Downloaded from hlayiso.com
SENIOR CERTIFICATE EXAMINATIONS
SISWATI LULWIMI LWEKUCALA LWEKWENGETA (FAL)
LIPHEPHA LESIBILI (P2)
2016
EMAMAKI: 70
SIKHATSI: Ema-awa 2
Leliphepha linemakhasi la-17.
Emalungelo agodliwe Phenya
Skip to contentAll 2016 papers 





View all





siSwati FAL Grade 12 Paper 2 NSC June 2016 Question Paper
Grade 12 siSwati FAL Paper 2 question paper from the NSC June Exam 2016, 17 pages. Read online or get the free PDF download, memo linked when available.
Siswati Fal · Grade 12 · NSC June Exam · 2016 · siswati. Question paper, 17 pages. Read online or download the PDF.
- Subject
- siSwati FAL
- Grade
- Grade 12
- Language
- Siswati
- Document type
- Question paper
- Year
- 2016
- Exam period
- NSC June Exam
- Paper
- 2
- Curriculum
- CAPS
- Pages
- 17
- File size
- 348.0 KB
Free to read online, no sign-up needed
Loading document…
Loading document…
1 of 17
This exam
NSC June Exam 2016
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1Lubukhwari (Literature — Set Works)35 marks
- Question 2Lubukhwari (Literature — Set Works)35 marks
- Question 3.1Lubukhwari (Literature — Set Works)18 marks
- Question 3.2Lubukhwari (Literature — Set Works)19 marks
- Question 4.1Lubukhwari (Literature — Set Works)17 marks
- Question 4.2Lubukhwari (Literature — Set Works)18 marks
Document textSearch extracted text and jump to a page.
Downloaded from hlayiso.com
Siswati Lulwimi Lwekucala Lwekwengeta (FAL)/P2 2 DBE/2016
SCE
TICONDZISO
1. Fundza lelikhasi ngembikwekutsi ucale kuphendvula imibuto.
2. Ungalifundzi lonkhe liphepha lemibuto. Buka lokucuketfwe ekhasini
lelilandzelako bese ubeka luphawu kulowo nalowo mbuto lobutwe
ngetincwadzi lotifundze kulomnyaka. Emva kwaloko, fundza leyo mibuto
lenetimphawu kuphela bese ukhetsa leyo lofuna kuphendvula yona.
3. Leliphepha lemibuto licuketse TIGABA LETINE.
SIGABA A: Inoveli (35)
SIGABA B: Umdlalo (35)
SIGABA C: Tindzaba letimfisha (35)
SIGABA D: Tinkondlo (35)
4. Phendvula imibuto LEMIBILI kuphela. MUNYE umbuto kusinye setigaba
letimbili.
SIGABA A: INOVELI
Phendvula MUNYE umbuto wenoveli loyifundzile.
SIGABA B: UMDLALO
Phendvula MUNYE umbuto wemdlalo lowufundzile.
SIGABA C: TINDZABA LETIMFISHA
Phendvula YOMIBILI imibuto lebutwe ngetindzaba letimfisha.
SIGABA D: TINKONDLO
Phendvula TOTIMBILI tinkondlo lekubutwe ngato.
5. Sebentisa luhlu lwekutikhumbuta kute usitakale.
6. Landzela ticondziso letisekucaleni kwaleso NALESO SIGABA.
7. Tinombolo tetimphendvulo atihambisane naleto temibuto njengobe tinjalo
ephepheni lemibuto.
8. Cala LESO NALESO sigaba ekhasini LELISHA.
9. Siphakamiso sekulawulwa kwesikhatsi: Sebentisa emaminithi la-60 kuleso
naleso sigaba.
10. Bhala ngesandla lesibonakalako nalesifundzekako.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 3 DBE/2016
SCE
LUHLA LWEKUTIKHUMBUTA
Lelikhasi litawusita bahlolwa ekukhetseni imibuto LABAFUNA kuyiphendvula
ngaphandle kwekufundza lonkhe liphepha lemibuto.
SIGABA A: INOVELI
Phendvula MUNYE umbuto wenoveli loyifundzile.
INOMBOLO YEMBUTO EMAMAKI LIKHASI
1. Kwasha Tikhotsa 35 5
SIGABA B: UMDLALO
Phendvula MUNYE umbuto wemdlalo lowufundzile.
2. Lahloma Ladvuma 35 7
SIGABA C: TINDZABA LETIMFISHA
Phendvula YOMIBILI imibuto lebutwe ngetindzaba letimfisha.
3.1 'Litsambo' 18 10
3.2 'Titifiketi' 17 11
SIGABA D: TINKONDLO
Phendvula TOTIMBILI tinkondlo lobutwe ngato.
4.1 'Mnukubeti wemvelo' 17 14
4.2 'Likhadi lelibovu' 18 16
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 4 DBE/2016
SCE
LUHLA LWEKUTIKHUMBUTA
Lelikhasi litawusita bahlolwa ekukhetseni imibuto LABAFUNA kuyiphendvula
ngaphandle kwekufundza lonkhe liphepha lemibuto.
SIGABA TINOMBOLO LINANI LEMIBUTO THIKA
TEMIBUTO LEPHENDVULWAKO ()
A: Inoveli
(Imibuto lemifisha) 1 1
B: Umdlalo
(Imibuto lemifisha) 1 1
C: Tindzaba letimfisha
(Imibuto lemifisha) 2 2
D: Tinkondlo
(Imibuto lemifisha) 2 2
CAPHELA: Cikelela kutsi uphendvule imibuto lesetigabeni LETIMBILI kuphela.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 5 DBE/2016
SCE
SIGABA A: INOVELI
UMBUTO 1: KWASHA TIKHOTSA – LL Dlamini
Fundza letheksthi bese uphendvula imibuto letawulandzela.
ITHEKSTHI A
'Umuntfu nakakwedzelela kumele umentenjani Sicobolonjwane?' Kubuta Mswati
abonakala kutsi uphatseke kabi. 'Emakhosi lawa atifunela ludvumo ngekuhlasela
iNgwenyama. Ayati kutsi isandza kubekwa esikhundleni, manje ayikatinti. Bacale
umsebenti labangeke bawuphetse. Batitsintsele bomanyovu batihlalele. Kuyawusha
tikhotsa tingcongce-ngifunga Somhlolo! Ngabe iNkhosi isenesibindzi sekukhuluma
emavi lakhombisa kutetsemba, sibe simo sisibi kangaka? Akusilula kuphunyula etitseni
letinyenti kangaka,' kusho Sicobolonjwane ngekwesaba.
'Angimange ngikhulume nayinye yemakhosi lawo langihlaselako nyalo. Angiwati nawo
akangati, kodvwa ayangihlasela. Loku lokwentekako nyalo akunginiki litfuba lekutsi
ngicabange inchubo lekumele ngiyilandzele. Bengisengakakhetsi kutsi ngilandzele
yababe yekubusa ngekuthula nome ngilinyakatise live ngiphungwe la nale.
Angikacedzi nesikhatsi ngikulesikhundla, kodvwa titsa setingangetjani!
Sitawuphephiswa njani sive kulesimo lesetfusako lesibukene naso?' Kubuta
Sicobolonjwane. 'Kumele ngicabangisise masinyane ngenca yesikhatsi
lesesingimpintjile. Lenye inkinga lesibukene nayo yebantfwana baMlambo boBashele
naMhlangala labanikitana kuhle kwamphonjane nenja. Kumele ngiyewulamula leyo
mphi eMambane. Inkinga lenye yesikhundla lengikuso lesifunwa bendlu yaketfu,'
kusho Mswati akhombisa sibindzi nekukhululeka. 'Kwati labalele kutsi sitawuphuma
njani kuletinkinga,' kusho Sicobolonjwane.
'Somcuba! Uyativela-ke nawe mnaketfu kutsi simo sibi. Ngiphe seluleko lewubona
kutsi sitawusenta siphumelele,' kusho Mswati asagucukele kuSomcuba.
'Sicobolonjwane ngibone sengatsi uyahabisa Ngwenyama. Ngako-ke ngitsi ungetfuki
mnaketfu akukho lekuyawukuphatamisa esikhundleni lewukuso,' kuphendvula
Somcuba amisa Mswati sibindzi.
[Likhasi 6–7]
1.1 Shano kutsi Mswati uvetwa angumlingisi lonesimilo lesinjani kuletheksthi
lengenhla?
Khetsa YINYE imphendvulo.
A Ngumlingisi lotitsandzako.
B Ngumlingisi lotetsembako.
C Ngumlingisi lotentisako.
D Ngumlingisi lovilaphako. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 6 DBE/2016
SCE
1.2 Kulabadlali labalandzelako ngumuphi lohamba embili ekubangiseni Mswati
bukhosi kuletheksthi lengenhla?
Khetsa YINYE imphendvulo.
A NguFokotsi
B NguNdlela
C NguSomcuba
D NguSidvwala (1)
1.3 Nguyiphi inkinga labukene nayo Mswati kuletheksthi lengenhla? (1)
1.4 Nguyiphi indlela yekubusa leyalandzelwa nguMswati wesibili kutsi akhone
kuncoba lamakhosi bekamhlasela? (1)
1.5 Endzimeni yesibili kunenkholelo letsite, yibhale phasi bese usho kutsi iluhlobo
luni? (2)
1.6 Ngabe seluleko samake waMswati sekutsi abite bomnakabo baletse kuthula
nekuvana esiveni, saphumelela yini? (2)
1.7 Lutfolakala kuphi luvutfondzaba kulendzaba? (2)
1.8 Ucabanga kutsi umbhali bekahloseni ngekusibhalela lenoveli letsi Kwasha
Tikhotsa? (2)
1.9 Chaza lenkhulumo yaMswati letsi, 'Titsa setingangetjani'. (2)
1.10 Sihloko lesitsi, Kwasha Tikhotsa, siyahambisana yini nalokwenteka
kulenoveli? Usho ngani? (2)
1.11 Ngabe lendzaba, yenteka esikhatsini sakudzala nobe sanyalo yini? Sekela
imphendvulo ngemaphuzu LAMABILI. (3)
1.12 Ngabe uyavelana yini naSomcuba ngendlela labulawa ngayo? Nika tizatfu
LETIMBILI. (3)
1.13 Belisho kutsini leliphupho laSidvwala nasifundza lenoveli? (2)
1.14 Aliciniso nobe aliphutsa yini lamavi aSomcuba latsi, 'ungetfuki mnaketfu
akukho lokuyawukuphatamisa esikhundlleni', nasibuka lenoveli yonkhe?
Sekela imphendvulo yakho ngemaphuzu LAMABILI. (3)
1.15 Catsanisa indlela lebatsatsa ngayo tintfo boFokotsi naNdlela kulenoveli. (2)
1.16 Ngabe simfanele yini Somcuba lesiphetfo sakhe kulenoveli? Sekela
imphendvulo yakho. (2)
1.17 Ngusiphi sifundvo lesitfolakala kulenoveli nasibhekise kuSicobolonjwane? (2)
1.18 Lenkhulumo yaSomcuba letsi, 'Ngitanenta tindvuna tami letinkhulu'
bekayisuselaphi nasibhekisa endzabeni? (2)
SAMBA SESIGABA A: 35
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 7 DBE/2016
SCE
SIGABA B: UMDLALO
UMBUTO 2: LAHLOMA LADVUMA – Z Motsa
Fundza letheksthi bese uphendvula imibuto letawulandzela.
ITHEKSTHI B
NDVUKUTEMPHI: Ufike nini wena lapha? (Ubeka phansi tikhali takhe ubuyela
esihlalweni.)
MADZANDZA: (Etama kwehlisa kuphakama kwemaphaphu)
Ngiyangena nje Temphi. Ninjani vele?
NDVUKUTEMPHI: Ucinisile?
MADZANDZA: Hawu? Yebo ngiyangena nje! Nalaba labeme esangweni
bangafakaza.
NDVUKUTEMPHI: Cha akudzingeki loko. (Ngemoya lophansi)
Kadze sanigcina.
QEDIZIZWE: E-e! Kungaba kuhle mine ngicele indlela,
Zinyane! Masithi kuzohamba kanjalo-ke Zinyane leSilwane.
Masiyibone ngosuku loButimba leyo nyamazane. Ayixabene!
NDVUKUTEMPHI: Kulungile Zulu, asimise kanjalo. (Aphume Qedizizwe) Tjela mine,
ukhala ngani-ke lomuhla?
MADZANDZA: Kute lengikhala ngako. Ngitse ase ngitekubona nje ngive kutsi
solo mane uyakhiphita yini ngalomntfwanakho ...
NDVUKUTEMPHI: Ngakutjela kutsi angati lutfo! Ufuna ngikhulume kangaki?
MADZANDZA: Uyati angiva kutsi lomntfwanami usikhubekiso ngani ngoba
nemkhosi sewengcile awukabutfoli bukhosi lobe ubu ...
NDUKUTEMPHI: (Asondzele kuye kungatsi ufuna kumbeka sandla) Ye wena!
Yekela tindzaba letingesito takho uyangiva?
MADZANDZA: Cha kumangala nje kutsi sewusikhubekiso ngani nyalo. Kumbe
vele awusangitsandzi? Mhlawumbe bacinisile laba labatsi liso
lakho selinamatsele kuKhetsiwe, iNdlovuka …
NDVUKUTEMPHI: Khetsiwe wani? Leyo ntfo leyo! Nginje nje nje ngiyo! Nx!
MADZANDZA: Temphi, vele uyamphika lomntfwana?
NDVUKUTEMPHI: Uvile nje? Ngiphindze kangaki?
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 8 DBE/2016
SCE
MADZANDZA: Ulahla litsambo lakho? Cha angikushiye-ke. Bengitsi umfula
sewubohlile. (Atsi nase afulatsela nje agucuke ambuke atsi.)
Ubolibamba lingashoni. Siphundvu sibohlala sibona ngoba labosa
ngebumnyama esangweni bangahle bose nemantjontjo akho
uwabukile, tinyenti kabi tinkhomo tilindze kuhlatjwa.
NDVUKUTEMPHI: (Etfukile) Tinkh … kuhlatjw … Utsini?
[Likhasi 45]
2.1 Bhala sibekandzaba sendzawo saletheksthi lengenhla.
Khetsa YINYE imphendvulo.
A Esangweni
B Entsangeni
C Emasimini
D Emphelave (1)
2.2 Nguyiphi indzima ledlalwa nguNdvukutemphi emdlalweni wonkhe?
Khetsa YINYE imphendvulo.
A Ngumcabanisi
B Yimbangi
C Ngumelekeleli
D Lichawe (1)
2.3 Bekuyini imbangela yekubitwa kwaVusematfwa ngenyamazane kuletheksthi
lengenhla? (1)
2.4 Shano sigodlo lapho kwenteka khona lomdlalo. (1)
2.5 Ngikuphi kulesicashunwa lokukudvonsa kutsi ufundze lomdlalo ute uyowufika
esiphetfweni? (2)
2.6 Ngusiphi sigameko lesenta kutsi Tsembative atfolakale esigodlweni abitwa
ngemntfwana wenkhosi? (2)
2.7 Bekuyini injongo yembhali ekubhaleni lomdlalo? (2)
2.8 Bhala KUBILI lokwenta Sigwaca abe ngumdlali lotsembekile kuTsembative. (2)
2.9 Madzandza ungumlingisi loneluvelo emdlalweni. Veta secwayiso lowasinika
Tsembative. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 9 DBE/2016
SCE
2.10 Bekasho kutsini Madzandza nakatsi, 'Ubolibamba lingashoni'?
Khetsa YINYE imphendvulo.
A Tintfo kumele tihlale tingakugucukeli.
B Tintfo kumele tihlale tingakubambi.
C Tintfo kumele tihlale tingaboli.
D Tintfo kumele tihlale tingakusiti. (1)
2.11 Kubakhona kwaKhetsiwe kulomdlalo kuletsa yiphi inkhululeko
emantfombataneni alomuhla? (2)
2.12 Bekuyini inhloso yekunatsisa Vusematfwa tjwala? (2)
2.13 Lutfolakala kuphi luvutfondzaba kulomdlalo? (2)
2.14 Ngekubona kwakho yini leyabangela Ndvukutemphi kutsi aphike umntfwana
waMadzandza? Sekela imphendvulo yakho. (2)
2.15 Chaza lenkhulumo yaMadzandza letsi, 'Bengitsi umfula sewubohlile'. (2)
2.16 Ngekubona kwakho Ndvukutemphi unasiphi similo nawulalela lenkhulumo
letsi: Khetsiwe wani? Leyo ntfo leyo! Nginje nje nje ngiyo! Nx! Sekela
imphendvulo yakho. (2)
2.17 Ngekubona kwakho bekukahle yini kutsi iMbiba ifune kubeka inkhosi isaphila?
Sekela imphendvulo yakho. (2)
2.18 Ngusiphi sifundvo lesisitfola ngaQedizizwe kulomdlalo? (2)
2.19 Uyavumelana yini nalombono lotsi, 'Lutsandvo ngumancoba?' Fakazela loku
ngekuhamba kwaKhetsiwe naTsembative. (2)
2.20 Ngabe liphupho leMbiba lafezeka yini nangabe ubuka siphetfo salomdlalo?
Sekela imphendvulo yakho. (2)
SAMBA SESIGABA B: 35
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 10 DBE/2016
SCE
SIGABA C: TINDZABA LETIMFISHA
UMBUTO 3: LITSAMBO – EJ Mhlanga
Phendvula YOMIBILI imibuto lebutwe ngetindzaba letimfisha.
3.1 'LITSAMBO' – JJ Ncongwane
Fundza letheksthi lengentasi bese uphendvula imibuto letawulandzela.
ITHEKSTHI C
'Ye LaMdluli, ngicela kutsi singaphikisani ngaloko ngobe ngatsi mine angisiyo
ifemu lapha kami. Mine bengitsi siyasitana nje … Sisitana njani? Buka nyalo
sengikugadzela nemntfwana kepha umholo solo awukangikhuphuleli? Phela
lomsebenti sewandzile nyalo. Nemholo-ke awenyuke ngobe netintfo futsi
setenyukile. Cha, lapho-ke shengatsi ngeke ngiphumelele …'
'Nangabe usho njalo-ke ngicela kutsi lomntfwanakho umuse le ekhreshi
utewuva kutsi batakubita malini kugadza umntfwana. Etinkhulisa babita
emakhulu lamatsatfu emarandi kugadza nje umntfwana. Buka-ke mine
ungisebentisa njengesigcili sakho, ngenta yonkhe lemisebenti yalapha kakho
kepha unginika nje emakhulu lamabili emarandi. Hhayi make Shongwe
ngicabangele nami nebakitsi ngingumuntfu. Lolokudzingako nami
ngiyakudzinga. Manje wena bewubona kutsi ngikukhuphulele ngamalini?'
Kubuta make Shongwe eva nje kutsi lendzaba imngena ematinyweni
njengamangoza.
'Uyabona make Shongwe wena ufundzile, usebenta kahle lapha esibhedlela.
Njengaloku bewungekho emsebentini, tonkhe leto tinyanga letintsatfu angitsi
bakunike wonkhe umholo wakho? Yebo banginike wonkhe. Angitsi uyati nawe
kutsi le etinkhulisa babita malini kugadza nje kuphela umntfwana? Yebo
ngiyati.'
'Angitsi uvile nawe emisakatweni, wabona futsi nakumabonakudze kutsi
hulumende wetfu lomusha umemetele kutsi tonkhe tisebenti tasemakhaya
kufute tiholelwe lokungenani R1 500 ngenyanga? Manje-ke mine ngitsi
ngikhuphulele lomholo wami lokungenani unginike incenye yalemali lokufute
kutsi ngabe ungiholela yona.'
[Likhasi 23–24]
3.1.1 Ngusiphi simo lesisitfola kulabalingisi labakuletheksthi lengenhla?
Khetsa YINYE imphendvulo.
A Simo sekungabingelelani.
B Simo sekungakhulumisani.
C Simo sekungakhutsatani.
D Simo sekungavisisani. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 11 DBE/2016
SCE
3.1.2 Lenkhulumo yamake Shongwe letsi, 'lendzaba imngena
ematinyweni njengamangoza' inasiphi sinongo senkhulumo?
Khetsa YINYE imphendvulo.
A Sifaniso
B Sifanisongco
C Sihabiso
D Selutfo (1)
3.1.3 Loludvweshu lolusemkhatsini waLaMdluli namake Shongwe
luluhlobo luni? (1)
3.1.4 Nika indzawo lapho yenteka khona lendzaba lemfisha. (1)
3.1.5 Bekasho kutsini LaMdluli nangabe atsi, 'Usangiholela
lamantongomane'? (2)
3.1.6 Loku lakhala ngako LaMdluli kuletheksthi lengenhla kuyenteka yini
emmangweni lesiphila kuwo? Sekela imphendvulo yakho. (2)
3.1.7 Uma ulalela emavi aLaMdluli kulendzaba lemfisha, ungatsi sinjani
similo sakhe? Sekela imphendvulo yakho. (2)
3.1.8 Itsini ingcikitsi yalendzaba lemfisha? Sekela imphendvulo yakho. (2)
3.1.9 Ngusiphi sifundvo lesitfolakala kulendzaba lemfisha? Sekela
imphendvulo yakho. (2)
3.1.10 Ngabe inkinga yaLaMdluli yacatululeka yini nangabe ubuka
siphetfo salendzaba? Sekela imphendvulo yakho. (2)
3.1.11 Kube wena bewunguMake Shongwe, ngusiphi sincumo
lebewungasitsatsa ngalendzaba yaLaMdluli yekwenyuselwa liholo? (2)
NA
3.2 'TITIFIKETI' – JJ Thwala
Fundza letheksthi lengentasi bese uphendvula imibuto letawulandzela.
ITHEKSTHI D
'Utawuboshwa wena Ndzabatakhe ngekukhuluma ngetitifiketi sengatsi unato,
kantsi utifanela nami Sifiso nje. Tsine sinawe sihlushwa tifiso nje tekuba
netitifiketi,' kusho Sifiso akhombisa kwedzelela. Waphatseka kabi kakhulu
Ndzabatakhe. Wabashiya esitubhini lapho. Wangena endlini wadvonsa
imvilophi lenkhulu lemhlophe lenetitifiketi letimbili nediploma. Sitifiketi se 'O'
level; B.A. kanye neDiploma yekufundzisa. Wabuya nayo
watewubakhombisa. Wetfuka Musa, ngobe abecala kubona emaphepha
lakhombisa imfundvo lephakeme. Sifiso wabuka kanye watsi, 'kahle kudlala
ngatsi wena! Loku lowusikhombisa kona ngemanyela, tiphi tona titifiketi
mbamba? Utawuyenga labasandza kutalwa, hhayi tsine.'
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 12 DBE/2016
SCE
'Utsini ngaletitembu tasemaphoyiseni letishaywe kuletitifiketi kukhombisa
kutsi ngito sibili?' kusho Ndzabatakhe. 'Utawuyenga labayengekako! Musa
kudlala ngatsi Ndzabatakhe! Umuntfu lonaletitifiketi akafani nawe'. Inkhulumo
yakhe izotsile kukhombisa kutsi yesichwichwici. Akahambi akhuluma
ngetitifiketi nome kukuphi. Emakilasini lawafundzisako uyaphila. 'Bafundzi
bajabulela lwati kunekutsi batjelwe ngetitifiketi,' kusho Sifiso agcizelela kutsi
loku lakukhulumako ukusho ngenhlitiyo yakhe yonkhe. 'Yekela umona Sifiso.
Umona uyingoti ebantfwini,' kusho Ndzabatakhe. 'Kutjelwa liciniso kuba
nemona?' Kubuta Sifiso. 'Ngikukhombisile emaphepha lafakazako kutsi
ngahlala esikolweni ngafundza. Yini-ke lekumele ngiyikhokhe nyalo uyibone
kuze ukholwe?'
[Likhasi 107–108]
3.2.1 Bangaki balingisi kulendzaba lemfisha letsi Titifiketi? (1)
3.2.2 Hlobo luni lweludvweshu lolutfolakala endzimeni ye-2 kuletheksthi
lengenhla?
Khetsa YINYE imphendvulo.
A Lwasemkhatsini
B Lwasekugcineni
C Lwangaphandle
D Lwangekhatsi (1)
3.2.3 Ngumuphi umlingisi lomkhulu kuletheksthi lengenhla?
Khetsa YINYE imphendvulo.
A NguMphini
B NguMusa
C NguSifiso
D NguNdzabatakhe (1)
3.2.4 Lesihloko lesitsi, 'Titifiketi' siyahambisana yini naloku lokwenteka
kulendzaba lemfisha? Vuma nobe uphike ngekwesekela
imphendvulo yakho. (2)
3.2.5 Ligama laNdzabatakhe ngabe liyamlandzela yini nangabe ubuka
tento takhe? Sekela imphendvulo yakho. (2)
3.2.6 Ngabe tento taNdzabatakhe tiyemukeleka yini njengemuntfu
lofundzile? Bhala KUBILI. (2)
3.2.7 Lamavi alabalingisi labangenhla asivetela kutsi lendzaba lemfisha
yenteka ngesikhatsi sanyalo. Sekela nobe uphikise lesitatimende
ngemaphuzu LAMABILI. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 13 DBE/2016
SCE
3.2.8 Kungani Musa amangale nangabe Ndzabatakhe amkhomba
titifiketi takhe? (2)
3.2.9 Ngekubona kwakho emavi aSifiso latsi, 'Utawuboshwa wena
Ndzabatakhe ngekukhuluma ngetitifiketi sengatsi unato', ngabe
abeliciniso yini? Sekela imphendvulo yakho. (2)
3.2.10 Wena njengemuntfu losebenta emtsetfweni bewungatsatsa siphi
sincumo ngaletitifiketi taNdzabatakhe letingekho emtsetfweni? (2)
SAMBA SESIGABA C: 35
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 14 DBE/2016
SCE
SIGABA D: TINKONDLO
UMBUTO 4: LETFWESE – PT Jele, JJ Thwala
Phendvula TOTIMBILI tinkondlo lekubutwe ngato.
4.1 Fundza lenkondlo lelandzelako bese uphendvula imibuto letawulandzela.
Mnukubeti wemvelo – AT Fakude
1 Utsini ngalomoya lowunukubeta nsuku tonkhe?
2 Utsini ngalamanti lowakhipha sitfunti?
3 Utsini ngalomhlaba lowukhipha buwona?
4 Utsini ngalolwandle loluncisha inhlonipho?
5 Vele sonkhe sesihlukubetekile,
6 Vele sonkhe sesihluphekile,
7 Sekwanele Mhlukubetindzini.
8 Salusikhawula ngekushesha.
9 Kutsanti bekwekhutwa wen' eMgwenya
10 Itolo bekwelulekwa wen' evenini yakho yentfutfu.
11 Namuhla kusahhunyutwa wena ngemfuhlumfuhlu yetibi takho
12 Tehle letingeyusulwa ngumuntfu,
13 Akhale Noyana,
14 Tikukhalele takaSigonyela.
15 Emabhodlela, emabhodlela emigwacweni yetfu
16 Asihlaba sihlabeke enyameni yetfu
17 Emaphepha, emaphepha emabaleni etfu
18 Aphephuka sihlabeke etindleleni tetfu
19 Tincamu, tincamu etindleleni tetfu
20 Tincamul' imphilo yetfu eveni ngekushesha
21 Kantsi yini ngawe Mnukubeti?
22 Kantsi kwakhala nyonini kuwe?
23 Kantsi wabhunyiselwa ngatiphi wena?
24 Usilwane cobo lwaso wena
25 Sekwenele Mnumzane – COLA.
26 Mnukubeti, Mnukubeti,
27 Cabanga, ucabangisise,
28 Zindla uzindlisise
29 Tinsuku takho setibaliwe,
30 Sala kutjelwa sibona ngemopho.
[Likhasi 37]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 15 DBE/2016
SCE
4.1.1 Hlobo luni lwesinongo senkhulumo lesitfolakala kulomugca
lolandzelako?
'Usilwane cobo lwaso wena'
Khetsa YINYE imphendvulo.
A Sifaniso
B Selutfo
C Simuntfutiso
D Sifanisongco (1)
4.1.2 Shano luhlobo lwemvumelwano loludvwetjelwe kulemigca
lelandzelako?
'Vele sonkhe sesihlukubetekile,
Vele sonkhe sesihluphekile,'
Khetsa YINYE imphendvulo.
A Imvumelwanosicalo.
B Imvumelwanosigcino.
C Imvumelwanomaphakatsi.
D Imvumelwanomkhatsini. (1)
4.1.3 Bhala luchumano lolutfolakala emgceni we-1 kuya kuwe-4
kulenkondlo lengenhla.
Khetsa YINYE imphendvulo.
A Luchumanosicalo.
B Luchumanosigcino.
C Luchumanosiphambano.
D Luchumanomaphakatsi. (1)
4.1.4 Hlobo luni lwesifanamsindvo loludvwetjelwe kulomugca
longentasi?
'Emaphepha, emaphepha emabaleni etfu' (1)
4.1.5 Nika inchazelo yalesisho lesidvwetjelwe kulomugca lolandzelako.
'Kantsi kwakhala nyonini kuwe?' (Umugca 22) (2)
4.1.6 Shano kutsi tiphumaphi letincamu lakhuluma ngato sonkondlo
kulomugca lolandzelako?
'Tincamu, tincamu etindleleni tetfu' (Umugca 19) (2)
4.1.7 Usho kutsini sonkondlo nakatsi, 'Akhale Noyana'? (Umugca 13) (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 16 DBE/2016
SCE
4.1.8 Bhala imigca leMIBILI letfolakala kulenkondlo lekhombisa kutsi
sikhatsi salabanukubeti bemvelo sesiphelile futsi batawutisola. (2)
4.1.9 Ngusiphi sifundvo lesitfolakala kulenkondlo lengenhla? (2)
4.1.10 Nika tintfo leTINTSATFU letihlukubetekako nakunukubetwa imvelo. (3)
NA
4.2 Fundza lenkondlo lengentasi bese uphendvula imibuto letawulandzela.
Likhadi lelibovu – CD Masilela
1 Imphilo inguphansi – phezulu,
2 Wena lowabona kunatsa kwenkhukhu.
3 Noma ingakhuluphala igcwale indlu,
4 Ungatikhipheli likhadi lelibovu!
5 Akucali futsi akugcini ngawe – phakama uye phambili!
6 Lenkingana loyenweba ibe ngubhazabhaza iyinselele.
7 Tibale tibusiso takho ucaphele:
8 Ingcondvo isikhali lesinemandla – khetsa imphilo!
9 Vula emehlo, maningi ematfuba lapha ngephandle,
10 Tsani ntinini ngelitubane utsatse litfuba lakho.
11 Sigwaca lesihle ngulesishoshako.
12 Ungacali nje, utinikete likhadi lelibovu!
[Likhasi 62]
4.2.1 Hlobo luni lwenkondlo lena lengenhla?
Khetsa YINYE imphendvulo.
A Inkondlo legcekako.
B Inkondlo leyi-eleji.
C Inkondlo leyi-ephiki.
D Inkondlo leyi-sonethi. (1)
4.2.2 Bunkondlo buni lobutfolakala emgceni we-12? (1)
4.2.3 Chaza lesaga lesilandzelako?
'Sigwaca lesihle ngulesishoshako.' (Umugca 11)
Khetsa YINYE imphendvulo.
A Umuntfu lodzinga tintfo letinhle akasebenti.
B Umuntfu lodzinga lusito uyasukuma ayolufuna.
C Umuntfu lodzinga kuphumelela uyahlala ayekele.
D Umuntfu lodzinga kudla uyalala angapheki. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P2 17 DBE/2016
SCE
4.2.4 Sonkondlo ulusebentiselani loluphawu loludvwetjelwe kulomugca
longentasi?
'Ungatikhipheli likhadi lelibovu!' (1)
4.2.5 Shano kutsi lisetjentiswa kuphi likhadi lelibovu? Bhala liphuzu
LINYE. (1)
4.2.6 Shano kutsi bunkondlo buni lobutfolakala kulomugca longentasi.
'Imphilo inguphansi – phezulu' (Umugca 1)
Khetsa YINYE imphendvulo.
A Silinganisamcondvo
B Sihabisamcondvo
C Sihloniphamcondvo
D Siphukutamcondvo (1)
4.2.7 Bekacondzeni sonkondlo ngalomugca lolandzelako?
'Tsani ntinini ngelitubane utsatse litfuba lakho.' (Umugca 10) (2)
4.2.8 Phawula ngephethini yalemigca lelandzelako.
'Noma ingakhuluphala igcwale indlu,
Ungatikhipheli likhadi lelibovu!' (Umugca 3–4) (2)
4.2.9 Chaza lomugca kutsi usho kutsini:
'Ingcondvo isikhali lesinemandla – khetsa imphilo!' (Umugca 8) (2)
4.2.10 Ngekubona kwakho nguwaphi lamatfuba sonkondlo lakhuluma
ngawo kulomugca longentasi. Bhala MABILI.
'Vula emehlo, maningi ematfuba lapha ngephandle' (Umugca 9) (2)
4.2.11 Sonkondlo bekakusiphi simo nakabhala lenkondlo? Sekela
ngekucaphuna umugca enkondlweni lengenhla. (2)
4.2.12 Nguwuphi umlayeto lovetwa ngulenkondlo lengenhla? (2)
SAMBA SESIGABA D: 35
SAMBA SAKO KONKHE: 70
Emalungelo agodliwe
Study this subject
Recommended for this subject

Question paper
siSwati FAL Grade 12 Paper 1 NSC June 2016 Question Paper

Question paper
siSwati FAL Grade 12 Paper 3 NSC June 2016 Question Paper

Question paper
siSwati FAL Grade 12 P2 NSC November 2016 Question Paper

Question paper
siSwati FAL Grade 12 Paper 2 NSC June 2024 Question Paper

Question paper
siSwati FAL Grade 12 Paper 2 NSC June 2023 Question Paper

Question paper
siSwati FAL Grade 12 Paper 2 NSC June 2017 Question Paper
More from Grade 12 siSwati FAL

Annual teaching plan
Gr 12 Siswati FAL ATP 2023 24

Memorandum
siSwati FAL Grade 12 Paper 1 NSC November 2025 Memo

Memorandum
siSwati FAL Grade 12 Paper 2 NSC November 2025 Memo

Memorandum
siSwati FAL Grade 12 Paper 1 November 2024 NSC Memo

Memorandum
siSwati FAL Grade 12 Paper 2 November 2024 NSC Memo

Memorandum