siSwati FAL Grade 12 P2 NSC November 2018 Question Paper

Downloaded from hlayiso.com SENIOR CERTIFICATE EXAMINATIONS SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) 2018 EMAMAKI: 70 SIKHATSI: Ema-awa 2 Leliphepha linemakhasi la-25. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/2018 SCE TICONDZISO 1. Fundza lelikhasi ngembikwekutsi ucale kuphendvula imibuto. 2. Ungalifundzi lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze kulomnyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. 3. Leliphepha lemibuto licuketse TIGABA LETINE. SIGABA A: Inoveli (35) SIGABA B: Umdlalo (35) SIGABA C: Tindzaba letimfisha (35) SIGABA D: Tinkondlo (35) 4. Bahlolwa abaphendvula imibuto LEMIBILI kuphela. MUNYE umbuto kunobe ngutiphi tigaba LETIMBILI. (Umbuto ube MUNYE kuluhlobo lunye lwembhalo lalufundzile) lokutawenta emamaki lange-70 njengobe kukhonjiswe ngentasi. SIGABA A: INOVELI Phendvula MUNYE umbuto wenoveli loyifundzile. SIGABA B: UMDLALO Phendvula MUNYE umbuto wemdlalo lowufundzile. SIGABA C: TINDZABA LETIMFISHA Phendvula YOMIBILI imibuto lebutwe ngetindzaba letimfisha. SIGABA D: TINKONDLO Phendvula TOTIMBILI tinkondlo lekubutwe ngato. 5. Sebentisa luhlu lwekutikhumbuta kute usitakale. 6. Landzela ticondziso letisekucaleni kwaleso NALESO SIGABA. 7. Tinombolo tetimphendvulo atihambisane naleto temibuto njengobe tinjalo ephepheni lemibuto. 8. Cala LESO NALESO SIGABA ekhasini LELISHA. 9. Siphakamiso sekulawulwa kwesikhatsi: Sebentisa emaminithi la-60 kuleso naleso sigaba. 10. Bhala ngesandla lesibonakalako nalesifundzekako. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/2018 SCE LOKUCUKETFWE Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA A: INOVELI Phendvula MUNYE umbuto wenoveli loyifundzile. INOMBOLO YEMBUTO EMAMAKI LIKHASI 1. Kwasha Tikhotsa 35 5 2. Ngenca Yakho 35 7 SIGABA B: UMDLALO Phendvula MUNYE umbuto wemdlalo lowufundzile. 3. Lahloma Ladvuma 35 9 SIGABA C: TINDZABA LETIMFISHA Phendvula imibuto LEMIBILI ngetindzaba letimfisha lotifundzile. 4.1 'Titifiketi' 18 11 NA 4.2 'Wangenta Makhelwane' 17 13 NOBE 5.1 'Lizizi' 18 14 NA 5.2 'Inhlupheko' 17 16 SIGABA D: TINKONDLO Phendvula TIMBILI tinkondlo ngencwadzi loyifundzile. 6.1 'Ncamul' Emave' 17 18 NA 6.2 'Mnukubeti Wemvelo' 18 20 NOBE 7.1 'Sihlutfulelo' 17 21 NA 7.2 'Nasengikhatsele' 18 23 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/2018 SCE LUHLA LWEKUTIKHUMBUTA Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe liphepha lemibuto. SIGABA TINOMBOLO LINANI LEMIBUTO THIKA TEMIBUTO LEPHENDVULWAKO () A: Inoveli 1–2 1 B: Umdlalo 3 1 C: Tindzaba letimfisha 4–5 2 D: Tinkondlo 6–7 2 CAPHELA: Yenta siciniseko sekutsi uphendvule imibuto lesetigabeni LETIMBILI kuphela. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/2018 SCE SIGABA A: INOVELI UMBUTO 1: KWASHA TIKHOTSA – LL Dlamini Fundza letheksthi bese uphendvula imibuto lelandzelako. ITHEKSTHI A Wathula lesidze sikhatsi Mswati uma eva emavi aSicobolonjwane futsi awacatsanisa nalawo aKhambi. Wafikelwa ngumdlandla wekulalela achubeke. Washo ngenhlitiyo kutsi kukhona locamba emanga emkhatsini waboSicobolonjwane naKhambi. Washo watsi liciniso nemanga kufana nemanti nemafutsa. Wanakashela ngekutsi liciniso litawuvela libonakale. 5 'Veta wakho umbono ngabomnaketfu ngive Sicobolonjwane.' 'Betfusiwe Ngwenyama kwatsiwa ufuna balandzele bokhokho ngenca yemitamo yabo yekukubangisa sikhundla. Intfo lebafakele luvalo lolukhulu kuncotjwa kwemakhosi lanemandla kalula,' kusho Sicobolonjwane. Waphuma Sicobolonjwane elawini lengwenyama ngemuva kwekutfula inkhulumo 10 yakhe ngemphumelelo. Mswati wasala nemibuto leminyenti ledzinga kuphendvulwa. 'Ngubani lonemanga emkhatsini waSicobolonjwane naKhambi? Ngabe bomnaketfu balwa nami impela? Ngabe ngubani longasita acatulule lena ndzaba yemndeni? Loyo mcatululi utawuphumelela yini emitameni yekucatulula?' Yonkhe leyo mibuto beyibutwa nguMswati, abe angenayo imphendvulo lefanele. Umcondvo wakhe 15 wawubhekisa kuboKhambi naSicobolonjwane. 'Khambi ngako -ke ngiyametsemba. Loku lakubikile ngabomnaketfu kuliciniso,' atsi kuthula kancane Mswati etjisa imicabango yakhe ngaKhambi. Wachubeka wacabanga ngaSicobolonjwane: 'Sicobolonjwane inhloli yami lengiyitsandzako leseyente umsebenti wayo sikhatsi 20 lesidze ngemphumelelo. Ukhulume emavi lamnandzi kakhulu ngabomnaketfu. Ngikholwe yena nobe ngikholwe Khambi?' INgwenyama yesive yasala imangele ingati kutsi kumele ikholwe bani emkhatsini waKhambi naSicobolonjwane. Yatsatsa sincumo sekutsi ikhiphe Sandlane, ndvunankhulu wesive aye kubomnakabo ayewubacela kutsi bete eLudzidzini futsi 25 batewukhuluma temndeni. [Likhasi 54–55] 1.1 Khetsa YINYE imphendvulo. Nguluphi ludvweshu loluletfwa singeniso saletheksthi? Ludvweshu ... A lwangaphandle. B lwasekucaleni. C lwasemkhatsini. D lwangekhatsi. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/2018 SCE 1.2 Khetsa YINYE imphendvulo. Lenkhulumo lekuletheksthi letsi, 'Liciniso nemanga kufana nemanti nemafutsa' isho kutsini? Isho kutsi ... A akuhambisani. B kuyahambisana. C kunye. D kuhlalelene. (1) 1.3 BoKhambi naSicobolonjwane benta msebenti muni nawubhekisa endzabeni yonkhe? (1) 1.4 Ngabe kukhona yini kuletheksthi lokwenta umfundzi afise kuchubeka nekufundza lendzaba? Sekela imphendvulo yakho. (2) 1.5 Tizatfu tini letikwenta utsi Mswati vele bebumfanele bukhosi? Bhala tibe TIMBILI. (2) 1.6 Bhala ngemaphuzu LAMABILI kutsi yini leyabangela Somcuba waba nelitsemba lekutsi Mswati angeke alibuse live nawufundza lenoveli. (2) 1.7 Ngabe indlovukati Tsandzile isifakile yini sandla ekwenteni Mswati akhone kuncoba bobhuti bakhe? Sekela imphendvulo yakho. (2) 1.8 Bhala KUBILI lokwaba buhlungu lokwenteka esiphetfweni salenoveli. (2) 1.9 Lenkhulumo yaSicobolonjwane letsi, 'Betfusiwe Ngwenyama kwatsiwa ufuna balandzele bokhokho' isho kutsini? (2) 1.10 Umbhali uphumelele yini kusetfulela inkinga labukene nayo Mswati kulesicashunwa? Sekela imphendvulo yakho. (2) 1.11 Catsanisa similo saSicobolonjwane nesaKhambi ubhekise emibikweni lebayetfulela inkhosi kuletheksthi. (2) 1.12 Ngabe lendzaba yenteka esikhatsini sanamuhla nobe sakudzala? Sekela imphendvulo yakho. (2) 1.13 Lukuphi luvutfondzaba kulenoveli letsi, 'Kwasha Tikhotsa'? (2) 1.14 Tento taMswati tihambisana kangakanani nesihloko salenoveli? Sekela imphendvulo yakho. (2) 1.15 Kuyabonakala kutsi Mswati nabobhuti bakhe abakahlalisani kahle. Sekela lenkhulumo ngemaphuzu LAMATSATFU. (3) 1.16 Bhala sifundvo lositfola kulenoveli ngendlela lebabulawa ngayo boSomcuba. Sekela imphendvulo yakho. (2) 1.17 Kube bekunguwe Mswati ubukene naletinkinga letingaka tekuhlaselwa bewungatsatsa siphi sincumo? (2) 1.18 Mlayeto muni longatfolwa ngemacembu etepolitiki anamuhla uma angafundza lenoveli? Bhala emaphuzu LAMATSATFU. (3) [35] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/2018 SCE UMBUTO 2: NGENCA YAKHO – JJ Ncongwane Fundza letheksthi bese uphendvula imibuto lelandzelako. ITHEKSTHI B 'Simon mkhaya likusasa lami limnyama. Vele mine ngingulahliwe ngobe ngalahlwa ngumake.' Kusho Mshumayeli abheke phasi. Ubuka phasi nje Mshumayeli ngobe uva sekushisa tinyembeti emehlweni. Tishisa ngobe kufanele. Phela yena bekasabeke lonkhe litsemba lakhe kumkhulu wakhe. Likusasa lakhe bekalibona litawuba lihle. Nebuntsandzane bakhe buphele ngobe 5 asatfole imfundvo. Naku-ke lamuhla malume wakhe sewumdlela umona. 'Cha Mshumayeli ungalilahli litsemba. Uncono wena ngobe uphiwe nasenhloko, mhlawumbe kukhona labatakuvela bakuphe imali yekuchubeka nesikolo. Uyabona mine ngifuna kusiyekela nje sikolo ngobe ngiyabona kutsi angikaphiwa lapha enhloko.' 10 'Hawu! Sewufuna kusiyekela sikolo Simon?' kubuta Mshumayeli aphakamisa inhloko ambuka. 'Njengaloku ngisho mkhaya.' 'Cha mkhaya kute nami lengingakwenta. Phela kuphindza libanga linye kabili kusho kona kutsi awukaphiwa lapha enhloko. Kodvwa ungakhatsateki ngami Mshumayeli. 15 Mine ngumnyaka wami wekugcina lapha eMajuba. Ngiyaphasa nome ngiyafeyila, vele ngiyasishiya sikolo. Sengifuna kuyofuna umsebenti. Sikhatsi sami sekuhlala esikolweni sesiphelile. Kodvwa ngitsi chubeka wena Mshumayeli ufundze. Sesibuke wena kutsi utawusimela uphakamise indzawo yakitsi. Uphindze uphakamise lipulasi lakaTimbulu.' 20 'Manje Simon uyowufuna kuphi umsebenti?' 'Hhayi ungahlupheki ngami Mshumayeli mine ngifuna kuyowufuna le eMsidamu emasotjeni. Ngifuna kuyobamba inganono. Ngiyawutsandza lomsebenti webusotja. Ngako-ke nangiphumelela ngiwutfola ngitakutfumelela imadlana. Ngiyati wangisita kakhulu wena Mshumayeli sisafundza eMvongotsini.' 25 [Likhasi 85–86] 2.1 Khetsa YINYE imphendvulo. Kulabalingisi labalandzelako ngubani lobekabukene nenkinga lenkhulu? A NguSimon B NguMshumayeli C NguMabhunu D NguKhanyisile (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/2018 SCE 2.2 Khetsa YINYE imphendvulo. Tento talabalingisi labakhuluma kuletheksthi tilufundzisani lusha lwalomuhla? A Kucabana B Kuzondana C Kubambisana D Kuyengana (1) 2.3 Nguyiphi inkinga labukene nayo Mshumayeli kuletheksthi lengenhla? (1) 2.4 Emavi aMshumayeli latsi, 'Vele mine ngingulahliwe ngobe ngalahlwa ngumake' uwakhulunyiswa yini? (1) 2.5 Bhala inkhulumo lesendzimeni yesitsatfu lesitjela kutsi Mshumayeli bekahlakaniphile esikolweni. (2) 2.6 Bhala emaphuzu LAMABILI lafakazela kutsi Mshumayeli bekayitsandza indzawo yakubo. (2) 2.7 Itsini ingcikitsi yalenoveli uma ufundza letheksthi? Sekela imphendvulo yakho. (2) 2.8 Bhala tigameko LETINTSATFU letiveta kahle kamhlophe kutsi lendzaba yenteka esikhatsini sakudzala. (3) 2.9 Kubi ngani kubeka litsemba lakho kulomunye umuntfu njengobe Mshumayeli bekabeke litsemba lakhe kumkhulu Gendinyoni? Bhala emaphuzu LAMABILI. (2) 2.10 Bhala KUBILI lokungaba ngumphumela lomubi wekuyekela kwaSimon kufundza sikolo. (2) 2.11 Ucabanga kutsi umbhali bekahloseni ngekusibhalela lenoveli? Sekela imphendvulo yakho. (2) 2.12 Ngabe uyavelana yini naMabhunu ngekuboshwa kwakhe ayodvosa ejele? Sekela ngemaphuzu LAMATSATFU. (3) 2.13 Ngabe kuliciniso nobe liphutsa loko lokushiwo nguMshumayeli kutsi buntsandzane bakhe bungaphela nangatfola imfundvo? Sekela imphendvulo yakho ngemaphuzu LAMABILI. (2) 2.14 Catsanisa indlela lebebaphila ngayo boMshumayeli neyebafundzi balesikhatsi sanamuhla. (2) 2.15 Ngabe gogo Finishi uvetwe angumlingisi lonjani ngesikhatsi abuta emaphoyiseni kutsi atitfumele yini titfupha taMabhunu ePitoli? Sekela imphendvulo yakho. (2) 2.16 Ngusiphi sifundvo lesitfolakala kulenoveli nasibhekise kuthishelanhloko Mdlalose? Sekela imphendvulo yakho. (2) 2.17 Ngabe sihloko salenoveli sikhetseke kahle yini? Sekela imphendvulo yakho. (2) 2.18 Ngabe uyavumelana yini nembono lotsi, lenoveli iphetseke kahle? Sekela imphendvulo yakho ngemaphuzu LAMATSATFU. (3) [35] SAMBA SESIGABA A: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/2018 SCE SIGABA B: UMDLALO UMBUTO 3: LAHLOMA LADVUMA – Z Motsa Fundza letheksthi bese uphendvula imibuto lelandzelako. ITHEKSTHI C IMBIBA-NCHANTI: Awusho-ke kutsi unyoko wakwetsa watsi ungubani ligama lakho? TSEMBATIVE: NginguTsembative, Mliba! IMBIBA: Tsemba – tive! Yebo-ke kuyewak ... INDLOVUKATI: (Ngekumangala.) Tsemba-ti-ve? 5 IMBIBA: Ngishito kadzeni kutsi silulu sibole tfuhlu! Mbiba! Abafe! (Asondzele emabutfo.) IMBIBA-NCHANTI: (Abhekise kumbutfo.) Kahleni! Nifuna kucitsa ingati yami nginibukile? Phasi! (Abhekise etindvuneni takhe.) Kuhhuma inhloko-ke 10 manje! IMBIBA: Nitsini Batfwa? IMBIBA-NCHANTI: Kungatsiwani Mbiba, baganene labantfu! IMBIBA: Nini manje? Be-benteni? IMBIBA-NCHANTI: Baganene! 15 INDLOVUKATI: Ngubabe lowafa yini? Tiphila tini leti letehlela mine? IMBIBA: Ntfombatana, usihlolelani sikwetsembe nakangaka? IMBIBA-NCHANTI: Liciniso babe! (Kubindze sikhashana futsi.) SIGWACA: Avele bafe kute lokunye! INDVODZA 1: Tindvuna, litsini lenu? 20 Kumatima Mbiba! INDVODZA 2: Lami litsi kabafe Mbiba! Usho njalo umtsetfo! Umtsetfo ngumtsetfo! IMBIBA: Bafe bobabili? Kute nje buKhosi lobuma ngaphandle KweNdlovukati? Akufe lomlisa isindze yona! Ngiyema lapho! 25 (Sihlebo.) Safa bachamuki labacedza lifa leBatfwa sibukile! TFOLWANE: Cha livi-ke lelo! Nami ngiyaleseka. Akufe lomchamuki. IMBIBA-NCHANTI: Kahleni ngemawala Batfwa baboMbokodvo! Khumbulani, lomlisa ulitsambo lami! Ngekubona kwami Batfwa, abacolelwe bobabili batichubekele 30 bahlale eveni laboyisemkhulu! LABANYE: Hheyi hlala phasi uyahhema jahalakitsi! Mdvoseni ngenjobo ahlale phasi bo! [Likhasi 74–75] 3.1 Khetsa YINYE imphendvulo. Kuletheksthi iMbiba-nchanti ibonakala ingumlingisi lonjani? A Loyindilinga B Losicaba C Longumbhebhetseli D Longummeleli (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/2018 SCE 3.2 Khetsa YINYE imphendvulo. Bhala ligama lelichazwa ngulenkhulumo yeMbiba-nchanti letsi, 'Nifuna kucitsa ingati yami nginibukile'. A Kubuyisela B Kushaya C Kubulala D Kubukela (1) 3.3 Ngusiphi lesigameko lesentiwe iNdlovukati naTsembative lesimangalisa iMbiba kuletheksthi lengenhla? (2) 3.4 Ucabanga kutsi bebumfanele yini Ndvukutemphi bukhosi? Sekela imphendvulo yakho. (2) 3.5 Singadlaleka yini esiteji lesicashunwa? Sekela imphendvulo yakho. (2) 3.6 Kukhuluma kwalabadlali kuletheksthi kusivetela luphi luhlobo lweludvweshu? Sekela imphendvulo yakho. (2) 3.7 Lenkhulumo yeMbiba letsi, 'ngishito kadzeni kutsi silulu sibole tfuhlu' isho kutsini? (2) 3.8 Tento taKhetsiwe timveta angumdlali lonjani ngekwekutiphatsa kulomdlalo? Sekela imphendvulo yakho. (2) 3.9 Bhala KUBILI lebekuhlupha Vusematfwa ate afikelwe kwesaba kulomdlalo. (2) 3.10 Ngemaphuzu LAMABILI bhala lokubanga kutsi kufa kwaNdvukutemphi singakukhaleli. (2) 3.11 Chaza kutsi bekahloseni umbhali ngekusetfulela Tsembative longabunatsi tjwala. (2) 3.12 Ngabe tifiso taboSigwaca naTfolwane tekufuna kubona Tsembative abusa taphumelela yini? Sekela imphendvulo yakho. (2) 3.13 Ngabe lesento lesiphakanyiswa yindvodza leyincenye yemabutfo eMbiba sekutsi ababulawe boKhetsiwe naTsembative siyahambisana yini nemtsetfo- sisekelo weNingizimu Afrika? Sekela imphendvulo yakho. (2) 3.14 Chaza kutsi yini leyenta sitsi Ndvukutemphi udlale indzima lebalulekile ekutfutfukiseni lomdlalo uze ufike kuluvutfondzaba. (2) 3.15 Kungumbono nobe kuliciniso kutsi Tsembative bekangumuntfu longahloniphi imitsetfo yasebukhosini? Sekela ubhekisa kuKhetsiwe. (2) 3.16 Ngabe Madzandza uwavulile yini emehlo emantfombatana lamaningi? Sekela imphendvulo yakho. (2) 3.17 Ngabe lomdlalo uyimbangalusizi nome usenamisi nasibuka siphetfo sawo? Sekela imphendvulo yakho. (2) 3.18 Ngekubona kwakho amangaliswa yini emadvodza esiphetfweni salomdlalo? Bhala emaphuzu LAMATSATFU. (3) SAMBA SESIGABA B: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/2018 SCE SIGABA C: TINDZABA LETIMFISHA UMBUTO 4: LITSAMBO – EJ Mhlanga Phendvula YOMIBILI imibuto lebutwe ngetindzaba letimfisha. 4.1 'TITIFIKETI' – JJ Thwala Fundza letheksthi bese uphendvula imibuto lelandzelako. ITHEKSTHI D KuseNsimini High leyakhiwe lapha kulakaNhlapho esigodzini saseDundonald. Kulesikolo kunelijaha lelifundzisako lelitsi nalikhuluma nebantfu litisho ngalokuphelele. 'NginguNdzabatakhe Magongo lonanati ticu: BA; C.E.D. lowatitfola ngale kweluThaka kuleSwatini. Ngingakusita ngani-ke wena weKunene?' 5 'Ngiyabuta nje mayelana nemfundvo lephakeme yenteni?,' kusho Musa Madvonsela. 'Ungabuti nje; buta ngive. Ubutani? Utsi imfundvo lephakeme yenteni?' kubuta Ndzabatakhe ngekunganaki. 'Anginalo lwati lolwanele ngemfundvo lephakeme; manje-ke ngicela 10 ungichazele ngibe nelwati,' kunakashela Musa. 'Konje ungubani wena? Ngihlale ngikubona nje ufake thayi wendlula lapha embikwesikolo setfu.' 'NginguMusa Madvonsela lophase mathiliki eLitjelembube High ngemnyaka lophelile. Lonyaka ngifundzisa kulesa sikolo lesincane lesilapha 15 edvundvwini,' kusho Musa atichaza. 'Hawu, uma embikwebafundzi ngamathiliki? Unguthishela nje wena? Wabufundzela kuliphi likolishi?' 'Bengitsi sengichazile simo sami sonkhe kuwe. Ngichazile kutsi ngafundza ngagcina kuliphi libanga futsi kusiphi sikolo.' 20 'Abekho yini bothishela labanetitifiketi njengatsi labangafundzisa kulesikolo lofundzisa kuso?' 'Yebo, abekho. Ngite lapha nje kuwe, ngobe ngitewufuna lwati. Ngisite mnaketfu ngelwati lwemfundvo lephakeme.' 'Beyingekho yini i-Life Orientation esikolweni senu?' kubuta Ndzabatakhe. 25 Wamshiya lapho Ndzabatakhe umsa waMadvonsela agcolotele. [Likhasi 104] 4.1.1 Khetsa YINYE imphendvulo. Bhala libito lemlingisi logcamile kuletheksthi lengenhla? A NguNdzabatakhe B NguMusa C NguSifiso D NguMandla (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 12 DBE/2018 SCE 4.1.2 Khetsa YINYE imphendvulo. Lenkhulumo yaNdzabatakhe letsi, 'Hawu, uma embikwebafundzi ngalomethiliki? Unguthishela nje wena?' beyikhombisani? Beyikhombisa ... A kumfisela. B kumjabulela. C kumhalalisela. D kumedzelela. (1) 4.1.3 Ngabe Musa ubukene nayiphi inkinga kulendzatjana yonkhe? (1) 4.1.4 Bangaki balingisi lababalulekile kuletheksthi? (1) 4.1.5 Abecinisile yini Ndzabatakhe kutsi tifundvo takhe watitfola ngesheya kweluThaka? Sekela imphendvulo yakho. (2) 4.1.6 Indzatjana yonkhe yenteka esikhatsini sanyalo. Bhala emaphuzu LAMABILI lafakazela loko. (2) 4.1.7 Bhala ngemaphuzu LAMABILI kutsi Ndzabatakhe uvetwe njengemlingisi lonjani ngekwesimilo nawubhekisa kulenkhulumo lengentasi. 'Abekho yini bothishela labanetitifiketi njengatsi labangafundzisa kulesikolo lofundzisa kuso.' (2) 4.1.8 Ngabe sento saNdzabatakhe sekusebentisa titifiketi temanga siyintfo leyentekako yini nanyalo? Sekela imphendvulo yakho. (2) 4.1.9 Ungamsita kanjani Musa kute atfutfukise imfundvo yakhe? Bhala emaphuzu LAMABILI. (2) 4.1.10 Ngabe sihloko sendzatjana lesitsi, 'TITIFIKETI' siyahambelana yini naloko lokwenteka kulendzatjana? Sekela imphendvulo yakho. (2) 4.1.11 Ngusiphi sifundvo lesitfolakala kulendzatjana nawubuka siphetfo sayo? Sekela imphendvulo yakho. (2) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 13 DBE/2018 SCE 4.2 'WANGENTA MAKHELWANE' – MF Mkhonza Fundza letheksthi bese uphendvula imibuto lelandzelako. ITHEKSTHI E 'Lokwabona ngimi kwabona yinja ngenyeti, uyati ngiyavelelwa. Mine bengibuke kutsi Bonisile sekusele kancane acedze kufundza atewusebenta angiphumute kulenhlupheko lengibukene nayo, kantsi ngiyabhudza nje. Nango phela sewugugudlele, futsi nanyalo ungatsi uyangilaya nangumntfwana. 5 Angati kutsi Mlangeni ngitawumbukelwa ngubani?' Ukhuluma yedvwa nje LaZulu uhleti esitubhini kakhe, uphetse likomishi ngesandla. Bekasakhohliwe nekutsi unatsa litiya nalo beselibandza mpo. Ulikhohlwa nje lomdzala udla ematsambo enhloko. LaZulu bekendze kaMlangeni eMkhwakhweni eMatsulu. 10 Ukhuluma yedvwa akatenti. Bonisile longemahlangano abo naMlangeni sewutetfwele. Besekusele umnyaka munye nje vo aphotfule ticu takhe te- B.A. enyuvesi yaseQwaqwa. Ngekwesweleka kwemfundzate uyise wagcina avumile kumchuba etifundvweni takhe, kantsi wacala washaya phasi ngendvuku. Phela yena 15 bekakholwela ekutseni intfombatana asikho sidzingo sekutsi ifundze ize igogodze, ngoba kwayo kupheka, iwashe, ilime iphindze itale bantfwana lapho yendze khona. Noko kusebenta nebantfu eNgodvwane kwayitsambisa ingcondvo yakhe wakubona kubaluleka kwemfundvo kulabasikati. 20 Yingako avuma kutsengisa tinkhomo kute kutfolakale imali yekuchuba Bonosile. Bekacabanga angacedzi nje LaZulu bekangatenti, bekacabangela lemali yaMlangeni leseyemuke nemfula. Washikashikeka nemicabango LaZulu wagcina abone kutsi kuncono ayibite ayibute intfombi yakakhe, ngoba phela 25 yena besekayifundze ivaliwe. Pho bekaneliso kulolo hlangotsi, umuntfu lotetfwele bekambona sisasuka nje phasi. [Likhasi 98] 4.2.1 Khetsa yinye imphendvulo. Ngumuphi umlingisi lomkhulu kuletheksthi lengenhla? A NguLaZulu B NguMlangeni C NguBonisile D NguMandla (1) 4.2.2 Ngabe ludvweshu lolukuletheksthi lengenhla ngulolunjani? Sekela imphendvulo yakho. (2) 4.2.3 Bhala KUNYE locabanga kutsi Bonisile bekufanele akusebentise kuvikela kukhulelwa. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 14 DBE/2018 SCE 4.2.4 Itsini ingcikitsi yalendzatjana? Sekela imphendvulo yakho. (2) 4.2.5 Catsanisa similo saLaZulu nesaLaSiwela kutsi sibaveta babalingisi labanjani? (2) 4.2.6 Chaza indzawo lapho kwenteka khona lendzatjana. (2) 4.2.7 Kukhona yini kuhambelana emkhatsini wesihloko naloko lokwenteka kulendzatjana? Sekela imphendvulo yakho. (2) 4.2.8 Bhala KUBILI lokungasitwa ngako bantfu labafana naboBonisile njengobe afundza enyuvesi. (2) 4.2.9 Ngabe uvelana kangakanani nemlingisi longuBonisile nawubuka kuphetseka kwalendzatjana? Sekela imphendvulo yakho ngemaphuzu LAMABLI. (3) [35] NOBE UMBUTO 5: TELUTSANDVO ATIPHELI – JJ Ncongwane Phendvula YOMIBILI imibuto lebutwe ngetindzaba letimfisha. 5.1 'LIZIZI' – JJ Ncongwane Fundza letheksthi bese uphendvula imibuto lelandzelako. ITHEKSTHI F 'Yehheni! Kodvwa umuntfu angenta njani? Ngete phela ngidzabule inyama seyibita kangaka esilaheni. Acale nini ematfumbu kuba netifo manje? Yinindzaba kudzala besiwadla ematfumbu kodvwa besingaguli?' Yonkhe lemibuto lengaka watibuta yona Sibhono Simelane, lichegu lelisebenta emadzeleni eBhadini. Sibhono sewusebente iminyaka 5 lesikhombisa lapha emadzeleni. 'Sithole, tingakhi lomuhla tinkhomo letihlatjiwe?' kubuta Sibhono kulomunye babe labasebenta naye emadzeleni. Yena-ke usandza kufika lapha emsebentini, kodvwa sewuneminyaka lemitsatfu asebenta lapha. 'Tintsi,' asho amkhombisa imphama yonkhe. 10 'Impela ngiyawesaba umona wabodokotela betinkhomo. Deshedi, angimange sengibabone badzeshi labanemona longaka! Sisu sonkhe senkhomo siyolahlwa nje tsine sikhona sifuna inyama?' kusho Sibhono asula tandla emuva kwekutigeza. Nalomuhla ugcoke le-avaloni yakhe lebovu layigcoka onkhe emalanga. Nale-avaloni yinkhulu shangatsi 15 wembulelwa. Empeleni solomane kwahamba lowaya dokotela wemNgisi umnumzane Thatcher, kwefika lodokotela wemBhunu, sekukhona nematfumbu lalahlwako, ngalesinye sikhatsi kulahlwa inkhomo yonkhe. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 15 DBE/2018 SCE 'Kwentiwa yini kutsi batsi inkhomo inesifo ngako-ke ematfumbu ayo 20 akafanele adliwe ngobe atawubulala bantfu, kodvwa yona lenkhomo ayifi ngaleso sifo? Beyinani kufa ngembi kwekutsi ihlatjwe kube lesifo besibulala phela? Kwenteka njani kutsi lenkhomo ibonakale kutsi inesifo seyihlatjiwe?' kubuta Sibhono kuSithole. 'Impela ubuta umbuto lofanele kubutwa Simelane. Ngingeva mine 25 nabakhuluma ngengcuba kutsi ingadliwa, ngobe phela isuke ingatiwa leyo nkhomo kutsi ibulawe yini,' kusho Sithole. [Likhasi 88] 5.1.1 Khetsa YINYE imphendvulo. Ngubani umlingisi logcamile kuletheksthi lengenhla? A NguMadoda B NguSibhono C NguSithole D NguThatcher (1) 5.1.2 Khetsa YINYE imphendvulo. Bekasho kutsini Sibhono nakatsi, 'Inyama seyibita kangaka esilaheni' kuletheksthi? A Usho kutsi iyadula. B Usho kutsi yinyenti. C Usho kutsi ishiphile. D Usho kutsi iyindlala. (1) 5.1.3 Labalingisi labakhuluma kuletheksthi lengenhla babukene nayiphi inkinga? (1) 5.1.4 Bangaki balingisi labakuletheksthi? (1) 5.1.5 Aliciniso nobe aliphutsa lamavi aSithole latsi, 'Ngingeva mine nabakhuluma ngengcuba kutsi ingadliwa, ngobe phela isuke ingatiwa kutsi ibulawe yini?' Sekela imphendvulo yakho. (2) 5.1.6 Bhala emaphuzu LAMABILI lafakazela kutsi lendzatjana yenteka kulesikhatsi sanyalo. (2) 5.1.7 Kukhala kwaSibhono ngekubita kwenyama kumveta angumlingisi lonjani? Bhala emaphuzu LAMABILI. (2) 5.1.8 Ngabe sento saSithole kulendzatjana siyintfo leyentekako emisebentini yini? Sekela imphendvulo yakho. (2) 5.1.9 Timphungane letambonya Sibhono ngekushesha angakafiki nasekhaya betikhombani? Sekela imphendvulo yakho. (2) 5.1.10 Kukhona yini kuhambelana emkhatsini wesihloko naloko lokwenteka kulendzatjana? Sekela imphendvulo yakho. (2) 5.1.11 Chaza kutsi ngusiphi sifundvo lesitfolakala kulendzatjana nawubuka siphetfo sayo. Sekela imphendvulo yakho. (2) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 16 DBE/2018 SCE 5.2 'INHLUPHEKO' – JJ Ncongwane Fundza letheksthi bese uphendvula imibuto lelandzelako. ITHEKSTHI G 'Hhawu! Lenhloko le shengatsi yamake? Hhawu! Vele ngeyakhe!' kusho Titi ngesikhatsi atsi uyafunafuna atfola inhloko yenina incunyiwe yase ihlonywa esiphuntini sesihlahla. Wema Titi wayibuka inhloko yenina. Tehla tinyembeti tagobhota etihlatsini takhe. 5 'Hhayi, kuncono kutsi ngisuke kulendzawo ngobe kusho kutsi kukhona bantfu labakhandze make alapha base bayambamba bamjuba inhloko. Ewu, make waze wangishiya kabuhlungu-ke! Ingabe Rosa-ke yena bamentenjani? Loku babulele make, kusho kutsi naye bambulele,' kusho Titi atsatsa tinyawo asuka kulendzawo. 10 Nguye loya ahamba akhwacela ngetihlahla. Bekahamba ngekucaphelisisa impela. Leto titselo bekatiphatsele unina, wasale watidla yedvwa. Watsi ngekutidla aticedze, wase ugibela esihlahleni uyahlala. Nakacedza nje kugibela esihlahleni, weva emavi emadvodza akhuluma. Wahlahla emehlo wabuka ngalapho achamuka ngakhona lamavi. Wabona 15 tfushu emadvodza lamatsatfu aphetse tibhamu. Eta njalo-ke lamadvodza acondza ngco ngaphasi kwesihlahla lagibele kuso. Ahamba nje lamadvodza ayacalata. Kuyabonakala vele kutsi kukhona lakufunako. 'Ewu, Nkhosi yami ngabanjwa-ke. Lamadvodza atawubona letindvumbu 20 temanumbela kutsi kukhona umuntfu lobekawadla. Ewu,nami ngente liphutsa kutsi ngilahle letindvumbu lapha phasi,' kusho Titi emcondvweni wakhe, asafile luvalo. Efika ngaphasi kwesihlahla lamadvodza. Yagobondzela yacobonga yinye yase ikhombisa lawa lamanye kutsi lendvumbu isenematse emuntfu, 25 lokusho kona kutsi kukhona umuntfu bekadla emanumbela kulendzawo. [Likhasi 74] 5.2.1 Khetsa YINYE imphendvulo. Ngusiphi simo lesisitfola kulabalingisi labakuletheksthi lengenhla? Simo ... A senhlupheko. B Simo sekujabula. C Simo senala. D Simo sekuvota. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 17 DBE/2018 SCE 5.2.2 Khetsa YINYE imphendvulo. Ngumuphi umlingisi lomkhulu kuletheksthi lengenhla? A NguRosa B NguTopisa C NguTiti D NguTimbulu (1) 5.2.3 Khetsa YINYE imphendvulo. Hlobo luni lweludvweshu lolutfolakala endzimeni yesibili kuletheksthi lengenhla? A Lwasemkhatsini B Lwasekugcineni C Lwangaphandle D Lwangekhatsi (1) 5.2.4 Bhala KUNYE locabanga kutsi emasotja kungenteka akwenta kuRosa njengobe Titi agcine angakamtfoli. (1) 5.2.5 Itsini ingcikitsi yalendzatjana? Sekela imphendvulo yakho. (2) 5.2.6 Sento semasotja sekubulala unina waTiti ngendlela lebuhlungu siwaveta njengebantfu labanjani ngekwesimilo? Bhala emaphuzu LAMABILI. (2) 5.2.7 Lendzatjana yenteka kuliphi live? Sekela ngekubhekisa kulokushiwo encwadzini. (2) 5.2.8 Indlela bantfu lababulawa ngayo kulelive lebekuhlala khona boTiti ikhomba kutsi sinjani simo senhlalo kulelive? Bhala KUBILI. (2) 5.2.9 Bhala KUBILI lokungasitwa ngako bantfu labafana naboTiti. (2) 5.2.10 Chaza kutsi uvelana kangakanani nemlingisi longuTiti uma ubuka kuphetseka kwalendzatjana? (3) [35] SAMBA SESIGABA C: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 18 DBE/2018 SCE SIGABA D: TINKONDLO UMBUTO 6: LETFWESE – PT Jele na JJ Thwala Phendvula TOTIMBILI tinkondlo lekubutwe ngato. 6.1 Fundza lenkondlo bese uphendvula imibuto lelandzelako. Ncamul' emave – SR Mdluli 1 Inhlitiyo lengalali namuntfu 2 Ibubula ingacedzi namuhla 3 Ngitiva tehla nesibibitfwane singasiti 4 Idzabuka ingeke iletse mehluko 5 Timsitsile tintsaba letikudze Ncamul' emave 6 Namuhla ngikudla kwemizindlo nemicabango 7 Ingabe uyawubuya aphila nje nebakitsi? 8 Ngubani longakhohlwa ngulesa simomondiya 9 Sikhikhikhi Lomagadvula sishingishane selucobo 10 Uma sekajika ekhoneni kudzela sibukeli 11 Abelesela asho ngaleliphasi livi 12 Ngimoyitele kancane ngisho ngekutichenya 13 Ncamul' emave tintsaba tiyamdedela! 14 Uma agezile wapolishwa kudzela botsotsi 15 Umkhandza asakhukhumukise emahlombe acunusile 16 Ubone ngemehlo kutsi simele kutsintfwa silwane 17 Uyalalela akasuye sonkhanise Ncamula 18 Ubhukula imincele aye kuleSwatini ngekwetsembeka 19 Akakhononi ngisho akhonjwa leya eKZN indlela 20 Sifungo sekutsi siyofa silahlane sisecinile 21 Sinini sami lesihambe naye namuhla 22 Sibika baphetsene kahle eluhambeni. 23 Nangu achamuka egedeni sebamletsile 24 Nangu amandzatela ngebusokati 25 Sinini sami lesihambe naye namuhla 26 Sibika baphetsene kahle eluhambeni. 27 Waba lilanga lucobo namuhla! 28 Ncamul' emave tintsaba tiyamdedela! [Likhasi 29] 6.1.1 Khetsa YINYE imphendvulo. Bhala luhlobo lwenkondlo lengehla. A Inkondlosililo B Ilirikhi C Isathaya D Inkondlomlandvo (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 19 DBE/2018 SCE 6.1.2 Khetsa YINYE imphendvulo. Bhala imvumelwano lekulemigca lelandzelako? Inhlitiyo lengalali namuntfu Ibubula ingacedzi namuhla A Imvumelwanosigcino B Imvumelwanomkhatsini C Imvumelwanomaphakatsi D Imvumelwanosicalo (1) 6.1.3 Khetsa YINYE imphendvulo. Sonkondlo ucondzeni ngalomugca longentasi? 'Namuhla ngikudla kwemizindlo nemicabango' A Akalali ucabanga siphelane. B Akalali udlala siphelane. C Akalali ufundza siphelane. D Akalali uhamba siphelane. (1) 6.1.4 Bhala KUNYE lokusendzimeni yesitsatfu lekatsi sonkondlo uyakutsandza ngaNcamul' emave wakhe. (1) 6.1.5 Sonkondlo usebentise kumuntfutisa nesifanisongco endzimeni yekugcina. Bhala lemigca lenaletinongo. (2) 6.1.6 Nguliphi ligama lelingachaza lokwente sonkondlo wangafaki ngci kulomugca lolandzelako? Sekela imphendvulo yakho. Sinini sami lesihambe naye namuhla Sibika baphetsene kahle eluhambeni. (2) 6.1.7 Sonkondlo ukhuluma ngani kulenkondlo lengenhla? Sekela imphendvulo yakho. (2) 6.1.8 Bhala bunkondlo lobuletfwa nguletinhlavu letidvwetjelwe kulomugca longentasi. Sifungo sekutsi siyofa silahlane sisecinile (1) 6.1.9 Chaza kutsi abecondze kutsini sonkondlo ngalomugca lolandzelako? Bhala emaphuzu LAMABILI. Akakhononi ngisho akhonjwa leya eKZN indlela. (2) 6.1.10 Lenkondlo imveta akusiphi simo semoya sonkondlo? Sekela imphendvulo yakho. (2) 6.1.11 Mlayeto muni longawudlulisa emphakatsini ngalenkondlo lengenhla. (2) NA Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 20 DBE/2018 SCE 6.2 Fundza lenkondlo bese uphendvula imibuto lelandzelako. Mnukubeti Wemvelo – AT Fakude 1 Utsini ngalomoya lowunukubeta nsuku tonkhe? 2 Utsini ngalamanti lowakhipha sitfunti? 3 Utsini ngalomhlaba lowukhipha buwona? 4 Utsini ngalolwandle loluncisha inhlonipho? 5 Vele sonkhe sesihlukubetekile, 6 Vele sonkhe sesihluphekile, 7 Sekwanele Mhlukubetindzini. 8 Salusikhawula ngekushesha. 9 Kutsanti bekwekhutwa wen' eMgwenya 10 Itolo bekwelulekwa wen' evenini yakho yentfutfu. 11 Namuhla kusahhunyutwa wena ngemfuhlumfuhlu yetibi takho 12 Tehle letingeyusulwa ngumuntfu, 13 Akhale Noyana, 14 Tikukhalele takaSigonyela. 15 Emabhodlela, emabhodlela emigwacweni yetfu 16 Asihlaba sihlabeke enyameni yetfu 17 Emaphepha, emaphepha emabaleni etfu 18 Aphephuka sihlabeke etindleleni tetfu 19 Tincamu, tincamu etindleleni tetfu 20 Tincamul' imphilo yetfu eveni ngekushesha 21 Kantsi yini ngawe Mnukubeti? 22 Kantsi kwakhala nyonini kuwe? 23 Kantsi wabhunyiselwa ngatiphi wena? 24 Usilwane cobo lwaso wena 25 Sekwenele Mnumzane – COLA. 26 Mnukubeti, Mnukubeti, 27 Cabanga, ucabangisise, 28 Zindla uzindlisise 29 Tinsuku takho setibaliwe, 30 Sala kutjelwa sibona ngemopho. [Likhasi 37] 6.2.1 Khetsa YINYE imphendvulo. Hlobo luni lweluchumano lolukulemigca we-1 kuya kuwe-4? A Luchumanosigcino B Luchumanosicalo C Luchumanomkhatsini D Luchumanomaphakatsi (1) 6.2.2 Nguluphi luhlobo lwesinongo senkhulumo loluvetwa nguleligama lelidvwetjelwe? Usilwane lucobo lwaso. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 21 DBE/2018 SCE 6.2.3 Bhala iphethini yalomugca. 'Sala kutjelwa sibona ngemopho.' (1) 6.2.4 Bhala sifanamsindvo lesisetjentiswe emgceni longentasi uphindze ubhale neluhlobo lwaso. 'Emaphepha, emaphepha emabaleni etfu.' (2) 6.2.5 Bhala KUBILI lokusenkondlweni lokunukubeta imvelo. (2) 6.2.6 Sonkondlo uchazani ngalomugca lolandzelako? 'Tinsuku takho setibaliwe,' (2) 6.2.7 Ngemaphuzu LAMABILI bhala lokushiwo ngulenkondlo lengenhla. (2) 6.2.8 Bunkondlo buni lobutfolakala emigceni lelandzelako? Sekela imphendvulo yakho. 'Tincamu, tincamu etindleleni tetfu' 'Tincamul' imphilo yetfu eveni ngekushesha' (2) 6.2.9 Chaza kutsi kungacedvwa njani kunukubetwa kwemvelo. (2) 6.2.10 Sihloko salenkondlo sibumbene yini nalokushiwo yinkondlo? Sekela imphendvulo yakho. (3) NA UMBUTO 7: EMATFUNDVULUKA – BB Malangwane Phendvula TOTIMBILI tinkondlo lokubutwe ngato. 7.1 Fundza lenkondlo bese uphendvula imibuto lelandzelako. Sihlutfulelo – J Nkwanyane 1 Inhlitiyo iyachichima, 2 Ngekudzabula tintsaba netintsatjana, 3 Ngihulukushela nasemaweni, 4 Ngiphikelele kuyohlutfula sihlutfulelo, 5 Lomuhla ngitishaya sifuba, 6 Ngisitfolile sihlutfulelo. 7 Ngineligugu ngalesihlutfulelo, 8 Ngitawuvula tinkanankana te-Afrika, 9 Nobe sebangidzele bonkhe, 10 Sengite nendzawo yekufihla inhloko, 11 Ngitasidvonsa sitfongwana. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 22 DBE/2018 SCE 12 Ete walahleka, 13 Ete waguga. 14 Ete wangishiya, 15 Ete ngakulahla, 16 Utangondla ngite ngife. 17 Sivumelwano sami nawe 18 Singesheya eMelika, 19 Kulapho la ngahlutfula 20 Ngesihlutfu sihlutfulelo, 21 Uluju lomuhla. 22 Nobe kungeta imikhovu ngilele, 23 Ete ngashaywa yinyoni, 24 Lutsandvo lwami nawe ludze, 25 Ete balucedza bomonase. 26 Ngawe sengiphehlelelwe. [Likhasi 39] 7.1.1 Khetsa YINYE imphendvulo. Hlobo luni lwenkondlo lena lengenhla? Inkondlo ... A leyilirikhi. B lelandzisako. C legcekako. D yekufa. (1) 7.1.2 Khetsa YINYE imphendvulo. Hlobo luni lwemvumelwano lolukulemigca lelandzelako? 'Ngihulukushela nasemaweni,' 'Ngiphikelele kuyohlutfula sihlutfulelo,' A Imvumelwanosigcino B Imvumelwanomkhatsini C Imvumelwanomaphakatsi D Imvumelwanosicalo (1) 7.1.3 Khetsa YINYE imphendvulo. Sonkondlo usho kutsini ngalomugca longentasi? 'Ete ngashaywa yinyoni,' Ngeke ashaywe ... A luvalo. B yinyoni. C sivalo. D yindvuku. (1) 7.1.4 Bhala KUNYE lokusenkondlweni lekatsi sonkondlo lesihlutfulelo ngete sakwenta. (1) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 23 DBE/2018 SCE 7.1.5 Bunkondlo buni lobukulamagama ladvwetjelwe emigceni lelandzelako? Sekela imphendvulo yakho. Kulapho la ngahlutfula Ngesihlutfu sihlutfulelo, (2) 7.1.6 Ngusiphi lesihlutfulelo sonkondlo lakhuluma ngaso? Sekela imphendvulo yakho. (2) 7.1.7 Bunkondlo buni lobutfolakala kulemigca lengentasi? Sekela imphendvulo yakho. 'Sivumelwano sami nawe' 'Singesheya eMelika,' (2) 7.1.8 Bhala imigca lemibili leneluchumanosicalo letfolakala kulenkondlo. (1) 7.1.9 Usho kutsini sonkondlo nakatsi, 'Ngitawuvula tinkanankana te- Afrika?' (2) 7.1.10 Sonkondlo bekakusiphi simo uma abhala lenkondlo? Sekela imphendvulo yakho. (2) 7.1.11 Nguwuphi umlayeto loletfwa ngulenkondlo lengenhla? (2) NA 7.2 Fundza lenkondlo bese uphendvula imibuto lelandzelako. Nasengikhatsele – JJ Ncongwane 1 Nasengikhatsele ngaphela nya, 2 Imikhono yami seyitsambe bhece, 3 Emehl' ami asavaleke ngci, 4 Imicabango yami seyiphelile, 5 Umoya wami awukapheli, 6 Imphilo yami ayikagcini 7 Ngigcinekile nje kulelikhasi, 8 Akusilo likhasi lami lekugcina. 9 Ngifihleni ngasemfihlakalweni yemabhuku, 10 Ngibekeni kulendlu legcin' emabhuku, 11 Lapho ngitawuphumula khona kulesibhuku, 12 Siphuku sami singigcine lapho, 13 Ningangihlukanisi nebantfu, 14 Ngive bantfu bangibuta tintfuli, 15 Batsi bhu bhu bhu! 16 Ngifihleni emfihlakalweni yemicabango, 17 Imicabango yami yembuleleke lemfihlo, 18 Yekucondz' imicondvo yemaBhunu, 19 Ngibhukule ngishone kulela lemabhuku, 20 Ngilale ngibhek' etulu kulemimoya 21 Ngiv' emabhuk' angibhudzisa ngedvwa, 22 Atsi bhu bhu bhu! Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 24 DBE/2018 SCE 23 Ngitfwaleni ngemaphepha ningiphephise, 24 Ningicamelis' etikwemabhuku ngiphumule, 25 Ngiphumule kucabanga ngemabhuku, 26 Ningibeke dvute nelibhuku lelikhulu, 27 Lelavul' emehlo ami emoya, 28 Umoya wam' uyavuma kakhulu, 29 Ngiv' umoy' ungiphephets, enhloko, 30 Utsi bhu bhu bhu! 31 Nasengikhatsele bahlobo bami, 32 Ningangilahli kulabalahliwe, 33 Ngitjaleni etihlotjeni tami 34 Lengihlobene nato ngisemusha, 35 Busha bami buvuswe kabusha, 36 Ngenyanga yami yentfwasahlobo, 37 Ningikhumbule ngenkhumbulo lensha. [Likhasi 10-11] 7.2.1 Khetsa YINYE imphendvulo. Bunkondlo buni lobusemgceni we-15, we-22 newe-30? A Imvumelwano B Imphindzamcondvo C Imphindvwa D Isuzuri (1) 7.2.2 Bhala umoya walenkondlo. Sekela imphendvulo yakho. (2) 7.2.3 Bhala iphethini yalomugca: 'Ngifihleni emfihlakalweni yemicabango,' (1) 7.2.4 Bhala sifanamsindvo lesisetjentiswe emgceni longentasi uphindze ubhale neluhlobo lwaso. 'Siphuku sami singigcine lapho,' (2) 7.2.5 Bhala indzawo lapho lisetjentiswa khona lelibhuku lelikhulu lekakhuluma ngalo sonkondlo emgceni we-26? (1) 7.2.6 Sonkondlo uchazani ngalomugca lolandzelako? 'Ngitjaleni etihlotjeni tami.' (2) 7.2.7 Ngemaphuzu LAMABILI bhala lokushiwo ngulenkondlo lengenhla. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 25 DBE/2018 SCE 7.2.8 Bunkondlo buni lobutfolakala emigceni lelandzelako? Sekela imphendvulo yakho. 'Ngiv' umoy' ungiphephets, enhloko,' 'Utsi bhu bhu bhu!' (2) 7.2.9 Sonkondlo uyakutsandza kufundza? Sekela lenkhulumo ngemaphuzu LAMABILI. (2) 7.2.10 Sihloko salenkondlo sibumbene yini naloko lokushiwo yinkondlo? Sekela imphendvulo yakho. (3) [35] SAMBA SESIGABA D: 35 SAMBA SAKO KONKHE: 70 Emalungelo agodliwe