibeli emathekisi lapha erenkini yemathekisi. 'Ngisho phela ngobe sewulayisha bantfu betfu ngalemoto yakho manje utsi tsine sisebenta kuphi?' Kubuta lomshayeli wethekisi solo ithekisi yakhe 10 ayimise lapha embi kwemoto yaZakes, amvimbe ngayo. Lomshayeli ukhuluma nje uvele kancane efasiteleni lekhumbi yakhe yeluhlobo lwe-VW lebovu ngembala. 'Cha mnaketfu labantfu vele sikhulumile kutsi ngitawubatfola emgwacweni. Nangaphandle nje kwaloko, kantsi lekhumbi yakho ilayisha bantfu nome 15 ngabe kukuphi emgwacweni, hhayi lapha erenkini yemathekisi?' 'Njengaloku ithekisi ima noma ngabe kukuphi yehlise umuntfu, loko kusho kutsi iyamlayisha futsi nome ngabe kukuphi. Kantsi mfowethu nangabe ufisa kulayisha bantfu, wayitsengelani leveni?' Uyati nine bantfu bakitsi angati kutsi nabanjani umtsetfo wenu. Mfowetfu kuncono wehlise labantfu ngobe vele 20 ngeke ngize ngikuvumele kutsi ubagibelise. Phela ngitsi lesinemvume yekulayisha umuntfu. Sinetithifikethi tetfu letisho loko. Ngako-ke ngicela kutsi ungasibangisi mnaketfu kusemsebentini wetfu lapha. Tsine ngeke uze usibone sitsatse emakhumbi etfu siyobangisana nawe kulayisha ummbila ngaleveni yakho le 25 emasimini'. [Likhasi 138] 4.2.1 Bhala KUNYE lokwenta bagibeli bangakutsandzi kuya emarenkini njengobe sibona lamadvodza emile lapha emgwacweni. (1) 4.2.2 Labalingisi labakhuluma kuletheksthi bakhuluma nje bakuphi nendzawo? Khetsa YINYE imphendvulo. A Erenkini. B Ethekisini. C Evenini. D Emgwacweni. (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 18 DBE/Inkhwekhweti/Inhlaba 2024 SC/NSC Confidential 4.2.3 Lenkhulumo yaZakes letsi, 'Ngisho phela ngobe sewulayisha bantfu betfu ngalemoto yakho' imveta kutsi ungumuntfu lonjani? (1) 4.2.4 Loku lokwenteka kuletheksthi kuveta luphi luhlobo lweludvweshu? Sekela imphendvulo yakho. (2) 4.2.5 Ngekubona kwakho ngubani loneliphutsa kulaba lababili? Usho ngani? (2) 4.2.6 Ngusiphi sizatfu lesimcoka lesenta lomshayeli welithekisi alwe nekulayishwa kwebantfu emigwacweni? (2) 4.2.7 Kuliciniso nobe kuliphutsa yini kutsi loku lokwenteka kulendzatjana kusenteka ngaletikhatsi talomuhla? Sekela imphendvulo yakho. (2) 4.2.8 Ucabanga kutsi loko lokwenteka kulendzatjana kuyakholweka yini? Sekela imphendvulo yakho. (2) 4.2.9 Chaza kutsi sento saZakes singaba namuphi umphumela lomubi emmangweni? (2) 4.2.10 Ngabe sihloko salendzatjana siyifanele yini? Usho ngani? (2) SAMBA SESIGABA C: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 19 DBE/Inkhwekhweti/Inhlaba 2024 SC/NSC Confidential SIGABA D: TINKONDLO Kulesigaba, imibuto ibutwe ngaletinkondlo letilandzelako:  'EKUJULENI KWENGCONDVO' – JJ Ncongwane  'LAMANTI' – SL Sigudla CAPHELA: Phendvula imibuto ngato TOTIMBILI letinkondlo, UMBUTO 5.1 NEMBUTO 5.2. UMBUTO 5: EMATFUNDVULUKA – BB Malangwane 5.1 Fundza lenkondlo bese uphendvula imibuto lelandzelako. EKUJULENI KWENGCONDVO – JJ Ncongwane 1 Ngawahlab' etukwaLomalanga emehlo, 2 Ngabese ngiyajula ngengcondvo, 3 Ngahlephula lokubabako ngalahla, 4 Nganetisela ngekujula ngengcondvo, 5 Ngasho ngatibika ngenhlitiyo. 6 Ngatibuta ngatiphendvula ngaye, 7 Ngobe ngifise kument' ingubo yami 8 Leneboya lobungagobi nobe busemantini, 9 Lehlala ngekukhathimula njalo, 10 Lengenta ngijule ngengcondvo. 11 Ngatinika sikhatsi ngawe Lomalanga, 12 Ngakubukisisa lilanga, lonkhe ngijula, 13 Ngisho nekusho kuts' ulilanga liphuma, 14 Ngakhetselwa bokhokho ngiselizini, 15 Ngingakati nekutsi ngiyini. 16 Ekujuleni kwengcondvo yami, 17 Konkhe loko kutawuphela, 18 Kutakush' eboyeni njengetitfukutfuku tenja. 19 Kulapho sekafikile Nkunzikayidedi, 20 Lotekugwiny' imphilo yami. [Likhasi 41] 5.1.1 Sonkondlo bekacondzeni ngalomugca longentasi? 'Ngahlephula lokubabako ngalahla' Khetsa YINYE imphendvulo. A Wasusa langakutsandzi. B Watsatsa lakufunako. C Walahla lokumchazako. D Wabamba lokunongotelako. (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 20 DBE/Inkhwekhweti/Inhlaba 2024 SC/NSC Confidential 5.1.2 Hlobo luni lweluchumano lolusemgceni we-4 nawe-5? Lubhale phasi bese uyaludvwebela. (2) 5.1.3 Bunkondlo buni lobukulemigca lengentasi? Sekela imphendvulo yakho. 'Ngobe ngifise kument' ingubo yami Leneboya lobungagobi nobe busemantini' (2) 5.1.4 Kulenkondlo lengenhla khokha umugca lonesidvonsamoya uwubhale phasi. (2) 5.1.5 Yini inhloso yasonkondlo ngekusebentisa sakhi 'nga …' kulamagama lasemgceni we-6? (2) 5.1.6 Sonkondlo ubhale lenkondlo akusiphi simo semoya? Sekela imphendvulo yakho. (2) 5.1.7 Chaza kutsi sitfombesini lesakheka engcondvweni ngemugca we-13 walenkondlo. (2) 5.1.8 Ucabanga kutsi sonkondlo abechazani ngaleligama lelitsi, 'Nkunzikayededi'? Usho ngani? (2) 5.1.9 Ngabe sihloko salenkondlo sibumbene yini naloko lokushiwo enkondlweni? Sekela imphendvulo yakho. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 21 DBE/Inkhwekhweti/Inhlaba 2024 SC/NSC Confidential 5.2 Fundza lenkondlo bese uphendvula imibuto lelandzelako. LAMANTI – SL Sigudla 1 Madzala lamanti mnaketfu, 2 Imvelaphi yatiwa bomkhulu, 3 Umlandvo waw' ujulile, 4 Watiwa bayitolo nebakutsanti- 5 Wo hhe, mine ntalo yathayela, 6 Lwami lwati luphelele elukhalweni. 7 Madzala lamanti mnaketfu, 8 Acubuk' ekhatsi kulelimadvwaladvwala, 9 Agobhot' akhe tiyaluyalu, 10 Agelet' akhe imifulafula- 11 Wo hhe, mine ntalo yathayela. 12 Lwami lwati lufiphele. 13 Madzala lamanti mnaketfu, 14 Anatfwa abandza mpo, 15 Avutsise kwemlilo ngekhatsi, 16 Kuvuk' umdlonga wakanhlaka, 17 Longat' aphendvuke sati, 18 Siyabhuyabhu siphendvuke sihlakaniphi. 19 Madzala lamanti mnaketfu, 20 Bawanatsa bakhulume ngetilimi, 21 Bawanatse babe bameli, 22 Bawanatse babe bodokotela, 23 Bawanatse babe bahlengi, 24 Bawanatse babe bothishela. 25 Madzala lamanti mnaketfu, 26 Ingcondv' ayayidvunga, 27 Nembez' ayawucedza, 28 Imitsamb' ayayibulala, 29 Emehl' ayawangcundza, 30 Likusas' ayalifiphata. 31 Madzala lamanti mnaketfu, 32 Somhlolo wawashiy' anatfwa, 33 Mahlokohla wakhotsam' anatfwa, 34 Naw' uyawulal' anatfwa, 35 Imitfombo yalawa manti, 36 Iyawusha ngato tekugcina. [Likhasi 66–67] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 22 DBE/Inkhwekhweti/Inhlaba 2024 SC/NSC Confidential 5.2.1 Hloboluni lwenkondlo lolu? Khetsa YINYE imphendvulo. A Inkondlosililo B Ilirikhi C Inkondlomlandvo D Isonethi (1) 5.2.2 Bhala luhlobo lwemvumelwano lesemgceni we-10 nawe-11 bese uyayidvwebela. (2) 5.2.3 Khokha imigca LEMIBILI leyimphindvwa endzimeni ye-1 naye-2 uyibhale phasi. (2) 5.2.4 Bhala tinhlobo LETIMBILI teluchumano lolusendzimeni ye-4. (2) 5.2.5 Bunkondlobuni lobucindzetelwe emgceni we-18? Sekela imphendvulo yakho (2) 5.2.6 Nguwaphi lamanti sonkondlo lekakhuluma ngawo kulenkondlo lengenhla? Sekela imphendvulo yakho. (2) 5.2.7 Sinongosini senkhulumo lesisendzimeni ye-3 emgceni we-15? Sibhale phasi. (2) 5.2.8 Ucabanga kutsi bekuyini injongo yasonkondlo yekusibhalela lenkondlo lengenhla? (2) 5.2.9 Lamanti anawuphi umphumela lomubi ebantfwini labangafuni kuyekela kuwanatsa? Bhala KUTSATFU. (3) SAMBA SESIGABA D: 35 SAMBA SAKO KONKHE: 70 Emalungelo agodliwe