siSwati FAL Grade 12 Paper 2 NSC June 2015 Question Paper

Downloaded from hlayiso.com SENIOR CERTIFICATE EXAMINATION SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) 2015 EMAMAKI: 70 SIKHATSI: Ema-awa 2 Leliphepha linemakhasi la-18. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/2015 SCE TICONDZISO 1. Fundza lelikhasi ngembikwekutsi ucale kuphendvula imibuto. 2. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 3. Leliphepha lemibuto licuketse TIGABA LETINE: SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 4. Phendvula imibuto LEMIBILI kuphela. MUNYE umbuto kusinye setigaba letimbili. SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lekubutwe ngato. 5. Sebentisa luhlu lwekutikhumbuta kute usitakale. 6. Landzela ticondziso letisekucaleni kwaleso NALESO sigaba. 7. Tinombolo tetimphendvulo atihambisane naleto temibuto njengobe tinjalo ephepheni lemibuto. 8. Cala LESO NALESO sigaba ekhasini LELISHA. 9. Siphakamiso sekulawulwa kwesikhatsi singaba ngemaminithi la-60 kuleso naleso sigaba. 10. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/2015 SCE LUHLA LWEKUTIKHUMBUTA Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 SIGABA B: UMDLALO Phendvula umbuto wemdlalo lowufundzile. 2. Lahloma Ladvuma 35 8 SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. 3. Litsambo 3.1 Titifiketi 18 11 3.2 Timbuti 17 13 SIGABA D: TINKONDLO Phendvula TOTIMBILI tinkondlo lokubutwe ngato. 4. Letfwese 15 4.1 Intfutfwane 17 4.2 Umtapo 18 17 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/2015 SCE LUHLA LWEKUTIKHUMBUTA Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO A: INOVELI (Imibuto lemifisha) 1 1 NOBE B: UMDLALO (Imibuto lemifisha) 1 1 NOBE C: TINDZABA LETIMFISHA (Imibuto lemifisha) 2 2 NOBE D: TINKONDLO (Imibuto lemifisha) 2 2 CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/2015 SCE SIGABA A: INOVELI UMBUTO 1: KWASHA TIKHOTSA – LL Dlamini Fundza letheksthi bese uphendvula imibuto letawulandzela. 'Emavi akho angishayisa luvalo. Mnaketfu ubona sengatsi kukhona lesifihlelene kona, kantsi akukho. Mani sibindzi!' Kusho Somcuba. 'Yini lewuyisolako kimi Somcuba?' Kubuta Mswati. 'Akukho lengikusolako kuwe mnaketfu,' kuphendvula Somcuba. 'Yini leniyisolako kimi Somcuba?' 'Akukho lesikusolako kuwe mnaketfu.' 'Angisuye umntfwana lokhasela etiko. Ngiyayibona ingoti lengilengela kuyo. Ngwavuma ufuna live lami ngaselwandle. Ematfonga akatibeki phasi, alwa nami. Besuthu bafunga bayalobela batsi abesuki Esilobela. Bakhe tindlu tabo tematje kusukela eMambane kulaMlambo kuze kufinyelelwe eMachibini laneMihlanga. Bagcoki bafuna lelo live lelingaseNshonalanga. BakaMabhula bakanekise eMgwenyane naseMgwenya. Live laSomhlolo bafuna kulihlephula ngala nangala, babelane ngalo. Lokunye-ke kutsi nine nifuna bukhosi bami,' kusho Mswati akhatsatekile. 'Kuhlangana kwetfu nabomnaketfu boFokotsi naNdlela sisuke sikhuluma ngesimo selive lesimatima. Siyatibona titsa tivumbukise kwemakhowa. Tisihacile mnaketfu. Lolwa nawe mnaketfu, kusho kutsi ulwa natsi sonkhe. Kuhlala phasi sigoce tandla, sitawuba sitigwaza ngetetfu. Mswati lomnyama kulabalutfuli. Mgobo waMphondvo Awungen' esigujini. Ungen' emagabelwen' aTinyatsi.' 'Babe ukhotseme ngisemncane. Loko kwente live lababe balifake emehlo. Ngifunga Somhlolo! Badlala ngemlilo esikhotseni! Batatibona tinyatsi letitimphondvomphodvo! Ngikhetselwe nganhlanye nje, ngobe ngitalwa nguTsandzile nine nitalwa nguLetsalucolo?' [Likhasi 3-4] 1.1 Ngubani umlingisi logcamile kuletheksthi lengenhla? Khetsa YINYE imphendvulo. A Sicobolonjwane. B Mswati. C Sandlane. D Khambi. (1) 1.2 Shano kutsi lokwenteka kulenoveli kwenteka ngasiphi sikhatsi. Khetsa YINYE imphendvulo. A Sikhatsi sanyalo. B Sikhatsi senala. C Sikhatsi sakudzala. D Sikhatsi semphucuko. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/2015 SCE 1.3 Ngubani umlingisi lobekahamba embili ekubambeni imihlangano yasebusuku? Khetsa YINYE imphendvulo. A Sicobolonjwane. B Somcuba. C Sandlane. D Khambi. (1) 1.4 Bekuyini umsebenti wenceku yaMswati endzabeni? (1) 1.5 Ngabe liphupho laSidvwala lafezeka yini esiphetfweni salenoveli. (1) 1.6 Ngaphandle kwenkinga yekungevani nebanakabo, nguyiphi lenye inkinga lebekabukene nayo Mswati? Bhekisa imphendvulo yakho etheksthini lengenhla. (1) 1.7 Condzanisa emagama lakuKHOLOMU A netimphendvulo letikuKHOLOMU B. IKHOLOMU A IKHOLOMU B 1.7.1 Sicobolonjwane A Ugcwele kwesaba 1.7.2 Tsandzile B Yinyanga yesive 1.7.3 Ndlela C Wesekela Somcuba 1.7.4 Fokotsi D Indlovukati 1.7.5 Khubalo E Inhloli (5) 1.8 Bhala emaphuzu LAMATSATFU lakhombisa kutsi Mswati bekabatsandza banakabo. (3) 1.9 Bhala KUBILI lokutfolakala etimphendvulweni taSomcuba lokumveta kutsi ungumuntfu lonesimilo lesinjani. (2) 1.10 Shano kutsi kunjani kuhambelana/budlelwano baMswati nebanakabo kulenoveli. (2) 1.11 Baphelelaphi boFokotsi naNdlela? Bhala emaphuzu LAMABILI. (2) 1.12 Bhala KUNYE lokwenteka enovelini lokufana nalokwenteka kutepolitiki esikhatsini lesiphila kuso naKUNYE lokwehlukile kulesikhatsi lesiphila kuso lomuhla. (2) 1.13 Yini lebanga Somcuba atsi, 'Akukho lengikusolako kuwe mnaketfu'? Bhala KUBILI. (2) 1.14 Shano umsebenti lowentiwa yinyanga yaMswati. Bhala emaphuzu LAMABILI. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/2015 SCE 1.15 Yini lebeyilindzelwe nguMswati etiveni lakhelene nato emva kwekuba atsatse bukhosi? Bhala KUBILI. (2) 1.16 Ngabe lesihloko lesitsi, Kwasha Tikhotsa, siyahambisana yini nalokwenteka kulenoveli? Usho ngani? (2) 1.17 Etinhlotjeni temanoveli, ngabe lena, Kwasha Tikhotsa, iluhlobo luni? Sekela imphendvulo yakho. (2) 1.18 Ngabe ummango ufundzani emphilweni yaMswati? Sekela ngemaphuzu LAMATSATFU. (3) [35] SAMBA SESIGABA A: 35 NOBE Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/2015 SCE SIGABA B: UMDLALO UMBUTO 2: LAHLOMA LADVUMA– Z Motsa Fundza letheksthi bese uphendvula imibuto letawulandzela. TSEMBATIVE: Khetsiwe, mntfwanaketfu, kungatsi ngi ... ngi ... cala ngikubona kabusha kutona letinsukwana. Inhlitiyo yami ishaya ingoma yinye itsi, 'Nangu losolo ngimfuna!' Khetsiwe, yami inhlitiyo ngiyinikela etandleni takho, ngiyayidzela ngendzaba yanalu lutsandvo. Loku lengikuvako nami kungifakela lichwa ngobe kakufuni sakugigwa imitsetfo, timiso, nemasiko. Kuvele kungidvonse ngemandla esishingishane kungiholele madvute nawe ntfombi yeBatfwa. (Asondzele, eme emva kwakhe ambambe amsonge ngemikhono amnamatselise esifubeni sakhe.) Wena vele awungitsandzi, Khetsiwe? KHETSIWE: (Agucukele ngakuye kodvwa angaphumi emikhonweni yakhe.) Jijimeza! Utakutsi ngiyahlanya Vusematfwa. Nami angati kutsi kwentekani lapha kimi. Ngivele ngabanjwa sitfozi umtimba wonkhe ngelilanga lesiBhimbi lapho ungena enkhundleni liso lakho lihlangane nelami. Ngitikhute ngatincinta ngaphindze ngatibuta kanyenti kutsi utigeze ngani loku sati kahle kamhlophe kutsi inhlitiyo yami imephi ngawe. Angati ngitsini, Mbiba! Angati! TSEMBATIVE: Ngiphendvule kukunye nje. KHETSIWE: Kukuphi? TSEMBATIVE: Uyangitsandza yini? KHETSIWE: Ngetama kusho njalo. (Aphose emehlo phasi esiyilweni.) TSEMBATIVE: Ungesabi. Aliphume nje kahle. KHETSIWE: (Asolo abuke phasi kepha livi liphume kahle lingachachateli.) Yebo! Ngiyakutsandza! [Likhasi 37–38] 2.1 Itsini ingcikitsi yalomdlalo? Khetsa YINYE imphendvulo. A Umbango. B Imfundvo. C Tepolitiki. D Bugebengu. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/2015 SCE 2.2 Kusho kutsini kutsi, 'Inhlitiyo yami ishaya ingoma yinye,' nawufundzisisa letheksthi lengenhla? Khetsa YINYE imphendvulo. A Ikhuluma intfo yinye. B Icula ingoma lefanako. C Ishaya liculo linye. D Ishaya ngemandla lamakhulu. (1) 2.3 Ngusiphi sento lesakhombisa kutsi vele Ndvukutemphi angeke abutfole bukhosi? Khetsa YINYE imphendvulo. A Khetsiwe akabufuni bukhosi. B Madzandza watfolakala akhulelwe. C Ndvukutemphi wabulala ludziwo. D IMbiba igulela kufa. (1) 2.4 Bhala indzawo lapho senteka khona lesicashunwa semdlalo lesingenhla. Khetsa imphendvulo yakho. A Kuselawini laNdvukutemphi. B Kusekhaya leMbiba. C Kusenkhundleni yesibhimbi. D Kusentsangeni yaKhetsiwe. (1) 2.5 Condzanisa emagama lakuKHOLOMU A netimphendvulo letikuKHOLOMU B. IKHOLOMU A IKHOLOMU B 2.5.1 IMbiba A Yintfombi yaNdvukutemphi. 2.5.2 Tfolwane B Yindvuna yenkhosi. 2.5.3 Madzandza C Yinkhosi yeBatfwa. (3) 2.6 Lomdlalo wenteka ngasiphi sikhatsi sesimonhlalo? (1) 2.7 IMbiba ngiyo ledale lombango webukhosi. Vuma nobe uphikise ngekwesekela. (2) 2.8 Ngabe Tsembative limfanela ngayiphi indlela ligama lakhe? Sekela imphendvulo yakho. (2) 2.9 Bhala bubi loBUBILI lobentiwa nguNdvukutemphi abe angumuntfu wasesigodlweni. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/2015 SCE 2.10 Bhala tintfo LETIMBILI letingenta lomdlalo wonkhe ungadlaleki esiteji. (2) 2.11 Lomdlalo uyimbangalusizi. Sekela imphendvulo yakho. (2) 2.12 Bhala KUBILI lokubangwa boVusematfwa naNdvukutemphi. (2) 2.13 Wena ucabanga kutsi umbhali bekacondze kusitjelani ngaTsembative naKhetsiwe kulesicashunwa lesingenhla? Bhala KUBILI. (2) 2.14 Bhala SINYE sigameko lesikholwekako naSINYE lesingakholweki kulomdlalo wonkhe. (2) 2.15 Bhala KUBILI lokufakazela kutsi Qedizizwe unenhlitiyo lembi. (2) 2.16 Umdlalo lobhaleke kahle ngulowo loveta lokungakalindzeleki esiphetfweni. Bhala KUBILI lokungakalindzeleki kulomdlalo. (2) 2.17 Umbhali uphumelele yini ekwetseni Ndvukutemphi ligama lakhe? Sekela imphendvulo yakho. (2) 2.18 Yini labekhala ngayo Ndvukutemphi kuQedizizwe ngalelilanga lekukhetfwa kweNkhosi letawutsatsa bukhosi? (2) 2.19 Njengemfundzi weLulwimi Lwekucala Lwekwengeta, ngabe lulwimi lolusetjetiswe kulomdlalo lubafanele yini labafundzi? Sekela imphendvulo yakho. (3) [35] SAMBA SESIGABA B: 35 NOBE Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/2015 SCE SIGABA C: TINDZABA LETIMFISHA UMBUTO 3: LITSAMBO – EJ Mhlanga Phendvula YOMIBILI imibuto lebutwe ngetindzaba letimfisha. 3.1 TITIFIKETI – JJ Thwala Fundza letheksthi lengentasi bese uphendvula imibuto letawulandzela. 'Konje ungubani wena? Ngihlale ngikubona nje ufake thayi wendlula lapho embikwesikolo setfu.' 'NginguMusa Madonsela lophase mathiliki eLitjelembube High ngemnyaka lophelile. Lonyaka ngifundzisa kulesa sikolo lesincane lesilapha eDvundvwini,' kusho Musa atichaza. 'Hawu, uma embikwebafundzi ngamathiliki? Unguthishela nje wena? Wabufundzela kuliphi likholishi?' 'Bengitsi ngisichazile simo sami sonkhe kuwe. Ngichazile kutsi ngafundza ngagcina kuliphi libanga futsi kusiphi sikolo,' 'Abekho yini bothishela labanetitifiketi njengatsi labangafundzisa kulesikolo lofundzisa kuso?' 'Yebo, abekho. Ngite lapha nje kuwe, ngobe ngitewufuna lwati. Ngisite mnaketfu ngelwati lwemfundvo lephakeme.' 'Beyingekho yini iLife Orientation, esikolweni senu?' Kubuta Ndzabatakhe. Wamshiya lapho Ndzabatakhe umsa waMadonsela agcolotele. Bewungatsi lizini libuke unina kutsi aliphe kudla. Wabhema ligwayi lakhe i-JPS, watibukela le shengatsi usesigangeni yedvwana. 'Lapha ngifundzisa Singisi neTemlandvo; manje-ke ulindzele ngikuchazeleni kuletifundvo letimbili?' 'Cha, angifuni kuchazelwa ngetifundvo lotifundzisako, ngifuna lwati ngemfundvo lephakeme nje kuphela. 'Uyabona- ke Musa. Wo, kenje utse unguMusa?' Yebo, nginguMusa.' 'Singisi lulwimi lolujule kakhulu. Tikhatsi tinyenti kakhulu eSingisini. Inkhulumombiko, tinongo tenkhulumo, akusilula kutsi ukwati uma ungati Singisi.' [Likhasi 104–108] 3.1.1 Ndzabatakhe uluhlobo luni lwemlingisi kuletheksthi lengenhla? Khetsa YINYE imphendvulo. A Usicaba. B Ungumkhweteli. C Uyindilinga. D Ungulogcamile. (1) 3.1.2 Ngabe singeniso salendzatjana siyaheha yini? Khetsa YINYE imphendvulo. A Siyaheha ngobe inkinga ivetwe ekucaleni. B Siyaheha ngobe inkinga ivetwe emkhatsini. C Siyaheha ngobe inkinga ivetwe ekugcineni. D Siyaheha ngobe inkinga ivetwe esiphetfweni. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 12 DBE/2015 SCE 3.1.3 Condzanisa emagama lakuKHOLOMU A netimphendvulo letikuKHOLOMU B. IKHOLOMU A IKHOLOMU B (i) Nsimini High A Wati ngetitifiketi taNdzabatakhe. (iii) Sifiso B Bekufundzisa Ndzabatakhe. (iii) Mphini C Bekafuna lwati ngemfundvo (iv) Musa lephakeme. D Bekafundzisa eLesotho (4) 3.1.4 Yini lembi leyentiwa nguNdzabatakhe ngetitifiketi? Bhala kube KUBILI. (2) 3.1.5 Musa ukhombisa similo lesihle ebantfwini labadzala. Sekela ngekubhekisa kulendzatjana. (2) 3.1.6 Chaza kutsi loku lokukhulunywa ngako kulendzaba kuhambisana njani nengcikitsi yalendzaba. (2) 3.1.7 Bhala SINYE simiso sendzaba lemfisha, bese uyasho kutsi lendzaba, Titifiketi, iyasenetisa yini nobe cha. (2) 3.1.8 Kuliphutsa nobe kuliciniso yini kutsi Siswati akumele usifundze esikolweni ngobe ukhule ngaso? Sekela imphendvulo yakho. (2) 3.1.9 Ngabe siphetfo salendzatjana siyakholweka yini? Sekela ngemaphuzu LAMABILI. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 13 DBE/2015 SCE 3.2 TIMBUTI – JJ Thwala Fundza letheksthi lengentasi bese uphendvula imibuto letawulandzela. Bakhuluma nje boNhloko naNdlebe nguLwesine. Bayacala kuhlolwa kusasa. Konkhe loku bebakufundza kusukela ekucaleni kwemnyaka, sebayohlolwa ngako kutsi bakufundzisisile yini. Bafundzi labebafundza sibili njengaboNhloko bajabulile. Bafundzi labebadlala njengaboNdlebe bayachachatela ngobe abati kutsi bayobhalani. Labanye-ke bafundzi abanaki lutfo ngobe kubo konkhe kuyefana. Buhle nebubi yintfo yinye. Bakhuluma nje beme eceleni kwemgwaco bacondze emakhaya kubo. Kungevani kwabo kudalwa kuhlolwa lokutewucala kusasa. Nguloyo naloyo uveta simo sakhe mayelana nekuhlolwa. Indzaba lesematseni ngiyo leyo. 'Shengatsi ngabe sesibhalile sacedza,' kusho Nhloko. 'Wajaha kucedza nje yini kangaka?' Kubuta Ndlebe. 'Sengidziniwe kufundzana nelibanga linye. Konkhe kwalo sengiyakwati ngako-ke ngifuna kuchubekela embili. Kulomnyaka lotako ngiyewufundzela buthishela eYunivesithi yaseJozi. 'Nami ngemnyaka lotako ngiyakhona kuleyo Yunivesithi. Kuya labanjani kantsi?' 'Kuya labaphase matekuletjeni. Kuya labatimisele.' 'Ngitamphasa matekuletjeni. Ngitimisele kakhulu kuya kuleyo Yunivesithi. Wena Nhloko ucabanga kutsi nguwe wedvwa lotawuphasa. Ngihlakaniphe kakhulu ngekutsi ngitawuphasa ncono kunawe.' 'Utimisele ngemlomo nangetifiso kuya eYunivesithi ngobe sicelo awukasenti futsi sekuze kwavalwa. Khohlwa ngekuya eYunivesithi ngoba awati kutsi uyobhalani kusukela kusasa.' 'Wena ungitsatsela phasi. Awungati, kodvwa-ke ngifuna ucale kulomnyaka kungati. Ngifuna kwenta timangaliso ngekutsi ngiphumelele kahle kuze weswabe.' [Likhasi 109–110] 3.2.1 Yini inkinga lebukene nemlingisi lomkhulu (Bangiswako kulendzaba)? (1) 3.2.2 Hlobo luni lweludvweshu loluvela etheksthini lengenhla? Khetsa YINYE imphendvulo. A Ludvweshu lolufihlekile. B Ludvweshu lwangekhatsi. C Ludvweshu lwemvelo. D Ludvweshu lwangaphandle. (1) 3.2.3 Linani lebalingisi endzabeni lemfisha kumele kube ... Khetsa YINYE imphendvulo. A Balingisi labangengci kulabasihlanu. B Balingisi labangengci kulabatsatfu. C Balingisi labangengci kulababili. D Balingisi labangengci kulabane. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 14 DBE/2015 SCE 3.2.4 Usita ngani Ndlebe kutsi lendzaba ichubekele embili? (2) 3.2.5 Bhala emaphuzu LAMABILI ngesimonhlalo sendzawo lapho yenteka khona lendzatjana lengenhla. (2) 3.2.6 Bhala emaphuzu LAMABILI ngekuphetseka kahle NOBE kabi kwalendzatjana. (2) 3.2.7 Bhala KUBILI lokufana nalokwentiwa nguNdlebe naloku lokwentiwa lusha lwalomuhla etikolweni. (2) 3.2.8 Bhala kube KUBILI lokwenta Nhloko angatsandzeki kuNdlebe, kantsi bebavana kangaka basebancane. (2) 3.2.9 Bhala timiso LETIMBILI, ngesihloko sendzaba lemfisha, ubhekise kulendzaba lengenhla. (2) 3.2.10 Lusha lolusafundza etikolweni lutfola siphi sifundvo ngelibandla laNdlebe? Bhala emaphuzu LAMABILI. (2) [35] SAMBA SESIGABA C: 35 NOBE Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 15 DBE/2015 SCE SIGABA D: TINKONDLO UMBUTO 4: LETFWESE – PT Jele, JJ Thwala Phendvula TOTIMBILI tinkondlo lekubutwe ngato. 4.1 Fundza lenkondlo lelandzelako bese uphendvula imibuto letawulandzela. INTFUTFWANE – MJ Thwala 1 Yati tilimela temnyaka 2 Njegentfutfwane letatiko, 3 Leyati kutsi kunebusika nelihlobo, 4 Nekutsi kunekwindla nentfwasahlobo. 5 Yati kutsi sikhatsi siyahamba, 6 Lokuhle kulandzele lokubi 7 Nalokubi kulandzele lokuhle, 8 Konkhe kuhamba njengesikhatsi. 9 Ngente ngibe njengentfutfwane 10 Leyati sikhatsi ingenawashi, 11 Leyati teliv' ingenabalave, 12 Leyat' imphil' ingafundziswanga. 13 Ngente ngibe njengentfutfwane, 14 Ngisebente sikhatsi sisekhona, 15 Ngicabange sikhatsi lesitako 16 Lesimatim' emphilweni yami. 17 Ngente ngibe njengentfutfwane, 18 Ngisebente kamatima ngikhohlwe 19 Telive letihlasimul' umtimba, 20 Tingente ngiphefumule kamatima. 21 Ngente ngiphile njengentfutfwane, 22 Lenelikhaya lekuphephela nasekubhoke 23 Emakhata nemimoya yebusika, 24 Netimvula letin' ehlobo. [Likhasi 96 ] 4.1.1 Itsini ingcikitsi yalenkondlo? Khetsa YINYE imphendvulo. A Kubeketela. B Kuvilapha. C Kuhlonipha. D Kukhutsala. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 16 DBE/2015 SCE 4.1.2 Shano kutsi lenkondlo iluhlobo luni? Khetsa YINYE imphendvulo. A Isonethi. B Inkondlosililo. C Inkondlomlandvo. D Ilirikhi. (1) 4.1.3 Shano luhlobo lwebunkondlo lobudalwa ngulamagama ladvwetjelwe kulemigca lelandzelako: 'Lokuhle kulandzele lokubi Nalokubi kulandzele lokuhle, Khetsa YINYE imphendvulo. A Luchumanosicalo. B Luchumanosigcino. C Luchumanosiphambano. D Luchumanomkhatsini. (1) 4.1.4 Chaza kutsi lenkondlo ikhuluma ngani ngalokusobala. (2) 4.1.5 Bunkondlo buni lobuvetwa ngulemigca lelandzelako. Yati tilimela temnyaka Njengentfutfwane letatiko, (Imigca-1ne-2). (1) 4.1.6 Bhala kutsi yini kutsiwe umugca 5 ucuketse sinongo sekumuntfutisa. (2) 4.1.7 Ngusiphi sikhatsi semnyaka lesihambisana kahle nalokushiwo kulenkondlo lengenhla? Sekela. (2) 4.1.8 Ngabe lelikhaya lentfutfwane, lekuphephela liyivikela kutiphi timo njengobe kushiwo enkondlweni? Nika KUTSATFU. (3) 4.1.9 Shano kutsi sonkondlo bekasesimeni lesinjani nakabhala lenkondlo? Sekela imphendvulo yakho. (2) 4.1.10 Nawubuka simo setemisebenti eNingizimu Afrika, ngubaphi bantfu lekumele bafundzelwe lenkondlo? (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 17 DBE/2015 SCE 4.2 Fundza lenkondlo lengentasi bese uphendvula imibuto letawulandzela. UMTAPO – CD Masilela 1 Gogo ngungu yesive, 2 Uyincwadzi lehamba ngetinyawo 3 Ungumtapo wetincwadzi emphilweni yetfu, 4 Emaphiko akho asifukamela sonkhe. 5 Kuwe angisuye umntfwana wesihlahla, 6 Angisiwo umlanjwana, ngingumntfwanakho gogo. 7 Ngiyingati yakho ngingumntfwanakho gogo. 8 Uyadvondvolotela kepha uludvondvolo lwetfu 9 Uyinsimu lesiyivuna sonkhe ngekukhululeka 10 Ulibhange letfu kantsi uyinkomazi yetfu 11 Unjengesikolo kitsi, ungucedzasitunge. 12 Ungunesi, uyinyanga yetfu, usibhedlela setfu. 13 Naloku ematsambo sekaphikisana nenhlitiyo, 14 Kepha inhlitiyo yakho inguphethiloli 15 Lokuvuselelako, unyatsele ngemandla 16 Siyabonga gogo, loligugu 17 Ungumtapo loligugu etitukulwaneni! [Likhasi 55] 4.2.1 Bhala luhlobo lwemvumelwano lolutfolakala emgceni we-2 newe-3. Khetsa YINYE imphendvulo. A Imvumelwanomaphakatsi. B Imvumelwanosigcino. C Imvumelwanosicalo. D Imvumelwanomkhatsini. (1) 4.2.2 Khokha ligama lelisetjentiswe enkondlweni yonkhe lengenhla ngekuphindzaphindza. (1) 4.2.3 Bunkondlo buni lobutfolakala emgceni we-12? Khetsa YINYE imphendvulo. A Sifanangwaca. B Sifutamsindvo. C Sifanankhamisa. D Silinganisamcondvo. (1) 4.2.4 Usho kutsini sonkondlo ngalomugca longentasi? Bhala emaphuzu LAMABILI. 'Naloku ematsambo sekaphikisana nenhlitiyo.' (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 18 DBE/2015 SCE 4.2.5 Chaza kutsi kubangelwa yini sonkondlo asebentise luphawu (!) emgceni we-17? Bhala liphuzu LINYE. (1) 4.2.6 Yini kubitwe gogo ngemtapo? Bhala liphuzu LINYE. (2) 4.2.7 Shano kutsi hlobo luni lwesinongo senkhulumo lesisetjentiswe kulomugca longentasi. Bhekisa imphendvulo yakho kulamagama ladvwetjelwe. 'Emaphiko akho asifukamela sonkhe.' Khetsa YINYE imphendvulo. A Sifaniso. B Sifanisongco. C Selutfo. D Sihabiso. (1) 4.2.8 Bhala emaphuzu LAMABILI ngesakhiwo salenkondlo. (2) 4.2.9 Chaza lomugca kutsi usho kutsini: 'Uyinsimu lesiyivuna sonkhe ngekukhululeka' (2) 4.2.10 Sonkondlo ubasebentiselani bokhefana/bokhoma emgceni 12? (1) 4.2.11 Sonkondlo ugcamisa kubaluleka kwabogogo emmangweni. Nika tindlela LETIMBILI lesingabagcina ngato baphephile kulesikhatsi lesiphila kuso. (2) 4.2.12 Yini sonkondlo afanise inhlitiyo yagogo naphethiloli kulomugca longentasi? 'Kepha inhlitiyo yakho inguphethiloli'. (2) [35] SAMBA SESIGABA D: 35 SAMBA SAKO KONKHE: 70 Emalungelo agodliwe