siSwati FAL Grade 12 Paper 2 NSC November 2018 Memo

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LESIBILI (P2) LWETI 2018 TICONDZISO TEKUMAKA EMAMAKI: 70 Leticondziso tekumaka tinemakhasi la-11. Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 2 DBE/Lweti 2018 NSC – Ticondziso tekumaka TICONDZISO TEKUMAKA  Nangabe umhlolwa aphendvule imibuto lengetulu kwaleyo lelindzelekile, maka timphendvulo letisekucaleni kuphela, maka kuphela imphendvulo yembuto wekucala kuleso naleso SIGABA. Nangabe umhlolwa anike timphendvulo letimbili lapho imphendvulo yekucala iliphutsa kantsi lena yesibili iliciniso, akumakwe imphendvulo yekucala yesibili ingamakwa.  Nangabe tinombolo tetimphendvulo tinemaphutsa, maka ulandzele imemorandamu.  Nangabe liphutsa lesipelingi litsikameta inshokutsi, akunganikwa limaki, kantsi nangabe inshokutsi ayitsikameteki, kunganikwa limaki.  Imibuto lemifisha: Nangabe umhlolwa angakafaki bokhulumile nangabe kufanele acaphune akangajeziswa.  Emibutweni levulekile bahlolwa abanganikwa emamaki nangabe baphendvule ngetimphendvulo letitsi: YEBO/CHA/nobe NGIYAVUMA/ANGIVUMI. Onkhe emamaki anikwa sizatfu/kuchaza ngalokugcwele/kwesekela/kucaphuna.  Emibutweni lefuna LICINISO/LIPHUTSA nobe LIPHUZU/UMBONO emamaki akangehlukaniswa emkhatsini, lokusho kutsi alikho limaki lelinikwa LICINISO/ LIPHUTSA nobe LIPHUZU/UMBONO, onkhe emamaki anikwa sizatfu/kuchaza ngalokugcwele/kwesekela/kucaphuna. SIGABA A: INOVELI UMBUTO 1: KWASHA TIKHOTSA – LL Dlamini 1.1 A/Lohlakaniphile. (1) 1.2 C/NguMswati. (1) 1.3 Tikhuba unesifiso sekubona Mtjekeni ahlaselwa ngekushesha. (1) 1.4 Mswati wesibili ubukene nenkinga yekuhlaselwa boSomcuba naMtjekeni njengobe bambangisa sikhundla sakhe. (1) 1.5 Lenkhulumo isho kutsi ungasheshi ukhulume ngentfo lesesekudzeni nekuphumelela. (2) 1.6 Sizatfu ngukutsi Mswati wesibili uyati kutsi uma kungacalwa ngekuhlasela Mtjekeni lome endleleni yakhe ancotjwe kutawube sekuphelile nangaSomcuba lobeke onkhe ematsemba akhe kuye. (2) 1.7 Libutfo Imigadlela labiyela imiti, kwabulawa emabutfo ngebunyenti, Mtjekeni wabanjwa waboshwa tandla netinyawo, imiti yashiswa naye wagcina adliwe lijozi. (2) 1.8 Lamavi alubhebhetsekisa kakhulu ludvweshu ngobe achubekisa kungevani kwaMswati wesibili nabobhuti bakhe. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 3 DBE/Lweti 2018 NSC – Ticondziso tekumaka 1.9 Bobhuti waMswati wesibili abakatsembeki ngobe babamba imihlangano yangasese/Uma Mswati ababita emihlanganweni abeti/Batfolakala bamakhela titsa nakuletinye tive. (Kubili kwaloku.) (2) 1.10 Aliciniso lamavi ngobe vele boSidvwala naSomcuba bayishiya imiti yabo kwatsi boFokotsi naNdlela bahlaselwa, Sidvwala wangena emtsandzeni wangatfolwa, Somcuba wagwazwa wafa. (2) 1.11 Umbiko lochamuka naKhambi utsi bobhuti baMswati abangeni etindzabeni takuboMswati kantsi waSicobolonjwane utsi bantfwana bayayihlonipha iNgwenyama kaMahamba. (2) 1.12 Imbangela ngukutsi Mswati wesibili lobekumele atsatse lobukhosi besive bekasesemncane kantsi naye Tsandzile abetalwa ebukhosini, kubaluleka kwebukhosi abekwati/ Tsandzile bekayiNdlovukazi. (2) 1.13 Sizatfu bekungukutsi bafuna kubonakale ngatsi basayofuna emadlelo lamahle emfuyo yabo basatawubuya kantsi cha sebayokwakha etigodzini letehlukene. (2) 1.14 Fokotsi wahlelembisa imphi yabo ngemabutfo lamanyenti lakhaliphile langayibamba kushise phasi. (2) 1.15 Timveta angumlingisi lohlakaniphile nalohloniphako ngobe bekahlala phasi alalele lokushiwo ngunina kwekutsi kumele acocisane nabobhuti bakhe kuze tonkhe tintfo tilunge. (2) 1.16 Ngulesigameko lapho Mswati wesibili ahlasela khona letive letimhluphako kanye nabobhuti bakhe. (2) 1.17 Liyamlandzela simtfola ahamba ashiya boSomcuba naSidvwala basakhuluma ngeliphupho lelibika kuhlaselwa nguMswati/Wahamba indlela lendze abalekela kuhlaselwa nguMswati. (2) 1.18 INdlavela yaphumelela ngekumtselekela Somcuba yamgwaza wabhonsisa kwenkhomo wafa khona lapho/Yabhubhisa nemuti waSomcuba/Yashisa yonkhe imiti yakhe/ Yashisa netiganga letinemena. (Kutsatfu kwaloku.) (3) 1.19 Ngiyavumelana nalombono ngobe utfolakala abangiswa bukhosi bobhuti bakhe kepha wagcina ngekubahlasela ancobe kute abuse kahle. (2) [35] Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 4 DBE/Lweti 2018 NSC – Ticondziso tekumaka UMBUTO 2: NGENCA YAKHO – JJ Ncongwane 2.1 B/Lembi. (1) 2.2 D/Lobuhlungu. (1) 2.3 Sikhomba kutsi ungumntfwana lohloniphako/Sikhomba kutsi uyamhlonipha gogo wakhe/ sikhomba kutsi vele sewuganiwe. (1) 2.4 Yenteka ekhaya lagogo namkhulu Gendinyoni. (1) 2.5 Ngulena letsi, 'imfundvo ayipheli, umuntfu ufundza aze afe'. (2) 2.6 Imbangela ngukutsi abemati Mshumayeli kutsi uhlakaniphile kumele ayewufundza atawuba nelikusasa lelihle/ Gogo Finishi bekabona kutsi malume waMshumayeli utawumgcilata. Bekabona kutsi umtukulu wakhe utsandza sikolo. (2) 2.7 Ludvweshu lwangaphandle ngobe Mabhunu nagogo Finishi bayaphambana ngemibono, Mabhunu utsi Mshumayeli akaye kuyosebenta epulazini, gogo Finishi utsi akuye Mabhunu ngobe Mshumayeli ufundzile futsi usemncane. (2) 2.8 Sizatfu ngulesekutsi yena ufuna kuba nesikhatsi lesanele sekuchwaga tinkhomo teyise njengobe angasekho emhlabeni, akhone nekutsengisa lomtfunti wetinkhukhu bekawuhlanyelile. Akafuni kutsi Mshumayeli achubeke nesikolo. (2) 2.9 Lenkhulumo yaMabhunu isho kutsi akasheshise ambulale Mshumayeli ngobe utambophisa emaphoyiseni kutsi utsengisa insangu futsi unesibhamu lesingekho emtsetfweni abuye ambangise letinkhomo teyise. Ubona kutsi utamphazamisa ngobe uhlakaniphile/ akamkhweshise eceleni kwakhe/ amsuse/ amsundvute.. (2) 2.10 Sihambisana kahle kakhulu ngobe mkhulu Gendinyoni nguye lowakhulisa Mshumayeli wamfisela nemfundvo lechakatile ngelikusasa lakhe/Watsengisa netinkhomo takhe entela kubekela Mshumayeli imali letamchubekisa ngetifundvo takhe. (2) 2.11 Ingcikitsi lubandlululo sitfola Mshumayeli uyabandlululwa ngenca yelibala lakhe kusukela esikolweni semabanga laphasi asafundza kuze kube nangesikhatsi sekasebenta/ Imfundvo ngobe ugcine aphumelele emphilweni ngayo. Inhlupheko ngobe Mshumayeli ubukana nebumatima kepha ugcina uyayincoba. (Naleminye imibono lenembako yemukelekile) (2) 2.12 Yenteka esikhatsini sakudzala lapho bekungakavumeleki kutsi bantfu betive letihlukene bangatekana/Bantfwana basahlonipha bete emalungelo/Bafundzi basashaywa etikolweni. (Naleminye imibono lenembako yemukelekile.) (Kubili kwaloku.) (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 5 DBE/Lweti 2018 NSC – Ticondziso tekumaka 2.13 Sizatfu sembhali bekafuna kusitjela kutsi simo lotalelwa ngaphasi kwaso asikuvimbeli kutsi ufeze tifiso takho ngemphilo yakho njengobe naMshumayeli angazange wavinjelwa simo sakhe kuphumelelisa emaphupho akhe. Bakhona bantfu labasuke bangakusita etinkingeni losuke ubukene nato. (Timphendvulo titawehluka). (2) 2.14 Kusenteka ngobe utfola bomalume labahleli emakhaya bahlukumeta bashana babo labangenabo batali. (Naleminye imibono lenembako yemukelekile.) (2) 2.15 Indlela Mshumayeli bekaphila ngayo yehlukile kuleyo lephilwa lusha lwanamuhla ngobe kulesikhatsi sanyalo bantfwana labete batali hulumende ubakhokhela imali yesondlo sebantfwana bakhone kuphila kancono kantsi Mshumayeli yena bekaphila ngemali yekuphiwa ngumkhulu wakhe. (Timphendvulo titawehluka.) (2) 2.16 Kuliciniso ngobe Mshumayeli wayekela kuganga wanaka kakhulu tifundvo takhe, loko kwamenta waphumelela kahle wakhona kuchubeka netifundvo wangasanaki nekudzelelwa lebekwentiwa ngulabanye bafundzi. Labatsi kuliphutsa batawutsi vele Mshumayeli bekahlakaniphile bekatawuphumelela nobe bebangasebentisani boMdlalose namkhulu Gendinyoni. (Timphendvulo titawehluka.) (2) 2.17 Basekhona ngobe siyababona bothishela etikolweni labasita bafundzi ngekubapha timali/Ngekubafunela imifundzate ematikweni lahlukahlukene/ Babatsengela netembatfo tesikolo. Labatawutsi abasekho batawesekela timphendvulo tabo. (Kubili kwaloku.) (2) 2.18 Sifundvo sekutsi phatsa kahle umuntfu losihlobo sakho ngobe kusasa ngiso lesitakusita, sitfola Mabhunu sewusitwa nguMshumayeli umcasha kutsi asebente kakhe atokhona kutiphilisa/Kubalulekile kucolela kwenta uphumelele emphilweni njengobe Mshumayeli wacolela malume Mabhunu ngetento takhe. Kungati kufana nekungaboni ngobe Mabhunu ugcina sekasebentela Mshumayeli. (2) 2.19 Taphumelela ngobe Mshumayeli watfola umfundzate wekuyofundza phesheya wachubeka nekufundza wacedza/Wabuyela emuva ekhaya wafika wasebenta kahle/Washada naKhanyisile waba nelikhaya, waphila imphilo lenhle. (3) [35] SAMBA SESIGABA A: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 6 DBE/Lweti 2018 NSC – Ticondziso tekumaka SIGABA B: UMDLALO UMBUTO 3: LAHLOMA LADVUMA – Z Motsa 3.1 A/NguTsembative. (1) 3.2 C/Sekutsandzana. (1) 3.3 B/UyiNdlovukati. (1) 3.4 Sizatfu ngulokutsi Khetsiwe wamtjela kutsi naye uyamtsandza. (1) 3.5 Tintfo letingenta letheksthi idlaleke esiteji kutsi badlali babili/ Kuyakhulunyiswana/Indzawo ihlelekile /Tintfo letibalwako tingakhona kuletfwa esteji. (Kubili kwaloku) (2) 3.6 Kukahle ngobe sewushilo kutsi uyamtsandza vele bantfu lababili labatsandzanako kumele batsembane, naKhetsiwe wakhombisa kumetsemba Tsembative ngekumtsandza wabuye wakhetsa nekuhamba naye. (2) 3.7 Tizatfu letenta IMbibanchanti ivume kutsi Tsembative naKhetsiwe bayatsandzana/IMbibanchanti itisola ngekungakhulisi Tsembative lokwenta angayati imihambo yeBatfwa/ nangekungahambisi kahle imihambo yeBatfwa. (2) 3.8 Madzandza yintfombi lengafuni kutsatfwa kalula ngumuntfu wesilisa, utsandzana naNdvukutemphi kodvwa uyatimela akatenti silima kepha sewutfolakala unesisu angakalotjolwa. Khetsiwe utiphetse kahle uyawutsandza umsebenti wekuba yiNdlovukati kepha wehlulwa lutsandvo lwaTsembative njengobe satinikela kuhamba naye. (2) 3.9 Bebangevani ngobe babanga kutsi Qedizizwe watfolakala abambe Madzandza loyintfombi yaNdvukutemphi/ Ndvukutemphi wahluleka kusebentisa lisu lekubulala Vusematfwa njengobe bekuvunyelwene/ Kubangwa kwekutsi Qedizizwe akazange wasitfola lesikhundla lebekasilindzele. (Kubili kwaloku.) (2) 3.10 BoNdvukutemphi nalabamesekelako babamba Vusematfwa bamnatsisa tjwala bamkhiyela endlini. (2) 3.11 Bukhosi bagcina butsetfwe nguVusematfwa lowamelwa nguTsembative ngesikhatsi bamnatsise tjwala bamvalela endlini letsite boNdvukutemphi. (2) 3.12 Kufika kwaTsembative agcine sasetjentiswa njengaVusematfwa nakwetfulwa inkhosi lensha./Indlovukati Khetsiwe yahamba naTsembative/ Imbiba lensha yabekwa ingenandlovukazi. (2) 3.13 Sizatfu ngulesi sekutsi babone Tsembative enkhundleni bese bacabanga kutsi babona Vusematfwa kungako batsi uyatsakatsa. (2) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 7 DBE/Lweti 2018 NSC – Ticondziso tekumaka 3.14 Tibaveta basekela Vusematfwa kutsi kube nguye lotfola bukhosi besive/ Bafaka Tsembative kutsi abambele Vusematfwa sikhundla sebukhosi ngobe Vusematfwa angekho. (2) 3.15 Uphumelele ngobe Ndvukutemphi utsandza kulwa, wacabana naMadzandza/Wacabana naVusematfwa/Wabulawa nguQedizizwe ngesikhali sakhe. (Kubili kwaloku.) (2) 3.16 Ngiyavumelana nako ngobe Tsembative kusukela ekucaleni solo utjela Khetsiwe ngendlela lamuhle ngayo/Utjela Khetsiwe kutsi abombita atsi, 'Tsembalami' ngobe amtsandza. (2) 3.17 Sihloko siyawufanela ngobe tintfo atenteki ngendlela lebeyilindzelwe,esiphetfweni semdlalo kufa umntfwanenkhosi Ndvukutemphi/Vusematfwa lebekumele abe yinkhosi ubanjiwe endlini tsite uze umelwa nguTsembative/ Khetsiwe sewugane Tsembative wabuye wahamba naye. (2) 3.18 Uyawutfutfukisa ngobe sitfola Ndvukutemphi angafuni kuvuma umntfwana lokusento lesikhomba kutsi ulukhuni kangakanani lokwenta Madzandza naye alwele emalungelo akhe./Uyimbangi leletsa ludweshu/Lilukuluku lelitfutfukisa indzaba iye kuluvutfondzaba. (2) 3.19 Uyimbangalusizi ngobe kuba nelifu lelimnyama ebukhosini beBatfwa, Ndvukutemphi lona bekumele atsatse bukhosi uyashona/Khetsiwe ukhetsa kulalela inhlitiyo yakhe ngobe uhamba naTsembative latsandzana naye ushiya bukhosi/IMbibanchanti iphikisana ngemagama neMbiba ngekutsi avumele Khetsiwe ahambe. (3) SAMBA SESIGABA B: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 8 DBE/Lweti 2018 NSC – Ticondziso tekumaka SIGABA C: TINDZABA LETIMFISHA UMBUTO 4: TELUTSANDVO ATIPHELI – JJ Ncongwane 4.1 'UMNGCWABO WEMCHAMUKI' – JJ Ncongwane 4.1.1 A/NguMsawusile. (1) 4.1.2 A/Epulazini. (1) 4.1.3 Kumele bangengci kulabasihlanu. (1) 4.1.4 BoMadvonsela naMkhwanazi babukene nenkinga yekutsi batamngcwabela kuphi ngobe abatati tihlobo takhe nekutsi batamngcwaba ngani ngobe bekaphuyile. (1) 4.1.5 Sizatfu lesenta umlumbi afake simemetelo emsakatweni, bekafuna kwatisa tihlobo nalabo labatana nemufi kutsi akasekho emhlabeni Msawusile kute baphumelele babekhona emngcwabeni. (Timphendvulo titawehluka). (1) 4.1.6 Lendzatjana yenteka esikhatsini sanyalo/Semphucuko ngobe sitfola umufi Msawusile alaliswa emakhateni, atsengelwa nelibhokisi lemngcwabo lokuyintfo lebeyingenteki esikhatsini sakudzala. (2) 4.1.7 Lilala alishiyi ntsandzane namfelokati. (2) 4.1.8 Kubi ngobe labantfu banatsa lotjwala badzakwa batfolakala sebangcwaba umuntfu lophilako, lokwenta kwaba netidvumbu letimbili. Letisebenti tagcina tingakawuboni umngcwabo waMsawusile. (2) 4.1.9 Kuliciniso vele kwangcwatjwa Mashayakhotse esikhundleni saMsawusile ngobe bekalele adzakiwe nabo boMadvonsela bebadzakiwe. Umlumbi wakhandza sidvumbu saMsawusile solo sisegushede. (Timphendvulo titawehluka.) (2) 4.1.10 Ingcikitsi inhlupheko, umufi Masiphula Msawusile simtfola uyahlupheka esingenisweni asesemncane ubutfwa ngumlumbi Puntju ukhulela epulazini lakhe/ Kufa, uyashona netihlobo takhe atatiwa futsi ativeli/Akanayo nemali/Bomake abavumi kugezisa sidvumbu sakhe/sikwati asifuni kumtsengela libhokisi lemngcwabo uze ungcwatjwa nguPuntju epulazini lakhe. (Kubili kwaloku.) (2) 4.1.11  Sitfola sifundvo sekutsi kute umsebenti lowenteka ngemphumelelo nakunetjwala lobunyenti.  Nanobe umuntfu angenasihlobo kepha uyangcwatjwa.  Kungecwayani ngekwebuhlanga/ngekwebuve.  Umuntfu uyahlonishwa angcwatjwe ngesizotsa. (Naleminye imibono lenembako yemukelekile) (Kutsatfu kwaloku.) (3) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 9 DBE/Lweti 2018 NSC – Ticondziso tekumaka 4.2 'SULUMLOMO' – JJ Ncongwane 4.2.1 C/Ungumkhweteli. (1) 4.2.2 Inkinga yekutsandza Dzeliwe/ yekutsi Dzeliwe solo agamgani. (1) 4.2.3 Umbhali uwulandzele umgomo wekubhalwa kwendzatjana ngobe yenteka endzaweni yinye eMafusini. (1) 4.2.4 Kumele singeniso sihehe/Setfule umlingisi logcamile/Setfule nenkinga labukene nayo/ nendzawo. (Kubili kwaloku.) (2) 4.2.5 Sizatfu sekufutsa litjalo bekungukutsi malume Mashinini bekafuna kubamba Sulumlomo ngekutsi acabange shengatsi nguDzeliwe lowembetse lelitjalo abese uyamshaya. (Timphendvulo titawehluka). (2) 4.2.6 A/Wabaleka. (1) 4.2.7 Kuliphutsa beyingasiyo yababe waSulumlomo, bekulichinga nje lekuzuza Dzeliwe. (2) 4.2.8 Ngulesigameko sekutsi malume Mashinini wabamba Sulumlomo wamshaya ngemvubu kwatsi kusenjalo kwakhanyisa imoto lebeyikadze imile eceleni kwelisango lakaMashinini kwaphuma Dzeliwe kuleyo moto, Sulumlomo wadzabula intsambo wabaleka. (2) 4.2.9 Liyamlandzela ngobe ekucaleni simtfola akhuluma emanga ngemoto lengasiyo yababe wakhe/Unika Dzeliwe lonkhe liphakethe lemathofolaksi kube bekakhokhe linye/Unemachinga lamanyenti ekufuna kubonana naDzeliwe ngaloko ukhombisa kutsi uyakwati kusula umlomo wakhe ugcine ukhulume lokumnandzi. (Kubili kwaloku.) (2) 4.2.10 Iphetseke kahle ngobe kwenteka lesingakakulindzeli/Inkinga yaSulumlomo yekutsandza Dzeliwe ayicatululeki/Dzeliwe wagcina ngekutsandzana nendvodza lenemoto. (Kubili kwaloku.) (3) SAMBA SESIGABA C: 35 Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 10 DBE/Lweti 2018 NSC – Ticondziso tekumaka SIGABA D 5.1 ‘TIFISO TAMI’- VJ Nkwanyana UMBUTO 5: EMATFUNDVULUKA – BB Malangwane 5.1.1 C/Bekakhatsatekile. (1) 5.1.2 Imphindvwa. (1) 5.1.3 Imvumelwanosicalo leyecako. (1) 5.1.4 Sifanangwaca. (1) 5.1.5 Sonkondlo ucele kutsi bangahlabi lakufuyile ngobe kuta bantfu emngcwabeni wakhe/bangamoshi imfuyo yakhe. (2) 5.1.6 Sonkondlo ulisebentise kahle libintana lelitsi, 'Setihlala ngentfombi' ngobe ukhuluma ngekushona kwelilanga lokuyimphilo yakhe kantsi nato tinyoni uma selishona lilanga tiyalala tingasandizi. (2) 5.1.7 Kumuntfutisa ngobe sonkondlo ukhuluma ngamatilasi lokhulumako/utsatse matilasi longenamphefumulo wamenta waphila/wamnika timphawu temuntfu/matilasi umtsatsa njengemuntfu. (KUBILI kwaloku.) (2) 5.1.8 Sicedzelelamcondvo/Luchumanomcondvo/I-Enjambamenti ngobe umcondvo losemgceni longenhla uphelela emgceni lolandzelako. (2) 5.1.9 Ngumlayeto wekutsi tifiso temuntfu losasishiyile emhlabeni tibolandzelwa ngobe umufi usuke acacisile kutsi ufuna kwentiweni ngelifa sekashonile. (2) 5.1.10  Endzimeni ye-3 sonkondlo utsi akambatsiswe ingubo lenemabala lasikhombisa nakhololo.  Endzimeni ye-4 sonkondlo utsi nakangasekho emhlabeni ucela bambitele bafundisi besive batoshaya tigubhu.  Endzimeni ye-5 sonkondlo utsi nakangasekho emhlabeni umkakhe LaMphephetse angamkhaleli kodvwa akatikhalele yena. (Timphendvulo titawehluka). (3) Emalungelo agodliwe Phenya

Downloaded from hlayiso.com Siswati Lulwimi Lwekucala Lwekwengeta (FAL)/P2 11 DBE/Lweti 2018 NSC – Ticondziso tekumaka 5.2 'SILOMO SAKULELI' – SL Sigudla 5.2.1 B/Luchumanosicalo. (1) 5.2.2 D/Sidvonsamoya. (1) 5.2.3 Imvumelwanosicalo. (1) 5.2.4 Sifaniso. (1) 5.2.5 Emagama ayalingana mane, imigca mibili. (2) 5.2.6 Ulibhubesi, sonkondlo ubita Madiba ngelibhubesi. (2) 5.2.7 Ligama lelitsi, 'chawe' likhetseke kahle ngobe vele Madiba waba lichawe ngekuphumelela kuletsa inkhululeko esiveni saseNingizimu Afrika. (2) 5.2.8 Sonkondlo bekacondze kusitjela kutsi Madiba wayilwela inkhululeko yelive laseNingizimu Afrika wangabuyeli emuva njengemamba wancoba ekugcineni. Kusho kutsi bekahlakaniphile engcondvweni. (2) 5.2.9 I-Ephiki ngobe ilandzisa ngetehlakalo tembangave letenteka ngesikhatsi Madiba alwela inkhululeko nekuphatfwa ngekungalingani kwebantfu bonkhe. (2) 5.2.10 Sonkondlo bekasesimeni sekubongelela, ubongelela imisebenti lemihle leyentiwa lichawe laseNingizimu Afrika lelinguMadiba. (2) 5.2.11 Sihloko siyahambelana nalokushiwo yinkondlo ngobe vele Madiba usilomo selive laseNingizimu Afrika, waletsa inkhululeko esiveni lesimnyama ngekulwelwa emalungelo aso, wahlala iminyaka leminyenti ejele. (2) SAMBA SESIGABA D: 35 SAMBA SAKO KONKHE: 70 Emalungelo agodliwe