siSwati FAL Grade 12 Paper 1 NSC June 2016 Question Paper

Downloaded from hlayiso.com GRAAD 12 SENIOR CERTIFICATE EXAMINATIONS SISWATI LULWIMI LWEKUCALA LWEKWENGETA (FAL) LIPHEPHA LEKUCALA (P1) 2016 EMAMAKI: 80 SIKHATSI: Ema-awa 2 Leliphepha linemakhasi la-14. Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 2 DBE/2016 SCE TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Luhlelo nekusetjentiswa kwelulwimi (40) 2. Phendvula YONKHE imibuto ngeSiswati. 3. Cala LESO NALESO sigaba ekhasini LELISHA. 4. Dvwebela ekugcineni kwaleso NALESO sigaba. 5. Tinombolo tetimphendvulo atihambisane naleto letisephepheni lemibuto njengobe tinjalo. 6. Shiya umugca emkhatsini wetimphendvulo takho. 7. Caphelisisa sipelingi/lupelomagama nendlela lewakha ngayo imisho. 8. Kwehlukaniswa kwesikhatsi: SIGABA A: Emaminithi 50 SIGABA B: Emaminithi 30 SIGABA C: Emaminithi 40 9. Bhala ngebunono nangesandla lesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 3 DBE/2016 SCE SIGABA A: SIVISISO UMBUTO 1 1.1 Fundza letheksthi lelandzelako bese uphendvula imibuto letawulandzela. ITHEKSTHI A KUKLONYELISWA KWAMDZELWA 1 Umuti wakaMvundla bewakhiwe edvute nemfudlana iNkhololo edvute nelibhuloho. Umuntfu lobekadlula kulelibhuloho bekatsi nakaphosa emehlo abone lusizi lodvwa nangabe awubuka ngobe bewungatsi yindlu yatsekwane kumbe kutalela tinyoni. KaMvundla bekuhlala mkhulu Mvundla nemntfwanakhe wemfana, Mdzelwa. Banyenti lebebatsi nabendlula 5 kulelibhuloho bakhombane ngalomuti, kushe luhleko basho nekutsi mhlazana kuyewugcwala lomfudlana emanti atawemuka nabo. Labanye bebawuhawukela lomuti. Mdzelwa abengumfana lokhutsele. Bekasebenta enkampanini lebeyenta tingubo tangalapha eBuhleni, kepha lomsebenti abengawutsandzi ngobe abesebenta ahleli phasi sikhatsi lesidze. 10 Lebekakutsandza kakhulu bekukubukana nemlilo nobe usha uvutsa emalangabi langakanani. 2 NgaLesihlanu sikhungo seticishamlilo Kabhokweni sacecesha bantfu labasha labangemashumi lamatsatfu nemfica njengeticishamlilo. Mdzelwa naye bekayincenye yalabaceceshiwe esiteshini Kabhokweni. Bandile Khabako 15 imeya yendzawo wakhuluma emcimbini lohleliwe watsi: 'Namuhla setfula licembu lelisha leticishamlilo, loku kutawutfutfukisa kuphepha edolobheni nasemakhaya.' Kulelicembu laboMdzelwa bekunesibalo salabasikati labasitfupha. 'Bengisolo ngifisa kwenta umsebenti lotanginyakatisa ngingahlali phasi sikhatsi lesidze,' kusho Mdzelwa. 20 3 Akuphelanga malanga mangaki bacalile kusebenta boMdzelwa, kwatseleka indvodza itewubika kwekutsi dzadzewabo uvaleleke ebhilidini lelishako. Kulaba labasebenta naboMdzelwa kute namunye lowayinaka lendvodza. Lombiko walendvodza wamtsintsa emoyeni Mdzelwa wakhumbula kutsi umsebenti wakhe kutsi aphephise timphilo tebantfu. Kwefika kuye kutsi 25 lincane litfuba lekusindzisa lowo muntfu. Watsatsa imishini yakhe yekuphefumula entfutfwini, wagcoka tingubo takhe tekuvikela emalangabi, wabamba indlela. Nguye loya angena endlini lenelilangabi lelibovu lemlilo, entasi intfutfu itse nkhu akubonakali lutfo. Kumnyama khwishi! Mdzelwa uyaphutsata ngetandla wetama kutfola lolomsikati lekutsiwa usekhatsi. 30 Ngemusa weNkhosi wamtfola alele phasi, wambamba wamdvonsela ngaphandle. Kwamangala linyenti lebantfu lebelime khashane litfwele tandla enhloko lekhuta umhlolo. Belingasekho litsemba lekutsi kwanaye Mdzelwa utawuphuma kulamalangabi. Mdzelwa waphuma angakashi ngisho nakancane. 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 4 DBE/2016 SCE 4 Luphahla lwendlu lwaselunyakata selufuna kuwa. Wakhwesha nalona lomsikati lobekangasaphefumuli kahle, wetama kumsita kwekutsi aphefumule ngendlela ye-CPR kwate kwefika i-ambulensi. Belusito lwekucala bona bamtsatsa bamfaka imishini ye-oksijini bahamba naye bamphefumulisa bamphutfumisa esibhedlela. 40 5 Emuva kwemalanga lamabili elashwa esibhedlela saseMbhuleni bodokotela babona kuncono adluliselwe esibhedlela lesikhulu saseJozi, iBharagwane ngobe bekashe kakhulu nentfutfu seyimlimate ngekhatsi emtimbeni. Welashwa khona inyanga yonkhe, elashwa bodokotela labasezingeni lelisetulu bakuleli laseNingizimu Afrika wate welulama. Ngendlela abeshe 45 ngayo, abengasakwati kutihambela ngetinyawo takhe. Kwatsi nakufika lusuku lwekubuyela emuva ekhaya, bodokotela bamnika incola yekuhamba. Wabuya sekahamba ngayo. Sibindzi saMdzelwa samangalisa bantfu bakuleyo ndzawo. Umnakabolomuntfu lomsikati lowasha, wabonga Mdzelwa kutsi lokungenani ukwatile kumkhipha emlilweni bakwati nekutibonela yena 50 asesibhedlela nanobe sekabuyile ekhaya. 6 Imeya yelidolobha isandza kumklomelisa Mdzelwa ngemedali yekuba nesibindzi nekutinikela lokungaka ngekuhlenga imphilo yalomunye umuntfu. Lomklomelo lawunikiwe usezingeni lelisetulu. Uvamise kutfolwa bantfu labangemachawe labasuke bente lokungaketayeleki, bantfu labente ngetulu 55 kwaloko labacashelwa kona. Ngetulu kwaloko wanikwa nesitifiketi sekumdvumisa ngesento sakhe asandza kuceceshwa. Sento sakhe satiwa naticishamlilo taseNgilandi. Phela loko kwabangwa kutsi labodokotela basesibhedlela saseBharagwane bafune kwati kutsi ngubani lowahlenga lona lomsikati kulelibhilidi. Timfamona letacala naye kusebenta atisambuki 60 ngemehlo lamahle. Manyenti emagama lesekabitwa ngawo lapha emsebentini. [Itsetfwe ephephandzabeni Lilanga laseNatali lamhla ti-23 iNhlaba, Likhasi 30, 2013] 1.1.1 Khetsa YINYE imphendvulo. Bangaki bantfu labadvuna labaceceshwa kulelicembu leticishamlilo? Bhekisa imphendvulo yakho etheksthini lengenhla. A Bangemashumi lamatsatfu nakutsatfu. B Bangemashumi lamatsatfu nemfica. C Bangemashumi lamatsatfu nakubili. D Bangemashumi lamatsatfu nakunye. (1) 1.1.2 Bhala indzawo lapho umuti wakaMvundla bewakhiwe khona? (1) 1.1.3 Nika sizatfu lesenta kutsi umuti wakaboMdzelwa bantfu bawuhleke? Bhekisa imphendvulo yakho kuletheksthi lengenhla. (1) 1.1.4 Lomklomelo lowatfolwa nguMdzelwa uvame kutfolwa bantfu labanjani? (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 5 DBE/2016 SCE 1.1.5 Kuceceshwa kwalaba beticishamlilo bekutawuletsa luphi lusito emmangweni? (2) 1.1.6 Yini leyafike yentiwa belusito lwekucala? Bhala KUBILI. (2) 1.1.7 Ucabanga kutsi yini leyabangela lona lomsikati kutsi ayiswe esibhedlela saseBharagwane? (2) 1.1.8 Bhala tintfo LETIMBILI Mdzelwa lanikwa tona yimeya emva kwekuhlenga lona lomsikati. (2) 1.1.9 Bhala MIBILI imisebenti lebeyisetjentwa nguMdzelwa lebalwe kuletheksthi lengenhla. (2) 1.1.10 Ngekubona kwakho yini leyabangela kutsi lendvodza lebeyitewucela lusito inganakwa ngulaba labacisha umlilo? (2) 1.1.11 Bhala tintfo LETIMBILI letasetjentiswa nguMdzelwa kusindzisa lolomsikati letikuletheksthi lengenhla. (2) 1.1.12 Kungumbono nobe kuliciniso yini kutsi nangabe ukhule uhlupheka ugcina sewuphila kahle? Sekela imphendvulo yakho. (2) 1.1.13 Kube bekunguwe Mdzelwa bewungatinikela yini kulelibhilidi lebelisha ngalendlela, nawufundza letheksthi lengenhla? (2) 1.1.14 Ngusiphi sifundvo lositfola nangabe ufundza letheksthi lengenhla? Sekela imphendvulo yakho. (2) 1.2 Fundzisisa lesibonwa bese uphendvula imibuto letawulandzela. ITHEKSTHI B [Itsetfwe kuMove, 2 Inkhwekhweti 2012] Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 6 DBE/2016 SCE 1.2.1 Khetsa imphendvulo yakho. Shano ingoti lengahle ivelele lomntfwana losesitfombeni lesingenhla. A Ingoti yekudvonswa yindvwangu. B Ingoti yekushiswa litiya. C Ingoti yekuwiswa litafula. D Ingoti yekuwiswa liwashi. (1) 1.2.2 Lelitiya lelinatfwa lapha kulesibonwa langasiphi sikhatsi? (1) 1.2.3 Kukhona lokungafani kulabomake lababili? Nika KUBILI kwaloko. (2) 1.2.4 Nika KUBILI lokungekho etafuleni kantsi kutidzingo nangabe kunatfwa litiya. (2) SAMBA SESIGABA A: 30 Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 7 DBE/2016 SCE SIGABA B: SIFINYETO UMBUTO 2 Fundza letheksthi lelandzelako bese ubhala tintfo letisikhombisa letimayelana nemasu ekufundzela kuphasa. TICONDZISO 1. Bhala emaphuzu LASIKHOMBISA ngemisho legcwele ngemagama LANGENGCI kula-60. 2. Imisho yakho ayibe netinombolo kusuka ku-1 kuya ku-7. 3. Bhala liphuzu LINYE emshweni ngamunye. 4 Sebentisa emagama AKHO. 5. Khombisa linani lemagama lowasebentisile ekugcineni kwesifinyeto uwafake kubakaki. ITHEKSTHI C EMASU EKUFUNDZELA KUPHASA Manyenti emasu lasebentako ekufundza nekutadisha kute umuntfu aphumelele etifundvweni takhe. Nankha-ke lamanye emasu lesingawasebentisa kute siphumelele etifundvweni tetfu. Tetayete kutsi ubukane netincwadzi ngesikhatsi lesifanako malanga onkhe. Nangabe kufanele kutsi ucale kufundza ngensimbi yesitfupha ntsambama, zama kukwenta loko tinsuku tonkhe. Kubalulekile kuba ngumuntfu lotekhutako ngaso sonkhe sikhatsi. Nangabe ufundza, tekhute ekusebentiseni makhalekhikhini, ngobe uyaphazamisa nangabe utadisha. Kungaba ncono kutsi uwuvale kunekutsi ukhulumisane nebangani bakho ucitse sikhatsi sakho ngekucoca ngema-WhatsApp kunekutsi ubukane netifundvo takho. Caphela bangani lababi labetele kutsi nitewucoca ngetintfo letinyenti letingakaphatselani nekufundza, lokufana nekucoca ngetintfombi letinhle, bafana lababukekako, bantfwana labampofu, labangagcoki kahle nangekucoca ngabothishela labasebentako kodvwa bangenayo imali. Fundza kakhulu leto tifundvo letikunika bumatima. Fundza letifundvo onkhe malanga uphindze wente nemanotsi. Ungasebentisa emaphepha eminyaka leyedlulile. Titfolele indzawo lete umsindvo, lepholile longete waphazamiseka kuyo. Esikhatsini lesinyenti akufundzeki endzaweni lenebantfu labanyenti. Loko kwenta kutsi wetayele kufundza uwedvwa ngobe nasekupheleni kwemnyaka utawubhala uwedvwa. Nangabe ufundza uwedvwa uba nelitfuba lekufundza uphimisele ungesabi lutfo kutsi kukhona bantfu labatakuhleka. Kubalulekile kubhala phasi konkhe lokufundzako ngendlela lefinyetiwe ngobe nangesikhatsi sekuhlolwa kuyawudzingeka kutsi imibuto yakho uyiphendvule ngekuyibhala phasi. Ngaso sonkhe sikhatsi hlala unelipeni neliphepha lekubhalela. Nangabe kukhona imibuto lemayelana naleso sifundvo lobukene naso yibhale phasi netimphendvulo takhona. Loku kutakusita ubone kutsi ume kuphi ngobe ungachubeka utsi uyafundza kantsi uyatikhohlisa. Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 8 DBE/2016 SCE Cala kufundza kusenesikhatsi, loko kutawenta kutsi ungahlali busuku bonkhe ufundza. Khumbula kutsi umtimba uyakudzinga kuphumula ngembikwekuyewubhala luhlolo. Kuyakusita kutsi ukhone kubuta bothishela imibuto longayivisisi kahle kusenesikhatsi, ungatitfoli sewubuta umuntfu longati lutfo lenihamba indlela yinye naye. Nangabe utawulandzela letindlela letingenhla, tingakusita kutsi uphumelele ngemalengiso, kodvwa konkhe loku kuya ngekutimisela. Khumbula, kubamba letingelako. [Itsetfwe ephephandzabeni, iLanga lamhla ti-15 Inyoni Likhasi 12, 2015] SAMBA SESIGABA B: 10 Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 9 DBE/2016 SCE SIGABA C: LUHLELO NEKUSETJENTISWA KWELULWIMI UMBUTO 3: SIKHANGISI Fundza lesikhangisi lesingentasi bese uphendvula imibuto letawulandzela. ITHEKSTHI D GEZA EMATINYO NGEMIKHICITO YAKA- COLGATE I-Colgate yenta umlomo unukelele kahle. Inekhalisiyamu lecinisa ematinyo. Yenta ematinyo angaboli. Ngiyo kuphela leyenta bantfwana bahlale bajabulile. [Itsetfwe ephephabhukwini, i-Drum Magazine lamhla ti-24 Mabasa 2013] 3.1 Sitsini sihloko salesikhangisi? (1) 3.2 Bhala mcondvofana waleligama lelidvwetjelwe kulomusho longentansi. Bhala imphendvulo kuphela. 'I-COLGATE yenta bantfwana bahlale bajabulile.' (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 10 DBE/2016 SCE 3.3 Khetsa YINYE imphendvulo. Shano kutsi letinhlavu letidvwetjelwe kulomusho longentasi tikuyiphi imphambosi yesento? 'I-COLGATE inekhalisiyamu lecinisa ematinyo: A Imphambosi yekwentela. B Imphambosi yekwenteka. C Imphambosi yekwentisisa. D Imphambosi yekwentisa. (1) 3.4 Nguyiphi inkhulumo lehhungako kulesikhangisi lesingenhla? (1) 3.5 Nguyiphi inkhulumo letsatsa luhlangotsi kulesikhangisi lesingenhla? Usho ngani? (2) 3.6 Bhala KUBILI lokukulesikhangisi lokungenta batsengi batsenge imikhicito yaka-COLGATE? (2) 3.7 Lokhangisako usebentise liphi lisu lekudvonsa batsengi labasekudzeni nesikhangisi? (2) [10] UMBUTO 4: IKHATHUNI Fundza lekhathuni bese uphendvula imibuto letawulandzela. ITHEKSTHI E IFREYIMU 1 Babe, sitfole likhadi, basimema emshadweni wakamakhelwane. Asingancishi emehlo kudla kwawo. IFREYIMU 2 Eyi! Asiye Nkhosikati, kodvwa bomakhelwane bona abayihambeli imicimbi yalapha ekhaya, sibindzi sabo ngiyasesaba. Ungangitjeli kutsi sitsenge sipho lesidulile. Sesiyela kutsi singeva ngemahemuhemu. [Itsetfwe kuwww.cartoons.org.za] Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 11 DBE/2016 SCE 4.1 Sebentisa libitomfakela lelikulekhathuni emshweni. Lidvwebele. (1) 4.2 Khetsa YINYE imphendvulo. Shano kutsi lesisho lesidvwetjelwe EFREYIMINI YE-2 sisho kutsini. A Kuva bantfu batihhemela. B Kuva bantfu batihlekela. C Kuva bantfu baticocela. D Kuva bantfu bamemeta. (1) 4.3 Bhala mcondvophika waleligama lelidvwetjelwe kulomusho longentasi. 'Ungangitjeli kutsi sitsenge sipho lesidulile.' (1) 4.4 Lungisa leligama lelikubakaki libe Siswati lesemukelekile. 'Bomakhelwane bona abayi (emicimbi) yalapha ekhaya.' (1) 4.5 Tsatsa lesabito selucobo lesidvwetjelwe kulomusho longentasi bese usisebentisa emshweni sibe yinhloko yemusho. 'Bomakhelwane bona abayihambeli imicimbi.' (2) 4.6 Bhala lomusho longentasi uvete bunyenti. 'Asitsenge sipho lesidulile.' (2) 4.7 Tsatsa leligama lelidvwetjelwe kulomusho longetasi uvete umcondvo lowehlukile kunalowo lokuletheksthi. sibindzi sabo ngiyasesaba. (2) [10] UMBUTO 5: IPHROZI 5.1 Fundza letheksthi lelandzelako bese uphendvula imibuto letawulandzela. ITHEKSTHI F EMANTI AYIMPHILO Live laseNingizimu Afrika alinawo emanti ngalokwanele. Linani lebantfu lisesengemamiliyoni la 43 kantsi linyenti labo aliwatfoli emanti ngalokwanele. Tidzingo temanti tihlala tikhule njalo kantsi lamanye emanti aphephuka nemoya. Konkhe loku kubanga tinkinga temanti eveni lakitsi. Umuntfu angatibuta kutsi ngabe bantfu bayabona yini kutsi inkinga yemanti ingakanani eveni lakitsi. Bayatihlupha yini ngekutsatsa tinyatselo tekonga emanti? Bayawayekela emanti aphume agelete agcwale umgwaco. Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 12 DBE/2016 SCE Ngumsebenti wetfu sonkhe kutsi sitsatse sincumo sekunakekela emanti etimeni lesititfola sikuto njengasemakhaya, emisebentini nasemimangweni lesihlala kuwo. Kungumsebenti wetfu kutsi sinakekele emanti kute sibalekele inkinga yawo esikhatsini lesitako. Umuntfu lotawutfolakala asebentisa emanti kabi akajeziswe. Akube ngumsebenti wenu nonkhe kutsi nitfole tindlela tekonga emanti njengobe ayintfo lebalulekile'. Kusho sodolobha. Kumele sinakekele simo lesinjengasemakhaya sekuswelalakala kwemanti. [Itsetfwe kuVulemehlo Libanga-8 Likhasi 97–98.] 5.1.1 Lungisa lomusho lolandzelako ngekufaka luphawu lolufanele. Linani lebantfu lisesengemamiliyoni la 43. (1) 5.1.2 Sinongo sini senkhulumo lesidvwetjelwe kulomusho longentasi? Kumele sinakekele simo lesinjengasemakhaya. (1) 5.1.3 Khokha sandziso sesimo kulomusho longentasi. 'Umuntfu lotawutfolakala asebentisa emanti kabi akajeziswe.' (1) 5.1.4 Nciphisa leligama lelidvwetjelwe kulomusho longentasi. 'Bantfu bayabona yini kutsi inkinga yemanti ingakanani eveni lakubo?' (1) 5.1.5 Bhala lemisho lelandzelako ulungise emagama lafakwe kubakaki. (a) Sive sakitsi (-tsandza) konga emanti. (1) (b) Bantfu labasebentisa emanti kabi (-jeziswa) nguhulumende. (1) 5.1.6 Shano kutsi lemisho lelandzelako icuketse tiphi tindlela tesento. (a) Tidzingo temanti tikhula njalo. (1) (b) Bayawayekela emanti aphume, agelete agcwale umgwaco. (1) 5.1.7 Kulomusho longentasi kusetjentiswe ligama lelidvwetjelwe, takhele umusho wakho ngalo. 'Konkhe loku kubanga tinkinga temanti eveni lakitsi.' (2) 5.1.8 Bhala lomusho lolandzelako ube sesikhatsini lesengca, ngekulandzela emagama ladvwetjelwe. 'Umuntfu lotawutfolakala asebentisa emanti kabi utawujeziswa.' (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 13 DBE/2016 SCE 5.1.9 Cala lomusho lolandzelako ngekutsi, Sodolobha utsi ... 'Akube ngumsebenti wenu kutsi nonge emanti.' (2) 5.2 SITFOMBE Fundza lesibonwa lesilandzelako bese uphendvula imibuto letawulandzela. ITHEKSTHI G IFREYIMU 1 IFREYIMU 2 Sipho, lamuhla uyagula nebakitsi. Ngiyile kadokotela banginike umutsi. IFREYIMU 3 IFREYIMU 4 IFREYIMU 5 Ubodla titselo kute ungaguli. Kulungile Yebo Sipho, Duma Geza tandla Sipho ucinisile. takho ngaso utawuphila. sonkhe sikhatsi. [Itsetfwe kuBona Indlovana 2015, Likhasi 12] 5.2.1 Khetsa YINYE indlela yekufinyeta leligama lelitsi: 'dokotela' lelisetjentiswe EFREYIMINI YE-2. A dkt. B dKt. C DKT. D Dkt. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lekwengeta (FAL)/P1 14 DBE/2016 SCE 5.2.2 Khokha buniyo lobusetjentiswe EFREYIMINI YE-5. (1) 5.2.3 Khipha ligama lelikhombisa luvelo lelitfolakala EFREYIMINI YE-1. (1) 5.2.4 Bhala ligama lelikhomba kuvuma EFREYIMINI YE-4. (1) 5.2.5 Bhala MABILI emagama latibonelo tetitselo. (2) [20] SAMBA SESIGABA C: 40 SAMBA SAKO KONKHE: 80 Emalungelo agodliwe