Downloaded from hlayiso.com
SENIOR CERTIFICATE EXAMINATIONS/
NATIONAL SENIOR CERTIFICATE EXAMINATIONS
SISWATI LULWIMI LWEKUCALA LWEKWENGETA (FAL)
LIPHEPHA LEKUCALA (P1)
2021
EMAMAKI: 80
SIKHATSI: Ema-awa
Leliphepha linemakhasi la-11.
Emalungelo agodliwe Phenya
Skip to contentAll 2021 papers 





View all





siSwati FAL Grade 12 Paper 1 NSC June 2021 Question Paper
Grade 12 siSwati FAL Paper 1 question paper from the NSC June Exam 2021, 11 pages. Read online or get the free PDF download, memo linked when available.
Siswati Fal · Grade 12 · NSC June Exam · 2021 · siswati. Question paper, 11 pages. Read online or download the PDF.
- Subject
- siSwati FAL
- Grade
- Grade 12
- Language
- Siswati
- Document type
- Question paper
- Year
- 2021
- Exam period
- NSC June Exam
- Paper
- 1
- Curriculum
- CAPS
- Pages
- 11
- File size
- 416.9 KB
Free to read online, no sign-up needed
Loading document…
Loading document…
1 of 11
This exam
NSC June Exam 2021
- Paper 1Question paperMemo
- Paper 3Question paperMemo
Questions in this paper
- Question 1.1Kulalela nekukhuluma (Listening and Speaking)24 marks
- Question 1.2Kulalela nekukhuluma (Listening and Speaking)6 marks
- Question 3Tinhlaka nemitsetfo yelulwimi (Language Structures and Conventions)10 marks
- Question 4Tinhlaka nemitsetfo yelulwimi (Language Structures and Conventions)10 marks
- Question 5.1Tinhlaka nemitsetfo yelulwimi (Language Structures and Conventions)14 marks
- Question 5.2Tinhlaka nemitsetfo yelulwimi (Language Structures and Conventions)26 marks
Document textSearch extracted text and jump to a page.
Downloaded from hlayiso.com
Siswati Lulwimi Lwekucala Lwekwengeta (FAL)/P1 2 DBE/2021
SC/NSC
TICONDZISO KULABAHLOLWAKO
1. Leliphepha lehlukaniswe TIGABA LETINTSATFU:
SIGABA A: Sivisiso (30)
SIGABA B: Sifinyeto (10)
SIGABA C: Takhi netimiso tekusetjentiswa kwelulwimi (40)
2. Phendvula YONKHE imibuto ngeSiswati.
3. Cala LESO NALESO SIGABA ekhasini LELISHA.
4. Dvwebela ekugcineni KWALESO NALESO sigaba.
5. Tinombolo tetimphendvulo atihambisane naleto letisephepheni lemibuto
njengobe tinjalo.
6. Shiya umugca emkhatsini wetimphendvulo takho.
7. Caphelisisa sipelingi/lupelomagama nendlela lewakha ngayo imisho.
8. Kwehlukaniswa kwesikhatsi:
SIGABA A: Emaminithi 50
SIGABA B: Emaminithi 20
SIGABA C: Emaminithi 50
9. Bhala ngebunono nangesandla lesifundzekako.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 3 DBE/2021
SC/NSC
SIGABA A: SIVISISO
UMBUTO 1
1.1 Fundza letheksthi bese uphendvula imibuto lelandzelako.
ITHEKSTHI A
TEKUVAKASHA ENINGIZIMU AFRIKA
1 INingizimu Afrika ilive lelitsandvwa kuvakashelwa tivakashi letichamuka
emaveni lahlukahlukene. Phela iNingizimu Afrika kufanele yenyuse lizinga
letekuvakasha lihambisane ne-Proudly South African Campaign. Sicubulo
seSatour seTekuvakasha senyanga yeNyoni sitsi 'Tekuvakasha
tingumsebenti wetfu sonkhe. Asidlaleni indzima yetfu'. Lesi bekusicubulo 5
lebesishisa tikhotsa kulomgubho we-World Tourism Day lebewubanjwe
lapha edvute ne-Sun City eNorth West. Lendzawo lebewubanjelwe kuyo
lomgubho ePilanesberg ibitwa ngekutsi iBakgatla Gate leseMoleto. Loku
ngeSitswana kusho umgubho. Lendzawo ingasemahlatsini lamahle
naladvonsa emehlo. Lomgubho udvonse bantfu labanyenti labavela 10
etindzaweni letahlukahlukene. Loku kufaka ekhatsi tikhulu letifana
nendvuna yeTekuvakasha, inhloko ye-South Africa Tourism (Satour) tour
operators, bafundzi nebantfu labadzala. Enkhulumeni yakhe
Ndvunankhulu wase North West lefundvwe egameni lakhe, utsite:
'Angeke silindzele kutsi tivakashi takulamanye emave tibabate buhle 15
bendzawo yakitsi sibe singabuboni lobo buhle baseNingizimu Afrika.'
2 Indvuna yeTekuvakasha ichubeke yatsi: 'Etinyangeni letine tekucala
kwemnyaka, linani letivakashi letibuya ngaphandle lenyuke
ngemaphesenti langu-7.5. Kulawo maphesenti, langu-20 etivakashi
letibuya eNgilandi kantsi langu-19 wawo tivakashi letibuya eJalimane. 20
Loku kwenta iNingizimu Afrika ibe likhaya letivakashi lelisembili
emhlabeni,' kusho indvuna. Hulumende utfola letibalo ngekusebentisa
iSatour lekungiyo lekhangisa lelive lakitsi njengendzawo lenhle
yekuvakashelwa. Indvuna ichube yatsi tifundza i-Gauteng, Western Cape
neKwaZulu-Natal nato tingemakhaya etivakashi. 25
3 IMpumalanga ingulenye yemaphrovinsi latiwako ngetekuvakasha. Phela
iMpumalanga inendzawo lenhle lebonakalisa emandla eMdali lebitwa
ngekutsi yi-God's Window. Iphindze ibenetintsaba letakheke taba
kwangatsi tindlu tesintfu letifulelwe ngetjani letibitwa nge-Drie Rondavels,
timphophoma kanye nesiciwi lesikhulu lesibitwa ngeKruger National Park. 30
Kulesiciwi kulapho utfola khona cishe tonkhe tilwane. Tindlovu takhona
tikhula tedlule tihlahla letinkhulu. Tindlulamitsi tona tidla etulu lapho
sihlahla sigcina khona. Kunemabhubesi lowatfola ahamba angumhlambi
lomkhulu. Phakatsi kwalesiciwi kunetindzawo letinhle tekulalisa tivakashi.
Tivakashi taphesheya tiyayitsandza kakhulu lendzawo ngobe 35
inesikhumulo setindiza.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 4 DBE/2021
SC/NSC
4 Tivakashi uma tivakashela kulesiciwi kuba netimoto tasesiciwini
letititfwala titiyise etindzaweni letidvutane naso njenge-Samora Mashele
Mournument lelapha endzaweni lebitwa ngekutsi yiMbuzini, lapho 40
kwaphelela khona lichawe lelidvumile laseMozambique. Kunendzawo
letinetintsaba letinhle letimbonywe ngemahlatsi lamakhulu.
5 Hulumende sewungene kakhulu kuwo onkhe emaPhrovinsi layimfica,
agcugcutela kutsi kwenyuswe lizinga letekuvakasha.
6 'Asibe tivakashi eveni lakitsi. Sifuna kugcugcutela takhamiti takuleli kutsi 45
ticitse emaholide kulelive lato. Ngaleyondlela tekuvakasha titawutfutfuka,'
kusho indvuna yeTekuvakasha.
7 Lucwaningo luyasivetela kutsi imali lenyenti lengenako ngekuvakasha
kuba yimali lengena lilanga linye kuphela. Loku kuchaza kutsi
kunetindzawo letinyenti letingavakashelwa bahlali bakulelive. 50
[Itsetfwe ku-Skyways, December 2019]
1.1.1 Nguliphi live lelivakasha kakhulu lapha eNingizimu Afrika? (1)
1.1.2 Shano kutsi i-Sun City itfolakala kuyiphi iPhrovinsi? (1)
1.1.3 Bhala imbangela yekutsi kusungulwe sicubulo se-Proudly South
African. (2)
1.1.4 Kuletheksthi ngutiphi tilwane letitsandvwa kakhulu tivakashi?
Bhala TIMBILI. (2)
1.1.5 Endzimeni ye-3 caphuna umugca lokhombisa kutsi lapha esiciwini
tivakashi betinakekelwa. (2)
1.1.6 Ungakujabulela yini kuyolala eKruger National Park? Sekela
imphendvulo yakho. (2)
1.1.7 Ngabe kuliciniso nobe kungumbono yini kutsi, kuvakasha
kuyayiphumuta ingcondvo? Sekela imphendvulo yakho. (2)
1.1.8 Bhala kube KUBILI lokungangenisa imali lenyenti kutekuvakasha
eveni laseNingizimu Afrika ngekusho kwaNdvunakhulu
wetekuvakasha. (2)
1.1.9 Ngabe uyavumelana yini nekutsi tivakashi letita eNingizimu Afrika
tiphephile? Sekela imphendvulo yakho. (2)
1.1.10 Ucabanga kutsi yini leyo leheha tivakashi letinyenti
eMphumalanga? Bhala KUBILI. (2)
1.1.11 Ngekubona kwakho kungani Hulumende agcugcutela
tekuvakasha? Bhala emaphuzu LAMABILI. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 5 DBE/2021
SC/NSC
1.1.12 Ngabe kubaluleke kangakanani kutsi lusha lwaseNingizimu Afrika
lutibandzakanye netekuvakasha? Sekela imphendvulo yakho. (2)
1.1.13 Ucabanga kutsi kubangelwa yini kutsi tivakashi takulamanye
emave tivakashele kuleli ngebunyenti ngesikhatsi sekucala
kwemnyaka? Sekela ngemaphuzu LAMABILI. (2)
1.2 Bukisisa lesibonwa bese uphendvula imibuto lelandzelako.
ITHEKSTHI B
[Itsetfwe ku-www.google.co.za]
1.2.1 Yini lena leyenteka kulesibonwa lesingenhla? (1)
1.2.2 Khetsa YINYE imphendvulo lesho lokufanako naleligama
lelidvwetjelwe:
Kuvuselela kabusha:
A Kugcogca
B Kubutsa
C Kutsatsa
D Kuntjintja (1)
1.2.3 Ucabanga kutsi yini lokuzuzwa ngummango kulesibonwa?
Bhala KUBILI. (2)
1.2.4 Hulumende angabanika tiphi tinsita bantfu labenta lomsebenti?
Bhala emaphuzu LAMABILI. (2)
SAMBA SESIGABA A: 30
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 6 DBE/2021
SC/NSC
SIGABA B: SIFINYETO
UMBUTO 2
Fundza letheksthi bese uyayifinyeta uvete emaphuzu LASIKHOMBISA lamayelana
nekuphumula lokunemphilo.
CAPHELA
1. Bhala ngemaphuzu LASIKHOMBISA ngemisho legcwele, ngemagama
LANGENGCI kula-60.
2. Imisho yakho ayibe netinombolo kusuka ku-1 kuya ku-7.
3. Bhala liphuzu LINYE emshweni ngamunye.
4. Sebentisa emagama AKHO
5. Khombisa linani lemagama lowasebentisile ekugcineni kwesifinyeto uwafake
kubakaki.
ITHEKSTHI C
KUPHUMULA LOKUNEMPHILO
Kulandzela imitsetfo yekuphumula lokunemphilo kubalulekile ngobe sisuke siphumuta
imitimba yetfu. Kuphindze kwente sikhone kumelana nemisebenti yelusuku lesibukana
nayo imihla nemalanga. Uma ufuna kusebenta kahle nangemphumelelo kufanele
umtimba ube nemandla. Ngako-ke kuhle kulandzela imitsetfo lefanele yekulala onkhe
emalanga. Kubalulekile kulala lapho kungenamsindvo khona futsi netibane ticishiwe.
Loko kutakwenta uphumule kahle futsi ukhone kuvuka ekuseni uphumulile. Nangabe
udla kudla ntsambama kumele ungadli kudla lokucinile nalokunyenti kute ungahlushwa
kucumbelana kwesisu lokungaphatamisa kulala kwakho. Ngembi kwekuya uyewulala
kumele kubekhona lokwentako njengekutsi nje uhambahambe ngaphandle ushaywe
ngumoya, wehlise kudzinwa kwasemini. Kungakusita kakhulu kutsi uphume
ngaphandle uhogele umoya lohlantekile, loko kutakwenta kutsi ulale butfongo
lobumnandzi, uvuke umtimba ukulungele kwenta imisebenti lemisha.
Caphela tintfo lotinatsako nase uyolala, unganatsi tinatfo letinekhafeni njengelikhofi
naleto letinikana emandla ngobe titakucedzela butfongo ungalali kahle. Khetsa luhlobo
lolukahle lwembhede ulale embhedeni locinile nalocondzile kuvikela kuphatfwa
ngumtimba lobuhlungu nalodziniwe ngakusasa. Lokunye lokuhle ngekuphumuta
umtimba, kulala nekuvuka ngesikhatsi sinye onkhe emalanga. Loko kuyakwenta
umtimba wakho wetayele indlela letsite yekulala. Lala ngaphasi kwesimo semoya
lesifanele umtimba lokhona kumelana naso. Loko kuyakuvikela kujuluka nobe
kubanjwa ngemakhata lokungaphazamisa kulala kwakho. Ungabukeli mabonakudze
nobe udlale imidlalo yekhompiyutha ngembi kwekulala ngobe ingcondvo yakho
ingadzinwa ingasaphumuli kahle bese kulala kwakho kuyaphatamiseka. Kulandzela
lemitsetfo lengenhla kungakusita kutsi uchubeke kahle nemisebenti yalelo nalelo langa.
[Itsetfwe ku-Skyways, Disemba 2019, likhasi 11]
SAMBA SESIGABA B: 10
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 7 DBE/2021
SC/NSC
SIGABA C: TAKHI NETIMISO TEKUSETJENTISWA KWELULWIMI
UMBUTO 3: SIKHANGISI
Fundza lesikhangisi bese uphendvula imibuto lelandzelako.
ITHEKSTHI D
1 Ngesikhashana nje ungaphila imphilo lemnandzi lenganatikweleti.
2 Kuphila ungenasikweleti kusifiso sawonkhe umuntfu.
3 Wehlukana nawo onkhe emakhadi etikweleti.
4 Imali lenyenti isala ephaketheni lakho.
5 Wena ubhadala imadlana nje phumiyani etikweletini.
6 Iyatfolakala ngasematekisini aKanyamazane.
Shayela lenombolo- 013 755 2140
I-imeyili-www.debtfreeass.co.za
[Itsetfwe ku-The Citizen, 20 January 2020]
3.1 Bhala ligama leliphikisa lelo lelidvwetjelwe kulomusho losesikhangisweni? (1)
3.2 Khetsa YINYE imphendvulo. Shano kutsi lenkhulumo lekulomusho longentasi
iluhlobo luni.
Kubhadala imadlana nje phumiyani etikweletini:
A Letsintsa imiva
B Lehhungako
C Letsatsa luhlangotsi
D Lengemaciniso (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 8 DBE/2021
SC/NSC
3.3 Phindza ubhale lomusho longentasi ubhale ligama lelidvwetjelwe lisho
bukhulu.
Wehlukana nawo onkhe emakhadi. (2)
3.4 Ucabanga kutsi lomkhicito wentelwe bobani? Sekela imphendulo yakho. (2)
3.5 Sebentisa libitomfakela lelicindzetelwe esikhangisweni emushweni lotakhele
wona. (2)
3.6 Chaza kutsi kungani sihloko salesikhangisi sibhalwe ngemagama lamakhulu? (2)
[10]
UMBUTO 4: IKHATHUNI
Fundza lekhathuni bese uphendvula imibuto lelandzelako.
ITHEKSTHI E
Ngivele ngabona
Lejusi imnandzi. kutsi laba
Sinike lamanye batongicitsela
emabhodlela sikhatsi.
ayo.
Hamba phela!
Umeleni? Phela
nine bayanisho
kutsi niyavilapha
nigijimisa
emathiphu.
[Itsetfwe ku-www.google.co.za]
4.1 Bhala bunye balelibito lelidvwetjelwe kulekhathuni lengenhla. (1)
4.2 Khetsa YINYE imphendvulo. Shano kutsi hloboluni lwesinongo senkhulumo
lesi? Leliwayini limnandzi njengeluju:
A Sifutamsindvo
B Sihabiso
C Sifaniso
D Simeleli (1)
4.3 Kulekhathuni lengenhla kuneligama 'sikhatsi'. Bhala bomfutiselo LABABILI
baleligama. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 9 DBE/2021
SC/NSC
4.4 Bhala umusho lokhomba kuphoca kulekhathuni lengenhla. (2)
4.5 Chaza kutsi hlobo luni lwenkhulumo lolu.
'Ngivele ngabona kutsi laba batongicitsela sikhatsi.' (2)
4.6 Kungani libhamuta lenkhulumo yalona lomile lehluke kulawa lamanye? (2)
[10]
UMBUTO 5: IPHROZI
5.1 Fundza letheksthi bese uphendvula imibuto lelandzelako.
ITHEKSTHI F
1 Tinkinga tentfutfuko yekulima tinyenti kakhulu. Sidzingo semapulazi
latawukhuphula umkhicito sikhulu ngendlela lecakile, kodvwa imitamo
yekukhuliswa kwawo ayiphumeleli kahle ngobe ikhinyabetwa simo
selitulu lesintjintjantjintjako. Manti ehlile etindzaweni letikulungele
kuhlanyela, emanti latungeleta umhlaba wonkhe asetjentiswa kwenta 5
kudla. Kwengeta kuloko kutsi linani lemhlaba wekulima lishatjalaliswa
kusha kwemahlatsi, tindlela letimbi tekulima, kuntjintja kwesimo selitulu
nekukhula kwemadolobha.
2 Balimi bona kufanele badlale indzima lenkhulu ngekutsi bavikele
lokuhlanyelwako kulesimo selitulu lesinemandla. Kudzingeka emapulazi 10
latawenta tintfo letingamange tentiwe. Umlimi udzinga inhlanyelo
letawumelana nesimo sasebusika nasasehlobo. Baphindze
bacabangele umnyaka lotawulandzela ngekubukisisa lokungaba
yinkinga. Loku kutawukhuphula lizinga lekuphila lebantfu kanye nekudla
lokunemphilo labatawukudla. Ngako-ke kudzingeka emapulazi 15
latawenta tintfo lletingamange tentiwe esikhatsini lesidlulile.
[Itsetfwe ku-Skyways, December 2019]
5.1.1 Bhala lomusho bese ulungisa ligama lelidvwetjelwe likhombe
buncane.
Sidzingo semapulazi sekukhuphula umkhicito sikhulu. (1)
5.1.2 Bhala lomusho ngeSiswati lesemukelekile.
Manti ehlile etindzaweni letinyenti. (1)
5.1.3 Cala lomusho lolandzelako ngekutsi: 'Itolo ...'
Balimi bavikela lokuhlanyelwako kulesimo selitulu. (2)
5.1.4 Khokha sabito kulomusho bese usisebentisa emshweni lotakhele
wona.
Balimi bona kufanele badlale indzima. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 10 DBE/2021
SC/NSC
5.1.5 Tsatsa ligama lelisiphawulo kulomusho longentasi wakhe ngalo
umusho.
Balimi kufanele balime indzima lenkhulu. (2)
5.1.6 Kulemisho lelandzelako shano kutsi libito lelidvwetjelwe limeleni?
(a) Tilwane titsandza kuhlala ehlatsini. (1)
(b) Emantfombatane ageza titja. (1)
5.1.7 Phindza ubhale umusho lobhalwe wacindzetelwa endzimeni
yesibili ube sebunyentini. (2)
5.1.8 Phindza ubhale lomusho longentasi ucale ngeligama, 'Umlimi'.
'Kudzingeka emapulazi latawenta tintfo letingakentiwa' kusho
umlimi. (2)
5.2 Fundza lesitfombe bese uphendvula imibuto lelandzelako.
ITHEKSTHI G
Batsi tintfo Uyati ngihlushwa IFREYIMU YE-1
tiyenteka lapha. ngunayi ikhamera.
Manje wena
sewungumakhini
kha yini.
IFREYIMU YE-2
Ha ha! Akekho umtfwebuli longamelana
nami. Phela mine ngisikhokho. Buka
lesitfombe sihle njani.
[Itsetfwe ku-www.google.co.za]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 11 DBE/2021
SC/SCE
5.2.1 Phindza ubhale lomusho lolandzelako bese ufaka luphawu
lolufanele.
Manje wena sewungumakhinikha yini. (1)
5.2.2 Khetsa YINYE imphendvulo. Shano kutsi lesakhi lesidvwetjelwe
kulomusho sisijobelelo sayiphi imphambosi yesento.
Uyati ngihlushwa ngunayi ikhamera.
A Semphambosi yekwentela.
B Semphambosi yekwentisa.
C Semphambosi yekwentiwa.
D Semphambosi yekwenteka. (1)
5.2.3 Sebentisa ligama lelicindzetelwe efreyimini ye-2 emshweni
lotakhele wona lisho inchazelo lesobala. (2)
5.2.4 Bhala lomusho longentasi ukhombe kuphika.
Batsi tintfo tiyenteka lapha. (2)
[20]
SAMBA SESIGABA C: 40
SAMBA SAKO KONKHE: 80
Emalungelo agodliwe
Study this subject
Recommended for this subject

Question paper
siSwati FAL Grade 12 Paper 3 NSC June 2021 Question Paper

Question paper
siSwati FAL Grade 12 P1 NSC November 2021 Question Paper

Question paper
siSwati FAL Grade 12 Paper 1 NSC June 2018 Question Paper

Question paper
siSwati FAL Grade 12 Paper 1 NSC June 2017 Question Paper

Question paper
siSwati FAL Grade 12 Paper 1 NSC June 2016 Question Paper

Question paper
siSwati FAL Grade 12 Paper 1 NSC June 2015 Question Paper
More from Grade 12 siSwati FAL

Annual teaching plan
Gr 12 Siswati FAL ATP 2023 24

Memorandum
siSwati FAL Grade 12 Paper 1 NSC November 2025 Memo

Memorandum
siSwati FAL Grade 12 Paper 2 NSC November 2025 Memo

Memorandum
siSwati FAL Grade 12 Paper 1 November 2024 NSC Memo

Memorandum
siSwati FAL Grade 12 Paper 2 November 2024 NSC Memo

Memorandum