siSwati FAL Grade 12 P2 NSC November 2020 Question Paper

Downloaded from hlayiso.com SENIOR CERTIFICATE/ NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2020 EMAMAKI: 70 SIKHATSI: Ema-awa 2 Leliphepha linemakhasi la-21. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/Lweti 2020 SC/NSC TICONDZISO KULABAHLOLWAKO 1. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 2. Leliphepha lemibuto licuketse TIGABA LETINE SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 3. Bahlolwa baphendvula imibuto LEMIBILI kuphela. MUNYE umbuto kunobe ngutiphi tigaba LETIMBILI. (Umbuto ube MUNYE kuluhlobo lunye lwembhalo lalufundzile) lokutawenta emamaki la-70 njengobe kukhonjisiwe ngentasi. SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lekubutwe ngato. 4. Sebentisa luhlu lwekutikhumbuta kute usitakale. 5. Landzela ticondziso letisekucaleni KWALESO NALESO SIGABA. 6. Tinombolo tetimphendvulo atihambisane naleto temibuto njengobe tinjalo ephepheni lemibuto. 7. Cala LESO NALESO SIGABA ekhasini LELISHA. 8. Siphakamiso sekulawulwa kwesikhatsi: Sebentisa emaminithi la-60 kuleso naleso sigaba losiphendvulako. 9. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/Lweti 2020 SC/NSC LOKUCUKETFWE Lelikhasi litawusita umhlolwa ekukhetseni imibuto LAFUNA kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula MUNYE umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 2. Ngenca Yakho 35 8 SIGABA B: UMDLALO Phendvula MUNYE umbuto wemdlalo lowufundzile. 3. Lahloma Ladvuma 35 11 SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. 4.1 'Lizizi' 17 15 4.2 'Babe Ungehlulile' 18 16 SIGABA D: TINKONDLO Phendvula TOTIMBILI tinkondlo lekubutwe ngato. 5.1 'Luvatsi Lwekukhanya' 17 18 5.2 'Nasengikhatsele' 18 20 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/Lweti 2020 SC/NSC LUHLA LWEKUTIKHUMBUTA Lelikhasi litawusita umhlolwa ekukhetseni imibuto LAFUNA kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO () A: Inoveli 1–2 1 (Imibuto lemifisha) B: Umdlalo 3 1 (Imibuto lemifisha) C: Tindzaba letimfisha 4.1 + 4.2 2 (Imibuto lemifisha) D: Tinkondlo 5.1 + 5.2 2 (Imibuto lemifisha) CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/Lweti 2020 SC/NSC SIGABA A: INOVELI UMBUTO 1: KWASHA TIKHOTSA – LL Dlamini 1.1 Fundza letheksthi bese uphendvula imibuto lelandzelako. ITHEKSTHI A Sandlane abehamba naMngayi kanye naTikhuba nabaya kaMahamba. Luhambo lwabo lwabaluhle kakhulu. Baphumelela kubahlanganisa bantfwana bakhuluma nabo. 'Njengobe nisibona silapha nje sitfunywe yiNgwenyama itsi sinibite kutewukhulunywa temndeni,' kusho Sandlane agwinya ematse kanyenti. Wachubeka Sandlane watsi, 'iNgwenyama itsi siyicolisele kakhulu 5 ngaloku lokwenteka kutsi inibite nidzabule tinkhalo nite eLudzidzini nifike ningayikhandzi. Simo besingetulu kwemandla ayo yingako ingamange iphumelele kuhlangana nani kukhulunywe. Ibonga kuyibeketelela kwenu ngekutsi nihlale emalanga lamatsatfu niyilindzile kukhulu loku lenakwenta!' Bantfwana bativa bakhululekile lapho bakhuluma naSandlane futsi babona 10 boMngayi naTikhuba. 'Ase usidvonse ngendlebe Sandlane kutsi yini lena leyawukhulunywa eLudzidzini ledzinga bantfwana?' NguSomcubo walawo mavi ladzinga inchazelo. 'Tindzaba temphakatsi atatiwa bafokati labafana natsi. Tsine site lapha njengetitfunywa, ngako-ke akukho lesikwatiko,' kuphendvula Sandlane. 15 Bekubonakala kutsi kukhona lokufuna kubutwa nguSomcuba, kepha bayesaba ngobe akutsenjwana. 'Kubangelwa yini kutsi Mswati asifune kangaka Sandlane? Khuluma liciniso kuhle kwemuntfu afa Sandlane,' kusho Somcuba kubonakala kutsi uphatseke kabi. 'Kube niyati kutsi unikhonte kanganani Mswati ngabe anizindli kangaka. Kube 20 abenganitsandzi abengeke aninikete tindzawo, imfuyo nebantfu labatawuba ngaphasi kwenu,' kusho Sandlane. Batsite basahleli bacoca kamnandzi bantfwana basola shengatsi baholelwa emgodzini. Kwakhuluma Sidvwala, 'Ngicela kuveta wami umbono njengemuntfu lobeke indlebe lapha.' 25 'Khululeka wena wekunene,' kuvuma Sandlane. 'INgwenyama seyilibhubhisile live. Ihlasele kaNgwavuma yancoba, yahlasela baPedi yabancoba, yahlasela bakaZulu yabancoba. Kulokuhlasela lokungaka ibe nekuphumelela ngekubambisana nani. Seyifuna kuhlasela lapha kaMahamba nyalo?' 30 [Likhasi 57–58] 1.1.1 Khetsa YINYE imphendvulo. Labalingisi labakhuluma kuletheksthi lengenhla bakuphi nendzawo? A Eludzidzini B KaMahamba C KaNgwavuma D Embhuleni (1) 1.1.2 Khetsa YINYE imphendvulo. Tigameko letenteka kulenoveli tikhombisa kulandzela inchubo yemphilo yasiphi sikhatsi? A Sikhatsi sakudzala. B Sikhatsi sanyalo. C Sikhatsi senala. D Sikhatsi semphucuko. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/Lweti 2020 SC/NSC 1.1.3 Tinkhulumo taSidvwala endzimeni yekugcina tikhombani? Sekela Imphendvulo yakho. (2) 1.1.4 Emavi aSomcuba latsi, 'Kubangelwa yini kutsi Mswati asifune kangaka Sandlane? Khuluma liciniso kuhle kwemuntfu afa Sandlane', aveta hlobo luni lweludvweshu? Sekela imphendvulo yakho. (2) 1.1.5 Ishoni lenkhulumo letsi, 'Ase usidvonse ngendlebe Sandlane kutsi yini lena leyawukhulunywa eLudzidzini ledzinga bantfwana?' (2) 1.1.6 Ngemaphuzu LAMABILI fakazela umbono lotsi Mswati bekangumuntfu longatsandzi kulwa kungenasizatfu. (2) 1.1.7 Chaza kutsi uvelana kangakanani naboFokotsi nalabanye banakaboMswati ngalokwabavelela ekugcineni. (2) 1.1.8 Ucabanga kutsi lendlela yaMswati yekufuna kukhulumisana nebanakabo basebentisane ekuholeni sive beyikahle yini? Sekela imphendvulo yakho. (2) 1.1.9 Ngutiphi tintfo lebetingakalindzeleki esiphetfweni salendzaba? Bhala emaphuzu LAMATSATFU. (3) NA 1.2 Fundza letheksthi bese uphendvula imibuto lelandzelako. ITHEKSTHI B 'Bukhosi ngibutsetse esikhatsini lesilukhuni lapho sive sisibekelwe lifu lelimnyama,' kusho Mswati kubhoke imicabango leminyenti emcondvweni wakhe angati kutsi kumele atsatseni ayihlanganise nani kuze tintfo tilunge. 'Cha Ngwenyama yesive tintfo titawulunga kumnyama kubovu!' Kuphendvula Sandlane aniketa iNgwenyama sibindzi. 5 Kulawo malanga abengalali Mswati acabanga angacedzi. Phela bese amise sigodlo sakhe eMbhuleni, endzaweni leyatiwa ngekutsi kuseDlomodlomo. Bekungekho kuphepha kulesosigodlo, ngobe kwase kugcwele sive sebeSutfu, sakhe etintsabeni ngematje. Kuleso naleso sigodzi bewubona umuti lowakhiwe ngematje. INgwenyama yabita inceku yayo Khambi. 10 'Gijima Khambi uyewubita Mbovane. Uhlabe umkhosi ubite iNdlavela iphelele lapha eLudzidzini embi kwekutsi libuyise ematfunti. Khubalo sewume ngemumo ulindzele kwelapha imphi,' kusho Mswati. 'Hhawu Ngwenyama, akukapheli ngisho emalanga lamabili Giba abuyile, sekuyaphunywa futsi?' Ngemavi aKhambi lawo lakhombisa kungaphumuli 15 kweNkhosi. 'Umuntfu lophumulile Khambi ngulolele umlalela wafutsi. Sitawufika sami sikhatsi sekutsi ngiyewuphumula, kepha-ke kwanyalo mnyenti umsebenti lekumele ngiwente,' kusho Mswati. Waphuma Khambi wayewubita Mbovane neNdlavela. Kwahlwa iNdlavela 20 yecayeca emabaleni emphakatsi. INgwenyama ifuna kuyiphaka imphi njengobe seyibonisene naSandlane kutsi akubukanwe nebeSutfu bakaMabhula lesebagcwele lonkhe laMswati. Kuliciniso leSiswati kutsi uma ufika endzaweni yemuntfu ufike ukhonte, kepha beSutfu bakhe kulolonkhe ngaphandle kwekukhonta. 25 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/Lweti 2020 SC/NSC 'Live lababe kwehlukaniselwane ngalo etindzaweni letinyenti. Labobantfu abakakhonti, kepha batisikele nje ngaphandle kwemvumo yami. Loko labakwentako kwedzelela mine,' kusho Mswati akhombisa kukhatsateka ngendlela lemangalisako. [Emakhasi 33–34] 1.2.1 Khetsa YINYE imphendvulo. Letheksthi lengenhla ikhomba kutsi Mswati ubukene nayiphi inkinga? A Yekubekwa esihlalweni. B Yekubamba umhlangano. C Yekulahlekelwa bukhosi. D Yekuhlaselwa banakabo. (1) 1.2.2 Sizatfu sini lebesenta kungabi nekuphepha esigodlweni saseMbhuleni? (1) 1.2.3 Ngabe yini lekuletheksthi leyenta kutsi sifundze lendzaba siyofika esiphetfweni? Sekela imphendvulo yakho. (2) 1.2.4 Ngusiphi simo semphilo lesivetwa nguletheksthi lengenhla nawubuka similo nekutiphatsa kwebalingisi? Sekela imphendvulo yakho. (2) 1.2.5 Lenkhulumo yaSandlane letsi, 'Cha Ngwenyama yesive tintfo titawulunga kumnyama kubovu!' ichazani? (2) 1.2.6 Mswati bekayinkhosi lengatsatsi tintfo ngemawala. Vuma nobe uphikise lombono ngalokushiwo etheksthini lengenhla. (2) 1.2.7 Bhala KUBILI lokufanako kuloku lokushiwo kuletheksthi nalokwenteka embusweni weNingizimu Afrika. (2) 1.2.8 Ucabanga kutsi kubaluleke ngani kutsi inkhosi kube ngumuntfu lonesibindzi? Sekela ngalokwenteka kulenoveli. (2) 1.2.9 Sento sekwelashwa kwemabutfo enkhosi sikhomba yiphi inkholelo lelandzelwako? Sekela imphendvulo yakho. (2) 1.2.10 Ngusiphi sinyatselo lebewungasitsatsa kube bekunguwe inkhosi yesive ngaletive letakhe ngalokungemtsetfo eveni lakho? Sekela imphendvulo yakho. (2) [35] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/Lweti 2020 SC/NSC UMBUTO 2: NGENCA YAKHO – JJ Ncongwane 2.1 Fundza letheksthi bese uphendvula imibuto lelandzelako. ITHEKSTHI C 'Hheyi iyadzabula lenja yakho Figa mngani wami,' kusho lelijaha lelisandza kungena. Liphindze lichubeke litsi, 'Asewubuke nje kutsi ihleti njani lapha emnyango. Ihletise kwenja vele.' Uve asinata. Ngesikhatsi enta njalo baphele ngeluhleko. Kwevakala etinkhulumeni tabo kutsi lelijaha lelisandza kungena nguPiet ligama lakhe kantsi leli lelisisegusegu nguFiga. Bese kutsi leli lelidze 5 lelincama kube nguPeru. 'Eyi kunjani bafana labadzala, yinindzaba shengatsi kumnandzi lapha eMajuba lonyaka?' kubuta Piet ahlala kuleminye yemibhedze lelapha ekamelweni. 'Shaluza, ayiphume yona iyohlala ngephandle,' kusho Figa acondzise 10 kuMshumayeli. Acondze ngasemnyango Mshumayeli afike aphakamise umlente alingise inja nayichama, ichamela sidzindzi nome lubondza. Akhase ngemadvolo aphume. Asaphumile Mshumayeli, basale baticocela ngekukhululeka. Etinkhulumeni tabo kwakhanya kutsi babafundzi lasebacedza kufundza 15 lapha eMajuba. Lamuhla bete nje ngobe naku tikolo tisandza kuvulwa ngako-ke batawujuba umsila nje kuphela. Kutawutsi lapho sebacala kufundza bese bayatihambela. Lelikamelo langeniswa kulo Mshumayeli bekahlala kulo lamajaha kulomnyaka lofile ngesikhatsi basafundza. NaSimon wangeniswa kulo ngesikhatsi afika. Ingani phela yena bekafike ngayitolo 20 lapha esikolweni. Sekunyenti labamentise kona solo bamjuba umsila. Yebo, beyilukhuni imphilo etikolweni letinye nangabe tisavula. Labafikako bebafikiswa ngekutsi bajutjwe umsila. Nangabe bewungumfana lohlulekako kubeketela, bewungeke uyimele lemphilo. Labanyenti vele bebabaleka etikolweni ngenca yako kujutjwa umsila. Nekuyowuceba 25 kulabakhulu bekungalungi ngobe bekukutidvonsela emanti ngemsele. [Likhasi-70] 2.1.1 Khetsa YINYE imphendvulo. Lesigameko lesenteka kuletheksthi senteka kuyiphi indzawo? A EMvongotsini B Epulazini C Emajuba D Emfuleni (1) 2.1.2 Siko lini lebelenta boFiga batfolakale lapha esikolweni kantsi sebacedzile kufundza? (1) 2.1.3 Bhala tintfo LETIMBILI letivela kuletheksthi letingasentiwa etikolweni tanyalo. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/Lweti 2020 SC/NSC 2.1.4 Figa ungumlingisi lonesimilo lesibi. Sekela lombono ngemaphuzu LAMABILI ubhekise kuloko lokwenteka kulesicashunwa. (2) 2.1.5 Letheksthi lengenhla isivetela yiphi ingcikitsi? Sekela imphendvulo yakho. (2) 2.1.6 Ucabanga kutsi kungaba yini umphumela waloko lokwenteka kuletheksthi lengenhla? Sekela imphendvulo yakho ngemaphuzu LAMABILI. (2) 2.1.7 Chaza kutsi bafundzi labavelelwa nguloko lokwenteka kuMshumayeli kuletheksthi bangasitwa njani kubuyisa umdlandla wekufundza. (2) 2.1.8 Ngabe kukhona yini kuhambelana emkhatsini wesihloko salenoveli netigameko tekuhlupheka kwaMshumayeli? Chaza usekela imphendvulo yakho. (2) 2.1.9 Kubeketela kuyaphumelelisa. Sekela lombono ngemaphuzu LAMATSATFU ngekubuka siphetfo salenoveli. (3) NA 2.2 Fundza letheksthi bese uphendvula imibuto lelandzelako. ITHEKSTHI D 'Ingani phela utsi nguye indlalifa nenkhosana. Ukwenta loko ngobe naku ngive batsi umsebenti sewumphelele le eJozi manje-ke sewubuye lapha emuva ekhaya. Ngikhuluma nje sewungumahlalela. Sewukhiphe liso lelingaka kuletinkhomo tamkhulu. Akasafuni nekutsi kutsengiswe nayinye khona mine ngitowutfola imali yekufundza.' 5 'Manje mkhulu wakho utsini ngalendzaba?' 'Imphatsa kabi umuntfu lomdzala kepha kute naye intfo langayenta ngobe sewutigugele, futsi lendzaba iyamudla mkhulu ngobe nemphilo yakhe ayiseyinhle njengakucala.' 'Kufanele mkhaya wami ngobe belikukhontile lelikhehla.' 10 'Ingani phela ngiko-ke loko lokususe umona kumalume. Batsi usho nekusho kutsi angeke kwenteke kutsi mine ngidle lifa leyise kube yena akhona.' 'Kepha utsi utayicedza incwadzi yelishumi?' 'Simon mkhaya likusasa lami limnyama. Vele mine ngingulahliwe ngobe ngalahlwa ngumake,' kusho Mshumayeli abheka phasi. 15 Ubuka phasi nje Mshumayeli ngobe sewuva kushisa tinyembeti emehlweni. Tishisa ngobe kufanele. Phela yena bekasabeke litsemba lakhe lonkhe kumkhulu wakhe. Likusasa lakhe bekalibona litawuba lihle. Nebuntsandzane bakhe buphele ngobe asatfole imfundvo. Naku-ke lamuhla malume wakhe sewumdlela umona. 20 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/Lweti 2020 SC/NSC 'Cha Mshumayeli ungalilahli litsemba. Uncono wena uphiwe nasenhloko, mhlawumbe kukhona labatakuvela bakuphe imali yekuchubeka nesikolo.' 'Hawu! Sewufuna kusiyekela sikolo Simon?' kubuta Mshumayeli aphakamisa inhloko ambuka. 'Njengaloku ngisho mkhaya.' 25 [Likhasi-85] 2.2.1 Khetsa YINYE imphendvulo. Ngubani umlingisi logcamile kuletheksthi lengenhla? A NguMabhunu B NguMshumayeli C NguSimon D NguKhanyisile (1) 2.2.2 Khetsa YINYE imphendvulo. Tinkhulumo taMshumayeli kuletheksthi tikhomba kutsi kunahlobo luni lweludvweshu emkhatsini wakhe naMabhunu? A Ludvweshu lwangekhatsi. B Ludvweshu lwasekucaleni. C Ludvweshu lwasemkhatsini. D Ludvweshu lwangaphandle. (1) 2.2.3 Bhala tizatfu TIMBILI lebetenta Mabhunu afune kutsatsa tinkhomo teyise ngenkhani. (2) 2.2.4 Fakazela lombono lotsi Simon ungumngani longenawo umona ngalokushiwo kuletheksthi. (1) 2.2.5 Ngulonjani umuntfu lophiwe enhloko njengobe kusho Simon kuMshumayeli? Bhala emaphuzu LAMABILI. (2) 2.2.6 Ngabe basekhona yini bafundzi labafana naSimon nawubuka sincumo lekasitsetse? Sekela imphendvulo yakho. (2) 2.2.7 Ngekubona kwakho yini leyenta tigameko letenteka kulendzaba tihambelane nendzawo letenteka kuyo? Bhala KUBILI. (2) 2.2.8 Kube bekunguwe Mshumayeli bewungamentani Mabhunu? Sekela imphendvulo yakho. (2) 2.2.9 Tento taMabhunu timveta angumuntfu lonjani ngekwesimilo? Bhala emaphuzu LAMABILI. (2) 2.2.10 Sifundvo siphi lesitfolakala kulenoveli nasibuka lokwentiwa nguMshumayeli kumalume wakhe Mabhunu ekugcineni kwalenoveli? Sekela ngemaphuzu LAMABILI. (3) [35] SAMBA SESIGABA A: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/Lweti 2020 SC/NSC SIGABA B: UMDLALO UMBUTO 3: LAHLOMA LADVUMA – Z Motsa 3.1 Fundza letheksthi bese uphendvula imibuto lelandzelako. ITHEKSTHI E LIJAHA: (Lihlehlela emuva kancane) Bantfu bebantfu ngicoleleni ngendlule. Ngibuya kudze kakhulu kantsi neluhambo lwami angilwati kutsi luphelelaphi. Angivalelise ngicele indlela. VUSEMATFWA: (Aphakamisa sagila samuntfu lolindzele kugadla.) Ungeke ucale usishiye nje, ungasasitjelanga kutsi ubuyaphi 5 khashane nje, ungubani longumsa wabani, ubabelephi utfwashata ngalotsandza ematsafeni ebukhosi bebaTfwa. LIJAHA: Cha, lekutalwa nginguTsembative lolichamukisa le kulemaLima. Ngicondze emkhosini lomkhulu, siBhimbi sebaTfwa. 10 VUSEMATFWA: (Atsi kumjabulela kancane) Hawu, kantsi unguMndzawe! Ewu ubuya ekudzeni vele. Indlala? TSEMBATIVE: Hhewu! Akubutwa. Nekudzinwa sengiyingcuba nje! Ucinisile? VUSEMATFWA: Pho, sewungate udzangute emahlandze netintsaba, 15 ubabele siBhimbi nje? Cha uyabatsandza baTfwa jaha lakitsi. TSEMBATIVE: Kona kubukeka kunjalo. Kodvwa mbambambamba nginelitsenjana lekutsi ngahle ngitfuke ngitfole babe longitalako, make umkhomba ngakuto letiganga tebaTfwa. 20 VUSEMATFWA: Ewu shano! Cha sewufikile eveni lebaTfwa. Lamajaha lamabili lawa ngiwo lacipha abuye avisise umbutfo weMbiba aphindze engamele labo labacize umuti weNkhosi. Bonga bakini kutsi bacabange kutsi uwasesigodlweni, ngabe sekutekwa letinye nyalo. 25 SIGWACA: Cha, usindze impela! TSEMBATIVE: Kusho kutsi bakitsi bahamba nami mpela mpela. VUSEMATFWA: (Asuka kubo) Majah'eNkhosi, tsatsani lesivakashi setfu nisiphe lokuya ngasetfunjini. Nibosilungiselela nendzawo yekufihla inhloko khona lapha esigodlweni siphumule 30 sitekwati kubukela kahle siBhimbi kusasa. … SIGWACA: Yithi Mngane! TFOLWANE: Awukhul' uyembil' uMliba. VUSEMATFWA: Kufute siwaphatse ngetandla letitfokomele emaLima, bukhosi bawo bumcoka kabi esiveni sebaTfwa. 35 SIGWACA: Mngane. VUSEMATFWA: Tsembative tivele ukenu lapha. Khululeka ubukele siBhimbi kusasa. Ngitayatisa iNkhosi nangibuya eMphelave kutsi sinesivakashi. (Atsatse tinyatselo aphindze eme alayete) Sigwaca, ningavele nimendlalele 40 lena kami eSiyalwini lona wekuhamba. Funa nitsi niya emalawini etivakashi nikhandze indzawo seyiphelile njengaloku kunjena nje. Ngisaphutfuma eMphelave. Umnaketfu utsi lukhona ludzaba lokufute siluhlanganise kungakefiki lwangemuso. 45 [Likhasi 18–19] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 12 DBE/Lweti 2020 SC/NSC 3.1.1 Khetsa YINYE imphendvulo. Ngubani umdlali lonenkinga kuletheksthi lengenhla? A NguTsembative B NguKhetsiwe C NguVusematfwa D NguNdvukutemphi (1) 3.1.2 Bekuyini umsebenti waSigwaca kulomdlalo? (1) 3.1.3 Bhala sizatfu lebesenta Tsembative afike eveni leBatfwa. (1) 3.1.4 Bekubangelwa yini kutsi bacabange kutsi Tsembative wasesigodlweni kulendzaba? (1) 3.1.5 Bhala KUBILI lokungenta lesicashunwa lesingenhla sidlaleke esiteji. (2) 3.1.6 Chaza kutsi kufika kwaTsembative kwaliphazamisa njani lichinga laNdvukutemphi lekutsatsa bukhosi. (2) 3.1.7 Sento saVusematfwa sekukhuluma kahle naTsembative sikhombani? Sekela imphendvulo yakho ngemaphuzu LAMABILI. (2) 3.1.8 Chaza kutsi ngabe loku lokwentiwa nguTsembative kulesicashunwa lesingenhla kusenteka yini kulesikhatsi sanamuhla. Sekela imphendvulo yakho. (2) 3.1.9 Emavi aVusematfwa latsi, 'Tsembative tivele ukenu lapha', anasisindvo sini? Sekela imphendvulo yakho. (2) 3.1.10 Chaza sifundvo lesikulesicashunwa lesingenhla ubhekise kuNdvukutemphi naVusematfwa. (3) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 13 DBE/Lweti 2020 SC/NSC 3.2 Fundza letheksthi bese uphendvula imibuto lelandzelako. ITHEKSTHI F TSEMBATIVE: (Uyasukuma uhlangabeta Madzandza ngenkhulumo. Madzandza uta uyahacatela uyacalata.) Bese ngitsi vele ngiyengiwe akuti muntfu lapha! Kadze ngilindzile sekute kuhlwe kwacedzela solo mane ngetfuka tanya! Nguwe Madzandza, nkhosatana? 5 MADZANDZA: (Atibamba emahlombe ngenca yelichwa akhulumela phasi) Ungasacitsi sikhatsi kuhlwa angeke sakuncandza kuyingubo leyembesa live lonkhe. Neyakho imphilo seyikuhlwele. TSEMBATIVE: Ukutsatsaphi loko? MADZANDZA: Kunelicenjana lelincane lelatiko kutsi wena awusiyo iNkhosi. 10 Madvute nje utawubulawa. Ngako-ke yetama kutisindzisa, usindzise neNkhosi letfunjiwe. (Atsi kucalata ngekwesaba kutsi kungahle kube khona labamcatsamelako.) TSEMBATIVE: Itfunjiwe? Isaphila kodvwa? Itfunjwe ngubani wayifihlaphi? MADZANDZA: Kahle ngesangcotfo semibuto. Wena nje sita usindzise 15 lemiphefumulo letawubhubha ingenacala. TSEMBATIVE: Nkhosatana ngiyalubabata lusito lwakho, kepha, ngitsandza kwati kutsi wahlupheka kangaka ngatsi, utawubuyelwa yini wena? MADZANDZA: (Acalata) Uyati sitate sibanjwe ngalemfumbe yemibuto! 20 Uvile kutsi ngisingani saNdvukutemphi? TSEMBATIVE: Yemo, lisho njalo livi lolitfumele. MADZANDZA: Ndvukutemphi nebalandzeli bakhe sebati konkhe ngawe. Nyalo sebakhe lichinga lekutenta shengatsi abati kutsi emakhosi mabili. Batakubitela eMphelave lapho nemphilo 25 yakho itawuphelela khona. TSEMBATIVE: Inkhosi-ke yona? Batayi ...? MADZANDZA: Bindza ulalele. Emva kwekucedza ngawe nayo itawulandzela. TSEMBATIVE: Hamba ubatjele kutsi nabo batakwehlela bonkhe kulolubishi. 30 Sive batasitsini sekute iNkhosi yaso. MADZANDZA: Batakuveta tidvumbu letimbili batsi benibangisana iNdvuku yembuso. TSEMBATIVE: (Abindze sikhashane) Cha ngiyeva! Lokungiphicako kutsi wena ubahlamuke ngaliphi kukhutukela kusita tsine ngobe 35 utsi usingani saNdvukutemphi? [Likhasi 47–48] 3.2.1 Khetsa imphendvulo yakho. Bhala indzawo lapho senteka khona lesicashunwa semdlalo lesingenhla. A Kuselawini laNdvukutemphi. B Kusesigodlweni seButfwa. C Kusentsangeni yaKhetsiwe. D Kusenkhundleni yesibhimbi. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 14 DBE/Lweti 2020 SC/NSC 3.2.2 Khetsa YINYE imphendvulo. Kwentanjani kwetfuka tanya njengobe Tsembative asho kulesicashunwa? A Kwetfuka uwile. B Kwetfuka kakhulu. C Kwetfuka lite. D Kwetfuka kancane. (1) 3.2.3 Chaza kutsi Tsembative abentiwa yini kubuta imibuto leminyenti kangaka kuMadzandza. (2) 3.2.4 Shano kutsi lesigameko lesenteka kulesicashunwa siveta hlobo luni lweludvweshu. Sekela imphendvulo yakho. (2) 3.2.5 Lenkhulumo yaTsembative letsi, 'Hamba ubatjele kutsi nabo batakwehlela bonkhe kulolubishi,' imveta angumdlali lonjani? Sekela. (2) 3.2.6 Nguyiphi ingcikitsi levetwa ngulesicashunwa? Sekela ngalokwenteka emdlalweni wonkhe. (2) 3.2.7 Ngabe asekhona yini emantfombatana lafana naMadzandza kulesikhatsi sanamuhla? Sekela imphendvulo yakho. (2) 3.2.8 Ucabanga kutsi kwentiwa yini Madzandza asite Tsembative ajikela Ndvukutemphi? Sekela ngalokwenteka emdlalweni. (2) 3.2.9 Ngabe kuliciniso nobe kuliphutsa yini kutsi Ndvukutemphi bekangumdlali loneludlame? Sekela imphendvulo yakho. (2) 3.2.10 Kwehluleka kwelisu laNdvukutemphi lekuvimba likusasa laVusematfwa kunawuphi umlayeto ebantfwini? Chaza ngekusekela ubhekise emdlalweni. (2) SAMBA SESIGABA B: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 15 DBE/Lweti 2020 SC/NSC SIGABA C: TINDZABA LETIMFISHA UMBUTO 4: TELUTSANDVO ATIPHELI – JJ Ncongwane Phendvula YOMIBILI imibuto lebutwe ngetindzaba letimfisha. 4.1 'LIZIZI' – JJ Ncongwane Fundza letheksthi bese uphendvula imibuto lelandzelako. ITHEKSTHI G 'Lokuncono hamba uyotsenga sibulalitinambutane lapha esitolo,' kweluleka Sithole. Kutsite kusenjalo, Madoda wavela emnyango esitolo wabakhweba. 'Hamba wena Sithole ndvodza,' kusho Sibhono. Nembala ehle agijime. Aphindze futsi umLumbi akhwebe naye Sibhono. Wacansuka wafa Sibhono. 5 Bekasolomane aphungana netimphungane. Sibhono wehla evenini solomane aphungana netimphungane ave ajeceta abuka emuva kutsi atimlandzeli yini. Utsite ubuka emuva kantsi akaboni kutsi sewusemgwacweni sekufanele abuke timoto, yabe seyichamukile i-Valiant lemnyama yamtsatsa. Ngenhlanhla beyingadli emagaloni kakhulu kwatise 10 phela kutsi kusedolobheni lapha. Wabamba emabhiliki umntfwaneliNdiya kwanuka emathayi yafike yamtsatsa. Yamtfwala ngesiphumulo yahamba naye libangana lelincane. Yatsi lapho icedza kuma khona itsi nsi, kwangukhatsi imkhafula. Yamkhafulisa kwemdlonja wena lowawubona ujomba ungena esitibeni. 15 Wawa wafika watsi bhalakaca ngesisu. Bakhuta bancincita bantfu badzimate bavala emehlo. Ngenhlanhla imoto ayimange imlimate. Walala phansi imizuzwana. Wavuka watsi cala cala, watibamba sisu wakhandza kutsi ematfumbu bekakadze awakhungele elukhalweni, akhumukile adzacateka phansi. Watsi 20 khayikhayi wesuka ngematubane wagocana wafinyela wabangaka. 'Yehheni! Ngumhlolo phela lona! Lendvodza yagijima kangaka kube ematfumbu ayisenawo asele phansi kuyangani?' kubuta lenye indvodza itidlela imfe yayo. Labanye batsi akagijinyiswe lomuntfu abanjwe mhlawumbe uhlanganelwe ngumcondvo. Labanye bakhumbula indzaba yalenye indvodza 25 leyawiswa libhayisikili yashumphuka intsamo yacedze yakhipha liduku yatesula yatsi: 'Ngacishe ngafa,' yawa phansi yaphela. [Likhasi 91] 4.1.1 Bhala KUNYE lokukuletheksthi lengenhla lokwenta sitsi Sibhono ungumlingisi lomkhulu. (1) 4.1.2 Khetsa YINYE imphendvulo. Bhala kutsi labalingisi labakhuluma kuletheksthi lengenhla bakuphi nendzawo. A Emadzeleni B Emathuneni C Esontfweni D Ekhaya (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 16 DBE/Lweti 2020 SC/NSC 4.1.3 Kwenta njani kuwa utsi bhalakaca phasi ngesisu njengobe kushiwo kulendzatjana? (2) 4.1.4 Ngabe lendzatjana iwulandzele yini umgomo wekubhalwa kwendzatjana? Bhala emaphuzu LAMABILI. (2) 4.1.5 Chaza kutsi kuliciniso nobe liphutsa yini kwekutsi lamatfumbu lafihlwe nguSibhono vele anesifo. (2) 4.1.6 Itsini ingcikitsi yalendzatjana? Sekela imphendvulo yakho. (2) 4.1.7 Ucabanga kutsi tigameko letinjengaleti letenteka kulendzatjana tisenteka yini kulesikhatsi lesiphila kuso? Sekela imphendvulo yakho. (2) 4.1.8 Kube bekunguwe umlumbi waSibhono ngutiphi tintfo LETIMBILI lebewungatenta ngalesento sakhe sekuntjontja? (2) 4.1.9 Sifundvo sini lesitfolakala kulendzatjana nawubuka siphetfo sayo? Sekela ngemaphuzu LAMABILI. (3) NA 4.2 'BABE UNGEHLULILE' – JJ Ncongwane Fundza letheksthi lengentasi bese uphendvula imibuto lelandzelako. ITHEKSTHI H Kutsite kusenjalo kwangena yena umfundisi Hlatjwako. Naye ungena nje ugodle Libhayibheli lakhe ekhwapheni, uhlabelela liculo lakhe lalikhontile lelitsi, 'Nxa ngimbona Umsindisi.' Ulihlabelela phansi ngendlela yekunhhinhhitela. 'Siyabonana ndvodzakati.' 5 'Yebo babe,' kuvuma Busisiwe elula sandla achawula kuyise. 'Philani-ke ndvodzakati natsi siphilile.' 'Yebo siyaphila babe singavusela nine.' Bacocacoce letinye tindzaba bese LaMtsetfwa utsi, 'Ewu babe, Busisiwe uyakhala lapha utsi imali akamange ayitfole, kantsi awumange umposele 10 yini?' 'Hawu! Awumange utfole lutfo eposini ndvodzakati?' kubuta uyise. 'Ngatfola Libhayibheli nje kuphela kanye nencwadzi lengitjela kutsi nangilambile nome ngifuna imali ngibofundza liBhayibheli.' 'Walifundza kodvwa wena?' kubuta uyise atsi kuphenyaphenya lelakhe 15 kancane. 'Yebo ngalifundza babe ngalicala kuGenesisi ngaze ngayewugcina encwadzini yeSambulo.' 'Ucinisile kodvwa Busisiwe ndvodzakati kutsi walifundza leiBhayibheli lakho lesakutfumelela lona?' kubuta uyise. 20 'Yebo babe ngalifundza kodvwa bengite kahle sikhatsi sekulifundza ngobe bengimatasatasa ngifundzana nemabhuku etifundvo tesikolo njengobe besilungiselela kubhala kuhlolwa kwekuphela kwemnyaka nje,' kusho Busi abuke phansi adlana netingalo. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 17 DBE/Lweti 2020 SC/NSC 'Liphi manje leliBhayibheli lesakutfumelela lona?' 25 'Likhona lisethrankhini ngale ekamelweni.' 'Hamba ulilandze uliletse lapha,' kusho uyise. Nemambala-ke ahambe Busi alilandze. Aligudvute alitfole, ete nalo. 'Nali-ke babe,' kusho Busi amniketa. 'Ucinisile, ucinisile Busi kutsi wake walifundza leLibhayibheli?' Kubuta uyise 30 aliphenyaphenya kancane. [Likhasi 99] 4.2.1 Khetsa YINYE imphendvulo. Ngusiphi simo lesisitfola kulabalingisi labakuletheksthi lengenhla? A Simo sekulalelana. B Simo sekungavisisani. C Simo sekucolelana. D Simo sekuhambelana. (1) 4.2.2 Khetsa YiNYE imphendvulo. Loku lokwenteka kulendzatjana kwenteka ngasiphi sikhatsi semphilo? A Sikhatsi sanyalo. B Sikhatsi sasemini. C Sikhatsi sakudzala. D Sikhatsi sentfutfuko. (1) 4.2.3 Bhala KUBILI lokungakwenta kutsi ufundze lendzatjana uyofika nayo esiphetfweni. (2) 4.2.4 Bhala KUBILI lokukhomba kutsi Busisiwe ungumlingisi longabahloniphi batali bakhe. (2) 4.2.5 Nguyiphi inkholelo lechutjwa kaHlatjwako nasibuka imphilo yabo? Sekela imphendvulo yakho. (2) 4.2.6 Ngekubona kwakho ngabe Sento saHlatjwako sekufaka imali eBhayibhelini sikahle yini? Sekela. (2) 4.2.7 Bantfwana labafana naboBusisiwe Hulumende waseNingizimu Afrika angabanika luphi lusito? Bhala KUBILI. (2) 4.2.8 Chaza ngemaphuzu LAMABILI kutsi LaMtsetfwa ungumlingisi lonesimilo lesinjani. (2) 4.2.9 Ngabe basekhona yini bantfwana labenta njengaBusisiwe kulesikhatsi sanyalo? Sekela imphendvulo yakho. (2) 4.2.10 Ngabe kukhona yini kuhambelana emkhatsini wesihloko nesigameko lesenteka kulendzatjana? Sekela imphendvulo yakho. (2) SAMBA SESIGABA C: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 18 DBE/Lweti 2020 SC/NSC SIGABA D: TINKONDLO UMBUTO 5: EMATFUNDVULUKA – BB Malangwane Phendvula TOTIMBILI tinkondlo lekubutwe ngato. 5.1 Fundza lenkondlo bese uphendvula imibuto lelandzelako. LUVATSI LWEKUKHANYA – SL Sigudla 1 Luvatsi lwekukhanya! 2 Ngewakh' umusa khanya, 3 Ngewakh' emandla khanya, 4 Ngeyakh' inhlakanipho khanya, 5 Ngesakho sineke khanya. 6 Luvatsi lwekukhanya! 7 Sula lubandlululo etindzebeni temlomo, 8 Sus' umhobholo nekutigabisa kimi, 9 Sus' etindzebeni temlomo, 10 Susa buchomoketi nebuchwensi kimi. 11 Luvatsi lwekukhanya! 12 Ngiphe sibindzi sekuncoba: 13 Ngilwe nebucaba ngibuncobe, 14 Ngilwe nebugovu ngibuncobe, 15 Ngilwe nebuncavitsi ngibuncobe. 16 Luvatsi lwekukhanya! 17 NjengaSolomoni ngicela kuhlakanipha, 18 NjengaSamsoni ngicel' emandla, 19 NjengaJobe ngicela kubeketela, 20 NjengaPawula ngicela sibindzi. 21 Luvatsi lwekukhanya! 22 Ngetfule bumine kuwe, 23 Wena lowati buhle nebubi, 24 Wena lowati kucala nekuphetsa, 25 Kwelibanga lemphilo yami. [Likhasi 72–73] 5.1.1 Khetsa YINYE imphendvulo. Hlobo luni lwebunkondlo lobu lobudvwetjelwe emigceni lengentasi? 'Sula lubandlululo etindzebeni temlomo, Sus' umhobholo nekutigabisa kimi' A Imvumelwanosigcino B Imvumelwanomaphakatsi C Imvumelwanosicalo D Imvumelwano leyecako (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 19 DBE/Lweti 2020 SC/NSC 5.1.2 Bhala kutsi lenkondlo lengenhla iluhlobo luni. Sekela imphendvulo yakho ngaKUNYE lokushiwo endzimeni ye-4. (2) 5.1.3 Chaza ngekuhleleka kwemigca yalenkondlo lelandzelako. 'Ngeyakh' inhlakanipho khanya, Ngesakho sineke khanya.' (2) 5.1.4 Ngabe sonkondlo bekashoni ngaloko lakusho emgceni we-24 newe-25? Sekela imphendvulo yakho. (2) 5.1.5 Bunkondlo buni lobuvetwa ngulomugca lotsi, 'Luvatsi lwekukhanya'? Sekela imphendvulo yakho. (2) 5.1.6 Sinongo sini lesikulomugca walenkondlo longentasi? Sekela imphendvulo yakho. 'Luvatsi lwekukhanya!' (2) 5.1.7 Ucabanga kutsi kuliciniso nobe liphutsa yini loku lokushiwo ngulomugca longentasi? Sekela imphendvulo yakho. 'Wena lowati buhle nebubi' (2) 5.1.8 Sonkondlo bekabhala lenkondlo akusiphi simo? Sekela imphendvulo yakho ubhekise endzimeni yesibili. (2) 5.1.9 Ngabe kukhona yini lesikufundza kulenkondlo? Sekela imphendvulo yakho. (2) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 20 DBE/Lweti 2020 SC/NSC 5.2 Fundza lenkondlo bese uphendvula imibuto lelandzelako. NASENGIKHATSELE – JJ Ncongwane 1 Nasengikhatsele ngaphela nya, 2 Imikhono yami seyitsambe bhece, 3 Emehl' ami asavaleke ngci, 4 Imicabango yami seyiphelile, 5 Umoya wami awukapheli, 6 Imphilo yami ayikagcini 7 Ngigcinekile nje kulelikhasi, 8 Akusilo likhasi lami lekugcina. 9 Ngifihleni emfihlakalweni yemabhuku, 10 Ngibekeni kulendlu legcin' emabhuku, 11 Lapho ngitawuphumula khona kulesibhuku, 12 Siphuku sami singigcine lapho 13 Ningangihlukanisi nebantfu, 14 Ngive bantfu bangibuta tintfuli, 15 Batsi bhu bhu bhu! 16 Ngifihleni emfihlakalweni yemicabango, 17 Imicabango yami yembuleleke lemfihlo, 18 Yekucondz' imicondvo yemaBhunu, 19 Ngibhukule ngishone kulela lemabhuku, 20 Ngilale ngibhek' etulu kulemimoya 21 Ngiv' emabhuk' angibhudzisa ngedvwa, 22 Atsi bhu bhu bhu!. 23 Ngitfwaleni ngemaphepha ningiphephise, 24 Ningicamelis' etikwemabhuku ngiphumule, 25 Ngiphumule kucabanga ngemabhuku, 26 Ningibeke dvute nelibhuku lelikhulu, 27 Lelavul' emehlo ami emoya, 28 Umoya wam' uyavuma kakhulu, 29 Ngiv' umoy' ungiphephets' enhloko, 30 Utsi bhu bhu bhu! 31 Nasengikhatsele bahlobo bami, 32 Ningangilahli kulabalahliwe, 33 Ngitjaleni nje etihlotjeni tami, 34 Lengihlobene nato ngisemusha, 35 Busha bami buvuswe kabusha, 36 Ngenyanga yami yentfwasahlobo, 37 Ningikhumbule ngenkhumbulo lensha. 38 Nasengikhatsele ningakhatsateki, 39 Ngiphumulisen' emkhatsini wemabhuku, 40 Ningibek' engcongwaneni mine waNcongwane, 41 Lapho ngitawushayelwa khona ngumoya, 42 Umoya wami sewuphakamela kulemimoya, 43 Umphefumulo wami sewuphumulile kulesibhuku, 44 Ngitawuv' emabhuk' abhulana odvwa 45 Atsi bhu bhu bhu! Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 21 DBE/Lweti 2020 SC/NSC 46 Nasengikhatsele ningangikhatsaleli, 47 Tikhatsaleleni nine netinkhatsalo tenu, 48 Kuphila kwami kwacal' eBhukwini, 49 Khatsalelani kuts' emagama enu aseBhukwini, 50 Nikhatsateke kakhulu nangab' akubhukwana, 51 Ningalali nitsi bhu ga ningakalivi Livi, 52 Lelimemeta kancan' emabhukwini 53 Litsi bhu bhu bhu! [Likhasi 10–11] 5.2.1 Khetsa YINYE imphendvulo. Bhala kutsi luhlobo luni lwebunkondlo lobu lobudvwetjelwe kulomugca longentasi. 'Siphuku sami singigcine lapho' A Sifanangwaca B Sifanankhamisa C Sifutamsindvo D Siphukuto (1) 5.2.2 Shano kutsi bunkondlo buni lobukulemigca yenkondlo lelandzelako. Sekela imphendvulo yakho. 'Ngilale ngibhek' etulu kulemimoya Ngiv' emabhuk' angibhudzisa ngedvwa' (2) 5.2.3 Khetsa YINYE imphendvulo. Hlobo luni lweluchumano lolukumugca we-24 newe-25 enkondlweni lengenhla? A Luchumano loluphambene. B Luchumanosigcino. C Luchumanomkhatsini. D Luchumano lolutjekile. (1) 5.2.4 Itsini ingcikitsi yalenkondlo? Sekela imphendvulo yakho. (2) 5.2.5 Ngulabanjani bantfu labalahliwe njengobe sonkondlo asho emgceni we-32? (2) 5.2.6 Ucabanga kutsi sonkondlo ucondze kusitjelani ngenkhulumo letsi 'Kuphila kwami kwacal eBhukwini'? (2) 5.2.7 Sonkondlo ngumuntfu lokholwela kuNkulunkulu. Fakazela lombono ngekucaphuna imigca lemitsatfu endzimeni ye-4. (3) 5.2.8 Chaza kutsi sonkondlo kungani asho lamavi langentasi. 'Nasengikhatsele ningangikhatsaleli, Tikhatsaleleni nine netinkhatsalo tenu' (2) 5.2.9 Chaza ngekuhambelana kwesihloko naloko lokushiwo yinkondlo. (3) SAMBA SESIGABA D: 35 SAMBA SAKO KONKHE: 70 Emalungelo agodliwe