siSwati FAL Grade 12 P2 NSC November 2016 Question Paper

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2016 EMAMAKI: 70 SIKHATSI: Ema-awa 2 Leliphepha linemakhasi la-17. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/Lweti 2016 NSC TICONDZISO KULABAHLOLWAKO 1. Fundza lelikhasi ngembikwekutsi ucale kuphendvula imibuto. 2. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 3. Leliphepha lemibuto licuketse TIGABA LETINE. SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 4. Phendvula imibuto LEMIBILI kuphela. MUNYE umbuto kusinye setigaba letimbili. SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lekubutwe ngato. 5. Sebentisa luhlu lwekutikhumbuta kute usitakale. 6. Landzela ticondziso letisekucaleni kwaleso NALESO SIGABA. 7. Tinombolo tetimphendvulo atihambisane naleto temibuto njengobe tinjalo ephepheni lemibuto. 8. Cala LESO NALESO sigaba ekhasini LELISHA. 9. Siphakamiso sekulawulwa kwesikhatsi singaba ngemaminithi la-60 kuleso naleso sigaba. 10. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/Lweti 2016 NSC LUHLA LWEKUTIKHUMBUTA Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 SIGABA B: UMDLALO Phendvula umbuto wemdlalo lowufundzile. 2. Lahloma Ladvuma 35 7 SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. 3.1 'Wangenta Makhelwane' 18 10 3.2 'Kuhle Ketfu!' 17 11 SIGABA D: TINKONDLO Phendvula TOTIMBILI tinkondlo lobutwe ngato. 4.1 'Intsambo' 17 14 4.2 'Ngitawuphapha' 18 16 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/Lweti 2016 NSC LUHLA LWEKUTIKHUMBUTA Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO () A: Inoveli 1 1 B: Umdlalo 1 1 C: Tindzaba letimfisha 2 2 D: Tinkondlo 2 2 CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/Lweti 2016 NSC SIGABA A: INOVELI UMBUTO 1: KWASHA TIKHOTSA – LL Dlamini Fundza letheksthi bese uphendvula imibuto letawulandzela. ITHEKSTHI A 'Sengatsi sesikhulume kakhulu ngaMswati, ngiyetsemba sewubulawa tindlebe,' kusho Fokotsi. 'Liciniso lelimsulwa lelo mnaketfu. Loku lesikwentako akufuneki ngobe kukhulumela inyoni etiko. Lokubalulekile kitsi nje kubona Somcuba ahleti esihlalweni sebukhosi aphetse sive seMaswati hhayi Mswati,' lawo ngemavi aNdlela. 'Uma kungahlalwa phasi kubutwe kahle kutsi simbangisani Mswati 5 singatsini?' 'Uyativa nje kutsi utsini Fokotsi? Wucabangisise kahle lowo mbuto wakho, bese utinika wena imphendvulo. Yonkhe intfo leyentiwa ngumuntfu iba nesizatfu kanye nesisusa lesifanele lesimenta ayente leyontfo. Akusikuhle kutsi sente intfo lesingenaso sizatfu sayo, ngako-ke loku lesikwentako kumele sibe nato tizatfu tako. Akufuneki kutsi sente tintfo kube sengatsi asinamehlo ekubuka, 10 asinatindlebe tekuva futsi asinangcondvo yekucabanga,' kweluleka Fokotsi. 'Yini lekuhluphako kuyo yonkhe imitamo yetfu Fokotsi?' Kubuta Ndlela akhombisa kuphatseka kabi. 'Akukho lokungihluphako futsi nalengiphikisana nako akukho, kepha ngicondze kutsi akube khona licala lesiletfwesa Mswati kuze asoleke ebantfwini. Live kumele lati kutsi ubangiswani nome kusolwani kuye.' Kweluleka 15 Fokotsi. 'Uyati kutsi konkhe lesikwentako mnaketfu kuyimfihlo, ngako-ke asingatibambi ngemikhokha imitamo yetfu ingakaphumeleli. Asilwe imphi kucala siyincobe, bese simetfwesa licala latawulembatsa asolwe live lonkhe,' kusho Ndlela aphendvukela kuSomcuba atsi: 'Wathula Somcuba, ngabe kwentenjani mnaketfu? Veta umbono wakho silalele.' 20 'Akukho lokuyawusehlula sibambene bomnaketfu. Kwanyalo Mswati simnikele etitseni kutsi kube ngito letilwa naye, hhayi tsine.' [Likhasi 21–22] 1.1 Lenkhulumo yaNdlela letsi, 'Loku lesikwentako akufuneki ngobe kukhulumela inyoni etiko,' isho kutsini? Khetsa YINYE imphendvulo. A Imfihlo itawuviwa bantfu. B Imfihlo ngeke iviwe bantfu. C Imfihlo kufanele iviwe bantfu. D Imfihlo kufanele ikhulunywe bantfu. (1) 1.2 Umlingisi longuNdlela unesifiso lesitsite nangabe sifundza letheksthi lengenhla. Ngusiphi leso sifiso? Khetsa YINYE imphendvulo. A Kubona Sobhuza abusa. B Kubona Somcuba abusa. C Kubona Mswati abusa. D Kubona Fokotsi abusa. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/Lweti 2016 NSC 1.3 Asho kutsini lamavi aNdlela latsi, 'Lokubalulekile kitsi nje kubona Somcuba ahleti esihlalweni sebukhosi'? (1) 1.4 'Konkhe lesikwentako kuyimfihlo.' Nika sizatfu lesibanga Ndlela akhulume lamavi. (1) 1.5 Nguliphi lelibutfo lelehlukaniswa ekhatsi boMgenge naMswati nabayohlasela Ngwavuma? (1) 1.6 Yini lebeyenta kungabi khona kuphepha esigodlweni saMswati labekasimise eDlomodlomo? Bhala ngemaphuzu LAMABILI. (2) 1.7 Ucabanga kutsi yini lebeyenta boNdlela, Fokotsi naSomcuba bamtsandze kangaka Sidvwala? Sekela ngemaphuzu LAMABILI. (2) 1.8 Somcuba utsi, 'Nangabe ubulala sihlahla usijuba timphandze bese siyafa awucali ngemagala. Emagala esihlahla ayatifela.' Fakazela lenkhulumo ubhekise etindvuneni taMswati. (2) 1.9 Yini lebekwenta Ndlela abukeke njengemlingisi lophatseka kabi nakelulekwa nguFokotsi kuletheksthi lengenhla? Sekela ngemaphuzu LAMABILI. (2) 1.10 Wena bewungenta njani nangabe unguMswati uhlaselwe bomnakenu? Sekela imphendvulo yakho. (2) 1.11 BomnakaboMswati babonakala bangaketsembeki. Vuma nobe uphikise ngekwesekela imphendvulo yakho ngemaphuzu LAMABILI. (2) 1.12 Mswati akevani netindvuna takhe. Sekela nobe uphikise lesitatimende. (3) 1.13 Sidvwala bekangulomunye walabahlela kuketula Mswati esikhundleni sebukhosi. Chaza kutsi kwaba yini siphetfo sakhe. (2) 1.14 Ngikuphi lokudida Mswati ngembiko lochamuka naKhambi naSicobolonjwane ngetindzaba letibuya kaMahamba? (2) 1.15 Bekuyini inhloso yaMswati yekwedlulela etintsabeni teMjindi? (2) 1.16 Sicobolonjwane bekayinhloli yaMswati letsembekile. Fakazela lenkhulumo ngemaphuzu LAMABILI. (2) 1.17 Mswati ungumlingisi losicaba. Sekela lombono. (2) 1.18 Ngikuphi lokwentiwa sive saMswati lokukhombisa kujabulela imphumelelo yakhe yekwakha tigodlo? Bhala KUTSATFU. (3) 1.19 Ngekubona kwakho aba yimphumelelo yini lamavi aSandlane latsi, 'Hhayi Mngayi asifune licebo lekuvimbela imphi lengaphakwa icondze kaMahamba'? Sekela imphendvulo yakho. (2) SAMBA SESIGABA A: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/Lweti 2016 NSC SIGABA B: UMDLALO UMBUTO 2: LAHLOMA LADVUMA – Z Motsa Fundza letheksthi bese uphendvula imibuto letawulandzela. ITHEKSTHI B KHETSIWE: Kungatsi awuyiva lentfo lengikhala ngayo. Angiphikisani netimiso tekubusa sive angilwi nebukhosi, cha! Ngikhala ngekutsi umuntfu angasabi nje nalelincane nje livana kuyo yonkhe lendzaba kantsi kwanaye udzingeke kangangayo yona le … VUSEMATFWA: Wo! Nembala ucabanga kutsi ng'cabhocabhozi' umdlalo 5 webantfwana lona! (Atsatse ludziwo anatse.) Kube lisiko belivuma kutsi ngulowo abeke livana lentsanjwana yakhe, ngabe bukhona bona lobuKhosi loku sikhuluma nje? (Asuke Khetsiwe atsi hlwi ludziwo ahambe nalo ayokumela bucalu.) Wentani? Uwasaphi emabel' ami? 10 KHETSIWE: Wena ucabanga kutsi wentani vele? Wanatsa njengesilwane semanti kwente njani? VUSEMATFWA: Ngiyadla, anginatsi. KHETSIWE: Pho khona nawudla ungate udlise kwenkhom' ilahlekile, Vusematfwa? 15 VUSEMATFWA: Kodvwa wena uyacala yini kungibona ngidl' emabele alabadzala? Bewuwasaphi-ke lapha nasengitakuba sinengiso ekuwadleni? KHETSIWE: (Abeka ludziwo phans' etinyawo takhe.) Ngichuba umsebenti wami. Wati kahle kutsi kulamalanga lendvulela siBhimbi kufute ngiphisele wena naNdvukutemphi ngininikete ngaloludziwo 20 lwesive. VUSEMATFWA: Pho yini busagcwele? Unatsile nje yena? KHETSIWE: Ngimkhandze angekho eMphelave ngase ngichubekela esiyalwini. VUSEMATFWA: Uyati selingitse liba lelo siko? Pho wangemuka emlonyeni ngisadla, utsi awu … 25 KHETSIWE: Ngiyabona ubuka ngeliso lemlalamvubu, awutiboni kahle tintfo wena Vusa. Sibhekene nemtfwalo lomatima kabi wekutsatsa buKhosi. Kepha wena ngatsi kawunendzaba nobe bungaya endlini yakaboNdvukutemphi, yingci nje nakunesiguca nelukhamba embikwakho, lakhile. 30 [Likhasi 9] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/Lweti 2016 NSC 2.1 Usho kutsini Khetsiwe nakatsi, 'Umuntfu angasabi nelivi lelincane,' nawufundza letheksthi? Khetsa YINYE imphendvulo. A Angasakhulumi lutfo. B Angasakhulumi kahle. C Angasakhulumi emaciniso. D Angasakhulumi nebafati. (1) 2.2 Kusho kutsini kutsi, 'wangemuka emlonyeni ngisadla', nawufundzisisa letheksthi? Khetsa YINYE imphendvulo. A Kumtsatsela asahamba. B Kumtsatsela asakhuluma. C Kumtsatsela asanatsa. D Kumtsatsela asadla. (1) 2.3 Lenkhulumo yaKhetsiwe letsi, 'Yingci nje nakunesiguca nelukhamba embikwakho, lakhile', imveta angumuntfu lonjani Vusematfwa? Khetsa YINYE imphendvulo. A Lotsandza inyama. B Lotsandza kulala. C Lotsandza tindzaba. D Lotsandza tjwala. (1) 2.4 Lesento saKhetsiwe sekutsatsela Vusematfwa ludziwo letjwala sikhombani? (1) 2.5 Bekuyini umsebenti weludziwo kulesicashunwa lesingenhla? (1) 2.6 Hlobo luni lweludvweshu lolutfolakala kulesicashunwa lesingenhla. Sekela imphendvulo yakho? (2) 2.7 Ngusiphi sizatfu lesenta inkhosi ivumele Tsembative ahambe naKhetsiwe? (2) 2.8 Bhala KUBILI lebekubangwa nguQedizizwe naNdvukutemphi kulomdlalo. (2) 2.9 Ngikuphi lokwenta Madzandza akhiphele Tsembative timfihlo tasebukhosini? Sekela ngemaphuzu LAMABILI. (2) 2.10 Bhala KUBILI lokusetjentiswe kulomdlalo lokusikhanyisela ngesikhatsi sakudzala. (2) 2.11 Bhala tintfo LETIMBILI letenta Khetsiwe akhatsateke ngaloku lokwentiwa nguVusematfwa kuletheksthi lengenhla. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/Lweti 2016 NSC 2.12 Ingcikitsi yalomdlalo iyahambisana nalokwenteka emdlalweni. Sekela lesitatimende. (2) 2.13 Bhala KUBILI lokwenteka endzaweni yaseMphelave kulomdlalo. (2) 2.14 Wena ucabanga kutsi umbhali bekacondze kusitjelani ngaTsembative naKhetsiwe kulomdlalo wonkhe? Bhala KUBILI. (2) 2.15 Bekuyini inhloso yekunatsisa Vusematfwa tjwala kulomdlalo? (2) 2.16 Catsanisa similo saKhetsiwe naMadzandza. (2) 2.17 Bhala KUBILI lovelana ngako naMadzandza. (2) 2.18 Ngabe loludvweshu lwacedvwa ngani kulomdlalo? (2) 2.19 Nguliphi liphutsa lelentiwa yiMbiba kulomdlalo? (2) 2.20 Tsembative utelwe wakhula angamati uyise lamtalako. Utsini umbono wakho ngalesento seMbiba? (2) SAMBA SESIGABA B: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/Lweti 2016 NSC SIGABA C: TINDZABA LETIMFISHA UMBUTO 3: LITSAMBO – EJ Mhlanga Phendvula YOMIBILI imibuto lebutwe ngetindzaba letimfisha. 3.1 'WANGENTA MAKHELWANE' – Martha F Mkhonza Fundza letheksthi lengentasi bese uphendvula imibuto letawulandzela. ITHEKSTHI C 'Lokwabonwa ngimi kwabonwa yinja ngenyeti, uyati ngiyavelelwa. Mine ngibuke kutsi Bonisile sekusele kancane acedze kufundza atewusebenta angiphumute kulenhlupheko lengibukene nayo, kantsi ngiyabhudza nje. Nango phela sewugugudlele, futsi nanyalo ungatsi uyangilaya nangumntfwana. Angati kutsi Mlangeni ngitawumbukelwa ngubani?' 5 Ukhuluma yedvwa nje LaZulu uhleti esitubhini kakhe, uphetse likomishi ngesandla. Besekakhohliwe nekutsi unatsa litiya nalo beselibandza mpo. Ulikhohlwa nje lomdzala udla ematsambo enhloko. LaZulu bekendze kaMlangeni, eMkhwakhweni eMatsulu. Ukhuluma yedvwa akatenti. Bonisile longemahlangano abo naMlangeni sewutetfwele. Besekusele umnyaka 10 munye nje vo aphotfule ticu takhe teB.A enyuvesi yaseQwaqwa. Ngekwesweleka kwemfundzate uyise wagcina avumile kumchuba etifundvweni takhe, kantsi wacala washaya phasi ngendvuku. Phela yena bekakholwela ekutseni intfombatana asikho sidzingo sekutsi ifundze ize igogodze, ngobe kwayo kupheka, iwashe, ilime iphindze itale bantfwana 15 lapho yendze khona. Noko kusebenta nebantfu eNgodvwane kwayitsambisa ingcondvo yakhe wakubona kubaluleka kwemfundvo kulabasikati. Yingako avuma kutsengisa tinkhomo kute kutfolakale imali yekuchuba Bonisile. Bekacabanga angacedzi nje LaZulu bekangatenti, bekacabangela lemali yaMlangeni 20 leseyimuke nemfula. Washikashikeka nemcabango LaZulu wagcina abone kutsi kuncono ayibite ayibute intfombi yakakhe, ngoba phela yena besekayifundze ivaliwe. Pho bekaneliso kulolo hlangotsi, umuntfu lotetfwele bekambona sisasuka nje phasi. [Likhasi 98] 3.1.1 Kusho kutsini kudla ematsambo enhloko? Khetsa YINYE imphendvulo. A Kukhala B Kukhuluma C Kugijima D Kucabanga (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/Lweti 2016 NSC 3.1.2 Ngabe LaZulu uluhlobo luni lwemlingisi? Khetsa YINYE imphendvulo. A Ungumkhweteli B Uyindilinga C Ungumlamuli D Usicaba (1) 3.1.3 Mlangeni bekatimisele kufundzisa Bonisile sikolo. Fakazela lamavi ngekucaphuna kuletheksthi lengenhla. (1) 3.1.4 Nika tindlela LETIMBILI tekuvikela kukhulelwa letishiwo nguLaZulu. (2) 3.1.5 Lesihloko lesitsi, 'Wangenta Makhelwane', siyahambelana yini nalendzatjana yonkhe? Sekela imphendvulo yakho. (2) 3.1.6 Similo saLaSiwela ngabe siyemukeleka yini emmangweni lesiphila kuwo? Sekela imphendvulo yakho. (2) 3.1.7 LaZulu abecondzeni ngalamavi kuBonisile, 'Tsatsa nayi imbita utsi goje Bobo nangabe utetfwele itawenta lomntfwana akhule kahle'? (2) 3.1.8 Bhala SINYE simiso sendzaba lemfisha, lesiphatselene nelinani lebalingisi ucondzise kulendzaba letsi, 'Wangenta Makhelwane'? (2) 3.1.9 Ngekwenkholelo yaMlangeni letfolakala kulendzatjana, emantfombatane akukafaneli afundze. Bhala KUTSATFU lebekungahlupha lamatfombatane kulesikhatsi salomuhla. (3) 3.1.10 Ngabe yini leyabangela LaZulu afune kukhipha Bonisile sisu? Bhala emaphuzu LAMABILI. (2) NA 3.2 'KUHLE KETFU!' – Amos D Mnisi Fundza letheksthi lengentasi bese uphendvula imibuto letawulandzela. ITHEKSTHI D NaMahlindza udle isudu yakhe lemnyama nelihembe lelimhlophe. Ulengise nemadzevu akati lomdzala. Nakahamba uhamba aze avule netandla. Ungafunga utsi kuhamba sifundziswa lesafundza sagogodza. Nemculo sewucalile kuvakala. Seticalile tinsimbi tebelumbi. Sewuva nje bohaleluya, sekusho bazalwane. Mahlindza uhambahamba lapha 5 ngaphandle. Watsi uphakamisa emehlo, wabona Lomavundvo labekadze atsandzana naye eminyakeni lengemashumi lamatsatfu leyengca. Behlukaniswa kutsi Lomavundvo atjele Mahlindza kutsi utiva angasiyedvwa. Wabe sewuyinyatsele emsileni njalo lapha kuMahlindza. Mahlindza wamdzacatela phasi kuhle kwemafinyela, wangena phasi. 10 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 12 DBE/Lweti 2016 NSC Titolomisi setingenile ngengoma yato. Nemkhwenyana kantsi sewungenile nadzadzewabo lomngenisako. Emnyango bekume makoti nemnakabo balindzele kutsi waMshengu acale ingoma bese bashaya sitebhu sabo bayangena. Wesuka Mahlindza wayewubingelela Lomavundvo labekadze asangenile 15 naye ahleti phasi. Wefika wahlala lapha eceleni kwakhe. 'Hawu! Kantsi nawe ufikile kulomshado? Uyati kube nasekufeni kunje!' Kusho Mahlindza atsi kumamatseka kancane. 'Yebo Mtfombeni ngimi lona kepha ngita nendzaba lebuhlungu. Ngicela uwumise lomshado ngobe phela loCynthia loshadako, ngulomntfwana lowangala ngitetfwele yena. Cha Magagula misa 20 lomshado, lihlazo phela leli!' Hawu! Kantsi ngebantfwabami bobabili? 'Kodvwa Lomavundvo kantsi wena wase umuphelani sibongo lesingesiso sakhe lomntfwana?' 'Akusingimi. Angitsi nawe wangishiya phasi kabuhlungu. Akusingimi kepha betenhlalakahle. Nalelikheli lengalibhalisa kutsi ngihlala khona ngase 25 ngiyasuka ngacoshwa lutfutfuva ngayowuhlala emikhukhwini …' Yasho yacala ingoma yesitebhu. Wangena Makoti nemnakabo angasemuhle nakadzeni. Bangena nje bashaya kancane. Wangena makoti kwalilitela talukati. [Likhasi 20–21] 3.2.1 Yini leyenta Lomavundvo ehlukane naMahlindza nawufundza letheksthi lengenhla? (1) 3.2.2 Kusho kutsini kutsi, Mahlindza udle isudu? Khetsa YINYE imphendvulo. A Ugcoke ticatfulo. B Ugcoke isudu. C Ugcoke imvunulo. D Ugcoke sigcoko. (1) 3.2.3 Lenkhulumo letsi, 'Ungafunga utsi kuhamba sifundziswa lesafundza sagogodza', ichazani kuletheksthi lengenhla? Khetsa YINYE imphendvulo. A Ufundze wahluleka. B Ufundze walahleka. C Ufundze wacedza. D Ufundze wayekela. (1) 3.2.4 Lendzaba lemfisha yenteka ngasiphi simonhlalo sesikhatsi? Sekela imphendvulo yakho. (2) 3.2.5 Wasitwa yini Lomavundvo kutsi atfole umntfwanakhe, Cynthia? (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 13 DBE/Lweti 2016 NSC 3.2.6 Ngekubona kwakho ngabe lomshado wachubeka yini? Sekela imphendvulo yakho. (2) 3.2.7 Ngabe Lomavundvo liyamfanela yini libito lakhe? Sekela imphendvulo yakho ubhekise endzabeni. (2) 3.2.8 Ucabanga kutsi yini leyenta Mahlindza angakhoni kukhuluma aphakamise tandla kuphela? (2) 3.2.9 Ngekubona kwakho bekufanele yini Mahlindza emise lomshado emva kwekutjelwa kutsi lomakoti ungubani? Sekela imphendvulo yakho. (2) 3.2.10 Kubi ngani kuteka dzadzewenu nobe kutekwa ngumfowenu? Bhala emaphuzu LAMABILI. (2) SAMBA SESIGABA C: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 14 DBE/Lweti 2016 NSC SIGABA D: TINKONDLO UMBUTO 4: LETFWESE – PT Jele, JJ Thwala Phendvula TOTIMBILI tinkondlo lekubutwe ngato. 4.1 Fundza lenkondlo lelandzelako bese uphendvula imibuto letawulandzela. Intsambo – BS Khanyile 1 Ngayiluk' intsambo yaluleka, 2 Ngayiluk' emajah' abukile, 3 Ngaliluka ligodza lucobo, 4 Ngalibuka ngingenawutfwala ngalo. 5 Ngililuke ngilitsatsa kubabe, 6 Lowaliluka ngale! 7 Lugojagoja lolweca luthaka, 8 Lwefika emincozini yaMatsambo. 9 Ngayiphotsa yafohl' emahlatsini, 10 Umtongontongo loweca tiganga, 11 Ngayiphotsa yashay' eMangweni. 12 Yagocana yamgiga Mtjali. 13 Ngayichuba ngiyiluka futsi, 14 Ngayiluka ngiyenyusa nelihlandze, 15 Ngaze ngayenya kuw' uMgwenya, 16 Ngayenta yaphindzana kwemamba. 17 Lalela ngikutekele phela, 18 Ngayigodza yehla neLukhahlamba, 19 Phasi ... phasi ... ngiyiphetse, 20 Budze bayiwela iNciba. 21 Ngayilula ngigigeletela temaChosa, 22 Akhamisa koma imilomo, 23 Ingasiyo yekuboph' imiyaba, 24 Kepha yelikusasa lami. 25 Umcali wayo ngubabe, 26 Umtukulu wamaBalengwe 27 Umsa waSijoli, 28 Wayishiy' etandleni tami. [Likhasi 18–19] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 15 DBE/Lweti 2016 NSC 4.1.1 Yini lentsambo labhale ngayo sonkondlo? Khetsa YINYE imphendvulo. A Injabulo B Imfundvo C Inhlonipho D Inhlupheko (1) 4.1.2 Bhala luhlobo lwemvumelwano lolutfolakala emgceni we-25 kuya kuwe-27. Khetsa YINYE imphendvulo. A Imvumelwanomaphakatsi B Imvumelwanosigcino C Imvumelwanosicalo D Imvumelwanomkhatsini (1) 4.1.3 Shano luhlobo lwebunkondlo lobudalwa ngulamagama ladvwetjelwe kulemigca lelandzelako: 'Ngayiluk' intsambo yaluleka, Ngayiluk' emajah'abukile' Khetsa YINYE imphendvulo. A Luchumanosicalo B Luchumanosigcino C Luchumanosiphambano D Luchumanomkhatsini (1) 4.1.4 Sinongo sini senkhulumo lesitfolakala kuleligama lelidvwetjelwe kulomugca longentasi? Ngayenta yaphindzana kwemamba. (1) 4.1.5 Bhala kutsi yini leyenta sonkondlo afake loluphawu loludvwetjelwe kulomugca longentasi. 'Lowaliluka ngale!' (1) 4.1.6 Bekasho kutsini sonkondlo ngalomugca lolandzelako? 'Ngayiluk' intsambo yaluleka' (1) 4.1.7 Chaza kutsi lenkondlo ikhuluma ngani ngalokujulile. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 16 DBE/Lweti 2016 NSC 4.1.8 Bhala ngesakhiwo salemigca yenkondlo lengentasi. Bhekisa imphendvulo yakho emagameni alemigca. 'Ngililuke ngilitsatsa kubabe, Lowaliluka ngale!' (2) 4.1.9 Sonkondlo utsi, 'lentsambo wayeluka wayiphosa etindzaweni letehlukene, usho kutsini ngaloko'? Bhala emaphuzu LAMABILI. (3) 4.1.10 Ucondze kusitjelani sonkondlo ngalomugca longentasi? Sekela imphendvulo yakho. 'Umcali wayo ngubabe' (2) 4.1.11 Ucabanga kutsi sonkondlo ulisebentise kahle yini leligama lelitsi, 'yelikusasa', endzimeni ye-6 kulenkondlo? Sekela imphendvulo yakho. (2) NA 4.2 Fundza lenkondlo lengentasi bese uphendvula imibuto letawulandzela. Ngitawuphapha – AT Fakudze 1 Ungibona nginje ntsangayetfu, 2 Angipheleli khona laph' etaleni, 3 Wen' ulaliswa ngulelibala lami, 4 Bes' ungicabangela khona ' etaleni, 5 Lemicatsane yetinwele tam' iyakusitsa, 6 Yent' ungangiboni kahle, 7 Yingak' ungangati kahle, 8 Mine ngise nguye wa-Adam, 9 Mine ngise nguye wa-Eva, 10 Yam' imiva injengeyaJobe, 11 Ngitakwenta kunye vo, 12 Ngitakwenta kudzele tibukeli, 13 Ngitawuphapha. [Likhasi 32] 4.2.1 Bhala simo labekakuso sonkondlo nakabhala lenkondlo. Khetsa YINYE imphendvulo. A Simo sekucasuka. B Simo sekudvumisa. C Simo sekubabata. D Simo sekuhalalisa. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 17 DBE/Lweti 2016 NSC 4.2.2 Khokha ligama lelisetjentiswe enkondlweni lelisho kuchubekela embili. (1) 4.2.3 Lichazani leligama lelidvwetjelwe kulomugca longentasi? 'Ngitakwenta kunye vo' Khetsa YINYE imphendvulo. A Intfo yinye kuphela. B Intfo lebonakala kanye. C Intfo lehamba ngayinye. D Intfo leyentiwa kanye. (1) 4.2.4 Usho kutsini sonkondlo ngalomugca longentasi? Bhala emaphuzu LAMABILI. 'Angipheleli khona lapha' etaleni.' (2) 4.2.5 Hlobo luni lwenkondlo lengenhla? (1) 4.2.6 Ngabe kulommango lesihlala kuwo kuyenteka yini loko lokushiwo ngusonkondlo? Bhala liphuzu LINYE. (1) 4.2.7 Sonkondlo ngabe ukhuluma nemuntfu longanani kuye nawufundzisisa lomugca? Sekela imphendvulo yakho. 'Ungibona nginje ntsangayetfu' (2) 4.2.8 Bunkondlo buni lobutfolakala kulamagama ladvwetjelwe kulemigca lelandzelako? 'Yent' ungangiboni kahle, Yingak' ungangati kahle' (1) 4.2.9 Chaza lomugca kutsi usho kutsini: Bhala ngemaphuzu LAMABILI. 'Ngitakwenta kudzele tibukeli' (2) 4.2.10 Ngekubona kwakho yini sonkondlo asebentise lomugca lotsi, 'Yam' imiva injengeyaJobe'? Sekela imphendvulo yakho. (2) 4.2.11 Bhala lokushiwo ngumugca we-8 na-9 kulenkondlo lengenhla. (2) 4.2.12 Bhala KUBILI lokusetjentiswe enkondlweni lokwenta sonkondlo bamedzelele. (2) SAMBA SESIGABA D: 35 SAMBA SAKO KONKHE: 70 Emalungelo agodliwe