Siswati FAL P2 Nov 2025

Confidential NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2025 EMAMAKI: 70 SIKHATSI: Ema-awa la-2½ Leliphepha linemakhasi la-24. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 2 DBE/Lweti 2025 NSC Confidential TICONDZISO KULABAHLOLWAKO Fundza lelikhasi ngembikwekutsi ucale kuphendvula imibuto. 1. UNGALIFUNDZI lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. 2. Leliphepha lemibuto licuketse TIGABA LETINE. SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 3. Phendvula IMIBUTO LEMIBILI kuphela kunobe ngutiphi tigaba LETIMBILI ngalendlela: SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lokubutwe ngato. Sebentisa luhlu lwekutikhumbuta kute usitakale. 4. Landzela ticondziso letisekucaleni kwaleso naleso sigaba. 5. Tinombolo tetimphendvulo atihambisane naleto temibuto njengobe tinjalo ephepheni lemibuto. 6. Cala LESO naleso sigaba ekhasini LELISHA. 7. Siphakamiso sekulawulwa kwesikhatsi: Sebentisa emaminithi la-75 kuleso naleso sigaba. 8. Bhala ngebunono nangesandla lesibonakalako. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 3 DBE/Lweti 2025 NSC Confidential LOKUCUKETFWE 2025 Lelikhasi litakusita ekukhetseni imibuto lofuna kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula MUNYE umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 2. Ngenca Yakho 35 9 SIGABA B: UMDLALO Phendvula MUNYE umbuto wemdlalo lowufundzile. 3. Lahloma Ladvuma 35 13 SIGABA C: TINDZABA LETIMFISHA Phendvula imibuto LEMIBILI ngetindzaba letimfisha lotifundzile. 4.1 'Luphawu' 17 17 4.2 'Liphutsa lakho' 18 19 SIGABA D: TINKONDLO Phendvula TOTIMBILI tinkondlo ngencwadzi loyifundzile. 5.1 'Lamanti' 18 21 5.2 'Mtfombo Welwati' 17 23 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 4 DBE/Lweti 2025 NSC Confidential LUHLA LWEKUTIKHUMBUTA Lelikhasi litakusita ekukhetseni imibuto lofuna kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKHA TEMIBUTO LEPHENDVULWAKO () A: Inoveli 1–2 1 (Imibuto lemifisha) B: Umdlalo 3 1 (Imibuto lemifisha) C: Tindzaba letimfisha 4.1 + 4.2 2 (Imibuto lemifisha) D: Tinkondlo 5.1 + 5.2 2 (Imibuto lemifisha) CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 5 DBE/Lweti 2025 NSC Confidential SIGABA A: INOVELI Phendvula MUNYE umbuto wenoveli loyifundzile. UMBUTO 1: KWASHA TIKHOTSA – LL Dlamini 1.1 Fundza letheksthi bese uphendvula imibuto lelandzelako. ITHEKSTHI A Simo besishubile eveni lonkhe. Wonkhe umuntfu abebuke ngemehlo lakhaliphile kutsi iNgwenyama Mswati utawuphuma njani kulobumatima. Itsite isadla ematsambo engcondvo esigodlweni sayo Ekufinyeni, tfushu Khambi, inceku yaMswati ibika kutsi kukhona labakhulekelako. INgwenyama yatsi Khambi akangacitsi sikhatsi, kodvwa akabangenise labo bantfu. 5 Pho, bekubobani kungesibo boTsandzile, indlovukati yesive naFile unina lomncane waMswati. 'Ngavakashelwa tisekelo tesive, kwentenjani? Utsi emadloti akatewungibita kulamalanga ngifulatsele lelive?' Kubuta Mswati akhombisa kukhatsateka kunekutsi ajabule ngobe abona bonina. 'Akukho lengitewukukhuluma nawe Mswati, kepha ngikuphatsele ingcamu 10 yemavi lamabili lengiwaniketwe nguyihlo ephusheni watsi kumele ngiwendlulisele kuwe bese ngiyafulatsela ngiyahamba. Lawo mavi atsi. ''Mani sibindzi!'' ' watsi abewasho lawo mavi Tsandzile, bavalelisa bahamba bayewuniketwa lokudliwako edladleni. Kuvakashelwa bonina kwamenta wacina lidvolo Mswati washo watsi akasabuyeli emuva, kodvwa uya embili. 15 Mswati wativa aba nemandla ngendlela lemangalisako. Wabita Khambi watsi: 'Sondzela kimi nceku yami leyetsembekile ngikutfume uyewubita Sandlane. Umtjele aphutfume Ekufinyeni kungakahwalali.' 'Ngeke liwele phasi lakho Ngwenyama yesive,' kusho Khambi akhombisa kwenanela nekwesasela emavi lashiwo yinkhosi yesive kuye. Utsite nakatsi 20 uyaphuma Khambi, weva ligwalagwala lesive, Gwalagwala, imbongi yenkhosi seyigedzetela njengengedze egumeni. [Likhasi 24–25] 1.1.1 Khetsa YINYE imphendvulo. Lendzaba yenteka ngasiphi sikhatsi? A Sakudzala B Samanje C Sayitolo D Salomuhla (1) 1.1.2 Ngukuphi lokwagcugcutela Mswati kutsi abe nemandla ekuma sibindzi avikele sihlalo sebukhosi? Chaza. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 6 DBE/Lweti 2025 NSC Confidential 1.1.3 Lokushuba kwesimo bekubangelwa yini njengobe kushiwo kuletheksthi? (2) 1.1.4 Kwentanjani kucina lidvolo njengobe Mswati wenta ngemuva kwekufika kwabonina? Chaza. (2) 1.1.5 Bhala KUBILI lokwaba tinkhomba tekutsi tintfo atihambi kahle simo sishubile eveni laMswati. (2) 1.1.6 Letheksthi lengenhla iveta luphi luhlobo lweludvweshu? Usho ngani? (2) 1.1.7 Nguliphi lichinga lelacatjangwa boFokotsi kususa Mswati esihlalweni sebukhosi? Chaza. (2) 1.1.8 Buyini buhle nebubi baloku lokwenteka kulendzaba naloku lokwenteka kulesikhatsi lesiphila kuso? Sekela imphendvulo yakho. (2) 1.1.9 Kulwa kwebantfu bemndeni kungaba namuphi umtselela esiveni sonkhe? Sekela imphendvulo yakho ngaloko lokwenteka kulenoveli. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 7 DBE/Lweti 2025 NSC Confidential 1.2 Fundza letheksthi bese uphendvula imibuto lelandzelako. ITHEKSTHI B 'Lapha sibukene nebantfu lababili: Somcuba naMtjekeni. Kumele kubukwane namunye umuntfu embikwekubuka lona lomunye. Somcuba uluphahla lwendlu lolume etikwesisekelo lesinguMtjekeni. Umbono wami utsi akubhidlitwe lesisekelo kucala embikwekubhidlita luphahla,' kusho Mswati. 'Batsi labadzala inyoni ayikhulunyelwa etiko. Ngicela kuyewutifikela matfupha 5 kuMtjekeni ngihamba neMigadlela,' kusho Tikhuba akhombisa kutsi asisekho sidzingo sekutsi baloku bakhuluma ngaMtjekeni kutsi ahlaselwe nje kuphela. Tatsi tindvuna tisalindzele kutsi iNgwenyama ivete umbono wayo ngalesicelo saTikhuba, yamemeta Sicobolonjwane naKhambi yatsi abaphume bayewubita Imigadlela iphelele angakabuyi ematfunti. Baphuma bagijima bayewubita 10 emabutfo. 'Ingangawe Tikhuba! Hamba uyewutilungiselela ubuye lapho sewuva emaculo emphi. Kumele kuphunywe lamuhla ntsambama. Mtjekeni ngifuna nimbambe nibuye naye lapha. Ngifuna angitjele kahle kutsi yini lembangele abhidlite sive salabadzala lokutsatfwe iminyakanyaka sakhiwa.' 15 Wajabula Tikhuba nakeva kutsi nguye 'lobulewe' ngekwetfweswa umsebenti longaka. Waphuma wayewutilungiselela. Abejabulele kutfola litfuba lekuhlabana futsi. Tachubeka tindvuna nenkhulumo yato. 'Nitsini ngekusikwa kwemhlanga, kukha lusekwane nekubutfwa kwemabutfo losekuyewentiwa kaMahamba?' Kubuta Mngayi. 20 'Liphupho lasemini lelo Mngayi.' Kuphendvula Sandlane. Tichubeka nenkhulumo tindvuna nje embikwato kunelihalatelo, liphuphusi nemhidvo. 'Udlala ngelikhuba kutiliwe Somcuba.' kusho Mngayi. 'Sikwentile lokusemandleni etfu kutsi simbonise. Kepha walile kubona. Ungamtsini umuntfu lotenta imphumphutse abe anemehlo labonako? Umuntfu atente 25 sitfulu abe anetindlebe letivako?' [Likhasi 65–66] 1.2.1 Bhala lokwenteka kuletheksthi lokungakwenta uchubeke ufundze lendzaba uyofika esiphetfweni sayo? (2) 1.2.2 Khokha emavi aMswati lasekucaleni kwetheksthi lakhomba kutsi bekahlakaniphile akwati kulwa imphi ayincobe uwabhale phasi. (2) 1.2.3 Sincumo saMswati sekulawula emabutfo kutsi atilungiselele kuyohlasela siveta siphi simo? Chaza. (2) 1.2.4 Ngemaphuzu LAMABILI bhala lokwajabulisa Tikhuba. (2) 1.2.5 Lamavi aSandlane latsi, 'Liphupho lasemini lelo' bekachazani? (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 8 DBE/Lweti 2025 NSC Confidential 1.2.6 Kuhlaselwa kwaMtjekeni bekutawuba nawuphi umphumela kulemphi lebebabukene nayo boMswati? Chaza. (2) 1.2.7 Kube bewunguMswati bewungatsatsa siphi sincumo ngaloku lebekwenteka kulendzaba? Sekela imphendvulo yakho. (2) 1.2.8 Lenkhulumo lecindzetelwe endzimeni yekugcina ibikani ngaSomcuba? (2) 1.2.9 Catsanisa lokwenteka esiphetfweni salendzaba nesihloko lesitsi, Kwasha Tikhotsa. (2) [35] Emalungelo agodliwe Phenya

Siswati Lulwimi Lwekucala Lwekwengeta (FAL)/P2 9 DBE/Lweti 2025 NSC Confidential UMBUTO 2: NGENCA YAKHO – JJ Ncongwane 2.1 Fundza letheksthi bese uphendvula imibuto lelandzelako. ITHEKSTHI C 'Wena Simon tsatsa nayi imali lengangemasenti lamabili uyongitsengela sinkhwa, emashibisi, nesinatfo lesibandzako kanye nentethe. Ungabese-ke udla intjintji yami ngobe ngiyayifuna nayo. Phutfuma-ke fana,' kusasho lona lelijaha lelisisegusegu limnika leyo mali. 'Shengatsi yincane lemali ...' 5 'Hheyi ungangitjeli loko mfana wami. Umtsetfo wakho uyadzelela nhhi? Ufuna kuhamba sewukhala?' Wayitsatsa leyo mali Simon waphuma kodvwa inhlitiyo yakhe ibuhlungu. Pho kepha yini intfo labekangayenta ngobe ulala nawo lapha ekamelweni lamajaha lamenta lentfo. 10 Kutsite kusesenjalo kwevakala kunconcotsa kwemuntfu emnyango. Mshumayeli wakhonjwa nje ngenhloko kutsi akasale acala umsebenti wakhe. 'Ngena!' Latsi liyangena lijaha, wabe asavakele Mshumayeli. 'Hhawu! Hhawu!' Asakhonkhotsa lelijaha lelingenako. Ulikhonkhotsa usho kuliluma emilenteni. 15 Libhengute lijaha likhahlele lilinga kumsusa. 'Hheyi yentani lenja yakho Figa ifuna kungiluma? Fuseki!' kusho lelijaha lelingenako. Kwabe sengatsi umbangile Mshumayeli nakenta njalo. Wakhonkhotsa wacondza esitfweni salelijaha. Walihlala ngematinyo. Lazupha lijaha seliva buhlungu. 'Hheyi wena mfana sewungiluma sibili kantsi?' Kubuta lelijaha selibambe 20 esitfweni. Lalala ngeluhleko lelijaha lelisisegusegu. Kuhleka bani pho ngobe sigemfunga nje selijaha. Ngesikhatsi lihleka, sikibha salo besikadze lisigcokile besiphakama sifike lapha esifubeni kuze kuvele sisu sihlale ebaleni. Pho utsi sisu yini naso lesa ngobe lichaga nje. 25 [Likhasi 68–69] 2.1.1 Khetsa YINYE imphendvulo. Letheksthi lengenhla yenteka ngayiphi ithemu yemnyaka? A Yesine B Yesibili C Yesitsatfu D Yekucala (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 10 DBE/Lweti 2025 NSC Confidential 2.1.2 Ngukuphi lokukuletheksthi lokungakwenta uchubeke nekufundza yonkhe lendzaba? Usho ngani? (2) 2.1.3 Bhala KUBILI lokukhomba kuhlukubeteka kwemlingisi longuSimon. (2) 2.1.4 Bekuyini sizatfu lesenta bafundzi labadzala baseMajuba bajube labafikako imisila? (2) 2.1.5 Ngusiphi sigameko lesenteka kuletheksthi lebebangakasilindzeli kutsi singenteka kuboFiga nebangani bakhe? (2) 2.1.6 Loko lokwenteka kuletheksthi kuMshumayeli kwalivimba yini liphupho lakhe lekufundza? Usho ngani? (2) 2.1.7 Mshumayeli uyatimisela nakenta intfo. Khokha sigameko lesifakazela lombono lesenteka kuletheksthi. (2) 2.1.8 Bantfwana lebangakhoni kumelana nebumatima njengoba sibona kwenteka kulendzaba kungaba yini umphumela wabo emphilweni? Bhala KUBILI. (2) 2.1.9 Indlela locala ngayo emphilweni ayisho siphetfo sakho. Fakazela lesitatimende ubhekise esiphetfweni saMshumayeli. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 11 DBE/Lweti 2025 NSC Confidential 2.2 Fundza letheksthi bese uphendvula imibuto lelandzelako. ITHEKSTHI D 'Ngingumtukulu waGendinyoni Motsa mkhulu,' kuphendvula Mshumayeli ekugcineni. 'Wo, kantsi ungumntukulu wesilomo mfana. Hawu, ngiyamati Gendinyoni mkhulu wakho. Sabutseka naye. Angitsi watsatsa intfombi yaShewula Masina, Finishi. Sasiyibanga namkhulu wakho leyo ntfombi. Ngisho gogo wakho 5 Finishi,' kuphendvula Maseko aze ahleke kakhulu. Lihleke nalelelinye likhehla. Kusuke tindzaba takudzala. Aphikisane lamakhehla sikhashana. 'Bamba Motsa wehlise ludzendza,' kusho Maseko amnika ludziwo. Wangatsita Mshumayeli kulutsatsa. Noko wabuye watekhuta, walwemukela wanatsa. 10 Watsi nku nku wase uyaphumula udvonsa umoya. Waphindze futsi wacamela eludziweni wabeka phasi sekusele sikhobosi. Abukana odvwa emehlweni lamakhehla nakabona Mshumayeli anatsa ngalendlela. 'Maseko, lilambile phela lelijaha. Sitawufelwa ngumntfwanebantfu ngenca yendlala,' kusho lelelinye likhehla. 15 Wasukuma Maseko wabita bantfwana. Kwasabela intfombi yakalo lelikhehla. Bekuyintfombi yini ngobe bekuyindzabulaluvalo. Yachamuka ivunule emahiya. Ita nje emehlo ayo alapha kuMshumayeli. Beyimfanisa. 'Hawu, kantsi sewubuyile emsebentini Vamile?' kubuta uyise. 'Yebo babe bengisageza,' ukhuluma neyise nje sewuguce phasi. 20 'Hamba uyowubukela lelijaha lokuya ngasetfunjini,' kusho uyise. 'Yebo babe,' kusho Vamile asukuma lapho bekaguce khona. Vamile ubuka Mshumayeli nje uyamfanisa. Umfanisa nalelijaha lebalishiye le emgwacweni ngesikhatsi bagibele elolini. Ngekushesha wabuya Vamile angakaphatsi kudla. 25 'Babe kute kudla emabhodweni. Lokukhona ngubhatata lophekiwe.' 'Kulungile ndvodzakati, utawudla lomuntfu weNkhosi.' [Likhasi 113–114] 2.2.1 Chaza kutsi kungani lelikhehla lelikhuluma naMshumayeli ekucaleni kwaletheksthi libita mkhulu Gendinyoni ngesilomo. (2) 2.2.2 Lesimo semoya lapha endzimeni yesibili sikhombani? Usho ngani? (2) 2.2.3 Khokha imigca LEMIBILI lekuletheksthi lekhomba kutsi Mshumayeli bekafile ngendlala. (2) 2.2.4 Sizatfu sini lesenta Mshumayeli waphambukela kaMaseko? Chaza. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 12 DBE/Lweti 2025 NSC Confidential 2.2.5 Kutsiwa Vamile bekayindzabulaluvalo. Kuchazani loko? (2) 2.2.6 Maseko uvetwe njengemuntfu lonjani endzimeni yesitsatfu yaletheksthi? Sekela imphendvulo yakho. (2) 2.2.7 Mshumayeli uhambisana njani nengcikitsi yekubeketela? Chaza. (2) 2.2.8 Imphumelelo isetandleni temuntfu hhayi kubatali bakhe. Fakazela lenkhulumo ngekubhekisa kulokwenteka encwadzini yonkhe. (2) 2.2.9 Imphilo yaMshumayeli ilufundzisani lusha lwanamuhla? Sekela imphendvulo yakho. (2) [35] SAMBA SESIGABA A: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 13 DBE/Lweti 2025 NSC Confidential SIGABA B: UMDLALO UMBUTO 3: LAHLOMA LADVUMA – Z Motsa 3.1 Fundza letheksthi bese uphendvula imibuto lelandzelako. ITHEKSTHI E KHETSIWE: Yehlisani emavi bo! Bantfu labengcako bangate batsi kutalele hlokohloko lini vele? NDVUKUTEMPHI: Bindza wena! VUSEMATFWA: Ase ume kancane Khetsiwe, ucabanga kutsi angati lutfo lo! Lalela lapha mnaketfu noma ngingaba sidzakwa, ngitalwa 5 bukhosi. Ngitalwa yiNkhosatana yale ebukhosini bemaLima kaMndzawe. Wena? Unyoko ngumuntfukatana nje bamvusa khona la etaleni. Ngeke-ke ubuhoshe bukhosi intfo nobe endza kucala kubabe watibula ngawe ngingakaveli. Akusho lutfo loko ngemisimeto yebukhosi, 10 ingati yenu itsandza kuba lula! NDVUKUTEMPHI: (Asatfukutsele agcwele imbita) H-he-e mfana! Utawufisa kutsi ngabe uwamitile lawo mavi! Angiva-ke? Longatsi ungetfuka ngamake? (Acuphe tindvuku takhe) Tsatsa takho-ke uvike sibone kutsi ingati lengelula iwushaya 15 kanjani umzaca. Phela sewuyihlohle emgodzini wayo nyalo! (Atitsatse Vusa, bavikisane. Kungakabiphi kuvakale phahla!) KHETSIWE: Hawu, Ndvukutemphi! Walubulala ludziwo lwami! NDVUKUTEMPHI: Seluphelile yini lubumba? (Anganaki, achubeke avikise 20 umnakabo) KHETSIWE: Ndvukutemphi, ngulolu lengalinikwa yiNdlovbukati nayingemukela nyakenye! Ndukutemphi sewulwephulile! NDVUKUTEMPHI: (Sewuyetfuka naye) Ngulolo kantsi? Pho bewungasho ngani? Nawe uluphetse dlakadlaka bo, nyalo buka se ... 25 VUSEMATFWA: Mine ngifuna kudla kwami la! NDVUKUTEMPHI: Ase bamuve! Ungakhala ngetjwala ubona sesehlelwe yinhlekelele? (Abhekise kuKhetsiwe) Khetsiwe yenta taba bo utame kutfola lolunye khona lomuhla nje. KHETSIWE: Lolunye? Lomuhla? 30 NDVUKUTEMPHI: Yebo, ngete ngalala nesinyama lesinjena. Tama bo! KHETSIWE: Ngenteni nje Ndvukutemphi ngoba nawe uyati kutsi ... (Kukhulekele umuntfu emnyango) [Likhasi 11] 3.1.1 Khetsa YINYE imphendvulo. Tinkhulumo taNdvukutemphi naVusematfwa kuletheksthi tisivetela kutsi ... A kuyagidvwa. B kuyacatjanwa. C kuyahlatjelwa. D kuyadanswa. (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 14 DBE/Lweti 2025 NSC Confidential 3.1.2 Bhala KUBILI lokungenta letheksthi idlaleke enkhundleni. (2) 3.1.3 Umuntfukatana ngumuntfu lonjani njengobe siva Vusematfwa asho kunina waNdvukutemphi? Chaza. (2) 3.1.4 Nguyiphi inkhulumo lekuletheksthi lekhomba kutsi Ndvukutemphi akacabangi nakenta tintfo? (2) 3.1.5 Kungani Khetsiwe atfolakale eMphelave lapho bekulwela khona Ndvukutemphi naVusematfwa? (2) 3.1.6 Utsini ngesento saNdvukutemphi sekulwa nemnakabo? Sekela imphendvulo yakho. (2) 3.1.7 Kufa kweludziwo kubikani ngaNdvukutemphi? Sekela ngalokwenteka emdlalweni. (2) 3.1.8 Emkhatsini waNdvukutemphi naVusematfwa ucabanga kutsi ngubani lebekangasihola ngendlela lefanele sive seBatfwa? Usho ngani? (2) 3.1.9 Umbhali walomdlalo utecwayisa ngani tetsamelilwati talomdlalo? Chaza. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 15 DBE/Lweti 2025 NSC Confidential 3.2 Fundza letheksthi bese uphendvula imibuto lelandzelako. ITHEKSTHI F GALELA: (Athule, abukisise Tsemba. Asetfukile) H-ha-wu! (Awe ngemadvolo akhuleke) Zinyane, Mngane! A-a-ngi ... Kantsi ubese uta ngalapha? Lucolo Mliba! Angitfutsi tindzaba tebukhosi ... cola Mngane bengi ... bengi. SIGWACA: (Atama kutiba kwetfuka kwabo) Cha ungahlupheki Gala! 5 EmaZinyane ayatidlela nje atama kubona kutsi umbutfo weMbiba uciphe kanganani. Konkhe kusahamba kahle ngabolonina. GALELA: (Akhululeka) Hawu shano Ndvuna! Yithi Mngane! Zinyane! (Aphume) 10 (Tindvuna ticheluke kancane kuTsemba nguleyo ndvodza izulazule nendlu. Sigwaca umeme tandla ubala tintfungo ngemehlo, Tfolwane ubuka siyilo lahamba kuso) TSEMBATIVE: Cha iyaluma leNkanyamba. Nisho kutsi ingamkhotsamisa vele? (Abuka Tfolwane) 15 TFOLWANE: Jaha! Loko asikwati futsi kwamanje ungatsi ngete sakuvimba. Kepha lesidzinga kukuvimbela kutsi iNdvuku ibanjwe ngunangu Ndvukutemphi ngemuso. Ntsangayetfu, ubindze nje utinatinani? SIGWACA: Ivele yangisolisa lendzaba yekuhlangana kusihlwa 20 eMphelave. Pho bengitawutsini lobatsi telusendvo atingenwa? Buka nyalo, uyabuhlwitsa bukhosi nanguNhlitiyombi, lula nje! Umuntfu utsini na? Sate savelelwa! TFOLWANE: Siye eNkhosini? SIGWACA: Ase ume ngemawala 'Ja! 25 TSEMBATIVE: Cabangani njengemadvodza, uma ninekungidzinga, ngingewenu! Singahamba khona nyalo siyomfuna, ungesabi ngoba nami ngilijaha lembutfo lapho ngivela khona! SIGWACA: (Kungatsi uphaphama ebutfongweni) Uyati-ke! (Liso litse mbe kuTsemba) 30 TFOLWANE: Khuluma kucace bo, busuku buya ngekukhula! SIGWACA: Ntsangayetfu, nasikhandza lelijaha lakaLima lapha ngephandle senteni? TFOLWANE: Simile salicocisa. Pho? [Likhasi 17–18] 3.2.1 BoGalela naboSigwaca batfuswa yini kuletheksthi lengenhla? (2) 3.2.2 BoSigwaca babonakala banenkinga kuletheksthi. Ngabe yini inkinga lebabukene nayo? (2) 3.2.3 Kuguca kwaGalela ngemadvolo embikwaTsembative kuluphawu lwani? Chaza. (2) 3.2.4 Caphuna emavi lakuletheksthi laveta kutsi Tsembative bekalijaha lelingayisabi imphi futsi atetsemba. (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 16 DBE/Lweti 2025 NSC Confidential 3.2.5 Nawufundza letheksthi kungani boSigwaca naTfolwane bangamfuni Ndvukutemphi kutsi atsatse bukhosi? (2) 3.2.6 Letheksthi lengenhla iveta yiphi ingcikitsi? Sekela imphendvulo yakho. (2) 3.2.7 Ucabanga kutsi bekuyini inhloso yembhali yekuletsa Tsembative ngalesikhatsi lekafike ngaso eveni leBatfwa? Sekela imphendvulo yakho. (2) 3.2.8 Lisu lini leleta naboSigwaca naTfolwane kutsi bavikele sihlalo sebukhosi kutsi singatsatfwa ngumuntfu labangamfuni? Chaza. (2) 3.2.9 Ngabe umbhali walomdlalo umetse kahle yini libito Tsembative? Chaza. (2) SAMBA SESIGABA B: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 17 DBE/Lweti 2025 NSC Confidential SIGABA C: TINDZABA LETIMFISHA Kulesigaba, imibuto imayelana naletindzaba letimfisha letilandzelako: • 'LUPHAWU' – JJ Ncongwane • 'LIPHUTSA LAKHO' – JJ Ncongwane UMBUTO 4: TELUTSANDVO ATIPHELI – JJ Ncongwane Fundza lamatheksthi lacashunwe etindzabeni letimfisha LETIMBILI bese uphendvula imibuto lebutiwe kuleyo naleyo. Linani lemamaki laniketiwe kulowo nalowo mbuto liyinkhomba yebudze lobulindzelekile bemphendvulo yakho. CAPHELA: Phendvula imibuto lebutwe ngalamatheksthi LAMABILI, UMBUTO 4.1 NEMBUTO 4.2. 4.1 'LUPHAWU' – JJ Ncongwane Fundza letheksthi bese uphendvula imibuto lelandzelako. ITHEKSTHI G 'Faka inyalitsi-ke babe, sifuna kulalela umculo tsine.' Kusho lomunye futsi kulamadvodza lasikhombisa. Atsi angasho njalo akhiphe ligwayi lakhe alilumeke abheme. Nalalamanye emadvodza lasitfupha akhiphe emagwayi awalumeke aphafute khona lapho ekhatsi ekhumbini. Nekubhema kwakhona uyakubona nje nawe kutsi kwekwalisa. Babhema bayiphafute nje lentfutfu 5 igcwale yonkhe ikhumbi. 'Yebafethu nibuyaphi nine leningati kutsi akubhenywa ekhumbini?' Kubuta Pansula atsi kuweba ngemehlo lapha esibukweni lamadvodza. 'Kuleveni losehlise kuyo besibhema kuphela.' Kuphendvula lenye indvodza kulamadvodza lasikhombisa. 10 'Yebafowethu ngitanehlisa phela mine nangabe nitawuphike kuchuba bubheva lapha ekhumbini yami …' 'Lapho-ke sewunemanga mfana wami. Ngeke sewucale ungabona intfo longazange sewuyibone.' Balinge kuvula emafasitelo labanye bagibeli kepha kukhandzakale kutsi 15 banyenti labantfu lababhemako. Intfutfu seyitsite nje khuhle lapha ekhatsi ekhumbini. Labanye lelibaphatsa kabi ligwayi, sebacalile vele sebayakhwehlela. 'Yebafowethu asenisicolele ngaleligwayi lenu ngobe sengitawunyanya phela mine.' 20 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 18 DBE/Lweti 2025 NSC Confidential 'Sewuphutile kunyanya, tsine kudzala sanyanya. Lamuhla nje sesitokukhomba nje luphawu lwekutfukutsela kwetfu.' Abindze kancane Pansula acabange ngalokujulile ngalesimo lasakuso njenganyalo. Ngalesikhatsi acabanga abambe lapha engculwini yakhe. Asikhandze sibhamu sakhe solo sicumbe njalo. Solo abanaso lesibhamu sakhe 25 Pansula akazange asasisebentise ngaphandle nje kwekudlala ngaso ebusuku adubule lokwemabhodi lokulapha emgwacweni. [Likhasi 145–146] 4.1.1 Khetsa YINYE imphendvulo. Loku lokwenteka kuletheksthi kwenteka kuphi nendzawo? A Ekhumbini B Evenini C Ebhasini D Esitimeleni (1) 4.1.2 Lenkhulumo ledvwetjelwe ekucaleni kwaletheksthi iveta siphi simo semoya? Chaza. (2) 4.1.3 Nawufundza letheksthi lengenhla ngubani umlingisi lomcoka? Usho ngani? (2) 4.1.4 Labalingisi lababalwe kuletheksthi ingabe benta lendzatjana ifaneleke yini kuba yindzaba lemfisha? Sekela imphendvulo yakho. (2) 4.1.5 Nguyiphi imbangela leyenta lamadvodza lasekhumbini alwe naPansula? (2) 4.1.6 Letheksthi lengenhla iveta luphi luhlobo lweludvweshu? Sekela imphendvulo yakho. (2) 4.1.7 Ucabanga kutsi lesento saPansula sekubamba sibhamu ekhumbini sikahle yini? Sekela imphendvulo yakho. (2) 4.1.8 Lendzaba lemfisha inamuphi umlayeto kutetsamelilwati? Sekela imphendvulo yakho. (2) 4.1.9 Lesihloko lesitsi, 'Luphawu' ngabe siyahambisana yini naloko lokwenteka esiphetfweni salendzatjana? Chaza. (2) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 19 DBE/Lweti 2025 NSC Confidential 4.2 'LIPHUTSA LAKHO' – JJ Ncongwane Fundza letheksthi bese uphendvula imibuto lelandzelako. ITHEKSTHI H 'Hawu! Babe uphi umntfwana?' kubuta LaMwelase emyenini wakhe. 'Umntfwana uyagula, ngimyise esibhedlela ebusuku,' kuphendvula Zulu abuka ngaphandle efasitelweni esivandzini setimbali. 'Hawu babe! Pho kepha wefika esibhedlela wangangiceli ngani kumethiloni kutsi angibite? Khona nje umntfwana bamlalise kuwadi bani?' Kubuta LaMwelase 5 ashalatela ancisha umyeni wakhe emehlo. 'Bamlalise kuwadi A-12,' kusho Zulu ngemoya lophasi. 'Kulungile-ke babe ngisaphutfuma khona esibhedlela futsi,' kusho LaMwelalse abamba indlela. Endleleni asahamba Jeaneth watibuta kutsi ngabe Mandlenkhosi, methiloni 10 akamtjeli yini kutsi yena waphuma ilivi emavikini lamatsatfu lendlulile. Watsi nakefika esibhedlela watfola kutsi Mandlenkhosi sebamtjelile yonkhe indzaba. LaMwelase watiyelwa kutsi utakwenta njani nyalo. Wesuka esibhedlela wandlula eposini eLukwatini washaya lucingo washayela Sam Mabuza. 'Sam, tintfo setingibhedzele phela lapha ekhaya,' kusho Jeaneth elucingweni. 15 'Hawu! Yini Jeaneth mntfwanaketfu? Ngabe lesilima seMvangeli wakho sesikubambile yini?' 'Yebo ungibambile kodvwa akamange angibute kutsi bengiyephi,' kusho Jeaneth adlala kancane ngentsambo yelucingo. 'Hhayi Jeaneth ungetfuki, mhlawumbe indvodza yakho ayikakuboni kutsi 20 bewungekho,' kusho Sam alinga kumdvudvuta nekumcinisa lidvolo. 'Hhayi Sam, ungalingi kungidvudvuta ngelite. Mine ngineliciniso kutsi Zulu ungibonile kutsi mine bengimkhohlisa nangitsi ngiya emsebentini. Ngiyamati phela Zulu, akakhulumi nangabe akubonele intfo bewukadze utsi uyamfihlela, uvele nje abindze akubuke.' 25 [Likhasi 85–86] 4.2.1 Indlela Zulu laphendvula ngayo umkakhe LaMwelase ekucaleni kwaletheksthi isivetelani ngesimilo sakhe? Chaza. (2) 4.2.2 Kungani Zulu atsatse sincumo sekungamshayeli umkakhe lucingo nakamikisa umntfwana esibhedlela? (2) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 20 DBE/Lweti 2025 NSC Confidential 4.2.3 Chaza sizatfu lesenta Jeaneth ashayele Sam lucingo. (2) 4.2.4 Bhala KUBILI lokwentiwa nguJeaneth lekumenta abe ngumlingisi longatiphatsi kahle. (2) 4.2.5 Kubindza kwaZulu angambuti umkakhe kumveta kutsi ungumuntfu lonjani? Sekela imphendvulo yakho. (2) 4.2.6 Kusebenta kwaJeaneth esibhedlela kwenta kwaba malula kutsi acambe emanga. Vumela nobe uphikise lombono. (2) 4.2.7 Ucabanga kutsi yini leyente umbhali abhale lendzatjana? Sekela imphendvulo yakho. (2) 4.2.8 Emkhatsini waJeaneth naZulu ngumuphi umlingisi lomvela kakhulu? Usho ngani? (2) 4.2.9 Ngusiphi sifundvo lesitfolakala kulendzaba lemfisha? Sekela imphendvulo yakho. (2) SAMBA SESIGABA C: 35 Emalungelo agodliwe Phenya

Siswati Lulwimi Lwekucala Lwekwengeta (FAL)/P2 21 DBE/Lweti 2025 NSC Confidential SIGABA D: TINKONDLO Kulesigaba imibuto ibutwe ngaletinkondlo letilandzelako: • 'LAMANTI' – SL Sigudla • 'MTFOMBO WELWATI' – SL Sigudla CAPHELA: Phendvula imibuto ngato TOTIMBILI letinkondlo, UMBUTO 5.1 NEMBUTO 5.2. UMBUTO 5: EMATFUNDVULUKA – BB Malangwane 5.1 Fundza lenkondlo bese uphendvula imibuto lelandzelako. LAMANTI – SL Sigudla 1 Madzala lamanti mnaketfu 2 Imvelaphi yatiwa bomkhulu, 3 Umlandvo waw' ujulile, 4 Watiwa bayitolo nebakutsanti- 5 Wo hhe, mine ntalo yathayela, 6 Lwami lwati luphelele elukhalweni. 7 Madzala lamanti mnaketfu, 8 Acubuk' ekhatsi kulelimadvwaladvwala, 9 Agobhot' akhe tiyaluyalu, 10 Agelet' akhe imifulafula- 11 Wo hhe, mine ntalo yathayela. 12 Lwami lwati lufiphele. 13 Madzala lamanti mnaketfu, 14 Anatfw' abandza mpo, 15 Avutsise kwemlilo ngekhatsi, 16 Kuvuk' umdlonga wakanhlaka, 17 Longat' aphendvuke sati, 18 Siyabhuyabhu siphendvuke sihlakaniphi. 19 Madzala lamanti mnaketfu, 20 Bawanatsa bakhulume ngetilimi, 21 Bawanatse babe bammeli, 22 Bawanatse babe bodokotela, 23 Bawanatse babe bahlengi, 24 Bawanatse babe bothishela. 25 Madzala lamanti mnaketfu, 26 Ingcondv' ayayidvunga, 27 Nembez' ayawucedza, 28 Imitsamb' ayayibulala, 29 Emehl' ayawacundza, 30 Likusas' ayalifiphata. Emalungelo agodliwe Phenya

Siswati Lulwimi Lwekucala Lwekwengeta (FAL)/P2 22 DBE/Lweti 2025 NSC Confidential 31 Madzala lamanti mnaketfu, 32 Somhlolo wawashiy' anatfwa, 33 Mahlokohla wakhotsam' anatfwa, 34 Naw' uyawulal' anatfwa, 35 Imitfombo yalawa manti, 36 Iyawukusha ngato tekugcina. [Likhasi 66–67] 5.1.1 Khokha umugca loyimphindvwa uwubhale phasi. (1) 5.1.2 Kungani kutsiwe umugca we-5 unesidvonsamoya? Chaza. (2) 5.1.3 Letinhlavu letigcanyisiwe emugceni we-8 newe-10 tiveta luphi luhlobo lwebunkondlo? Sekela imphendvulo yakho. (2) 5.1.4 Bunkondlo buni lobuvetwa ngulemisindvo lecindzetelwe emugceni we-12? Usho ngani? (2) 5.1.5 Bunkondlo buni lobuvetwa ngulamagama ladvwetjelwe endzimeni ye-4? Usho ngani? (2) 5.1.6 Endzimeni yekugcina khokha imigca lemibili lenesicedzelelamcondvo uyibhale phasi. (2) 5.1.7 Bekacondze kutsini sonkondlo ngemugca we-16? Chaza. (2) 5.1.8 Bhala umcondvo lofihlakele walenkondlo. Sekela imphendvulo yakho. (2) 5.1.9 Ngemaphuzu LAMATSATFU ngusiphi secwayiso lesetfulwa ngusonkondlo kulenkondlo lengenhla? (3) NA Emalungelo agodliwe Phenya

Siswati Lulwimi Lwekucala Lwekwengeta (FAL)/P2 23 DBE/Lweti 2025 NSC Confidential 5.2 Fundza lenkondlo bese uphendvula imibuto lelandzelako. MTFOMBO WELWATI – SL Sigudla 1 Mtfombo welwati 2 Gobhota mtfombo welwati 3 Gobhota busuku nemini, 4 Kujabule lusapho lwaMswati, 5 Lunatse kujabule Mswati. 6 Gobhota mtfombo welwati, 7 Gobhota tindzawo tonkhe, 8 Kunatse labakhulu nalabancane, 9 Kunatse labatimisele bakholwe. 10 Gobhota mtfombo welwati, 11 Gobhot' etinkhangala bename, 12 Gobhot' emahlanzeni bename, 13 Gobhot' etingwavule bename. 14 Gobhota mtfombo welwati, 15 Sokukhutsal' anatse atidzelise, 16 Somavil' atigcabhe afulatsela, 17 Gobhot' mtfomb' ungashi! 18 Gobhota mtfombo welwati, 19 Sive siba sive ngawe, 20 Umuntfu uba' muntfu ngawe, 21 Imphilo iba yimphilo ngawe. 22 Gobhota mtfombo welwati, 23 Bashaye luhele bacondze kuwe, 24 Bayewunatsa bangaphindze bome, 25 Babukane netemhlaba jikelele. 26 Gobhota mtfombo welwati, 27 Kujabule Nhlakanipho anatse, 28 Kujabhe Siwula afulatsele- 29 Gobhota mtfombo ungashi! [Likhasi 63–64] 5.2.1 Khetsa YINYE imphendvulo. Lenkondlo iluhlobo luni? A Isathaya B Ilirikhi C Inkondlosililo D Inkondlomlandvo (1) Emalungelo agodliwe Phenya

Siswati Lulwimi Lwekucala Lwekwengeta (FAL)/P2 24 DBE/Lweti 2025 NSC Confidential 5.2.2 Bhala bunkondlo lobuletfwa ngulamagama lacindzetelwe endzimeni yekucala. Sekela imphendvulo yakho. (2) 5.2.3 Khokha umugca lonesicatsaniso endzimeni ye-2 bese uyasidvwebela. (2) 5.2.4 Letinhlavu leticindzetelwe endzimeni yesine tiyimvumelwanosicalo. Sekela lesitatimende. (2) 5.2.5 Chaza ngephethini yendzima yesitsatfu. (2) 5.2.6 Bunkondlo buni lobuvetwa ngumugca we-19? Sekela imphendvulo yakho. (2) 5.2.7 Itsini ingcikitsi yalenkondlo? Sekela imphendvulo yakho. (2) 5.2.8 Ucabanga kutsi sonkondlo ubhale lenkondlo akusiphi simo semoya? Sekela imphendvulo yakho. (2) 5.2.9 Ingabe sihloko salenkondlo sicambeke kahle yini? Chaza. (2) SAMBA SESIGABA D: 35 SAMBA SAKO KONKHE: 70 Emalungelo agodliwe