Downloaded from hlayiso.com
GRAAD 12
SENIOR CERTIFICATE EXAMINATIONS
SISWATI LULWIMI LWEKUCALA LWEKWENGETA (FAL)
LIPHEPHA LEKUCALA (P1)
2017
EMAMAKI: 80
SIKHATSI: Ema-awa 2
Leliphepha linemakhasi la-12.
Emalungelo agodliwe Phenya
Skip to contentAll 2017 papers 





View all





siSwati FAL Grade 12 Paper 1 NSC June 2017 Question Paper
Grade 12 siSwati FAL Paper 1 question paper from the NSC June Exam 2017, 12 pages. Read online or get the free PDF download, memo linked when available.
Siswati Fal · Grade 12 · NSC June Exam · 2017 · siswati. Question paper, 12 pages. Read online or download the PDF.
- Subject
- siSwati FAL
- Grade
- Grade 12
- Language
- Siswati
- Document type
- Question paper
- Year
- 2017
- Exam period
- NSC June Exam
- Paper
- 1
- Curriculum
- CAPS
- Pages
- 12
- File size
- 1.7 MB
Free to read online, no sign-up needed
Loading document…
Loading document…
1 of 12
This exam
NSC June Exam 2017
- Paper 1Question paperMemo
- Paper 2Question paper
- Paper 3Memo
Questions in this paper
- Question 1.1Kufundza nekubuka (Reading and Viewing) — non-literary24 marks
- Question 1.2Kufundza nekubuka (Reading and Viewing) — non-literary6 marks
- Question 4Tinhlaka nemitsetfo yelulwimi (Language Structures and Conventions)
- Question 3Kubhala nekwetfula (Writing and Presenting)10 marks
- Question 5.1Tinhlaka nemitsetfo yelulwimi (Language Structures and Conventions)14 marks
- Question 5.2Kufundza nekubuka (Reading and Viewing) — non-literary6 marks
Document textSearch extracted text and jump to a page.
Downloaded from hlayiso.com
Siswati Lulwimi Lwekucala Lwekwengeta (FAL)/P1 2 DBE/2017
SCE
TICONDZISO KULABAHLOLWAKO
1. Leliphepha lehlukaniswe TIGABA LETINTSATFU:
SIGABA A: Sivisiso (30)
SIGABA B: Sifinyeto (10)
SIGABA C: Takhi netimiso telulwimi (40)
2. Phendvula YONKHE imibuto ngeSiswati.
3. Cala LESO NALESO sigaba ekhasini LELISHA.
4. Dvwebela ekugcineni kwaleso NALESO sigaba.
5. Tinombolo tetimphendvulo atihambisane naleto letisephepheni lemibuto
njengobe tinjalo.
6. Shiya umugca emkhatsini wetimphendvulo takho.
7. Caphelisisa sipelingi/lupelomagama nendlela lewakha ngayo imisho.
8. Kwehlukaniswa kwesikhatsi:
SIGABA A: Emaminithi 50
SIGABA B: Emaminithi 30
SIGABA C: Emaminithi 40
9. Bhala ngebunono nangesandla lesifundzekako.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 3 DBE/2017
SCE
SIGABA A: SIVISISO
UMBUTO 1
1.1 Fundza letheksthi bese uphendvula imibuto lelandzelako.
ITHEKSTHI A
TIMANGA TEMAKHI WETINDLU ENYUVESI
1 Kuhlala ekhaya ute imali yekufundza akusho kutsi lahla litsemba.
Umfundzi waseMthatha ngaseMananga eMpumalanga wetfweswe ticu
aneminyaka lenge-40, usibonelo lesihle kakhulu. Mnumzane Velebaleni
Mboneni Sihlongonyane lohleli ekhaya iminyaka lelishumi nakubili
angafundzi, besekaphendvuke umakhi wetindlu njengobe bekabhuca 5
ludzaka akhe tindlu alungiselela kutsi utawubuye aye esikolweni ayofeza
liphupho lakhe lekuba neticu te-Information Technology eTshwane
University of Technology ePitoli.
2 Akakagcini ngekutfola leticu kuphela kodvwa uhlonishwe ngekuba
ngumfundzi lohambe embili eklasini lakhe ngekutfola bo-A laba-14 10
etifundvweni leti-16 labetenta. Sihlongonyane waphotfula matekuletjeni
ngemnyaka wa-1997 kodvwa ngenca yekweswela imali ngemuva
kwekucedza wahlala ekhaya ngobe angawutfoli umsebenti. Ingani phela
batali bakhe kudzala bashona lobekumenta abe yintsandzane
lengenabani. Wacala kubamba ematoho wate wangena shi ekwakheni 15
tindlu kute akhone kutiphilisa nebantfwana bakhe labesanabo abatfola
kumkakhe LaMakhusela lobekatalwa eNgodini khona eMpumalanga.
3 Umkakhe lobekahlala naye endlini watinikela eNkhosini lokwamenta
wagcina sekatfola lusito kubazalwane basesontfweni lakhe. Phela
bazalwane bebamhawukela babona kutsi udzinga lusito kulesimo 20
labebukene naso kulelikhaya. Phela bewungafunga utsi kudzala endza
kuSihlongonyane LaMakhusela ngendlela abehlupheka ngayo. Lapha
kuye inhlupheko beyibhalwe emehlweni. Bewutsi nawumbuka kanye
kuhlengetele tinyembeti kufike lusizi lodvwa. Wawufikelwa lusizi kube
shengatsi usihlobo sakho ugcine utiphutsata uzame kutfola longamsita 25
ngako kute lesimo sibe nconywana. Tinyawo bewungatitsatsa ubase
ngato ngendlela lebetihlala tihhwabe ngayo. Angiyikhulumi-ke
yetimphahla labegcoka tona. Wawungafunga utsi wembulelwe ngugogo
wakhe. Lokwakumenta ahlale amoyitela LaMakhusela kwakulutsandvo
labelutfola kumyeni wakhe Sihlongonyane. 30
4 Bekayindvondza lehloniphako Sihlongonyane. Konkhe labekwenta
bekabonisana nalabadzala kunaye emmangweni. Abesihlonipha lesaga
lesitsi 'indlela ibutwa kulabasembili'. Ngiko loko lokwakumletsela
imphumelelo kuko konkhe lakwentako. Bekatsi lapho abeka sitini akhela
bantfu tindlu wawuze ucabange kutsi takhiwe ngunjiniyela lofundzele 35
lomsebenti. Lokwakuba buhlungu kuSihlongonyane kwakuba kutsi atsi
sawentile umsebenti wakhe lomuhle kube yinkinga nasekafuna imali
yakhe. Labanye bebate bamsasatele ngetinja emitini yabo. Abengapheli
emandla ahlala abakhumbuta njalo. Abecela nemkakhe kutsi
ambeketelele kulenhlupheko lebabukene nayo, kutawulunga, angatsatfwa 40
ludvumo.
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 4 DBE/2017
SCE
5 Emuva kweminyaka lelishumi nakubili uyise lomkhulu wamvakashela
ngeliphupho. Wamtjela kutsi konkhe kutawulunga. Kusenjalo umnakabo
lotalwa ngubabe wakhe lomkhulu wamnika imali yekubhalisa esikolweni
watsi akahambe ayofeza liphupho lakhe lekufundza enyuvesi. 45
Lomnakabo abetfole imali leyaphuma ngemuva kwekushona kweyise.
Kutfola lesipho kwaletsa inchazelo yeliphupho leyise lomkhulu.
Sihlongonyane abengakhoni nekulala ngenca yenjabulo. Ngesikhatsi
sekasenyuvesi umnakabo bekahlala amkhokhela lapho ashodelwa khona,
lokwakuvamise kutsi kube ngesikhatsi kutsengwa tincwadzi. Wachubeka 50
Sihlongonyane wangabuki emuva.
6 Wafundza watimisela ngobe afuna kugcina liphupho lakhe, afuna lifezeke
futsi angafuni kumphoca umnakabo ngobe naye bekanelitsemba lekutsi
utawuphasa. Sihlongonyane utse njengobe agila letimanga, ngekuphasa
ngemalengiso, umnakabo wajabula kakhulu uma abona imiphumela 55
yaSihlongonyane.
7 Abasibangaki bantfu labafana nemnakaboSihlongonyane, labangamane
bakusite ngemali futsi bangafuni kubuyiselwa yona uma sewusebenta.
Umusa nesihawu semnakabo samenta naye waba nenshisekelo yekusita
labanye labadzinga lusito. Kwamenta wakhutsata nalabo besebabadzala 60
kutsi bangabuki iminyaka babuyele etikolweni bayofundza. Nyalo
kuleminyaka emanyuvesi sekufundvwa mahhala, kuphela nje wena uma
utiphasele kahle utitfolela imifundzate.
[Itsetfwe ephephandzabeni, i-Sunday Times, Likhasi 10]
1.1.1 Khetsa YINYE imphendvulo. Kwenta njani kulahla litsemba?
A Kungabuki.
B Kungalaleli.
C Kungachubeki.
D kungakhulumi. (1)
1.1.2 Shano kutsi ngumuphi umsebenti lebewentiwa nguSihlongonyane
ngembi kwekuya enyuvesi? (1)
1.1.3 Nika sizatfu lebesenta bantfu bacasuke ngaSihlongonyane. (1)
1.1.4 Yini lebeyenta kutsi tinyawo taLaMakhusela tihlale tihhwabile? (1)
1.1.5 Bekwentekani emphilweni yemuntfu nakabuka LaMakhusela?
Bhala emaphuzu LAMABILI. (2)
1.1.6 Bhala kube KUBILI lokwacelwa nguSihlongonyane kumkakhe. (2)
1.1.7 Liphupho akusiyo intfo longakholelwa kuyo. Vuma nobe uphikise
lombono usekele ngalokukuletheksthi. (2)
1.1.8 Lenkhulumo letsi watinikela enkhosini ichaza kutsini? Sekela
imphendvulo yakho. (2)
1.1.9 Imfundvo iyayintjintja imphilo yemuntfu. Sekela lombono
ngemaphuzu LAMABILI. (2)
1.1.10 Kuletheksthi LaMakhusela uvetwa angumfati lonjani? Sekela
ngemaphuzu LAMABILI. (2)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 5 DBE/2017
SCE
1.1.11 Ngekubona kwakho yini leyenta bantfu labasha balamalanga
bangafundzi sikolo? (2)
1.1.12 Bantfwana labafundza sikolo bafundzani ngemphilo
yaSihlongonyane? (2)
1.1.13 LiTiko leTemfundvo lenta konkhe lokusemandleni kusita bantfwana
labaphuma emindenini lengenalutfo. Sekela ngemaphuzu
LAMABILI. (2)
1.1.14 Umndeni ubalulekile emphilweni. Chaza lenkhulumo ubhekise
kulokwenteka kuSihlongonyane kuletheksthi. (2)
1.2 Fundzisisa lesibonwa bese uphendvula imibuto lelandzelako.
ITHEKSTHI B
[Itsetfwe ephephabhukwini, i-Movie, 21 Mabasa 2016]
1.2.1 Lamateki labawagcokile labakulesibonwa angabavikela kukunye
kwalokulandzelako. Khetsa YINYE imphendvulo.
A Ekunetfweni yimvula.
B Ekushayisweni timoto.
C Ekuweni endleleni.
D Ekuhlatjweni ngematje. (1)
1.2.2 Kungani laba labakulesibonwa baphetse emabhodlela emanti? (1)
1.2.3 Ngutiphi tifo lebangaphepha kuto laba labakulesibonwa? Bhala
emaphuzu LAMABILI. (2)
1.2.4 Nika buhle nebubi bekutivocavocela emgwacweni. (2)
SAMBA SESIGABA A: 30
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 6 DBE/2017
SCE
SIGABA B: SIFINYETO
UMBUTO 2
Fundza letheksthi lelandzelako bese ubhala emaphuzu lasikhombisa lamayelana
netindlela tekugwema tingoti temgwaco.
TICONDZISO
1. Bhala emaphuzu LASIKHOMBISA ngemisho legcwele ngemagama
LANGENGCI kula-60.
2. Imisho yakho ayibe netinombolo kusuka ku-1 kuya ku-7.
3. Bhala liphuzu LINYE emshweni ngamunye.
4 Sebentisa emagama AKHO.
5. Khombisa linani lemagama lowasebentisile ekugcineni kwesifinyeto uwafake
kubakaki.
ITHEKSTHI C
TINDLELA TEKUGWEMA TINGOTI TEMGWACO
Bantfu labanyenti bayafa etindleleni ngenca yekungashayeli ngekucophelela. Kumele
ulandzele tindlela letitsite nawushayela imoto emgwacweni kute uphephe. Kumele
ulungise imoto yakho ngembi kwekutsatsa luhambo loludze. Ciniseka kutsi konkhe
kusebenta kahle, akukho lutfo lolungabanga ingoti nawushayela.
Kushayela lokuphephile emgwacweni kudzinga kutsi kulandzelwe imitsetfo yemgwaco
ngalokugcwele. Bashayeli labanyenti betimoto batifaka engotini yekulimala nobe kufa
ngekungalandzeli imitsetfo yemgwaco. Phela imigwaco inetimphawu lokumele
tilandzelwe nguloyo naloyo mshayeli. Loku kufaka ekhatsi nalabo labahamba
ngetinyawo.
Lokunye lokungenta kutsi bantfu bashayele ngekuphepha emigwacweni kunganatsi
tjwala nangabe umshayeli ashayela. Banyenti bashayeli labashayela timoto tabo
banatsile. Loku kuphambana nemtsetfo wengwaco.
Shayela ngelitubane lelemukelekile. Kushayela ngelitubane lelisetulu ngiko futsi
lokusizatfu sekuwa nekushayisana kwetimoto esikhatsini lesinyenti. Sivinini lesikhulu
senta imoto ingalawuleki futsi siyabulala.
Kubalulekileke kutsi umshayeli wemoto ashayele ngekucophelela lokukhulu, avule
emehlo kute abone labawela umgwaco nobe tilwane. Nangabe kungacikelelwa loku
kungadaleka tingoti letinkhulu kufe bantfu labangenacala.
Kushayela libanga lelidze kungenta kutsi umshayeli akhatsale. Kumele umshayeli
atinike sikhatsi sekuphumula ngemuva kwekuhamba libanga lelidze, alale. Kushayela
wetela kwenta kutsi kube matima kubuka indlela kantsi kungabanga kutsi imoto iwe
nobe ishayise.
Kusebentisa iselulafoni kwenta ungaboni kutsi kwentekani embi kwakho, imoto
iphaphalate bese kudaleka ingoti. Ngako-ke kubalulekile kutsi ungayisebentisi
iselulafoni nangabe ushayela imoto.
[Itsetfwe iLanga, 17 Inyoni 2016]
SAMBA SESIGABA B: 10
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 7 DBE/2017
SCE
SIGABA C: TAKHI NETIMISO TEKUSETJENTISWA KWELULWIMI
UMBUTO 3: SIKHANGISI
Fundza lesikhangisi lesingentasi bese uphendvula imibuto lelandzelako.
ITHEKSTHI D
TSENGA I-EASY WAVES WELULE
TINWELE NGAYO ITATIKHULUMELA
Ungalungisa tinwele
nge-Easy Waves
atiphindzi tonakale.
Igcina tinwele tabomake
tishelela futsi ticine
ngalokuphindvwe
katsatfu.
Ineshampu, irileksa
kanye nekhondishina.
Ungasebentisa yona
tinwele takho titsamba
njengeteluswane.
Iyatfolakala ngemanani
laphasi kuto tonkhe
titolokati letitsengisa
emafutsa.
[Itsetfwe ephephabhukwini, i-Movie 1 Imphala 2016]
3.1 Nika lesikhangisi sihloko lesifanele. (1)
3.2 Bhala sinongo senkhulumo lesidvwetjelwe kulomusho longentasi.
Bhala imphendvulo kuphela.
Tinwele takho titsamba njengeteluswane. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 8 DBE/2017
SCE
3.3 Khetsa YINYE imphendvulo. Shano kutsi lenkhulumo lekulomusho longetasi
iluhlobo luni.
Ungalungisa tinwele nge-Easy Waves atiphindzi tonakale.
A Inkhulumo letsintsa imiva.
B Inkhulumo lehhungako.
C Inkhulumo leyimfundzisolite.
D Inkhulumo lengemaciniso. (1)
3.4 Shano kutsi lencenye ledvwetjelwe kuleligama lelingentasi imeleni.
Tonkhe 'titolokati' letitsengisa emafutsa. (1)
3.5 Kuliciniso nobe kuliphutsa kutsi lenkhulumo lengentasi itsatsa luhlangotsi?
Usho ngani?
'Igcina tinwele tabomake tishelela futsi ticine ngalokuphindvwe katsatfu.' (2)
3.6 Bhala KUBILI lokukulesikhangisi lokumikhicito yaka-EASY WAVES. (2)
3.7 Ngekubuka kwakho yini sizatfu lesenta labodzadze babeke iminwe
emilonyeni yabo? (2)
[10]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 9 DBE/2017
SCE
UMBUTO 4: IKHATHUNI
Fundza lekhathuni bese uphendvula imibuto lelandzelako.
ITHEKSTHI E
1. Sanibonani
3. Umntfwana wakho nguye
bothishela. Ngijake
lobashaya bonkhe, utawutfola
emsebentini,
ngiletfwa titifiketi letinyenti kantsi uyimvu.
ngulelipheshana.
2. Loku kumayelana
nemali lekumele ikhokhwe
yemcimbi wekuvalelisa
bafundzi belibanga-12.
[Itsetfwe ku-Drum, Lweti 2016. Likhasi 60]
4.1 Khokha libitomfakela lelisenkhulumeni 3. (1)
4.2 Khetsa YINYE imphendvulo kuleti letilandzelako lesho kutsi 'ubashaya
bonkhe'.
A Ubatsandza bonkhe.
B Ubedlula bonkhe.
C Ubahleba bonkhe.
D Ubakhulumisa bonkhe. (1)
4.3 Khokha buniyo kulomusho longentasi.
'Umntfwana wakho nguye lobashaya bonkhe.' (1)
4.4 Lesakhi lesidvwetjelwe enkhulumeni 1 sikhombani? (1)
4.5 Tsatsa sabito selinani kulomusho longentasi bese usisebentisa emshweni
lotakhele wona.
'Nguye lobashaya bonkhe.' (2)
4.6 Kulomusho longentasi tsatsa sandziso sendzawo usisebentise emshweni
lotakhele wona.
'Ngijake emsebentini.' (2)
4.7 Tsatsa leligama 'imvu' lelidvwetjelwe kulomusho longentasi wakhe ngalo
umusho livete umcondvo lowehlukile kunalowo lokulomusho.
'Umntfwana wakho nguye lobashaya bonkhe, utawutfola titifiketi letinyenti
kantsi 'uyimvu'.' (2)
[10]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 10 DBE/2017
SCE
UMBUTO 5: IPHROZI
5.1 Fundza letheksthi bese uphendvula imibuto lelandzelako.
ITHEKSTHI F
KUBA SIBONELO KULUSHA LWANAMUHLA
Sicelo lijaha lelineminyaka le-22 lelingahlali phasi. Utsandza kwelekelela
mama wakhe lebekabakhulisa ngemali yekutsengisa emakokisi abe asebenta
epulazini. Esikhundleni sekudla tidzakamiva, watsatsa sincumo sekubamba
ematoho asesemncane kuze afundzise futsi anakekele sesi wakhe.
Bekasebenta emajalidini nakaphuma esikolweni, ekuseni avukele esikolweni
kuyovulela bafundzi ligede njengobe bekangulophetse bafundzi esikolweni.
Ngemali lebekayenta alekelela unina ngekutsengisa emakokisi wakwati
kumphumuta kusebenta epulazini. Wachubeka wagcina sekatsengisa ticatfulo
emgwacweni. Loko kwenta kutsi acokelele kakhulu imali yekuyofundza
esikhungweni semfundvo lephakeme.
Esikolweni waphasa kahle Imetsi, Isayensi neSingisi. Loko kwamenta watfola
umfundzate wekuyofundzela ticu tebudokotela enyuvesi yase-Wits.
Kutimisela kwaphumelelisa liphupho lakhe wantjintja emachinga nemasu
lebekawasebentisa. Lomfundzi bekaneliphupho lekugcina asezingeni
lelisetulu letemphilo atosita bantfu labasha abe aphuma emndenini
lohluphekako.
Waba yincenye yebafundzi lebaphumelela ngemalengiso. Bumatima ladlula
kubo benta wabona tintfo letimcoka ngetulu kwayo yonkhe intfo. 'Ngifisa
shengatsi nginganiketa lusha inkhundla lapho kutewukhulunywa kabanti
ngekuphumelela emphilweni,' kusho Sicelo abambe sitifiketi sebudokotela.
[Itsetfwe ephephandzabeni, Isolezwe, 25 Inyoni 2016, Likhasi 22]
5.1.1 Endzimeni yekucala kuneligama lelingakapeleki kahle lilungise. (1)
5.1.2 Lesakhi lesidvwetjelwe kulomusho longentasi sikhombani?
'Bekabakhulisa ngemali yekutsengisa emakokisi.' (1)
5.1.3 Kulomusho lolandzelako gucula ligama lelidvwetjelwe libe bunye.
'Wachubeka watsengisa ticatfulo.' (1)
5.1.4 Bhala lomusho ube sesikhatsini lesitako.
'Utsandza kulekelela unina.' (1)
5.1.5 Bhala lemisho lelandzelako ulungise emaphutsa elulwimi
kulamagama lafakwe kubakaki.
(a) Make (bapheka) kudla lokumnandzi. (1)
(b) Licembu (dlala) ibhola. (1)
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 11 DBE/2017
SCE
5.1.6 Shano kutsi letento letidvwetjelwe ticuketse tiphi tindlela tesento.
(a) Kutimisela kwaphumelelisa liphupho lakhe. (1)
(b) Bekavuka, ageze ayovulela bafundzi ligede. (1)
5.1.7 Kulomusho longentasi khokha siphawulo usisebentise emshweni
lotakhele wona.
'Atosita bantfu labasha.' (2)
5.1.8 Bhala emagama LAMABILI lasho 'tifundvo'. (2)
5.1.9 Cala lomusho lolandzelako ngekutsi: Sicelo watsi …
'Ngifisa shengatsi nginganiketa lusha inkhundla.' (2)
5.2 Fundza lesibonwa bese uphendvula imibuto lelandzelako.
ITHEKSTHI G
IFREYIMU 1
Lebu ucabanga kutsi
utawutsatsa lendzebe.
IFREYIMU 2 IFREYIMU 3
Lebu lendzawo
logijima kuyo
inematje, asiye
ekhaya.
Angeke ngihambe
ngingumsubatsi.
IFREYIMU 4
Maye! Ngalimala, noma
ngiwile angingakhali
ngimemete, batawuze
bangishuthe
ngekhamera yabo.
IFREYIMU 5
Kugijima endzaweni
lengakaphephi
akusikahle, buka
ulimele. Hamba uyocela
lusito kuthishelanhloko.
Itsetfwe kuMovie, Inyoni 2015, Likhasi 64]
Emalungelo agodliwe Phenya
Downloaded from hlayiso.com
Siswati Lulwimi Lwekucala Lwekwengeta (FAL)/P1 12 DBE/2017
SCE
5.2.1 Lelibito lelitsi 'thishelanhloko' liluhlobo luni?
Khetsa YINYE imphendvulo.
A Libitomfakela.
B Libitogcogca.
C Libitombici.
D Libitomvama. (1)
5.2.2 Khokha ligama lethekhnikhi lelisetjentiswe efreyimini 4. (1)
5.2.3 Bhala kuvuma kweligama lelidvwetjelwe efreyimini 4. (1)
5.2.4 Cedzela lomusho ngeligama lelinenchazelo lefanako
neyalelidvwetjelwe efreyimini 2.
Asiye ... (1)
5.2.5 Leligama lelidvwetjelwe efreyimini 3 lichazani? (2)
[20]
SAMBA SESIGABA C: 40
SAMBA SAKO KONKHE: 80
Emalungelo agodliwe
Study this subject
Recommended for this subject

Question paper
siSwati FAL Grade 12 Paper 2 NSC June 2017 Question Paper

Question paper
siSwati FAL Grade 12 P1 NSC November 2017 Question Paper

Question paper
siSwati FAL Grade 12 P1 NSC Supplementary 2017 QP

Question paper
siSwati FAL Grade 12 Paper 1 NSC June 2021 Question Paper

Question paper
siSwati FAL Grade 12 Paper 1 NSC June 2018 Question Paper

Question paper
siSwati FAL Grade 12 Paper 1 NSC June 2016 Question Paper
More from Grade 12 siSwati FAL

Annual teaching plan
Gr 12 Siswati FAL ATP 2023 24

Memorandum
siSwati FAL Grade 12 Paper 1 NSC November 2025 Memo

Memorandum
siSwati FAL Grade 12 Paper 2 NSC November 2025 Memo

Memorandum
siSwati FAL Grade 12 Paper 1 November 2024 NSC Memo

Memorandum
siSwati FAL Grade 12 Paper 2 November 2024 NSC Memo

Memorandum