siSwati FAL Grade 12 P2 NSC November 2019 Question Paper

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2019 EMAMAKI: 70 SIKHATSI: Ema-awa 2 Leliphepha linemakhasi la-22. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/Lweti 2019 NSC TICONDZISO KULABAHLOLWAKO 1. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 2. Leliphepha lemibuto licuketse TIGABA LETINE SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 3. Bahlolwa baphendvula imibuto LEMIBILI kuphela. MUNYE umbuto kunobe ngutiphi tigaba LETIMBILI. (Umbuto ube MUNYE kuluhlobo lunye lwembhalo lalufundzile) lokutawenta emamaki la-70 njengobe kukhonjisiwe ngentasi. SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lekubutwe ngato. 4. Sebentisa luhlu lwekutikhumbuta kute usitakale. 5. Landzela ticondziso letisekucaleni kwaleso NALESO SIGABA. 6. Tinombolo tetimphendvulo atihambisane naleto temibuto njengobe tinjalo ephepheni lemibuto. 7. Cala LESO NALESO sigaba ekhasini LELISHA. 8. Siphakamiso sekulawulwa kwesikhatsi: Sebentisa emaminithi la-60 kuleso naleso sigaba losiphendvulako. 9. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/Lweti 2019 NSC LOKUCUKETFWE Lelikhasi litawusita umhlolwa ekukhetseni imibuto LAFUNA kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula MUNYE umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 2. Ngenca Yakho 35 8 SIGABA B: UMDLALO Phendvula MUNYE umbuto wemdlalo lowufundzile. 3. Lahloma Ladvuma 35 11 SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. 4.1 'Liphutsa Lakho' 17 15 4.2 'Tiga TaGezephi' 18 16 SIGABA D: TINKONDLO Phendvula TOTIMBILI tinkondlo lekubutwe ngato. 5.1 'Mtfombo Welwati' 17 19 5.2 'Yiphumteni Nebakitsi' 18 21 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/Lweti 2019 NSC LUHLA LWEKUTIKHUMBUTA Lelikhasi litawusita umhlolwa ekukhetseni imibuto LAFUNA kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO () A: Inoveli 1–2 1 (Imibuto lemifisha) B: Umdlalo 3 1 (Imibuto lemifisha) C: Tindzaba letimfisha 4.1 + 4.2 2 (Imibuto lemifisha) D: Tinkondlo 5.1 + 5.2 2 (Imibuto lemifisha) CAPHELA: Cikelela kutsi uphendvule imibuto lesetigabeni LETIMBILI kuphela. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/Lweti 2019 NSC SIGABA A: INOVELI UMBUTO 1: KWASHA TIKHOTSA – LL Dlamini 1.1 Fundza letheksthi bese uphendvula imibuto lelandzelako. ITHEKSTHI A Mswati wesibili wakhombisa kuhlakanipha lokukhulu ngekutsi atsandze kubonisana netindvuna takhe kuko konkhe lokumphetse kabi nome lokuyingoti esiveni. Imibono lemihle yekumelana netitsa waphumelela Mswati kuyivetela tindvuna takhe; kodvwa abehluleka kuveta imibono ngabomnakabo boFokotsi, Ndlela naSomcuba. 5 Mswati waphumelela kufakana imilomo naSomcuba, wakhombisa kutinikela ekubonisaneni naFokotsi kanye naNdlela. Emavi aMswati abetsi, 'Kumele kulwiwe nesitsa uma sekwehlulekiwe ekutsini kukhulunyiswane. Kulwa kucitsa ingati kuphume nemiphefumulo leminyenti nalengenacala.' Imphilo yemuntfu abeyatisa ngendlela lemangalisako. Loko-ke bekungeke kusamsita 10 ngalutfo ngobe simo bese singetulu kwemandla akhe; naye abengasati kutsi kumele atsatse ini ayihlanganise nani kuze simo silunge. Tinkinga labebukene nato Mswati betitinyenti kakhulu futsi angati kutsi abetaticatulula njani. Bewungafunga utsi iNgwenyama ifakelwe sicitfo, ngobe bekukubi magumbi onkhe. Kube sikhundla sebukhosi akusiso seluselwa 15 ngabe utsintsitsa tandla uyasibonga. Ukhuluma netindvuna takhe nje, titsa tinyatsela emabaleni elive lakhe. Bantfwana labatsatfu bahlanganisa emasu abo; baveta netinhloso tabo labatimisele kutibona tiphumelela nome kunjani. Somcuba ukhuluma nebanakabo boFokotsi naNdlela: 'Mswati uyawulibusa sifile. Uyatikhohlisa! Siphumelele kumlolela tinciji. Angeke alibuse uyatsandza 20 akatsandzi. Abukho butfongo latabulala kulomnyaka. Kuphumula angeke akutfole!' 'Tinyenti kakhulu tifu lesimcuphele tona. Ngimbekile Mtjekeni eNshonalanga! Emabutfo akaZulu nawo eNingizimu! Nango Mabhula eNyakatfo! Ngimbekile Ngwavuma eMphumalanga! Hhayi angeke adzabule!' 25 Kusho Fokotsi ngekutigcabha. 'Ngubani loyawutsatsa bukhosi emkhatsini wetfu lapha uma Mswati asancotjiwe?' Kubuta Somcuba. [Likhasi 17–18] 1.1.1 Khetsa YINYE imphendvulo. Tigameko letenteka kulenoveli tikhombisa kulandzela inchubo yemphilo yasiphi sikhatsi? A Sikhatsi sanyalo B Sikhatsi senala C Sikhatsi sakudzala D Sikhatsi semphucuko (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/Lweti 2019 NSC 1.1.2 Khetsa YINYE imphendvulo. Bhala kutsi ngubani umlingisi lobukene nenkinga kuletheksthi lengenhla. A NguSicobolonjwane B NguMswati C NguSandlane D NguKhambi (1) 1.1.3 Luhlobo luni lweludvweshu loluvetwa nguloko lokwenteka kuletheksthi lengenhla? Sekela imphendvulo yakho. (2) 1.1.4 Inkhulumo yaMswati letsi, 'Kumele kuliwe nesitsa uma sekwehlulekiwe ekutsini kukhulunyiswane' imveta angumuntfu lonjani? Sekela imphendvulo yakho. (2) 1.1.5 Nguyiphi inkinga labukene nayo Mswati wesibili nawufundza letheksthi? Sekela imphendvulo yakho. (2) 1.1.6 Emavi lakhulunywa nguSomcuba latsi, 'Mswati uyawulibusa sifile.' Ngabe aphumelela yini? Sekela ngalokwenteka kulenoveli. (2) 1.1.7 Catsanisa lokwenteka kutembusave enovelini nasesikhatsini lesiphila kuso namuhla. (2) 1.1.8 Ngekubona kwakho bekufanele yini boFokotsi nalabanye banakabo bamlwise Mswati wesibili? (2) 1.1.9 Tinkinga lebekabukene nato Mswati ngabe tacatululeka yini esiphetfweni salendzaba? Bhala emaphuzu LAMATSATFU. (3) NA 1.2 Fundza letheksthi bese uphendvula imibuto lelandzelako. ITHEKSTHI B Ngihambe kahle kaMahamba Ngwenyama. Imphendvulo labanginikete yona itsi bona abangeni etindzabeni tasegumeni lakaTsandzile, ngako-ke bacela kungahlushwa, kusho Khambi. 'Hhawu Khambi! Bakunikete leyo mphendvulo nje kuphela?' Kubuta Mswati akhombisa kumangala lokukhulu. Injabulo lena lebeyigcwele ebusweni bakhe 5 yavele yashabalala. 'Ngitjelwe lawo mavi emphumulweni. Ngitsite ngitama kutihlekihlekisa ngenhloso yekutsi mhlawumbe ngitawutjelwa lamanye emavi, kwaphindvwa wona lawo mavi,' kugcizelela Khambi. 'Utsite nawuweva emavi lanjena, watsini wena Khambi?' 10 'Akukho lebengingakusho Ngwenyama, ngobe bekaphuma ekhatsi etinhlitiyweni tabo.' 'Pho aphuma emlonyeni wabani emavi lanjena?' 'Aphume emlonyeni waSomcuba waze washo nekusho watsi ematsemba akhe akuMzila naMtjekeni.' 15 'Ngalamanye emavi usho kutsi uvana netitsa tami?' 'Kunjalo Ngwenyama. Loko kuchaza kutsi naye usitsa ngekwakhe.' Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/Lweti 2019 NSC 'Hhayi, angitfolisisi kahle Khambi. Abakwati kungilahla kanjena bomnaketfu. Umbuso lona usetandleni tetfu sonkhe, hhayi kutami kuphela. Kumele sibonane nabo sicoce. Kwehlukana emkhatsini wetfu kutasidvonsela emanti 20 ngemsele sigcine sibulawa natintfutfwane nemakululu,' kusho Mswati aphatseke kabi. Wachubeka Mswati watsi, 'Kujabula wena Khambi lowuye wabonana nelikhaba lababe. Ngibakhumbulile baketfu, ngobe sesidze sikhatsi sagcinana.' 'Kubuhlungu–ke ngobe bona abanamsebenti neNgwenyama; kepha yona 25 iyatihlupha ngabo.' [Likhasi 52–53] 1.2.1 Khetsa YINYE imphendvulo. Loku lokwenteka kuletheksthi lengenhla kwenteka kuyiphi indzawo? A Elawini B Esibayeni C Enkhundleni D Esigcawini (1) 1.2.2 Bekuyini umsebenti waboKhambi naSicobolonjwane? (1) 1.2.3 Wena kube bewunguMswati bewungayicatulula njani inkinga yekungevani kwakhe nebanakabo? Bhala emaphuzu LAMABILI. (2) 1.2.4 Ngekubona kwakho besikahle yini seluleko Mswati lasinikwa yiNdlovukati Tsandzile lesitsi, 'mani sibindzi'? Sekela ubhekise enovelini yonkhe. (2) 1.2.5 Mswati bekabatsandza banakabo afuna kutsi basebentisane. Vuma nobe uphikise lombono ngalokushiwo etheksthini lengenhla. (2) 1.2.6 Ucabanga kutsi Ndlela liyamlandzela yini libito lakhe? Sekela ngekubhekisa etentweni takhe kulenoveli. (2) 1.2.7 Shano kutsi ubaluleke ngani umsebenti lowentiwa yinyanga yaMswati kulenoveli. Bhala emaphuzu LAMABILI. (2) 1.2.8 Itsini ingcikitsi yalenoveli seyiyonkhe? Sekela imphendvulo yakho. (2) 1.2.9 Ngabe kukhona yini kuhambelana emkhatsini wesihloko naloko lokwenteka endzabeni? Sekela. (2) 1.2.10 Ngusiphi sifundvo lesitfolakala kulenoveli? Sekela imphendvulo yakho. (2) [35] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/Lweti 2019 NSC UMBUTO 2: NGENCA YAKHO – JJ Ncongwane 2.1 Fundza letheksthi bese uphendvula imibuto lelandzelako. ITHEKSTHI C Sekubhaliwe kuhlolwa kwekuphela kwemnyaka. Akusekho lutfo labalwentako bafundzi esikolweni. Sebayaya nje kugcwalisa umtsetfo. Sebalindzele lilanga lelikhulu. Lilanga phela lekubitwa kwemiphumela. Kulesikolo imiphumela yebantfwana ibitwa ngelilanga lekugcina nakuvalwa tikolo. Ibitelwa ngephasi kwesihlahla lesikhulu semvongotsi. Liyesabeka lelilanga kubafundzi ngobe 5 kuphela kwati nekuhlakanipha ngalo. Kulapho kukhanya khona kutsi umfundzi sonkhe lesikhatsi bekentani. Ingani phela nebatali bebantfwana bayamenywa ngalolosuku. Baphelela nconono. Ingani ngisho nemlumbi welipulasi Timbulu uyamenywa. Phela nguye Timbulu lokhipha inkhomo, aphe bantfwana baseMvongotsini kutsi bente kahle. Ngalo futsi lelilanga lekubitwa 10 kwemiphumela, bafundzi bayadilila bagidze nesibhaca. Njengaloku bafundzi sebacedzile kubhala kuhlolwa, bothishela balungisa imiphumela yebantfwana kusukela elibangeni lesine kuya phasi. Ingani phela yalaba labafundza libanga lesihlanu, ilungiswa edolobheni eSterspruit. Kulapho phela emaphepha abo amakhelwa khona bese kukhishwa 15 imiphumela. Labaphumelele baklonyeliswa ngetitifikethi telibanga lesihlanu. Nemaphepha emibuto yebelibanga lesihlanu, bekabuya khona edolobheni kubahloli. Bekungasiwo umdlalo-ke kuphumelela elibangeni lesihlanu ngobe emaphepha ekuhlolwa bekabuye ngaphandle, angentiwa bothishela. Yingako nje onkhe emehlo esive sakaTimbulu bekatikwalabo bafundzi labenta libanga 20 lesihlanu. Phela bekulibanga lelikhulu futsi lekugcina lapha esikolweni. Kulawo malanga, bafundzi bebayela kuyowudlala nje esikolweni. Bebadlala ingendvo, intjuba, incatfu, umlabalaba, libhola kanye naleminye nje imidlalo. Labadlala libhola bewubakhandza babheja timali, kusukela emasentini lasihlanu kuya kulalishumi. Bewubakhandza bajuluke bamanti nte solo 25 bacoshana nesikhumba senkhomo leyafa. [Likhasi-54] 2.1.1 Khetsa YINYE imphendvulo. Loku lokwenteka kuletheksthi kwenteka ngayiphi inyanga emnyakeni? A NgaJanawari B NgaMashi C NgaJuni D NgaDisemba (1) 2.1.2 Khetsa YINYE imphendvulo. Imiphumela yebafundzi baseMvongotsini beyibitelwa kuphi nendzawo? A Ngaphasi kwemoto B Ngaphasi kwesihlahla C Ngaphasi kwesigodvo D Ngaphasi kwesihlalo (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/Lweti 2019 NSC 2.1.3 Bhala LOKUBILI lokuvela kuletheksthi lokusentiwa etikolweni nanyalo. (2) 2.1.4 Ngubani umlingisi logcamile kulenoveli seyiyonkhe? Sekela imphendvulo yakho. (2) 2.1.5 Ngekubona kwakho umbhali bekafuna kusitjelani ngaletheksthi lengenhla? Bhala emaphuzu LAMABILI. (2) 2.1.6 Nguyiphi indzima ledlalwa nguTimbulu endzabeni njengobe naye bekabayincenye yebantfu lababitwako nakukhishwa imiphumela? (2) 2.1.7 Chaza kutsi sinjani similo sebafundzi baseMvongotsini nawufundza indzaba yonkhe. Sekela imphendvulo yakho. (2) 2.1.8 Kuvaleliswa kwebafundzi belibanga lesihlanu kunaliphi ligalelo kulabo labasele? Sekela imphendvulo yakho. (2) 2.1.9 Ngabe basesekhona yini bafundzi labenta njengalaba baseMvongotsini kulamalanga? Sekela ngemaphuzu LAMATSATFU. (3) NA 2.2 Fundza letheksthi bese uphendvula imibuto lelandzelako. ITHEKSTHI D Njenganyalo sewuphelile umsebenti lomkhulu. Gogo Finishi sewumbikile Mshumayeli kulabaphasi. Bantfu sebayahhomomtela nje lapha kaMotsa. Lilanga bese litjekile njengaloku sikhatsi bese sihambile, Khanyisile wabona kutsi kuncono ayovalelisa kugogo Finishi ahambe. Nemambala waya kuye wafike wamvalelisa. 5 Naphuma nje esangweni, Mshumayeli wamlandzela ngemuva. Wafike wamkhandza base sebayahambisana. 'Khanyi, ngicela kutsi sehlele emfuleni ngobe ngifuna kutsi sikhulume kahle singaphazanyiswa ngumuntfu,' kusho Mshumayeli. Nemambala behla njalo bacondza emfuleni uMgwenyana. Befika bahlala 10 phasi edvwaleni, babuka entasi lapho umfula ugeleta ucondza khona. 'Ewu, Mshumayeli ngaze ngabuva-ke buhlungu. Bewubindzeleni sonkhe lesikhatsi ungangitjeli kutsi ulungisela kuya ngesheya?' 'Cha Khanyi, loko ngakwenta ngemabomu ngobe ngicabangela wena. Ngabona kutsi nangingakutjela lendzaba, utawusuke uve buhlungu kakhulu 15 bese awusabhali kahle. Bengati mine kutsi ngitakutjela nini. Nangabe kodvwa sento sami sikuphetse kabi, ngicela kutsi ungicolele ngobe bengingakacondzi kukuvisa buhlungu.' 'Ewu ngiyakuva Mshumayeli futsi ngiyakucolela,' kusho Khanyisile ngelivi lelipholile. 20 'Khanyi, ngiyati kutsi ufisa ngibe sedvute nawe sonkhe sikhatsi kepha simo asivumi. Ngicela kutsi ungaphatseki kabi, ucabange kutsi njengaloku ngihamba ngiya khashane kangaka, ngitawukhohlwa ngawe. Kuhamba kwami akungakuphatsi kabi. Angihambi ngobe ngitsandza kepha ngihamba ngekuyowulungisa likusasa letfu.' Kepha iminyaka lengaka Mshu? Mine 25 ngitawusala nabani. Ngabe kuncono kube ungishiya nemntfwanakho, ngitowusale ngikubuka kuye. Ungishiya nani nje lephatsekako?' [Likhasi 160–161] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/Lweti 2019 NSC 2.2.1 Khetsa YINYE imphendvulo. Lomusho lokhokhwe kuletheksthi lengenhla uveta luphi luhlobo lwenkholelo? 'Gogo Finishi sewumbikile Mshumayeli kulabaphasi.' A Inkholelo yemadloti B Inkholelo yebuKhrestu C Inkholelo yemaRasta D Inkholelo yemaJuda (1) 2.2.2 Khetsa YINYE imphendvulo. Letheksthi lengenhla isikhombisa siphi simo semphilo? A Simo sekukhohlisana B Simo sekwesekelana C Simo sekungavisisani D Simo sekuyalana (1) 2.2.3 Bhala KUBILI lebekwenta Mshumayeli afune bayokhulumela ngasemfuleni banaKhanyisile. (2) 2.2.4 'Ewu, Mshumayeli ngaze ngabuva-ke buhlungu.' Lamavi bekawakhulunyiswa yini Khanyisile? (1) 2.2.5 Fakazela lombono lotsi bogogo Finishi namkhulu Gendinyoni bebamtsandza Mshumayeli. Bhala KUBILI. (2) 2.2.6 Ngaphandle kwendzaba yekulahlwa ngunina kwaMshumayeli ngutiphi letinye tizatfu letente umbhali wanika lenoveli sihloko lesitsi, Ngenca Yakho? (2) 2.2.7 Ngekubona kwakho yini leyenta Khanyisile ahluke emantfombataneni laphila esikhatsini sanyalo? Bhala KUBILI. (2) 2.2.8 Kuliciniso nobe kuliphutsa kutsi Mshumayeli nguye umlingisi logcamile kulenoveli yonkhe? Sekela ngemaphuzu LAMABILI. (2) 2.2.9 Tento tathishelanhloko Mdlalose timveta angumuntfu lonjani ngekwesimilo? Bhala emaphuzu LAMABILI. (2) 2.2.10 Lenkhulumo yaMshumayeli letsi, 'Angihambi ngobe ngitsandza kepha ngihamba ngekuyowulungisa likusasa letfu ...' ngabe yaba liciniso yini nawubuka siphetfo salenoveli? Sekela ngemaphuzu LAMATSATFU. (3) [35] SAMBA SESIGABA A: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/Lweti 2019 NSC SIGABA B: UMDLALO UMBUTO 3: LAHLOMA LADVUMA – Z Motsa 3.1 Fundza letheksthi bese uphendvula imibuto lelandzelako. ITHEKSTHI E TSEMBATIVE: Ngembetse ingubo yemahloni kunyatsela inkhundla etinyatselweni tesigodlo netinyatselweni tenkhosi yami, iMbiba yaJijimeza! Ngembetse siphuku semahloni kungena enkhundleni loMdzala sekemile. Lucolo kini nonkhe Batfwa! Akusindzelelo ngigilwe sikhatsi! Lidlojwa 5 libhekile baketfu asicolise kuloko. NDVUKUTEMPHI: (Ahlebela Qedizizwe) uyatsakatsa nangumuntfu. Lobengitsi utsi nimshiye adzakwe asangene akhohlwe nelibito lakhe. Utsi umnatsise bona nje lobu lobubuya kulenyanga ...? 10 QEDIZIZWE: (Naye akhulumela phansi) UJijimeza ugcwele izimanga Mngane! TSEMBATIVE: Batfwa! Ngete ngavikisana ngemavi nemusa wababe. Cha! Mine ngitsi nje kini lawulani tinhlitiyo tenu. Wami umbono kwakha sive lesibumbene sabobabemkhulu. 15 Lowo nalowo wetfu unelikhono lakhe lelingesilo lalomunye. Kimi kumcoka kutsi sonkhe, ngisho nalosemncane, alati likhono lakhe lekwakha sive. Kanjalo sonkhe sitatikhandza sinemsebenti locotfo nalobumba sive lapha eButfwa. Sonkhe sinesikhala 20 lesisigcwalisako lapha eveni leButfwa. Angiphikisani nemsa wababe … inkhosi itakuba yinkhosi ngetento tayo, hhayi ngekusikisa ngemlomo kuhle kwelijaha liheha intfombi. Ngako-ke lami liso libheke kini nonkhe, ngamunye! Simunye! Siyinqaba! Siyimbumba! 25 IMBIBA: Senitivele-ke! Njengemsimeto weButfwa sitawucela lowo lomele kuba ngumake wesive nebukhosi kutsi asondzele atekwetfula lolo ludziwo lemukelwa ngalo kulowo lesesitamphakamisa simkhunge nganayi indvuku yebukhosi (Kutsi nya) ludziwo … 30 (Ehlise sandla lesiphetse intfonga) KHETSIWE: (Asukume ete edvute neMbiba emehlo atse njo phansi etinyaweni. Kodvwa uta nje ulengise tandla akakaluphatsi ludziwo afike aguce.) Ngesaba Batfwa. Ngihambate, ludziwo lufile. 35 [Likhasi 31–32] 3.1.1 Khetsa YINYE imphendvulo. Ngubani umdlali lolichawe kuletheksthi lengenhla? A NguKhetsiwe B NguVusematfwa C NguTsembative D NguNdvukutemphi (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 12 DBE/Lweti 2019 NSC 3.1.2 Khetsa imphendvulo yakho. Bhala indzawo lapho senteka khona lesicashunwa semdlalo lesingenhla. A Kuselawini laNdvukutemphi B Kusekhaya leMbiba C Kusentsangeni yaKhetsiwe D Kusenkhundleni yesibhimbi (1) 3.1.3 BoNdvukutemphi naQedizizwe batfuswa yini kuletheksthi lengenhla? (1) 3.1.4 Ngusiphi sigameko lebesenteka esibhimbini nawufundza lokwenteka kuletheksthi? (1) 3.1.5 Sento saboQedizizwe sekufaka umutsi etjwaleni baVusematfwa siveta yiphi inkholelo? Sekela imphendvulo yakho. (2) 3.1.6 Chaza kutsi Vusematfwa wagcina abutfolile yini bukhosi. (2) 3.1.7 Tinkhulumo taboQedizizwe tiveta yiphi ingcikitsi? Sekela imphendvulo yakho. (2) 3.1.8 Shano kutsi lomdlalo wenteka esikhatsini sakudzala nobe sanyalo. Sekela imphendvulo yakho. (2) 3.1.9 Budlelwane emkhatsini waVusematfwa naNdvukutemphi buveta hlobo luni lweludvweshu? Sekela imphendvulo yakho. (2) 3.1.10 Lomdlalo ngabe uphetseke kahle yini? Sekela ngemaphuzu LAMABILI. (3) NA 3.2 Fundza letheksthi bese uphendvula imibuto lelandzelako. ITHEKSTHI F IMBIBA-NCHANTI: Awusho-ke kutsi unyoko wakwetsa watsi ungubani ligama lakho? TSEMBATIVE: NginguTsembative, Mliba! IMBIBA: Tsemba-tive! Yebo-ke kuyewak ... INDLOVUKATI: (Ngekumangala.) Tsemba-ti-ve? 5 IMBIBA: Ngishito kadzeni kutsi silulu sibole tfuhlu! Mbiba! Abafe! (Asondzele emabutfo.) IMBIBA-NCHANTI: (Abhekise kumbutfo.) Kahleni! Nifuna kucitsa ingati yami nginibukile? Phasi! (Abhekise etindvuneni takhe.) Kuhhuma inhloko-ke manje! 10 IMBIBA: Nitsini Batfwa? IMBIBA-NCHANTI: Kungatsiwani Mbiba, baganene labantfu! IMBIBA: Nini manje? Be-benteni? IMBIBA-NCHANTI: Baganene! INDLOVUKATI: Ngubabe lowafa yini? Tiphila tini letehlela mine? 15 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 13 DBE/Lweti 2019 NSC IMBIBA: Ntfombatana, usihlolelani sikwetsembe nakangaka? IMBIBA-NCHANTI: Liciniso babe! (Kubindze sikhashana futsi.) SIGWACA: Avele bafe kute lokunye! INDVODZA 1: Tindvuna, litsini lenu? Kumatima Mbiba! INDVODZA 2: Lami litsi kabafe Mbiba! Usho njalo umtsetfo! Umtsetfo 20 ngumtsetfo! IMBIBA: Bafe bobabili? Kute nje bukhosi lobuma ngaphandle kweNdlovukati? Akufe lomlisa isindze yona! Ngiyema lapho! (Sihlebo.) Safa bachamuki labacedza lifa leBatfwa sibukile! 25 TFOLWANE: Cha livi-ke lelo! Nami ngiyaleseka. Akufe lomchamuki. IMBIBA-NCHANTI: Kahleni ngemawala Batfwa baboMbokodvo! Khumbulani, lomlisa ulitsambo lami! Ngekubona kwami Batfwa, abacolelwe bobabili batichubekele bahlale eveni laboyisemkhulu! 30 LABANYE: Hheyi hlala phasi uyahhema jahalakitsi! Mdvoseni ngenjobo ahlale phasi bo! [Likhasi 74–75] 3.2.1 Bhala KUNYE lokungenta lesiceshana lesingenhla singadlaleki esiteji. (1) 3.2.2 Khetsa YINYE imphendvulo. Umuntfu lokutsiwa ungumchamuki ngulonjani njengobe kushiwo kuTsembative? A Ngulodvumile kuleyondzawo. B Ngulohlala kuleyondzawo. C Ngulosifiki kuleyondzawo. D Ngulosebenta kuleyondzawo. (1) 3.2.3 Khetsa YINYE imphendvulo. Bhala kutsi lesigameko lesenteka kuletheksthi siyini esakhiweni salomdlalo. A Siluvutfondzaba B Sisetfulo C Siludvweshu D Sisiphetfo (1) 3.2.4 Shano kutsi letigameko letenteka emdlalweni tiyakholweka yini. Sekela imphendvulo yakho ubhekise kuletheksthi lengenhla. (2) 3.2.5 Imbiba-nchanti ivetwe njengemdlali logucukako. Vuma nobe uphikise lombono ngemaphuzu LAMABILI. (2) 3.2.6 Tento taTsembative naKhetsiwe kulesicashunwa lesingenhla tinaliphi ligalelo elusheni lwalomuhla? Sekela imphendvulo yakho. (2) 3.2.7 Lutsandvo ngumancoba. Sekela lombono ngekusekela ngaloko lokwenteka kuboKhetsiwe naTsembative. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 14 DBE/Lweti 2019 NSC 3.2.8 Ngekubona kwakho ucabanga kutsi Ndvukutemphi ulilandzele yini ligama lakhe? Sekela imphendvulo yakho. (2) 3.2.9 Ngabe kuliciniso nobe kuliphutsa yini kutsi Tsembative bekanganandzaba nebukhosi bekafuna kutfola uyise nje kuphela? Sekela imphendvulo yakho. (2) 3.2.10 Sifundvo sini lesitfolakala kulomdlalo? Sekela ngekubhekisa emdlalweni. (3) [35] SAMBA SESIGABA B: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 15 DBE/Lweti 2019 NSC SIGABA C: TINDZABA LETIMFISHA UMBUTO 4: TELUTSANDVO ATIPHELI – JJ Ncongwane Phendvula YOMIBILI imibuto lebutwe ngetindzaba letimfisha. 4.1 'LIPHUTSA LAKHO' – JJ Ncongwane Fundza letheksthi bese uphendvula imibuto lelandzelako. ITHEKSTHI G Besekuphele iminyaka lemibili gonco bashada boJeaneth Mwelase naMandlenkhosi Zulu. Bashada umshado wesikholwa. Inganiphela Mandlenkhosi ushada nje unguMvangeli welibandla laseWeseli esigodzini saseMooiplaas. Mandlenkhosi abekadze anguloluhlobo lwebantfu lolufishane. Bekamfisha ngalokucakile, angumahlekehlatsini. Ngendlela 5 bekamfisha ngayo, bantfwana basontfosikolo bametsa batsi nguZakewu. Kantsi-ke Jeaneth bekangumhlengi esibhedlela eMbhuleni. Anelitsambo lelidze kantsi angamunwe. Kuleminyaka lemibili bashadile boJeaneth naMandlenkhosi, abamange batfole bantfwana kodvwa kwatsi ngalona wesitsatfu, inkhosi yababusisa ngemaphahla kodvwa-ke ngelishwa, silwane 10 sendza ngekushesha emuva kwekufika kwaso emhlabeni. Kwatsi leli lelingumuntfu laphila imphilo lebutsakatsaka ligulela safutsi. 'Phumela naye ngaphandle malukatane umbindzise mhlawumbe utawubindza,' kusho salukati lesingumake waMandlenkhosi njengaloku site lapha kandvodzana yaso ngenca yako kugula kwemtukulu waso lokusolo 15 mane bamlandvule njalo. Nemambala-ke waphumela naye ngaphandle Jeaneth wayomthulisela khona amlolotela. 'Thula babe, thula Mshengu wami,' kusho Jeaneth. Nembala bindziyani umntfwana. Bayati labadzala nabatsi kunina wemntfwana akaphumele ngaphandle naye amthulise khona kutsi basuke bacondzeni. Jeaneth 20 njengemuntfu losebenta esibhedlela, bekatsi nome ashayisile emsebentini asekhaya, kufike tincingo timbite kutsi aphutfume esibhedlela lusito lwakhe luyadzingeka ngekushesha. Ingani nome ahlabe likhefu asekhaya bekufika tincingo njalo timbita. Mandlenkhosi wadzimate wambuta ngalelinye lilanga kutsi kantsi nguye yedvwa yini linesi lapha esibhedlela kutsi sekutawubitwa 25 yena onkhe emalanga. Jeaneth wamtjela kutsi dokotela usuke ambitela umsebenti wekuyisa tigulani efiyati. Ingani phela nguye kuphela bekawati kancono lowo msebenti. Ingani phela lowo msebenti wekuyofiyota umatima kakhulu. Ngako-ke bodokotela bafuna nesi lowatiko kutsi kutawudzingekani nani ngaphandle kwekutsi akhunjutwe ngudokotela kutsi aletse ini nani. 30 [Likhasi 82–83] 4.1.1 Nguyiphi inkinga lebukene nemlingisi logcamile kulendzatjana? (1) 4.1.2 Khetsa YINYE imphendvulo. Shano indzawo lapho kwenteka khona lendzatjana. A EWeseli B EMooiplaas C EMbhuleni D ELukwatini (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 16 DBE/Lweti 2019 NSC 4.1.3 Bhala KUNYE lokungakwenta ufundze lendzatjana uyofika nayo esiphetfweni nawufundza letheksthi lengenhla. (1) 4.1.4 Nguyiphi indzima ledlalwa ngumake waMandlenkhosi kulendzatjana? Nika sizatfu. (2) 4.1.5 Ngabe lendzatjana iwulandzele yini umgomo wekubhalwa kwendzatjana ngekwelinani lebalingisi? Sekela imphendvulo yakho. (2) 4.1.6 Itsini ingcikitsi yalendzatjana? Sekela imphendvulo yakho ngemaphuzu LAMABILI. (2) 4.1.7 Ngabe tigameko letenteka kuletheksthi lengenhla tiyakholweka yini? Sekela Imphendvulo yakho. (2) 4.1.8 Chaza KUBILI lebewungakwenta kumkakho kube bekunguwe Mandlenkhosi. (2) 4.1.9 Liciniso nobe liphutsa kwekutsi Jeaneth bekatsandza Sam kakhulu kunekutsandza umyeni wakhe Mandlenkhosi? Bhala KUBILI. (2) 4.1.10 Ungabacwayisa utsini bomake labashadile ngesento saJeaneth nawubuka siphetfo salendzatjana? Sekela imphendvulo yakho. (2) NA 4.2 'TIGA TAGEZEPHI' – JJ Ncongwane Fundza letheksthi bese uphendvula imibuto lelandzelako. ITHEKSTHI H Wacabanga Khoza kutsi atsatse imoto yakhe yeluhlobo lweMazda acondze eBhova ayobuka Gezephi. Hhayi wacabanga wacedza Khoza wabona kutsi kuncono sale atidzela asivume lesisu. Kuncono kutsi avume emacala akhe. Vele mosi umntfwana ute manje nasekaphika lona utamtfolaphi lomunye? LaMbuyane, vele akabatfoli yena bantfwana. Inkinga yekukhulelwa 5 kwaGezephi lebesekumenta angakhoni nekulala butfongo watibona kutsi utidvonsele yena emanti ngemsele. 'Yebo nangite umntfwana, kusho kutsi ngisebentela lite nje. Onkhe lamandla ami langaka atawudliwa bantfu nje. Kute lotawudla lifa lami nasengifile. Nangingafa lapha, LaMbuyane utawutsatfwa ngulenye indvodza, kudliwe 10 lelifa lami. Cha kuncono vele ngiyosivuma lesisu saGezephi ...' Kusho Khoza emicabangweni yakhe. Waphuma esibhedlela eMbhuleni Khoza wayidvonsa njalo imoto yakhe iMazda 3 asacondze eBhova. Wasale watitjela kutsi nome angati kepha utawufuna aze atfole. Lilokishi laseBhova alisilikhulu kangako. Kuphela nje 15 nakati kutsi ekhaboGezephi kuseSilahla, utawufunela ngakhona aze atfole. Yashosholota imoto yaKhoza seyicondze eBhova. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 17 DBE/Lweti 2019 NSC Kutsite lapho imoto yaKhoza seyengce kancane eMachado Plaza, kwakhala makhalekhukhwini wakhe. Wehlisa litubane wamphendvula. 'Hawu! Nguwe mkami kunjani?' kuphendvula Khoza ehlisa litubane lemoto 20 ayikhombe eceleni kwemgwaco kepha angemi. 'Yebo ngimi babe. Ngitsi angikushayele lucingo ngobe sengikukhumbulile Khozeni wami. Utawufika nini ekhaya?' 'E, ngicabanga kutsi sengitawufika kuleliviki lelitako. Kuleliviki ngibanjwe ngumsebenti wesikolo kanye nema-assignment ase-UNISA lokufute kutsi 25 ngiwente bese ngiyawatfumela ngobe sekengcelwe sikhatsi.' Kusho Khoza akhipha laluhlata nje emanga. 'Kulungile babe, sitawubonana ke kuleliviki lelitako. Kepha bengikuphatsele tindzaba letinkhulu naletimnandzi Khozeni wami. Manje letindzaba bengingatsandzi kutsi ngikutjele elucingweni ...' 30 'Hawu! Tindzaba tini leto mkami?' Kubuta Khoza ngekumangala. 'Cha Khozeni wami lomuhle, letindzaba ngifuna kukutjela tona sihleti endzaweni lenhle. Sengiyilungisile futsi naleyo ndzawo lapho ngitakutjelela khona letindzaba letinkhulu letimnandzi.' [Likhasi 46-47] 4.2.1 Ngubani umlingisi logcamile kulendzatjana yonkhe? (1) 4.2.2 Khetsa YiNYE imphendvulo. Esingenisweni salendzatjana sibona Gezephi akhala abindzile. Ukhaliswa yini? A Utotjela thishela Khoza kutsi akasamfuni. B Uve kutsi umfati waKhoza ukhulelwe. C Utewutjela thishela Khoza kutsi ukhulelwe. D Utewutjela thishela Khoza ngekufa kwaShuzi. (1) 4.2.3 Thishela Khoza utidvonsele yena emanti ngemsele ngekulala nemntfwana wesikolo lamfundzisako. Sekela lombono ngemaphuzu LAMABILI. (2) 4.2.4 Kulendzatjana thishela Khoza usiphikile sisu saGezephi. Yini leyase imenta avuke ekuseni aye kuGezephi ayokhuluma naye? Sekela. (2) 4.2.5 Lendzatjana yenteka ngasiphi sikhatsi semphilo? Sekela ngemaphuzu LAMABILI. (2) 4.2.6 Kwentanjani 'kucitsa timali letishisiwe' lebekwentiwe boKhoza nemkakhe? Bhala kutsi kwakuyini sizatfu sekwenta loko. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 18 DBE/Lweti 2019 NSC 4.2.7 Gezephi ungumlingisi lotsandvwa aphindze alandzelwa ngemabhadi kuyo yonkhe lendzatjana. Bhala kube KUBILI lokwesekela lombono. (2) 4.2.8 Phawula ngekufaneleka kwesiphetfo wesekele ngalokwenteka kuso. (2) 4.2.9 Kubalingisi labakulendzatjana lokunguGezephi, thishela Khoza naLaMbuyane, ngumuphi umlingisi lomvela buhlungu kuko konkhe lokwenteke kulendzatjana. Sekela imphendvulo yakho. (2) 4.2.10 Wena ucabanga kutsi umbhali bekacondze kwetfula sifundvo lesitsini kitsi bafundzi balendzatjana? Sekela. (2) SAMBA SESIGABA C: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 19 DBE/Lweti 2019 NSC SIGABA D: TINKONDLO UMBUTO 5: EMATFUNDVULUKA – BB Malangwane Phendvula TOTIMBILI tinkondlo lekubutwe ngato. 5.1 Fundza lenkondlo bese uphendvula imibuto lelandzelako. MTFOMBO WELWATI – SL Sigudla 1 Gobhota mtfombo welwati, 2 Gobhota mtfombo gobhota 3 Gobhota busuku nemini, 4 Kujabule lusapho lwaMswati, 5 Lunatse kujabule Mswati. 6 Gobhota mtfombo welwati, 7 Gobhota tindzawo tonkhe, 8 Kunatse labakhulu nalabancane, 9 Kunatse labatimisele bakholwe. 10 Gobhota mtfombo welwati, 11 Gobhot' etinkhangala bename, 12 Gobhot' emahlandzeni bename, 13 Gobhot' etingwadvule bename. 14 Gobhota mtfombo welwati, 15 Sokukhutsal' anatse atidzelise, 16 Somavil' atigcabhe afulatsela, 17 Gobhota mtfomb' ungashi! 18 Gobhota mtfombo welwati, 19 Sive siba sive ngawe, 20 Umuntfu uba' muntfu ngawe, 21 Imphilo iba yimphilo ngawe. 22 Gobhota mtfombo welwati, 23 Bashaye luhele bacondze kuwe, 24 Bayewunatsa bangaphindze bome, 25 Babukane netemhlaba jikelele. 26 Gobhota mtfombo welwati, 27 Kujabule Nhlakanipho anatse, 28 Kujabhe Siwula afulatsele- 29 Gobhota mtfombo ungashi! [Likhasi 63] 5.1.1 Khetsa YINYE imphendvulo. Shano kutsi lomugca losekucaleni kwetindzima talenkondlo uyini. 'Gobhota mtfombo welwati' A Imphindza B Imphindzamcondvo C Imvumelwano D Imphindvwa (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 20 DBE/Lweti 2019 NSC 5.1.2 Luhlobo luni lwebunkondlo lobuletfwa tinhlavu leticindzetelwe emgceni longentasi? 'Bayewunatsa bangaphindze bome' (1) 5.1.3 Khetsa YINYE imphendvulo. Bhala luhlobo lwebunkondlo lobuvetwa ngulamagama lacindzetelwe kulemigca lelandzelako: 'Kujabule lusapho lwaMswati, Lunatse kujabule Mswati.' A Luchumanosicalo B Luchumano lolutjekile C Luchumanomkhatsini D Luchumanosigcino (1) 5.1.4 Shano kutsi tinjani tindzima talenkondlo. Bhala emaphuzu LAMABILI. (2) 5.1.5 Bunkondlo buni lobukulomugca walenkondlo? 'Kunatse labakhulu nalabancane.' (1) 5.1.6 Sonkondlo ulusebentiseleni luphawu loludvwetjelwe emgceni longentasi? 'Gobhota mtfomb' ungashi!' (1) 5.1.7 Usitjelani sonkondlo nakatsi, 'Sive siba sive ngawe'? (2) 5.1.8 Itsini ingcikitsi yalenkondlo? Sekela imphendvulo yakho. (2) 5.1.9 Ngabe lenkondlo ikhuluma ngani? Bhala emaphuzu LAMIBILI. (2) 5.1.10 Utsini umlayeto lotfolakala kulenkondlo? (2) 5.1.11 Ngabe kukhona yini kuhambelana kwesihloko naloko lokushiwo ngulenkondlo? Sekela imphendvulo yakho. (2) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 21 DBE/Lweti 2019 NSC 5.2 Fundza lenkondlo bese uphendvula imibuto lelandzelako. YIPHUMTENI NEBAKITSI – VJ Nkwanyana 1 Ningitfole ngishay' emangcolo, 2 Endlini yemakhenye lapho ngangisosobele, 3 Ngemicabango lekhwebul' imvula yetinyembeti, 4 Nashiy' ingcondvo yami seyilihobosha, 5 Njengemoba lapho selitsambeme kujokola, 6 Nemacoc' etiseleni kuphatim' emangeleti, 7 Nangicukula nayongidzimul' emahholokohlweni 8 Lamnyama kabi laph' ingcondvo yami, 9 Icale kukhetsakhets' emabala, 10 Ifunana nawe wena Ngculungculu maphiko, 11 Ungicomise tigudza temavi lamnandzi, 12 Ngibusiseke lapho besengililunga lemkhohlisi 13 Ngibambe lejubako lecondz' emtfonjeni, 14 Ngiyowedzambisa leto letimaholoholo. 15 Kodvwa aninanhlitiyo ninjengelijabhane, 16 Ngangititfungele kugucasithandaze, 17 Nangetfula nangibeka phansi, 18 Ngicoleleni nebakitsi musani ngelulaka, 19 Its' ingcondvo yami seyigwanye mbamba, 20 Yafa yaphetsa ngani seyiconelele injabulo, 21 Kodvwa senibuyile nakhwetela bomchinchi, 22 Betimphondvo tendlovu bosa inhlitiyo yami yahashuka. 23 Sengitawuva ngani lapho seningishumphetela, 24 Seningigubetel' etingutjaneni letimnyama, 25 Letigcokwa tiphelele emtimbeni, 26 Lapho nganibona nishumphetela LaMvuleni, 27 Ingcugce leyavundliswa nemanoni, 28 Ngasala njengelizini esidlekeni, 29 Iphumuteni musani kuhlomelana njengemabutfo, 30 Ningifofobalise kweluswane mbamba. 31 Niyabhadlula ningemalangabi lapho 32 Nganiva seningifutfumeta inhlitiyo iyobayoba, 33 Nayihlohle ematfunjini enu lapho, 34 Ingani kunyomuka nanini kuleto ticeshana, 35 Leningitsandzele ngato letitsandzelana 36 Njengemfet' imint' emantjwele, 37 Seningidlel' emandla ningemasela. [Likhasi 45–46] 5.2.1 Khetsa YINYE imphendvulo. Shano kutsi lenkondlo lengenhla iluhlobo luni: A Ilirikhi B Isonethi C Inkondlomlandvo D Inkondlosililo (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 22 DBE/Lweti 2019 NSC 5.2.2 Khetsa YINYE imphendvulo. Luhlobo luni lwebunkondlo lolutfolakala kulemigca lengentasi? 'Nangicukula nayongidzimul' emahholokohlweni Lamnyama kabi laph' ingcondvo yami' A Sidvonsamoya B Silinganisomcondvo C Sicedzelelamcondvo D Sihabiso (1) 5.2.3 Bhala umugca losendzimeni yekucala losho kutsi labantfu bashiya sonkondlo angasakhoni nekucabanga, ingcondvo ingenalutfo. (1) 5.2.4 Bunkondlo buni lobuvetwa nguletinhlavu leticindzetelwe kulemigca lengentasi? 'Ngibusiseke lapho besengililunga lemkhohlisi Ngibambe lejubako lecondz' emtfonjeni, Ngiyowedzambisa leto letimaholoholo.' (1) 5.2.5 Sinongo sini lesitfolakala kulomugca walenkondlo longentasi? 'Niyabhadlula ningemalangabi lapho' (1) 5.2.6 Khokha imigca lenemvumelwanosigcino endzimeni yekugcina bese uyibhala phasi. (1) 5.2.7 Ngabe sonkondlo ucondze kusitjelani ngenkhulumo lengentasi? 'Ngangititfungele kugucasithandaze, Nangetfula nangibeka phansi' (2) 5.2.8 Ngabe kukhona kuhleleka kwemagama emigceni yalenkondlo lengenhla? Sekela imphendvulo yakho. (3) 5.2.9 Chaza kutsi yini leyenta sonkondlo atsi, 'Kodvwa aninanhlitiyo ninjengelijabhane'. (2) 5.2.10 Sonkondlo bekabhala lenkondlo akusiphi simo? Sekela imphendvulo yakho. (2) 5.2.11 Bhala emaphuzu LAMATSATFU ngaloko lebekuhlupha sonkondlo kulenkondlo lengenhla. (3) SAMBA SESIGABA D: 35 SAMBA SAKO KONKHE: 70 Emalungelo agodliwe